TROISIEME PARTIE. — CHAPITRE IX

liegne à prince tenir mesmes son commun à amour, le philosophe preuve, ou tiers de Politiques , par quatre raisons, que royaumes et cilez sont bons quant moyennes gens y a.

La premiere raison est que se, en un pays, a moult de très riches hommes et moult de très poyres ensemble, bicn ne raisonnablement ne

pourroyent vivre, pour ce qu'ils sont aux deux

extremitez; mais par entre deux estre les moyens riches, est l’eslat de la policie riglé ensemble.

La seconde raison est que, communement, les riches et les povres ne s’entr'aiment pas, ne s'entr'acompaignent ; pour ce, est neccessaire que de moyens y ait.

La tierce , que le descort d’entre les très ri-

ches et les très povres pourroit estre cause de la destruccion du royaume ou cité, par ce que les povres s’estudieroyent à embler : aux riches.

La quarte cause, que, se foison moyennes gens y a , il n’y a mie tant d’envie et de despit entre les deux extremités.

Si doit le prince regarder, dit Aristote, comment son peuple pourra en tel maniere mainleair qu'il y ait de tous estas ; et pour ainssi le maintenir, en pluseurs pays et de coustume que nuls n’y peut vendre n'acheter heritages venus de pere el de mere, fors pour certaine cause.