CHAPITRE II
De l’ancien estat du païs de Hourgongne, jusques au temps qu’il fut réduit en duché ; à laquelle succédèrent les ayeulx et pères maternels de l’archeduc Philippe d'Austriche.
J'ay tant enquis de ceste matière de Bourgongne, que je trouve que Diodore Sicilien, moult ancien historiographe grec, et grand clerc, et duquel les livres et les escritures sont moult recommandées entre les oraleurs, en dit quelque chose, parlant d’Hercules le très renommé , dont les œuvres furent si grandes, que plusieurs tiennent le récit de ses faicts pour chose poétique, fantosme , ou choses si merveillables qu'elles sont quasi non croyables. Et ne fust que tant de notables clercs ont approuvé ses magnifiques faicts, je, plein de simplesse, craindroye beaucoup d’alléguer
INTRODUCTION
cesle matière devant vostre signeurie : mais je pren courage et hardement de réciter ce que dit Diodore , qui met en effel que ledict Hercules , en faisant ses voyages, et mesmes alant en Espaigne , passa par le païs que l’on nomme à présent Bourgongne , et y prit en mariage, Selon la loy, l’une de ses femmes, nommée Alise : laquelle fut dame de moult grande beauté, ct du plus noble sang et liguaue qui fust au païs ; et dit que de ceste Alise il cut génération, dont sont venus et yssus les premiers roys de Bourgongne : el pour appreuve vous trouverez au duché de Bourgongne , au quarlier que l’on nomme l’Aussois, apparence d’une cité ou ville qui se nommoit Alise, que celle dame fonda, et luy donna son nom : mais la ville a csté destruite et ruinée par les gucrres qui de long temps ont régné en ce quartier. De celle cité d’Alise font appreuve Lucain et Saluste, mesmement en récitant la grande rébellion que firent les François, et mesmes ceux d’Austun, à l'encontre de César et des Rommains : lesquels François avoyent élevé contre ledict César un prince françois, nommé Vercingentorix : lequel assembla grande puissance de François contre ledit César, et se logca en la cité d’Alise, et à l'environ: et ledict César se logea au plus près, a tout les légions rommaines, et forlifia ses tentes et logis, où il eust beaucoup à souffrir par la puissance desdicts François. Mais, par son sens et magnanime courage, il déconfit à la fin, par bataille, ledict Vercingentorix et les cohortes françuises, el les remit en l’obéissance de Romme, comme devant : et par ce pas trouverez appreuvye de ladicte cité d’Alise, dont j’ay escrit cy-dessus.
En ce temps d’Ilercules, et grand temps
après, ceux que nous nommons Bourgongnons se nommoyent Allobrogiens : et vaut autant à dire Allobrogien (selon que l’interprètent messieurs les clercs), comme mal-languagué , ou mal-parlant ; et certes, combien que je soye në de celle noble terre, j’appreuve assez l'interprètement : car le language de soy est rude, et mauvais entre tous ceux de leur voisinage. Or, dura ce nom d’Allobrogiens longuement (comme il est assez sceu, tant par les croniques rommaines comme par les histoires de Belges), et durant ie règne de la grande cité de
Bavais, et jusques à ce que les Rommains (qui
moult de terres ct de signeuries mirent en
leur sugettion et sous leur puissance) travaillèrent à guerroyer les Germains.
Et dura celle guerre par moult de temps, et par moult d'années; car les Germains estoyent fort et durement assaillis des Rommains et de leur grand puissance : et les Germains, pleins de noblesse et de peuple belliqueux ; se deffendoient vigoureusement : et à la fois les uns sus les autres (ainsi que la fortune de la guerre adonne) passoyent le Rin, chacun sur sa paric: et lousjours convenoyent , sur l’arrière- Saison , que chacun parti se relirast à sa seureté pour passer l'hiver, et praliquer nouvel assaut à l’esté à venir; et estoit le fleuve du Rin comme une barrière entre les deux : et pourco que les Rommains (rouvoyent, en ce païs d’Allobrogie, terre fertile, et pleine de vivres, de blés, de vins, de bois , de rivières, et de moult de commodités nécessaires à gens de guerre, en marchisant près de leurs ennemis, et aussi que le païs, en plusieurs lieux, est fort de roches el de montaignes, ils choisirent ce lieu proprement, qui aujourd’huy est nommé Bourgongne, pour leur retraite : et là séjournoyent ethivernoyent, ct y faisoyent, selon les cohortes et compaignies, les uns ès montaignes, les autres ès vallées, plusieurs bourgs, clos et fermetures, les uns de bois, les autres de closture de pierres : et là se mettoyent en seureté, et se tenoyent et fortifioyent ésdicts bourgs, contre leurs ennemis et centre leurs voisins, et mesmes les uns contre les autres : et tellement furent iceux bourgs habités par manière de forteresses , et en firent si largement et par telle abondance, que l’on cessa de nommer iceux païs allobrogiens, et furent nommés, et encores sont , Bourgongnons, c’est 4 dire habitans en bourgs.
Autres auteurs l’escrivent autrement, com.
me Orose , qui en escrit après Îe récit de Cornélius Tacitus, qui moult bien récita des histoires rommaines, et de plusieurs choses: el dit que les Vandales furent par les Rommains chacés hors de la Germanie, et vindrent en Gaule, où ils firent moult de maux : car ils esloyent bien quatre cens mille; et depuis retournèrent en leur païs, dont grande partie d’iceux y trouvèrent leurs maisons, forts, vilos
ou chasteaux bruslés et destruits : parquoy il leur fut force de faire nouveaux édifices ; et édifiérent plusieurs bourgs, pour eux tenir en seureté : parquoy celle partie de Vandales furent appellés Burgondiones. Et dit que depuis les Vandales généralement retournèrent en Gaule, et firent de grandes conquestes : et qu'iceux nommés Burgondiones s'arrestèrent près d’Austun, et demourèrent en la terre où ils sont encores, .et qui est aujourd’huy nommée Bourgongne : et se nommoit celle partie de Gaule, Gaule belsique, pource que ceux du païs estoyent confédérés en amilié avec les Belgiens. Et dit ledit Orose qu'autres Vandales occupèrent Esclavonnie, dont sont nommés les Esclavons, en Dalmatie et en Illirie, près de Venise : et occupèrent Pouloigne et Boesme; et sont, selon cestuy auteur, toutes les nations dessus-dictes venues et yssues des Vandales.
Or donc, pour mieux en parler à la vérité, je me suis ainsi enquis de plusieurs parties pour trouver le nom de Bourgongne, et dont il est venu. Si vous plaise de prendre en gré ce que j’en ay peu sçavoir, et dont fut élevé premier le nom de Bourgongne et des Bourgongnons, selon que j'en ay peu enquérir et apprendre, durant le temps. Et tant qu'ils se nommèrent Allobrogiens et Bourgongnons, et qu'ils teindrent la loy payenne, moult de roys et de puissants princes régnèrent et gouvernèrent, icelle signeurie, où je ne me veuil en rien arrester, pource que d'iceux vous n’estes en rien descendu, fors que de nom seulement, pris par vos ancesseurs, de ceste très-ancienne signeurie, qui toutesfois n'est point le vray surnom de vos prochains ancestres (comme je déclaireray en ce présent escript, et pourquoy): mais c'est le cry vray et notoire de ceste maison de Bourgongne. Et à ce propos je reviendray bien-tost, et ce pendant poursuyvray ma matière le plus au vray que mon entendement le pourra comprendre.
Et laisserons toutes ces choses, advenues avant l’'advènement de Nostre-Seigneur, pour réciter aucunes choses qui servent à nostre matière : et trouve que tous les roys, tant d’AIlobrogie comme de Bourgongne (qui est une mesme chose), portèrent leurs armes (soit du temps qu’ils furent payens, comme aussi depuis
MEMOIRES D'OLIVIER DE LA MARCHE
qu’ils furent chrestiens et baptisés) de six pièces d’or et d’asur, à la bordure de gueulles : lesquelles armes durentencores en Bourgongne.
Revenant à nostre malière, je trouve que l'an deuxième après le crucifiement de Jésus- Christ, les deux roys voisins de France et de Bourgongne, tous deux payens, eurent moult cruelle bataille l’un contre l’autre : et nombre l'histoire cent mille hommes morts des deux costés ; et trouverez vray que la vicloire fut pour les Bourgongnons : et ce je récite pour appreuve que lors il y avoit roy en Bourgongne. Item, je trouve que, l’an quatorzième après le crucifiement de Nostre-Signeur, la gloricuse Magdaleine vint au lieu de Marseilles en Provence, et là convertit à la saincte foy chrestienne le roy el la royne de Bourgongne : el par la prédication et enhort de la saincte dame, les baptisa sainct Maximilian à Arles en Provence : et prirent le sainct baptesme le roy ct la royne, et tous ceux de leur réaume feirent baptiser ou mourir : et fut nommé ce premier roy de Bourgongne chrestien, à son baptesme, Trophumie; et fut son parrain sainct Trophumie, neveu de sainct Pol l’apostre : lequel fut depuis archevesque d’Arles, et le premier.
Après cestuy roy de Bourgongne, le premier chrestien de ce nom, régna Estienne, son fils, qui fut cinquante ans roy de Bourgongne : et fut celuy que la Magdelaine fit ressusciter, et moult bon catolique fut; et fit apporter en grande dévotion, à Marseilles, la croix où fust martiriséle glorieux corps sainct monsieur sainct Andrieu : laquelle est encores à Sainct- Victor lez Marscilles. Celuy roy Estienne augmenta moult la foy de Nostre-Seigneur, et eut la croix de sainct Andrieu en telle dévotion et révérence, qu'il la prit pour enseigne , toutes et quantes fois qu’il yroit en guerre ou en bataille : et de là vint que l'enseigne des Bourgongnons est la croix sainct Andrieu: et 81 aucunefois ils ont porté autre enseigne, ça esté quant la signeurie, par quelques fois, a esté ès mains des roys de France ; mais toujours sont revenus et retournés à leur première nature, comme je feray apparoir, et ainsi qu'il en appert. |
Or vous ay-je monstré ce que j’ay peu pratiquer et apprendre du premicr nom de la
INTRODUCTION
terre, que l’on dit.Bourgongne (qui se nomma Allobrogie), et du second (qui encores dure), que l’on appelle Bourgongne, et pourquoy : et si vous ay déclairé dont les premiers roys d’Allobrogie viennent, et successivement ceux de Bourgongne : et trouve, par les ancienes croniques et escritures, que le réaume de Bourgongne s’estendoit bien-avant, com- prenant Picdmont, Ast, Provence, Dauphiné, Savoye, duché et comté de Bourgongue, et jusques à Sens du costé de Paris, que l’on dit encores Sens en Bourgongnes : et de l’autre part, Ferrelte et Lorraine, Bar, et grande partie des basses Allemaignes, el jusques au Rin : et estoit ce réaume plein de gens, autant adonnés aux armes que nuls des autres de leurs voisins : parquoy les roys et les païs firent de moult grandes choses dont je me passe, et abrège ma maticre le plus que je puis : et dura le royaume de Bourgongne jusques au temps du roy Clovis, le premier roy chrestien de France, et dont je diray comment et par quelle voye ce puissant royaume de Bourgongne fut diminué à duché,
Mon souverain signeur, il est besoing que vous entendicz que les grandes signeuries sont portées et entretenues de Dieu seulement, et non pas de la puissance des roys ne des princes, qui sont des hommes mortels; et selon qu’ils acquiérent envers Dieu mérite de régner et qu'ils entretiennent leur peuple en justice, et à la discipline de la saincte foy chrestienne, et à garder ses commandemens, Dieu leur per-
met et fait ayde à demourer princes puissans,
et en honneur et prospérité, ou les laisse périr, et leur peuple souffrir, par l’abomination de leurs vices. Et à la foys il advient que les sugels sont rebelles et desobéissans, et quièrent de destruire et amoindrir la puissance de leur roy et de leur signeur : parquoy fortune se tourne contre eux , et laisse le malhenr convenir : et en tel cas peut-on comparer Dieu à celuy qui gouverne un horologe , car tant et si longuement que le maistre y met ses mains, etqu’ille visite, il va droit, ettient mesure sans empeschement : mais quand le maistre lève sa main et se retire de la conduicte de l’horologe, il vient à discord, à ruine et à perdition de son labeur : et si nous voulons que l’horologe de nostre charge et de nos affaires soit gouverné deuement
et par raison, il nous faut requérir et mériter par oraisons et par bienfaicts à ce hault Dieu tout-puissant qui tient le période du monde en sa main, qu’il nous veuille conduire, enseigner et gouverner en telle manière, que de la charge qu’il nous a donnée en gouvernement en ce monde nous luy puissions rendre compte qui luy soit agréable : et ne faut oublier que par vertu ensuyvir sont les royaumes et principautés maintenus en honneur et en force, et par vices toutes signeufies diminuées, pourries, et mises à ruine.
Reyenant doncques à nostre matière, un roy fut en Bourgongne, nommé Childéric, lequel eut une seule fille, nommée Clotilde. Ce roy Childéric eut un frère nommé Gondebaut, qui fut homme subtil et de grande malice. Luy, voyant que Childéric n’avoit qu’une fille, malicieusement et par cautèle s’accointa par dons, promesses, craintes, et tous divers moyens, des sugets puissans, et principaux du royaume de Bourgongne : et tant fit par leur aide, qu'il mit son frère le roy Childéric en une prison (où il mourut de dueil et de misère ), et sem blablement fit mourir la femme dudict Childes ric. Ce Gondebaut mit en ses mains Clotilde, sa nièce, et se fit roy de Bourgongne par icelle lyrannie. En ce tems estoit roy de laterre françoise le roy Clovis : et combien que celuy Clo: vis tenist encores la loy payenne, loutesfois il estoit vertueux, véritable, justicier ; vaillant, et droiturier en ses faicts. Celuy Clovis, roy de France, fut adverty de la beauté, des vertus et des bonnes mœurs que l’on disoit estre en celle Clotilde, fille du roy Childéric trépassé, et nièce de Gondebaut , roy de Bourgoggne :
et combien qne celle Clotilde fut trés-chrestienne et luy payen, toutesfois il déstra de Favoir en mariage : et semble qu’il goustast et prist appétits, avecques les vertus d'elle, au grand droit qu’elle avoit au royaume de Bourgongne, qui Jai estoit voisin et propice : et dit la cronique que par moyen subül 1] voulat entendre si Clotilde le voudroit avoir à mary, no nobstant la diférence de leur loy; et si ben fut la matière pratiquée, que du consentement de Gondebaut son oncle, le mariage fut &ecordé d’une part et d'autre, moyenamt quo Clotilde vivroit en la foy de Jésus-Christ, ef PRRRRNRSE PO
Et envoya Clovis, roy de France, querre sa femme moult eslofément. et à grande puissance de gens et d’avoir. Et pouvez entendre que celle royne Clotilde n’aimoit guères Gondebaut son oncle, tant pour ce qu’il avoit fait mourir son père en prison, comme pour le tort qu’il luy faisoit du royaume de Bourgongne, dont elle estoit fille et-héritière, pour les causes cy-dessus escrites. Et quand elle approcha le royaume de France, elle mesme fit commencer la guerte, et mettre les feux au royaume de Bourgongne , qui fut mis à telle sugettion, que vous ne trouverez point que depuis iceluy temps nul roy de Bourgongue porlast couronne, ne nom de roy. Et fut Dieu en laide du sarrasin tenant mauvaise loy (pour ce qu’il estoit en ses faicts droicturier el homme de justice); et confondit le chrestien, qu’il trouva faux, tyran, torturier et homme vicieux. Qui doit estre exemple et regard à tous princes qui désirent et veulent régner en honneur et en gloire.
Clotilde, la très-vertueuse royne de France, aima moult Clovis son signeur ; et bien y avoit raison : car toutes les histoires qui de lui font mention tesmoignent moult de biens avoir esléen sa personne : et n’avoit la royne, sa compaigne, regret que de ce qu’il vivoit en mauvaise loy et créance. Si laboura moult cenvers luy qu'il voulsist croire en la foy de Jésus-Christ, où elle ne parvint pas légèrement, et toustesfois Dieu fulen son aide. Et comme il permit à sainct Grégoire la résurrection et baptesme de Trajan par nombre de cent ans trépassé (pour ce qu’il le trouya par renommée si droicturier et tenant justice, combien qu'il fust payen), ainsi ce bon Dieu permit à Clotilde de convertir son mari Clovis à devenir chreslien, pour ses vertus : et vous diray comment, le plus bref que je le pourray mettre par escript. Le roy Clovis de France eut une guerre contre les Alemans, qui dura moult longuement, et tant qu'ils furent moult travaillés de guerroyer d’une part et d’autre : et pour mettre fin à ce débat, fut pris jour et lieu de combatre, et bataille assignée : el croy que ce fut en juin : du jour je ne trouve le vray. Le roy de France (qui moult estoit sage) doutoit la fortune de la bataille (et qui ne la craint, c’est plus outrecuidance que courage
MEMOIRES D'OLIVIER DE LA MARCHE
vaillant); dont à ses Dieux, et selon sa loy, il faisoit de grandes oblations, oraisons et aumosnes. La royne Clotilde, pleine de bon vouloir et femme catolique , embrasée de l’amour de Dieu, et du sauyement de l’âme de son signeur et mary, s’enhardit en bonne foy et croyance, et dit au roy : « Mon signeur, si » yous me vouliez croire, j’ay espoir que vous » gaigneriez la bataille, et déferiez vos enne- » mys : c’est que vous voulussiez croire en Jé- » sus-Christ en qui je croy, et lui promettre » de recevoir baptesme. Celuy seul vous * peut aider : c’est celui qui a les victoires en » sa main, etla puissance du ciel et de la terre. » Mon signeur, prenez mon conseil de bonne » part, car autre espoir je ne voys de vostre »n victoire. »
Le roy pensa moult au sermon et conseil de sa femme : et, pour abréger, vint à la bataille contre les Alemans; et fut la pluspart de sa compaignie reboutée et comme déconfile. Mais par la voulonté divine et comme inspiré, Clovis leva les yeux au ciel, et dit ces parolles, ou semblables :« Toy, le Dieu en quoy ma femme » croit, donne moy victoire, et me soys en » ayde : et je Le promets de prendre le bap- » tesme et devenir chrestien, et moy et ceux » de mon réaume, qui obéir me voudront. »
Sur laquelle requeste, en pensée délibérée, donnant sus ses ennemys, déconfit les Alemans:et en son courage tint celle victoire avoir de Jésus-Christ, le Dieu de sa femme; et luy retourné , par bonne dévotion et foy, et par le conseil du glorieux corps sainct monseigneur sainct Remy (qui lors vivoit , et travailloit en France moult pour exaucer la foy chrestienne et le nom de Jésus-Christ), et pareïllement par la bonne et dévote dame la royne Clotilde, eut le sainct baptesme, et tous ceux du reaume de France fit baptiser ou mourir. Et ne se peut ignorer que ce grand bien et éternelle grace d'entrer en la loy chrestienne, et recevoir la lumière de la foy, et de croire en la Trinité, ct au benoist fruict de la vierge Marie, ne soit premier venu en France par la fille du roy de Bourgongne, femme du roy Clovis, comme je l’ay récité : auquel Clovis imonstra Dieu, par moult de foys , qu’il le vouloit appeller en son service : comme de luy envoyer les trois fleurs de lys (dont il fit mutation en ses armes, qui
ff
INTRODUCTION
estoyent de trois crespaux de sables, à un champ d’or), et comme aussi de luy envoyer miraculeusement la saincte Ampole (qui encores est à sainct Remy, à Reims) dont luy et les autres roys de France sont sacrés et enoincts. Et certes Clovis fut tant bon et tant vertueux, que ce n’est pas merveille si Dieu luy monstra espéciale grace. Le roy Clovis et Clotilde vescurent en grande prospérité ensemble, et moult augmentèrent la loy de Jésus-Christ et le réaume de France, et eurent plusieurs enfans , qui depuys furent roys de France. Mais combien qu’ils fussent yssus de ce bon roy el de celle vertueuse royne , les enfans ne succédèrent pas en mœurs et bonnes condilions,ains à la scigneurie : et furent tyrans, et emprirent l’un sur l’autre : et à leurs cousins, neveux de Clotilde leur mère, ostèrent leur seigneurie de Bourgongne, firent les uns mourir, les autres chastrer, et les autres moines. Et de ces cruau- - {ès porte assez tesmoignage le faict de sainct Clou (lequel yssit d’iceux roys de Bourgongne); et tant fut diminué le réaume, qu’il devint duché, moitié force, moitié amour, comme le couche la cronique.
