LIVRE HUITIEME

duisit son entreprise si sagement et si secrètement , qu’en dix heures il prit ladite place, comme je vis, par assaut ; et y mourul trente ou quarante gentils-hommes d'estime , Espagnols, et entre les autres, Ie fils de l'archevesque de Sainct-Jacques , et trois ou quatre cens autres hommes ; lesquels ne s’attendoient point que si tost on les dû prendre , car ils n'entendoient point quel exploiel faisoil notre artillerie , qui à la vérité passe toutes les artilleries du monde.

Voilà tout lexploict qui fut fait entre ces deux roys ; ce fut honte et descry au roy de Castille , vu que son armée estoit si grosse. Mais quand Nostre Scigneur veut commencer à punir les gens , il leur advient volontiers de telles pelites douleurs au commencement ; car il en advint bien de plus grandes audit roy «1 royne tost après, el si fit-1l à nous. Grand tort avoicnt lesdits roy el royne d'ainsi s'estre parjurès envers le roy, après cette grande bonté qu'il leur avoit faite de leur avoir rendu ledit païs de Roussillon, qui tant avoit cousté à réparer et garder à son père, lequel Pavoit en gage pour trois cens mille escus qu’il leur quitta. Et fit lout ceci afin qu'il ne l'empeschassent point à la conqueste qu'il espéroil faire dudit royaume de Naples; et refirent les anciennes alliances de Castille (qui sont de roy à roy, de royaume à royaume, et d'homme à homme de leurs sujets); et ils pronurent de ne l'empescher point à ladite conqueste, et de ne marier aucunes de leurs filles en ladite maison de Naples , d'Angleterre , ni de Flandres ; et cette estroicle offre de mariage vint de leur costé, et en fit l'ouverture un cordelier appelé frère Jean de Maulton , de par la royne de Casülle ; et dès qu’ils virent la guerre encommencée , et le roy à Rome, ils envoyèrent leur ambassadeur par tout , pour faire alliances contre le ray, et mesme à Venise où j’estois et là se fit la ligue , (dont j’ay tant parlé) du pape , du roy des Romains , d'eux, de la seigneurie de Venise et du duc de Milan ; et incontinent commencèrent la guerre au roy, disans que telle obligation n’estoit point de tenir ; c'est à scavoir de ne pouvoir marier leurs filles ( dont ils en avoient quatre et un fils ) à ces ro,s dont j'ai parlé : et d’eux-mesmes estoit venue celte ouverture , comme avez vu,

Or pour retourner à mon propcs, quand toutes ces guerres d'Italie furent faillies, el que le roy ne tenoit plus Gajette audit royaume de Naples (car encore la lenoit-il, quand les pratiques de paix commencèrent entre lesdits roys; mais Lost après fut perdue) et aussi ne se faisoit plus aucune guerre du costé de Roussillon , ais gardoit chacun le sien; ils envoyèrent vers le roy Charles, un gentil-homme, des religieux de Mont-Serrat; car toutes leurs œuvres ont fait mener et conduire par telles gens, ou par hypocrisie, ou à fin de moins despendre ; car ce frère Jean de Mauléon, cordelier, dont aesté parlé, mena le traicté de faire rendre Roussillon. Ces ambassadeurs, dont j'ay parlé, prièrent au roy, d'entrée, qu’il luy plut jamais n’avoir souvenance du tort que lesdits roy et royne !, luy tenoient (on nomme tousjours la royne, parce que Castille est de son costé ; et aussi elle en avoit la principale auctorité ; et a esté un honorable mariage, que le leur). Après commençoient une trève, comprenant toute leur ligue, et que le roy demeurast en possesion de Gajelte, et autres pièces qu’il avoit audit royaume de Naples, et qu'il les pourroit avitailler à son plaisir durant la trève ; et que l’on prit une journée, où se trouveroient ambassadeurs de toute la ligue, pour traicter paix, qui voudroit ; et après vouloient continuer lesdits roys en leur conquesle ou entreprise, sur les Maures, el passer la mer qui est entre Grenade et Afrique, dont la terre du roy de Fesse ? leur estoit la plus prochaine. Toutesfois aucuns ont voulu dire que leur vouloir n’y estoit point, et qu'ils se contenteroient de ce qu’ils avoient faict ; qui est d'avoir conquis le royaume de Grenade » ; qui à la vérité a esté une belle et grande conqueste, et la plus belle qui ait esté de nostre temps, et que jamais leurs prédécesseurs ne sçurent faire; et voudrois pour l'amour d'eux , que jamais n’eussent entendu à autre chose, et tenu à nositre roy ce qu'ils luy avoienl promis. Le roy renvoya, avec ces deux ambassadeurs le seigneur de Clerieux#,

* Ferdinand, roi d'Aragun. Isabelle, reine de Castille.

3 Féz.

* Grenade fut rendue le 30 décembre 1491.

4 I1 se nommait Guillaume de Puitiers; il était gouverneur de Paris.

MÉMOIRES DE P. DE COMMINES

du Dauphiné; et taschoit le roy de faire paix ou trève avec eux, sans y comprendre la ligue ; mais toutesfois, s’il eut accepté leur dit offre , il cust sauvé Gajette, qui estoit assez bien suffisante pour recouvrer le royaume de Naples, vu les amis que le roy y avoit. Quand ledit de Clcrieux revint, il apporta pratique nouvelle; et jà estoit perdue Gajette, avant qu'il fut en Castille. Cette nouvelle ouverture fut : que le roy et eux retournassent en leur première et ancienne amitié, et qu’eux deux, à butin, entreprissent toule la conqueste d’Itahe, et à communs despens, et que les deux roys y fussent ensemble ; mais premièrement vouloient la trève générale, où toute la ligue fust comprise, et qu’une journée se tint en Piedmont , où chacun pourroit envoyer ambassadeurs, car honnestement 1ls se vouloient despartir de ladite ligue. Toute cette ouverture, à mon advis, et ainsi qu’on m'a depuis donné 4 entendre , n’estoit que dissimulation , et pour gaigner temps, et pour laisser reposer ce roy l'errand, quand encore vivoit, et dom Federic nouvellement entré en ce royaume. Toutesfois ils eussent bicn voulu ledit royaume leur ; car ils y avoient meilleur droict que ceux qui l'ont possédé; mais la maison d'Anjou, dont le roy a le droict, doit aller devant; mais à la nature dont ilest, et aux gens qui y habitent, ilmesemble qu'il est à celuy qui le peut posséder ; car ils ne veulent que mutation. Depuis y retourna ledit seigneur de Clerieux, et un appelé Michel Grammont , sur aucunes ouvertures. Ledit de Clerieux portoit quelque peu d'affection à cette maison d'Aragon, et esperoit avoir le marquisat de £otron, qui est en Calabre, que ledit roy d’'Espaigne lient de cette conqueste dernière que ses gens firent audit païs de Calabre ; et ledit de Clerieux le prétend sien; el est homme bon et qui aisément croit, et par espécial tels personnages. A la deuxiesme fois qu'il revint, il amena un ambassadeur desdits ro\s; ct rapporta ledit de Clerieux qu'ils Se conlenteroient d’avoir ce qui est plus prochain de Cecile, qui est Calabre, pour ledit droict qu’ils prétendoient audit royaume de Naples, et que le roy prit le reste, et qu'en personne viendroit ledit roy de Castille en ladite conquesie , ct payeroil autant de la despense de l’armée comn.e le roy; et jà tenoit, et tient

quatre ou cinq places fortes en Calabre ; dont Cotron est l’une, qui est cité bonne et forte. Je fus présent au rapport; et à plusieurs sembla que ce n’estoit qu’abus, et qu'il faloit là envoyer quelqu'un bien entendu, et qu'il joignit cette pratique de plus près; parquoy fut joint , avec les premiers, le seigneur du Bouchage , homme bien sage, et qui avoit eu grand crédit avec le roy Louis et encore de présent avec le roy Charles, fils dudit feu roy Louis. L’ambassadeur que ledit de Clericux avoit amené, ne voulut jamais confirmer ce que ledit de Clerieux disoit; mais disoit qu’il croyoit que ledit de Clerieux ne le diroit pas si ses seigneurs pe luy eussent dit, ce qui confirmoit l’abusion ; et aucun ne pouvoit croire que le roy de Castille y vint en personne, ni qu'il voulut, ou il put autant despendre que le roy.

Après que ledit seigneur du Bouchage, de Clericux, et Michel de Grammont, et autres, furent venus devers lesdits roy et royne de Castille, ils les firent loger en un lieu où personne ne communiquoit avec eux, et avoient gens qui y prenoient garde ; et lesdits roy et royne parlèrent avec eux par trois fois; mais quand ce vint que ledit du Bouchage leur dit ce qu’avoient rapporté ledit de Clerieux et ledit Michel de Grammont, ils firent response : qu’ils en avoient bien parlé par forme de devis, mais non point autrement, et que très-volonliers se mesleroient de ladite paix, et de la faire à l'honneur du roy, et à son profit. Ledit de Clerieux fut bien mal content de cette response, et non sans cause; el soutint devant eux , présent ledit seigneur du Bouchage, qu'’ainsi luy avoient dit. Lors fut conclu, par ledit seigneur du Bouchage et ses compagnons, une trève, à deux mois de desdit, sans y comprendre la ligue ; mais bien y comprenoient ceux qui ayoient espousé leurs filles, et les pères de leurs gendres; c’est à sçavoir les roys des Romains et d'Angleterre ; car le prince de Galles estoit bien jeune. Ils avoient quatre filles, et l'aisnée estoit veufve, et avoit espousé le fils du roy de Portugal, dernier trespassé, lequel se rompit Ie col, devant elle en passant une carrière , sur un genet!, trois mois après qu'il l’eut cspousée. Ils en ont

* Il voulut faire franchir une carrière à son rheval.