LIVRE HUITIÈME

articles. Le premier, rendre Monopoli qu'ils avoient pris sur nous. L’autre de retirer le marquis de Mantoue, et autres qu’ils avoientau royaume de Naples, du service du roy Ferrand. Le tiers qu'ils desclarassent que le roy Ferrand n’estoit dla ligue qu’ils avoient faite de nouyeau, où estoit nommé seulement le pape, le roy des Romains, le roy d’Espaigne, et le duc de Milan. Quand j’arrivay audit lieu de Venise, ils me recucillirent honorablement, mais non point tant qu’ils avoient fait au premier coup ; aussi nous estions en inimitié desclarée, et la première fois nous estions en paix. Je dis ma charge au duc de Venise, et il me dit que je fusse le très-bien venu, et que de brief 1l me feroit response, et qu’il se conseilleroit avec son sénat. Par trois jours ils firent processions générales, grandes aumosnes, et sermons publics, priant Nostre Seigneur qu’il leur donnast grace de prendre bon conseil; et me fust dit que souvent le font en cas semblable. Et à la vérité, ce me semble la plus révérenle cité que j’aye jamais vue aux choses ecclésiastiques, et qui ont leurs églises mieux parées et accoustrèes ; et en cela je les tiens assez égaux aux Romains; et croy que de là vient la grandeur de leur Seigneurie qui est digne d’augmenter plus que d’appetisser. Pour conclusion de mon affaire, j’attendis quinze jours avant qu’avoir response qui fust de refus de toutes mes demandes ; disans n’avoir aucune guerre avec le roy, et que ce qu'ils avoient fait estoit pour ayder à leur allié, le duc de Milan, que le roy vouloit destruire. Si firent parler à part avec moy le duc qui m'offroit bon appointement, qui fust que le roy Ferrand feroit hommage au roy du royaume de Naples, et du consentement du pape, et qu’il payeroit cinquante mille ducats l’an de cens, et quelque somme comptant, et qu'ils la presteroient. Et entendoient, moyennant ce prest, avoir entre leurs mains les places qu’ils ont en la Pouille, comme Brandis, Otrante, Trani el autres; et aussi bailleroit ledit dom Ferrand, ou laisseroit au roy quelque place au quarticr de la Pouille pour sûreté; et vouloient dire Tarente que le roy tenoit encore ; et en eust baillé une ou deux davantage ; et s’offroient de les bailler de ce costé là parce que c’estoit le plus loin de nous; mais ils se couvroient, en ce que c’estoit enlieu

pour servir contre le Turc, dont le roy avoit fort parlé quand il entra en Italie, disant qu’à cette fin il faisoit cette entreprise, et pour en estre plus près; qui fust une très-méchante invention ; car c’estoit mensonge, et l’on ne sçauroit céler à Dieu les pensées. Outre, m'offroit ledit duc de Venise que, si ledit roy vouloit entreprendre contre le Turc, qu'il auroit accès en ces places que je dis, et que toute l'Italie y contribueroit, et que le roy des Romains feroit la guerre de son costé aussi, el quele roy et eux lLicndroient toute l'Italie, el qu'aucun ne conlrediroit à ce qu’ils en ordonneroienl ; et que pour leur part, serviroient le roy avec cent galées à leurs despens el de cinq milles chevaux par terre. |

Je pris congé dudit duc et seigneurie, disant que j'en ferois le rapport au roy. Je revins à Milan ; el trouvay le duc de Milan à Vigesve, oùestoit un maistre-d’hostel du roy appelé Rigault d'Orielles, ambassadeur pour le roy. Ledit duc vint au-devant du roy, feignant chasser; car ils sont ainsi honorables aux ambassadeurs. Il me fit loger en son chasteau en trèsgrand honneur. Je le suppliay de pouvoir parler à luy à part; il me dit qu'il le feroit, mais il monstroit signe de ne le chercher point. Je le voulois presser de ses navires, qu’il nous avoit promis par ce traicté de Verceil, qui estoient en estat de partir (et encore tenait ledit chasteau de Naples), et il feignoit de les bailler ; et estoit à Gennes pour le roy, Péron de Basche, son maistre-d’hostel, et Estienne de Nèves, qui soudainement m'escrivirent, dès qu’ilssçurent ma venue là, se doulans de la tromperie du duc de Milan qui feignoit de leur bailler les navires, et au contraire en avoit envoyé deux contre nous. L’un jour respondit le gouverneur de Gennes, qu'il ne souffriroit point que lesdites navires fussent armées des François, et qu'en chacun n’en mettroit que vingtcinq, avec maintes autres excuses de cette sorte, dissimulant en altendant les nouvelles que ledit chasteau de Naples fust rendu, où ledit duc sçavoit bien qu’il n’y avoit vivres que pour un mois ou eniron, el de l’armée qui se faisoit en Provence, qui n’esloit point suffisante pour faire ledit secours sans lesdites deux navires; car lesennemys avoient devantledit chasteau grosse armée de mer, tant d'eux que des Véniliens et

MEMOIRES DE P. DE COMMINES

du roy d'Espaigne. Trois jours je fus avec ledit duc. L’un jour il se mit cn conseil avec moy, se courrouçant que ne trouvois pas bonne la response qu’il faisoit touchant lesdites navires ; et disoit que par le traiclé de Verceil, il avoit bien promis de servir ayec deux navires, mais qu’il n’avoit point promis de laisser monter aucuns François dessus. À quoy je respondis que celte excuse me sembloit bien maigre ; et si d'adventure ilime presloit une bonne mule pourt. passer les monts, que feroit-1l pour moy de la me faire mener en mains, ct que je n’en eusse que la vue, sans pouvoir monter dessus? Après longs débats, 1l me retira en une galerie à part. Là je luÿ monstray la peine que d’autres et moy avions prise pour ce traicté de Verceil, et le péril en quoy il nous mettoit d’aller ainsi au contraire, et faire ainsi perdre au roy ses chasteaux, qui estoit la totale perdition du royaume de Naples, et qui seroit hayne perpétuclle entre le roy et luy; ct luy offris la principauté de T'arente, avec la duché de Bari; car jà il la lenoit. Je luy disois le péril en quoy il se mettoit, et toute l'Italie, de vouloir consentir que les Vénitiens eussent ces places en la Pouille. Il confessoit que je disois de tout vérité, par espécial des Véniliens; mais pour toute conclusion, il me dit qu'il ne pouvoit trouver avec le roy aucune sûreté ni fiance.

Après ces devises, je pris congé dudit duc de Milan, lequel me conduisit une lieuce; et au partir advisa une plus belle mensongne (st on doit ainsi parler des princes ) que devant, luy semblant bien que je m'en allois fort mélancolique. Ce fut qu’il me dit soudainement (comme un homme qui change propos) qu'il me vouloit monstrer un tour d’amy, afin que le roy eust occasion de me faire bonne chère, el que le lendemain il feroit partir messire Galéas (qui estoit le tout quand il me nommoit cestuy-là ) pour aller faire partir lesdites navires, et les joindre avec nostre armée ; et qu’il vouloit faire service au roy, tel que de luy sauver son chasteau de Naples, et qu'en ce faisant 1] luy sauveroit le royaume de Naples (il disoit vray s’ill’eust fait); et que quandelles seroient parties il m’escriroit de sa main, afin que par moy le roy en reçust des nouvelles le premier, et qu’il vist que je luy aurois fait ce

service, et que le courrier me joindroit avant que fusse à Lyon. Et en cette bonne espérance je partis, et me mis à passer les monts; et n'ouys venir poste derrière moy, que je ne cuydasse que ce fust celuy qui me devoit apporter les lettres dessusdittes (combien que j'en faisois quelque double , connoissant l’homme). Et vins jusqu’à Chambéry, où je trouvay monseigneur de Savoye qui me fit bonne chère, et me retint un jour; et puis je vins à Lyon (sans ce que mon courrier vint) du tout faire mon rapportau ro’,qui lors estoit entendant à faire bonne chère, et à jouster, el de nulle autre chose ne luy chasloit.

Ceux qui avoient esté courroucés de la paix de Verceil, furent fort joyeux de la tromperie que nous avoit faite le duc de Milan, eten accrut leur auctorité ; et me lavèrent bien la tesle, comme on à accoustumé de faire aux cours des princes, en semblable cas.

J’estois bien iré et marry. Je contay au roy, et monstray par escript, l'offre que les Vénitiens luy faisoient, qu’avez entendue devant ; dont il ne fit aucune estime, et moins encore le cardinal de Sainct-Malo, qui esloit celuy qui conduisoit tout. Toutesfois j’en parlay une autre fois; et me sembloit qu’il eust micux valu accepter cel offre que de perdre le tout; et aussi je ne voyois point gens pour conduire telle entreprise et n’appeloient aucun; qui leur pust ayder, ou le moins souvent qu'ils pouvoient. Le roy l’eust bien voulu; mais il estoit craintif de desplaire à ceux à quiil donnoit le crédit, et par espécial à ceux qui manioient ses finances, comme ledit cardinal, ses frères et parens. Qui est bel exemple pour les princes ; car il faut qu'ils prennent la peine de conduire eux-mesmes ! urs affaires, pour le moins quelquesfois, et en appeler d’autres, selon les matières, et les tenir presque esgaux ; car s’il y en a un si grand que les autres le craignent (comme fil le roy Charles huitiesme, et a fait jusques icy, qui tousjours en a eu un) cestuy-là est le roy et seigneur, quant à l’effect; et se trouve le maistre mal servy, comme il a eslé de ses gouverneurs, qui ont très-bien fait leurs besongnes, et mal les siennes, et en a esté moins estimé.