XX3II
fl doit livrer les linceux ct estrain pour Îles licts, et pour paillaces de lhostel du prince; et livre bois de livrée et bois de despence, et soubs luy se fait une trés grande despence. Et en iceluy office sont douze person- - naiges et aides pour aider le fourrier et servir en son absence. Et y a varlets de fourrier qui portent le bois en la chambre du prince, et besongnent aux feux et aux lumières comine il appartient, et doivent tenir l'hostel du prince net et honneste. Les serviteurs de l'eaue servans doivent porter l’eaue en la chambre du prince, et livrent caches et ramons. Et quand le prince tient un grand estat ou une grande feste, le serf de l’eaue doit donner à laver à tous, exceplé aux princes servans et aux ambassadeurs.
Et pour continuer l’estat du duc, nous parlerons de l'estat des portiers. Le duc a deux portiers et deux aides comptés par termes. Le portier doit estre le premier levé et doit estre logé à la porterie du prince; et ne doit point ouvrir que le chef du guet et ceux qui ont faict le guet devant le prince ne soyent venus; el puis il ouvre sa porte, et la doit bien soingneusement garder, que nul n’y entre qu’il ne congnoisse bien. El quand il vient à l'entrée de la nuit, il doit allumer fallots à sa porte, et la doit garder comme dit est, jusques à ce que le prince soit couché, et que les chambellains et ceux qui ont esté à son coucher soient retraits. Et doit le portier visiler la maison, et sçavoir s'il ne trouvera nulluy qu'il n’a point accoustumé de veoir, et le peut prendre et mettre en prison. EL chaseun retrait, le portier ferme la porte ci ne la doit point ouvrir pour personne qui vienne, sans le congé du prince ou du premier maistre d'hostel. Le portier est garde des prisons de l’hostel du duc, et principalement de ceux que les maistres d'hostel font prendre et punir. Et pour entresuivre ma matière, je parleray des sergeans et huyssiers d'armes, el principalement parlerons de ses sergeans d'armes.
Le duc a quatre sergeans d'armes comptés par termes, et tous les deux servent tousjours, et doivent lesdits sergeans d'armes estre devant la porle du prince. Et quand le prince part hors de sa chambre pour aller à la messe ou ailleurs, les sergeans d'armes sc doibvent mettre devant luy. Et quand le duc tient estat, au milieu de la sale doit avoir deux basses tables, dont l’une est pelite pour quatre personnes seulement, et doit estre tournée devers le prince et devant luy, et au milieu d’icelle doivent seoir deux huyssiers d'armes, et aux deux bouts lesdits deux sergeans d'armes, en couchant chascun les maces sur les bouts de la table, et ayans leurs visages devers le prince. Et derritre eux doit estre la lable des officiers d’armes, qni doivent estre du long de la table, et scoir leurs cottes d'armes vestucs. Mais je demande pourquoÿ ne sont les roys d'armes ct héraux plus près du prince que les huyssiers et sergeans d'armes; et toutesfois ils ont leur cotte d'armes vestues et sont de plus noble estal que les autres. À ce je respons : que c’est pour ce que les huyssiers et sergeans d'armes sont les exécuteurs du prince, et que telles nouvelles pourroyent advenir, ou telle chose puuroit estre faicte, que le prince voudroit mettre la main su plus grand de ses pays ou autres: et pour ce doivent
NOTICE SUR OLIVIER DE LA MARCHE
estre assis iceux sergeans devant sa face, pour promple. ment exécuter son bon plaisir et commandement. Et au regard des huyssiers d'armes, le duc a bien vingt-quatre servans par termes, dont les uns servent à garder la chambre des chevaliers, autres à garder la chambre des escuyers, et autres à garder la chambre du conseil. Et doivent iceux huyssiers faire place devant le prince quand il va de lieu à autre, ct doivent garder la sale où il mange, et aller et venir où il le commande. Ils adjournent gens au conseil, soit devant le chancelilier, chambellain ou mareschal, et exécutent toutes choses ordonnées par le conseil. Or feray fin de l'ordre de l'hostel du prince et de son estat, et entrerons à parler de sa guerre, et le nombre de ses gens qu'il tient jour nellement, et de son ordonnance. Et ne me suis pas arresté à plusieurs choses qui sont journellement en toutes nobles cours. On sçait bien que le confesseur confesse le prince et que luy ou le clercq de Ja chappelle dict ses heures avec luy, et que le prince offre tous les jours, et cent mille menues choses qui sont en la maïison du prince commune à tous. Et aussi n’est pas à entendre que les ordres, les coustumes et les lois soient pardessus les princes, mais les princes pardessus elles, pour en ordonner à son bon plaisir ; et sont communément les statuts des princes conformes a leurs conditions.
Or j'ai devisé de l’estat et de l’ordre + la maison du duc Charles de Bourgougne, etest}: in que je de. vise de l'estat de sa guerre, du nombre’ : ses gens-d’armes, et comment ils sont conduits, e”: cités et gouvernés, et aussi comment les conducteu:: et chefs d'esquaquadre sont faicts et créés.
Le duc a deux mille deux cens hommes d'armes en ses ordonnances, compté chascun homme d’armes à tels gages qu'a coustillier armé; et dessoubs chascun homme-d'armes y a trois archers à cheval ; et d’abondance pour chascun homme-d’armes y a trois hommes de pied armés, arbale:tricrs, colevriniers et picquenaires : ainsi font huict combattans pour une lance ; mais les gens de pied ne sont pas gouvernés par les gens de cheval.
Et pour gouverner icelle compaignie qui monte à dixhuict mille combattans, à prendre les conducteurs, lieutenans et autres archers, qui sont outre nombre, huict combattans pour lance, et sont iceux payés et comptés tous les jours à la souldée du prince par la main du trésorier des guerres, je moustreray, par la conduite de cent lances, comment se gouyernent tous les autres, et semblablement ceux de pied. En chascune cent lances y a un conducteur soubs qui respond icelle compaignie ; et se nomme conducteur, pource que le duc veut estre seul capitaine de ses gens, à en faire et ordonner son bon plaisir, El pour entresuyvre ce propos, nous parleruns de la forme et manière comment le duc crée ls conducteurs, puis après de leur vonduile ; et m'en abrégeray le plus que je pourra, pource que le duc Charles, qui a ses ordonnances mis sus à labeur si notablement en sa personne, et faict mettre par esciit les ordonnances de sa guerre si bien et si notablement, et à tous mistères esclarcy en telle forme et manière, que mon escriture ne me sembleroft que temps perdu, et lesquelles ordonnances sont por-
NOTICE SUR OLIVIER DE LA MARCHE
tées en Angleterre, et si besoin est sont recouvrables pardeçà, toutes et quantes fois que besoing sera : parquoy je m'en passe pour abréger, et parferay ce que j'ay dict.
Le duc renouvelle tous Îles ans les conducteurs de ses ordonnances, comme il est escript en sesdits ordonnances ; et contre le temps que sesdits conducteurs se doivent renouveller, iceux conducteurs viennent ou envoyent devers le duc , selon leurs affaires, et selon la charge qu'ils ont ; et en iceluy temps ceux qui désirent d’avoir charge de conducteur pour l’année advenir se tirent devers les secrétaires qui sont ordonnés pour la guerre, et ils enregistrent et mettent en mémoire; et en temps ordonné ils apportent icelles mémoires au due, qui les retient par devers luy par certains jours et à son bon plaisir; et selon les recommandalions des mérites d'un chascun, il poinctie ceux à qui il veut donner la charge de conducteur , et à la fois de ceux qui l’estoyent parayant, et à la fois non, et les fois var noms de compaignie, dont l’une s'appelle la première compaignie, l'autre la seconde, et ainsi jusques à la vingt-deuxiesme ; et par ce moyen sçavent les conducteurs en quelle compaignie ils doivent aller quand ils ont le don. Et au jour ordonné, il mande par un huyssier d’armes les conducteurs qu’il a choisi, et les faict venir en une sale en laquelle le ducsied en chayère parce, comme à prince appartient; et la sont les seigneurs du sang , le conseil et les nobles de la maison; et sont là présens ceux qui paravant ont esté conducteurs. Et le duc par son chambellain faict dire la cause pourquoy il se contente des conducteurs passés ; et si grandes causes survenoient de parler à aucun particu- Jièrement, en soy contenant ou non contenant, le duc feroit dire publiquement, pour rendre à chascun mérite selon sa desserte. Et n’ay point veu que le duc n’ayt deschargé les conducteurs de leurs charges, à leur trèsgrand honneur et recommandation. EL après iceux estre deschargés, le duc faict parler à ceux qu’il a choisis pour l’année, et leur faict lire les ordonnances qu’il faut à la conduicte de la guerre : et après la lecture d’icelle, il faict appeller devant luy chascun conducteur particulitrement l’un aprés l’autre, et publiquement baille à un chascun deux choses: premièrement le livre de ses ordonnances richement faict et escript, et couvert de velours, en moull honneste vollume, sellé du grand seau en cyre verde, et en lacs de soye ; et en luy baillant, parlant le duc par sa bouche, il dict : « Vous tel, » je vous fays conducteur pour l'année de telle compai- » gnie de cent lances de mes gens-d’armes. Et afin que » vous sçachez, entendez et ne puissiez ignorer comme » j'entends le faict de mes gens-d'armes, et de la » guerre estre conduicte et gouvernée, je vous baille » les ordonnances que j’ay sur ce faictes et ordonnées, set vous commande de les estroittement tenir et gar- ° der , selon le contenu en icelles. » Et puis prend le duc un baston qu’on appelle baston de capitaine, et est iceluy baston couvert de bleu entortillé de blanche soye, qui sont les couleurs du prince, et baille le baston au conducteur, et luy dict : « Afin que vous suyez obéy, set plus puissant sur ceux dont vous avez par moy
» Charge, et que vous puissiez entretenir et faire entre- |
AXAfn
» tenir mes erdonnances et faire mes commandemens, » je vous baïlle le baston pour avoir la main forte sur » vos gens, et vous donne en effect de les gouverner et » punir par telle auctorité que moy-mesmes.» El sur ce reçoit le conducteur le serment de faire et entretenir les ordonnanees du prince, et selon le contenu d'icelles ; et ainsi l’un après l’autre crée le duc de Bourgongne ses conducteurs, et sont tenus de renvoyer icelles ordonnances et le baston à la fin de l’année pour les bailler à celuy à qui il plaira au duc d’y ordonner ; et se tire chascun en la compaignie à luy ordonnée.
En chascune compaignie de cent lances y a quatre chefs d’esquadre, dont l’un est ordonné par le duc, et y met communément un des eseuyers de son hostel ; et n’ay guëres veu que le conducteur ne face d’iceluy son lieutenant , combien qu'il le peut faire d’un autre s’il luy plaist ; et au regard des autres chefs d’esquadre, le conducteur ies peut choisir à son bon plaisir Et soubs chascun chef d’esquadre y a quatre chefs de chambre, lesquels chefs de chambre le chef d'esquadre peut nommer et choisir, sans ceux de son esquadre, à son bon plaisir. Soubs chascun chef de chambre a cincq hommes d’armes, qui sont en chascune des chambres, à prendre le chef de chambre et les hommes d'armes ; soubs lug <ont six hommes d’armes. Ainsi sont vingtquatre hommes d'armes, et le chef d’esquadre ; et ainsi par quatre chefs d’esquadre trouverons cent lances soubs le conducteur : chascun homme d'armes a soubs luy trois archers à cheval, ainsi sont trois cens archers en chasrune compaignie ; et chevauchent chascun cent lances en huict esquadres, c’est à sçavoir les srchers en quatre esquadres , et en chascune esquadre d'archers septante cincq archers ; et sont conduits iceux archers par un homme d'armes principal en chascune esquadre, au regurd et à la devise du chef d’icelle esquadre; et chevauche le guidon des archers au front devant la première esquadre, et pareillement l’estandart des hommes d'armes au front de la premiére esquadre des hommes d'armes.
Or nous faut deviser de l’estat des gens de pied, les quels sont conduits par un chevalier chef de toutes gens de pied, et soubs qui respondent tous les chefs d'iceux gens de pied. Sur chascune compaigaie de trois cens piétons a un capitaine, homme d'armes à cheval, et porte-enseigne et guidon ; et sur chascun cent hommes a un centenier homme d'armes a cheval, qui porte autre plus courte enseigne , et respondent iceux centeniers aux capitaines dessus nommés ; et outre plus, en chascun trente et un hommes, l’un est trentenier, à qui respoudent tous les autres ; et marchent par compaignies, et par ordre de capitaine de centeniers et de trenteniers, et communément sont gardes de l’artillerie et du charroy. Et pour les raisons devant dites, je me passeray à deviser des ordonnances sur ce faicles; et combien que j’ay mis en escript le nombre des hommes d’armes, archers à cheval et gens de pied des ordonnances de monsieur de Bourgongne , et que j'aye devisé les gens-d’armes, et qu'ils sont tousjours prests et armés les uns comme les autres, où vous trouvez en nombre plus de vingt mille combattans, toutesfois n’est encores tout le nombre de ses gens
d'armes comptés , journellement prests et en point; car de nommer outre et pardessus le nombre dessusdict, il a fourny sa maison de douze esquadres d’archers d'Angleterre, lesquelles douze esquadres sont conduites par douze hommes d'armes anglois, par la manière qui s'ensuit.
Premièrement , le duc a ordonné un escujer pour conduire quarante archers pour l’esquadre de la chambre; et est à entendre deux archers pour chascun homme de sa chambre, qui sont vingt hommes d’armes, à prendre l'escuyer et les quatre sommelliers , comme dit est. La seconde esquadre est de quatrevingts hommes, pour les quarante archers toujours compter, et les départir en la manière dessusdite. Ztem, quatre autres esquadres, chascune de cent archers, pour les quatre estats des escuyers; pour chascan estat, qui sont cinquante hommes, deux archers ; et pour ce cent archers pour chascune esquadre. Ztem, et pour renforcement de la garde, sont ordonnés quatre esquadres de quarante archers pour chascune esquadre, qui pareillement est à entendre deux archers pour chascun homme d'armes, et sont trente hommes d'armes en chascune esquadre. Et puis que nous avons devisé des gens d'armes ordinaires, il faut deviser de l'artillerie, laquelle est une merveilleuse despense, et grande.
L’artillerie se conduit soubs un chevalier qui se nom me maistre de l'artillerie, lequel a telle auctorité, qu’il doit estre obéy en son estat comme le prince ; il a soubs luy le receveur qui paye les officiers, et les pouldres, les canons, les forges et les pionniers, les charetons, et tous les ouvraiges qui se font à cause de l'artillerie ; et certes la despence qui passe par ses mains monte par an plus de soixante mille livres; et devez sçavoir que en la pluspart des armes du duc il meine avec luy, pour le fait de l'artillerie seulement, plus de deux mille chariots, les meilleurs et plus puissans que l'on peut trouver en Flandres et en Brabant; et certes le duc peut avoir trois cens bouches de l'artillerie, dont fl se peut ayder en bataille, sans les hacquebuttes et coulevrines dont il en a sans nombre. En l'artillerie est le controlleur qui tient par ordre et par escript le conterolle de toute la despence faicte et payée de toute la provision de l'artillerie, comme d’arcs, flesches, arbalestres, de trait, de baston à main, de cordes, et toutes autres choses nécessaires appartenant à icelug estat; là est le maistre des œuvres, carpentiers , imarischaulx, forgeurs, et toutes manières de gens. Et quand ie duc est devant une ville, il faut asseoir les bombardes : il convient pour chascune bombarde un gentilhomme de son hostel pour la conduite d’icelle bombarde, et la suyte, qui est ès mains du bombardier. Et est l'artillerie estoffée et garnie de toutes choses : tellement que le duc ne se soussie point à passer rivières de mille pieds en peu de temps, si besoin est ; et est puissant et fort pour passer la plus grande bombarde du monde.
Le maistre de l'artillerie a prévost en son arlillerte, lequel a jurisdiction et auctorité de justice sur ceux de l'artillerie, et en peut faire justice criminelle ou civile, telle qu'il lay plaist. Et n’est pas à oublier le faict des tentes et pavillons, qui est une somptueuse chose, et se conduit par en gentilhomme qui a la charge d'iceluy
NOTICE SUR OLIVIER DE LA MARCHE
estat, et meine aux despens du prince plus de quatre cens chariots puissamment attelés ; et se comptent iceux chariots soubs la despence de l'artillerie. Et certainement le duc délivre pour sa compaignie bien mille tentes et mille pavillons, à prendre pour ambassadeurs et estrangiers, pour la maison du duc, pour ses serveurs et gens-d'armes. Et à chascun voyage, le maistre des tentes a nouvelles tentes et nouveaux pavillons aux despens du prince; et monte icelle despence, à prendre toille el ouvrages seulement, plus de {rente mille francs.
Or ne suffit-il d’avoir seulement devisé de ce grand nombre de gens-d’armes à cheval et à pied, et de ce grand nombre de chariots, qui est une chose merveilleuse ; car combien que le duc donne à tous argent particulier pour tou5 sommiers, et merveilleux nombre de chariots et charettes pour leur nécessité, pour ce que le duc faict communément durer la guerre en temps d'hiver aussi bien qu’en temps d’esté, pour ce faut il plus de provisions contre les froidures et autres nécessités. Et ne suffiroit point qui ne deviseroit par quelle manière et par quel ordre se loge iceluy grand ost. Le duc a pour son grand principal officier le maréschal de Bourgongne, Itquel a telle prééminence, qu'il prend droit de mareschal sur tous les gens-d’armes, mais nou point ès gens-d’armes des ordonnances; et se nomme ledit mareschal de Bourgongne pour un mareschal de France, et prend droit avec, comme les autres , et ce de toute ancienneté ; et se conduit le fait de la guerre par sa main avant tous les autres, et doit estre à l'avant-garde du prince comme le principal. Et toutesfois si le prince mettoit en l'avant-garde aucun prince de son sang, le mareschal luy seroit per et compagnon touchant la dite avant-garde; et en l'absence dudit mareschal de Bourgongne se faict un mareschal de l'ost, qui est son lieutenant , lequel conduit les matières de guerre , et prend les droits de mareschal, et ordonne les commissaires comme si luy-mesme y estoils et sont, soubs ledit mareschal ou son ! eutenant, les mareschaux des logis et de l’hostel , et par ledit mareschal de logis est logée ceste grande armée.
Le mareschal du logis, quand le prince doit prendre logis nouveau, doit faire sonner sa trompette, et doit avoir enseigne desployée ; et à luy se doivent assembler le mareschal de l’hostel, et tous les fourriers de toutes les compagnies, soit de pied ou de cheval; et doivent chevaucher en ordre et en bataille soubs la conduite dudit mareschal ; et quand ils sont prests à loger , il peut faire arrester les compagnies avec son enseigne, et prendre avec Juy le mareschal et ceux qu'il luy plaist, et là adviser le pays et le logis ; et départ les quartiers pour l'avant-garde, pour la bataille et pour l’arrière-garde; et ainsi conclud , assiet l'artillerie, et luy baille place. ;
Par ceste manière ceste grande armée logée, le mareschal de l'ost doit visiter advenues, et meltre en ordre les escoutes et guets; et doit soigner le mareschal ou son lieutenant d'enquérir et sçavoir des passages du pays, et doit avoir des guides avec luy pour guider l’armée ; et peut on appeller devant luy du grand conseil et du parlement , ou autre jugement pour matière
NOTICE SUR OLIVIER DE LA MARCHE
de guerre, et qui touche le faict de la guerre, dont il peut juger : et de luy l’on ne peut appeler.
Et je certifie que j’ay expérimenté les faits de la noble maison de Bourgongne plus de trente ans, et que j'ay bien calculé et débattu à quelles sommes de denier peut venir et monter la grande despence dont j'ay icy devant fait mention; et certes je treuve que, par an, monte icelle somme de despence bien environ deux
millions bien payés et comptés, chascun selon son eslat et vacation à quoi il est appellé.
Et aflin qu’il appert que je vueil que chascun sache que ce qui est baillé par escript est baillé d'homme qui le peult bien sçavoir, j'ay mis mon nom en escript soubs ceste présente épistre, et moy remandant à vous:, laquelle espistre j'ai faict et complétée au siége d’Aisse en Allemaigne, au mois de novembre l’an 1474.
