CHAPITRE Y
Du duc Charles de Bourgongne, grand père maternel de l'archeduc Philippe d’Ausiriche.
CE duc Charles se trouva, du vivant de son père et mère, homme faict, sage, et de grand entendement, puissant de corps et d'amys, aimé ct quis de ses sugets. Il estoit puissant jousleur, puissant archier, et puissant joueur de barres. Il estoit pompeux d'habillemens, et curieux d’estre accompaigne, et lenoit granl estat et grande noblesse en sa maison. Il aimoit la chace sur toutes choses, et voulontiers combatoit le sanglier, et en tua plusieurs. I] aimoit le vol du héron. Il annoit la musique, combien qu'ileust mauvaise voix : mais toutesfois il avoit l’art, et fit le chant de plusieurs chansons bien faictes et bien notèes.
Il estoit large, et donnoit voulontiers, et vouloit sçavoir où et à qui. Tout jeune il vouloit congnoistre ses affaires. Il servoit Dieu, et fust grand aumonnier. Il aimoit la guerre, el n’eust point voulu ne souffert estre foulé de ses voisins. Et pourra-l’on dire cy-après que je le loue beaucoup en mes escrits, pour ce que c'estoit mon maistre; et à ce je respon que je dy vérité, et que tel l'ay congnu : car vices apparens de luy ne vindrent oncques à ma congnoissance , el si faute y a qu'il fale que je congnoisse, ce fust de trop valoir et de trop eutreprendre. À quoy vous, monseigneur, devez avoir exemple et regard : car en toutes choses où trop y a, il passe la raison : et où raison n’est, communément perdition est preste.
Ce duc Charles, et la plus-part des seigneurs nourris avecques luy et de son age, porta armes avecques le duc Philippe son pére, à sa grande poursuite cl requeste, ès guerres de Flandres, commencées l'an mills
quatre cens cinquante deux : et fut en deux batailles, et en plusieurs rencontres et sièges, accompaignant son père. Et desjà se monstra fier et courageux, et principalement à tenir ordre : où il se délectoit aigrement monstrant qu’il estoit prince et seigneur apparent, el se faisoit craindre. Et de ses faicts de lors et d'après ne vous puis guères icy monsirer sinon à l’abrégé, pour ce que je les déclaireray en la seconde partie de mes Mémoires; et aussien cetescrit ne servent guëres à ma matière : mais vous le trouverez de son temps avoir tenu en temps de paix estat grand et reglé ; et ses gens, de quelque estat qu'ils fussent, en très-grande cremeur et obéyssance.
Et quant au faict de la guerre, ilest notoire que luy, comte de Charolois, sachant que le roy Louis l’avoit voulu brouiller et mesler avec son père, se mit en l'alliance de monsieur de Berry, frère du roy de France : et alors monsieur François, duc de Bretaigne, monsieur Jehan d'Anjou, duc de Calabre, les ducs de Bourbon et de Nemours, les comtes d’Armignac, de Dunois, de Dammartin, et autres grans personnages de France, mal-contens du roy, et sous ombre du bien-public du royaume de France, s’élevèrent contre iceluy roy, et se devoyent tous trouver en un jour à Sainct-Denis : et ledict comte de Charolois, vostre grandpère, s’y trouva au jour nommé, accompaigné de monsieur Jaques de Bourbon; de monsieur Adolf de Clèves, seigneur de Ravaistain ; du comte de Louis Sainct-Pol, demessire Anthoine, kaslard de Bourgongne, et de grande noblesse et sugels du duc son père, et par l’adveu et consentement de sondict père. Et rencontra le roy de France à Montihéry, et gagna la journée, el demoura sur la place : et s’en alla le roy à Corbeil : et fust vostre grand-père blessé, arresté et en danger d’estre pris. Mais il fust recous, à son grand honneur et recommandation : et depuis celle bataille s’assembla avecques les autres princes de son aliance, et revindrent tous ensemble devant Paris , et le roy de France se relira audict Paris : et là d'une part et d'autre , furent faictes plusieurs aperlises d’armes ; et tant dura, qu’apointement fut trouvé el faict entre le roy et les seigneurs dessusdicts. Et fut par ce traitté, monsieur de Berry duc de Normandie : et ledict
MEMOIRES D'OLIVIER DE LA MARCHE
comte de Charolois eust pour luy les terres de la rivière de Somme ( à sçuvoir est Amiens, Sainct-Quentin, Abeville, le Crotoy, et toute la comté de Pontieu, que le roy Louis avoit racheptées du bon duc Philippe quatre cens mille escus). Mais de tout ce ne tint rien le roy de France, comme vous orrez cy-après, à la poursuite de mes Mémoires.
Toutesfois le traitté et appointement fut faict entre le roy et les princes Et devoyent estre trente-six hommes choisis au royaume, par qui les deffautes du bien-public du royaume de France devoyent estre corrigées et amendées : et sur ce se départti icelle noble assemblée, et se retira chacun à son affaire. Le comte Charles de Charolois, vostre grand-père, fut adverti que les Liégeois avoyent envahi le duc son père : et pourtant tira celle part, traversa le royaume, et par la Terrache ala au Liége, sans aler ès païs de son père : et tellement exploita, qu'il eut appointement aux Liégois, au grand honneur de son père et de luy. Et puis s’en retourna en Brabant devers le duc son père, où il fut recueilly à grand honneur et joye, et fil rompre son armée. Et assez tost après le comte se retira à Abeville, à Amiens, et à Sainct-Quentin; et là remit en son obéissance les terres de la rivière de Somme, engagées par le traité d'Arras: lesquelles le roy Louis de France avoit racheptées du duc Philippeson père, comme dict est : et par le traité de Conflans, faict entre le roy et les princes et luy, furent de-rechef rendues, comme j’ay dit cy-dessus.
Ce fait, il retourna à Brucelles devers le duc son père. Et en ce temps, ceux de Dinan (qui avoyent fait appointement avec le comte, au : nom de son père, par la main d’un notable homme de ladicte vile, nommé Jehan Le Carpentier) ne voulurent rien tenir de cet appointement : mais livrèrent ledict Jehan Le Carpentier à la mort, et firent moult d'injures au bon duc Philippe par œuvres et par paroles, et autrement ; et tant, qu'ils provoquèrent el émeurent ce bon duc de leur courre sus, et de soy venger de leurs maléfices. Et en sa personne, tout viel et débile, prit les armes, et se tira en Namur, et fut conseillé de faire exécuter celle guerre par le comte son fils : dont ledict comte assiégea Dinan; et tant fit, par batures de bombardes et autres exploits, qu'il
= se te à
INTRODUCTION
gaigna la vile de force : laquelle vile fut pillée, démolie et arse, tellement qu'il sembloit, dès la première saison, que ce fust une vile arrutnée de mille ans. Le duc s'en retourna en Brabant, et le comte entra au païs du Liège, el y renouvella les traittés par luy faicts : et de ce je parleray plus-à-plain par mon second volume.
Le duc Philippe vostre ave devint viel et maladif ; et se conduisoyent tous les grands affaires par le comte son fils, et sous sa main : et néantmoins luy portoit tousjours grand honncur et révérence. Et, depuis ces choses advenues, ne vescut guères le bon duc Philippe :
et fut vostre grand-père, le comte Charles, duc, et receu par toutes les signeuries délaissées par son noble père. Ce duc Charles se trouva au danger de ceux de Gand, en armes, sur le marché, où il estoil en personne : mais depuis il les fit venir à la raison en la vile de Brucelles, où ils lui crièrent mercy de celle offense, et luy rendirent leur banière ; et furent cassés et coupés devant eux aucuns de leurs privilèges, et demourèrentau traitié de Gavre, tel que le fitle bon duc Philippe son père, quand il les eut déconfits et subjugués. Tanlost après que le bon duc fut trépassé, les Liégeois se rebélèrent : mais le duc Charles fit prestement une grosse armée, et assiégea la vile de Saintron, que lesdict Liégeois avoyent pris sur luy : et lesdict Liégcois, conduicts par aucuns des gens du roy de France, vindrent pour lever ledict siège. Mais le duc leur vint au-devant, entre Saintron et un vilage que l'on nomme Bruscan : el par son avant-garde, en grande el puissante compaignie, furent iceux Liégeois déconfits et morts. Et ne se bougea le duc, ne se bataille, pour chose qu'ils veissent : car l'on disoit que les François devoyent aider les Liégeois à puissance. Parquoy la bataille se Lenoil serrée et entière : et fut deux heures de nuict, quand la chace de la bataille fut finie ; et retourna le duc en son logis et siége devant Saintron, et pritla vile par composition, après la bataille gaignée : car il la voulut retenir pour luy, pour la seureté de son païs de Brabant.
Puis tantost marcha contre la cité de Liège ; et de ce train prit Tongres ct entra en Livue,
et fit abatre les murailles et les portes d'icelle |
cité, et fit plusieurs gens décoler et noyer par justice ; et remit l’évesché et le païs en l’obétssance de monsieur Louis de Bourbon, son cou sin germain, lors évesque du Liége, à la querelle duquel il faisoit celle guerre, par le commandement et ordonnance du Pape, comme à désobéissans au Sainct-Siège apostolic, et à leur prince et évesque du Liége. De là revint à Huy, qui luy fut obéissant : et pour ce ne furent point les murailles abatues.
Le duc Charles revint en son païs de Brabant : et par moyens, paix et union fut entretenue entre lc roy de France et Ie duc de Bourgongne : el prospéra le duc Charles, en tenant grande et triomphale court sur tous les ducs du monde. Il donnait audience deux fois la sepmaine à tous, pauvres et riches. Il entendoit à ses affaires soigneusement, et faisoit de grandes et charitables aumosnes. En ce temps il se maria, pour la tierce fois, à madame Marguerite d'Angleterre, sœur du beau roy Edouard d'Angleterre, et fit les plus triomphales noces et de la plus-grande despense que de long temps en eussent esté faictes : et de lout ce je parleray plus-à-plain à la poursuite de mes Mémoires. Et de ce mariage je parleray peu pour le présent, tant pour ce que de celle noble dame 1l n'eut nuls enfans, comme aussi pour ce que vous avez congnu et congnoissez les nobles mœurs et vertueuses bontés d'elle en son vefvage : et sçavez qu’elle vous a levé ès saincts fonts de baptesme, et est vostre marraine, et qu’elle vous a soutenu et porté en vos adyersités ; et vous a esté si-bonne mère que vous estes tenu à elle, et ne la devez jamais oublier.
Après les noces du duc Charles, par le moyen du roy de France, les Liégeois se rebellèrent de-rechef contre luy, et les François luy tenoyent plus termes d’ennemis que d’amis : et se remit le duc aux champs à grande puissance, et mit son champ à Lihons en Santers, contre les François. Et le roy de France trouva façon de rompre celle armée; et par moyens et à sa requesle vint à Péronne, où les malières d’une part et d'autre furent fort débatues, et dont je parleray plus amplement ailleurs : et finalement fut la paix entre eux deux renouvelée et jurée de-rechef. Et promit le roy d’aler en sa personne, avec le duc, pour
SOU subjuguer lesdicts Liégeois, qui nouvellement estoyent rebelles, el d'une emblte avoyent pris Tongres par nuict, et pris leur évesque, et le seigneur d'Imbercourt, en icelle vile : dont le duc fut moult déplaisant, Et finalement le roy de France porta la croix sainct Andrieu en ce voyage du Liége : et fut la cité du Liége assié- “ee de toutes parts ; et par un dimanche ma- Lin, au son d'une bombarde, fut icelle cité assaillie et gaignée d'assaut, pillée, arse et brùlée toute, fors les églises seulement. Et de là le roy de France se tira en son royaume, et le duc poursuyvit ses ennemis au païs de Franchemount, où luy ct son armée eurent de grandes froidures et souffretés. Mais il brûla tout le païs, qui loutesfois est Lerre de montaignes, valées cet bois: et sont les hommes forts ct robustes villains, et gens dangercux à conquerre.
Après celle conqueste, le duc s’en retourna en son paîïs de Brabant et de Flandres. Et demoura assez bon espace sans guerre. El en ce temps le roy Edouard d’Angleterre sou beaufrère fut déchacé d'Angleterre, et se relira en Hollande, où le duc le recueillit, et l’aida tellement qu'il retourna en son royaume, où il veseul el régna depuis en grande prospérité et honneur. En ce temps le roy de France (qui tousjours quéroit subtils moyens pour surprendre le duc) pratiqua tellement, que la vile de ‘aint-Quentin et la cité d'Amiens se rebel- “érent contre luy : mais le duc Charles hastivement se mit sus, et aux champs : et mit sa puissance devant Amiens, du costé de Sainct- Acheu : el batit la vile d'artillerie à poudre : eU là, présenta la bataille, où furent plusieurs fois faictes plusieurs appertises d'armes, tant
u meslier de la gucrre comme en faict-d’ares de corps à corps, dont je parleray plus- «nplement au second livre de mes Me- ‘res. | Dedans la vile estoyent le comte Louis de a nt-Pol, connestable de France, et quatorze cens lances des 0. donnances de France : etla, fui lraitlée une trêve ent:e le roy Louis et le due de Bourgongne, laquelle trève fut assez bien entretenue. Et durant ce temps le duc, vostre grand-père, mit sus douze cens lances, “tune fourme de huict combatans à cheval etape s et praliqua par tous ses païs telle-
ment, que cinq cens mille escus iuy furent ac. cordés d'aide, dont il entretint lesdictes douze cens lances. Et combien que ses pais en murmurassent assez, disans qu’ils estoyent fort foulés de celle grande taille, toutesfois il leur tournoit à grand profit, ccmme depuis ils ont bien congnu ; car le duc Charles estoit si puissant, qu'il pouvoit exécuter el faire forte et roide justice. I] tenoit ses païs en craintceten paix ; il faisoit la guerre, et lenoit les gens d'armes hors de ses païs; il vivoit l’espée au poing, et avec tous ses voisins ; et ce qu’ilne ne pouvoit faire par amour il le faisoil par crainte ; et tant qu'il vescut, ses païs florirent et prospérèrent.
En ce temps le duc Charles init sus un parlement qui résidoit à Malines, où respondoyent tous ses païs de delà la Champaigne : et de ce parlement n'avoit ailleurs n’appel ne ressort Et me pourroit estre demandé comment il y pouvoit contraindre ses sugets, qui souloyent ressortir en France : comme Artois, Flandres, Boulennois, et les terres engagées, qui sont signeuries tenues de France de toute ancienneté. À ce je responds que par appointement faict, et par paix jurée entre le roy de France et luy, fut accordé par le roy, qu'au cas qu'il rompisl, allast ou contrevinst à la paix de Péronne, il quittoit le duc de toute fidélité ce! hommage qui luy pouvoyent appartenir, pour luy el pour ses hoirs roys de France, au profit du duc et de ses hoirs : ct de ce je parleray plus à plain. Laquelle paix fut rompuc et conrevenue par iceluy roy de France, comme maintenoit Ice duc vostre grand-père. Parquoy il sc disvit souverain en icelles signeuries , el en jouist comme souverain jusques à sa mort.
Mais, luy trépassé, les païsse mutinèrent contre madame vostre mère, leur princesse, el voulurent r'avoir viels privilèges el nouveaux, à leur plaisir : parquoy ledict parlement fut rompu et aboli.
La trève rompue, la guerre recommença : et se lira le duc devant Roy ct Nesle, et les gaigna par force , et y fil grande exécution de François; puis mit le siége devant Beauvois,
où grande puissanee de François se boulérent
pour garder la cité, qui puissamment fut par le duc assaillie, et puissamment défendue par les François, Et durant ce siége ceux de la
INTRODUCTION
garnison d’Abbeville, ses serviteurs, prirent Gamaches et Sainct-Valery :et se partit le duc, ct leva son siège, et se tira plus avant en France, presentant la bataille. Il prit et conquesta la vile et comté d'Eu, et par ses gens fit gaigner Neuf-Chastel en Normandie, et le fit ardre et destruire. Il alla devant Rouen, où luy et ses gens-d’armes eurent moult à souffrir : car les François , et nommément le connestable de France, le costoyoient, et lui coupoyent les vivres à leur pouvoir : mais luy, courageux. marcha tousjours et présenta aux François 1a bataille à toutes heures : puis roprit son chemin contre la cité d'Amiens, et rembarra a garnison lourdement dedans la cité. Il prit Beaurevoir , le Catelet, La Fère, Vanneul et autres places appartenantes audict connestable de France. I prit Chauny, Ribemont, Janly et Mouy, et brûla et exila moult le païs, loujours pour cuider parvenir à la bataille qu’il désiroit sur toutes choses : et s’arresta devant Bohaiïn, sans y mettre siége. Et venoit déja l’arrière-saison, et lors se praliqua une trève assez courte : de laquelle trève fut pratiquée la trève de neuf ans entre le roy de France et le duc Charles vostre grandpère : laquelle trève fut solennellement jurée, ct prise pour eux , leurs païs , leurs hoirs , et nomméinent pour monsieur Charles de France, à présent roy de France, et lors dauphin, et pour madamoiselle Marie de Bourgongne, fille du duc , qui depuis fut seule héritière de la maison de Bourgongne, duchesse d’Austriche, ct vostre mère qui garda son serment en cette partie.
Dieu en est le juge, à qui les choses occultes ne peuvent estre mucées n'absconses. Après - Je retour de la chevauchée que fit le duc Charles, vostre grand-père, en Normandie, il assit ses garnisons du long de la costière de France, et rentra en son païs de Hainaut, et vint à Vallenciennes en moult grand triomphe : et là avoit fait préparer pour tenir la feste de l’ordre de la Toison d’or, où il fit deux augmentations. Pour la première, il fit changer les robes et manteaux des chevaliers de l’ordre ( qui esloyent d’escarlate vermeille ) à veloux cramoisi set si ordonna, pour le troisième jour, vespres et messe, au nom de la vicrge Marie : et que les chevaliers seroyent, audict
service, veslus de robe de drap de damas blanc, ce qui fut moult bel à veoir : et après ceste solennité tenue, le duc se partit, et se tira contre la duché de Gueldres (laquelle il querelloit); et à l’entrer au païs, prit par force et par siège deux puissans chasteaux, l’un nommé Montfort, et l’autre Brughe :et mit le sitge devant la ville de Niemeghe, laquelle il prit. Et par ce moyen subjugua tout le païs, et gaigna la duché de Gueldres et comté de Zutphen : et mit tous les voisins, et mesmes les Frisons, en tel effroy et doute, que s’il eust marchè contre Dewenter, Camp et Zole, ils luy eussent faict obéyssance, et eust de celuy jour esté subjugué le royaume de Frise. Ce qu'il laissa, pour le désir qu'il avoit de veoir l'empereur, aussi vostre grand-père, pour certaines hautes et courageuses fins à quoy il bcoyt, et principalement désirant de venir au mariage du roy vostre père et de madame vostre mère, sa fille, qui lors ne se peul accorder , et depuis a esté faict el consommé par la grâce de Dieu.
En ce temps fut pratiqué que l'empereur Frédéric vostre grand-père paternel, et le duc Charles, pareillement vostre grand-père maternel, se peussent veoir, tendans au mariage et à l'alliance de monsieur Maxunilian vostre père, et de madame vostre mère. Et se trouvérent en la citéde Trèves, à grand triomphe et seigneurie d’une part et d'autre; et fut fes-
toyé l’empereur par le duc à moult grand” ri-
chesse et appareil. Et combien que lors ne fust parfaictny accordé icelluy mariage, et que depuis grand accident de guerre meust entre eux deux (comme je diray de brief), toulesfois fut icelle communication le motif dont depuis a esté faict le mariage duquel vous estes venu nar le divin plaisir. Et se départit icelle as semblée , plus en diffidence l’un de l’autre qu'en apparence d'amour, et ce par trafiqueurs et rapporteurs d’une part et d'autre dont lous sages princes se doyvent bien garder sus toutes choses.
Durant iceluy temps, le duc Charles visila tous ses païs de Bourgongne et de Ferrette :
et fit transporter le corps du duc Philippe son père, gisant à Sainct-Donal de Bruxes, et celuy de madame Ysabel de Portuual sa mère (dont le corps gisoit aux Cnarireux de
Gouain en Artois), et les fil amener solennellement jusques à Dixeon en Bourgongne : où il fust à l'enterrement. Et les fil mettre en leur sépullure, ès Chartreux, hors dudict Digeon, à si grande dévotion et triomphe qu'ilest possikle (et de ce je parlerai amplement en mon second volume); puis se retira en sen païs de Luxembourg,
Eu ce temps fut le duc vostre grand père equis d'aide par messire Bernard de Bavière, rs archevesque de Coulongne, son cousin, ct .cre du comte palatin, pour ce que le chapivitre et doyen de Coulongne le travaillovent de procès, de guerre et désobéissance. Et à ceste cause emprit la querèle dudit archevesque. El entra à puissance au païs de Coulongne. Et pour ce que la vile de Nuz estoit désobéissante 4 son seigneur et archevesque, il mit le siège de toutes pars. Et là fit de grandes choses, et dignes de mémoire : car il tint le siége devant ladicte ville un an entier. Il délourna rivières de leurs cours, il digua un bras du Rin, il gaigna une isle, et par les digues y aloit à pié sec. Il fil faire chas, grucs, el autres engins, comme trenchis , roullans , baslillons, et toutes manières dont l’on peut viiesaprocher. Grandesbatures y furent faictes, grands essays el assaux, et jusques à faire essay de nager le Rin à cheval, la lance sur la cuisse, pour gaigner ladicte isle, du commencement : et ne suis pas digne d’escrire ramen-
tevance, devant que je ne die vérité. Mais si.
la vile de Nuz fust par votre grand-père vaillamment aprochée, assaillie et requise, elle fust par les Alemans courageusement deffendue : ct y mangèrent leurs chevaux, et endurèrent merveilleuses doutes, peine, pauvreté et malsaise, Et le duc tenoit son siége en lelle justice et police, que vivres y venoient en grande abondance : et d’autre part, l’empereur Frédéric, vostre grand-père paternel, assembla les électeurs, les princes et les grans de la Germanie: et vindrent 4 moult noble puissance pour secourir la vile de Nuz, qui plus ne pouvoit longuement tenir sans estre perdue et prise. Ainsi vos deux grandspères se trouvèrent en guerre mortelle l'un contre l'autre, pour le faict de la vile de Nuz : el s'aprochèrent si-près l’un de l’autre que chacun d’eux pouvoit veoir, de son pa-
MEMOIRES D'OLIVIER DE LA MARCHE
villon, et le logis et l’ost de son ennemy. Et ne faut pas douter que tant de gens de bien d’une part et d'autre, si près logés les uns des autres, ne vouloyent point perdre le temps. Tellement que, durant dix jours que les deux osts furent ainsi aprochés, maintes escarmouches et maintes appertisses d'armes y furent faictes, el tant que ce fut un escole d’on:neur, ct pour apprendre le mestier de la guerre : Car en ce peu de temps fut la bataille présentce, et grosses rencontres el grans meurdres de chacun party. Mais de ce qui en advint et comment, je n’en parle plus-avant en ce présent escript : et y reviendray cy-après, si Dieu plaist.
Quant au partement de celle noble assemblée, après avoir durement essayé les uns les autres, ils se départirent par apointement de paix , et tout à un jour ct à une heure, L'empereur et son armée prit le chemin pour retourner en Alemaigne, et le duc de Bourgongne prit le chemin pour retourner en son païs. Et ainsi se séparèrent vos deux grandspéres, et fust la chose pacifée. Et durant iceluy siège il fit ravitailler la vile de Lins , où grande puissance de l'empire tenoit le siège. Il festoya, luy tenant son siège , le roy de Damnemarch et plusieurs princes d’Alemaigne, en moult grant triomphe. Ambassadeurs le suyvoyent de toutes pars, et tout estoil en son camp bien logé et bien receu : et ne croy pas que cent ans devant ait esté siège de telle magnificence. Et est léger à entendre que de grande valeur fut le prince qui soustint si grant fais. Ainsi doncques se séparèrent iceux deux grands princes, vos grands-pères : et tira chacun son chemin.
Mais le roy de France ( qui tousjours avoit la dent sur le duc de Bourgongne ) le guerroyoit : et ce qu’il ne faisoit apparemment, il le faisoit secrètement, et enhortoit les princes voisins à guerroyer le duc de Bourgongne; et, sous umbre qu'il se tenoit prince de l’empire, fit émouvoir avec l'empereur le duc René de Lorraine contre le duc de Bourgongne ( combien qu'il fust son alié); dont moult Je maux sont depuis advenus : et pleust à Dieu que le tout fust passé et esteinct!
En ce temps le beau roy Edouard d’Angieterre, frère de madame Marguerite, duchesse
INTRODUCTION
de Bourgongne, descendit en France pour sa propre querelle, avec aucun entendement qu'il avoit avec le duc son beau-frère : et avoit moult belle et puissante armèe. Mais 1l ne passa guères la rivière de Somme , quand lu et et ses gens furent praliqués de soixante mille escus par an, que le roy de France promit de pension au roy d'Angleterre, avec autres dons secrets donnés aux gouverneurs du roy d’Angleterre. Et en effect le roy d'Angleterre et sa puissance s’en retournèrent, et repassèrent en Angleterre, sans faire autre exploit. Et combien que le duc de Bourgongne vostre grand-père se lrouvasl, par ce mo\en, frustré de l’ayde qu'il entendoit avoir des Anglois, toutesfois 11 int son propos et emprise plusferme que devant, et entra en Lorraine, et conquit le païs entièrement : et de là s’en ala aider à la duchesse de Savoye, sœur du roy de France, laquelle avoit un fils de dix ans, nommé Plhuilebert, duc el héritier de Savove, auquel les Suisses faisovent la guerre. Et, pour secourir les Savoyens, le duc de Bourgongne y ala en personne, et mit le siège devant Grantson, gaigna la vile et le chastel, et fit trèsdure exécution de ceux qui furent pris dedans. Mais depuis lesdicts Suisses se mirent sus , el surprirent le duc Charles, encores estant devant Granlson, en telle manière qu'ils le déconfirent, Et fit le duc moult de grandes pertes d'avoir et de gens, et se relira à Noseret en Bourgongne; et ses gens-d’armes repassèrent les montaignes, et se sauvèreut en Bour- #ongne : et de ceste journée et décontilure je deviseray plus-à-plain en mon second volume.
Mais je recommenceray à dire ici en brief les aventures d’icelluy noble prince, et comment, nonobstant sa perte et déronfiture, 11 se ralia, et remit ses gens ensemble par grand courage; car, avant le dixième jour d’après sa déconfiture, il repassa les montaignes, et vint à Lozane; et devant la vile leva ses pavillons, el ralia ses gens en telle manière qu'en peu de temps il marcha en païs, et assiégea la vile de Moral en la comt* de Rommont (que les Suisses avolient pris sur monsieur Amé de Savoye, comte de Rommont), et là fit de sraudes approches et batures, et moult fort opressa ladicte vile. Mais les Suisses, accompaignés du
duc de Lorraine et d’autres leurs aliés, vindrent en si-grand nombre que le duc Charles ne peut porter le faix, et fut pour la seconde fois déconfit, et en g'and danger de sa vie.
Mais par la grâce de Dieu (qui toutes choses conduit et gouverne à son plaisir et vouloir) il fut préservé pour celle fois, et se retira en sa ville de Jayes, où il séjourna certains jours avec madame Yoland de France, duchesse de Savoye; ctses gens passèrent les montaisnes sans ordre ne mesure, et entrèrent en Bour gongne, où ls laillèrent et endommagèrent le païs de vivres el de rançonnemens, car la plus part estoyent estrangers, et non de la nation, qui en prenoyent où ils én pouvoyent avoir; comme 1l est léger à entendre qu'après deux batailles perdues, et telles rompures, le prince ne peut avoir que petile obéyssance : et de tout ce je parleray plus-ayant en mon srcond volume,
Ainsi fut le duc Charles pour la seconde fois rompu, à sa grande perle. Et n'arresla guères qu'il ne relournast en Bourgongne, où !l assembla les Etats en sa vile de Salins, et remit ses gens-de-guerre en ordre et en discipline de guerre, comme devant; et se retira à La Rivière, une petile vile de la comté de Bourgongne qui costoye les montaigsnes et les Alemaignes; et là fit revue de ses gens-d’armes, et manda de-rechef gens en Brabant, Flandres, Hainaut et Picardie, Nainur, et par tous ses païs. Et fut adverty que par laide du roy de France (qui tousjours luy faisoit sourde guerre) le duc de Lorraine estoit rentré en son païs de Lorraine, et avoit légèrement reconquis toul le païs, execptée la vile de Nanci, où estoit messire Jehan de Rubempré, seigneur de Bièvres, pour le duc de Bourgongne, avec bon nombre d’Anglois et d’autres nations, qui ne furent pas si obéissans qu'ils devoyent; car combien que le duc Charles marchast prestement pour lever le siége et Les secourir, toutesfois lesdicts gens-d’armes murmurèrent, ct malgré leur capitaine rendirent la vile de Nanci au duc de Lorraine. Mais ce noble et chevaleureux duc Charles, vostre grand-père, par grand courage marcha surses ennemis, el par deux fois délogea le duc de Lorraine et sa puissance hors de leurs logis, et fit partir Île duc de Lorraine hors du païs, el aller soy re-
tirer en Alemaigne. Et remit le siège de nouvel devant Nanci, où le duc de Lorraine avoit laissé bon nombre de bonnes gens-de-guerre, qui bieu gardérent ladicte vile, combien que le duc de Bourgongne la fist puissannnent batre elaprocher. Et durant iceluy siége le vinl'vcoir le roy de Portugal son oncle, lequel il festoya grandement, Et advint que le duc de Lorraine pratiqua tellement, durant ledict sivge, qu'il éleva dix ou douze milles Suisses, et autres Alemaos ses ahés ; et Le roy de France tacitement luy assistoit, et l'aydoit de gens et d'argent, et fit aprocher huit cens lances de ses ordonnances pour enclorre le duc de Bourgongne, lequel il sçavoit estre diminué de gens et de pouvoir, pour les causes avant-dictes, et qui assez sont à considérer.
Or donc, la veille des rois 1476, le cinquième jour de janvisr, lesdicts Alemans luy coururent sus, et le duc courageusement vint, en sa personne, à l'encontre d'eux, sans lever son siège, Et je certifie que la compaisnie, qu'il mena pour la bataille avec luy, ne fut que de trois milles combatans en toutes gens, et de ces choses je parleray plus-amplement ailleurs. Le vaillant duc assembla courageusement avec ses ennemis, et fut déconfil et mort au champ de la bataille, et plusieurs de ses nobles hommes morts ou pris. Et fut ceste douloureuse journée la destruction évidente de la maison de Bourgongne, et l'amoindrissement de vostre hauteur et seigneurie; car le duc Charles ne laissa pour tous hériliers que madame vostre mère, qui demoura jeune orpheline, en danzer el péril de ses ennemis, et en petite obéïssance de ses subjets, enviée et en débat de moult de princes pour l'avoir en mariage; ct, d'autre part, tous ou la meilleure part de ses noliles estoyent morts ou prisonniers. Toutesfois elle fut gardée et servie d’aucuns nobles personnages et d’autres, dont cy-après serez adverty, à la poursuite de mes Mémoires, et dont vous devez rendre grâces à Dieu et à eux, el recongnoistre leurs bénéfices et services.
Or, monseigneur, ce pas fait bien à noter, gouster el remordre en vostre entendement, en considérant comment ce grant, puissant el courageux prince cheut et tresbucha en si grant inconvénient et perdition, qu'il perdit, out à une fois, vie et grande signeurie, ne luy
MÉMOIRES D'OLIVIER DE LA MARCHE
demourant que l’âme et l'honneur , et que trois fois en si peu de temps il fut déconfit, et perdn trois batailles; et à ce ne peut résister son pouvoir, son sens et sa vaillance. Et devez congnoistre que ce grand Dieu en fit à son plaisir et voulonté. À quoy vous et autres princes estes plus subjets, el plus à la veue et regard de son œil, que ne sont les autres simples et petites personnes mondaines, qui sont secondairement en la suzettion et sous la voulonté d: vous autres princes, et sous messieurs les régens ordonnés à gouverner les monarchies, chacun en son endroit. Mais vous, les grands, estes regardés de Dicü, et sous sa correction, qui fait trop plus à craindre de vous que nous à douter de vous, qui, combien que soyez nos princes el réxens, ne nous pouvez oster que l'avoir et la vice; et ce grand Dieu peut à son bon plaisir rompre vos trop hautes et élevées emprises, et diminuer vos gloires et renommées. Or, monseisneur, ce grand trébuchement avenu à la fin de vosire grand-père le duc Charles, ne le prenez ou réputez à ses défautes ou péchés, ear le vouloir ou permission de Dieu nous est chose incongnue ; mais, pour sasement vostre profit en faire, pensez ct entendez que ce coup, et divine bature, vous est advenue en la personne d'iceluy, afin que vous congnoissiez le pouvoir de Dieu, et qu: l’ayez en crainte et doute. Et aussi peut estre que si la seigneurie ct la grandeur de ceste maison de Bourgongne vous fust demourée, écheue et avenue, Dieu prévovoit que vous eussiez esté prince élevé en orgueil ou autre vice, à vostre dommage et mécongnoissance, contre son plaisir, et il veut vostre sauvement, et que vous congnoissiez qu'il vous peut donner et tollir à son plaisir, et que rien ne pouvez conquerre, possesser, n'avoir que tout ne soit sugel à sa disposition. Mirez-vous, monseigneur, et cest révérence, car le Tout-Puissant vous peut tout rendre et restituer, si vous le servez de bon cueur, et metlez peine d’aquérir sa saincle grâce.
Je ne fay nulle doute que plusieurs, parlans du duc Charles, murmureront el diront : « Que faloit-il à ce grand duc, qui tant avoit de seigneuries, de païs et de richesses? Que demandoit-il, d'emprendre sus ses voisins. el de vouloir conquérir le monde sur autruy ? » Et plu-
INTRODUCTION. | 235
sieurs autres langages se diront contre luy. À ce je respons : que la voulonté et extresme zèle qu'ilavoit au service de la foy chrestienne et à l'auzmentation de l'Eglise, lui faisoit emprendre et faire ce qu'il faisoit, car son désir et affection estoit d'aler contre les infidèles en sa personne, el désiroit de se faire si grand et si puissant, qu'il peust estre conducteur et menur desautres (car à null y vouloit estre subjel); el si Dieu luy eust donné vie et prospérité, il eus! montré par effect que mon récit, en ceste partie, est véritable, car je le sçay par luyinesine, et non pas par ouir dire à autruy.
Ainsi, monseigneur, je vous ay rendu compte des hauts faicts et prospérités de vos ancestres jusques à-présent, el ne vous ay pas celé les adversilés advenues, afin que vous congnoissiez le pouvoir de Dieu, et comment il peut donner et tollir à son vouloir les biens de fortune ; en exemple que soyez si sage que de douter Dieu et ses permissions, afin qu'il vous garde de toute adversité, et vous veuille clever en prospérité pour le pouvoir onnorer et servir, à la deffense de la saincte foyÿ catholique, à l'augmentation de la saincte Eglise, et du bien universel de la chrestienté.
Cestuy duc Charles fut marié trois fois : la première fois à madame Katherine de France, fille du roy Charles septième (dont j'ay parlé en ce présent escript) ; el mourut icelle dame sans consommalion du mariage, à cause du jeune age dudict duc, lors comte de Charolois. La seconde fois fut à madame Ysabel de Bourbon, fille du duc Charles de Bourbon et de madame Anne de Bourgongne, tante dudict comte de Charolois ; et furent par dispense les deux germains mariés ensemble; et de ces deux vint madame Marie de Bourgongne, vostre mére ; el n’eurent autres enfans. El mourut ladicte comtesse à Anvers, el est enterrée audiclt heu, en l’église Sainct-Michel. Et après la mort de cette noble princesse, le duc Charles, après qu’il fut duc, se maria, pour la troisième fois, à madame Marguerite d’Yorch, fille du duc d'Yorch et sœur du beau roy Edouard d'Angleterre. Et combien que je la surnomme d'Yorch en surnom. elle se doit surnommer d'Angleterre, car elle est venue de la ligne royale, mais pour ce que son grand-père ct père furent duc d’Yorch, les enfans se sont
te
surnommiés de la seigneurie, par telle et se: blable raison que font les princes issus des ros de France, ct dont j'ay cy-devant touché. Et u: celle n:ble princesse, encores vivant à l'heu e que ma plume laboure en ceste matière, n'eutil nuls enfans. El combien que j'ay ev-devant parlé d'elle, et plustost que des deux autres nobles princesses paravant mariécs à vostre grand-père, ça eslé pour ce qu'en récitant les grands onneurs dudit duc Charles par ordre, il faloit que je touchasse aucunement du triomphe des noces d'iceux d'eux, qui fut moult ærand, et dont je donneray plaisir aux lisans, en récitant au long celle haute feste en mon second volume. Et me soit pardonné si je suis trop prolix à escrire du duc Charles vostre grand-père, car de luy je ne parle pas par ouir dire, mais par l'avoir veuetsceu. Et sera trouvé vray le récit que je fay. El Lant en dy que ce fut la nourrice des gens-d'armes, et de la gucrre ; ct que pour riens n’a pas csté nommé Charles le Travaillant, car du temps qu'il régna, autre homme ne travailla tant en sa personne qu'il feit, et si travailla amys et ennemys, et porta telles armes que le duc Philippe son père.
Ainsi donques je vous ai monstré comment de monseigneur Charles, duc de Bourgongne, lors comte de Charolois, et de madame Ysabel de Bourbon, vint madame Marie de Bourgongne, vostre mère.
Mais il faut, pour moy aquiter, que je parle de la noble maison de Bourbon, afin que vous entendiez mieux la noblesse de vostre desceute d’icelle lignée; car c’est un de vos plus prochains costés maternels. EL est vray que ceste maison de Bourbon vient de la maison rovale, et de fils qui se nommoit de France, fils de sainct Louis de France. Mais pour ce que le nom est de Bourbon. je decliirera premier ce que j'ay apris, dont vient que lc fils de France prit le nom de Bourbon, el aussi comment el pourquoy ceux de Bourbon se dient et maintiennent estre plus prochains de la lignée de sainct Louis que ceux de Valois, qui à présent sont, toutesfois, Yraÿs roys et successeurs de la couronne de France; et commenceray premier au nom de Bourbon.
pour mieux entresuyvir ma matière. Je trouve que deux baronnies furent de pieçà ; dont l’une fut au païs que l'on dit Bourbonois,
J:36 et l’autre en la duché et païs de Bourgongne. Et comme toutes choses ont cemmencement, pour ce qu'en tous les deux lieux que l'on nomme Bourbon, a bains chaux (que l’on dit . médecinables ; et s’v vont plusieurs gens baigrer pour se médeciner, et pour recouvrer canté d'aueunes maladies), à ceste cause, et pour ce que plusieurs gens y hantoyent et conversoyent, osteliers, taverniers, marchans el ouvriers mécaniques se logèrent celle part, pour gaiuner et avoir profit; tellement qu'assez tost après se fit, en iceux lieux, gros el puissans bourss ; ct augmentérent tellement, qu'entre les autres bourgs on disuit d’un chacun d'iceux voisins, « C’est un bon bourg : » «1 à le prendre au rebours, peut on dire, « C’est un bourg bon. » Et de ce nom « bourg bon, »
en continuation de language, sont encore appelés ces deux lieux Bourbon. Et par succession de temps devindrent deux grandes et puissantes baronnies, chascune en son païs; elen furent seigneurs deux nobles barons qui par mariage S'aliérent ensemble. Et ainsi advint que toutes ces deux baronnies demourèrent, par succession, à un nommé Geufroy de Bourbon. Lequel Geufroy eut deux fils, dont l'aisné fut nommé Archembaut, et le second fut nommé Anseau. Le père mort, l’aisné eut en partage la baronnie de Bourbon (qui est en Bourbonnois), et à cesle cause se nomme encore Bourbon-l’Archembaut; et le second frère eut en pariage la baronnie de Bourbon en Bourgongne. Et pour ce que le second frère avoil à nom Anseau, celuy Bourbon fut nommé Bourbon l’Anseau: et encore se nomme Bourbonbl’Ansv, par mutation d’une silabe ; mais il approche de la chose dessus-dicte. Et ainsi de-rechef furent séparées icelles seigneuries et baronnies; et plus ne parlerons de Bourbon-L'Ansy, pour ce qu'il ne sert plus à nostre matière.
Si retournerons à parler de la baronnie de Bourbon-l’Archembaut, qui tousjours fut plus grande chose que l'autre. Et commença le baron Archembaut à soy élever hautement : et luy et ses hoirs montérent et multipliérent en mariage, aliance et successions : tellement que l'on pouvoit icelle seigneurie nommer et tenir des premières baronnies et des plus grandes du royaume de France. Et avint que celle
MEMOIRES D'OLIVIER DE LA MARCHE
grande baronnie vint , par succession , à une noble dame nommée Louise, qui en fut héritière. Et en ce temps régna sainct Louis, roy de France; qui de Marguerite , fille du comte de Provence, eut cinq fils, dont le cinquième et maisné fut nommé Robert, et fut comte de Clermont , pour son partage de France ; et le maria le roy son père à l’hérilière de Bourbon, dessus-nommée. Et pour ce qu'il estoit fils du roy de France, en l’augmentation de sa seigneurie, le roy sainct Louis, accompaigné comme 1l appartenoit, le fit duc de celle baronnie, laquelle s’appelle à-présent la duché de Bourbon. Laquelle maison et seigneurie, par la grâce de Dieu, ct par les vertus et bons gouvernemens des princes et seigneurs qui on! succédé en icelle, est tousjours augmentée de bien en mieux, en grandes successions et aliances de mariage, et dont vous estes si prochainement issu, que vostre grand-mère fut fille du duc Charles de Bourbon, comme j’ay dit dessus.
Or, pour ce que j’ay dit que je déclareroye pourquoy ceux de Bourbon se disent estre plusprochains de la droite ligne de sainct Louis, roy de France, que ceux de Valois, qui sont à présent roys de France : certes messicurs de Bourbon dient vérité quant à sainct Louis, mais non pas du droit de la couronne : et voycy comment. Sainct Louis eut cinq fils ( comme j’ay dit ), dont nous ne parlerons que de l'aisné et du maisné, pour ce quele surplus ne nous sert de rien en ceste partie. L’aisné fils de sainct Louis fut Philippe; et fut roi de France après sainct Louis son père. Celuy roy Philippe se maria deux fois : et du second mariage je ne feray nutle mention (car la lignée faillit , et ne sert de rien à nostre matière ) ; mais de la première femme, nommée Ysabel d'Aragon, issirent trois fils. Le premier fut Louis , qui mourut jeune; le second fut Philippe, surnommé le Bel ( qui fut roy de France après son père ); et le tiers fut Charles, comte de Valois, d'Alençon et du Perche.
Philippé le Bel eut trois fils : c’est assavoir Louis, surnommé Hutin ; Philippe, surnommé le Long ; et Charles , aussi surnommé le Bel. Louis Hutin fut roy après son père, et en mourant laissa sa femme grosse d’un fils, qui fut nommé Jehan : mais il mourut au berceau ; et luy succéda son oncle Philippe le
INTRODUCTION
long : auquel , mourant sans enfans masles , succéda semblablement Charles le Bel, son frère, qui mourut encore sans hoirs masles. Tellement que Philippe de Valois son cousin germain, et fils de Charles comte de Valois, fut couronné roi de France: et de luy vient et est issue toute ceste noble maison de Valois , roys et autres de ce lignage, qui à present règnent en ces grandes signeuries de France : et en estes yssus comme les autres. Et de ce courannement de Philippe de Valois recommença la grande guerre de France et d'Angleterre, pour ce que le roy d'Angleterre avoit espousé Ysabel , fille du roy Philippe le Bel, fils de ce roy Philippe dont le roy sainct Louis fut père : et maintenoyent les Anglois qu'elle, qui vivoit au temps dudict couronnement , estoit plus prochaine de la droite ligne de sainct Louis , que son cousin Philippe de Valois.
Mais celle matière ne me sert de rien : et pourtant reviendray à éclaircir pourquoy la maison de Bourbon se dit plus prochaine de la droite ligne de sainct Louis que celle de Valois. Ilest vray (comme j’ay dit) que le comte de Clermont, premier duc de Bourbon, fut fils maisné de sainct Louis : et de celle lignée sont yssus les ducs de Bourbon, et leur lignée succédamte : et de Philippe, roy de France, fils de sainct Louis , sont yssus ceux de Valois, qui sont à présent roys de France. Et faut entendre que le fils de Charles de Valois descendit d’une lignée plus bas que son père : et que celuy fut roy de France, et non pas son père : et pour ce est apparent que la maison de Bourbon, descendue de sainct Louis proprement , est plus prochaine dudict sainct Louis que celle de Valois, mais non pas de la couronne de France : car Robert, comte de Clermont , fut le cinquième fils et loing de la couronne ; et Charles de Valois fut tiers fils du roy Philippe, fils de sainct Louis de France. Et de tous ces deux costés vous estes yssu, comme l’on peut entendre par les lignées avantdéclairées : mais toutesfois tout est un sang et une mesme lignée, yenans de sainct Louis et des roys de France.
Or, pour ce que (comme j’ay dit) les dues de Bourbon portent d’asur à trois fleurs de lis d'or , à un batton de guelles en bande ( ce que ne portent suls des fils, issus de France), j'ay
sRr(
de ceste matière fait plusieursenquestes, et en divers lieux ; et trouve par l'opinion d’aucuns, que ce batton en bande auroit esté pris et tiré hors des armes anciennes de Bourbon , ou de celles de Clermont, et mis en l’escu de France, pour différence du maisné, et pour recongnoisance des seigneuries dessus-dictes. Mais, le tout bien entendu , il n’est pas ainsi : ains avint cela par un grand débat avenu entre ceux de Valois ( qui furent et sont roys de France) et ceux de Bourbon, pour ce que ledict Robert, premier duc de Bourbon, porta l’escu à trois fleurs de lis, comme fils du roy de France : et ceux de Valois disoyent qu'il devoit porter seulement semé, comme les autres vssus de la couronne, ou rompre l'escu, par telle manière que différence y fust, comme entre le roy et ses parens. Et à ceste cause, sans abandonner les trois flenrs de lis, il mit lcbatton de guculles en bande , que portent encores aujourd'huy les ducs et princes de Bourbon. Et certes, monsegneur, de ce costé de Bourbon vous estes noblement yssu,; et trouve que vos ancesseurs d’iceluy costé se sont tousjours hautement aliés par mariage. Le duc Pierre espousa Ysabel de Valois, sœur du roy Philippe de Valois, fille du comte Charles ; Louis , duc de Bourbon, eut à femme Anne, comtesse d’Armignac ; le duc Jehan eut Marie, fille du duc de Berry; le duc Charles de Bourbon espousa Anne de Bourgongne, fille du duc Jehan : et de toutes ces nobles lignées vous esles prochainement yssu.
