SIXIESME LIVRE

De ce qui s’est fait ès Ardennes, Liéges, Hénault, Braban et Artois, tant par l’armée du roy que celle de l’empereur, en l’an 1554.

(1554) Peu de temps après, sur la fin du mois d'octobre, que l’armée du roy fut retirée du pays d'Artois pour estre départie ès garnisens des frontières du pays de Picardie, l'hyver commenta, qui, pour les grandes et longues pluyes, avec sur la fin autant aspres gelées qu'il est mémoire de nostre temps avoir esté, osta tout moyen à l'ennemy de se revancher, et attendre chose nouvelle contre nous. Et nonobstant que les armes fussent retirées de la campagne, ne désistoit couvertement de préparer la guerre contre nous à l’esté prochain. Cependant l'empereur se meit à poursuivre le mariage du roy d'Espagne son fils avec l'infante Marie, nouvelle royne d'Angleterre, avec telle solicitude. au’il n'oublioit chose aucune qui peust særvir a «a consommation d'iccluy, se voyant presque hors de toute espérance d’avoir secours d’ailleurs et recouvrer argent ; ce que plusieurs grands et notables seigneurs du royaume s’efforcèrent d’empescher, prévoyant l’immortelle guerre qui par les Francois leur estoit et à toute leur postérité préparée, ayant aussi auparavant expérimenté quelle perte et dommage leur avoit esté d’avoir si longuement soustenu

la guerre contre une nation tant belliqueuse, et de laquelle le ays d'Angleterre tircit innumérables commodités de vivres et toutes marchandises. Toutesfois, tant peurent les persuasions de l’empereur, avec l’instigation des roynes Marie et Éléonore!, et autres grands seigneurs ses confedérés, que la jeune royne, oubliant la misère et calamité de son pays, vaincue de nouvel amour et d'une ambition pour se veoir femme d’un fils d'empereur, contre les advis et volonté des plus grands de son royaume, qui plus fidèlement la conseilloient, après les avoir fait décapiter et mourir ignominieusement, détenant aussi prisonnière sa sœur et fille de son père, consentit à ce mariage; puis, le plus tost que le moyen se présenta, fianca par procureur, qui estoit le comte d’Aiguemont, Philippes, roy d’Espagne, espérant peu après parfaire et consommer le surplus. Le roy, Cognoissant toutes ces choses ne tendre seulement qu’à luy nuire et endommager, feit grands amas de deniers, appellant à son aide et

(4) Sœurs de Charles-Quiaot ; la première, gouvernante des Pays-Bas; la seconde, veuve de François 1, et retirée à Bruxelles,

secours ceux qu'il cognoissoit luy estre plus | obéissans et fidèles, et qu’il pensoit avoir le |

moyen de plus luy préjudicier ou faire service. Dont le pape Jules, voyant non seulement l’Europe, mais universellement tout le monde griefvement esmeu et troublé, le peuple chrestien misérablement foulé et oppressé ( non, comme je croy, sans grand remors et synderèse de sa conscience d’en avoir esté le premier autheur), envoya le cardinal d'Angleterre, son légat, devers le roy et l’empereur pour adviser par tous moyens à une bonne paix et union entre ces deux princes. En quoy ce bon et vertueux personnage, avec grande intégrité et zèle de la tranquilité publique, s’employa si vertueusement que, mettant arrière toute ambition et crainte de haine ou captivité, ne cessa de leur remonstrer les infinies misères desquelles le pauvre peuple chrestien est affligé, l’incertitude et misérable estat auquel l’Église catholique , par leurs dissentions , est maintenant réduite. Et n’estoit vraysemblable,quoy qu’aucuns ayent voulu dire que ce fust une sainte dissimulation , que ce bon cardinal favorisast plus à l’empereur qu’au roy. Quant à moy, je n’en veux croire que la commune et généralle opinion, qui lors estoit d’une asseurance de paix si grande, que les pauvres gens des frontières, de l’un et l’autre party, se l’estoyent ainsi persuadé, et s’en asseuroient tellement, qu'ils rebatissoient et eommencoient à rehabiter en leurs cazettes et petites maisons, fumantes encore du feu dont elles avoient esté ruinées; tant que chacun se promettoitun bienheureux repos, s’il eust pleu à Dieu amollir les cueurs de ces deux grands princes. Mais, tout ainsi que tous les signes de MoyseetAaronendurcissoient plus fort l'obstiné courage de Pharaon, afin d’après faire apparoistre les grandes merveilles du Seigneur, aussi Croy-je que, non encore satisfait et content de si petite punition de nos énormes péchés, n’a permis qu'on ayt voulu entendre à recevoir une bonne et asseurée paix. Parquoy ce légat, après maintes allées et venues de chacun costé, s’en retourna fort triste devers le pape, laissant ès cueurs des deux princes ceste tant invétérée inimitié que les clameurs du peuple misérable, le travail de la noblesse, ne les troubles de toute l’Église chrestienne, n’ont oncques aucunement peu divertir ; combien que fe puis dire, après l'avoir ouy affermer à plu-

FRANÇOIS DE RABUTIN

sieurs grands personnages, que le roy se soubmit aux plus raisonnables conditions qu’il estoit possible de demander, non de peur ou aucune crainte de son ennemy, ains de pitié et commisération du pauvre peuple et désir qu’il avoit du repos et tranquillité de l’Église.

Cependant, dès le commencement du printemps, la rumeur de la prochaine guerre s’esleva, et furent despendues les armes pour commencer à les fourbir et aprester, afin de se mettre tantost à la campagne, estant par toute la France publié le bruit que l’empereur dressoit grands amas de soldats et toutes provisions devers les contrées de Liéges et ès Ardennes, pour descendre du costé de Champagne; et proposoitassiéger la ville de Mésières, ayant estably celles de Mariambourg et Avesnes pour magazins et estappes. Parquoy le seigneur de Bordillon, qui lors estoit à la court, fut là soudaine. ment renvoyé afin de donner ordre à munir et renforcer ceste petite ville de tout ce que seroit de besoing pour attendre leur venue. D'autre costé le roy, prévoyant sagement, et sans qu'il en fust fait autre bruit, au dessein et délibérstion de l’empereur, feit tout devoir d’amasser grandes forces pour luy aller au devant et le lever de ceste entreprise. Ayant envoyé en Piedmont et devers l'Italie assez grand secours, afin de poursuivre et continuer le bon commencement que fortune luy présentoit cest part ; ayant aussi despesché capitaines et commissaires pour luy amener gens de guerre, tant des Allemagnes que des cantons et villes des Suisses ses confédérés, qui fut sur la fin et issue du printemps, quand le soleil, s’eslevant en grandes chaleurs au commencement du mois de juin avec une sécheresse estrange, brusloit et consommoit les fruits de la terre; de sorle qu'avec le long travail de la guerre le pauvre peuple, pour rengrégement de ses misères, n'attendoit qu’une très grande famine qui, toutefois, par la grace du Seigneur, ne luy advint. Et ainsi passèrent quelques jours, que le roÿ; voyant toutes ses forces prestes à estre mises en besongne, jà soit que son ennemy ne mon” trast aucun semblant de vouloir faire autrt chose, estant, comme je pense, occupé à la consommation du mariage de son fils, délibére le devancer, et, par le mesme endroit que le menassoit, de le venir assaillir, l’entamer et entrer dedans ses pays.

Pourtant feit assembler toute son armée en trois divers quartiers, à scavoir: en Picardie, à l’entour de Sainct-Quentin, où estoit chef le prince de la Roche-sur-Yon ; en la vallée de Laon, vers Crecy, où estoit chef M. le connestable; à l'entour de Mésières, où estoit chef le duc de Nivernois. En ceste petite armée où estoit lieutenant de roy le prince de la Rochesur-Ÿon, pouvoient estre environ neuf ou dix mille hommes de pied, la pluspart picards, et le reste des vieilles enseignes, trois cens hommes d'armes et cinq ou six cens chevaux légers, ou harquebusiers à cheval. En celle de M. le connestable estoient vingt-cinq enseignes de fanterie françoise, vieilles et nouvelles, deux régi mens d’Allemans du comte Ringrave et Reifberg, et vingt-cinq enseignes de Suisses, quatorze cens hommes d’armes, près de dix-huict cens ou deux mille que chevaux légers, que harquebusiers à cheval, desquels estoit général M. d’Aumalle ( qui, peuauparavant, estoit venu de prison), et bien près d’autant de nobles et rière-bans, estant toujours le seigneur de La Jaille leur général. Il y avoit aussi quelques compagnies de cavallerie angloise et escossoise. En celle du duc de Nivernois, estoient vingt vieilles enseignes de fanterie francoise tirées des garnisons de Metz, Verdun, Thoul, Danwvillé, Yvoy,et Montmédy, y comprenant quatre enseignes d’Anglois et Escossois, et, au lieu de ces vieilles compagnies, on y en mit d’autres nouvelles. Plus, y avoit deux régimens d’Allemans du comte Rocdolphe, et du baron de Fontenay trois cens hommes d'armes; oultre cela, près de huict cens que chevaux légers, que harquebusiers à cheval, desquels estoit général M. le prince de Condé, et deux cens pistolliers allemans. J’escrirois plus par le menu l’équip- page et ordre de ces trois armées; mais ne seroit que reditte, car par ce qu'en diray Cyaprès, on le cognoistra plus facilement.

Estant donc l’armée ainsi divisée en trois divers lieux, afin de tenir l’ennemy en doute de ce qu’on avoit délibéré exécuter, et de quel costé on le voudroit surprendre, par trois divers endroits entrèrent dedans ses pays. Celle du prince de la Roche-sur-Yon, ayant passé la rivière de Somme, donna dedans l’Artois avec un <ommencement fort cruel et furieux, bruslant et ruinant toute la contrée où il passoit. Celle de M. le connestable, la plus grosse des trois,

GUERRES DE BELGIQUE, LIV. VI

ayant pris le chemin devers Maubert-Fontaine le vingt-troisiesme de juin, faingnoit s’addresser devers Avesnes, estant lecommun bruit qu’on l’alloit assiéger. Et sitost que les enseignes de France furent recognues par ceux du plat pays, abandonnèrent villettes, bourgs, chasteaux, forts, et furent contraincts pour leur seureté se retirer dedans les Ardennes, avec la meilleure part de leurs meubles et bestail, estimant, parce que les lieux estoient inaccessibles pour la difficulté d'y pouvoir mener et conduire armée et artillerie, estre exempts et hors de tout péril. Dont plus facilement on peut ruiner de rechef la villette et chasteau de Cimets, les chasteaux de Trelon, Glaïon, Couvins et autres petits forts de l’environ, nonobstant que peu leur servit leur retraitte; car le duc de Nevers, prince très magnanime, s’estant délibéré dompter et réduire à son obéissance ceste gent presque barbare, pour estre peu conversée et fréquentée, les contraignit de desplacer et s'enfuir, abandonnans ces forts lieux, comme peu après sera au long déclaré,

Pour ce au desloger de Mésières feit camper son armée à l’entrée des Ardennes, en une vallée assez scabreuse et mal plaisante, au bout de laquelle il y a un petit village appellé Vielmesni], qui luy est nom bien convenable à rai son que c’estoient plustost vieilles ruines de manoirs que maisons habitées. Et dès ce soir despescha avec son trompette le seigneur des Marets, gentilhomme de son pays de Nivernois, des plus vieux et expérimentés hommes d'armes de sa compagnie, pour aller sommer le chasteau d’Orcimont à six grandes lieues de là. À qui fut faitte response par celuy qui estoit demeuré là dedans chef, nommé Colas Loys, lieutenant du sieur Barson, gentilhomme du pays de Liéges, principal capitaine dudit lieu, qui, peu auparavant, ne se doutant de ceste venue, en estoit sorty, qu'il ne se rendroit jamais s’il ne voyoit le canon; non pour sentir ce chasteau tenable, sinon pour la hauteur du rocher où il est situé, qui est presque inaccessible par deux costés; mais en une petite plaine qui est devers les bois, on assiégea l'artillerie pour le battre ; ce que ceux de là dedans n’eussent jamais pensé. Ce chasteau est au sieur de Barlemont, général des finances de l'empereur.

Ceste response ouye, ce prince délibéra de les aller veoir de plus près, et de loger son ar-

mée ce jour à une lieue de ce chasteau, si la difficulté des lieux ne l’eust retardé et arresté à moitié du chemin, pour estre en aucuns endroits tant difficile et pierreux qu’il estoit impossible que les hommes ne les chevaux s’y peussent tenir fermes; en autres, tant estroits, questions contraincts d'y passer à la file, un après l’autre; en aucuns, tant droits et difficiles que, pour y monter, l'haleine nous y failloit; et en d’autres, estoient les descentes si droittes, qu'il y falloit dévaller pas à pas, et encore se tenir et asseurer bien fort, si on ne vouloit culbuter la teste la première. Tellement que là peu servoient les chevaux à charrier l'artillerie, y estant beaucoup plus necessaire la force des bras pour la manier et conduire plus scurement. Vray est que par tout estoit mis tant bon ordre, qu'il estoit malaise que les ennemis y eussent sceu donner grand destourbier n’y empeschement, pour estre tous les chemins garnis de harquebusiers de dix à dix pas, à l'escorte de toute la suitte. Ce soir, vingtpeufviesme de ce mois, ce prince avec toute son armée campa en une autre vallée encore plus estrange que la première, appellée le val de Suranda, auprès le rocher où souloit estre le fort de Linchant, maintenant la pluspart ruiné ; au dessoubs duquel, et le long de erste vallée, décourt une rivière ou plustot torrent, appellé Semoys, qui vient devers Bouillon, et se va rendre dedans la Meuse, au dessus de Chasteau Regnauld. De ce lieu, sur le vespre, envoya le sieur de Jamets avec un régiment de fanterie francoise et artillerie pour battre le chasteau d’Orcimont, lequel, sitost qu’il fut salué de deux coups de canon, ceux de dedans, comme bien esbahis, sans conclure autrement de se vouloir rendre, ne se meirent en défense; mais le chef secrettement serra toutes les clefs, et, parune sccrette poterne qui sortoit dedans ceste vallée entre ces rochers, se sauva avec douze ou quinze de ses plus favoris soldats, délaissant les autres pauvrets bien estonnés et douteux de ce qu'avoyent à faire, qui toutefois peu après se rendirent à la mercy du prince, et furent amenés prisonniers.

Quand les capitaines des autres forts, le long de nos brisées, eurent advertissement que pour certain ce prince amenoit avec luy artillerie, ce qu'auparavant n’avoient jamais voulu croire, sans se mettre en devoir ne de luy empescher le

pas, ne de luy coupper et rompre les chemms,

comme ils ont de coustume, avec gros arbres abatus, abandonnans leurs forts, munitions et lieux où se souloient retirer, s’enfuyrent de toutes parts. Et, estans arrivés à Louette la Grande, où estions venus loger au partir du val de Suranda, trouvasmes un petit fort, appellé Villarzy, construit de terre et de bois, vuide, lequel vingt-cinq ou trente volleurs qui estoient dedans avoient quitté, desquels estoit capitaine un nommé La Losse, natif de Mésières, qui dès son jeune aage avoit esté nourry au service du seigneur de Lumes, et, après sa mort, tousjours avoit suivy le party de son maistre, qui, abandonnant ainsi ce fort de certaine délibération, meit le feu par toutes ses maisons, et tout le surplus du village, dont furent délivrés de peine nos vastadours, qui, pour ce faire, estoient ordonnés. Une église aussi que ces Ardennois avoient fortifiée, appellée le fort de Jadines, fut trouvée ouverte et abandonnée, qui fut de mesme sappée et abbatue, fors une grosse tour quarrée, de laquelle les quarres et liaisons furent rompucs au picq, et escartelées à coups de canon que le prince en passant par devant y feit tirer. Les villages d’alentour, assez beaux, veu la stérilité du pays, furent bruslés et destruicts. Et pource que le fort de Jadines estoit le plus dommageable de tous les autres aux Francois leurs voisins, les gouverneurs de Mésieres souvent s’estoient mis à lessay de le prendre et forcer, et peu y avoien$ fait, et n'avoit on eu jamais si grand moyen de Pexterminer du tout comme à ceste dernière fois. On peut aisément croire que le commen populaire ne devoit estre asseuré, voyant mesmement les soldats et ceux qui estoient dedans les forts les délaisser avant estre assiégés et battus. A ceste cause, tout le remède qu'ils pouvoient choisir estoit de se retirer et cacher avec le peu de meubles et bestail que ils pouvoient emmener au plus profond des bois et forests, et dedans le creux des montagnes et rochers, nonobstant que peu se sauvassent, parce que nos soldats, poursuivans la proye et butin, se mettoient à suyvre leurs trasses à cachettes, et souvent prenoient quelques-uns de ceux mesmes du pays, qui, pour s’exempter de mort, leur servoient de guide. Ainsi estoit rempli nostre camp d’un merveilleux nombre de miséra-

: bles captifs, hommes, femmes et petits enfans,

GUERRES DE BELGIQUE, LIV. VI

esmouvans un chacun à grande pitié et commi- feit retenir les principaux d’eux prisonniers, et

sération; et puis asseurer y avoir veu donner le taurillon pour vingt sols, la vache pour dix, et la beste à laine d’un an à deux pour cinq et six.

Le pénultiesme jour de juin, ce prince campa en un assez beau village, appellé Valsimont, au fond d’une vallée où décourt une rivière ou torrent, nommé Vouye, qui sort des montagnes, et se va rendre dedans la Meuse près de la; où sitost qu'il fut arrivé, envoya le hérauld Angoulesme avec son trompette, pour sommer ce chasteau de Beaurin, ès confins des Ardennes, et sur les limites du pays de Liéges, qui est aussi au sieur de Barlemont, bien aymé et chéry de l’empereur. En ce lieu de Valsimont, à l'endroit des ennemis usa d’une autant grande humanité qu’on pourroit dire d’un prince chrestien; Car, suivant ce que j'ay dit, luy estant fait rapport comme nos soldats avoient amené des bois grands butins avec grand nombre de femmes et jeunes filles, scachant qu'en ceste fureur de la guerre difficilement se pourroientelles sauver et garentir de forces ct ravissemens, les feit toutes ramasser et resserrer, avec commandement, à peine de la vie, de ne leur faire aucune force ne violence, ains de les ramener toutes en un certain logis; où ayant d’une libéralité grande et digne d’un si vertucux et magnanime prince usé envers les soldats, les feit seurement garder jusques au lendemain, que tout le camp fut party de là.

Estant de retour, le hérauld Angoulesme rapporta que ceux de Beaurin n’avoient point envie de se rendre, au moins s'ils ne voyoicnt le canon; parquoy, au partir de Valsimont, fut pris le chemin tirant droit ceste part, et, en approchant, ceux qui allèrent au-devant pour le recognoistre furent receus avec force harquebusades à croc et coups de mousquets, monstrans par Cela se sentir mieux munis que depuis ne furent trouvés, et attendirent que quatre canons d’abordée leur fussent présentés, prests à y donner le feu. Depuis, recognoissans le danger auquel estoient, et advertis que s’ils 2e se rendoient passeroient au fil de l’espée, et ceux qui en eschapperoïent par la main du

bourreau, après avoir quelque peu parlementé | et demandé à sortir bagues sauves, finablement furent réduits à ceste extrémité de se rendre

au bon plaisir et miséricorde du prince ; lequel

renvoya les autres petits compagnons un baston blanc au poing. Le capitaine de ce chasteau, Jean Colichart, natif de Bains en Hénault, fut amené prisonnier avec quarante de ses plus apparents soldats, entre lesquels estoient le capitaine du fort de Jadines, nommé le grand Gérard, et La Losse, dont j'ay parlé cy-devant, Capitaine de Villarzy, qui ne fut point mis à rançon ainsi que ses Compagnons, ains renvoyé peu après à Mésières pour, comme je croy, estre puny comme traistre.

A. de Nevers logea dedans ce chasteau une compagnie de gens de picd des vicilles enseignes et cinquante harquebusicrs à cheval. Au partir de ce siège, qui peu dura, chacun commença à sc resjouir de sortir de ce triste et fascheux désert pour entrer au pays de Licges plaisant et delectable, prenans la descente aux ports de Givets, des plus beaux qui soyent sur toute la rivière de Meuse, et, selon mon advis, des plus renommés. Mais, avant que passer oultre, je ne veux oublier comme, tant pour nous rendre facile et ouvert le navigage de este rivière qui descend le long de ce pays de Liéges et Braban, que pour forcer aucuns petits chastczux et forts assis le long du rivage de ce fleuve, on avoit laissé le capitaine Sal: sède, commissaire général de tous les vivres et munitions, avec six Compagnies de fanterie françoise et deux canons ; auquel, après avoir pris par force le chasteau de Fument appartenant au duc d’Ascot, celuy de Hierge, qui est au sieur de Bardemont, fut quitté et abandonné.

Et pource que, pour ne rendre aucunement confuse mon histoire, ne pouvant entremesler toutes choses les unes avec les autres, j’ay laissé cy-dessus à dire ce que les deux armées du prince de La Roche-sur-Yon et de M. leconnestable pour lors faisoient ès parties de Picardie et devers Mariembourg, après avoir au long narré les mémorables et victorieux faits du duc de Nevers, je reprendray le discours et hautes entreprises de ces deux armées, soubs lesquelles tous les païs de l’ennemy se plioient; car le prince de de La Roche-sur-Yon, avec sa petite armée bien fournie de vaillans soldats, faisoit trembler non-seulement les plus fortes villes, ains toute la Flandre sans qu’elle osast dresser amas et mettre sus gens de guerre pour empes-

cher qu’il ne bruslast et ruinast la plus grande partie de l’Artois et lieux circonvoisins.

M. le connestable, ainsi que j'ay desjà dit, selon le commun bruit (bien toutefois qu'autre fust sa délibération }, estoit sur le chemin d’aller assiéger Avesnes, quand la cavallerie légère avoit jà plus d’une fois escarmouché au-devant, comme si on l’eust voulu recognoistre, qui l’asseuroit tellement devoir estre assiégée, qu’elle s’estoit renforcée de garnison et de toutes munitions, demeurant Mariembourg avec sa seulle garnison ordinaire, encore bien petite. Or estoient les choses conduites tant secrettement et de si longue main, qu’estant mondit sieur le connestable adverty du petit nombre de soldats qui estoit dedans ceste ville plus forte que l’autre, et de plus grande importance, sans faire bruit, et le plus couvertement que fut possible, feit partir M. le mareschal de Sainct-André avec les Suisses et quelques compagnies de gens de pied françoises, environ deux ou trois mille chevaux et la pluspart de l'artillerie ; lequel feit si bonne diligence, ayant toute la nuict fait esplaner et délivrer les chemins et traverses des bois que les ennemis avoient haié et empesché, que le matin, vingt-troisiesme de juin, environ les dix heures, se trouva avec toutes ses troupes devant Mariembourg; dont furent ceux de là dedans soudainement fort estonnés, et plus encore la nuict d’après, ayant esté advertis comme le secours qu’ils attendoient avoit esté repoulsé, et n’y avoit ordre ne moyen que plus y peust entrer. Néantmoins, pour se desmonstrer plus asseurés qu’ils n’estoient, tiroient infinité de canonnades sur nos gens ; lesquelles toutefois ne les peurent retarder de commencer avec promptitude les approches et tranchées. Le lendemain, estant M. le connestable arrivé avec le reste de l’armée, voyant le bon commencement de ce siége, pour l’acheminer à meilleure fin feit tousjours et avec telle diligence continuer les approches, que le troisiesme jour de ce siége, ayant fait tirer cinq ou six vollées d'artillerie pour rompre seulement les défenses, fut requis à parlementer par les assiégés ; et, après plusieurs de leurs articles refusés, enfin condescendirent à rendre la place au roy, vies et bagues sauves, fors les armes, munitions et artillerie; et demeureroit le sieur de Rinsard, gouverneur de laditte ville, prisonnier avec les

capitaines et principaux d’icelle ; laquelle, rem- .

FRANÇOIS DE RABUTIN

plie de toutes munitions de prix inestimable, fut ainsi rendue le vingt-huitiesme de juin mil cinq cens cinquante-quatre.

Dont le roy, très aise, peu après partit d'auprès de Laon, et en ce lieu vint retrouver son armée le dernier jour de ce mois, laquelle, en signe de resjouyssance, à son arrivée fut mise en ordonnance de bataille, et toute l'artillerie deschargée, rendant un merveilleux bruit et retentissement dedans les bois et rochers des Ardennes, et donnoit advertissement aux autres villes impériales de la reddition de ceste ville, qui, pour estre le fort rempart de tout ce pais, avoit esté pour les François merveilleusement fortifiée. Autrefois, où elle est maintenant COnstruite, estoit un petit village (selon qu'aucuns prisonniers me l’ont raconté ) où estoient adres-

sées les assemblées de la grosse chasse, en quoÿ

la royne Marie prenoit singulier plaisir ; mais, pource qu’elle trouva l'assiette de ce lieu fort délectable et accommodée, print affection d'y édifier ceste nouvelle ville, et n’espargna chose aucune pour la beauté et fortification d’icelle; ce qu'eust fait davantage, si le roy ne l’eust prisé et soubmise à son obéissance ; lequel a pro non-seulement parachever ce qui n’est encore parfait, ains de La mieux munir et remparer ès lieux et endroits où la royne n’avoit eu temps de le pouvoir faire, estant jà changé nom de Mariembourg en Henriembourg. Or, pour rendre le chemin de là plus facile et descouvert jusques à la petite ville de Maubert- Fontaine, quien est la plusprochaine,on feit fortifier un petit village appellé Rocroy, dedans lequel on logea le capitaine La Lande avec 508 enseigne de trois cens hommes de pied, demeu” rant dans Mariembourg le capitaine Breul, de Bretagne, avec trois compagnies françoises- Peu de temps après y fut renvoyé de Dispan le seigneur de Gonnor, auparavant gouverneur de Mets, qui receut l'ordre du roy pour résider lieutenant général dedans ladite ville de Msriembourg.

Puisque j’ay descrit à la vérité les choses comme elles se sont passées entre ces deux afmées, je retourneray à celle du duc de Nevers; lequel, au sortir des Ardennes, peu aprés prise du chasteau de Beaurin, avoit envoyé le hérauld Angoulesme avec son trompette, PO sommer le chasteau et ville de Disnan, et sçaVOIF de ceux qui estoient dedans s’ils délibéroïenf

Ce

de continuer en leur neutralité accordée au pays de Lièges, ou s'ils vouloient tenir fort, pour et au nom de qui, ou de l’empereur ou de

. leur évesque, ausquels, au lieu de rendre quel-

que honneste response, s’oublians, feirent une injure que, pour l’indignité d’icelle, je ne veux passer soubs silence. C’est qu'ils leur dirent que s’ils tenoient les cueurs et foyes du roy et de M. de Nevers, ils en feroient une fricassée pour en manger à leur desjeuner; et, non coutens encore d’avoir esté si fols et si téméraires, laschèrent sur eux plusieurs coups d’harquebuses, crians après, et les appellans traistres, estimans par tels fols propos s’estre bien venges : ce qu’à bon droit leur tourna à grand opprobre et confusion, nonobstant qu’estant réduits à la puissance du roy (tant fut grande son humanité!) ne receurent le chastiment et punition qu’ils avoient mérité.

Le duc de Nevers estant le dimanche, premier jour de juillet, avec son armée, descendu aux ports de Givets, trouva que le chasteau d’Agimont, qui est decàa Meuse, à un quart de lieue de l’autre Givets, n’estoit encore rendu, bien qu'il eust esté sommé ; et pource qu’il avoit si sagement et avec si bonne police advisé à nos vivres, qu’ils ne nous estoient faillis ès plus grands et aspres déserts de toutes les Ardennes, et que lors se trouva sans nulraisfraichissement desdits vivres pour ses soldats, n'estant encore nouvelle du capitaine Salsède, commença grandement à se fascher, de peur que par ce défault les ennemis se peussent tant plustost renforcer devant nous, et interrompre nostre entreprise. Néantmoins ce jour mesme feit passer l’eaue à un nombre de cavallerie légère avec certaines compagnies de gens de pied, pour envelopper et enclorre ce chasteau, attendant l’armée du roy qui marchoit de Mariembourg pour se venir joindre là. |

Le lundy ensuyvant, ainsi que l’avant-garde de l’armée du roy arriva près de ce chasteau, les gens de pied feirent semblant de se mettre en devoir de le vouloir escheller et donner assault, qui toutesfois tourna à bon escient; car nos soldats entrèrent en jeu si avant et furieusement, que ceux de là-dedans ne peurent longuement soustenir leur effort, de sorte qu'ils furent contraints quitter et abandonner les dé-

fenses et leur donner ouverture; dont estans |

entrés de chaude chole, feirent passer au tran- XVI" s1ècce, La PL et La PI,

GUERRES DE BELGIQUE, LIV. VI

chant de leurs espées tous ceux qui vomurent faire résistance, qui n’estoient en grand nombre, ne gens d’authorité, et furent faits prisonniers Je capitaine du chasteau, Evrard de La Marche, fils naturel du comte de Rochefort, père de celuy qui vit à présent, seigneur de ceste place, et la pluspart des autres pauvres soldats renvoyés. Ainsi fut surpris et forcé ce Chasteau, sans avoir ouy le canon, et tout le butin pillé et saccagé. |

Le mardy, lendemain de la prise de ce chas- | teau, toute l'armée du roy se trouva assemblée a Givets deçà, et campa la pluspart entre le bourg et le chasteau, en une longue et spatieuse plaine. Et nonobstant que ceste grosse rivière feist une séparation entre nos deux armées, si est-ce que continuellement les parents, amis, voisins et compagnons la traversoient tous les jours pour s’entrevoir et festoyer les uns les autres. Le roy mesine, meu du bon rapport que Fon luy avoit fait de nostre armée, la passa, pour la veoir en bataille, le mercredy sixiesme de ce mois, et la trouva en fort bon ordre et équippage, dont se contenta merveilleusement.

Or, ne restoit plus qu’un petit fort, appellé le chasteau Thierry (qui est au baillif de Namur), que tout ce qui estoit à l’entour de nous ne fust soubmis à l’obéissance du roy. Pourtant Ce mesme jour y fut envoyé un régiment de gens de pied françois, avec artillerie et quelques compagnies de gens à cheval. Mais ceux qui le gardoient, ayant sceu le traitement qu’on avait fait à ceux d’Agimont, sans attendre leur venue quittèrent la place de bonne heure.

Ainsi fut trouvé ce chasteau ouvert et abandonné, au demeurant remply des plus beaux meubles qu’est possible, et grande quantité de tous grains, et croy que tout cela n’y demeura pas.

Les deux armées séjournèrent aux deux Givets six jours entiers, et le septiesme en deslogèrent. Celle du roy suyvit le chemin decà Meuse, et celle de M. de Nevers, pour la difficulté des chemins, ce soir campa en une vallée à deux lieues près de Disnan, au-dessus de laquelle estoit un petit chasteau appellé Valvin, qui fut trouvé ouvert, où ce soir il coucha en la basse-court. Le lendemain, jour de dimanche, toutes les deux armées arrivèrent à l’entour des villes et chasteau de Disnan et Bovines.

Soudain que celle du roy fut près de Bovines, fut assise et affutée l'artillerie au plus haut d'un cavin, dedans lequel passe le grand chemin qui monte en la plaine au-dessus, et ladite ville forieusement canonnée jusques à trois heures après midy, qu’estant la bresche faite à un portail et dedans une tour, fut donné quant et quant l’assault, et emportée avec petite résistance, estant seulement défendue par ceux de la ville mesme, ausquels en print mal, et en fut fait d’une première furie grand carnage.

Aucuns d'iceux, se pensans sauver, se jeticrent à la mercy de l’eau; toutesfois pour cela ne se peurent exempter de mort, estant tués la plus grande part. à coups d’harquebuses, en se plongeans dans le profond de l’eaue ; les autres, encore que ils eussent traversé ceste rivière, et prins prisonniers par les François, farent depuis pendus et estranglés pour avoir témérairement résisté et tenu fort contre la puissance du roy.Vray est qu’en recognoissance de la bonne guerre que les Espagnols avoient faite aux François à la prinse de Théroucnne, le roy pardonna et sauva la vie à certain nombre d'eux qui s’estoient retirés dans la grosse tour qui est au-dessus de ladite ville; et, usant de son humanité accoustumée, feit sauver les filles et petits enfans, et leur donna pour les conduire un hérauld d'armes et un trompetie.

Ce matin que M. de Nevers arriva auprès du chasteau de Disnan, voulant luy-mesme, avec le sieur de Jamets, de plus près l'aller recognoistre, fut occis d’une harquebusade à croc, tout joignant de sa personne, le cheval dudit sieur de Jamets; luy estant par cela donné advertissement que tels grands princes et chefs d’armées ne se doivent si hazardeusement exposer à tels périls. Pour ce jour toutesfois ne fut commencé la batterie, àcause qu'on n’avoit amené l'artillerie assez à temps; et seulement tout le reste du jour furent tirés plusieurs coups de canon pour commencer à rompre les défenses et aucuns gabions quiestoient sur le portail, et à une petite tour ronde assise au-dessus de la ville, qui nous endommageoit fort en nostre quartier. Et toute ceste nuict fut mise extreme diligence à faire les approches et tranchées, non sans grand danger, pour les innumérables coups d'artillerie et harquebusades à croc qui furent tirées du chasteau, sans meur-

FRANÇOIS DE RABUTIN

tre et perte d’autres personnes que des miséra-bles vastadours.

Le lendemain au poinct du jour, ce chasteau fut salué de trente groses pièces d’artillerie, quinze de nostre costé et autant de celuy du roy, de Pautre part de la rivière, qui donnojent le long du creux et dedans le chasteau: dont fut percée à jour la muraille de bricque la plus haulte. On battoit aussi en flanc une grosse tour ronde au coing d’un corps de logis qui regardoit devers septentrion. Du costé de M. de Nevers, on battoit une autre grosse tour ronde assise au bout de ce mesme logis, tenant au boulevert du portail ; et continua sans cesse, le jour et la nuict ce merveilleux tonnerre, jusques au mardy environ les trois heures après midy, que furent fracassées et démolies ces deux tours, et bresche faite au bout du dessus de ce logis, longue environ dix pas, toutesfois encore malaisée à y monter pource que le canon ne pouvoit prendre au pied de la muraille, estant roche vive; aussi il y falloit gravir le hault d’une picque, et estoit la montée encore glissante et peu ferme soubs les pieds, à raison de la terre et du ciment qui découloit continuellement dessus. Ce nonobstant, dès l’heure mesme, fut résolu de donner l’assault,et amena M. l’admiral les compagnies francoises ordonnées pour ce faire jusques au pied de la bresche ; les priant et admonestant, avec honnestes et gracieuses remonstrances, de se souvenir de la grandeur de la nation francoise, et du devoir auquel estoient obligés pour la foy et asscurance quele roy avoiten eux. Ces proposfinis, quelques capitaines, suyvis deleurs plus vaillans soldats, s’acheminèrent et advancèrent pour y monter et fut le capitaine Maugeron des premiers; parquoy les ennemis, le pensanssuivy de près,et queles François, la teste baissée,s’yroient eux mesmes enfourner là dedans, donnèrent feu à une trainée qu’ils avoient appareillé d'entrée; laquelle estainte, si nos soldats, poursuyvans leur entreprise, ainsi que ceux qui estoient dedans, ont depuis confessé, eussent fait effort d’y entrer, les ennemis ne pouvoient plus tenir qu’ils ne les eussent emportés, estant desjà tant rompus et endommagés des abatis et froissemens de la muraille que faisoit l'artillerie tomber sur eux, qu’ils ne pouvoient plus durer.

Mais si aucuns fcirent bien leur devoir, il y en eut d’autres qui s’y portèrent froidement, qui

ont laissé une fort mauvaise opinion d’eux. Le capitaine Sarragosse, porteur d’enseigne coronelle, y alla fort bravement, et fut blessé ; aussi feirent les capitaines Gourdes, La Molle et Le Fort, duquel le porte-enseigne, nommé Le Basque, y fut tué et renversé du hault en bas, et son enseigne relevée par trois fois, estans tousjours abbatus ceux qui la relevoient, tant qu’elle demeura au poing d’un soldat gascon appellé Fougasset. |

M. l’admiral, général de toute la fanterie françoise, voyant ses soldats ainsi refroidis, pour leur donner cueur, commença un peu plus sévèrement à les exhorter, leur monstrant qu’en la présence du roy, s’ils ne faisoient preuve de leur magnanimité ethardiesse, la bonneréputation qu'ils avoient par cy devant acquise leur tourneroit à un très grand reproche et infamie perpétuelle. Ce disant, luy-mesme le premier commença de monter encore pour plus les encourager ; un grand seigneur, nommé le sieur de Montpesat ( bien qu’il n’eust aucune charge en leurs bandes), empoigna une de leurs enseignes, et bravement devant tous eux la porta jusques toute au-dessus, où se meit à couvert derrière aucuns quartiers et ruines de la muraille tombée, les appellant, et leur faisant signal avec . l'enseigne de le vouloir suyvre,etaller après luy. Ce néantmoins ne fut onc possible qu'ils reprins sent courage; dont aucuns capitaines auparavant bien estimés tombèrent en fort mauvaise estimation. Et pource que la nuict s’approchoit, fut sonnée la retraite.

Ce jour, ceux de la ville de Disnan, qui est audessoubs de ce chasteau sur la rivière, se vindrent rendre à la mercy et miséricorde du roy, entrelesmainsdeM.deNevers,qui,oubliantleurs folles et téméraires paroles, humainemenit les receut,et asseura d’avoir la vie sauve,et que leur ville ne seroit point bruslée. Pour ce y furentenvoyés les capitaines Duras et Boisse, avec leurs compagnies de fanterie françoise. Mais Dieu, ne voulant qu'aucun péché demeure impuny, bien qu'aucune fois la punition soit différée, encore que ces compagnies y fussent logées pour leur asseurance et sauveté, ne le peurent garantir et exempter qu’ils ne fussent saccagés. Car les Allemans nouveaux de nostre camp, cuidans que ces compagnies y fussent entrées pour seules en avoir le sac,y dévallèrent à la foulle ; et, après avoir enfoncé les portes avec haches, coi-

GUERRES DE BELGIQUE, LIV. VI

Gi1

gnées et grosses solives, les uns y entrèrent par ceste ouverture; les autres, qui n’eurent patience d'attendre, grimpèrent et eschellèrent les murailles, se lanceans dedans par divers endroits, où ils feirent un merveilleux mesnage; et, nonencore contens, ayans esté advertis que dedans la grande église on avoit fait retirer toutes les femmes, filles et jeunes enfans avec aucuns citoyens, à tourbes s’amassèrent là devant, ct, après avoir, par grande violence, abbattu les portes et entrées de ce temple (quelque résistance que feissent aucuns François qui estoient là dedans ), ravirent et ent.ainèrent maints hommes, femmes, filleset jeunes enfans;

et fut, pour ceste cause, suscitée une cruelle meslée et d'eux et des François quiles en vou-

loient déjetter, qui dura toute la nuict et jusques au lendemain matin, que le roy y envoya expressément pour appaiser ce mutinement. Et depuis, par toute son armée feit crier, à peine

de la vie, que chacun eust à rendre toutes les femmes de Disnan, comme de plusieurs fut

faict, lesquelles feit nourrir, jusques à son partement de là, de ses munitions, jà soit que nos soldats en eussent grande nécessité.

Après que les François furent retirés de l’assault, notre artillerie recommença à battre ce chasteau, et continua la batterie toute la nuict, cependant qu’on cherchoit autre moyen de l’avoir, et faisoit-on, ainsi qu’on m'a dit, saper le pied de la muraille à l'endroit de la bresche,pour la rendre tant plus facile et aisée à monter. Toutesfois le jour troisiesme de juillet, environ les sept heures du matin, ceux de dedans s’offrirent à parlementer, et, estans receus à cela, sortirent premièrement le seigneur de Floyon, gouverneur de ce chasteau, et un capitaine d’Allemans nommé Hamol, qui furent conduits à la tante de M. de Nevers, auquel ayant proposé leurs articles, et leur estant résolument refusé d'emmener armes, artillerie et enseignes, accorda qu’ils sortiroient avec l'espée, la dague, et quelques autres menues bagues. Depuis, le seigneur Julian, capitaine des Espagnols, qui pour garder l’authorité, de laquelle ceste nation se préfèreà toutcslesautres au faict des armes, requéroit avec grandes remonstrances que luy et ses gens en sortissent avec les armes, ce que toutesfois M. le connestable ne luy voulut onc accorder, néantmoins qu'en sa charge il s’oublia grandement ; car, cependant

que plusieurs princes et grands seigneurs s'arraisonnoient sur ce faict et mettoient en divers autres propos, on envoya secrettement les seigneurs de Bordillon et de Rabaudanges pour scavoir et conclure avec les Espagnols s'ils en vouloient sortir à la condition des autres; à quoy ils consentirent très volontiers, ne demandans qu’estre mis en liberté. Par quoy,estant apportée à M. le connestable leur capitulation signée ct accordée, fut monstrée au sCigneur Julian, qui, à la facon espagnolle, faisant grandes exelamations, disoit, comme lun des premiers et principaux de tous, n’y point consentir ne l'approuver, et requéroit avec grande importunité qu'il fust remené audit chasteau , lequel il vouloit garder avec ses seules compagnies espagnolles, ce que de grace luy fut ottroyé, avec protestation que s’il estoit pris deforce, n’espérast moinsque d’éstre pendu le premier à la porte. Dont fut tout à loisir modérée sa cholère, ayant occasion de penser plustost au danger auquel estoit qu’à se renfermer avec ses soldats, quine demandoient que sortir de ce lieu ainsi que feirent les uns après les autres, le roy tousjours présent, qui en avoit grande commisération, estant la pluspart tant deffaits et exténués qu’ils sembloient corps désenterrés ou images de mort. Néantmoins qu'avec eux emportèrent Ce loz, d’estre autant vaillans hommes qu’on en eust sceu eslire. Desquels le nombre je ne le puis asseurer ; vrayesl que,lors qu'ils sortirent,faisoient monstre d'environ huict cens hommes de toute sorte, et euxmesmes ont confessé qu’unset autres enestoient morts là dedans, environ huict vingts ou deux cens. La compagnie de M.de Tavannesfut ordonnée pourles conduire en seureté sur le chemin de Namur, et futce capitaine Julian retenu prisonnier,non-seulement pour la response qu’il avoit faite, mais pour autre plus grande occasion.

Ce chasteau est nombré pour estre entre les plus fortes et belles maisons de l'évesché de Liéges, que Evrard, évesque de la maison de La Marche, oncle du sieur de Jametz. à présent vivant, rédifia sur les anciennes ruines, plus excellent et fort que n’avoit onc esté ensemble plusieurs autres, comme Hue, Franchemont, Stoquehan, Bouillon et Floranges. Il est situé sur un gros rocher, qui peult avoir de tour et circonférence environ quatre cens pas, sortant de la coste d’une montaigne de longue estendue,

FRANÇOIS DE RAB:TiN.

sur la rivière de Meuse, en forme d’ovalle ou barlongue, inaccessible par deux endroits, du costé de la ville et de la rivière, fort malaisé aussi du costé où fut faite la brèche. Sur les deux fronts sont deux bouleverts en demy cercles , ou, comme on dit à présent, en fers de cheval : l’un regarde et défend toute la plaine de ceste montagne, servant de plate forme ; l'autre, dessus la ville et la rivière, est presque semblable, sinon qu’il n’est pas du tout si hault, et le dessus est fait de bricque, sans estre en rien remparé. Dedans ce chasteau est une court quarrée d'environ quarante pas de diamètre et d’estendue, environnée de trois grands COrps de mai-

sons de belle structure et fabrique, soustenus par le bas de grosses colonnes , la pluspart doriques, d’une pierre fort dure, ressemblante le marbre noir, madrée de taches blanches et grises; de laquelle aussi tous les fondemens sont faits, et le dessus de bricque. Au-dessoubs est environné de belles et spacicuses galeries et promenoirs; dessus y a plusieurs grandes salles propres et merveilleusement bien accommodées de chambres et d’une triomphante chapelle, qui prend la clarté devers la ville. Au dehors vers septentrion, tenoient ces deux tours rondes, qui furent à coups d'artillerie démolies et ruinées jusques aux fondemens, etau bas yavoit une courtine ou faulse braye, flanquée de torrions, qui fut presque toute sapte et abbatue. A la racine de ce gros rocher, le long de la rivière, est la ville bien bastie et ornée d’édifices, d’assiette propre pour y amener toute sorte de marchandises, mesmement cuivre, airain, et toutefontederosette.Del’autrepartdelarivière, l’espace, d'environ deux cens pas, est la ville de Bovines, qui n’est de beaucoup moindre que Disnan, de la comté de Namur, et se trouve qu’anciennement ces deux villes se faisoient la guerre guerroyable; celle de Disnan tenant le party de La Marche, qui estoit pour France, et celle de Bovines celuy de Bourgongne. { Je ne me puis tenir de dire et plaindre le tort que ceste ville de Disnan, neutre avec tout le pays de Liéges, s’est fait délaissant sa neutralité pour, à l’appétit et instigation de leur évesque, oncle de l’empereur, s’assujettir à un particulier, qui, ainsi qu’on dit, par violence et par tyrannie a usurpé l’évesché de Liéges à l'abbé

de Beaulieu, auquel son oncle susdit avoit ré-

signé. Et peult-on veoir combien grande fut

l’humanité et douceur du roy , qui ne voulut qu’on destruisist et bruslast la ville de Disnan comme Bovines, eu esgard à la subjection en laquelle le chasteau de la ville mesme la tenoit, qui encore luy commandoit, dont au plus beau et fort endroit fut par sa faulte sapé et abbatu, pour à jamais estre exemple que les terres neutres, spécialement de l'Église, ne doivent estre partiales, et adhérer plus à l’un qu’à l’autre.

Cependant que ces deux armées estoient arresices à l'entour de Bovines et Disnan, celle du prince de La Roche-sur-Yon, faisant mervcilleusement au pays d'Artois, fut par quelques jours cavallée par un nombre de Flamens qui la costoyoient et suivoient pour tousjours interrompre son dessein. De quoy ce prince advertv, et des brisées qu’ils tenoient entre Arras et Bapaulme, leur dressa une partie si à poinct, que, les ayant enveloppés sur le chemin, les chargea de telle sorte qu’il y en demeura plus de deux cens des leurs; et furent amenés prisonniers de leurs principaux chefs, le seigneur de Fama, gouverneur de la citadelle de Cambray, et son lieutenant, et un grand seigneur de la chambre de l’empereur, nommé le seigneur de Varluset, capitaine de chevaux légers. Et dit-on que, sans un bon cheval sur lequel estoit monté le sieur de Haulsimont, gouverneur de Bapaulme, il estoit en danger d’y demeurer avec eux et leur tenir compagnie. Deux cornettes de leur cavallerie y furent desfaittes et prises, lesquelles mondit seigneur envoya au roy en ce lieu, pour plus Passeurer de l'avantage qu’il avoit eu sur les ennemis.

Le quinziesme de ce mois de juillet, plusieurs marchans francois, qui avoient, par la rivière, amené vivres en nostre Camp, après les avoir vendus , remontans à Mésières avec leurs bateaux chargés de butins et d’aucuns soldats et capitaines Sarragosse, Gourdes «et la Molle, blessés ès assaults desdites villes, furent rencontrés par les Bourguignons assez près des ports de Givets; et, les ayans contraints de venir à bord, partie tuèrent et partie emmenèrent prisonniers, entre lesquels estoient ces trois capitaines ausquels feirent bonne guerre et gracieux traittement, et les renvoyèrent sur leur foy. Au partir de là, advertis qu'à Givets estoient quelques compagnies de nos Anglois et Escossois, à limprouveu {es allèrent surprendre et contrai-

(ÿ Harcelée.

GUERRES DE BELGIQUE, LIV. VI

gnirent se retirer en une maison assez tenable, dont emmenèrent quatre-vingt et six de leurs chevaux. |

L'empereur, quiestoit à Bruxelles, assez près de nous, adverty de toutes ces choses, et que le commun bruit de nostre camp estoit au partir de Disnan d'aller assiéger Namur, feit premier loger dedans la ville tant de soldats qu’il veit y estre de besoing, la scachant autrement peu fortifiée d’autres fortifications artificielles, et qu’à telles grandes villes, comme il faut grand nombre d'hommes pour les assaillir, aussi y est requise une grande et soigneuse diligence pour leur défense. Voyant aussi toutes les communes du plat païs esmeues, de sorte que tout estoit abandonné, envoya d’autre part le duc de Savoye, son nepveu et licutenant général, avec tant de soldats qu’il peust recouvrer, pour promptement se parquer à costé de ceste ville, en un lieu appelé Givelou, entre les deux rivières de Meuse et Sambre, et feit serrer et amasser son armée en extreme diligence, ayant mandé soldats luy estre amenés de tous endroits de ses païs. Sitost que ce prince se fut fortifié en ce lieu, il escarta sa cavallerie sur le chemin d’où pensoit que vivres nous pouvoient venir, tant pour nous affoiblir et donner occasion de nous retirer, que pour prendre langue et savoir nostre délibération ; faisant semer un bruit qui nous estoit rapporté par nos espions et prisonniers, que si nous adventurions de poulser plus oultre, ou de passer la rivière de Sambre pour entrer dedans le païs de Hénault, sans faillir l’aurions en teste, délibéré de nous donner bataille. Mais, ainsi que depuis a csté veu, le roy n’estoit point entré si avant dedans les terres de son ennemy, pour s’en retourner sans passer plus oultre ; et, laissant le chemin de Namur, conclud de passer la rivière de Sambre et de brusler et destruire le païs de Hénault, où désiroit grandement trouver son ennemy, et veoir si, en luy défendant le passage de la rivière, le combattroit, comme de long-temps lavoit menassé. Donc estans de retour ceux qui estoient allés recognoistre les lieux et chemin que l’armée devoit suivre, aprèsavoir renvoyé le sieur Bordillon avec sa compagnie pour retourner devers Mésières faire retirer aucuns Bourguignons qui brusloient quelques villages là autour, le roy leva son armée de ce lieu le : lundv, seiziesme de juillet, pour continuer sa

susdite délibération. Scachant toutefois la difficulté de pouvoir recouvrer vivres, et que les ennemis mesmes les avoient retirés dedans les villes fortes, et rompu et ruiné tous les fours et moulins, advisa d’advertir toutes les compagnies faire provision de tant de vivres que leur seroit possible; ct en feit-on tant qu’on peust charger les chariots de munitions; estant demeuré M. de Nevers sur le bord de Meuse, tant pour faire distribuer le surplus des munitions que pour attendre la démolition du chasteau de Disnan, et de tous les autres petits forts de l’environ ; d’où partit le mercredy dix-huictiesme dudit mois, et alla retrouver le roy en un village appellé Storne, auquel y avoit une assez belle maison d'un gentilhomme, qui y fut par nostre cavallerie légère surpris, voulant disner. Le lendemain, au desloger, le feu y fut mis, et par tous les villages circonvoisins; et devions ce jour trouver le duc de Savoye sur la rive de Sambre, qu’on disoit avoir délibéré nous empescher de passer ceste rivière; et jà estoient les capitaines et soldats advertis de ce qu'ils devoient faire, se préparant un chacun d'employer toute sa force à se faire chemin , nous estant osté tout espoir et moyen de fuir, pour estre enclos entre deux rivières. Donc toute l’armée marcha en bataille droit à ceste rivière; ot nos Coureurs ayans donné jusques sur le bord, ne trouvèrent un seul homme qui leur feit résistance, et passèrent librement oultre; que toute la cavallerie légère peu après suyvit, puis la fanterie et gendarmerie, sans perte d’un vallet, si ce ne fut par autre accident ; et sceusmes nous depuis, que les ennemis se contenoient lors bien serrés dedans leur fort, et au lieu de nous venir chercher s’y estoient en diligence renfermés et fortifiés avec grandes tranchées. Toutefois ce soir furent descouvertes aucunes troupes de leur cavallerie, qui tost se remeirent dedans les bois, ayans aperceu certaines compagnies des nostres qui les vouloient accoster. Ainsi demeura abusé le pauvre populaire de l’autre part de la rivière de Sambre, se confiant que leur armée ne nous permettroit la traverser sans estre combattus; et fut une grande partie surpris dans les maisons, avec gros nombre debestail et divers meubles, non sans grande pitié, estant tout ce plat pays mis en feu et proye, mesmement une petite ville appellée Fornes, au comte d’Assebais. Ce soir nous campas-

FRANÇOIS DE RABUTIN

mes au-decà de ceste rivière, en un taillis, où estoit l’armée bien serrée et unie ; car n’estions lors qu’à une lieue et demie de nos ennemis.

Le lendemain, vingtiesme de ce mois, l’armée françoise commença faire son entrée dedans le pays de Hénault, si furieusement, qu’estant ruinée et mise à perdition toute la contrée, brusloit et destruisoit tous les bourgs, chasteaux et villages, et sans qu'il y en eust un seul qui osast faire résistance, fuyant tout le populaire la rencontre de ceste horrible furie, qui fut continuée jusques au vespre, que nous campasmes en un village appelé Jumets; auquel y avoit deux chasteaux, et fut dit dedans l'un avoir longuement séjourné un capitaine de l’empereur, lequel s’y estoit logé avec quelque cavallerie pour rompre nos vivres; mais, avoir sceu nostre venue, à bonne heure en estoit deslogé. Ces chasteaux furent ès plus forts endroits démolis et ruinés.

En ce lieu le roy feit un acte d’un vertueux et très chrestien prince; car, luy estant rapporté par le guidon de la compagnie de M. de Nevers qu’une pauvre femme, son hostesse, avoit accouché d’un beau fils, luy-mesme voulut estre le parrain, et le porter sur les fons de baptesme, le nommant de son nom Henry, et fut baptisé par M. le révérendissime cardinal de Lorraine. Je ne puis asseurer du présent que Sa Majesté luy feit ; seulement je sçay et vey qu’à la porte du logis fut escrit que c’estoit La maison où le roy avoit chrestienné l'enfant, à ce qu’elle ne fust destruite et ruinée. Ceste nuict, le comte Rocdolphe avec ses pistolliers, son régiment d’Allemans, la compagnie de M. le duc de Bouillon, et deux moyennes pièces d'artillerie de campagne, entreprit d'aller surprendre la petite ville de Nivelle, première ville de Braban. Toutesfois, la trouvant mieux munie de gens de guerre que ne pensoit, retourna sans faire autre chose que brusler les faulxbourgs et villages de l'environ, dont amena un. grand butin.

Au desloger de ce lieu, continuasmes le chemin droit à Bains, l’une des principalles villes de Hénault, laissant tousjours après nous, pour nos brisées, feux, flammes, fumées et toute calamité ; lesquelles suyvoit le duc de Savoye avec l’armée impériale de logis en logis, dressant sur nostre queue toutes les alarmes qu’il pouvoit pour nous ennuyer et affoiblir ; estant,

comme je croy, luy-mesme assez ennuyé d’ouyr et veoir les plaintes de ce misérable populaire ainsi destruit ct ruiné, auquel ne pouvoit donner autre consolation, sinon de leur dire que nous fuyons devant luy, et qu'il nous suyvoit pour les venger. Mais ce mesme jour nous feismes apertement cognoistre le contraire ; Car ce soir tout nostre armée alla camper à l’entour de Bains, et là furent allumés des feux encore grands que les premiers, pour y estre enés et embrasés des plus beaux chasteaux et maisons des gentilshommes qu'on pourroit bastir n’édifier. Entre autres fut mis le feu en la magnifique maison de Marimont, construitte curieusement pour le singulier plaisir et délactation de la reyne Marie, appropriée de tant de singularités qu’il est possible de penser. Un autre excellent chasteau appellé Tragény, fut bruslé, et la pluspart ruiné, où furent trouvés divers meubles et riches accoustremens, tant d'hommes que femmes. Ainsi fut fait de plusieurs autres, lesquels nommer ne seroit que remplissage de papier, et ennuy à ceux qui le liroient ; et n’en puis escrire qu'avec grand regret et compassion, voyant ainsi rusr jus et exterminer tant de beaux édifices.

Le jour ensuyvant, vingt-deuxiesme de juillet, |

feste de Saincte Magdaleine, la ville de Bains, après avoir esté sommée, et ne s’estant voulu rendre, commença d’estre canonnée fort furieusement , et d’autre sorte que lors que le sieur d’Allègre y perdit la vie ; laquelle, après avoir enduré cinq ou six vollées de canon, se rendit à la mercy et miséricorde du roy, qui, ioutesfois, commanda la destruire et brusler, se ressentant encore de son chasteau de Foulembray et villes de Picardie, que la reyne Marie avoit fait auparavant mettre à feu et ruine pendant qu’il estoit en Allemagne. Autant en feit on de un très beau et magnifique chasteau qu’elle y avoit fait nouvellement eslever, remply et aorné de toutes choses exquises, comme de plusieurs variétés de marbres, tableaux, peinctures plates et eslevées, statues, colonnes de toutes sortes, desquelles toutefois fut fait en peu de heures grand dégast et destruction ; et le sieur de Blosse, qui en estoit gouverneur, fut amené prisonnier avec des plus apparens qui furent trouvés là-dedans et en la ville:

usant le roy de son accoustumée doulceur envers les femmes, jeunes filles et petits enfans

GUERRES DE BELGIQUE, LIV. VI

qu'il feit conduire et mettre en sauveté par un hérauld et un trompette. Puis, ce matin mesme, fut envoyé le sieur de Giry, lieutenant de la compagnie de M. de Nevers, avec quatre autres compagnies de gendarmerie, pour tenir escorte à ceux qui meirent le feu par tout le chasteau du Reux, que le feu seigneur avoit fait rebastir et mieux maconner que n’estoit quand la première fois fut bruslé, estant voulté depuis le bas jusques en haut, néantmoins qu'il fut beaucoup endommagé du feu qu’on y mit, et à tous les édifices circonvoisins. Et furent ces choses parachevées en si peu de temps, que le jour mesme nostre armée passa une lieue plus avant, et campa ce soir en un village appellé Bains-soubs-Bains, où y avoit un grand nombre de pauvres captifs et prisonniers, tant de ceux qui y furent trouvés que d’autres que les soldats amenèrent des autres lieux; desquels les despouilles furent après vendues à vil et petit prix, pour avoir et acheter vivres qui estoient fort chers ; qui fut cause de diligenter nostre armée pour la mettre hors de ce pays.

Le lendemain, au partir de là continuasmes tousjours le gast de pis en pis, tenans le chemin devers une petite ville maintenant appellée Bavets, fort antique, édifiée premièrement des Troyens, qui passèrent delà la forest de Mormault, la nommans du nom de leur prinee Bavo, ores peu habitée, à laquelle, pour davantage la ruiner, fut mis le feu en divers esdroits. L'armée impériale nous suyvoit adonc de fort près, s’estant renforcée tant du secours des Allemans que le duc de Brunsvic avoit amenés avec deux mille reistres, qu’on appelle en françois pistolliers, que pour y estre retirées toutes les garnisons que l’empereur avoit départy ès villes que nous laissions derrière nous, Par quoy estoit bien nécessaire que nostre armée tinst un grand ordre, et marehast en telle ordonnance qu'elle fust tousjours preste pour combattre de lieu en autre, pour la doute qu’on avoit que l’ennemy vigilant, subtil et courageux où il sentiroit advantage pour nous assaillir ne laisseroit eschapper l’occasion. À quoy advisant sagement M. le connestable, pour soustenir les charges et entreprises que les ennemis eussent peu dresser sur nostre queue, demeuroit ordinairement avec l'avant-garde, et deslogeoit tousjours le dernier. Ce soir nous campasmes entre ceste

petite ville de Bavets et le Quesnoy, en un vil-

lage appellé le Villey, où ne fusmes si tost des- ;

cendus des chevaux que nous fallut remonter, encore que fussions grandement tourmentés de vents et grande abondance de pluyes, nous estans de tous costés données alarmes ; de quoy ne se faut esmerveiller, veu que lors estions au milieu de cinq ou six villes des ennemis, grandes et fortes, et pleines de gens de guerre, savoir : Mons en Hénault, Avesnes, Landrecy, Le Quesnoy, Valenciennes et Cambray, et l'armée impériale qui nous tallonnoit, et eust assailly, comme par un désespoir, ne fust la bonne et vigilante conduitte de nos chefs et gouverneurs, s’estans desjà les ennemis adventurés jusques à vouloir en plein jour forcer nostre guet, ayans surpris une des sentinelles de la compagnie de M. de Tavanes. Toutefois n’osèrent enfoncer plus avant, et furent, dès lors que les apperceusmes, rembarrés accortement jusques dedans Le Quesnoy, où ce soir mesme nostre cavallerie légère escarmoucha longuement de grande hardiesse et dextérité, qui fut cause de les faire contenir et nous donner quelque peu de repos le surplus de ceste nuict. Nous cam- . pasmes le lendemain decà Le Quesnoy, en un fort beau et gros village appellé Soulcine, et, au partir de là, y mismes le feu, comme aussi par toute ceste contrée. Entre autres y fut bruslé et destruit le beau bourg et chasteau de Goumigny.

Le lendemain vingt-quatriesme de ce mois, les ennemis, comme désespérés pour nous veoir à leur présence destruire ct fouldroyer leur pays, sans doute de leur suyte ne crainte d’estre affamés, proposèrent nous appareiller une charge à la faveur du temps pluvieux et couvert de brouillarts, cognoissans aussi qu’avions à passer deux assez fascheux ruisseaux, qui g’estoient ceste nuict enflés, où espéroient nous retarder et mettre en tel désordre qu'ils auroient bon marché de nous. Ainsi toutes les compagnies et garnisons de leurs grosses villes, qu’avions laissé derrière nous, réunies ensemble, feirent partir en deux troupes environ quatre mille chevaux de leur cavallerie la plus dispose que peurent choisir, et embusquèrent partie dedans quelques bois sur le chemin, partie dedans certains villages prochains, selon la commodité qu’ils avoient pour le sousterement des uns et des autres demeurant le

FRANÇOIS DE RABUTIN

duc de Savoye plus en arrière avec quatre ou cinq mille autres chevaux et quelque nombre

de gens de pied, et avoit laissé à la campagne près de quatre ou cinq cens coureurs pour attirer nos chevaux légers, par lesquels ayans esté premièrement descouverts, par M. d’Aumale en fut donné advis à M. le mareschal de Sainct-André, qui estoit demeuré sur la queue avec deux régimens de gendarmerie, pour sçavoir s’il seroit bon de les charger ; lequel luy renvoya qu'il n’estoit de ceste opinion, se doutant de plus grande suitte. Par quoy furent envoyés les sieurs Paule Baptiste et le capitaine Lancque pour les recognoistre de plus près, qui feirent rapport,'chacun de son costé, avoir descouvert deux autres troupes, chacune de deux mille chevaux; lesquels peu après que le temps se fut micux esclarcy, d’eux-mesmes se descouvrirent pleinement et de si près, qu’ils attaquèrent l’escarmouche avec nostre cavallerie légère assez près de nostre camp, sans toutefois oser aborder à bon escient les autres rangs de nostre cavallerie, ne de la gendarmerie, qui leur feirent assez longuement teste, et à leur veue se retirèrent et passèrent ce dernier ruisseau, dont s’en retournèrent les ennemis, sans reporter l'honneur d’avoir eu aucun advantage sur nous. Le régiment de M. de Nevers adonc avoit esté envoyé d'autre costé où furent desfaits quelques-uns de leurs coureurs qui emmenoient grand nombre de bagages, lesquels furent en partie recouverts. Nous campasmes ce soir en un village qui l’année précédente avoit esté bruslé, appellé Vielly, le pire logis que nous ayons fait tout le long du voyage, s’estant la pluye renforcée, qui dura toute ceste nuict, et nous contraignit de laisser et abandonner par les chemins chariots, chevaux et tous autres bagages.

Ce jour mesme, un trompette que M. de Nevers avoit envoyé au camp de l'empereur pour scavoir nouvelles d’un homme d’armes de sa compagnie, nommé le seigneur de Chellé, en retourna presque tout nud, et dévallisé par aucuns soldats ennemis, téméraires et peu expérimentés au fait de la guerre. Mais à l’instant fut renvoyé en ce mesme état, avec une trompette de Bourgongne, qui avoit charge du roy de dire au duc de Savoye, lieutenant général de l’empereur, que si doresnavant vouloit user d’une telle facon, et que toutes les libertés de la

guerre fussent abolies, il feroit le semblable aux sieus. Ce qu’entendu par ce généreux prince, en fut grandement fasché, et soudain feit diligemment chercher par tout son camp ceux qui avoient commis un si lasche et poltron acte, pour en faire punition exemplaire, et après avoir recouvert les hardes et cheval de ce trompette, et l'avoir récompensé des autres choses qui luy avoient esté ostées, le feit seurement reconduire par le sien. Ce soir aussi s'esleva un grand murmure, qu'un trompette bourguignon, venant chercher de leurs prisonniers en nostre camp, avoit dit à M. le connestable qu’au leur on tenoit asseuré que nous fuyons devant eux, et se vantoit leur général que, si le voulions attendre vingt-quatre heures seulement, qu’il nous donneroit la bataille. Auquel fut faite responce qu'ils n’avoicnt cause d’estre si présumptueux, et d’usurper si légèrement telle gloire, leur ayant esté présentée assez de fois l’occasion de combattre s’ils en eussent eu envie ; nonobstant que, si leur prince en avoit si grand désir, demandant si peu de temps, il l’asseuroit de la part du roy qu’on l'attendroit vingt - quatre heures entières, et non plus longuement, pource que nostre armée estoit jà fort harassée, et avoit faute de vivres, ou s’il vouloit le venir trouver près de Cambray, qu’il s’asseurast qu’on luy attendroit huict jours entiers où ne luy sr roit refusée la bataille. |

Et pensois-je qu’on doutast que telle fust la délibération de l’ennemy pour le séjour que nous feismes en ce mesme lieu tout le lendemain, nonobstant la nécessité qu’avions de vivres; aussi qu’on alla visiter et recognoistre les lieux des plus commodes pour y loger les bataillons avec toute la gendarmerie; mais nous cogneusmes puis après que les Impériaux n’estoient en telle volonté qu'ils nous faisoient menasser, s’estans retirés en leur premier logis près de Bavets. Et nous, au partir de là, vinsmes d’une traitte jusques à Crévecueur près de Cambray, où les ennemis avoient délibéré de fortifier et remparer le chasteau, et commencé desjà à faire quelques tranchées et conduits pour esgouster l’eau afin d'y asseoir les fondemens, que ce jour mesme, le vingt-sixiesme de juillet, nos vastadours commencèrent à démollir, er fut renouvellée la première plave des misérables Cambrésiens, qui avoient desjà red-