XVI: srècee, La PI. et La PI

GUERRES DE BELGIQUE, LIV. VI

: dressé et rebasty aucunes petites logettes pour

se mettre seulement à couvert, estimans que de long temps ne leur adviendroit une si grande ruine et infortune, et avoient resemé selon leur petite puissance unepartiedeleurs champs, pour avoir dequoy se nourrir et alimenter, et éviter la famine; et ne croy que les plus riches et opulents (bien qu'ils se fussent avec leurs meilleurs meubles retirés dedans les villes fortes) ayent esté exempts de toutes ces pertes et adversités ; Car, quand le subject est pauvre et affligé, le seigneur n’améliore ny enrichist en rien. Or, cependant qu’en ce plat pays on faisoit le dégast des bleds jà meurs et prets à estre moissonnés, journellement estoient faites plusieurs braves sorties et escarmouches de ceux de Cambray et des nostres, faisant la citadelle troubler et obscurcir l’air des coups de canon qu'elle tiroit sur les Francois, sans toutefois faire meurtre de personne de renom, et se faisoient tant seulement pour, par tous moyens à eux possibles, empescher de consommer et mettre à perdition leurs fruits et vivres. Nonobstant, le plus souvent estoient repoulsés et rembarrés jusques dedans les portes de leur ville; et continuèrent ces entremeslées l’espace de huict jours que nous y demeurasmes campés.

L'armée impériale, au lieu de nous aborder et combattre, s’estoit lors parquéeet fortifiée en un lieu appellé Arcon, entre Cambray, Le Quesnoy et Valenciennes, sur la petite rivière de Moutet, qui vient devers Chasteau-Cambresis, et s’assemble plus bas à celle de Lescau; et faisoit tous les jours maintes courses pour empescher les chemins et coupper nos vivres.

A quoy advisant, M. le prince de la Rochesur-Yon se vint en ce lieu avec son armée joindre à la nostre, amenant grand secours de soldats et grande quantité de vivres, desquels avions aussi grande nécessité.

Le dix-neufviesmede juillet, en une spacieuse campagne, entre Crévecueur et Cambray, fut faire la monstre généralle de toute la gendarmerie et cavallerie francoise, et la voulut le roy adviser assez long-temps, recevant un incrédible plaisir et contentement pour se veoir suivy et défendu par une si grande et courageuse noblesse, soubs laquelle sembloit que toute la terre tremblast et s’humiliast ; et croy que ceux de Cambray estoient en doute de

eiR

FRANÇOIS DE RABUTIN

veoir toute ceste campagne couverte d’une si | guet, que pour endommager nos fourrageurs:

grande et furieuse armée, et pensoient, ainsi que nous a esté rapporté, que nous deslogions et estions là attendans que nos gens de pied et cariages eussent gagné advantage et passé la rivière, car, estans aucunes compagnies de nostre cavallerie légère à la garde et descouverte, renvoyèrent faire rapport qu’ils avoient descouvert près de quatre à cinq mille chevaux et grand nombre de gens de pied, et leur sembloit que tout le camp de l’empereur marchoit, tenant le chemin pour venir devers Cambray. Dont aussi tost que fusmes au logis, et eusmes posé les armes, de main en main on pous advertit de nous tenir prests et mettre en devoir de recevoir la bataille, qui ce jour asseurément nous seroit donnée. Et estoit tout æ conscil d'opinion que les devions plustost combattre à la campaigne, que leur permettre et donner loisir de se venir fortifier si près de nous, avec l’ayde et secours de ceste grosse ville, et qu’autant de mal nous en pourroit advenir comme aux protestans de toute la Germanie devant Inghilstat. Pourtant M. d’Aumalle soudain remonta à cheval avec la cavallerie légère à ce qu’il s’asseurast mieux de Ja vérité ; et trouva que l’armée impériale s’estoit remuée en délibération de venir camper auprès de Cambray, mais que l’empereur, ayant sceu que ne bougions de là, craignant d’estre mis en contrainte de combattre à son grand désavantage, se logea en un autre licu, prochain du premier, appellé La Neuville, qu'il feit soudainement renforcer de tranchées du costé qu'il n’estoit flanqué de la rivière. Ceste nuict, par diverses fois furent envoyées quelques compagnies de cavallerie légère, et celle de gendarmes de M. l’admiral, pour les tenir dedans leur fort en continuelles allarmes jusques au poinct du jour du lendemain, que M. le connestable, avec la pluspart de la gendarmerie de l'avant-garde et deux régimens de fanterie françoise alla de près recognoistre et veoir s'ilyauroit moyen de les forcer dedansleur fort, Ou de les attirer et donner occasion de sortir ; mais il trouva cela fort difficile pour estre ce lieu de deux costés enclos de la rivière, et aux autres bien fortifié et relevé de tranchées. Vray “st qu’en s’en retournant s’apperceut de quelques vieilles tours, où aucuns des ennemis s'es-

dont fut arresté ce jour mesme d’y mener ls

canon et les battre, et, par ce moyen, inciter

l’empereur de sortir pour les garder et défen-

dre ; et depuis fut rapporté qu'ils les avoient

quittées, et s’estoient retirés dedans leur fort.

Dont ce fut la troisiesme fois que nous pensions en ce voyage avoir la bataille ; et croy que, si l'empereur eust esté en aussi grande volonté de la recevoir que le roy estoit de la luy don-

per, nous ne fussions passés plus oultre. Toutefois, pour luy présenter toutes les occasions desquelles se pouvoit adviser, aussi qu’on doutoit la descente des Anglois au pays de Boulonnois, estans jà parfait le mariage du roy d'Espagne et de leur royne, le roy délibéra faire acheminer son armée ceste part, ou, selon que la commodité se présenteroit, assiégeroit une des places de son ennemy, à ce que, sil se mettvit en campagne et faisoit effort pour La vouloir secourir, l’empereur fust contraint de le combattre.

Ayans donc séjourné quelques jours à Crévecueur, près de Cambray, le deuxiesme d’aoust en partismes, et, ce jour mesme, vinsmes Camper à Ondrecourt près Le Castelet; de quoy l'empereur adverty, leva aussi son armée de La Neuville, et, prenantie chemin vers Arras, s’alla parquer en ua lieu appellé Marteau; puis, le jour ensuyvant, allasmes à Mornencourt, à deux lieues près de Péronne, et le lendemain passasmes devant Bapaulme, où fusmes salués d’infinis coups de canon. Toutefois, nostre armée n’y séjourna longuement, pour l’incommodité que nous avions d'y pouvoir recouvrer eaue, et escarmouchèrent seulement nos chevaux légers quelque temps devant ceste place, pendant que toute l’armée dévalloit pour camper ce soir le long de ceste petite rivière, au dessoubs de Miraumont; d’où partismes le lendemain, tenans le chemin à main droite, le long de la lisière de la comté d’Artois, où peusmes veoir à l’œil le merveilleux dégast que l’armée du prince de La Roche-sur-Yon y avoit fait, plusieurs beaux chasteaux et villages encore fumans, les bleds et fruicts de la terre abandonnés et mis à perdition ; qui sont les misères et calamités que les guerres et dissensions entre les grands princes apportent au pauvre peuple. Cesoir, cinquiesme d’aoust, campasmes à Paz en Artois, où quel-

ioient logés deçà leur camp, tant pour faire , que cavallerie de la garnison d'Arras, suyvant

le pays couvert, et les bois qui sont entre deux, entreprint de voller quelques butins sur nostre queue; laquelle, rencontrée par nostre cavallerie angloise et escossoise, fut desfaite, et la pluspart de leurs soldats mis à pied, et autres amenés prisonniers, dont fut récompensée la perte de Givets. Le dégast fut poursuivy et continué jusques auprès de l’abbaye de Cercamp, où commence la comté de Sainct-Pol.

Là séjournasmes deux jours pour beaucoup de raisons, principalement pour ce qu'on avoit délibéré et résolu d’assiéger le chasteau de Ranty. M. de Vandosme partit de ce lieu avec gendarmerie, cavallerie et bon nombre de gens de pied, avec quelque artillerie, pour aller devant le sommer ; aussi pour sçavoir sil y auroit gens dedans celuy de oquemberge qu’il délibéroit forcer avec tous les autres petits forts de l’environ; pour cause aussi de faire amener plus grand nombre d'artillerie, estant la nostre partie esventée et démontée, et beaucoup de pouldres et munitions consumées dans les villes et chasteaux qu’on avoit prins.

Le huictiesme d’aoust, au départirdeFervan, près ceste abbaye de Cercamp, traversasmes toute la comté de Sainct-Pol, laissans Dorlans et Hédin à main gauche, et Thérouenne à la droite; et, le jour ensuyvant, vinsmes camper à Fruges, où, dès ce soir, fut de rechef sommé le chasteau de Ranty, et response faite par le chef qui estoit léans qu’il ne le rendroit jamais, s’asscurant du secours qu’en bref l’empereur luy amèneroit. Lequel estant asseuré de la venue du roy en ce lieu, et du vouloir qu’il avoit de luy donner un merveilleux assault, tant pource que ce fort est grandement préjudiciable au comté de Boulonnois, que pour essayer s’il se hazarderoit de le combattre et chasser hors de son pays, estoit parti d'Arras, où avoit fait la reveue et monstre de toutes ses forces, avec lesquelles s’estoit approché de nous jnsques à Thérouenne le vendredy au soir. Mais le roy, cognoissant sa délibération estre d’aller occaper l’autre costé de la rivière, lieu fort, à raison de la longueur et largeur des bois qui s’estendent bien avant dedans ces pays, desquels luy pourroit venir tout secours, tant de vivres, soldats, que toutes autres munitions, et que, s'estant là fortifié à nostre présence, pourroit ordinairement secourir et renforcer ce chasteau de gens et de vivres, et de tous costés coupper

GUERRES DE BELGIQUE, LIV. VI

. et empescher les nostres, advisa, pour le plus

seur, que M. le connestable avec l'avant-garde passeroit ceste part et se fortifieroit de tranchées, afin d’obvier et prévenir à toutes surprises, et pour coupper le chemin au secours qui pourroit estre envoyé pour se jetter là-dedans ; et furent faits ponts de batteaux sur ce petit ruisseau, à ce que plus facilement les deux camps se peussent secourir l’un l’autre, et estoit toute la cavallerie légère campée à Foquemberge, dont estoit tellement ce chasteau enveloppé, qu’un seul homme n’y eust sceu entrer sans estre descouvert. Ce néantmoins, pour mieux acertener l’empereur de ce siége, on feit affuter sur le hault de la montagne, du costé de Montereul, quatre coulevrines pour commencer à battre les défenses, pendant qu’on faisoit avancer la grosse artillerie prinse et amenée des villes de dessus la rivière de Somme, qu'on amena un peu tard, et l’eusmes nous seulement le samedy au soir, auquel à toute diligence et solicitude furent faites les approches pour la mettre le lendemain en batterie, non sans y estre tirées infinies harquebusades, dont y fut blessé le capitaine Vauguedemars, l'un des plus anciens et expérimentés capitaines des vieilles enseignes.

Il est vraysemblable que l’empereur lors esestoit en grand doute et pensement, pour se veoir hors de tout moyen et espoir de pouvoir faire entrer un seul homme dedans ce chasteau ; aussi qu'il cognoissoit avoir affaire à un roy très puissant et magnanime, qui n’avoit entrepris telle besongne sans estre certain et bien asseuré de ses forces. Mais à la fin le regret et honte qu’il avoit de laisser ainsi destruire et ruiner son païs, et devant ses yeux prendre et forcer ceste place, se meslèrent tellement enserable, que, se faisant ennemy de sa peur, résolut tenter fortune, et faire tous ses efforts, quoy qu’il en peust adveir, pour la secourir et garder. Pourtant ce jour mesme vint camper une lieue près de nous, néantmoins que pour cela nostre artillerie ne cessa de battre ce chas teau furieusement par deux endroits, sçavoir : celuy de M. le connestable et celuy du roy jusques sur le bord du fossé, qui battoit un boulevert à main gauche et une tour ronde dedans le donjon à la droite. On tiroit aussi du hault de la montagne, un peu au dessoubs du camp des Suisses, avec quatre coulevrines,

pour rompre les défenses; et ne fault douter que ce chasteau ne fust en peu de temps autant impétueusement battu et canonné que fut jamais place, qui molestoit et animoit tellement l’empereur, qu’il délibéra pour nous lever de là, s'approcher encore plus près; et se vint loger sur le hault en la plaine d’une montagne, entre un petit village appellé Marque et celuy de Foquemberge, où y avoit un grand vallon, large d'environ cent cinquante pas, et pour le moins creux d'autant, qui faisoit séparation des deux armées, et la vallée d’un autre costé, où décourt le ruisseau qui fait un marets, et abreuve l'environ de ce chasteau à main droite et un bois à la gauche, entre eux et nous, au dessus de Foquemberge, appellé (comme on m'a dit), le bois Guillaume, que l'empereur délibéroit occuper pour puis nous empescher de donner l’assault à ce chasteau et nous contraindre à coups de canon, qu’il feroit tirer dans nostre camp, de desloger et abandonner la place.

M. de Guyse, qui commandoit en la battaille, avoit toute ceste nuict veillé, comme aussi avoient fait le prince de Ferrare, le duc de Nevers, l’admiral et le mareschal de Sainct-André; et, s’asseurant que les ennemis ne faudroient de venir recognoistre ce bois pour sy loger, y avoit mis environ trois cens harquebusiers qu’il avoit embusqués dedans aucuns petits cavins, et quelques corselets qui estoient à plain descouverts, afin que les ennemis, s’adressans premièrement à eux, se trouvassent enfermés et mieux à propos pour estre battus et tirés de nos harquebusiers, comme il advint ; car, peu après, approchant le poinct du jour, eut advertissement des sentinelles qu'ils avoient entendu grand bruit, et avoient descouvert quelques mèches d’harquebusiers ; que luy mesme, ayant puis après attendu et apperceu, admonesta les nostres qu’ils ne se descouvrissent pour cela, jusques à ce qu’ils verroient leur portée bien asseurée, et sur cela sc retira au corps de guct, qui estoit plus reculé en la plaine devers nostre camp. Dont tousjours s’a- <heminans les ennemis, et avec cris tirans de loing harquebusades, entrèrent dedans ce bois, qu’ils suyvoient, selon le rapport que leurs descouvreurs leur faisoient tant avant, qu’ils furent enserrés dedans nostre ambusquade, que n’avoient encore descouvert. Parquoy soudain nos harquebusiers tous d’un coup deschargè-

FRANÇOIS DE RABUTIN

rent sur eux, qui les estonna fort; et se trouvans plusieurs blessés, commencèrent à fuyr et tourner le dos ; et bien leur advint que le jour p’estoit encore guères apparent et que le temps estoit couvert. Cependant on ne laissoit longuement refroidir l'artillerie, et fut dès le commencement du jour continuée la batterie beaucoup plus furieusement qu'auparavant; de sorte qu'en peu d’heures la bresche s’apprestoit de chacun endroit presque raisonnable à donner l’assault. Dequoy l’empereur adverty fut tellement fasché et despité, que ce jour mesme, treiziesme d’aoust, environ midy, feit descharger une vollée d'artillerie pour advertir ceux de dedans d’avoir courage, et de son secours ; puis, ayant résolument arresté de nous donner la bataille, contre l’advis, toutefois, et opinion de plusieurs princes et principaux de son conseil, prépara dès-lors et feit mettre tout son camp en ordonnance, délibéré premièrement de gaigner ce bois, et par toute sorte et moyen en chasser et mettre hors les François. Dont ayant choisi de toutes ces compagnies de gens de pied environ trois ou quatre mille harquebusiers des plus expérimentés et mieux asseurés, quelques corselets et picquiers pour les soustenir, et environ deux mille chevaux et trois ou quatre pièces de campagne portées sur quatre roues, qu’on pouvoit promptement tour-

ner à toute main, et depuis ont esté appellés

pistollets de l’empereur, feit marcher droit dans le bois la cavalleric légère soubs la conduite du duc de Savoye, et les harquebusiers soubs celle de dom Ferrand de Gonsagues. Le long du coustau, près de ce bois, en descendant sur Foquemberge, marchoit un bataillon d’Allemans conduit par le comte Jehan de Nanssau et le mareschal de Clèves, au flanc duquel su yvoit un ost de reistres d'environ dix -huict cens ou deux mille chevaux à la conduite du comte Vulfenfourti, qui avoit (comme m'ont dit quelques prisonniers) promis à l’empereur de passer ce jour sur le ventre de toute la gendarmerie du roy; et, pour mieux ce faire et nous intimider, s’estoient tous faits noirs comme beaux diables, et estoient suyvis d’assez près d’un nombre de cavallerie légère d’environ mille ou douze cens chevaux, avec autres

quatre pièces de campagne. Les harquebusiers :

donc, ainsi entrés en ce bois, rencontrèrent en

{1} Wolfram de Schwartscmbers.

teste les nosires trois cens, aussi frais ct en au- !

tant bonne volonté de les recharger qu'ils avoient fait à la première fois, dont se dressa une furieuse escarmouche. Et, bien que les ennemis y arrivassent en trop plus grand nombre, ce néantmoins les nostres se portèrent tant valeureusement, qu'ils les arrestèrent un long temps sur cul, dont y demeura beaucoup, de chacun costé, de morts, blessés et prisonniers. Entre autres des nostres y furent prisonniers le capitaine Fort et son lieutenant appellé Courcelles. Sur ce, M. de Guyse, prince d'’incrédible valeur, qui avoit dès le commencement entrepris la défense de ce bois, et qui estoit présent à toutes ces factions, ayant considéré tout le dessein des ennemis, en donna advis au roy, et que, selon leur contenance et la fureur avec laquelle ils venoient au combat, luy sembloit que ce jour ne passeroit sans bataille. Le roy lors estoit en la plaine decà le bois, qui pouvoit estre d’estendue environ cinq cens pas, et de largeur de deux cens, où fcit mettre en ordonnance les bataillons de ses gens de pied, pour les situer en lieu commode et aisé à combattre avec la gendarmerie à cause que ce lieu -estoit assez mal propre pour les deux ensemble, selon qu'il avoit, avec M. le connestable et plusieurs princes et capitaines, le jour précédent, “d’un bout à autre visité et recogneu. Toutefois, pour monstrer visage et faire teste à l’ennemy, on y logea l’un et l’autre le plus commodément que fut possible. Dequoy ne puis asseurément parler, pource que le prince nous avoit menés des premiers à la charge, dont n’eus le moyen de le pouvoir adviser; vray est qu'après j’ay entendu de quelques capitaines que le premier bataillon de gens de pied estoit de François, k second d'Allemans et le troisiesme de Suisses, qui se suyvoient l’un l’autre, avec les régimens de gendarmerie ordennés pour leur flanc de la main droite. Et pource qu’à la sénestre y avoit une combe ou vallée, qui depuis le quartier des Suisses devers Foquemberge, que deversle bois, s’eslargissant faisoit un coustau assez facile, tant pour y loger gens de pied que de cheval, en l’estendue de ceste plaine on avoit assis la pluspart des autres régimens de gendarmerie pour l’autre flanc; et tout au devant, tirant vers Foquemberge, estoit M. d'Aumalle avec toute la cavallerie légère et quelques harquebusiers à pied, pour combattre sans qu'ils tins-

GUERRES DE BELGIQUE, LIV. VI

sent ordre, afin de donner advertissement si les

! ennemis descendoient par ceste advenue. Et

cependant M. de Guyse ne pouvant avoir promptement response du roy, pour attirer les ennemis et les amener en lieu plus à nostre advantage, ne voulant aussi perdre ces braves et vaillans soldats, et qui avoient desjà fait tant d'armes et si bien leur devoir, les faisoit retirer de lieu en autre, par les traverses de ce bois, les soustenant tousjours avec quelques compagnies de cavallerie ; qui augmenta tellement le courage aux ennemis, que, s’asseurans de la victoire, fcirent diligenter et marcher leurs bataillons d’Allemans, qui les flanquoient tousjours du costé droit, selon que leurs harquebusiers s’avantagcoient sur les Francois. Et lors mesme dom Ferrand manda à l’empereur qu’il feist haster le reste de son armée, car l’avantgarde des François estoit jà fort esbranlée et mise en désarroy. Dont incontinent suivit l’armée impériale, et passa ce vallon au-dessus et à l’un des coings de ce bois, où luy-mesme se trouva, ainsi qu'on sceut puis après.

Etlors M. deGuyseeut response du roy que, si l'occasion se présentoit de recevoir la bataille, ne la refusast point, et que de son costé il estoit en aussi grand vouloir de combattre que le plus vaillant de toute son armée. Parquoy mondit sieur de Guyse se vint rendre où estoit son régiment de gendarmerie le premier de tous, en ceste plaine devers Foquemberge, où commença, avec une grande douceur et un visage riant et asseuré, à remonstrer aux gentilshommes de sa compagnie que le jour estoit venu auquel fortune leur présentoit, en faisant service à leur prince etaugmentantleurhonneuretestimation, de se faire à jamais redouter et craindre detoutes les autres nations du monde, et que le roy s’en asseuroit tellement, qu’il vouloit honorer ceste glorieuse victoire de sa présence ; laquelle les enflammoit et animoit de telle sorte, qu'ayans invoqué le nom de Dieu, et recommandé entre ses mains leurs ames, chacun s’appresta à bier et fidellement vouloir faire son devoir, estimans que mourir pour leur prince et la républicque, de beaucoup seroit plus honorable que la vie. Cependant M. le connestable passa la rivière devers nous avec un régiment de gens de pied du capitaine Glanay ; lequel feit quelque peu changer le premier ordre, et retira devers Rantv le bataillon des Suisses, qui, selon leur ancienne

coustume , envoyèrent demander au roy gendarmerie pour les soustenir. Ausquels le roy mesme feit response que c’estoit luy qui en ce jour vouloit vivre et mourir avec eux, et qu'il s’asseuroit tant de leur prouesse et bonne volonté, qu’il délibéroit ne les point abandonner, lesquels estimoit comme ses parrins ct fidèles amis deluy et de son royaume; dont furent tellement eschauffés leurs cucurs, qu'ils n’avoient autre intention que de virilement combattre pour son service. Dequoy le roy se contenta grandement, et depuis a donné ordre de chevallerie au sieur de Mandosse, leur général, et aux capitaines Théodoric Inderhalden, colonel des cantons, et Pétroman Cléri, colonel des villes, ct au sieur d’Anois, qui depuis a esté pour Sa Majesté ambassadeur devers les Grisons.

Les ennemis lors s’estoient tellement avancés sur nos gens, qu'ils les avoient reculés et mis hors de ce bois, tant que leurs harquebusiers commencoient à sortir au front de nostre premier bataillon des François prests à se joindre et aborder, et tiroient dedans eux avec un merveilleux bruit le long de ce coustau. Leur bataillon avec leurs pistolliers de cavallerie s’estoit approché à cent pas de la nostre, et ne restoit plus qu’à chocquer et donner dedans quand M. de Guyse donna signe à M. de Nemours pour, avec son régiment de cavallerie légère, charger sur l’un des coings de ces pistolliers, et sur l’autre feit aller le guidon de sa compagnie et ce- Juy de M. de Tavannes, pour donner en flanc.

Dont commenca un rude et furieux combat, et furent à la fin les nostres rudement repoulsés, le jeune baron de Curton tué, le seigneur de Randan fort blessé, et son lieutenant, nommé le scigneur d’Amanzay, qui depuis en est mort, son porte-cornette, nommé le sieur d’Avence, fort blessé, et son cheval tué soubs luy, le sieur de Forges, guidon de la compagnie de M. de Tavannes, tué, le vicomte d’Auchy, guidon de celle de M. de Guyse, fort blessé, et d’autres vaillans hommes de toutes ces compagnies, comme le fils du sieur de Piedpape, le sieur de Joui, le jeune Bourdilly, le jeune Branches, et plusieurs autres; ce que donna cueur aux ennemis de mieux espérer que jamais. Mais M. de Guyse et le sieur de Tavannes ayans réunies et ramassées leurs troupes, ausquelles se vint joindre M. d’Aumalle avec toute la cavallerielégère, commencèrent tous d’un front à si furieusement

FRANÇOIn DE RABUTIN.

les charger, qu’ils ouvrirent et enfoncèrent les pistolliers, tant qu’eux-mesmes rompirent après le bataillon de leurs Allemans ; et M. de Nevers, qui avoit son régiment estendu le long du coustau devers Ranty, passa entre le bataillon de nos Allemans et celuy des François, et en foule donna dedans toute l’harquebuserie espagnole, qui estoit, avec quelque cavallerie, sortie hors du bois, de telle impétuosité, que tous furent renversés et mis à vau de route, et en tel désordre qu’ils tournèrent le dos pour fuyr et se jetter dans le bois, où furent prinses et levées dix-sept enscignes de gens de pied, cinq cornettes de cavallerie, et quatre pièces d'artillerie de campagne, qu’on trouva abandonnées le long de ce coustau. Lors M. l’admiral, qui s’estoit mis à pied le premier devant le bataillon des Francois, feit sortir desrancs certain nombre de soldats pour tousjours poursuyvre la victoire; lesquels entrans dedans ce bois, du commencement feirent un grand meurtre et occision des ennemis, les passans tous par le trenchant de leurs épées, et ayans là trouvé les pistolets de l'empereur, les amenèrent au roy. Les compagnies de gendarmerie poursuyvoient la victoire le long de ce coustau et la lisière du bois, mesmement la cavallerie légère et la compagnie de M. de Tavannes, qui dévallèrent jusques au fond de ce vallon, où aussi fut desfait un grand nombre de ceux qui descendirent de ce bois pensans gaigner leur camp. Les autres compagnies s’arrestèrent sur le hault de ce vallon, sur lesquelles commença incontinent à tirer l'artillerie de l’empereur, qui estoit demeurée sur l’autre bord, de son costé, pour donner quelque peu de faveur à la retraite de ses gens.

Mais peu après la nostre fut amenée au coing du bois, qui soudain la feit reculer et oster d’où elle estoit, et retirer plus arrière les bataillons de gens de pied, qui s’estoient jà réalliés sur ct haut en la plaine, attendans ce qui adviendroit du surplus. Et faisoit l’empereur en extresmé diligence lever tranchées et fortifier son camp, se doutant que le poursuyvrions davantagt, comme je croy qu’eussions fait si la nuict n’eust esté si proc! ine, aussi qu’on ne vouloit par trop tenter nostre fortune, ayans Occasion de nous contenter de la bonne et honnor issue de ceste bataille, en laquelle la gendarme ric et cavallerie de France augmenta tellement

son loz et estimation, que les ennemis mesmes.

qui par elle confessoient avoir esté rompus et desfaits, la louent comme la plus escorte et courageuse qu’il seroit possible de penser. Les com- A» pagnies de gendarmerie des ducs de Guyse, de $ Nevers et de Bouillon et du sieur de Tavannes 7 furent les premières qui combattirent, dont le ‘ roy se contenta de telle sorte qu’il feit, ce jour mesme, chevaliersles capitaines et membres d’icelles, entre autres, le sieur de Tavannes, lequel honnora grandement, et luy donna l’ordre que il portoit à son col; etenvers les autres usa d’une grande libéralité, principalement envers ceux qui luy présentèrent les enseignes, cornettes, ou artillerie qu’on avoit prise ou trouvé abandonnée.

Après la bataille finie, nos capitaines feirent reveues de leurs bandes pour scavoir ceux qui avoient esté tués ou blessés ; et fut trouvé des nostres estre morts environ deux cens ou douze vingts, et de ceux de l’empereur, ainsi que dcpuis nous ont dit aucuns prisonniers, environ dix-huict cens ou deux mille. Et fut la meslée des François au commencement si furieuse que, sans respect d’aucunes personnes, et s'amuser aux prisonniers, tous ceux qui se présentèrent au-devant furent taillés en pièces; dont le duc de Savoye et dom Ferrand, pour se sauver, abandonnans leurs chevaux, se jettèrent hastivement dedans le fort du bois, où se tindrent si longuenent cachés, qu’on fut longtemps sans sçavoir nouvelles de dom Ferrand, tant qu’on le pensoit mort ou prisonnier ; et fut ramené prisonnier un colonel d’Allemans, que un de nos harquebusiers trouva dedans ce bois fort blessé, qui, recogneu par le baron de Fontenay, mourut peu de jours après entre ses mains. Un autre capitaine espagnol, nommé le seigneur de Castres, qui se disoit avoir esté page de M. l’admiral, qu’on avoit abandonné pour mort, fut aussi ramené par un de nos harquebusiers, auquel on feit si bon traitement qu’à peu de jours sesplayes estans en bonne disposition, à bien petite rançon le renvoyasmes et feismes reconduire jusques dedans le chasteau de Ranty. Aussi fut fait prisonnier un gentilhomme de grande vertu et scavoir, de la chambre de l'empereur, nommé le sieur de Silly, qui depuis s’employa à moyenner une paix ou trèves entre ces deux princes, ce que toutefois ne luy fut possible de faire.

Après que le roy avee la bataille se fut retiré en son premier logis, M. le connestable campa

GUERRES DE BELGIQUE, LIV. VI

ce soir dedans ce bois avec toute l'avant-garde au mesme lieu où le Seigneur nous avoit donné la victoire, avec peu de repos, pource que toute la nuict nos ennemis se tindrent en bataille, et estoient les deux armées en doute l’une de l’autre; car nous pensions que l’empereur, autant courageux et magnanime qu’oncques César fut, n’endureroit telle honte sans s’efforcer et mettre en devoir d’avoir sa revanche. Mais luy, se voyant affoibly et tant défavorisé de fortune, cognoissant la puissance du roy, craignoit que ne retournissions sur eux pour du tout les desfaire et accabler ; et pour ce, en extresme diligence faisoit rehausser et renfermer son camp de grandes tranchées, qu’on apperceut le matin estre fort avancées. Ce néantmoins, ce jour, le roy, afin de parachever la partie, envoya M. le connestable pour recognoistre s’il y auroit accès et moyen de les aller chercher jusques dans leur fort ; qui luy donna advis de ne ke pouvoir faire sans danger d'y perdre un grand nombre de vaillans hommes; par quoy se passa ce jour paisiblement de chacun costé, continuant toutesfois tousjours batterie devant ce chasteau jusques au soir que l’empereur feit descharger toute son artillerie, en signe d’allégresse et resjouissance des bonnes nouvelles qu’il avoit receu de la desfaite du seigneur Pierre Strossy, et grand nombre des nostres au pays d'Italie. Le mercredy ensuyvant, quinziesme de aoust, tant pour ce que nous ne pouvions plus recouvrer vivres pour les chevaux, que pour changer d'air, qui desjà estoit infecté et corrompu de La puanteur des hommes et chevaux morts, dont s’engendre communément la peste et autres maladies contagieuses, aussi que le roy ne vouloit perdre devant si petite place et de nulle valleur tant de braves hommes qui le suyvoient, desquels se veult ayder et servir en meilleure affaire, fut arresté et conclud par le conseil que devions décamper et desloger de là. De quoy toutesfois ke roy voulut premièrément advertir l’empereur, et luy manda que ce n’estoit pour doutes de luy, et que s’il le vouloit asseurer de le venir trouver, l’attendroit quatre heures entières sur le chemin, comme il feit ; car, après avoir fait partir tous les bagages et chariots, toute nostre armée demeura plus de trois heures en bataille av zusme lieu où le lundy auparavant nous avions combattu. Et puisque personne ne se présentoit, et que les

FRANÇOIS DE RABUTIN

ennemis se estoient reserrés en leur camp, après ; e « . e. « , n avoir à leur veue mis le feu ès villages à l’en- :

tour,commençasmes au petit pas à nous retirer, tournans visage par deux fois devers eux pour veoir s'ils nous suyvroient, et ainsi assez tard arrivasmes à Montcauré, une lieue près de Montereul, où fusmes de séjour cinq jours entiers pour tousjours sentir et cognoistre les entreprises de l'empereur; ausquelles, estans encore nos forces assemblées, plus aisément pouvions obvier et aller au-devant, s’il se mettoit sur les champs. Mais estant sceu que son armée n’estoit encore sortie de son premier logis des plaines de Marque, pendant le temps qu’on réparoit les ruines du chasteau de Ranty, le roy proposa aussi donner quelque peu de repos et rafreschissement à la sienne, nonobstant qu'avant les cinq jours entiers, la faute de fourrages et le mauvais air de [a marine nous contraignèrent de desloger et approcher plus près de Montereul, où séjournasmes cinq autres jours entiers, estant le roy logé en la Chartrouse, et le camp estendu le long de ceste petite rivière de Canché. Là nos compagnies angloises et escossoises receurent une mauvaise attainte pour s’estre escartées et logées deux lieues plus avant que l’avant-garde, en un village appelé Marenlo, où les ennemis en estans advertis, guidés par un paillard du village mesme, les vindrent surprendre environ la minuict, et meirent le feu en leurs logis,où furent bruslés quelques-uns, et de leurs valets et chevaux les aucuns tués ou emmenés prisonniers.

Et s’estant l’empereur retiré à Sainct-Omer, sans qu'il eust moyen de pouvoir entreprendre chose de grande importance et dommageable contre nous, aussi que lhyver et mauvais temps arrivoit, le roy partit de là avec M. de Guyse et quelques gentilshommes de sa maison, et s'en vint à Compiègne après avoir fait bien munir et renforcer les garnisons des villes d’Ardres et de Boulongne, pour faire teste et tenir fort contre l'ennemy, s’il les vouloit assiéger ; et demeura chef du surplus de l’armée M. le connestable, tant pour la contenir unie, que pour mieux et promptement prouvoir à ce que délibéreroit l'empereur, qui a de coustume, sur sur la fin et issue de la guerre, user de quelque ruse et cautelle. Par quoy journellement nous faisions courses et charges sur son camp, tant pour en scavoir et cognoistre quelque

chose, que pour tenir escorte à nos fourrageurs

qui estoient contraincts de aller fort loing pour

recouvrer vivres et fourrages pour nos chevaux.

Lesquels, n'ayant plus de quoy pouvoir nourrir,

force nous fut de rechef desloger et passer la

rivière de l’autre part où estoit nostre armée

logée et campée ès villages de Brumeu, Espineu

et Beaurin, et le long du rivage de ladite rivière. Nous séjournasmes là quelques jours, pour la. doute que nous avions si l’empereur romproit

son Camp, parce qu'’aucuns soldats des siens

qui avoient esté pris nous certifioient qu'il as-

siégeroit Montereul, et les autres Ardres ou

Dorlans. Toutesfois, depuis fusmes advertis que

ses soldats le laissoient et se départoient à la

file par faute de vivres, et qu’ils estoient mal payés. Dont M. le connestable, pour ne con-

sommer aussi davantage le reste des vivres de ceste frontière, qui estoient desjà fort diminués et renchéris, renvoya les rière-bans en leurs maisons, et donna congé aux Suisses, bien contentés et satisfaits de leur solde. Et peu de jours après, avec M. le maréchal de Sainct-André,

vint retrouver le roy, estant la conduite du reste de nostre armée remise à M. le duc de Vandosme; qui fut cause que l’empereur, qui tousjours avoit délayé et dissimulé sa délibération, voyant nos forces diminuées, rappella quant et quant quelques compagnies qu’il avoit auparavant fait partir de son camp pour sortir en campagne et tirer vers Hédin. Ce que prévoyant mondit sieur de Vandosme, et qu’il se vouldroit venger en bruslant nostre plat pays, comme nous avions fait le sien, feit desloger son camp pour tousjours le costoyer, et tenir en crainte de ‘n’oser départir et escarter son armée; et ayant passé la rivière d’Authie, ce soir campa à Dampierre jusques au lendemain environ midy, qu’il fat adverty que la plus grand’part de l’armée et cavallerie impériale estoit descendue à Auchy-le-Chasteau, qui est au comte d’Aiguemont, et y avoit mis le feu et desfait et rompu quelques compagnies de nostre cavallerie légère que mondit seigneur, se doutant de leur venue, et pour les empescher de passer la rivière en cest endroit, y avoit envoyées. Dont soudain leva son camp de Dampierre, et cuidant, selon le chemin que l’ennemy prenoit, qu'il.viendroit assiéger Abbeville ou Dorlans, s’approcha plus près de ces deux places, qu'il remunit et renforca de tout ce qui estoit néces-

saire. Puis, le lendemain, premier jour de septembre, passa la rivière de Somme, et asseit et logea son camp à Pontdormy, lieu fort commode pour couvrir et garder toute ceste contrée et le passage de la rivière.

Ce jour mesme les ennemis commencèrent à faire dégast et brusler le plat pays que nous avions abandonné, qui n’estoit d’estendue de plus de deux ou trois lieues, et vindrent camper à Sainct-Requier, à deux petites lieues de nous, d’où ne pensions qu’ils deslogeassent sans nous présenter la bataille et faire quelques courses et bravades. Par quoy, le lendemain de grand matin M. de Vendosme feit partir la cavallerie légère, avec trois cens hommes d'armes pour les soustenir, soubs la conduite de M. d’Anguian, qui s'approcha de leur camp le plus qu’il fut possible, et les garda de s’escarter pour brusler et destruire les villages, les tenans tellement en crainte et subjection, qu’ils marchoient tousjours à troupes et fort unis et serrés ; et sur le soir destroussèrent à leur queue quelques chariots chargés de leurs vivres, qui n’estoient que pommes, bierres, bouillons et fort mauvais pain; qui nous feit penser qu’en si grand défault et nécessité de vivres ne se tiendroient longuement campés. Toutesfois après ils dévallèrent le long de la rivière d’Authie, et meirent le feu par tous les chasteaux et villages du long du chemin, comme à Dampierre, Dourrie, Machy, Machié, Maintenay et plusieurs autres. Dont soudain mondit seigneur de Vandosme feit partir six vingts hommes d'armes, tant de sa compagnie que celle de M. de Sainct- André, avec neuf enseignes de gens de pied, pour se loger dans la ville de Montereul, que

XVF erèozz, La PI. et La Pi.

GUERRES DE BELGIQUE, LIV. VI

en

les ennemis, ainsi qu’aucuns de leurs soldats prisonniers disoient, vouloient assiéger. De quoy advertis, changeans de propos, retournèrent passer la rivière d’Authie, et descendirent en un marets au-dessoubs de Hédin, entre icelle et un autre qui vient de la comté de Sainct-Pol, où, en un lieu appelé Mesnil, propre à estre fortifié pour la garde et asseurance du bailliage de Hédin et comié de Sainct-Pol, le douziesme de septembre commencèrent à dresser et bastir un fort, ayans, pour plus tost le mettre en défense, levé des pays des environs grand nombre de pionniers et manœuvres, en quoy ne pouvoient estre empeschés ; car, outre ce qu'ils estoient les plus forts, nostre armée estoit fort diminuée et amoindrissoit tous les jours, tant à cause des maladies qui survenoient à nos soldats, que des compagnies que nous avions envoyées aux villes qu’ils nous menassoient de vouloir assiéger. Puis M. de Vandosme,cognoissant ses soldats fort ennuyés du long travail de ce voyage, pour les rafreschir et soulager, rompit son camp et envoya quelques compagnies de gendarmerie des plus travaillées, hyverner à leurs anciennes garnisons, et la cavallerie légère départit ès lieux plus prochains des ennemis, pour ayder et faire faveur aux pauvres gens à labourer et semer leurs champs. Les compagnies de gens de pied francçoises, angloises et escossoises furent logées ès villes et bourgs le long de la lisière et rivière de Somme; les Allemans du comte Ringrave et baron de Fontenay, à Sainct-Esprit de Reux, et celles du comte Rocdolphe et Reïfberg prindrent le chemin de Piedmont et d’Italie.