CHAPITRE VI

Ci dit encore de la prudence du roy Charles sus la pourvéance du bien commun.

#ncore que le roy Charles, tres ameur et desireux du bien et du prouffit commun fust vray, prudent , et des choses au mieulx faisables eust clere cognoiscence, appert par la graut providence et advis qu'il avoit aperceu sus le bien et utilité de la cité de Paris, el mesmenent sur grant part de son royaume, en ce que , comme il considerast à Paris, pour la grant quantité des gens et divers peuples, princes et autres, qui pour cause que là est le siege principal de sa noble court, arrivent de toutes pars les vivres, au regart de la poissance du menu peuple, et aussi, contre le proffit de tous, n’i peuent estre à si grant marché comme en mains autres lieux de son royaume, comme vers les parties de Bourbonnois et Nivernois et ailleurs, tant que la riviere de Loire s'estent, lequel pays est moult fertil et abondant de tous vivres , comme assez est sceu , et que à grant marchié y sont, parce que on ne les peut par deça porter, fors parcharroy mener, qui est trop cousteux ; que il feroit fossoyer la lerre de tel large et profondeur, et en telle adrece que ladicte riviere de Loire peust prendre son cours jusques en la riviere de Seine, et

porler navire qui venist jusques à Paris; et

ainssi l’avoit ordonné le très porveu sage roy, et a marché fait aux ouvriers qui debvoit couster cent mille frans, laquelle mise n'’estoit mie moult outrageuse au regart du grant bien et utilité qui s’en fust ensuivy à tout ce royaume : laquelle chose pleust à Dieu que ainssi eust esté fait pour le bien d’un chascun! et en ce et maintes autres ordonnances bonnes n’eust mie eu faulle, se mort, qui trop engreva ce royaume, ne l’eust sitost osté de vie.

Et vrayment cellui roy se debvÿoit bien appeller vray conduiseur de son peuple, et garde clef et fermeure de chasteaulx, citez et villes, lesquelles furent establies, comme dit Aristote, pour avoir six biens : et le premier est joye et delict ; car homme ne pourroit en richeces tant habonder que joye eust de vivre seul, ains deareroit compaignie, pout estre participant

avec ses biens. Le second est pour ce aue l’un

LE LIVRE DES FAIS ET BONNES MEURS DU SAGE ROY CHARLES

peut aydier à l’autre, etce bien n’aroyent mie leshommes seuls. Le tiers bien est que hommes seuls ne pourroyent contrester ‘ à leur ennemis ; pour ce furent faictes villes et citez, pour estre ensemble, et mieulx deffendre et garder contre ennemis. Le quart bien est pour vendre et acheter ès marchiez, et faire aliances , et ce ne pourroyent faire les hommes seuls. Le quint bien est que par mariages s’entr’alient, et font amistiez et aliances ensemble. Le sixieme bien est pour vivre bien et convenablement ensemble, ct mieulx punir et prendreles malfaicteurs. Dont, se l’on demande quel chose est ville, on doit dire que villes et citez n’est fors une assemblée et communité de gens establie pour bien et vertueusement vivre, et selon raison.

Et dit le philozophe que royaume n’est que une grant multitude de gens qui vivent selon loy et vertu, et sont ordonnés soubs un chief qui vertueus doit estre ; et luy appartient l’obeissance de tous, et doit ce roy diligemment curer ? que , selon raison et loy, ses subgiez se gouvernent el soyent gouvernés.

Dont, puisque cilez et royaumes sont ordonnés pour congregacion humaine mener en vie ordonnée, il convient dont que le pueuple soit moriginé en vertus el en toutes bonnes meurs.