CHAPITRE VII

Ci dit comment le roy Charles tenoit ses subgiez en amour ; et preuves que ainssi doye estre fait

De la prudence du roy Charles, comme il fust perfaict ameur de ses subgiez, avisoit en toutes manieres de les tenir en amour et dileccion vers luy : pour ce, volt vers eulx tenir tel maniere , que de tous estas se tenissent pour contens des ordonnances qui estoyent neccessaires et convenables à faire en la gouvernance des fais du royaume ; et pour ce, nonobstant que sa signorie et auctorilé peust faire et ordonner de tout à son bon plaisir, quant venoit à conseillier sus l’estat du royaume, il appelloit à son conseil les bourgeois de ses bonnes villes, et mesmement des moyennes gens et de ceulx du commun, affin qu'il leur monstrast la flance qu’il avoit en eulx, quant per leur conseil vouloit ordonner.

Et que ce fust sagement fait et qu’il apper-

‘ Résister.

3 Avoir soin, du latin Jurare