QUATRIESME LIVRE

De ce qui s’est fait en Lorraine devant la puissante cité de Mets et pays de Picardie, tant par l’armée de l’empereur que celle du roy, en l’an 1552.

(1552) Le roy, comme j'ay discouru, fut contraint de rompre son camp dès la fin du mois de juillet, tant pour les grandes maladies qui y survenoient, causées des non accoustumées chaleurs précédentes, que pour l’abondance de pluyes qui commencoient desjà à tomber en ces pays occidentaux et froids; et voyant son armée journellement se desfaire, pour la rafreschir et soulager, la feit mettre et départir ès garnisons, avec estroites défenses, tant à la gendarmerie que fanterie, de n’en départir et s’absenter, se doutant que l'empereur, prince de grand cueur, ne laisseroit passer le surplus de ceste année sans, en quelque sorte que ce fust, tenter tous moyens pour avoir sa revanche. Mais, nonobstant ceste ordonnance, la pluspart des soldats ne tindrent aucune garnison, et n’y eut ordre que, pour reveoir leurs femmes et enfans, aucuns à toute haste ne gaignassent leurs domiciles ; les autres, pour se remonter et remettre en équipage, ceux principalement qui avoient fait pertes en ce voyage ; et ceux qui avoient amassé butins, pour les rendre et conduire en leurs maisons. Aucuns aussi estans malades s’efforçoient d'atteindre ou leurs propres habitations ou de leurs amis, ou bonnes villes, pour se rafreschir et recouvrer santé. Par quoy, entre tous ne demeura que les estrangers et les plus loingtains; qui fut en partie cause que tant promptement que le besoing requéroit le roy ne peust rassembler son armée, et en partie l’opinion que chacun tenoit que l’empereur estoit mort, ou de pouvoir fort dénué, veu qu’il n’avoit fait aucune résistance ny à ce duc Macrice ny à nous, qui avions à la rigueur ainsi traité ses pays et subjects. Toutesfois depuis chacun se trouva fort estonné quand par toute la France fut publié et mandé expressément à tous soldats de retourner à la guerre, et sur le commencement de l’hyver, ayant le roy receu advertissement qu’ès Allemaignes estoient faites diverses le-

em mens à de - — eme meme me

vées de gens de guerre, et la pluspart à l’adveu de l’empereur, sans qu’on sceust à la vérité où on les vouloit employer, sinon par quelques rapports et présomptions qui menassoient Mets devoir estre assaillie,

Pour à quoy obvier, et afin de prouvoir en diligence à la fortification de celle grande ville, le roy envoya dès le commencement du mois d'aoust M. de Guyse, tant pour l’esgard de l’amitié et révérence que ceux de ce pays portent à ce prince et à tous ceux de sa maison, que pour se confier en sa prudence et bonne conduite ; lequel, nonobstant la brèveté du temps et lincrédible labeur, usant de toute la commodité que la saison luy permettoit, non-seulement la fortifia et prouveut de toutes choses nécessaires, mais, l'ayant gardée et défendue contre toutes les forces que le plus grand prince de l’Europe pouvoit assembler, en a acquis une immortelle et glorieuse renommée par tout le monde. Si-tost que ce prince y fut arrivé, à fin d’estre mieux adverti où l’empereur proposoit conduire toute ceste grande armée qui se dressoit aux Allemaignes, à raison d’un bruit qu'on disoit le roy des Romains la vouloir mener en la Transsylvanie contre le Ture, envoya en di vers lieux explorateurs afin d'en apprendre aucunes nouvelles certaines. Lesquels, estans de retour, rapportèrent que pour vray ces préparatifs estoient mis sus pour le recouvrement de Mets; car l’empereur cognoissantla première fureur des François estre violente et d’abordée intolérable, nous avoit laissé jetter nostre premier feu, espérant après recouvrer la commodité de se pouvoir venger ; et pourtant appaisa (nonobstant toys intérests), premièrement ces tumultes des Allemans, et se réconcilia avec le duc Maurice en eslargissant le landgrave de Hessen, son beau-père, et le duc Jean de Saxen, son cousin-germain, cognoissant ce due de Maurice estre homme subtil, et celuy qui luy pouvoit nuire ou ayder en ses entreprises.

Quant aux autres princes et seigneurs (des- ,

quels, à mon opinion, volontiers se fust vengé s'il ne s’en fust voulu servir en ce mesme ‘affaire), il les attira et endormit si doucement au son de ses amiables parolles et promesses, ‘que ils ont esté les premiers à luy donner enltrée et accès ès principales villes de toute la Germanie, comme à Auspourg, Nuremberg, Ulme, Francfort, Spire, Strasbourg et autres, èsquelles si bien besongna avec ses persuasions, qu’il en tira argent, armes, hommes et toutes provisions de guerre, leur faisant grandes protestations, ct les assurant devoir estre employées au recouvrement de ces trois cités franches, Mets, Verdun et Thoul, desquelles il se promettoit mettre hors facilement les François ; et de tout le duché de Lorraine chasser entièrement, mesprisant et blasmant le voyage que le roy avoit fait en leur pays, le desguisant avoir esté entrepris plus à leur désavantage,

diminution de léur grandeur et biens, que pour

la publique liberté. En quoy je ne puis que je ne m’esmerveille de la trop facile crédulité de ceste gent, veu que lorsqu'il usoit de tels langages pour les distraire de l'alliance et amitié du roy, à peine pouvoient estre reparées les grandes bresches qu’il avoit fait en leurs villes, à peine pouvoient estre leurs despouilles départies entre ses soldats, lesquels, à peine pou voient estre hors de leurs maisons dont avoient esté déchassés, et eux remis en liberté par le duc Maurice à la faveur du roy, et desquels encore ne pouvoient estre mis en oubly les estranges ravissemens et rançonnemens. Je ne scay aussi s'ils avoient point aucune cognoissance de son intention, qui estoit de s'emparer desdites trois villes franches, et les adjouster à son propre, comme il a fait Cambray, les fortifier et munir d’Espagnols, comme aussi il proposoit autant en faire de tout le duché de Lorraine, à fin de clore le passage aux Francois, et leur oster le moyen de pouvoir secourir les Germains et délivrer de sa servitude, voulant semblablement, par cest accès, eslargir ces limites sur les pays du roy.

Donc les persuasions de l’empereur eurent telle vertu et efficace à l’endroit des Estats du Sainct Empire et les villes franches, qu’il luy fut ottroyé et fourni un gros nombre de gens de guerre payés pour un certain temps. Oultre, feit venir de ses villes enseignes de fante-

FRANÇOIS DE RABUTIN

[1559] rie, tant d’Espagnols que d’Italiens, un autre

, grand nombre qui estoient ès garnisons des

forteresses d'Italie, Lombardie et Piedmont ; avec ce, de la Franche-Comté et haulte Bourgongne et de ce qu'il tient encore au duché de Luxembourg, il tira un autre grand nombre, tant de cheval que de pied; de Hongres, Polacques, Bohêmes, autre grand nombre, principalementä cheval, dequelsestoit général legrand séneschal de la Moravie. La royne Marie luy envoya assez bon secours de Flamens, Hennuyers et Walons, desquels estoit général le sieur de Brabanson. Et quant à nommer par.

ticulièrement les chefs d’une si grande armée, telle que ce prince amena devant Mets (sinon des plus grands et principaux) il m’est très difficile, pour n’en avoir eu aucune apparente cognoissance. On disoit que le duc d’Albe estoit son lieutenant général et colonel sur tous les Espagnols, duquel estoit lieutenant de la cavallerie espagnolle le seigneurs Loys de Avilla ; le marchis de Marignan estoit chef et colonel des Italiens; un comte d’Allemagne estoit lieutenant-général du marchis Joachim de Brandebourg, sur les Allemans. Sur d’autres commandoient le comte de Nanssau ! et le sieur de Bossu. Le comte d’Aiguemont ? estoit général de certain nombre de cavallerie. Pour conclusion, le commun bruit estoit en ceste grande armée estre près de deux cens cinquante enseignes de gens de pied de diverses nations, et près de vingt ou vingt trois mille chevaux combattans.

Cependant que ceste grande armée s’assembloit aux Allemagnes, Ferdinand, roy des Ro.

mains et de Hongrie, en faisoit dresser une au tre pour mener en la Transsylvanie contre le Turc, qui descendoit ceste part avec une très grande puissance ; à raison de quoy estoient faictes diverses levées dont faut présupposer que de l’armée, laquelle le duc Maurice avoit assemblé estant d’accord avec l’empereur et restitué en tous estats et biens, une partie s’en alla avec luy en ce voyage contre le Turc. Et pour ce qu’en ce traicté n’estoit compris, ainsi que peut estre vraysemblable, le marchis Albert de Brandebourg, ou pour certain autre mescontentement, se sépara, prenant son chemin à travers l’Allemagne, avec le duc de Zimmeren, parent du comte pelatin, landgrave de

(1) Nassau. — (4) Egmont.

Lytembourg, le comte Ludovic d’Ottingen, le le comte d’Altembourg et d’autres vaillans hommes des reliques de la guerre des Allemans contre l'empereur, qui, estans assemblés au nombre d'environ soixante ou soixante-deux enseignes de gens de pied et près de deux mille chevaux, selon leur dire, venoiekt au service du roy, et portoient en leurs enseignes desployées les armoiries de France, vivans néantmoins, soubs ce prétexte, d'autre facon que le droit ny équité le permettoient ; ce que continuèrent jusques à Trèves, ville impérialle, laquelle à leur venue ils pillèrent avec grands excès. Le roy, adverty promptement, envoya lPévesque de Bayonne devers le marchis Albert pour entendre son intention et convenir avec luy de sa solde et de celle de ses gens, qui continuoient leur facon de vivre soubs le tiltre et adveu du service de France, endommageans les ennemis en toute sorte, mesmement sur les limites du duché de Luxembourg. La première response de ce marchis fut honnesie et gracieuse, disant, quant à son appointement, n’estre venu au service du roy pour un proufit particulier et espérance d'y thesauriser ; mais que toute sa vie avoit eu désir d'employer sa personne, biens et puissance pour luy faire entendre combien il avoit souhaité, et encore désiroit d'entreprendre chose qui fust agréable à Sa Majesté, pour le bon zèle qu'il y avoit cogneu d’avoir favorisé à la réduction des franchises et libertés de la Germanie; et que pour ceste raison s’estoit départy et séparé d’avec le duc Maurice, estimant le roy tant juste et équitable, qu’il feroit donner suffisance solde et appointement à ses soldats, hommes esleus et vaillans, prests à mourir pour son service, et qui de raesme intention l’avoient suivy, adjoustant davantage plusieurs autres bons propos qui seroient trop longs à réciter. Mais le roy et son conseil regardoient les choses de plus loing, et se desfoit-on que l'empereur ne fust après ce marchis pour le pratiquer, se monstrant quelque opinion et apparence que son appoinctement estoit desjà en terme que l'empereur avoit tousjours délayé à conclure, espérant le prévenir, et soubs ceste dissimulée fiance le serrer et joindre de si près avec son armée, qui estoit en campagne, qu’il l’auroit à tel marché et condition que désiroit. Dequoy, à mon advis, ce marchis se doutoit, ayant en

GUERRES DE BELGIQUE, LIVRE IV

fresche mémoire le traitement qu'il avoit veu estre fait à ses parens et alliés. Par quoy tendoit à gaigner tousjours le devant, s’asseurant, s’il pouvoit attaindre les pays du roy, et se seroit mis à sauvcté, que ne luy pourroit manquer d’estre receu du roy, ou que l’empereur seroit encore fort aise de le retirer à luy, et accorder ce qu’il demanderoit, ainsi qu’on a veu depuis estre advenu. Toutefois j’ay ceste ferme opinion que si dès lors se fust voulu arrester et recevoir les raisonnables offres que le roy luy présentoit, en toutes choses eust cogneu la différence de la fidélité de ces deux princes. Sur ces menées secrettes, ce marchis ne laissa de passer outre; montant contre mont la rivière de Mozelle et costoyant Théonville, vint camper à Roranges, trois lieues près de Mets, où, si-tost qu'il fut arrivé, envoya demander vivres à M. de Guyse pour la fourniture de son armée; lequel, tant pour oster toute occasion à ce marchis de former un mescontentement sur un refus, encore qu’il fust raisonnable, feit tout ce que luy fut possible de luy en départir pour aucuns jours. Ce que toutefois estant par luy mal considéré, ne désistoit de l’importuner journellement pour en tirer en aussi grande abondance comme s’il n’east esté question que de les prendre à son plaisir, sans avoir esgard à la nécessité future ny au lieu où ce prince estoit ordonné qu’il devoit garder pour temps incertain. Et par tant de fois l’importuna qu’il fut contraint de luy remonstrer par le seigneur Pierre Strossy que la raison de la guerre, qu’il n’ignoroit pas, ne permettoit qu'on défournist une place de garde, mesmement de telle importance que Mets, des vivres et provisions dont elle seroit munie, pour les distribuer à un camp qui seroit maistre de la campagne, et qui pourroit suyvre autre chemin et pays, comme devers les salines, pays très fertil, auquel non seulement trouveroit toute commodité de vivres, mais, en les mangeant et consumant, désavantageroit d'autant l’ennemy de les y pouvoir recouvrer. De ceste raison, du commencement ce marchis se monstra cstre contenté, et sembloit qu’en premier cest advis eust esté bien receu de luy, mesmes demanda

un homme qui sceust le pays, pour ly con-}

duire et mener. À quoy fut ordonné par M. de Guyse, et de Mets expréssement envoyé Gaspard de Huz, gentilhomme natif de Mets. Tou-

tefois en peu d'heures changea de propos; car, au licu de prendre chemin vers les salines, il s’approcha davantage à une lieuc près de Mets, et vint camper en un licu appellé Acy, où il féit quelque séjour, usant de toutes les ruses qu’il pouvoit imaginer pour, soubs couleur de se démonstrer bon serviteur du rov, et se faindre tel envers M. de Guyse, le surprendre et mettre en danger toutes choses, ou les troubler par un désordre, si la prudence de ce prince n’eust esté si grande que de le prévoir et y remédier. Puis ayant ce marchis à divers logis tournoyé toute ceste contrée, après estre retourné devers Trèves pour en retirer un nombre de ses soldats qu’il y avoit laissé, finablement dévalla au Pont Camouson, sans toutefois avoir encore rien résolu avec l’évesque de Bayonne, tant de son appointement que de la solde de ses gens, combien que de rechef le roy eust renvoyé le sieur de Lanssac devers luy pour la mesme cause. Ce néantmoins ne peust avec luy aucune fin conclure, iraisnant toujours cest effect en diversité de demandes colorées de belles parolles, en quoy estoit malaisé d’asseoir bon fondement. Et pourtant on entra davantage en souspecon de luy, et la première desfiance commença de croistre plus qu'auparavant. Parquoy le plustost que faire se peust, le roy feit assembler son camp à Sainct-Michel{, petite ville de Lorraine sur la rivière de Meuse, six lieues à costé de Pont Camouson, autant de Verdun, et à dix grandes de Mets, où se trouvèrent M. le connestable, le due de Nevers, le comte d'Anguian, le prince de Condé, le comte d’Aumalle, le seigneur de Roban, le mareschal de Sainct-André, le seigneur de Chastillon, général de toute la fanterie françoise, le comte de Villars, le scigneur de Bordillon, ordonné lors mareschal de camp, le

comtes Ringrave et Recroc avec leurs régi-

mens de lansquenets, et plusieurs autres grands seigneurs et capitaines.

Quant à l’armée impériale, elle cstoit toute preste et s'engrossissoit journellement, ayant tellement desjà cheminé, qu’estant arrivée à Deux Ponts s'estoit eslargie et estendue par tont le pays de Vaulges ; en sorte que nécessairement estoit requis de loger et faire entrer dedans Mets tout le secours, tant d'hommes

{4} Saint-Mihiel.

FRANCOIS DE RABUTIN

me

d'artillerie, et toutes munitions qu’on avoit deliberé d'y envoyer. Et pourtant le plus cornmodément que fut possible, de ce lieu de Sainct Michel M. le connestable y envoya les compagnies de gens de cheval et de pied qui pour ce estoient ordonnées. Et eut le seigneur Orace Farneze, duc de Castres, la charge et conduite dudit secours, menant avec luy un nombre de pionniers et de pouldres, pour de tant plus renforcer ceste ville, non toutefois en si grande quantité que M. le connestable cust bien voulu, et qu’il eust fait sans le doute de ce marchis, qui estoit toujours au Pont Camouson, estans ses hommes sur le plat pays de l'environ, abandonnés à maux intolérables, robbans, pillans et ne laissans que ce dont ils ne faisoient cas, ou que ne pouvoicnt porter ne traisner; cc qu'on trou.a estrange, et qui de beaucoup augmenta la desfiance qu’on eust peu avoir de luy. Néantmoins pour l’amener à toute raison, furent envoyés devers luy MM. d’Aumalle, de Chastillon, et le comte Ringrave, à fin de le prier vouloir faire cesser ce dégast et destruction de peuple, et finalement pour résouldre avec luy le dernier accord de son ap-

pointement et solde de ses hommes. Lors se

manifesta grandement le doute qui estoit auparavant formalisé de luy en nuée, rendant une response ambiguë et austtre avec un maintien d'homme despité et mal content, demandant presque la moitié de la rançon d’un roy pour appointement. Et quant à la facon de vivre de ses hommes, sur cela feit response qu’il estoit amy du roy et allié de la maison de Lorraine, mais qu'il vouloit que ses soldats eussent à vivre, et qu'ils en prinssent où en trouveroient ; au refus estoit résolu de ce queil avoit à déterminer, et où se devoit retirer. Ce qu'estoit vray, car l’empcreur le voyant eschappé et hors de son pouvoir, par tous moyens le feit solliciter et attirer à soy, le remettant en tous ses biens, luy faisant les plus belles offres et promesses du monde, avec lesquelles de long temps scait allaicter les hommes inconstans; qui estoit cause de faire varier ce marchis, et le tenir suspens, faisant de cecy fort évidente preuve le refus des deniers que M. le connestable luy envoya.

Toutes ces choses mettoient M. le connestable et le conseil en grande diversité d'opinions, voyans l’empereur avec une très grande armée

ES

GUERRES DE BELGIQUE, LIVRE IV

s'approcher journellement, ce marchis estre jà

en pays bien avant, solicité de l’ennemy, avec les armes au poing, prest à exécuter divers maux ; du costé de Picardie aussi l’ennemy estre jà en campagne avec une grosse armée, bruslant et fouldroyant tout où il passoit. Et à bref dire, l'on pouvoit préméditer et penser devoir advenir divers malheurs, si le supreme Seigneur n’eust usé de pitié envers nous, détournant le succès et infortuné advénement de tant de prochains dangers et les changeant en meilleures adventures, dont nos esprits s’asseuroient que le Seigneur nous garderoit, et à nos prières qu'il rendroit tant plus prompt l'esprit de M. le connestable à remédier à ceste petite nécessité. Car estant l’empereur arresté malade de ses gouttes, et, tant pour ceste cause que pour l’importunité du temps, séjournant son armée en la comté de Vaulges, à la plus grande diligence que fut possible on serra nostre armée à Sainct Michel, renforcée tant de fanterie françoise, Allemans et Suisses, au nombre de près de trente mille hommes de pied, que de sept à huict mille chevaux. Parquoy commençasmes à mieux espérer et reprendre cueur ; tellement que l’advis de beaucoup estoit d’aller desfaire ce marchis ce pendant que celle du plus grand ennemy estoit loingtaine, ne pouvant faire sa retraitte en lieu asseuré pour luy ne ses hommes, sans estre affamé et ruiné.

Toutefois d’autres trouvérent et choisirent ceste délibération meilleure, puis qu’on l’avoit trouvé de si fascheuse convention, que seroit bon tirer de dessoubs son æsle, et soustraire la meilleure part de ses capitaines et soldats par le moyen et cognoissance de nos Allemands, avec la seurté de leur faire bon traictement; ce que fut si bien conduit, qu'avec grand mutinement entre eux un colonel, nommé Reifberg, avec son regiment, dès lors accepta le parti françois et se retira devers nous.

Ce marclis voyant l’armée de France qui g’enfloit tous les jours, luy estant fort voisine, que desjà on murmuroit de luy appareiller une cargue, et que ses soldats se mutinoient, desquels plusieurs à la file se rangeoient de nostre costé, et par tous ces accidens estre en péril d’estre surpris et enclos, feit entendre à M. le connestable, puisque ne plaisoit au roy l’accepter et retenir à son service, ne luy voulant accorder appointement et paye raisonnable,

———— ms ——

qu’on luy donnast passage pour se retirer, disant, pour couvrir son intention, que là où en autres lieux sur les terres de son ennemy, luy pourroit faire service autant ou plus que celle part, et pourroit conquérir terres qui luy demeureroient perpétuellement, sans s’arrester à petite chose, protestant toutefois sur sa foy de ne prendre party avec l’empereur contre luy.

De cecy le roy adverty, et ceste affaire bien disputée au conseil, fut opiné le plus expédient de faire pont à l’ennemy se retirant, que mettre les armes en la fournaise pour les eschauffer davantage, tant pour asseurer le peuple de lim pétueux advénement de cest homme ne cherchant que son adventure sans respect de sa vie, que pour honnestement le convoyer et contenter. Car de vouloir combattre à main forte (encore que la fortune nous fust favorable) ne pouvoit advenir la victoire sans perte peut estre de beaucoup de vaillans hommes dont le roy avoit lors bon besoing, estant prochain un ennemy plus grand que l’autre : à fin aussi par prudente considération que ne nous fust reproché avoir desfait un qui venoit à nostre se- Cours, mesmement de nos anciens amis et confédérés les Germains. Pour ce demoura près de luy l’évesque de Bayonne pour seurté et conduite à luy faire donner libre passage par tous les pays du roy. D’autre part, fut ordonné M. d’Aumalle pour le costoyer avec environ deux cens hommes d’armes et cinq cens chevaux légers,

Ainsi ayant séjourné environ trois sepmaines ou un mois à l’entour de Pont Camouson, sæ leva, et, suyvant la vallée, se vint asseoir et camper en la prairie au dessus de Thoul, sur le bord de la rivière de Mozelle, estant la généralle opinion qu'il vouloit donner dedans la Franche Comté et la comté de Ferette. Durant l'espace d’environ quinze jours qu’il y feit séjour, Dieu scait les vacarmes et estranges extortions que ses soldats faisoient sur le commun peuple à l’entour. Le peuple, estimant que M. d’Aumalle fust constitué pour y mettre ordre, incessamment s’addressoit à luy avec grandes plaintes, pour l’esmouvoir à pitié et compassion. Entre autres luy fut raporté que ces barbares avoient forcé et saccagé une maison de gentilhomme prochaine de Thout, ou ils avoient perpétré et commis des malheurtés incroyables. Parquoy M. d’Aumalle escrivit et manda à ce

marchis qu’il eust quelque esgard à la foule et oppression de ce pauvre pays neutre, et qu’il eust souvenance de l'alliance qui estoit entre luy et la maison de Lorraine. Dequoy il ne feit grand compte, mais continuoient ses soldats à faire de pis en pis, dont redoubloient ordinairement les clameurs addressées à ce prince, tant qu’il fut contraint finalement de respondre à ce populaire qu’il ne pouvoit autrement y remédier, et ne vouloit oultrepasser sa charge. Et dès lors les communes commencèrent à se mutiner et s’assembler, et où ils les trouvoient escartés en despéchoient le pays et les assommoient comme pourceaux. Ce que estant venu à la cognoissance de ce marchis, envoya son trompette devers M. d’Aumalle, l’advertissant du sacment et perte de ses gens, laquelle se doutoit advenir à son adveu. Auquel M. d’Aumalle feit response qu’il scavoit assez l’asseurance et promesse que luy avoit esté faite, à scavoir de luy donner passage libre et ouvert pour se retirer sans porter dommage aucun aux Francois ny à leurs alliés, qu’il asseuroit luy avoir esté maintenu et gardé; mais que de son costé ne s’acquittoit justement de ce qu’il avoit promis, pour les oppressions et foules que faisoient ses gens, encore en pays neutre et non ennemy, pour lesquelles les communes estoient fort mutinées, tellement que s’il n’y mettoit ordre mal luy en pourroit advenir. Le semblable ce marchis manda par un gentilhomme de ses plus favoris au seigneur d’Esclavolles, gouverneur de Thoul, plus, à ma fantaisie, pour avoir cognoissance du dedans de la ville, des fortifications, des soldats et de toute la police, que pour autre raison. Toutefois le recueil luy fut fait si honneste, et la conduite tant prudente, avec une response sage ct gracieuse, qu’il n’entendit et ne veit chose de grande importance, ne dont il luy peust faire dangereux rapport.

En ceste opinion ce marchis deslogea d’auprès de Thoul, et luy redoubla de beaucoup plus le jour ensuivant son mescontentement.

Car, au partir de Thoul, à la première stance qu’il feit, alla camper au long d’un estang, sur un marets; et tant mal luy advint, que celle nuict il pleut comme si le ciel se fust ouvert, tant que il ne cuida jamais trouver les moyens de s’arracher de ces paluds, ny en faire mettre hors son artillerie, estant embourbée jusques

FRANÇOIS DE RABUTIN

aux affutset moyeaux de roues. Enfin, tant travailla avec grands efforts d'hommes et chevaux, qu’il s'en meit hors. En cela pouvant cognoistre que M. d’Aumalle n’estoit là envoyé pour luy nuire, selon que le lieu et le temps estoient commodes, etcomme beaucoup d'hommes volontairement luy conseilloient. Mais nous laisserons le marchis en ces mauvais chemins, pour parler de ce qu’adonc faisoient les armées du roy et de l’empereur.

Nous estions desjà bien avant au mois d’octobre, quand l’armée impérialle estoit encore au pays de Vaulges et devers les Deux Ponts, estant tousjours l’empereur mal disposé, aussi qu’il attendoit le secours des Pays-Bas qui n’estoit encore arrivé, et son artillerie et munitions qu'il faisoit amener sur le Rhin, jusques à Confluence, pour de ce lieu la faire monter contremont sur la rivière de Mozelle, jusques auprès de Mets; et pource que les plus grandes froidures de l'hyver commencent en ceste saison, ce séjour faisoit penser à beaucoup de personnes que l’empereur n’entreprendroit si tard tant grande besogne, et qu'il n’exposeroit une tant belle et bien complette armée à cuider vaincre et la rigueur du temps, et une ville bien pourveue; mesmement, selon le rapport des espions, la pluspart de tous ses capitaines estoient de cest advis, et luy conseilloient de plustost essayer à recouvrer toutes les autres petites villes, tant du duché de Lorraine que sur la frontière des duchés de Barrois et Luxembourg ; èsquelles feroit hyverner son armée et la tiendroit à couvert toute la mauvaise saison, cependant que ceux de Mets, seroientcontraincts de manger leurs vivres et consumer leurs munitions; estans tousjours néantmoins tenus en subjection par les courses que ses soldats fcroient sur eux et ès environs, pour de plus en plus les affoiblir et leur oster tous moyens de recouvrer vivres, dont se trouveroient avoir faute sur le temps nouveau : lors il les pourroit à son grand advantage assaillir; au contraire luy remonstroient qu'avant qu’il eust ordonné de la disposition du siége de ceste grande ville, ct que son artillerie fust assise et préparée pour la battre, l’hyver seroit entièrement venu; qui seroit cause d'interrompre tous moyens, tant par neiges ct froidures faisant mourir grand nombre de ses soldats, que pour

(1} Coblentz.

la difficulté qu’on auroit à recouvrer vivres, estans détenus et arrêtés par la contrariété et indisposition du temps, comme aussi pour estre sur les chemins destroussés et destourbés par les Francois. Davantage, avec la perte y pourroit recevoir une telle et tant grande honte, qu'il voudroit en après luy avoir cousté sa couronne d’empereur, et ne s’y estre trouvé; Car ayant esté combattu et en partie desfait par la fureur et violence du temps, il avoit encore un autre ennemy fort et puissant, qui p’attendoit que l’occasion pour de tous poincts le ruiner. Cest advis, encore qu'il fust le plus certain pour l’empereur, ne fut pourtant tel receu de luy. Maïs ayant l'esprit picqué et solicité de un extresme désir de se venger, oublioit tous accidens et périls pour mettre heureusement à fin un seul poinct par lequel on peust cognoistre qu'il se seroit vengé du roy; et entre autres luy sembla meilleur de s’addresser premièrement à ceste ville de Mets, dedans laquelle il scavoit estre beaucoup des principaux princes et grands seigneurs de France; au surplus qu’elle estoit parfaitement fournie et pourveue de grandes munitions : parquoy luy sembloit que, si dedans le surplus de ceste année, pouvoit tant bien besogner que seulement la peust recouvrer facilement par le moyen des prisonniers qu'il auroit trouvé dedans, pourroit obtenir et r’avoir ce que le roy auroit prins sur luy, sinon qu'il s’aidcroit de nos mesmes bastons et préparatifs pour nous y contraindre; et qu’estant venu au dessus, et ayant subjugué ceste première et principale forteresse où estoit la fleur des soldats françois, il se promettoit aisément venir à bout des autres moindres; tant y a (quelle que fust l'intention de l’empereur) qu'il s’achemina avec son armée devers la rivière de Mozelle, sans toutefois suyvre le droit chemin, comme s’il eust voulu descendre vers Théonville et le duché de Luxembourg; de quoy M. de Guyse adverty, pour ne laisser perdre et demeurer en proye une des vieilles enseignes du capitaine La Prade qui estoit dedans Roc de Bach, donna si bon ordre, qu’à la veue des ennemis, moyennant la faveur d'une escarmouche que M. de Nemours et le comte de La Roche Foucault dressèrent devant Théonville, ladite enseigne (ayant mis le feu par tout ce chasteau) fut retirée et mise à sauvetéavec la meilleure partde l'artillerie quiestoit là dedans. XVI" siècze, La PI. et La PI.

GUERRES DE BELGIQUE, LIV. IV

M. le connestable avoit tousjours attendu à Sainct-Michel, pour veoir et cognoistre ce que l'empereur voudroit entreprendre : ayant sccu que l’armée impérialle marchoit tenant le chemin susdit, doutant l’advénement de diverses choses , entre autres que, délaissant Mets, ne s’adressast à Verdun qui n’estoit encore fort ne presque en bonne deffense, ou à quelque ville foible etdespourveue, feit pareillement marcher l’armée françoise et s’approcha près de Verdun, en laquelle ville estoit lieutenant pour le roy M. le mareschal de Sainct-André, avec sa compagnie de cent hommes d'armes, et le sieur de Tavannes, qui en estoit gouverneur, avec la sienne de cinquante hommes d'armes, et huict enseignes de fanterie francoise de la légion de Champagne, deux compagnies de chevaux légers et autant d’harquebusiers à cheval; lesquels sans cesse jour et nuict faisoient travailler à la fortification, faisant amener et remplir ceste grande ville de bleds, vins et tous vivres qu'on pouvoit trouver à l’entour. Autant en faisoient, s’efforcant de mieux en mieux améliorer leurs places, le sieur de Rabaudanges, gouverneur de Danvilé , et le sieur de Blaineau, lors gouverpeur d'Yvoy, et le capitaine Baron, gouverneur de Montmédy; jà-soit qu’elles fussent desjà fortes et bien munies, si veilloient-ils continuellement pour adjancer ce que présumoient y falloir et estre nécessaire.

Or ne restoit plus que la ville de Sthenay (autrement par langage corrompu appelée Astenay), laquelle, s’il fust advenu que l’ennemy eust prins la campagne , l’on estimoit que elle auroit le premier assault, tel peult-estre qu’elle n’eust peu soustenir, estant donc dénuée et despourveue de toutes choses, combien qu’auparavant le feu roy Francois l’eust fait remparer et fortifier pour luy servir de quelque umbre ou parement contre ceux du duché de Luxem bourg; qui depuis luy ayant esté remonstrée sa mauvaise assiette, et plus incommode pour luy, si après lavoir fortifiée elle tomboit ès mains de l’ennemy , feit démollir et sapper en plusieurs endroits les forts et boulevers, et ruiner les flancs et deffenses, la remettant ainsi au domaine du duc de Lorraine. Et derechef le roy l’ayant recouverte et mis hors les Bourguignon: qui l’avoient saisie, et qui commencoient à ls réparer, comme j’ay discouru précédemment .

pour s’en ayder contre luy, l’avoit toujourste.

FRANÇOIS DE RABUTIN

nue en ses mains, sans toutefois y avoir rien : blant d'avoir peur ne de se vouloir rendre. Les

adjousté de nouvelle fortification , ains seulement pour empescher que elle luy fust dommageable. Quelque temps après, luy estant remonstré par M. de Nevers qu’on la pourroit rendre forte et défensable, et que luy-mesme sans danger entreprenoitdela garder,dèslorscommanda à estre cherchés et employés tous moyens et artifices pour la fortifier en extreme diligence; à quoy ce prince se rendoit volontairement tant subject et enclin, que tout grand labeur luy sembloit plaisir pour parfaire cest œuvre, qui luy estoit en telle recommandation, qu'on le trouva de beaucoup et du principal avancé, avant qu’on présumast les fondemens estre encore assis.

Et non-seulement à ces remparts et fortifications M. de Nevers avoit l'esprit vigilant et adonné, mais estant adverty qu’en une petite ville nommée Vireton, prochaine de Sthenay de cinq lieues, s’estoit assemblé un nombre de volleurs et bannis, ne vivans d’autres proyes que de volleries et destrousses qu'ils exerçoient ès environs; prévoyant que si le siége arrivoit devant Sthenay, ce réceptacle de brigands pourroit estre fort propre aux ennemis à y retirer leurs vivres, munitions et toutes nécessités, avec une conduite si prudente et secrette les alla surprendre, si qu’un matin avant qu'ils le pensassent être encore esveillé, n’ayans aucun moyen de se sauver ou avoir secours, se trouvèrent enclos et cnveloppés par ce prince, accompagné de dix enseignes de fanterie françoise, à scavoir : deux de Verdun, deux de Danvillé, deux d’Yvoy, deux de Montmédy, et des deux de Sthenay; de cavallerie, des compagaies de M. le duc de Bouillon, des sieurs de Jametz et de la Roche-du-Maine ; des chevaux Kgers et harquebusiers à cheval du capitaine Sapoigne, et de plusieurs gentilshommes de sa maison ; lequel, estant ainsi arrivé devant ceste ville, afin d'exécuter promptement sa délibération, la feit battre le plus soudainement que se peut faire, sans donner loisir de faire tranchées nedresser gabions; mais estant couvertel’artillerie seulement d’ais, tables, portes, charettes, et ce que sur le champ on pouvoit trouver pour mettre au devant, la feit asseoir et bracquer si à poinct, qu’en peu de temps la muraille fut fort empirée et la brèche cogneue raisonnable, <e que ceux de léans endurèrent sans faire sem-

soldats françois voyans l'ouverture, avoient si grande ardeur d’aller à l’assault, impatiens de tant temporiser, que, sans attendre le commandement du prince, Le Chesne, enseigne du capitaine La Lande, suivy de quelque nombre de ses soldats, se lancea dedans le fossé pour donner , la teste baissée , droict à la bresche; qui toutefois fut vaillamment repoulsé par les Bourguignons , et fort blessé, dont depuis mourut. Arbelay aussi, enseigne du capitaine Baron, y fut tué, et beaucoup de vaillans soldats. Enfin les assiégés, voyans ct ne se sentans assez roides et forts pour soustenir un assault général , feirent signal de vouloir parlementer, requérans que l'on leur donnast quelque peu de respit, dedans lequel, s'ils n’avoient secours promptement, promettoient se rendre les vies et bagues sauves. M. de Nevers ne leur voulut accorder une seule heure de délay, ains leur feit response qu’à l'instant, s'ils ne se rendoient les vies sauves et à sa discrétion seulement, qu'ils attendissent l’assault et les feroit tous passer au fil de l'espée. Eux, ayans un peu pensé à ce danger, se rendirent à la mercy et discrétion de ce prince. Ce qui advint si à propos et à bonne heure, qu’il ne restoit plus que deux boulets de coulevrine. Eux sortis, pour ne donner loisir aux soldats francais de s’abuser au sac, le feu fut mis en divers lieux de la ville. Quant aux prisonniers, M. de Nevers leur avoit jà donné congé, quand fortune leur fut encore tant ennemie qu'ils furent recogneus par le capitaine Sapoigne leur voisin, fils de Gilles de Levant, autrefois gouverneur de Luxembourg pour l’empereur ; lequel Sapoigne remonstra à ce prince que le plus homme de bien d’eux tous avoit cent fois mérité la mort, et qu’il leur feroit encore grande grace de leur sauver la vie; et si on les mettoit en liberté, ce seroit leur donner moyen de faire d'avantage de mal aux François. Pour ce furent la pluspart d’eux retenus et ramenés prisonniers à Sthenay, depuis une partie renvoyés, réservés les principaux, mesmement le capitaine, nommé Dalaumont, autrement Maladerie et son enseigne, appelé Arbonnière.Toutes ces choses heureusement mises à fin dans cé seul jour, retournasmes le soir mesmes couchet

à Sthenay avec toutes les compagnies, réservé celles de Montmédy, lesquelles pour estre prochaines se retirèrent de ce lieu, leur estant fai

taines démolir et ruiner ce que le feu n’avoit peu desfaire et consumer de Vireton.

Le lendemain ayant dépesché le seigneur de Sainct-Symon pour porter les nouvelles au roy, qui estoit tousjours à Reims, et commandés au sieur des Pots, gouverneur de Sthenay, de recevoir des habitans de la ville le serment de fidélité au roy, partit pour aller trouver M. le connestable , qui faisoit temporiser l’armée du roy, attendant que voudroit attenter l’ennemy. Lequel, selon l’advertissement et rapports des espions, se trouvant avoir toutes ses forces assemblées, et le secours qu'il attendoit des Pays- Bas estant arrivé, avoit repris le chemin devers Mets, et s’estoit approché jusques à Serebruct, sept ou huict lieues près. Et peu de jours ensuyvans vindrent autres nouvelles comme le duc d’Albe, lieutenant général de l’empereur, et le marchis de Marignan, colonel des gens de pied italiens, avec quatorze mille hommes de picd , quatre mille chevaux et six pièces d'artillerie de campagne, s’estoient davantage approchés, jusques à venir recognoistre la ville et les lieux les plus commodes pour asseoir leur camp. Et ne s'acheva ceste leur entreprise sans une furieuse et brave escarmouche de nos soldats, qui, estans sortis, pour le commencement leur feirent veoir, et sentir à leurs soldats de quelle affection et volonté ils avoient délibéré de se défendre et les soustenir. En quoy les nostres acquirent dès-lors une grande réputation, tant de M. de Guyse que des ennemis; lesquels après se retirérent à Saincte-Barbe, deux lieues en arrière, avec peu d'avantage et perte de près de huict ou neuf vingts hommes; et de nostre costé y perdismes le scigneur de Marigny en Picardie, issu de l’ancienne et bien renommée maison de Salezart , et cinq soldats qui furent tués sur le champ. Les seigneurs de Mompha, lieutenant de la compagnie du seigneur de Randan, de Silly, le capitaine Sainct-Aulbin, le capitaine Soley et son enseigne La Vaure, et l’enseigne du Capitaine Gourdan, avec dix ou douze soldats, y furent blessés ; et peu de jours après moururent Silly, Mompha et La Vaure. J’ay bien voulu estrire ce mot d’advertissement et rapport qui nous en fut fait, à fin de donner à entendre qu’adonc n’estions tant esloignés que

n’en eussions souvent nouvelles; non que je |

(4) Saarbruck.

GUERRES DE BELGIQUE, LIV. IV

commandement de venir journellement par cen- :

vucille entreprendre de tant parfaitement narrer et déduire les escarmouches, sorties et tout ce qui s'est fait durant ce siége, comme beaucoup de gentils esprits d'hommes qui y estoient présens, et plusieurs fois se sont trouvés aux meslées, et après, de la mesme main qu'ils avoient combattu, escrivoient les faicts dignes de mémoire. Entre lesquels je puis nommer Salignac, gentilhomme de nostre temps, de méritée réputation tant aux armes qu'aux lettres, lequel en a tellement bien et selon la vérité escrit, qu’il n’estoit presque besoing en parler davantage, n’y en atteindre autre chose ; mais si quelquefois je viens à en dire aucuns poincts, c'est seulement pour m’acquitter de ma promesse et entreprise d’escrire les affaires ausquels je me suis trouvé, et selon les nouvelles qui nous estoient rapportées.

Pour reprendre donc notre marchis Albert, ( lequel M. d’Aumalle costoyoit tousjours avec tel désastre que l’importunité du temps luy en faisoit assez de preuve), ayant suivy ce chemin jusques assez près de Neuf-Chastel, continuans ses soldats leur première et accoustumée facon de vivre, estoit en fort grand travail d'esprit de ce qu’il avoit à faire ct conclure, ou de se retirer à fin de n’acquérir pour luy et les siens un immortel tiltre d’infidélité, ou d’entendre aux promesses et offres ausquels le sollicitoit l’empereur. A la fin (comme si la fortune eust eu plus de pouvoir sur luy que la vertu), se persuadant luy pouvoir succéder à son souhait, comme, au nom de l'empereur, le due d’Albe luy promettoit, qui ne prétendoit qu’à le divertiretinterrompreson proposé chemin pour retourner vers Sainct-Nicolas,adhéra et s’arresta à telles persuasions, non sans depuis en avoir ressenty la repentance.

M. d’Aumalle estant adverty de toutes ces menées et sollicitations, en advertit le roy, qui estoit tousjours à Reims pour prouvoir à tous costés, tant de ceste part que de Picardie, luy faisant entendre, selon aucuns de soù conseil prochains de sa personne, que le plus expédient estoit de le desfaire, plustosi que le permettre se joindre à l’ennemy et le renforcer d'autant. Et pour ce faire, luy faisoit entendre les moyens qu’ilavoit, pourveu qu’on luy baillast deux cens hommes d'armes. Le roy luy feit response qu'il trouvoit bonne cestce délibération, mais qu'elle fust exécutée prudemment et sans trop grand

hazard. Et quant et quant manda a M. de Bordillon d’aller trouver M. d’Aumalle avec lesdits deux cens hommes d'armes, et luy obéir en ce qu'il voudroit l’employer pour son service; à quoy ne feit faute, approchant de luy trois lieues près. Duquel lieu l’advertit promptement comme, par le commandement du roy, à la plus grande diligence qui luy avoit esté possible, l’estoit venu trouver pour luy obéir, le suppliant de luy mander son bon plaisir et ce qu’il auroit à faire. M. d’Aumalle luy feit response qu’il se contentoit fort de sa bonne diligence, et que ce marchis avoit jà passé la ri-

vière de Muz, et estoit prest à traverser l’autre

de Madon pour se retirer au camp de lempereur, et ne cognoissoit grands moyens de le suivre davantage; parquoy délibéroit en brief de seretirer à Thoul pourfairela guerre àl’ennemy. Ceste response fut cause que M. de Bordillon ne bougea de Blaineau, attendant son retour.

Or, deux ou trois jours auparavant, mondit sieur d'Aumalleavoitenvoyé son trompette avec lettres devers ce marchis, la teneur desquelles est fort difficile de scavoir; tant y a que le trouvant au bourg de Sainct-Nicolas, où estoit allé en petite compagnie pour conclure et arrester sa révolte, faisant peu de cas de ces lettres, le trompette fut retenu, afin que retournant promptement il ne descouvrisi le secret et feist rapport de ce qu’il avoit veu ; lequel, esbahy de ce nouveau traictement, se retira devers le truchement de ce marchis, pource qu’on ledisoit avoir esté nourry en France, estimant par ce moyen qu'il auroit encore quelque bonne affection de faire plaisir à ceux de la nation de laquelle il auroit receu toute doulceur et humanité ; mais aucontraire le trouvahomme brave et présumptueux, qui se jugeoit de grandissime valeur, pour la familiarité qu’il avoit avec son maistre. Ce trompette le supplioit procurer sa despesche et retour, et luy au contraire, sans faire response à sa prière, disoit diverses injures des François, et, leur souhaittant mille malheurs, protestoit avec grands juremens que, avant qu’il fust longtemps, se baigneroit en leur sang. Ainsi force fut au trompette d'attendre jusques au jeudy précédant le malheureux jour de la desfaite de son maistre, qu'on luy dit qu'il seroit expédié, et que le lendemain s’en retourneroit avec sa response. Ce que n’advint toutefois; car ce jour, toutes choses estant chan-

FRANÇOIS DE RABUTIN

gées en pis, et fortune ayant monstré son triste visage à son maistre, le rendant prisonnier de ce marchis, le pauvre trompette fut traité de ces malpiteux Allemans plusrigoureusement qu’auparavant, estant mené lié et garotté et traisné, comme si d'heure à autre il n’attendist que d’estre pendu ou mourir malheureusement.

Ainsi ce marchis avoit délibéré le lendemain de prendre le chemin au camp de l’empereur, et ne restoit plus qu’à réunir et appaiser aucuns de ses capitaines et soldats, lesquels n’avoient point envie de tourner visage pour faire serment à l’empereur.

Ce vendredy vingt-huictiesme d'octobre, jourinfortuné, de ce partement estant M. d'Aumalle acertené, à la diane partit avec toute sa cavallerie du port Sainct-Vincent où il avoit couché, et se vint mettre en bataille sur le hault d'une montagne appelée la Croix du Monstier, au-dessus de ce marchis, pour (comme je croy) considérer et veoir ce qu’il voudroit faire, et quel chemin il prendroit. Lequel aussi ordonnoit ses batailles, pour (comme j'estime) suivre son chemin accordé, sans avoir opinion pour ce jour de combattre contre les François. Toutefois ces deux armées ne furent longtemps voisines, que les escarmouches commencèrent à se dresser chaudement, tant par gens du pays que d’aucuns soldats françois qui estoient accourus, pensans voler et destrousser quelque butin sur la queue de ce marchis. Auquel en fut fait le rapport par deux ou trois fois avant qu’il en voulust rien croire, ou pour le moins le dissimuloit, faisant response à ceux qui luy faisoient tels rapports, que M. d’Aumalle ne le cherchoit pas. Mais les plaintes luy redoubloient si souvent, que luy-mesme avec son truchement voulut aller recognoistre comme il estoit du tout à la vérité, où il fut repoulsé fort rudement, et d’une harquebusade près de luy fut tué son truchement. Ce que soudainement l'étonna si fort, qu’il pensoit estre adonc à ses derniers termes. Depuis estant revenu à soy, à toute bride retourna vers ses gens, et avec vives et affectionnées prières et exclamations leur remonstra que M. d'Aumalle, avec grand nombre de gendarmerie françcoise, les attendoit là au passage pour les hacher en pièces; tellement que le moins qu’il leur pouvoit advenir c’estoit la mort, laquelle ils ne pouvoient éviter sans faire une extresme et grandissime preuve de

leur force et haruiesse. Leur proposoit aussi, s'ils avoient doute de la rigueur et punition de César1, qu'il ne leur falloit attendre ny espérer meilleur traitement des Francois. Ces propos, avec moitié frayeur et asseurance, leur monstrant au doigt ceste montagne presque couverte de cavallerie francoise, les peurent tellement esbranler et irriter, qu’ils se mutinèrent en telle sorte, qu’ainsi que forcenés et désespérés, la tête baissée vindrent charger les compagnies de M. d’Aumalle, lequel adonc estoit sur le poinct et délibération de se retirer. Mais c’estoit si tard, qu’ils estoient jà près à se joindre et combattre, avec si grand malheur, que de première abordée rencontrèrent une troupe de valets que l’on avoit fait demeurer en un lieu pour faire monstre, lesquels ils meirent incontinent à vau de route; et quant et quant chargèrent sur un autre squadron de chevaux-légers et harquebusiers à cheval, lesquels pareillement meirent en désordre, trouvans ouverture sans combattre pour donner jusques aux rancs de la gendarmerie ; laquelle ils enfoncèrent et contraignirent reculer à coups de pistolets, dont ils portent grand nombre, estans la pluspart des compagnies mal pourveues de lances pour les soustenir. M. d’Aumalle voyant sa cavallerie ainsi rompue et fuyr de tous costés, picqué et attaint de véhémente tristesse, prévoyant une malheureuse fin à ceste entreprise, manda au seigneur de Brezé, lieutenant de sa compagnie, qu’il se retirast, et le mieux qu’il luy seroit possible sauvast sadite compagnie. Depuis voyant le grand feu allumé près de luy, et les ennemis fort meslés avec la principale troupe de sa gendarmerie, et la plus prochaine de sa personne, où le combat estoit fort aspre, et les ennemis vertueusement soustenus par ce petit nombre, qui estoit de gentilshommes bien renommés et vaillans jusques au bout, se rallia avec sa compagnie, leur criant avec un visage riant et asseuré : « Mes compagnons et mes amis, bataille, bataille!» Puis avec le hazard de fortune, sans respect de sa vie, l’espée au poing, donna dedans ceste meslée. et feit tous les plus grands efforts qu’on pourroit dire de la vertu humaine. Toutefois la foule des ennemis renforçoit continuellement, et le nombre des siens diminuoit, tant pour estre abandonné d’aucuns qui s’enfuyrent, que les plus vertueux {1) L'empereur.

GUERRES DE BELGIQUE, LIV. IV

estoient tués et abbatus devant luy, et les autres fort blessés et mis à pied, prins et emmenés prisonniers par ces Allemans. Luy, estant blessé de deux ou trois coups de pistollets au corps et en la teste, son cheval tué soubs luy, finablement fut abbatu et prins. M. de Rohan y fat tué, et ne scait-on comment à la vérité; aucuns ont dit que son cheval estant hors d’haleine, et ne se pouvant plus tenir en pieds, depuis la prise de M. d’Aumalle fut tué en un petit village près de là. Les autres ont rapporté que deux Allemans le tenoient prisonnier, et luy avoient desjà osté l’accoustrement de teste, querellans auquel demeureroit, quand y arriva un troisième, qui après plusieurs disputes luy donna un coup de pistollet dedans la cervelle, dont il mourut sur l'heure. Mais comment qu'il soit advenu, ce fut un fort grand dommage de la perte de ce prince, qui estoit de la maison de Bretagne, et qui contrarioit et opiniastroit fort contre ceste entreprise. La compagnie de M. d’Aumalle y fut presque toute desfaite, et entre autres d'hommes de renom tués, desquels, j'aye cognoissance, le sieur de Nancay, guidon de ladite compagnie, le sieur de la Motte Dusseau. guidon de la compagnie de M. le visdame de Chartres. le guidon de la compagnie du comte de Sanserre, le sieur de Sainct-Forgeux, capitaine de chevaux-légers, le baron de Couches, le sieur de Joncy, puisaisné de la maison de Rochebaron en Charolois, le jeune Vaux, et plusieurs autres gentilshommes au nombre de deux cens. De prisonniers en demeura beaucoup avec M. d’Aumalle ; entre autres, le sieur Desgully, maistre de camp des chevaux-légers, le baron des Guerres et le sieur Dau!, lieutenant de la compagnie du vidasme de Chartres, lesquels pour n’estre cogenus, avec le moyen de leurs amis eschappèrent à petite rançon.

Quant à M. Bordillon, ce soir mesme luy estans rapportés aucuns propos que tenoient les paysans de ceste desfaite venans de ce costé là, sur l'heure feit monter à cheval un gentilhomme de sa compagnie, nommé le sieur de la Tournelle, accompagné de quelques autres chevaux, pour l'aller de plus près sçavoir, et luy en rapporter le certain. Depuis, peu de temps ensuyvant, par deux gentilshommes d’authorité (qui s’estoient de ceste cruelle meslée sauvés et eschappés) luy fut dit et récité (1) Jean d'O.

comme le tout estoit passé. À ceste raison, sans faire plus grand perte, ne donner plus grand travail aux hommes, despescha cette nuict le sieur de Chastellus, lieutenant de sa compagnie, pour en porter les tristes nouvelles au roy, et quant et quant envoya son trompette devers le comte de Vaudemont, pour le prier de permettre les corps de M. de Rohan et du baron de Couches estre ensépulturés dedans Péglise de Nancy, comme ils furent, et d’autres aussi.

Ce marchis ayant le cucur enflé, estimant par ce beau faict s’estre davantage avancé en la bonne grace de l’empereur, reprint son chemin devers Nancy; où il eut plusieurs propos avec le comte de Vaudemont sur ceste desfaite, qui, parmy ces devis et plaisans contes, se rioit de la grande hardiesse de M. d’Aumalle. Après retourna camper, au partir de là, au Pont Camouson, de l’autre costé de la rivière, où peu après l’empereur luy envoya deux mille chevaux pour le renforcer et luy faire escorte jusques à ce qu’il fust joint à son camp, qui desjà estoit tout assemblé et campé à l’entour de Mets. Un peu au-dessus du pont aux Mores, dedans les vignes, près d'une abbaye dédiée à sainct Martin, estoit le quartier où le treiziesme de novembre s’alla parquer ce marchis Albert.

L'armée du roy cstoit arrivée à Clermont en Argonne, petite villette bien située au duché de Barrois, au-dessus de laquelle sur le hault d’une montagne est un chasteau naturellement fort, pour la haulteur inaccessible en deux ou trois endroits; lequel, pour estre commode et duisant à beaucoup de nécessités, M. de Chastillon, partie par ruse, partie par frayeur qu'eut le capitaine de ce chasteau, voyant arriver l’armée francoise, surprit et rendit à la volonté de M. le connestable son oncle pour le roy. Depuis on a besongné par un long temps à davantage le fortifier et améliorer. En une autre petite ville aussi, nommée Varennes, et aux villages à l’environ, toute à couvert estoit logée l’armée du roy. M. le connestable, estant demeuré, M. de Nevers lieutenant général en l’armée, partit de ce lieu pour aller trouver le roy à Reims, fort triste et ennuyé de ceste mauvaise adventure. Mais fortune, ne se pouvant contenter de ceste première touche, voulut davantage esprouver sa constance et magnanimité, luy rechargeant deux ou trois mauvais tours ensuyvans; Car peu de jours après la

FRANÇOIS DE RABUTIN

desfaite de M. d’Aumalle, luy fut rapporté comme son chasteau de Hédin estoit rendu à l'empereur par le seigneur de Rasse, qui en estoit gouverneur.

Et pour dire comme le tout s’est passé (selon que je l’ay ouy réciter), le sieur du Reux, lieutenant pour l’empereur ès Pays-Bas, avec un nombre de Flamens, Hennuyers et Walons montant à quarante enseignes de gens de pied, et environ deux outrois mille chevaux, s’estant mis en campagne en délibération de forcer et surprendre La Fère en Picardie, qui est à M. de Vandosme, et depuis ayant trouvé que mal-aisément en viendroit à son honneur, y estant dedans M. l’admiral d’Annebault, bien pourveu de ce que luy estoit nécessaire, après avoir bruslé les villes de Noyon, Nelle, Chaulnys, Roye et une magnifique maison que le feu roy Francois avoit fait édifier pour le plaisir de la chasse, nommée Foulembray, et de sept a huict cens villages, desquels la pluspart estoient du patrimoine de M. le duc de Vandosme,et, pour en parler au vray, fait des maux infinis, tousjours à l’adveu de la royne de Hongrie, alla assiéger Hédin. La ville fut tantost prise, n’estant assez forte pour soustenir batterie ny assault. Tost asprès le chasteau fut assiégé du costé du parc, où une grosse tour qui défendoit les flancs de ceste part, fort cassée, et les défenses abbatucs et fracassées, trouvèrent facon de sapper et trancher par le pied un grand pan de muraille, ct à coups de canon rompre les quarres et esperons, tant de ceste grosse tour que de la muraille. Parquoy le tout fondit et fut renversé dedans le fossé, qui le remplissoit et faisoit pont fort aisé pour aller à l’assault, estant demeuré le rempart entièrement devestu et empiré, où n’avoit gabions ne cavaliers pour le couvrir et défendre ; toutefois que l’on disoit le rempart estre encore de sept à huict pieds de hauteur. Ceux de dedans voyans ceste muraille tombée soudainement, et leur fossé plein, furent si esperdus et estonnés que, sans attendre aucun assault, se rendirent à composition, vies et bagues sauves. De ceste composition estoient chefs les sieurs de Rasse et de Janlis, à laquelle ne voulut onc consentir ne l'accorder le sieur de Douric de la maison de Querquy. Pour ceste tant soudaine perte, on dit que le roy fut fort esbahy, veu que peu auparavant le sieur de Rasse luy avoit mandé

qu’il n’eust aucune doute de son chasteau de

ge, et qui donna aux nostres argument d’en parler diversement, d'autant que le sieur de Rasse avoit fort bonne réputation de vaillant chevalier.

Depuis, peu de jours ensuyvans, le roy sceut comme M. l’admiral d’Annebault par une fièvre continue estoit décédé à La Fère en Picardie, où s’estoit mis pour la défendre contre les ennemis.

Tous lesquels accidens de mauvaise fortune advenus subsécutivement ne peurent fleschir ny abbattre le magnanime et très haut courage de ce grand roy ; mais scachant assez que ceste fortune, que les hommes feignent, n’est autre chose que permission divine, meu du zèle et désir de très chrestien prince, recourut au seigneur des seigneurs, qui départ ses graces sans acception de personne, autant aux grands que aux petits ; faisant admonnester son peuple de se humilier et mettre en jeusnes et oraisons, pour requérir la pitié et miséricorde éternelle, et invoquer le Créateur, Dieu des batailles et de paix, qu’il lui pleust les regarder en sa clémence, ne les permettans tomber ès mains de nosennemis. En ceste grande confidence (comme feit le prince des Hébrieux}), remettant sa totale force en la main dextre de l'Omnipotent, partit de Reims pour s'approcher jusques à Chaalons, où manda venir M. de Nevers, messieurs le mareschal de Sainct-André et de Chastillon, et les principaux chefs de son armée, à fin d’adviser et conclure au plustost le plus expédient pour recouvrer le chasteau de Hédin.

Pour ce fut prudemment advisé d'envoyer envers M. de Guyse, afin de scavoir de luy combien de temps il pourroit garder et défendre la cité de Mets, ou s’il avoit défault et nécesité de quelque chose dont auroit besoing d’estre plustost secouru. Lequel, s’asseurant à le volonté de Dieu, et de la foy et loyauté de beaucoup de vaillans hommes qui l’avoient suivy et veilloient près de sa personne, manda au roy que n’eust aucune doute de sa cité, ne de ceux qui estoient dedans, ausquels tous il avoit cogneu semblable et parfaite affection pour son service, aymans mieux laisser la vie qu'avec déshonneur sortir de ce lieu: au reste qu'il n’avoit faute de chose que ce fust, dont il eust occasion de ne la pouvoir garder contre

GUERRES DE BELGIQUE, LIV. IV

toute la puissance des hommes, avec layde de Hédin, et ce que depuis on trouva fort estran-

celuy sans lequel en vain veille qui entreprend la garde des cités. L’advertissoit aussi comme, dès le deuxiesme de novembre, le duc d’Albe avec la plus grande partie de l’armée impériale avoit quitté le logis de la belle Croix (estant demouré le sieur de Brabanson avec trois regimens de hauts Allemans, deux de bas et trois mille chevaux), et, ayant passé la rivière de Seille, estoit venu camper près de la ville, départant son armée ès environs, comme à Sainct- Clément et à Sainct-Arnoult, où il estoit logé avec les compagnies espagnoles. Une partie des Allemans estoit logée au Pont de Maigny ; dom Loys de Avilla, avec la cavalerie espagnole, à la Maladerie ; le seneschal de la Moravie, avec les chevaux bohémois, à Bléry ; le surplus à Oléry, et Sainct-Priech à la Grange aux Dames, à la Grange aux Mercicrs, et autres lieux à l'environ; luy donnant aussi advertissement qu'ils avoient commencé leurs tranchées près de la porte Sainet-Thibaut, comme s'ils vouloient en cest endroit asscoir leur principale batterie. Sur la fin escrivit les noms et surnoms de ceux qui avoient fait mieux leur devoir aux sorties et escarmouches, n’oubliant plusieurs autres aflaires selon le temps servant à sa response.

Le roy ainsi asseuré de ceste part, ordonna M. de Nevers son lieutenant général sur toutes ses forces qui demeuroient en Lorraine; et, pour les bons et continuels services que luy avoit fait et faisoit journellement M. de Chastillon, luy octroya et l’honnora de l'estat d'admiral de France, et à l'instant mesme le constitua son lieutenant pour ramener son armée de Lorraine en Picardie, par résolution de ce qui seroit considéré estre nécessaire et utile. Puis, tous les chefs estans advertis et instruits de leurs charges, l’armée fut levée par M. l'admiral pour luy faire prendre le chemin droit à Hédin. M. le marescbal de Sainct-André retourna à Verdun; M. de Nevers, avec sa compagnie et celle du sieur de la Roche-du-Maine, se retira à Sainct- Michel, afin de couper les vivres aux ennemis et les divertir de s’escarter par ces vallées. Dedans Sainct-Michel estoient desjà les enseignes du capitaine la Prade et du sieur de la Motte- Gondrin, cent chevaux légers du capitaine Pelou, et cent harquebusiers du capitaine l’Ad- ! venture, et M. de Bordillon avec sa compagnie, ,

qui peu auparavant estoit retourné du lieu où M. d’Aumalle luy avoit escrit.

Sitost que M. de Nevers fut arrivé à Sainct- Michel, fut faite une course par sa compagnie avec quelques chevaux légers et harquebusiers à cheval, de laquelle estoit chef le sieur de Mouy, guidon de sa compagnie, gentilhomme vaillant et hardy, jusques à Malatour, petite villette assez forte près de Gorzes; et en d’autres gros villages en une vallée assez estrange, pleine de bois, ravins et lieux dangereux, que ceux du païs appellent la Veure, èsquels se estoient espanchés et retirés aucuns soldats, tant espagnols qu’allemans, de l’avant-garde impériale, desquels les uns furent tués et les autres amenés prisonniers. Ceste infortune tomba sur aucuns qui retournoient du chasteau d’Aspremont, cuidans y prendre au giste le comte; auquel si bien advint, qu'il estoit à Sainct-Michel, près de M. de Nevers; car, au lieu de penser prendre, furent prins et ramenés avec

‘quelque peu de butin.

Semblables courses là et aux environs furent continuées par M. de Nevers l’espace de trois sepmaines, s’ytrouvantluy-mesme en personne; desquelles les ennemis furent tant ennuyés et travaillés, que force leur fut d’oublier le chemin de ceste part; et pour ces continuelles alarmes estoit l’armée impériale maintefois contraincte demourer la moitié d’un jour en bataille avec grand travail et froidure ; mais s’ils souffroient beaucoup de maux, nous n’en estions point exemptés, pource que le plus souvent nous montions à cheval sur la minuict, endurant les gelées et le froid si aspre, qu’aucuns de nos compagnons en ont eu depuis divers membres endormis, et les autres morts et perdus de la peine et tourment insupportable que ils avoient eu, ayans continuellement les neiges jusques au ventre des chevaux. En tel équipage nous demourions, passans le jour et la nuict sans repaistre ; puis autour {, lorsque nous pensions reposer et prendre un peu d’haleine au logis, nous falloit faire le guet pour crainte de la surprinse des ennemis. Ainsi, tant pour nous garder que pour donner de la peine et ennuy aux impérialistes, nous souffrions nostre part de Pincommodité du temps, mais beaucoup moins qu'eux, comme le certifioient et rapportoient plusieurs pauvres soldats italiens , lesquels jour.

1) Au retour.

FRANÇOIS DE RABUTIN

nellement venoient à la file, du camp de l’empereur, pour supplier M. de Nevers de les accepter au service du roy; lequel, esmeu de grande pitié, voyant les uns nuds et à demy transis, les autres avec les dents longues en bon appétit, sans forme de monnoye, usoit envers eux, comme il est très humain, de grande libéralité, et leur faisoit distribuer sur ses coffres argent pour vivre, attendant la solde du roy ; puis les envoyoit au capitaine André de Maye - More, homme d’esprouvée hardiesse, pour en addresser compagnies, tant à pied que de cavallerie légère.

Par eux et autres espions, aucunement es.

tions advertis des grandissimes diligences et admirables préparatifs qu’avoit fait le duc d’Albe pour dresser sa batterie ; les grandes esplanades, les tranchées autant amples, larges et creuses que l’on ayt veu long-temps y a ; le grand nombre d'artillerie et munitions, la presque innumérable quantité de gabions et vastadours qu’il faisoit bastir et emplir continuellement sans repos, ne faisant cas dela vie de ces misérables personnes non plus que de bestes brutes, et exposées à la merci de l'artillerie et contrebatteries de la ville. Nous rapportoient aussi les grands empeschemens et fascheries que leur donnoient ceux de dedans incessamment, leurs sorties hardies et furieuses, telles qu’on les estimoit plustost fayés1 et esprits diaboliques, que hommes mortels; tellement qu’un sergent de bande, accompagné de cinq ou six soldats seulement, avec sa hallebarde, avoit chassé et contrainct abandonner leurs tranchées à plus de trois cens hommes ennemis. Quelques autres aussi osèrent aller enclouer leur artillerie et tuer les cannoniers sur leurs pièces, ce que toutefois les ennemis ne réputoient à fait digne ny d'eux, ny de cueur vaillant et magnadime.

Oultre, deux et trois fois le jour, la cavallerie sortoit mettant en tel désordre les ennemis, qu'aucun des gentilshommes des plus hasardeux qui vouloient faire acte digne de mémoire, ou par souvenance et amours de leurs amyes, alloient rompre leurs bois et donner coups d’espées jusques dedans les tentes des ennemis et en couper les cordages, exécutans choses étranges et non ouyes de nostre mémoire. Or si les François désiroient par tels efforts se monstrer loyaulx subjects à leur roy, le duc d’Albe ne

(1) Doués du pouvoir des Res.

reposoit de son costé. Lequel estant curieusement désireux et enflammé de rendre en l’obéissance de l'empereur son maistre ceste très puissante cité, pour le resjouir de la prinse de tant de princes, grands seigneurs et vaillans hommes qui estoient dedans, que, n’espargnant tout labeur, ne la vie des siens, rendit sa batterie preste le vingtiesme de novembre, commençant à tirer aux défenses, à sçavoir, à celle du portail de la porte Champenoise d’un boulevert qui est dedans; à la grosse tour, laquelle est devers la rivière, appelée la Tour d’Enfer, et surnommée la Tour de Lanques, et à une petite église estant dedans la ville, où estoit une plate forme. À bre dire, ce qu’ils jugeoient estre pour nostre défense et leur pouvoir nuire, rasèrent et ruinèrent.

Nous entendismes pareïillement , tant par le

commun bruit que par le merveilleux tonnerre |

de l'artillerie, que le vingt-sixiesme jour il com-

menca à la canonner avec telle impétuosité,

que, de mémoire des vivans, ne s’en est ouye de pareille, ayant d’un front, par le rapport des espions, quarante grosses pièces, lesquelles, portant boulet de pois extraordinaire, tiroiera Jour et nuict sans intermission que pour les re= freschir. Il faut penser que les assiégés ne àcrmoient pas, ains que les princes et grands seigneurs, et générallement jusques aux plus petits, portoient la terre et la hotte pour remparer en telle diligence et solicitude, qu’à l’endroict où il pensoit que la bresche seroit faicte, en moins de vingt-quatre heures, deux fois enlevèrent le rempart de la hauteur du parapect, laissant entre la vieille muraille et le rempart les flancs et une tranchée garnie de diverses bonnes drogues, pour festoyer les ennemis s'ils fussent venus à l’assault, ainsi que depuis nous avons veu et réciterons en son lieu. Pourtant retournerons à dire ce que l’armée françoise feit depuis son partement.

Sitost que le sieur du Reux, avec l’armée du Flandres, qui estoit encore à l’entour de Hédin, sentit approcher la nostre, sans faire semblant de vouloir combattre pour soustenir ceux qui estoient prests d’estre assiégés, soudainement se retira. Dedans ce chasteau demeura le fils dudit sieur du Reux, auquelle père avoit jure et promis une grande punition s’il rendoit ceste place avec déshonneur et reproche. A la mesme charge on disoit avoir esté son compa-

XVI, siècce, La PI. et La PI.

GUERRES DE BELGIQUE, LIV. 1V

, gnon un gentilhomme hennuyer, de bonne es-

timation, nommé Harenville. Ainsi, ayant fait réparer et remparer la bresche faite par eux plus forte qu'auparavant, et s’estans pourveus et renforcés de tout ce que pouvoit imaginer leur estre de besoing, semoient le bruit de plustost vouloir, les uns après les autres, mourir

là-dedans que se rendre à si bon marché que

ceux qui premièrement en estoient sortis. Bientost après, estant arrivée l’armée de France, M. de Vandosme, lieutenant pour le roy au gouvernement de Picardie, feit faire ses approches et asseoir l’une de ses batteries au mesme endroit que les Bourguignons avoient dressé la leur, et l’autre sur le pendant d’une petite montagne du costé de Thérouenne. Ainsi ceste ville de Hédin commença à estre canonnée le dixseptiesme de décembre fort furieusement, et y furent deschargés quatre mille et soixante-six coups de canon sans faire bresche et ouverture que n’eust encore le rempart derrière de dix-huict à vingt pieds de hauteur. Toutefois, faute de cueur et crainte de mort saisit les assiégés, et se rendirent à composition telle qu'ils surtiroient leurs vies et bagues sauves, leurs en. seignes plovées, avec deux moyennes pièces d'aruiierie à leur queue, sans rien oster ne transporter autre chose de ce qu’avoient trouvé là-dedans. Ainsi fut rendu et remis en l’obéissance du roy le chasteau de Hédin, par la bonne conduite de M. le duc de Vandosme, le dixneufviesme de décembre. Et combien que le fils de M. du Reux se fust acquitté de son devoir à le garder, néantmoins, craignant la cholère de son père, j'ai entendu qu’il demeura long-temps sans s’oser présenter devant luy. Soudain après, M. de Vandosme estant adverty que les ennemis avoient cuidé tenter la fortune de passer la rivière pour venir donner bataille sur l'heure qu’il parlementoit avec ceux de Hédin, à l’adveu du roy les voulut relever de ceste peine, et luy-mesrne les alla chercher avec ses forces, en intention de les combattre s'ils eussent voulu attendre ; mais ne se sentans assez forts, se retirèrent devers les villes fortes et plus avant en leurs pays, luy quittans et abandonnans les passages, pour exécuter son bon plaisir et moyen de se venger des cruautés qu’ils avoient commises en sesterres.

Au temps que ces affaires se démenoient par de-là, M. de Nevers, comme j'ay devant dis-

FRANÇOIS DE RABUTIN

couru, ayant fait du costé de Sainct-Michel plu- : pour les attirer en embuscade, où craignans les

sieurs et diverses courses au grand dommage des ennemis, à l'augmentation de sa gloire et louange, en partit par un advertissement qu'il eut comme du costé d’Espinaux, par le comté de Vaudemont, descendoient ordinairement de la Franche-Comté grandes quantités de vivres et provisions conduites au camp de l'empereur. Pour ce, avec ce peu de gendarmerie que pouvoit avoir, qu’estoit environ deux cens hommes d'armes, cent ou deux cens chevaux légers, et autant d'harquebusiers à cheval, se retira devers Vaucouleurs, petite villette françoise assez renommée, sur la rivière de Meuse, prochaine de Thoul de cinq lieues, enclavée dedans plusieurs terres de Lorraine; de laquelle un jour ou deux ensuyvans partit pour aller audit Thoul, faisant y approcher ses forces qu'il feit loger en un fort beau et grand village nommé Blaineau, terre du temporel, et justice du chapitre de Sainct-Estienne de Thoul, et en d’autres petits à l’entour. Tost après leur venue, fut fait un roolle des hommes d’armes et archiers les plus disposts et mieux montés, au nombre de cent ou six vingts, à la conduite du sieur de Mouv. pour aller rompre et percer la chausste d’nn fort grand estang, en ia comté de Vaudemont.

afin de noyer et perûre piusieurs villages qui estoient au dessoubs, où se retiroient plusieurs vivandiers, et où les fourrageurs des ennemis y trouvoient encore grands quantités de bleds et fourrages Laquelle toutefois fut trouvée desjà rompue et percée, aux grands intérests du comté. Nos gens ayans agrandy le pertuis, et s’en retournans, rencontrèrent une grande file et suite de chariots et charettes chargées de toutes sortes de vivres et munitions addressées au camp impérial, desquelles du tout ayans fait grand dégast, et défoncé grand nombre de vin d’Arbois, et mis à perdition le surplus, ayans tué une partie des guides et chartiers, amenèrent ce que peurent des chevaux, et se retirèrent avec grand danger ; car estoient contraincts de passer en plain jour dedans plusieurs villages où estoient logées aucunes compagnies des ennemis, tant de pied que de cheval. Ce que toutefois par bonne fortune advint sans perte d’un pour n’estre cogneus, estans habillés en marchans sans croix n’escharpes blanches epparentes, et leurs harnois couverts de mantomux, estimés ainsi avant-coureurs servans

ennemis que leur plus grande trouppe fust couverte et cachée : pourquoy M. de Nevers, fort content de leur devoir, peu après se retira à. Vaucouleurs. |

Or, pour reprendre ce que faisoit l’empereur devant Mets, c’estoit peu à son advantage et proufit, n'ayant sceu, avec toute la fouldre et impétuosité estrange de son artillerie, faire un seul pertuis ne passage pour donner l’assault que luy avoit demandé ce marchis Albert, pensant davantage s’advancer en sa bonne grace; pource qu'ayant brisé presquetoute ceste grosse Tour d'Enfer, tout le grand pan de mur entre ladite tour et la porte Champenoise, et ce boulevert qui la couvroit, ne peut raser l’avantmur, autrement dit fausse braye, laquelle soustenoit les quartiers de la muraille qui tomboient et estoient arrestés les uns sur les autres entre cest avant-mur ct le pied de ladite muraille; et, par ce moyen (comme ils désiroient), n’emplissoient le fossé, mais servoient à ceux de dedans de plus fort rempart; parquoy fut advisé par son conseil de changer la batterie en un sutre endroit un peu au-dessus, et de miner uesle part pour renverser dedans le fossé cest avant-mur et fausse-braye, dequoy M. de Guyse adverty, fèit par dedans contreminer en divers licux, èsquels on pouvoit cognoistre et prévoir leurs advenues, en sorte qu’ils n’eurent loing estendu ne cavé leurs mines, que les sentinelles et escoutes des assiégés les pouvoient ouvyr et sentir ; ce que commenca à les décourager, affadir et desgouter grandement de leur entreprise.

Dèslors, tant pour les merveilleuses et grandes froidures qui les empeschoient, que pour les nécessités et défault de diverses choses, à tous leurs soldats défailloit le courage, mesmement aux Allemands. Lesquels feirent remonstrer à l’empereur qu’il pleust à Sa Majesté de commander faire bresche raisonnable pour entrer et prendre ceste ville, aymans trop mieux tous mourir honorablement en l’assault, qu’ainsi misérablement de faim et froid. César adonec (comme on peult le croire) fut piqué de la recognoissance de sa faute, avec un regret d'y avoir assis si mauvais commencement , prévoyant une honteuse fin et pernicieuse issue.

: Toutefois, pour leur croistre le cueur et encou- rager, les asseura et" leur promit que si, dans

la fin de l’an bien prochaine ne venoit à chef de ceste besogne, leur donneroit un congé pour se retirer. Ce que les feit temporiser et prendre patience ; et, pour faire preuve et démonstrance en ceste affection, commanda de rechef au duc d’Albe en extresme diligence de faire continuer et poursuyvre ces mines commencées; ce qu’il faisoit, ainsi que nous estoit rapporté, avec si grande volonté et ardeur, que n’abandonnoit cest œuvre jour ne nuict; mais le temps lui estoit si maling et contraire, que tout demeura imparfait. Parquoy dèsiors au camp des ennemis chacun déchéoit de force et courage; les nostres en accroissoient, faisans de plus en plus continuelles sorties et charges sur eux, diminuant journellement leur armée : car les uns se desroboient et retiroient par troupes en leurs pays; les autres en grand nombre estoient trouvés roides et transis dedans les tranchées et leurs loges; les autres palles, étiques, morts de faim, pource (en partie) qu’ils estoient mal payés, estant fort espuisé et vuidé le thrésor de l’empereur.

Lequel, voyant approcher le terme promis aux Allemans, ayant devant les yeux une craintive honte de s’en retourner sans avoir fait aucune bonne chose (estant là en personne), les feit pratiquer pour sonder s’ils vouldroient le suivre à aller assiéger Thoul, ville impériale, laquelle on n’avoit peu parachever de fortifier pour la peste, qui fort eschauffe 1 longtemps précédemment avoit là régné. A quoi feirent response qu'ils n’avoient délibéré, et ne leur estoit commandé des princes et électeurs de passer oultre que premièrement Mets ne fust prinse et rendue; partant, s’il plaisoit à Sa Majesté leur faire ouvrir brèche, comme avoit promis, ils estoient fous prests à y mourir ou entrer ce que ne leur pouvoit asseurer et qu'estoit hors de sa puissance. De ce temps, environ le dix-huictiesme de décembre, commenca à faire retirer les plus grosses et meilleures pièces de son artillerie; peu après, ayant assemblé son conseil pour conclure une honorable retraite, fut commandé au comte d’Aiguemont, colonel et chef sur deux régimens de cavallerie logée à Pont Camouson, descendre avec ses forces le long de la rivière jusques à Thoul, et le plus bas que luy seroit possible, pour descouvrir le pays et scavoir quel nombre

(1) Contagieuse

GUERRES DE BELGIQUE, LIV. ji V.

de gendarmerie pouvoit estre là au long avec M. de Nevers; doutant peult estre qu’à sa retraite ne luy feissions plus grands empeschemens. Donc ce comte avec sa cavallerie partit de Pont Camouson, et le long de Morelle dévalla jusques à Thoul, laquelle il feit sommer en passant par les faulxbourgs, adressant son trompette au sieur d’Esclavolles, qui en estoit gouverneur. Lequel ayant entendu la semonce du trompette luy feit signal de la main qu’il se retirast, combien qu’il eust juste occasion de douter sur ceste semonce, voyant la faulte de vivres, la ville prenable et battable de tous costés, mal pourvue d'artillerie et munitions; dequoy advertit M. de Nevers, qui estoit à Vaucouleurs. Le gentilhomme de sa maison qui portoit les nouvelles, nommé Tortespée, fut prins sur les chemins par quelques uns de ceste cavallerie qui s’estoient espanchés pour trouver quelque butin csgaré, comme leur advint ; car, luy ayant osté cent écus qu’il avoit soubs l’esselle, re le fouillèrent plus avant ; et fut si escort, que, se voyant à demy bandon, se sauva à travers les bois par l'obscurité de la nuict : ainsi parfeit son message. Et si tost que M. de Nevers eust cest advertissement, manda toute la nuict quérir la gendarmerie, pour à l’instant se rendre près de luy, laquelle estoit logée à une et deux lieues près; et combien que fust le temps de repos et que la plus part fussent desjà au sommeil, ce mandement feist tantost prendre à chascun les armes sur le dos et promptement monter à cheval. Ainsi toute la nuict passasmes à faire bon guet, comme estoit de besoing, d'autant que ce comte s’approcha de nous le plus près qu’il peut, et vint sur le bord de la rivière en un village appelé Pagny sur Meuse, pensant bien nous surprendre. Mais voyant les feux de tous costés, oyant le bruit et hannissement des chevaux, et par autres apparences Cognoissant qu’estions advertis et l’attendions, se retira par les brisées par lesquelles estoit venu; et, retournant contremont la rivière de Mozelle, passa au plus près d’une petite ville nommée Gondreville, assise sur le bord de ceste rivière du costé de Nancy. De l’autre part, peu auparavant estoit arrivé le baron des Guerres, qui retournoit freschement d'une course, et non adverti d'avoir ses ennemis si près de luy ; peu s’en fallut qu'il ne passast la rivière au bac, ce que s’il eust fait luy fust ad-

venu autant comme à quelques uns de sa compagnie, lesquels, pour avoir jà traversé la rivière du costé des ennemis, furent surpris, les uns blessés, les autres prisonniers, et peu ou point de tués. Le baron se sauva, comme je croy, dedans ceste petite villette et ne fut rigoureusement poursuivy, tant pour l'obscurité de la nuict que pour la crainte qu'ils avoient d’estre chargés et suivis. Ceste nuict fut envoyé le sieur de Sainct-Simon, gentilhomme de la maison de M. de Nevers, avec vingt-cinq ou trente chevaux jusques à Thoul, pour entendre du sieur d’Esclavolles comme estoit advenu de tout ce succès à la vérité, à son retour. Par son rapport fut par M. de Nevers dépesché le sieur de Fouronne, gentilhomme de sa maison, pour advertir le roy de toutes ces affaires ; lequel en briefve response luy manda et pria de chercher tous les moyens qu’il scroit possible de donner ordre que ceste ville de Thoul fust gardée, et peust tenir quinze jours seulement, dedans lequel temps ne faudroit luy mesmes la veniz sccourir avec toute sa puissance. Monsieur, à ceste response, ne se voulut fier à autre de ceste charge ; mais, la réservant à soy, le vingtdeuxiesme de décembre, le lendemain de la feste de Sainct Thomas avant Noël, suivy de MM. de Bordillon, de Bigny, maistre d’hostel de la royne; d'Eschenetz, de Giry, enseigne de sa compagnie; de Mouy, guydon, de Sainct- Simon, de Plaisance, de Jars et de Blarru, gentilshommes de sa maison, avec sa compagnie, s’alla loger dedans ceste ville ainsi desnuée et despourveue.

Si tost que ce prince y fut arrivé, feit la ronde sur les murailles à l’entour de la ville, et visita un commencement de remparts et deux plates formes que le sieur d’Esclavolles avoit fait bastir et commencer au dedans; ce que fut trouvé très bien inventé par les ingénieurs et maïistres des fortifications qu’il avoit fait venir pour considérer et estre instruite la disposition et parachèvement de ceste fortification entreprinse et imprimée tellement en son affection, qu'il ne restoit homme près de sa personne à qui n’en donnast quelque commission, et luy mesme la pluspart du temps n’en bougeoit, interrompant les heures ordinaires de ses repas ; tant estoit enclin le prince à ceste besongne, qu’il ne resta guères de temps que ne fust eslevée une plate forme qui portoit son nom. M. de

FRANÇOIS DE RABUTIN

Bordillon estoit aussi soigneux après une autre, et sembloient presque cestre jaloux lun de l’autre sur la perfection de leurs œuvres.

D’avantage feit visiter par toutes les maisons, greniers ct caves, et prendre le serment de ceux qui y habitoient pour sçavoir à la vérité quels bleds, vins, foings, fourrages et tous vivres qui pouvoient estre dedans la ville, à fin d'y ordonner une police; mais l’on en trouva bien peu, ayant esté transportés par les bourgeois et ceux qui s’estoient retirés en autres lieux pour le danger de la peste, et ce qui estoit resté dedans la ville consurné et gasté sans raison par les soldats et ceux qui estoient demeurés durant ce péril. Dont estant informé qu'en deux petites villettes, l’une nommé Foul, l’autre Gondreville, l’on en avoit retiré grande quantité en ce temps, tant du plat pays que des petites villes et terresfrançoises, pour la crainte des ennemis. les envoya sommer et faire commandement de les amener et rendre dans Thoul. Devers Gondreville fut envoyé le sieur des Eschenetz, suivy de loing d’une enseigne de gens de pied, avec certain nombre de gens de cheval; le prévost et les habitans après quelques difficultés se trouvèrent tant soudainement surpris, qu'enfin s’advisèrent que mieux leur vaudroit d’obéir. Ceux de Foul furent opiniastres et fols, s’oublians à l’endroit du sieur de Mouy, qui devers ceux estoit mande avec environ cinquante chevaux, tant de la compagnie de M. Nevers qu’autres, venant après luy une enseigne de fanterie, pour les sommer humainement d’obéir à ce grand prince, lieutenant du roy, sans davantage l’inciter et luy donner occasion de sentir la gravité de sa cholère. Toutefois, après ses honnestes remonstrances, voyant le prévost témérairement contester et à sa dissimulée présumption les villains estre rebelles, feit incontinent escheller la ville ; et prise que fut d’assault, aucunement sentirent le payement de leur folle inconsidération, mais non tellement qu’ils le méritoient, leur estant secou rable l’humanité du sieur de Mouy, lequel feit cesser la furie des soldats françois, jà eschauffés au carnage. L’enseigne de .fanterie y demeura logée jusques à ce que tous les vivres qui estoient dedans furent conduits à Thoul, sans ravir ne transporter autre chose, pour estre tousjours maintenus en leur neutralité. Ainsi de toutes parts ès environs, au com-

mandement de Monsieur, tous vivres et munitions furent amenés dedans Thoul avec si bon ordre, que chacun vivoit un peu mieux et avec plus grande discrétion qu'auparavant. Depuis, il advisa qu’advenant le siége la ville seroit mal pourveue de gens de pied, y estant quatre enseignes seulement, sçavoir : deux du sieur d’Esclavolles, gouverneur; celles des capitaines Mont Sainct Père et Le Fresne, dont feit venir ncore les deux du capitaine Volusseau et Éloy, y adjoustant le capitaine André de Maye-More avec ses chevaux légers et harquebusiers à cheval italiens. Le baron des Guerres y estoit jà avec sa compagnie de chevaux légers. En cest appareil nous attendions de jour en jour le siége, oyans d'heure à autre un nombre infini de faux rapports et menteries de leur venue.

De quoy tant peu nous soucions e. avions crainte, que le plus souvent ne laissions à sortir et les aller veoir de près, pour estre asseurés de leur délibération. Le comte d’Aiguemont estoit tousjours à Pont Camouson avec sa cavallerie, lequel, comme je croy, estoit refroidi de sa cholère; car ce peu de temps qu'il y séjourna, nous estans à Thoul, ne feit aucun semblant de se mettre en pays pour nous visiter, ains peu après en partit sans parachever un seul poinct de ses menasses.

M. de Nevers estant adverti comme l’empereur estoit esbranlé à se retirer, et son armée se rompre et diminuer journellement, ne laissoit guères passer jour sans envoyer gens sur pays pour les haster d'aller; et le plus souvent, aulieu de les advancer on les faisoit reculler, estant amenés prisonniers. Toutefois, on les trouvoit en si grande pitié que, sans leur faire mal, on les laissoit passer. En cest estat demeurasmes jusques au dernier jour du mois de décembre, que l’empereur, ayant eu nouvelle de la reprise du chasteau de Hédin, se voyant décheoir et diminuer de toutes choses, craignant le retour de l’armée du roi et tomber en plus grande honte et vitupère pour trop attendre, se retira des premiers le premier jour de l’an, laissant au duc d’Albe toute charge pour départir son armée et ordonner de la retraite.

Si tost que fut sceu par le camp que César estoit party, les chemins et villages à l’entour estoient couverts et pleins de soldats qui se retiroient les uns en leur quartier, les autres où Îls pouvoient, en si grande indigence et misère,

GUERRES DE BELGIQUE, LIV. IV

que je ne fais point de doute que les bestes mesmes, voire les plus cruelles, n’eussent eu quelque pitié de ces misérables soldats, tombans, chancellans par les chemins par extresme nécessité, et le plus souvent mourans près des hayes et au pied des buissons, pour estre proye aux chiens et oyseaux; ce qu’à plus grande raison doit esmouvoir les cueurs des personnes que fortune a rendu tant heureuses en ce monde, que jamais ne sentirent ny essayèrent les duretés de la guerre; et quand ils en parlent le ventre plein et le verre au poing, parm)y leurs plaisirs et délicatesses, leur semble que soyent nopces ou voluptés exercer cest estat, qui ne consiste, parmy mille et mille périls, qu’au danger de l’ame et du corps, s’il n’est justement et prudemment exécuté.

Pour ne perdre temps, et par advertissement que M. de Nevers avoit receu sur le chemin de la Franche-Comté, envoya le sieur de Moye et le capitaine André de Maye-More avec environ cinq cens chevaux, tant de gendarmerie que d'harquebusiers à cheval, pour chausser les esperons à messieurs les Comtois, se retirans par ces climats ; et peu s’en fallut que le : fils du sieur de Granvelle, le baron de Corlaou, le sieur de Dissay et le comte de Pondevaux, avec autres gentilshommes de leurs limites, nv laissassent du poil ; qui, se doutans de ceste venue, faisoient petites poses où ils passoient et longues traictes. Les nostres, ayans failly ceste première entreprise, d’une traicte s’allèrent au poinct du jour embusquer près d’une petite ville appelée Rambevillers, dedans laquelle estoit un commissaire des vivres qui venoit de la Franche-Comté pour l’empereur, et le maistre de la monnoye de Bezanson, avec deux autres marchands qui conduisoient grande quantité de tous vivres et provisions. Ces commissaires et marchands estoient au paravant chevallés 1 et conduits à l’œil par un Lorrain qui servoit d’espion, par lequel M. de Nevers estoit seulement adverty de ce qu’estoit à exécuter pour les surprendre et saisir prisonniers. Parquoy, embusqués que furent assez près de ceste ville, le sieur André envoya certain nombre de ses soldats italiens, qui devoient advertir lembusquade par un signal, s'ils entroient, et devoient gaigner la porte et en dejetter les

(1) Épiés.

gardes. Adonc eux faignans de venir du camp impérial, et d’endurer grand froid et faim, se somplaignirent tant, qu'ils furent mis dedans Dour trouver des vivres. Tost après quelques autres y arrivèrent ; lesquels feirent comme les premiers, et se trouvèrent léans assez forts pour repoulser les gardes des portes, qui n’estoient que gros paysans lorrains armés de vieilles hoguines, de bastons rouillés ou bruslés au bout. Le capitaine André, parlant fort bon espagnol, y arriva aussi peu après, demandant à entrer, ce que luy refusèrent à l'instant. Ses soldats, qui jà estoient advertis du signal qu'il leur avoit donné, quant et quant chargèrent sur les portiers à demy endormis, et les autres yvres; desquels les uns furent massacrés, les autres contraints à leur faire place et abandonner les portes, desquels fut faicte peu après pleine ouverture ; dont l’'embuscade advertie, a bride abbattue donna dedans ceste ville. Je laisse à penser quel mesnage y fut fait. M. le commissaire y fut trouvé caché dedans la paille d’un lict, qui, avec ces marchands, fut amené prisonnier à Thoul; les vivres et provisions dissipées,renversées, gastées, et le plus que l'on peut mises à perdition. Autant en feirent à Espinaux, Chastel sur Mozelle et Remiremont, où fut fait de grandes violences à l'abbesse et aux dames, et mesmement par ces Italiens nouvellement venus du camp de l’empereur au service du roy.

Devers Mets M. de Nevers avoit envoyé le sieur de Chastellus, lieutenant de la compagnie de M. de Bordillon, avec pareil nombre de cavallerie, pour recognoistre et rapporter le certain de ceste retraicte ; lequel, passant par le Pont Camouson, trouva que le comte d’Aiguemont avec son régiment de cavallerie en estoit party; où n’estoit demeuré qu'un grand nombre de misérables malades. De ce lieu passa jusques à Mets, où il trouva que le duc d’Albe et Brabanson avec la plus grande partie de l’armée impériale estoient deslogés en un désordre estrange, et, presque ozé-je franchement dire, chassés de punition divine, partans de nuict avec deux feux seulement pour signal, le plus secrettement qu’ils pouvoient, sans bruit de trompettes ou tabourins, laissans les tentes dressées et grande quantité de toutes sortes de harnois et armes, de caques pleines de pouldre à canon, un nombre infini de meubles et usten-

FRANÇOIS DE RABUTIN

silles, ayans caché soubs la terre une partie de leur artillerie, demeurant pour ostages une multitude incroyable de pauvres malades, envers lesquels M. de Guyse, les princes qui estoient dedans Mets, et généralement les autres jusques aux simples soldats francois usèrent de charité très humaines leur administrant toutes nécessités et tels soulagemens que pauvres malades estrangers ont besoing ; non avee telle rigueur et austérité que peult estre ils eussent traicté les subjects du roy, quand fussent tombés entre leurs mains à leur mercy.

Sur la queue donna M. le vidasme de Chartres, ayant desfait une compagnie de leurs chevauxlégers, et fait brusler un grand nombre de leurs pouldres qu’il avoit destroussé à leur veue, et retourna avec plus de prisonniers qu’il ne vouloit, sans perte ne dommage des siens.

Le marchis Albert estoit demeuré le dernier à partir pour servir d’escorte et arrière-garde, et pense que depuis ne fust sans s’en repenür ; car si-tost que M. de Guyse sceut qu’il gardoit la queue du loup, chercha tous les moyens pour le festoyer, luy donnant tant d'allarmes sans cesse qu’à peine pouvoit avoir heure de repos, Oultre ce, advertit et pria M. de Nevers de le secourir avec toutes ses forces, pour le desloger. Soudain qu'il eut ces nouvelles en feit part à M. le mareschal de Sainct-André estant à Verdun, pour s’assembler et joindre à ceste entreprinse. Parquoy le troisiesme jour de janvier il partit de Thoul avec toute sa gendarmerie et cavallerie et trois enseignes de fanterie, accompaigné de M. de Bordillon et de plusieurs gentilshommes et capitaines. Ce matin mesme alla disner à Pont Camouson, où le reste de ce jour attendit nouvelles de M. Ie mareschal, lequel estoit jà party, et avoit prins un autre chemin plus bas, ayant aussi envoyé le sieur de Mouy devers M. de Guyse, le priant de l’'advertir de sa résolution sur cest affaire, duquel attendoit response. Estant de retour le sieur de Chastellus, et par luy acertené de tout, mesmement que ce marchis cherchoit tous moyens pour se sauver et retirer, le cinquiesme de ce mois partit avec M. de Bordillon, suivy d’aucuns gentilshommes de sa maison et compagnie, au nombre de deux cens chevaux, por aller à Mets, où, avec sa troupe, fut bien venu et caressé, tant de ce magnanime et victorieux

GUERRES DE BELGIQUE, LIV. IV

prince de Guyse, que de tous les autres grands : le chef seulement pour payer l’escot de tous.

seigneurs, gentilshommes et bons compagnons qui estoient demeurés après ce siége. Lesquels nous monstrérent à l'œil et au doigt les grandes ruines et abatis de tours et murailles, faites par l'artillerie de l’empereur, les mines commencées et interrompues, les contremines par dedans, leurs remparts et tranchées basties et complettes avec si grande diligence que les espaules leur douloient, et les avoient encore enflées de tant y avoir jour et nuict porté la hotte ; les appareils estranges qu’ils avoient apprestés pour recevoir les ennemis à l'assault, comme pots, lances à feu, cercles, tortis, chausse-trappes, grenades et toutes sortes de feux artificiels, desquels estoit un des premiers autheurs M. de Sainct-Remy, gentilhomme vertueux, et en ces choses et autres de gentil et subtil esprit.

Le reste de ce jour ces princes eurent le plaisir à veoir les braves sortics et escarmouches de leurs soldats sur ce marchis et ses Allemans ; lesquels on alloit chercher en leur fort, et donner coups de picques et harquebnzades, Jjusques dedans leurs loges, pour les attirer au combat en la plaine ; ce que ne vouloient faire qu'à contrainte, se tenans serrés el unis, Sans se rompre ny escarter. En cest estat et continuelle peine estoient contraints demeurer dès le matin jusques au soir, ne s’osans espancher ay eslargir pour chercher vivres; car si-tost

’estoient trouvés en petit nombre, tout soudin par les marangets et fouillards, villains du pays, estoient esgousillés et desfaicts. De quoy davantage ennuyés se devoient plustost lever, comme les nostres désiroient, attendu que l’on ne les pouvoit forcer qu'avec perte. M. de Guyse feit mettre en une petite isle au-dessoubs du pont des Mores, quatre moyennes coulevrines, lesquelles tiroient à vollée jusques dedans eux. Tant leur fut fait d’ennuis, que deux jours après, ce marchis ayant perdu la meilleure part de seshommes, en plus petit nombre qu'il n’estoit venu partit de là, prenant son chemin vers Trèves. Il fut quelque peu suivy, et avoit-on bon marché de ses gens, estans assez combattus de froid, faim et toute misère; mais les François, esmeus de grand'pitié, n’en tenoient

Ainsi à sa confusion et honte deslogea l’empereur de devant Mets, sans avoir fait un seul poinct des rigoureuses menasses qu’il avoit mandé au roy, estant une si grande et merveil. leuse armée qu'il y amena, desfaite et ruinée, non totalement par fer et faim, mais plustost par ire divine. Par laquelle il peut entendre et cognoistre qu’en la force des hommes, ou ès grandes armées, ne consiste la victoire ; laquelle fault requérir et attendre avec juste querelle du seul régnant éternellement, tout bon et tout puissant. Quant au reste, il demeura si à sec et espuisé d'argent que, au partir du logis, il devoit presque toute la solde de ses misérables soldats. Voylà où il employa les promesses et juremens faicts aux électeurs du Sainct-Empire, et en quoy furent exposées tant de grandes provisions qu’il tira d’eux, estant, à brief dire, destitué de tous moyens pour entreprendre de long temps après chose de conséquence et de valeur. M. de Guyse, par le sieur de Randan, manda au roy toutes ces nouvelles ; lequel, ayant rendu très dignes et très dévotes graces au roy des roys, qui luy avoit concédé une si triomphante victoire, incontinent manda par tout son royaume que en cantiques et hymnes on chantast à Dieu omnipotent les louanges de sa haultesse, grapdeur, puissance admirable et ineffable bonté; le suppliant de nous tenir en sa garde, défense et tuition, ainsi qu'il faisoit les enfans d'Israël, gardans ses commandemens.

M. de Guyse feit le semblable à Mets avec une triomphante et générale procession, où il se trouva en toute humilité et dévotion; comme aussi feirent tous les princes, MM. d’Anguian, de Condé, Montpensier, de la Roche-sur-Yon, de Nemours, et les sieurs Horace Farnèze, Pierre Strossy, le vidasme de Chartres, les sieurs de Montmorancy, de Danville, de Gonnort, gouverneur de Mets; de la Broce, lieutenant de la compagnie de M. le duc de Lorraine, et de la Rochefoucault ; les vicomtes de Thuraine et de Martigues; les sieurs de Lanques, Antragues de Biron et Sainct-Remy ; et généralement tous les gentilshommes, capitaines et vaillanssoldats qui estoient demeurés après ce siège; lesquels

: tous le seigneur Dieu veuille conserver en compte; ains au lieu de les tourmenter, ils leur ouvroient le passage et laissoient aller les membres quittes, ne souhaitans que tenir

santé et prospérité.

Puis, ayant ordonné la garnison laquelle demeureroit dedans Mets, et disposé de tontes

FRANÇOIS DE RABUTIN

affaires, après les monstres faictes, tant de la | maisons, et luy s’en alla à la cour trouver le gendarmerie que fanterie, on nous donna congé | roy. Le semblable feirent M. de Nevers et les pour nous aller reposer et rafraischir en nos | princes que j'ay cy-dessus nommés.