CHAPITRE TI
Des ducs de Beargongne, ayeulx de l'archeduc Philippe d'’Austriche, descendus de la maison de France ; avec autres choses consernantes l'antiquité do Flandres.
Or vous ay je monstré comment Bourgongne fut premier nommée Allobrogie: comment, pour les bourgs dont elle fut édifiée , fut nommée Bourgongne (qui encores dure); dont veindrent les premiers roys d’Allobrogie , el depuis de Bourgongne; comment eut nom le premier roy de Bourgongne chrestien, et qui le convertit à la foy de Jésus-Christ; comment et pourquoy l’enseigne de Bourgongne est la croix sainct Andrieu; comment ce réaume cest devenu duché, et quelles sont les armes de Bourgongne d'ancienneté ; et aussi dont vient vostre noble père, et qui fut vostre bisayeul, ayeul, grand-père et père, et les alliances de chascun par mariage, pour vérifier vostre noble descente. Si est donques bien raison semblablement que jerevienne à la généalogie , en tel et pareil cas, de vostre noble mère : et commencerons au bisayeul de vostre dicte mère,
pour mieux atteindre la vérité de vostre noble descendue , qui est d’un poinct plus haute que je ne l’ay prise du costé paternel. Ce qu’il me faut faire, pour mieux donner à entendre la descente de vous du costé de France. Si soye excusé des lisans : car je croy que la longueur de ma matière touchant ce poinct n’en sera en rien plus ennuyeuse. Revenons donques à escrire qui fut le bisayeul de vostre noble mère. Ce fut le duc Philippe, fils du roi Jean de france.
Celluy Philippe de France fut longuement appellé Philippe-sans-Terre ( pource qu’il estoit le dernier des quatre fils que le roy Jean de France avoit), et depuis fut duc de Touraine, et surnommé Philippe-le-Hardy, par la bouche du roy d'Angleterre son ennemy , pour trois actes qu’il fit, si honnestes et hardis, qu’il mérila d’avoir nom ou surnom, non pas de hardi prince seulement , mais de hardi chevalier. Et vaut bien ce cas que je déclaire et die les causes de ce tiltre, afin que vous entendiez que, selon les vertus ou vices, sont surnommés vulgairement les princes ; et que telles que seront vos œuvres , tel sera vostre nom. Et en ce je procèderay, non pas par le récit des croniques seulement, mais par le rapport des récitans , el dont n’est pas trop ancienne la mémoire. Et de ces trois poincts , d'où se prit ce nom digne de recommandation, le premier fut que quand le prince de Galles, fils d'Edouard , tiers de ce nom, roy d'Angleterre, déconfit à Poictiers le roy Jean de France, icelluy roy Jean avoit avec soy tous ses fils : et quand le roy (qui moult vaillamment de sa personne se porta celuy jour) veit la déconfiture toutner contre luy, pour le bien de son réaume et en amour paternel, fit départir ses enfans, à son pouvoir, de la bataille, etles fit mettre à guarant. Mais Philippe le maisné, pour prière no pour commandement, pour danger ne pour fortune, ne voulut abandonner son seigneur et son père , et fut pris avecques luy (qui fut le premier jugement pourquoy il fut appellé Philippe-le-Hardy) ;etavecques le roy son père fut mené prisonnier au roy d'Angleterre, leur ennemy, qui les traitta moult honnorablement.
Si advint, durant icelle prison, qu’à l’occasion de la prise du roy de France aucune
question fut d’un chevalier anglois, qui prétendoit droit à la foy du roy : et pour ce que le roy françois en son affermement ne déposa pas au gré du chevalier demandeur , il se troubla : et cuida Philippe , le fils , entendre qu'en ses argus il démentoit le roy son père. Et en la présence du conseil d'Angleterre ( où y eut plusieurs princes , chevaliers et barons ) il haussa le poing, et Lel coup donna au chevalier, qu’il demeura tout étourdi; etluy dit: « Dé- » loyal chevalier, t’appartient-il de démentir si » noble personne que le roy de France ?» Les amys du chevalier ne furent pas les plus forts. Le roy d'Angleterre y vint prestement , qui fut du parti de Philippe de France : et fut le chevalier emprisonné, et puis délivré, à la requeste et poursuite du roy de France; et dit le roy d’Anglelerre que vrayment devoit estre nommé Philippe de France Philippe le Hardi :
etainsi futnommé Philippe le Hardi, pour la seconde fois. Monsigneur et mon maistre, ‘e vous supplie que vous notiez ces actes honorables, faits par le bisayeul de vostre noble mère, qui ne considéra et pas ne douta le danger où il estoit prisonnier en estrange royaume : mais s’aquitta chevaleureusement à venger , de sa personne, son noble père le roy de France : qui luy tourna à si grand honneur el renommée , que, par les escriptures et mémoires , il durera jusques à la fin du monde. Et qui garde la cordialilé que l’on doit, et dont tous sommes obligés , à père ct à mère , il dure devant Dieu, et au registre de bonne renommée , pardurablement.
J'ay doncques devisé comme Philippe de France fut pour deux causes nommé Philippe le Hardi : et est besoing que je parte de Ja tierce cause , et continualion de ce nom. Durant la prison en Angleterre du roy Jehan de France et de Philippe son fils, le prince de Galles , fils du roy Edouard roy d'Angleterre ( qui se tenoit pour la plupart du temps en Guyenne et en Aquitaine, et ès signeuries que le roy d'Angleterre son père tenoit lors deça la mer, et fut celluy qui guaigna la bataille de Poictiers , et prit le roy Jehan de France, et en ce temps fut l’un des renommés et doutés princes de la chrestienté), honnora moult le roy de France en sa prison , et moult de
privautés et de bonnes compaigni:s eut avec- |
MEMOIRES D'OLIVIER DE LA MARCHE
ques Philippe de France : et advint une fois, ainsi qu'ils jouoyent eux deux aux échets, que débat sourdit entre eux, pour un che.
valier pris l’un à l’autre. L'un disoit que le chevalier esloit bien pris, et l’autre disoit qu'il esloit pris par faux traict. Et comme il advient souvent que questions se meuvent aux jeux d’échets , et que le plus sage y perd patience, ainsi advint icele fois entre ces deux fils de roys: ettellementleva à chacun la colère, qu'ils se levérent en piés, et mirent chaun la main à la dague ; et vouloyent deguainer l’un sur l’autre furieusement. Mais si bice advint, qu’aucuns signeurs anglois se trouvèrent presens, qui les départirent, et se mirent entre eux deux sans autre inconvénient : et fu-rent ces Anglois si vertueux , que partialité ne régna pas en leurs courages, mais vertu et constance, qui toutesfois n’est pas bien la coustume des Anglois. D’avantage , quand le roy d'Angleterre , père du prince de Galles , fut advyerti du débat ct danger apparent à venir entre son fils et Philippe de France, dit courageusement que l’on avoit mal fait de les départir , et que celluy des deux qui fust demouré en vie , et victorieux de celle bataille , se pouyoit nommer ct dire le plus-vaillant fils deroy, voire le plus-hardi chevalier du monde: et sur ce débat le roy d'Angleterre fut si-verlueux, que quelque accuse ou rapport qui luy fust faict de ceste matière, il donna toujours le tort à son fils : et semblablement faisoit le roy de France à Philippe son fils. Et firent ces deux nobles roys la paix, par commandement exprès , entreleurs deux fils. Et pour la troisième fois le roy d'Angleterre nomma Philippe de France Philippe le Iardi : et luy dure encoresle nom, qui jamais ne mourra. Or, monseigneur et tous autres princes, vous pouvez veoir par cest acte deux poincts qui sont à noter : le premier , que celluy qui joue à quelque jeu que ce soit doit bien avoir regard que la voulonté et affection ne soit pas maistresse de la raison :car grands maux en sont souvent advenus , ct peuvent advenir. Exemple, par ces deux nobles fils de roys, qui pour si peu de chose que pour la prise d’une pièce de bois ou d’yvoire , figurée en forme de chevalier, vindrent à telle fureur que de s’occire l’un l'autre , et mettre #1 avanturer leur vie , pour
INTRODUCIION.
si peu , à tel hasard et esclandre : et dit bien le philosophe qui met que le passetemps fait à deffendre, dont il peut advenir plus de maux que de biens : et en ce passetemps ilentendoit tous les jeux du monde. Secondement , il faut bien croire qu’en ce tepms la vertu fleurissoit sur les princes et la noblesse d’Angleterre, et que raison et honneur y ayoyent cours et règne : et n’est pas merveille si, en ce temps qu'ils vivoyent vertueusement , ils firent de grands faicts et de grandes conquestes en France et ailleurs : mais depuis que vertu et union fut chacée et reboutée d'icelluy royaume, et que les partialités eurent lieu , dont les divisions sont élevées et venues en-ayant, quant aux conquestes qui se faisoient à l’élargissement et augmentation du bien du royaume, tout est tourné en fureur et débat sur euxmesmes, à la confusion et perte du peuple et de leur seigneurie. Et faut bien congnoistre que vertu avoit commun cours, quand le père, la noblesse et le peuple pouvyoyent refrener leurs courages, et n'estre partiaux pour leur propre roy apparent. Et doute et croy qu’aujourd’huy, là ou ailleurs, raison auroit peu de lieu devant la voulonté en tel cas; et toutesfois si fut telle vertu monstrée que le réciten est honnorable.
Or n'est-ce pas assez si j’ay devisé pourquoy Philippe de France , bisayeul de vostre mère, fut nommé Philippe le Hardi : mais est besoing que je vous déclaire qui il fut plus amplement. Et trouverez qu’il fut gentil-homme, fils , frère et oncle de roy de France, luy vivant : car le roy Jehan, son père, vescut assez longuement de son temps ; et le roy Charles le Quint, fils aisné du roy Jehan et frère dudict Philippe, fut roy longuement; et il veit régner assez long-temps Charles, sixième de ce nom, roy de France, fils de Charles le Quint, et neveu dudict Philippe, vostre tiers ayeul. Et ainsi Philippe le Hardi se trouva, de sa vie, fils frère et oncle de roy de France. Encores n’ay-je pas assez devisé qui fut ce noble duc, dont vous estes yssu : mais pour en vostre jeune age recorder et apprendre, le plus bref que je pourray, les lieux que vous devez honnorer, et dont vous ayez receu biens et hon-
neurs par vos prédécesseurs, tant en bienfaicts
comme en noble descente , je déclaireray en brief, de la noblesse et descente des roys de
France, ce que j’en ay pu apprendreet sçavoir.
Sine me veuil arrester à l’avènement, et comme ils conquirent e: augmentèrent France, ny à Francion, premier roy des François, el comment ils furent payens jusques au roy Clos vis : car d’iceux j’ay aucunement touché en ce présent volume. Et ne dura celle lignée que
jusques à Childéric le second. Après cette li-
gnée passée, Pepin, fils de Charles Martel, fut faict roy de France par son sens el bonne conduite, sans autre titre de droit ; et, après luy, Charles le Grand son fils, qui fut empereur de Romme et roy de France; et tant travailla et combatit pour soustenir la foy chreslienne, que ses beaux faicts en font le tesmoignage, et sont par tout le monde, par fondations, croniques et escritures, où tout notle cueur se doit délecter et lire, pour apprendre le chemin de valeur. Celle lignée des roys de France dura jusques à Louis, fils d’un roy Clo-
taire : et sur celluy roy Louis, Hue Capet, fils
de Hue le Grand, maistre du palais, prit le royaume de France, et fit roy de France Robert son fils. Celluy Robert fit à Dieu telle révérence, qu’en son habit royal chantoit avecques les prestres, et faisoit le service de Dieu, comme s'il fust prebendé comme prestre : et fut celluy qui, tenantun siége sur ses ennemys à grande puissance , l’abandonna de sa personne, pour aler chanter et faire le service divin avec les prestres : etluy faisant le sainct service de Dieu, les murailles tombèrent, sans coup férir de canon ou bombarde, mais par la voulonté de Dieu :et fut la place prise par ce moyen, et mise à la voulonté de ce très-dévot roy Robert.
Duquel acte vous doit bien souvenir, et servir ce bon Dieu, de qui tous bienfaicts sont acceptés et recongnus. Et faut ramentevoir, à ce propos, le bon Moïse, qui, conduisant les enfans d'Israël, peuple de Dieu, tant eut de dangers et de peines à gouverner leurs divers meurs, et en plusieurs lieux se trouva en bataille, que quand il combatoit il perdoit, et quand il prioyt et faisoit ses oraisons il avoit la victoire : combien que je ne die pas qu’il fale tenter Dieu, et demourer les bras croisés, et laisser honneur et avoir à l’aventure sans deffense : mais il s'entend que l’on doit, par humble et dévot courage, marchander à Dien la victoire, et y mettre cueur et fiance, pour
avoir de luy confort et ayde; car plus tost obtiendroit celluy qui à tort se combat grace de victoire, par humbles requestes de prières, que celluy qui avecques le droit travail ne feroit : el grandement méprendroit celuy qui tant se fieroit en sa bonne querelle, qu’il oubliast la puissance de Dicu et la permission divine : dont la sentence est à nous incongnue, jusques à l’effect. Si soyons humbles devant Dieu, et luy requérons aide et confort à nosire droit, et pardon et miséricorde de nos tors ct méfaicts : et soyons dévols comme le roy Robert, fils de Hue Capet, qui fit plus, par son humble dévolion en sa victoire, que toutes ies puissances, cohortes, bombardes et artillerics de son armée. Et dure encores ceste lignée de Huc Capet par lignée, etnon pas la droite lignée desroysde France, comme je diray par cy-après.
Tant dura la lignée de Hue Capet, qu’elle vint à ce bon sainct Louys, roy de France, lequel travailla moult pour la conqueste de la Terre Saincte, et fut prisonnier des Sarrasins : ct depuis sa délivrance fit armée nouvelle, et retourna, et mourut sur les Sarrasins, et fut moult estimé, et de saincte vie, comme il appert par les tesmoignages de l'Eglise, qai la canonisé et tenu pour sainct. Celluy sainct Louis se maria à Marguerite, fille du comte de Provence, et de celle dame eut plusieurs enfans, dont l’aisné, qui succéda à la couronne, fut Philippe. Celluy Philippe eut en mariage Ysabel, fille du duc de Bourgongne : et de ce mariage il eut {rois fils, dont les deux, par succession, furent roys de France; ct le tiers fut Charles, comte de Valois et d'Alençon.
Celle lignée de sainct Louis faillit, en la hgnée directe des roys, à Philippe le Bel : et moururent tous les hoirs males. De celle lignée demourèrent plusieurs femmes : dont l’aisnée, nommée Marguerite (qui fut fille de Philippe, fils de sainct Louis), fut royne d’Angleterre. Mais les -pers de France, en aprouvant une loy par eux faicte, que fille ne doit point succéder à si noble royaume, ne voulurent consentir que ladicte royne d'Angleterre, ou son fils, succédassent à la couronne : ainsi firent roy de France Philippe de Valois, fils de Charles, comte de Valois, fils de Philippe, fils sainct Louis, et demy-frère de ladicte royne d'Angleterre : et de ce débat meuvent et vien-
MEMOIRES D'OLIVIER DE LA MARCHE
nent les querelles qui sont de présent entre les deux royaumes de France ct d'Angleterre, et dont la guerre n’est pas encore finie.
Ainsi fut celle lignée directe des roys de France faillie, et venue à la ligne colatérale : car Philippe de Valois, éleu et élevé roy de France, fut fils de Charles, comte de Valois, tiers fils du roy Philippe, fils de sainct Louis, qui fut longuement hors d'espérance de revenir à la couronne : et depuis se sont les roys yssus de celle lignée nommés de Valois, dont vous estes yssu. Et combien que les princes ct princesses yssus du royaume de France, directement ou colatéralement, se puissent nommer de France en surnom, toutesfois, pour les grand:s et anciennes signeuries, tirécs et apanagces du royaume aux enfans en partage, chacun signeur et chacun prince a pris le nom de la signeurie à luy donnée, comme, quant aux ducs d'Orléans, de Berry, d’Angeou, de
Bourgongne et de Bourbon, leurs successeurs
ont pris le nom de leurs signeuries en parlage, combien qu’ils se puissent nommer de France, et que leur droit surnom soit de France, comme dict est.
Philippe de Valois, roy de France, eut deux femmes. L'une fut de Navarre (dont je me tay) et l’autre fut fille du duc de Bourgongne, nommée Jchanne. De ces deux vint le roÿ Jehan, qui mourut en Angleterre; et de luy j’ay naguères parlé, tant de sa prise à Poictiers, comme de sa prison. Ce roy Jehan se maria à Bonne, fille du roy de Behaingne : et de ces deux veindrent les quatre fils dont j’ay parlé
* cy-devant : à sçavoir, Charles le Quint (qui fut
roy de Franco), et les ducs d'Anjou et de Berry, et Philippe vostre licrs ayeul, lequel fut longuement appelé Philippe sans Terre, et puis fut duc de Touraine, nommé Philippe le Hardy : et de tout ce j’ay assez parlé et ramenteu. Or, pour parachever ce propos qui vous touche, je diray comment Philippe le Hardy, vostre ticrs ayeul, fut duc de Bourgongne par don et partage, comme fils du roy de France : laquelle matière j’abrègeray pour ceste fois, pource que j'entens y revenir en autre lieu, pour l’aprobation de vostre droit.
La lignée de Heude et de Robert, ducs de Bourgongne, faillit par deux ducs, Llous deux nommés Philippe, père et fils, l’un après l’au-
INTRODUCTION
tre : et le derrain (qui fut Philippe le Jeunc) avoit en mariage Marguerite de Flandres, fille du comte Louis, que l’on nommoit Louis de Male. Et vint, par vraye succession, la duché de Bourgongne au roy Jehan de France, descendu de la fille de Bourgongne, dont j’ay cydessus parlé. Et de celle succession firent les l'rançois grand feste : car combien que ladicte duché fut par-avant perrie, et se nommast le duc de Bourgongne premier per de France, comme encores fait, néantmoins les François en firent apanage, pour tousjours plus lier ladicte duché à la couronne de France. Quand celle Marguerite de Flandres fut vefve, ct douagèrede Bourgongne par le trépas du jeune Philippe duc de Bourgongne, comme dict est, pource que c’estoit une grande hérilière dès lors et au temps advenir (combien que le comte Louis de Flandres son père fust vif}, grande poursuite se fit par plusicurs princes pour avoir ladicte vefve en mariage ; et mesmement par le roy d’Angleterre, qui la vouloit avoir pour son frère, en intention d’avoir par là Flandres, dont elle estoit seule héritière : et d’autre part le roy de France Charles le Quint (qui fut moult sage roy, et de grand’prudence) la demandoit pour son frère Philippe. Et doutoyent les François que celle grande héritière par mariage ne fist aliance au dommage du roy de France, et mesmes en Angleterre : et regardans les dangers à venir, fut pratiqué le mariage de Philippe le Hardy, lors frère du roy, et de ladite vefve, fille de Flandres. Le comte Louis estoit, naturellement et en courage, François : et désiroit l’aliance de France : mais les Etats et les membres de Flandres, el nommément les Gandois, vouloyent et demandoyent l’aliance des Anglois.
Toutesfois journée fut prise et tenue pour le mariage du fils de France : et, pour y parvenir, fut offert au comte Louis de Flandres, par traité solennel avec les pers de France, que l’on donneroit à Philippe le Hardy la duché de Bourgongne (que le roy avoit nouvellement, et par succession), sous tiltre et condition d’apanage, ce que le comte Louis refusa. Si ledict Philippe ne l’avoit pour la tenir pour luy, ses hoirs et postérités quelconques, et en telle manière el condition que la tenoit le duc Heude et Robert, renonceant le roy audict apanage.
Et ainsi fut faict et solennellement passé : et en appert par chartes, et tiltres autentiques. Mais je ne veuil guères arrester en cest endroit et sur ce pas, pource que, Dieu aidant, j’en parleray plus-à-plain ailleurs, et de l’appreuvemcnt de vostre droit en ceste partie. Ainsi donques fut vostre tiers ayeul, duc de Bourgongne, marié à madame Marguerite de Flandres, laquelle eut espousé deux Philippes, ducs de Bourgongne, comme vous avez ouy: et de là en-avant les hoirs yssus de ces deux portèrent le surnom de Bourgongne (combien qu’ils se pouvoyent nommer de France, sans nul contredict), et a duré en ceste maison jusques à vous et à madame Marguerite vostre seur :
car vous deux prencz le surnom d’Austriche, à cause de monsieur Maximilian d’Austriche vostre père, à-présent roy des Rommains, (comme premier a esté dict) ; et n’y a plus de ce nom de Bourgongne nuls en ligne directe :
mais en ligne colatérale y sont encores monsieur Jehan de Bourgongne, comte de Nevers et de Retel, et la comtesse d’Angoulesme sa fille, et non plus : qui sont yssus des ducs de Bourgongne dessusdicts.
Si prit le duc Philippe le Hardi les armes de Bourgongne (qui sont de six pièces d’or et d’asur en bendes, bordées de gueulles), et les écarlela en France en chef, semé de fleurs de lis; car j’ay sçeu par messire Jean de Sainct- Remy, chevalier (du temps qu'il fut roy-d’armes de la Toison d’or, et l’un des renommés en l'office d'armes de son temps), que tous les fils de France doyvent porter semé de fleurs de lis ; et n’apartient à nul de porter les trois fleurs de lis seulement, si non à celluy qui est roy de France, ou l'héritier apparent, portant les lambeaux, si la diférence n’est si grande en l’escu qu'elle soit à tous manifeste et congnoissable. Au regard de madame Marguerite sa femme, vostre tritayeule, elle porta les armes de Flandres, qui sont d’or à un lyon de sables, mouflé de gris. Or, en continuant ce que j’ay dit,et selon que je l'ay trouvé et apris, comment et pourquoy les armes de plusicurs scigneuries ont esté el sont muées, je m'arresteray un peu à vous deviser aucunes choses avenues à vos ancestres comtes de Flandres; et comment et pourquay ils prirent le lyon en leurs armes, le portant
Pé
depuis longuement sans autre escu et blason.
Il est manifestement parlé, par croniques et escritures, des grandes chevaleries faictes par plusieurs comtes de Flandres ; et comment les uns, par leurs prouesses et chevaleries, se sont faits empereurs de Constantinople, et comment l’un déconfit et tua deux grands géans de Gaiete; et ont par plusieurs fois fait, sur les Sarrasins et en la Terre Sainte, moult grandes choses , et dignes de mémoire; et si le peuple flamand eust. esté et fust maniable par leur prince, comme autre païs, peu de princes cussent peu faire plus grandes conquestes et vasselages que les comtes de Flandres : et des conditions d’iceulx je me Lay, pour revenir à ma matière commencée. Je trouve que depuis Liedric Forestier (qui premier scigneurit et possessa Flandres), jusques à Phihppe fils de Tierry d’Allesase, comte de Flandres, tous les princes et comtes de Flandres portérent leurs armes gironnécs d’or et d’asur; et dura très-longuement, par la manière que je diray; et pour mieux déclairer ceste matière, et qu’elle soit approuvée et entendue; il est besoing que je déclaire aucune chose des faits du comte Tierry d’Allesase père de Philippe.
Le comte Tierry de Flandres, nommé d’Allesase, sceut que le roy de France (à qui il estoit parent) se préparoit pour aller en Jérusalem lever le siège que les Sarrasins y avoyent mis devant la cité ; et dedans y avoient assiégé le roy Fouques, roy de Jérusalem, moult vaillant preu-homme, chrestien, et bien renommé de son temps. Sise prépara ledit Tierry pour aller avecques le roy de France : et, pour avoir l’amour du roy, il reprit sa comté de Flandres de luy : et, pour abréger mon récit, le siége que tenoyent les Sarrasins devant Jérusalem fut levé et le roy Fouques et et ceux de la cité mis en liberté : où le comte de Flandres fit tant d'armes et si bien s’y porla, qu'il enquit grand los et grand pris; et accompaigna le roy Fouques jusques en Egipte, à la poursuite de ses ennemys : et tantl’aima ledict Fouques, qu’il lui donna sa fille en mariage, nommée Sebille, dame moult dévote et vertueuse. Le roy de France repassa la mer :
et le comte de Flandres amena sa femme en son païs, et eut plusieurs enfans d’elle, dont celluy
qui succéda à la comté de Flandres fut nom-
MEMOIRES D'OLIVIER DE LA MARCHE
mé Philippe : et après que Tierry et Sebille eurent lignée, et qu'Hs eurent régné ensemble trente ans, et gouverné et tenu le païs en paix et en prospérité , Sebille, advertie de la mort du roy de Jérusalem son père, prit dévotion de visiter la Terre Saincte, dontelle estoit venue, et de veoir comment ses frères se main tenoyent et gouvernoyent le royaume de Jérusalem el la terre de Surie : dont se contenta son mari, et l'accompaigna honnorablement, et la pourveut de richesses et de ce qui luy besongna, espérant que son voyage faict, elle deust retourner : mais non fit; car après la visitation des saincts lieux, de ses frères et du païs, elle entra en si grand dévotion, qu’elle se rendit sœur, servant les pauvres de l’hospital de Sainct-Jehan de Jérusalem (qui est moult sainct et dévot lieu, et à cest hospital mourut sainct Ladre); et, par ceux qui l’avoyent amenée, elle rescrivit au comte de Flandres, son mari, moult dévotes lettres : et, pour guerdon des biens et honneurs qu'elle avoit receus en Flandres, elle envoya le sainct sang de miracle, qui encores gist en la ville de Bruges, en la chappelle au bourg que l’on dit la Chappelle du sainct Sang. Et me soit pardonné si je suis allé hors de ma matière : car il faloit que je devisasse des choses dessusdictes, pour mieux éclaircir et donner à entendre ce que je veuil dire, et mettre avant à la déduction de ma matière.
En ce temps, les Sarrasins (et parle l’histoire des mécréans Salhadins) se mirent sus à si grande puissance, qu’ils conquirent Jérusalem et toute la Terre Saincte, et tuërent les frères de Sebille, comtesse de Flandres, et toute la noblesse, et généralement tous ceux qui ne vouloyent croire en la loy de Mahommet , au grand vitupère et dommage de la saincte foy chrestienne : et en ce temps Philippe d’Allesase devint homme, et fut receu comte de Flandres par la mort de Tierry son père. Celluy Philippe fut mouit bel et chevaleureux prince, fort aimé et obéi par toute Flandres : et se voyant riche et puissant d’avoir et d’amys, et que son païs estoit paisible et en seureté, se délibéra d’aller veoir la Terre Saincte, en espoir de trouver sa mère, et la ramener en son païs, pour paruser sa vie en seureté : et de ce faire fit vœu solennel; et de non jamais
INTRODUCTION
manger chair, qu’il n’eust son voyage accompli: et eut assistance de plusieurs princes et signeurs : et mesmement du roy de France, qui lui avoit donné en mariage sa nièce, fille du comte de Vermandois, Mais elle mourut; et lors à son enterrement, en l’abbaïe de Clervaux, fit le vœu dessusdict, et entreprit le voyage, et assembla de soy bien dix mille combatans : et ainsi se mit en la voye pour son vœu accomplir et parfaire. Et entra le comte de Flandres en mer, à moull grand navire, el se rafreschit en Espaigne; où plusieurs nobles hommes, sachans l’entreprise de son voyage, le suyvirent et accompaignérent. Et tant vaucra la mer, qu’il approcha l'isle de Cypre (qui lors estoit royaume et terre payenne), et par contrainte se délibéra de la combatre. Mais le roy de Cypre envoya au-devant de luy,et le receut bénignement en son païs, et luy donna à entendre la crainte où il estoit, et comment malgré luy il dissimuloit avecques les payens; et le fit sage de la puissance des mécréans Salhadins (qui estoit moult grande); et prit en conseil, par le moyen du roy de Cypre, qu'il envoya en Jérusalem demander un sauf-conduit pour six mille hommes aller en pélerinage au Sainct-Sépulchre, et sans armeures. Et ainsi par sauf-conduit alla le comte de Flandres en Jérusalem, et laissa le surplus de ses gens à Acre; et trouva le roy d’Acre Enguerran, moult bon, et qui luy fut amy : car il esloit son parent du costé de sa mère, fille du roy Fouques de Jérusalem.
Le sauf-conduit fut accordé par le roy Haultas, lors roy de Jérusalem (comme dit la cronique), parmy payantles tributs accoustumés : ct ainsi alla Philippe, comte de Flandres, à six milles hommes, faire son pélerinage au Sainct-Sépulcre, et fut receu des patriarches et autres dévotes gens moult bénignement ; et là luy monstrèrent la saincte vie de Sebille, sa mère : el après les devoirs faits dévotement par luy et par sa compaignie, il se partit le quatrième jour, et se Lira au mont de Sinaï.
Ledict roy Agolas, adverti que le comte de Flandres estoit fils de Scbille, fille du roy de Jérusalem, dont il avoit naguères occis et destruit toute la lignée, se douta; et manda ses
parens et son conseil, et leur remonstra la ve-
nue du fils de Sebille, qui encores estoit de le lignée du roy Fouques : et se doutoit qu'il ne fust venu pour venger la mort de ses parens, et pour recouvrer le royaume de Surie. Si fut conclu que Nobiliter , bastard du roy d’Albeline, à six milles hommes bien armés, iroit les attendre au fleuve de Jourdain, pour mettre les chrestiens tous à mort : dont fut advert* le comte de Flandres par les chresliens gardans le Sainct-Sépulchre ; et luy fut conseillé de prendre autre chemin : mais il parfit son emprise, et se baigna au fleuve Jourdain, et fil plusieurs chevaliers.
Nobiliter, le bastard, vint sur les chrestiens fièrement : mais le comte de Flandres, par bon advis et conseil,, et par la volonté divine (combien qu’il n’avoit nulles armes pour luy ne ses gens) se mit en bataille et en bonne ordre de deffence, et se monstra de sa personne comme ilappartenoit : et par le racouragement et bon exemple que ses gens virent en luy, ils déconfirent les Sarrasins : et ymoururent trois mille payens, et moult de personnes; et mesmes y mourut Nobiliter le bastard, chef d'icelle emprise, par la main du bon chevalier Philippe, comte de Flandres : et retint, pour son butin de la journée, l’espée et l’escu dudit bastard : et retournèrent les chrestiens en Césarée, pour euxraffreschir trois ou quatrejours, et pour médeciner et guérir les navyrés dont il y avoit grand plenté.
Le roy de Jérusalem, et son frère Nobilion, roy d’Albeline, sceurent les nouvelles de la déconfiture et de la mort de Nobiliter : si coururent aux armes ,et se partit de Jérusalem le roy d’Albelipe, à douze milles hommes, pour venger la mort de son fils bastard, et des Sarrasins sugets de son frère et de luy : et sceut, par son espie, le convine des chrestiens : et se vint embuscher entre Acre et la cité de Césarée (pource qu’il sçayoit que là attendoit-on les chrestiens à leur retour), Et ne demoura guères, que le comte de Flandres et les chrestiens vindrent celle part : et se tenoyent serrès, et sur leur garde sagement, et en gens de guerre: et le roy d’Albeline leur courut sus, en criant : Jérusalem ! Mahon en ayde! et d’autre part les chrestiens se mirent tous à genoux et firent le signe dela croix, et crièrent : Dieu, Jésus-Christ en ayde, et le Saint-Sépulchre! La
bataille fat durement combattue : car les Sarrasins estoyent grand nombre , et combatoyent pour vengeance de leurs parens occis, et les chrestiens estoyent délibérés, et pleins de foy et de courage. Et durant la bataille se trouvèrent le roy Nobilion et le comte de Flandres: et se combattirent tellement , que le comte de Flandres l’occit de sa main, et abalit et gaigna sa banière ( qui estoit d’or, à un lyon de sable). Et le roy des Sarrasins mort et sa banière abatue, les Sarrasins furent déconfits et tués : et dura la chasse moult longuement, et puis s’en retournèérent les chrestiens à Acre, où ils furent recueillis à grande joye , et sur tous le bon Philippe, comte de Flandres, qui portoit la banière du roy sarrasin , qu’il avoit conquise, et où estoit le lyon de sable comme j'y dit. El de là en avant le comte de Flandres laissa les armes gironnées (qui furent les anciennes de Flandres ) , et prit l’escu d’or et le lyon de sable rampant, mouflé de gris : et encores durent icelles armes. Cestuy, à son retour, passa par le royaume de Portugal, et trouva le roy Alfonse mort : et, pour la bonne renommée de luy, la royne Mahaut de Portugal le prit à mariage, et fut comtesse de Flandres, et receue en Flandres à grand honneur : et fut cestuy Philippe le dix-huictième comte de Flandres.
Ainsi vous ay-je devisé comment et par quelle raison les armes de Flandres furent muées, et comment Philippe le Hardy espousa madame Marguerite de Flandres, par lequel mariage moult de signeuries écheurent à la maison de Bourgongne. Et pour le présent je me passe de déclairer les enfans venus des dessusdicts, pour continuer la matière de la fondation de ce présent volume, pource que je reviendray tout à temps, en la déduction de mes Mémoires, à déclairer par quel droit de succession vous venez à ces hautes signeuries , comme j'ai promis au commencement, en l’épistre de mon prologue.
De Philippe le Hardy et de madame Marguerite de Flandres vint le duc Jehan de Bourgongne, qui fut, du vivant de son père, comte de Nevers. Cestuy duc Jehan fut moult courageux el de grand cœur , et ful homme subtil, douteux et soupsonneux , et ne se fivit pas en chucun; el à cesle cause estoil toujours armé sous
MEMOIRES D'OLIVIER DE LA MARCHE
sa robe, et avoit toujours son espée ceinte; et se faisoit douter et craindre sur tous autres. Et en ses jeunes jours fut chef de l’armée de France, qui fut envoyée contre les Sarrasine en Hongrie, pource que les Turcs envahissoient le roy de Hongrie et son royaume à moult grande puissance. Et combien que la bataille fust perdue pour les chresliens, iceluy comic de Nevers, vostre bisayeul, fut pris faisant son devoir, et à son grand honneur : et de celle journée je n’en veuille guères parler, pour ce qu’assez en pourrez apprendre et sçavoir par autres escrits et croniques. Mais je le récite présentement tendant à deux fins : l’une, pour ramentevoir les faicts et adventures dudict Jehan, vostre bisayeul maternel: et l’autre, afin que vous ayez toujours, en tous faits el affaires, plus grand cremeur de Dieu, sans vous fier en pouvoir ne en bon droit, ains en Dieu seulement : car Dieu, en aucun pas, se dit et nomme Dieu des batailles, c’est à dire de la victoire, qu’il départ à son plaisir; et pour ce à tout besoin se doit ce bon Dieu invoquer et requérir pour souveraine ayde : car telle fois, pour cerlaines causes venues de sa juste sapience à nous incongnue, il a permis les ennemis de sa saincte foy prospérer et vaincre, et chastier les iniquités desordonnées de ceux de sa religion chrestienne.
Revenons donc à nostre matière. Ce duc Jehan de Bourgongne fut nommé Jehan-sans- Peur, et osa, en ses jeunes jours, emprendre et exécuter à son pouvoir ce que tous les princes chrestiens abayent et menacent, et écoutent l’un après l’autre qui le fera : et fait plus à louer et glorifier le vaincu , en si haute et saincle emprise exécutant, que ne font tous les princes du jourd’'huy, fussent-ils vainqueurs de leurs querelles, telles quelles, mouvant plus souvent de voulonté que de raison : et si je dy plus que je ne doy et qu'il n’apparlient, vérité en face mon excuse. Ce duc de Bourgongne, à son retour de la prison du grand Turq, nommé l’Amorabaquin, n’eul pas le cueur failli ne perdu : mais pour secuurir son beau-frère Albert, duc de Bavière, éleu et ayant le droit de l’evesché du Liége, à l'encontre d’un de ceux de Hornes, fils du signeur dc Pervez, prélendant ledit évesché, ce duc Jehan assembla ses parens, sugets, amis et bienvueil-
INTRODUCTION
lans et en bataille assignée déconfit les Liégcois , en occit plus de trente milles, abaitit murs et portes par le païs, et le mit en la totale sugettion de son beau-frère : et en celle bataille le duc Jehan de Bourgongne reprit la croix sainct Andrieu pour enseigne : laquelle les Bourgongnons avoyent laissée, depuis que par succession la signeurie vint au roy de France, comme j’ay dit : et portèrent la croix droite tant que Philippe le Ilardy vescut, qui fut moult bon François. Mais à cette journée il estoit trespassé : et reprit son fils la croix sainct Andrieu pour enseigne, laquelle dure pour l'enseigne de ceste maison.
Ce duc Jehan de Bourgongne mena six mille chevaux en France ; et fit son assemblée à l’Arbre-Sec, assez près de Paris, et ce pour avoir gouvernement ; ce que les autres princes de France ne voulovent consentir. Mais il se monstra si-puissant, qu'il eut le gouvernement , ou partie , du roy et du royaume, qui que le vousist veoir ; ce qui fut au temps que le roy Charles, le sixième de ce nom, estoit en maladie, comme plus-à-plain pourrez estre averti par les croniques de France , et autrement. Ce duc Jehan fut celuy qui, par contrevenge d’emprise, fil luer à Paris le duc Louis d'Orléans , tierce personne de France, et Favoua en plain conseil, en sa personne, et là où estoyent les principaux seigneurs, et les plus grands princes de France. Et combien que le hardement fut grand, si sont tels outrages à reprendre et à blasmer devant tous jeunes princes ; car de celle mort moult de maux sont venus au réaumce de France et ès païs de vos ancesseurs et de vous; et ay cel accident ramenlu pour dire vérité, et déclairer les adventures de ce noble duc Jehan, et principalement afin que vous preniez exemple de fuir telles œuvres , et de non croire, Sans seure apparence , mauvais rapporls; car le duc Jehan creut trop légèrement celuy qui luyÿ rapporta que le duc d'Orléans avoit marchandé pour le faire tuer ; et sur ce rapport fil exécuter le contraire, sur la personne de son prochain parent. Et doit tout homme de sain entendement avoir grand regard et advis que légèreté de croire et de seule volonté ne luy face faire chose dont à grand loisir il se repente; car luy et les siens en ont souvent déplaisir et dommage.
Ce duc Jehan vostre bisayeul augmenta, par acquest de ses deniers, la maison de Bourgongne, de la comté de Charolois, laquelle il achepta et la paya au come d’Armignac, qui la possédoit par héritage; lequel la vendit, pour payer sa rençon en Angleterre ( ce que je n’oublieray point de plus amplement ramentevoir en mes mémoires); et depuis les fils aisnés de la maison de Bourgongne se sont nommés comtes de Charolois, et mesmes vous, avant la mort de très-vertucuse et de noble mémoire madame Marie, héritière et dame de ceste maison et signeurie, vostre mère, el dont vous estes hérilicr. Et pour vous réciter en brief, et vous donner à entendre et à congnoistre quel prince fut le duc Jehan, ce fut celuy qui en la présence de monsieur le dauphin ( qui depuis a esté roy de France septième de ce nom ) fut tué et meurdri à Montereau où faut Yonne , par les principaux chambellans el gouverneurs dudict dauphin, qui, à la vérilé, estoit de jeune age ; et toutcsfois se vint mettre ès mains dudict daupiun , pour le bien de paix , sur grande seurelé et promesses mal-tenues, comme il appert. Et de ce fut demandé toute sa yie messire Tanneguy Du Chastei, messire Guillaume Batilier, et autres que l’on disoit avoir esté serviteurs du duc d'Orléans, et qui en firent la contrevenge deshonnestement, et dont tant de guerres et de naux sont depuis venus au royaume de France et ailleurs, et tant de terres, de maisons et de viles et chasteaux en ont esté arses, et destruites, et arruinées, que de celles qui sont demourées vagues en friche et sans labeur, elles assemblées , on en feroit un bon et fertile réaume , el de grande valeur et revenu.
Mais, monsigneur, telle mésadyenue a esté pacifiée par la paix d'Arras, faicte solennellement, comme je déclaireray plus-à-plain , tant en ce présent escript comme en la première partie de mes Mémoires, et selon que mieux me viendra à propos, pour le vous mieux donner à entendre. Le duc Jehan de Bourgongne porta les armes de son père écartelées de France et de Bourgongne , et mit sur le tout l'escu d’or au lyon de sable, qui sont les armes de Flandres telles que je les ay paravant blasonnées. Si se maria celuy duc à madame Marguerite de Bavière, fille du duc Aubert de
Bavière, comte de Hainaut , de Holande , de Zélande, et seigneur de Frise, et d’une fille du duc de Brighe ; et fut celuy duc Aubert, fils de Louis, duc de Bavière, par la clémence divine empereur de Romme l'an 1314, et de Marguerite , fille du comte Guillaume de Hainaut, celuy qui mourust sus les Frisons. Et par celle Marguerite vindrent les sejxneuries dessusdictes audict duc de Bavière par succession, et depuis à vos ancesseurs et à vous, comme je déclaireray en mes Mémoires.
Or de ce duc Jehan et de madame Marguerite de Hainaut, vos bisayeulx , vint le duc Philippe de Bourgongne, vostre ave, et autre lignée de fils et de fille, dont je me passeray pour le présent, el y reviendray en temps et en lieu : car il ne sert point au propos en ce présent escril. Si portoit madame Marguerile de Bavière les armes de son père, qui furent écartelecs de Bavière et de Hainaut, et se Llasonnent pour les armes de Bavière, fuselées de ving! ct quatre pièces d'argent et d’asur ; et pour le quartier de Hainaut et de Holande, d’or à quatre lyons, deux de sable pour Haiïnaut, et deux de gueulles pour Holande. Le duc Philippe de Bourgongne (qui fut vustre ave ) fut celuy que l’on nomma le bon duc Philppe, et eut deux noms acquis et donnés. Le premier fut Philippe l’Asseuré ; et, en longue continuance d’expériment de ses mœurs el vertus , il fut nommé le bon duc Philippe, en nom et tiltre; et luy est ce tiltre demouré. Et certes il merita qu’on le nommasl bon, car tel esloit. Ce fut celuy qui, pour venger l’outrage faict sur la personne du duc Jehan son père, el sa mort, soustint la guerre seize ans contre le roy Charles de France, le septième de ce nom, qui lors estoit dauphin quand le duc de Bourgongne fut tué en sa présence ; et s’alia iceluy Philippe au roy d'Angleterre, que l’on dit Henry le Conquérant ; et par assemblée firent moult de maux au royaume de France.
Ce duc Philippe en ses jeunes jours combatit les François devant Sainct-Riquier, et là fat chevalier : dont pour mieux éprouver sa personne, et gaigner sa chevalerie et ses esperons dorés, il se para en simple habit, et comme un commun homme-d’armes. Et combien que la bataille fust en péril d’estre rompue par les François et contre luy, toutesfois il soustint
MEMOIRES D'OLIVIER DE LA MARCHE
le faix, avec un pclit d'hommes-d’armes, qui luy tindrent bon pié : tellement que messire Jehan de Luxembourg, comte de Ligni, vint 4 l'aide du duc Phihppe, et fut la bataille regaïgnée pour luy. Et fit le duc tant d'armes de sa personne, qui fut tenu pour très-bon chevalier. H print trois prisonniers, hommes-d’armes de sa main: dont l’un fut le très-renommé escuyer Poton de Saintrailles, grand -escuyer de France, et l'un des vaillans capitaines de son temps. Sous l'enseigne de ce duc, et par ses capitaines et sugets, fut déconfite la bataille de Crevan , à la grande perte des François et Escoçois. Sous luy fut gaignée la bataille de Bar par son marcschal de Bourgongne, messire Antoine de Toulongeon : et y fut pris René d’Anjou, duc de Bar et de Lorraine, et occis le signeur de Barbasan, que l’on nomma le chevalier sans reproche : et receut à celle journte le duc René moult grand’ perte de noblesse de France, d’Alemaigne, et de ses païs. Et depuis, estant en la prison du duc Philippe, luy écheurent, par succession de la mort de la royne Jcannelle, sa prochaine parente, les royaumes de Cécile, de Naples et de Jérusalem. Et en celle mcsme prison du duc de Bourgongne fut la paix faicte entre ces deux princes, qui depuis furent grans amis ensemble. Et n’ay point sceu que nulle question ne débat ait esté de puis entre eux deux de leur temps. Et par celle paix, et pour partie de la rançon de ce roy de Cécile, le duc de Bourgongne eut de luy les signeuries de Cassel et de la Motc-au-Bois, conliguës et enclayées en ses païs de Flandres et d'Artois, et qui autrefois furent données en mariage à un duc de Bar, avecques une fille de Flandres : et par ce moyen recouvra lesdictes signeuries à son profit. À ce bon duc Philippe écheut la duché de Brabant, de Lotrich et de Lembourg, par la mort du duc Philippe son neveu : et de celle succession je parleray en mes Mémoires, en monstrant vostre droit, la généalogie et la cause de ladicte succession venue à vos ancesseurs et à vous. Pareillement vint audict duc Philippe, par vraye succession, les comtés de Hainaut, de Holande et de Zélande, et la signeurie de Frise : et tout vostre droit je déclaireray.
Mais celte succession de Hainaut, de Holande, de Zélande et de Frise (combien que ce
INTRODUCTION
fust le droit héritage de vostre ayeul le duc Philippe), si ne l’eut il pas sans conqueste ; car madame Jaque de Bavière (qui succéda à toutes les comiés et signeuries dessusdictes) fut femme de sa voulonté, joyeuse, et de grande entreprise, et toutesfois sage et subtile, pour sa voulonté conduire selon son désir. Et combien que ce bon duc Philippe fust son plus prochain parent (fust par mauvais conseil, par voulonté ou autrement) tousjours quérant et pourchaceant aliances dommageuses, contre le désir du duc, et tendant de mettre celle signeurie en autre main, se tira en Angleterre, quérant de soy alier par mariage au duc de Glocestre, frère du roy Henry le Conquérant, qui tant fit de grandes choses en France. Si vint ledict duc de Glocestre jusques en Hainaut, et amena les Anglois au païs : mais le duc Philippe luy fit la guerre, et tant le pressa qu’il l’assiégea en une vile de Hainaut que l’on appslle Soingnies ; et l’eut pris sans remède. Mais le duc de Glocestre, subtilement conseillé, et sachant le duc de Bourgongne jeune prince et de haut cœur, luy fit offrir de le combatre corps à corps, pour celte querelle; ce que le duc de Bourgongne accepta. Et luy fit voye pour aler en Angleterre faire ses apprests : et prirent et acceptèrent jour pour combatre devant l’empereur Sigismond, lors vivant. Mais le duc de Glocestre ne revint point, ny ne tint ne jour ne promesse en cette partie, et fil une armée conduire par le signeur de Fitvaltre, et l’envoya en Holande. Pour à quoy résister le duc y ala en personne, et passa la mer, et trouva les Anglois en bataille au lieu de Brousbave. Et là le duc descendit sur la digue à force de trait et de poudre, et prit lerre courageusement, el combatit et déconfit les Anglois : et y mourut ledict signeur de Fitvaltre, et grand nombre d’Anglois de sa compaignie.
Et de là le duc mit le siége devant Sevembergue; et fit bastilles de bois sur bateaux (pource que la vile est close de mer), et la gaigna en peu de temps. Et mit Holande, Zélande et la basse Frise en sa sugettion, combien que les Houcs luy fussent contraires : mais les Cabillaux furent pour luy. Et ainsi mit le bon duc Philippe lesdictes signeuries en sa sugettion ; el apointa aveques madame Jaque, tellement qu’elle demoura dame des païs dessusdicts, et
luy main bourg. Et depuis se maria ladite comtesse à son plaisir, et espousa un gentil chevalier son suget, nommé messire Franq de Bourselle, bel chevalier et homme de vertu. Et en pacifiant tous différens entre le bon duc Philippe et ladite comtesse Jaque, ledict messire Franq fut faict comte d'Ostrevant, et signeur de la Brielle et de toute l’isle. Et, par sens et bonne assurance, le bon duc Philippe asseura son faict et ses signeuries : et après le décès de ladicte dame (qui mourut sans hoirs) ledict duc Philippe fut de bon droit et paisiblement.comte de Hainaut, de Holande, de Zélande, et signeur de Frise.
Mais de la haute Frise (que l’on nomme l’un des dix-sept royaumes chrestiens) le bon duc n’en jouit oncques, combien que ce soit l’héritage des comtes de Holande, et le vray héritage de vos ancesseurs et de vous. Et mourut le comte Guillaume de Holande, roy des Romains, à celle conqueste, et plusieurs autres princes.
Et souvent a esté ce royaume conquis; mais
le païs n’a nuls forts, el est païs d’eaues et de marescages et de fossés, et le peuple puissant. Et d’un sec esté est le royaume léger à conquerre :.mais quand l’hyver vient, les conquéreurs ne sçavyent où 8e tenir, ne retraire : parquoy légèrement leur conqueste est reperdue ; et de ce je parleray cy-après, en fournissant mon emprise point après autre.
Le bon duc Philippe se trouva par un jour en guerre contre le roy de France et contre l'empereur, cuidant avoir droit en mort fief des duchés de Brabant, de Lotrich et de Lembourg, et des comtés de Hainaut, de Holande et Zélande: et pour ce défia l’empereur Sigismond ledict duc. Et le roy d’Angleterre luy manda que (quelque aliance qu'il eust avecques luy) il ne pouvoit abandonner son frère le duc de Glocestre, luy signifiant qu’il renonçoit à ladicte aliance, et le défioit. Mais en ensuyvant le nom à luy donné de Philippe l’Asseuré, il n’en fit ne plus ne moins : ainsi par bon conseil pourveut si-bien à toules choses, qu'il demeura possesseur de ces successions, lesquelles par l’aide de Dieu encores vous lenez, et en estes signeur. Et ne devez pas oublier, en vos prières et oraisons, ceux de qui vous avez ces grands biens et ces signeuries, qu'ils vous ont acquises et maintenues par grand tra
vail et peine, de leurs entendemens et de leurs personnes.
Ce duc Philippe, vostre ayeul, chacea hors de la duché de Bourgongne les François par armes el parsiège, et prit de siége en une saison sur les François, Grancy, Perre-Pertuis, Avalon, Mucy-l'Evesque, Chaumont, ct plusieurs autres places. Et combien que ie duc Charles de Bourbon eust cspousé sa sœur, toulesfois 1l le guerroya, et tint le parti du roy de France, et firent ses gens moult de grans maux en Bourgongne. Mais le bon duc Philippe le recula de son païs, et envahit Beaujolois, et assiégea Belleville (où le duc de Bourbon avoit mis Loute Ja pluspart de sa noblesse); et tellement l'oppressa d'engins ct de bateries, que ladicte vile et ceux qui esloyent dedans estoyent en danger de perdition. Mais madame Anne de Bourgongne, sa sœur, duchesse de Bourbon, travailla tant devers son frère, que la vile fut rendue au duc de Bourgongne; et s’en alèrent
les gens de guerre un batton en leur poing : ei.
fit la bonne duchesse la paix entre les deux ducs, qui depuis furent grans amis ensemble : et fit depuis ce bon duc Philippe de grans biens à la maison de Bourbon, et aux enfans ses ncveux et nièces, comme je diray cy-après, à la poursuitte de mes Mémoires.
Le duc Philippe se maria trois fois : la première à madame Michelle de France, fille du roy Charles sixième, et sœur du roy Charles septième, contre lequel il eut la guerre, dont j'ay parlé. Pour la seconde fois, se maria à madame Bonne d'Artois, sœur du comte d’Eu, laquelle estoit vefve de son oncle Guillaume de Bourgongne, comte de Nevers ct de Retel, et baron de Doussy. Et de ces deux femmes n’eut puis enfans. Et pour la tierce fois se maria à madame Ysabeau de Portugal, et en eut lignée : mais, pour mieux poursuyvre ma matière, je m'en tairay pour le présent, et en parleray plus-amplement ailleurs. Et à ces dernières nopces le duc de Bourgongne éleva premier l'ordre de la Toison d'Or, que vous portez encores à vostre col : et depuis cette fondation l'ont porté et portent encor plusieurs roys, princes et chevaliers de chevaleureuse recommandation et renommée. Et que c’est et que signifie, et la cause de la fondation de celle ordre, je ne vous en doy pas adverlr, pour ce
MEMOIRES D'OLIVIER DE LA MARCHE
que l’advertissement de si-hautes choses vous doit venir par les nobles chevaliers vos confrères porlans la Toison, qui vous endoctrineront ès nobles et solennels chapitres sur ce faicts et ordonnés.
Ce bon duc Philippe soustint celle guerre contre le roy de France seize ans. Il estoit alié des Anglois, et aidé; et prosperoit luy et ses païs en guerre. Mais en continuant et approuvant ce dernier nom à luy donné de bon duc, il se laissa légérement consciller à faire paix (comme celuy qui de sa nature fut vray, bon ct enticr François). Et mit en son front, au profond de son cucur et devant ses yeux, le bien et l'honneur qui luy venoit d'estre yssu de la très-chrestienne et royale majesté de France; et mit arrière dos la vindication et le désir de vengeance, en oubliant et mettant à nonchaloir toutes offenses passtes, pour complaire et obtir à Dieu et à ses commandemens. Et par moyens trouvés par le pape et par plusicurs princes et sages, les uns parens el les autres sugets des deux costés, la paix fut faicte en la vile d’Arras, entre le roy Charles de France, septième de ce nom, et le duc Phi lippe de Bourgongne. Et ce sont iceux deux princes monstrés si vertueux, en gardant leurs sermeps, parolles et promesses, que pour rapports d'ennemys privés, flateurs de cour, gens corrompus ou autrement, pour quelque chose qui soit survenue, jamais cesle paix ne fut par eux rompue, ne souffert rompre ou diminuer; dont si grand bien advyint au réaume de France, que les Anglois ont esté déchacés par iceluy roy hors de Normandie et Guycnne, non-que-puis ne prospérèrent en France. Et les païs du duc Philippe (tant ceux qui furent tenus de France comme de l’Empire) regnèrent si longuement en prospérité et sans guerre, que ce furent les plus-riches et les plus-puissans païs du monde. Et de cesle paix je vous advertiray plus-à-plain, à la poursuite de mes Mémoires, et en mon premier volume.
Or, monseigneur, recucillez en vostre eslomach , et enrichissez vostre cucur de bonnes verlus prises et cueillies au verger de vos ancesseurs ; et si vices vous en sont racontés, mettez-les hors de vosire mémoire, et aornez vostre souvenance d'exemples de bienfaicts, et
INTRODUCTION
non pas de vices, qui sont à nobles cucurs horreur abominable. Ce prince fut moult vaillant, doux et débonnsire. Il croyoit conseil, et sçavoit choisir servileurs sages et loyaux. Il estoit dur à courroucer, el ne se rapaisoit pas légèrement; et quand il pardonnoit aucun méfaict, jamais il ne ramentevoit après; mais il le mettoit hors de sa souvenance. Prenez exemple d’ensuy vre ses bonnes mœurs, et jamais homme ne vous en dira note ne reproche; et je prie à Dieu que ceux qui ont l'administration de ce noble et tres chrestien reaume de France se conduisent si bien et si-raisonnablement envers vous et vos pais, que vous avez cause de demourer bon el ener Francois, honnorant ce que devez honnorer, et aymant ce que devez aymer; et que vous puissiez garder foy, hommage et féauté, selon les bonnes et anciennes couslumes ; et que chacun puisse avoir son droit et le sien, au contentement de Dieu, de justice et de vonne équité.
Ur, pour monstrer que ceste paix n'esloit pas fointe de sa part, et qu'il esloit François de nom et de nativité, avec ce que les Anglois qui ne furent compris en cesle paix d'Arras (ou st compris y furent, ce ne fut pas comme ils demandoyent) ne se peurent tenir d'aiguillonner ce bon duc Philippe par mer et par terre, il se declaira contre iceux Anglois, el mit le siège devant Calais; et y mena quarante milles testes armées de la commune de l'landres, sans les autres nobles et gens-de. “uerre, avecques merveilleux charroy d’artillerie, et autrement. Mais les Gandois, et aures communes des bonnes-viles du plat-païs de Flandres, ne peurent longuement endurer la peine de la guerre; ains murmurèrent contre les seigneurs et nobles de l’armée, disans qu'ils estoyent trahis, et que les gouverneurs du duc les avoyent là amenés pour les faire mourir ; et pourtant se levèrent par un malin, et se retirèrent chacun en sa maison, et abandonnèrent leur prince, la seigneurie, et l’artillerie. Mais le bon duc se ralia avecques ses gensdr-bien, et se retira par bon arroy, et honnorablement. Et n’est pas la première fois que quand peuples sont les plus forts en une grande besongne, la conclusion en est souvent
e petit effect. Et ainsi le vaillant prince faillit
| ä ceste haute emprise. Et ne trouve point que ceste forteresse de Calais, depuis qu’elle fut en la main des Anglois, ayl eslé prise, depuis que le bon chevalier messire Gcoffoy de Charny cuida celle vile prendre et avoir, par le moyen d'Emeri de Pavie, Lombard, qui le trahit, comme Froissart le raconte en sa cronique; et doit tout noble cucur louer et priser ce noble duc d'avoir empris de reconquerir son hérilage ; car Calais est de la comté de Guyne, et Guyne fief de la comté d'Artois.
Ceste tres saincte et très heureuse paix faicte etadvenue, ce bon duc Philippe envo\a grans navires et armée sur les Sarrasins, et par plusieurs fois. Il alia ses nièces de Bourgongne et de Clèves à ro1s et à grands princes, à ses despens. Il tira hors de la prison des Anglois le bon duc Charles d'Orléans , fils du grand ennemy du duc Jehan son père; et paya sa rançon de ses deniers , et luy donna en mariage sa nièce, fille du duc de Clèves ; et fut si grant amour entre ces deux ducs toute leur vie, que plus grande ne pourroit estre : et fut le duc d'Orléans chevalier pourtant la Toison d'or. Ce bon duc Philippe subjugua ceux du val de Cassel, qui luy furent rebelles. I1 subjugua ceux de Bruges, qui luÿ firent rébellion. Il déconfit les Gandois, en sa personne, par deux fois, en bataille, où furent occis plus de trente milles Flamans ; et les fit venir à merci, hors de leurs viles, nus piés, et déchaus ; et tint ceux d’Ulrecht et du Liège, ses hayneux voisins, en crainte el en discipline; et vescut prospérant toute sa vie. Il conquesta, en sa personne, la duché de Luxembourg, pour et au non de la duchesse, héritière du païs , sa belle tante , et comme maimbourg d’elle : et depuis en demoura duc propriétaire par droit d'achapt, comme je donneray à enlendre en mes Mémoires : et, pour conclusion de ses nobles faicts, Louis, dauphin de Viennois, fils du roy Charles septième de ce nom, se sentant en doute du roy de France son père pour aucunes imaginations , se partit de son païs du Dauphiné, et vint devers le duc Philippe, pour estre soustenu et recueilli d'iceluy duc Philippe, non pas contre le roy son père, mais contre ses haÿneux , qui gouverno\ent le roy et le réaume à son regret ; et premièrenient donnant à entendre que s’il n’estoit aydé,
sorté et soustenu en ceste vostre maison, il. passeroit en Angleterre , et s’alicroit aux anciens ennemys du royaume de France , pour préserver sa personne : dont 1l esloit en singulière doute.
Le bon duc, congnoissant que c’estoit l’hérilier de France et son seigneur apparent, de nalivité, de nom et de plusieurs seisneuries, le reçut enses païs, el luy départit de ses biens largement et tant qu'il (int bel et grand estal, ct aussi madame la dauphine , fille du duc Louis de Savoye: et tindrent leur résidence à Genespe-Rommant, au païs de Brabant, où ils eurent de beaux enfans: et ainsi demourérent , aux despens soustenus de ce bon duc, l’espace de quatre ans: dont le duc fut en grand danger d'entrer en guerre contre le roy Charles, père dudict dauphin. Mais tout ce se passa par remonstrances de notables ambassades envoyées d’une part et d'autre: et se traîna le temps sous grandes menaces , el jusques à ce que le plaisir de Dieu fut de prendre ce noble et très vertueux roy Éharles ; et prestement , après la mort de ce roy Charles, ce bon duc et son fils ( dont je parleray cyaprès ) accompaignèrent et menérent ledict dauphin à Reims et à Paris, où il fut sacré couronné et receu , au plus grand et riche triumphe que fut jamais roy. El en ce temps et assez prochain l'un de l'autre, par le port et aide du duc Philippe vostre ayÿeul, le roy Edouard d’Angleterre, fils du duc d’Yorch, fut couronné roy d'Angleterre, et le roy Louis fut couronné roy de France, el tout sous le pouvoir ct main dudict duc Philippe : et, à son retour d’iceluy couronnement, le bon duc renvoya de-rechef grands nuvires de gens-d’armes, en la conduite de messire Anthoine, bastard de Bourgongne + sou fils naturel, pour servir le pape Pius contre les mécréans , à grands frais et missions: mais le pape mourut, et fust l’armee des chrestiens rompue.
Iceluy bastard fit armes en Angleterre, à l’encontre du seigneur d’Escalles , frère de la royne : et luy envoya le duc bien accompaigné, et à ses grands frais: et, durant ces choses, le roy Louis de France ne recongnut pas bien les biens et honneurs qu’il avoit receus en cesle maison, mais trafiqua débats entre les |
serviteurs du duc, et de monsieur de Charo- |
MEMOIRES D'OLIVIER DE LA MARCHE
lois, son fils : dont le débat vint entre le pére el le fils, qui fort étonna ceste maison.
Mois les serviteurs furent loyaux, et le père et le fils bons et sages : et s'apperçurent que c’estoit pour amoindrir leur pouvoir et auctorité, el fut à tout sagement pourvu par l’aide de Dieu. Moult de grandes choses furent faictes par ce bon duc Philippe, sous luv, et de son règne, des quelles palerav encores. Et mesines , luy estant en ses vieils jours malade, les Liégeois, par l'enhortement du roy Louis , luy firent la guerre , pour ce que le comte de Charolois son fils faisoit la gucrre au roy Louis, et estoit entré en France : et cuidèrent iceux Liégeois prendre le duc au dépourvu. Mais il fit armée nouvelle , et furent par ses gens déconfits à Montenac, où les Liégcois reçurent grande perte de pris el de morts. Ce bon duc Phihppe fit deux choses à l'extrémité : car il régna le plus large et libéral duc des chrestiens, et si mourut le plus riche prince de son temps ; et ne vous en sçauroit-on assez de biens ramentevoir. Ce duc de Bourgongne augimenta ses armes de plusieurs pièces , pour les seigneuries qui luy succédèrent de son temps : et aussi acquit la comté de Namur, la duché de Luxembourg et la comté de Chimai : et porta écartelé de France et de Bourgongne. et de Brabant contre Lembourx ; pour France, d'asur semé de fleurs de lis d'or, la brodure coponnée d'argent et de gueulles : pour Bourgongne , de six pièces en bandes d'or et d’asur, la bordure de guculles : pour Brabant, de sables au Iÿon d'or: pour Lembourg, d'argent, au lyon de gueulles, arme, Jangué ct couronné d'or , la queue fourchue , et croisée en saulloir : el, comme son père , porta de Flandres sur le tout, qui est d'or, au lyon de sable, mouflé de gris.
Ce noble duc ( comme j'ay dit) se marta.
madame Ysabel, fille du bon roy Jehan de Por tugal , et de Philipote de Lanclastre , fille du fils du feu roy d'Angleterre : et portoit icvlle duchesse Ysabel les armes de Portugal, telles que je les ay ci-devant devisées en l'article de l'emperière vostre grand-mère paternelle : et d'iceluy Philippe l'Asseuré , et d’Ysabel de pe issit le duc Charles le Travaillant.
Mais, avant que je parle de luy, je parleray qui fut le roy Jehan de Portugal, et de ses no-
INTRODUCTION
bles faicts, et aussi de Philipote de Lanclastre, vos bisayeuis maternels, srlon ce que j'en ay entamé par-avant, en parlant de l’augsmentation du blason des armes de Pertugal.
