CHAPITRE II

Ci preuve comment le roy Charles fu vray philozophe, et que | est philozophe.

Or avons donques, selon le philozophe, desclairié des sciences et vertus de l’ame, et à quoy elles se terminent; retourner nous convient à nostre malicre, véant se nous pourrons condescendre cestes nobles muses ou sciences aux vertus de nostre sage roy Charles, vray disciple de sapience, si comme nous povons comprendre selon les meurs de luy et les termes d'icelle : lequel roy, avecques les autres tiltres à lui institués et dis ès autres parties cy devant de mon livre, encore de rechief lappellerons, par droit de verilé, vray philozophe, ameur de sapience ; et comme celluy nom de philozophe fu trouvé, dit saint Augustin, que, en une isle qui à nom Samos, fleuri Pitagoras, homme de grant science; et comme, devant son temps, on appelast telz speculatifs sages, on demanda à Pitagoras de quel prophecion il estoit, il respondi qu'il estoit ameur de sapience, qui vault autant, en grec, comme philozophe; car il luy sembloit que c'estoit presumpcion que homme s’appelast sage.

Et que nostre roy Charles fust vray philozophe, c’est assavoir ameur de sapience, €l mesmes imbué en ycelle, appert par ce que il fu vray inquisiteur de haultes choses primeraines ‘, c’est assavoir de haulle théologie, qui est le terme de sapience, qui n'est autre chose que cognoistre Dieu et ses haulles vertus celestes par naturelle science. |

En ce le demonstra nostre bon roy, car Il voult en ycelle par sages maistres estre instruit et apris; et pour ce que peut estre n'avoit le

‘ # Primitives.