CHAPITRE VE
De madame Marie de lourgongne, fille du duc Charles et mère de l’archeduc Philippe d'Austriche ; el comment Maximilian, roy des KRommains, son mari, gouvcerna ses pais après la mort d'icelle.
Ainsi j'ai devisé des armes que portoil madame Ysabel de Bourbon, comtesse de Charolois, vostre grand-mère, et de celle maison ce que j’en ay peu apprendre et sçavoir ; et de ces deux comte et comtesse de Charolois (dont depuis iceluy comte Charles, par succession de son père, fut duc de Bourgongne, comme j'ay dit dessus }issit madame Marie de Bourgongne, leur seule fille et héritière : laquelle, après la mort de ce grand et redoulé duc son père, se trouva jeunc orpheline, chargée de
gucrres si dures et pesanltes et d’affaires et rebellions si largement, que le faix estoit mirable à porter, voire mesmes à un grand, puissant et valeureux prince : car le roy de France ne üint rien de la trève de neuf ans, faicte avecques le duc Charles; mais prestement , sous feinte de vouloir estre protecteur et garde des biens de ladicte Marie, sa parente ‘et filleule , sous umbre d'amitié et à main forte, il prit en sa main tous ics païs de Bourgongne, duché, comté, vicomté d'Aussonne, la sisneurie de Salins, les comtés de Masconnois, de £ harolois et d'Auxerrois, et les seigneuries de Novers et de Bar sur Seine, et mesmes la sisneurie de Chasteau Chinon, donnée par le duc Charles de Bourbon:, en mariage , à madame Ysabel de Bourbon, sa fille, lors qu'il la maria au comte de Charolois: et d'autre part il reprit toutes les Lerres engagées par le traitté d'Arras, comme Amiens, Sainct-Quentin, Abeville, la comté de Ponth'eu, la comté de Boulongne et la comté d'Artois, Péronne, Montdidier et Roye, et tant qu'il peust par puissance d'armes conquérir et avoir. Et ainsi celte grande et noble duchesse se trouva guerrovée par ce très grand et puissant roy de France : ct quand elle cuida avoir secours et aide de ses sugets de Brabant et de T'landres, chacune vile voulut avoir privilèges vieux et nouveaux. Et au lieu de guerroyer les ennemis de leur princesse, ils luy prirent ses ofliciers et serviteurs, et plusicurs en firent piteusement mourir : et par force curent d'elle pardon et privilèges tels qu'ils les voulurent avoir. Et ainsi fut celle duchesse gouvernée , que la
plus-part de ses parens et gouverneurs la vou-
lurent marier chacun à son plaisir : et principalement le roy de France luy vouloit donner son seul fils, monsieur le dauphin (qui de présent est roy de France). Mais il estoit sijeune d'age, estant la duchesse preste à marier, que le mariage n’estoit ny ne sembloit de raisonnable effect.
D'autre part, grans parlemens et traittés avoyent pieça esté (comme j'ay dit dessus ) entre vos deux grands-pères, l'empereur Frédéric et le duc Charles, du mariage et aliance de monsegnieur Maximilian,archeduc d’Austri- . Che, à présent ro des Romanains, el de mademoÿselle Marie de Bourgongne, l'un seul fils et
MEMOIRES D'OLIVIER DE LA MARCHE
l'autre seule fille, et dont les ages estoyÿent sorlissables et de bonne sorte : et auquel mariage madame Marguerile, sœur du roy d'Ancleterre, douagère de Bourgongne, tint fort la main : et furent les Estats depuis lous en ceste opinion, et principalement les Gandois. En ce temps envoya l'empereur ses ambassadeurs pardeça , pour iceluy mariage : auxquels fut faicte si bonne response , que l’archeduc vint pardesa : et y fut faict le mariage , et eurent trois enfans en moins de quatre ans: vous le premier, madame Marguerite vostre sœur, à présent royne de France, et après François, Monsieur , qui mourut enfant au bers. El depuis ne vescut guëres celle noble princesse vostre mère; et trépassa à Bruges d'une fièvre continue : et mourut princesse pleine de toutes Les bonnes vertus et gràces que dame peut avoir en ce monde.
EL pour faire apparoir quelles armes porta le duc Charles , il les porta telles que le duc Philippe son père: et ceste noble dame vostre mère porta les armes telles que les portent les ducs de Bourbon , et que je les ay blasonnées
.cy-dessus : et d’elle nous nous tairons à tant,
ct retournerons à parler de ce noble archeduc vostre père , et de ses grans affaires , et de ce qui luy est advenu pardeça jusques à présent.
Ce noble archeduc Maximilian d’Austriche vint pardeça , et fut envoyé par l’empereur son père non pas à grande puissance , pour faire la guerre, mais à noble compaignie, comme ailleurs sera déelairé, et comment les Estats de par deça mandèrent sa personne seulement, et l’envoyèrent querre en Austriche, et nommément les Gandois. Et n'avoit lors ce noble archeduc que dix-neuf ans d'age. Et fut le personnage si agréable à tous en géneralité , et estoit l’aliance et le traité du mariaze si avancé, que le jour qu'il arriva à Gand il fiança ladite princesse, et le lendemain il l'espousa : et furent les noces solennèlement faictes à Gand au mois d’aoust 1477. Et qui plus fort tint la main à cette aliance, ce fut madame Marguerite d'Angleterre , douagère ( comme il est dessus escrit ), en laquelle madicte damoiselle nostre princesse avoit singulière amour et fiance.
Ce jeune prince se trouva pardeça, pour ce
INTRODUCTION
commencement , en merveilleux temps et diverse saison ; car le roy de France avoit pris et saisi tous les païs qu'il peut avoir et prendre, comme il est dict dessus ; et desja s’estoyent tournés contre ceste maison plusieurs grans personnages et sugets , et des principaux , où la duchesse avoit fiance, et dont je parleray et déclaireray plus-à-plain en mon second volume. Et de ses grandes pertes j’ay desja aucunement parlé, en devisant les adversilés de madicle damoiselle nostre princesse, et de l'amoindrissement de ceste vostre maison: mais quand j’escriray d'elle d'oresen-avant, je ne parleray plus de nostre princesse en la nommant Madamoiselle : ains je la nommeray madame l’archeduchesse d’Austriche, comme c’est raison. Ce roy Louis continua la guerre de plus en plus : et se trouva le païs si divisé, que ce noble prince fut moult travaillé et occupé pour appaiser les viles et les peuples, esmeus à cause de leurs priviléges, qu'ils voulurent avoir renouvelés, et de nouveaux articles, et tout à leur avanage. Et d'autre part aucuns des grans seigneurs et personnages se trouvèrent en pique et en pointe les uns contre les autres: qui donna grand destourbier à la défense du païs et à l'exécution de la gucrre: et de tout ce mon second volume fera mention.
Toutcsfois ce jeune noble prince laboura tellement que, depuis sa venue de-pardeça, le roy de France fit petile conqueste. Ce noble prince releva l’ordre de la Toison-d'Or, à grande et noble cérémonie, et là fut faict chevalier pour ce faire ; et le troisième jour de sa chevalerie, pour gaigner ses esperons dorés, il se lira aux champs, pour ce que le roy de France avoit pris en Hainaut Ie Quesnoy, Bouchain, Condé, Avennes, Landrechies, et lechasteau de Bossut, et estoit entré, à grand'puissance , audit païs, ct en sa personne. Mais quand il sentit venir le duc d'Austriche, et qu'il fit camp ct tint les champs, il se retira, et fit brûler Condé, Lens en Artois, et mesmes Mortaignes, son propre héritage, et quist de parlementer. Et le duc gaigna Bossut, Sores, Trelon, et autres places ; et en ce temps messire Philippe de Crouy, comte de Chymav, premier chambelan de monsieur d’Austriche, parlementa d’une abstinence briève Et par ce
moyen le roy de France rendit le Quesnoy, et le remit ès mains du duc yostre père, qui tousjours marcha avant contre la vile et cité d’Arras, où s’estoit retiré le roy de France; et passa le duc le Pont-à-Vendin; et fit son camp pour présenter la bataille (car la trève estoit faillie); etestoit le duc fort accompaigné, et principalement de la commune de Flandres. Mais uné trève fut pratiquée, à la requeste du roy de France, qui dura un an; et pendant ce temps furent plusicurs parlemens tenus pour parvenir à la paix; mais nulle perfection de bien n’y peut estre trouvée. Et en ce temps, par la grâce de Dieu, vous fustes né et baptisé en vosire vilc de Bruges, à grande dévotion et solennité, et en vindrent les nouvelles à mondict seigneur vostre père, en son camp au Pont-à-Lesancx, la veille de sainct Jchan-Bapüste, l’an 1478, dont toute la compaignie cut moult grande joye, cttous vos bons subjects.
Et devez bien avoir le cueur et la volonté d’estre si bon, si loyal ct si juste prince, que vos subjets ne se repentent point de la licsse et plaisir de cueur qu’ils ont eu de vostre noble naissance. | Celle trève ne se parfournit point sans recommencer le débat, car le roy de France avoit baillé, par-ayant, une abstinence de guerre pour recucillir les blès en Hainaut et en Cambresis; mais quand il veit qu’on s’asseuroit en son asscurement, et que les moissonneurs, sous seureté de l’abstinence, faisoyent leur labeur, il les fit par un matin tous prendre, et amener prisonniers ès prochaines frontières du royaume; et en irèrent les gens-d’armes françois grand avoir. Et pareïllement, sus la fin de la trève d'un an, les garnisons françoiscs coururent, et les gens-d’armes de-pardeça se hastèrent de faire leur profit. Et fut celle trève rompue, d’une part et d'autre, assez plus tost qu'elle ne devoit; durant lequel temps fut tenue une journée à Cambray, qui ne fut qu'un abus faict par les François, et ne profila de rien à nostre prince. Mais, sous ombre de celle
trève, le roy de France reconquit plusieurs
viles et chasteaux en Bourgongne, qui estoyent retournés en leur nature, et au parti du roy vostre père, lors archeduc, et de madame vostre mère. Et, à la fin de celle trève, la cité de Cambray el le chastel d’icelle, mis ès mains
des François de ceux de nostre parti, fut si bien pratiqué, que les François furent mis dehors; et demoura ladicte cité et ledict chastel ès mains du roy vostre père, où fut prestement mise bonne et grosse garnison, qui moult alégea le païs de llainaut.
En ce temps, le roy vostre père fit en sa personne une chevauchée devant la cité de Fourpay, en laquelle avoit grosse garnison de François. Et combien que celle chevauchée fusl de petit profit, toutesfois le roy vostre père rebouta lourdement ladicte garnison, et à son grand honneur; et fut, à celuy voyage, bien accompaigné et obéï de la commune de Flandres. Et en ce temps mit ce noble archeduc vostre père le siège devant la cité de Térouenpe, et fort batit ladicte cité, et aprocha ; mais les François, conduits par le scigneur des Cordes, s’assemblèrent à grand nombre d'hommes d'armes ct d’archers des ordonnances, et aussi des francs-archers du royaume de France, et marcheérent pour lever ledict siège de Terouenne. L’archeduc leva son siège, et marcha audevant de ses ennemys courageusement ; et certes les Flamans le servirent à grand'puissance en iceluy voiage. Et furent ordonnés avec eux bien cinq cens nobles hommes à pié, qui tous ayoyent chacun un bras découvert ; et fut tenu, par les Flamans, bon et asseuré ordre et contenance celuy jour. Le choc de la bataille fut sur la bataille des gens-de-cheval que conduisoit ce noble archeduc, qui n’avoit que vingt ans d'age. Rompure y eut d’une part et d’autre; mais le champ demoura à vostre noble père. Et furent les francs-archers françois tués; et les gens-de-cheval se retirèrent; et furent leurs tentes et pavillons gaignés; et de leurs vivres soupèrent ceux de vostre part. Et si les Flamans (qui estoyent la plus grosse puissance) eussent obéi et tiré devant Térouenne, certes ils estoyent prests d'eux rendre; mais la commune (qui estoit près du païs) désira de retourner, et fut celle armée rompue pour celle fois. Et de ceste bataille gaignée par vostre père, je parleray plus-amplement en mon second volume. Et combien que le roy vostre père eust grand faix à porter en iceluy temps, par la guerre que luy faisoit ce puissant roy de France, toutesfois faisoit-il faire la guerre àl'encontre de ceux de Gueldres, qui se rebel-
MEMOIRES D'OLIVIER DE LA MARCHE
lèrent prestement après la mort du duc Charles: et à grands frais de deniers el à puissance d'armes remit le païs en son obéïssance.
Ce noble prince vosire père eut grande asseinblée de sa noblesse et de la commune de Flandres, et entra en Artois,etconquit Waurin, Malenvoy, et autres places; et fit icelles viles et chasteaux démolir et abatre, et exécution de ceux qui furent pris dedans ; et marcha devant Sainct-Pol, Ilesdin et autres viles, présentant Ja bataille en sa personne courageusement. Et si ne fust l'hiver qui approchoit, et les grandes pluyes qui survindrent (parquoy l’on ne pouvoil tenir les champs, mener l'artillerie, ne les gens-de-pié), certes il esloit apparent qu’il eust recouvyré grande partie de la comté d’Artois. Parquoy ce noble prince se retira en ses païs, par la nécessité du temps; et pour non perdre temps fit une chevauchée en la duché de Luxembourg, pour réduire aucuns subjets rebelles, et puis s’en retourna en son païs de Flandres. En ce temps fut vostre noble père conseillé de soy fier et gouverner par les membres de Flandres; et nommèrent de ceux de Gand ; qui fut si mauvais conseil, qu'ils’en repentit légèrement ; car la commune s’énorgueillit tellement qu’ils le voulurent tenir en tutèle, et s’élevèrent contre luy, et se mirent hors de son obéissance, dont il a eu moult à souffrir. Et, pour vous donner à entendre vérilé, j'escry cet acte, afin que vous preniez exemple de jamais ne donner authorité sur vous à ceux qui doyvent vivre et régner sous vostre main. Mais je conseille bien que vous leur devez demander conseil et aide, pour vos grandes affaires conduire et soustenir.
Ce bon prince, sous bon espoir et fiance qu'il deust avoir grande aide de pécune d'iceux, leur permit et souffrit rompre el refaire son eslat, oster, mettre et démettre les officiers domestiques de sa maison. Mais assez il congnut leur vindication et opinion; et toutesfois le bon prince en endura moult longuement, et tellement qu'ils gouvernèrent la plus-part de Flandres, par le nom des membres de Flandre, et se portèrent du roy de France, et tant luy compleurent qu'ils contraignirent leur prince à marier madame votre sœur à monsieur le dauphin, à present roy de France ; et luy donnèrent en mariage tant de belles parties et tant
INTRODUCTION
de grandes seigneuries qu’il sembloit mieux qu'ils vouloyent affoiblir leur prince que le faire puissant; ct si lost que feue de noble mémoire madame vostre mère fut trépassée, ils voulurent gouverner tous les païs à vous appartenans, sous tiltre et couleur d'aucuns privilèges qu'ils dient avoir; et se mirent hors de toute l’obéissance de vostre père, et refusèrent tous deniers, et rentes, et aides; el avoyent en leurs mains vostre noble personne, et, sous ombre de vous, faisoyent guerre à vostre noble père, et en vostre nom.
En ceste dissimulation de temps, eten ceste patience, dommageuse à ce noble prince vostre père et à vous, combien que ce fust lors un jeune prince qui voulontiers et moult bien joustoit et tournoyoit , et aimoit le déduit des chiens et d’oiscaux sur tous autres princes du monde, toutesfois 11 éloingna vertueusement toutes ces plaisances. El pour ce que ceux de la cité d’Utrecht, favorisés du duc de Clèves et du seigneur de Montfort, avoient déchassé et pris prisonnier messire David , bastard de Bourgongne, évesque d’Utrecht , pour y vouloir mettre et faire leur évesque du frère dudict duc de Clèves, ce noble prince vostre père, par l’aide des Cabillaux , Holandois, et d'autre noblesse de ses païs, mit le siége devant celle puissante cité; et tellement la pressa d'engins et de bature, qu’ils vindrent à par- . lementer pour eux rendre ; et leur faisoit ce bon prince utile et profitable traité. Mais le seigneur de Montfort (qui estoit parti hors de la cité avec le fils de Clèves, ostager, pour tenir le traité accordé d’une partet d’autre), sous ombre de faire passer aucuns points qui estoient en débat, retourna en la cité, et laissa le fils de Clèves ostager pour eux deux; et recommença la guerre comme devant, et tirèrent de leur artillerie les assiégés sur ceux du siège. Mais le noble archeduc vostre père ne fut guères de ce ébahi ; mais s’en revint en son siège, et fit ses aproches et balures plus fortes que devant, et bastit si fort un pan de muraille en peu de jours , que ceux de la cité se virent pris et perdus du premier assaut ; et furent tous joyeux de tenir le premier traicté, etse cendirent ; etentra ce noble archeduc en celle puissante cité d'Utrecht, par la muraille qu'il avoit abalue; et ainsi conquit vostre
père la cité d’Utrecht deux fois en un mesme temps et siége, pour les causes cy-dessus déclairées.
En ce temps mourut le roy Louys de France, et succéda à la couronne Charles, son seul fils, qui fut roy de France en bien jeune age. Mais les gouverneurs, qui avoient audivit du temps du roy Louys, ne moururent pas avec leur maistre ; ains demourèrent en gouvernement, et tindrent main que les ennemis du roi vostre père fussent entretenus el favorisés , pour tousjours affoibhir et diminuer vostre maison , et mesmement les Gandois et les Flamans rebelles, lesquels faisoient leur dongeon de vous, quiestiez à Gand, enfant, en leurs mains. Et quand votre noble père vit qu’il faloit mettre main à l’œuvre, et obvier à leurs cautèles et malices en sa personne, accompagné de plusieurs nobles hommes, par hardement et sage moyen, gaigna la ville de Tenremonde en plain jour, et la garda de pillage ct de meurtre moult débonnairement , et puis se retira en sa ville de Brucclles. Et assez tost après le comte de Rommont, accompaigné des Gandois et autres Flamans rebelles, se mit aux champs, et tira contre Brucelles; et à celle heure se trouva le roy vostre père petilemont accompagné , car tous ses gens-d’armes s’estoient retirés , les uns ès frontières et les autres en leurs maisons ; et cev ‘ de Brucelles ne faisoient pas grande faveur à vosire père. Toutesfois ilmanda secreltement ses amis, su gets et gens-d'armes de toutes parts, et en en peu de temps il fit armée pour combattre ses ennemis.
Mais quand le comte de Rommont sentit la venue de vostre noble père et l’approchement des gens-d'armes, il se relira, et sa puissance, contre Gand. Et avant que les Flamans fussent rentrés en leur ville, ce vaillant et courageux prince prit et conquesta sur eux la ville d’Audenarde , par subtil moyen qu’il conduisit en sa personne ; et en poursuivant son emprise, assez tost après, à deux mille combattans seulement, il entra en Flandres, et marcha jusques devant Bruges, cuidant y avoir entendement et entrée. Et se présenta devant les portes pour y vouloir entrer amiablement'; ce que plusieurs bons et notables bourgeois eussent bien voulu; mais les masi estoient
les plus puissans, ef ne souffrirent l’ouverture, mais luy refusèrent ; et dirent qu'ils estoient à vous, ct ne connoissoient autre prince. El ainsi retourna vostre père, par Hainaut, en Brabant; et ceux de Bruges, contiauans leur obslination, firent mourir et décapiter tous ceux qu'ils pensèrent ou cuidèrent estre bons du parti de vostre noble père, et qu'ils peurent trouver et prendre ; ce qui vous sera déclairé plus amplement en mon second volume, comme c’est raison; car je procède seulement en brief, pour monstrer par ce présent escript les grands: affaires portés ct soustenus par vosire noble père, comme j’ay fait de ses ancesseurs , et mesmement des ducs de Bourgongne.
Moult souffrit et endura ce noble prince de vos sugets, sous ombre de vous, qui esliezen leurs mains et pouvoir en la ville de Gand.
Et les gouverneurs de l'rance entretenoient le jeune roy françois en la haine de ceste maison; et feignans de vouloir apaiser le différend d’entre le roy vostre père et ses rebelles sugels, envoyèrent notables ambassades, qui rien ne profitérent; et furent plusieurs journées tenues sans fruict et sans exploit. Et s'en retournèrent lesdicts ambassadeurs en France ; et tousjours de plus en plus furent lesdicts rebelles favorisès par les François. Mais ce noble et vertueux prince demoura en force de courage; et pour ce que Ice comte de Rommont avoil marché près d’Audenarde, accompaigné des Flamans et des François, qui vindrent recevoir soulde des Flamans , vostre père assembla gens, et vint entrer en Audenarde. Et pour ce que le seigneur des Cordes, à grosse compaignie de François, estoit entré en Flandres pour ayder les rebelles, cestuy vostre père se travailla, à son pouvoir, de le rencontrer et combatre , et pareillement le comte de Rommont et sa puissance. Mais trouver ne peut ne l’un ne l’autre; car ledict comte de Rommont se tenoit clos en un fort avantageux lieu; et le seigneur des Cordes entra, et sa compaignie, en la ville de Gand. Parquoy ne se purent trouver en bataille n’en licu convenable ; ct toutesfois le quist vostre père jusques devant les portes de Gand. Et si fit emprise vostre père, en sa personne , pour prendre la ville de Gand, moitié d'assaut. moitié
MÉMOIRES D'OLIVIER DE LA MARCHE
d'emblée. Et s'il eust esté servy de chacun comme d’aucuns, il en eust essayé la fortune, qui estoit chose conduisable,
Or ay-je dit comment fut pour celle fois démenée et conduite celle guerre: et se peut-on merveiller comment ces deux grosses bandes
de François et de Flamans, et l’armée et puis-
sance de vostre père , pleine de noblesse et de bons gens-d’armes, se peurent départir sans eux lourdement rencontrer, etsans la bataille: veu que chacun parti fut puissant assez pour combatre. Monscigneur, il est bon que vous entendiez comme Dieu meine et conduit les grandes choses et petites à son plaisir, afin de prendre toujours , et en tous faicts , recours, espoir, et confort en luy, qui jamais ne laisse les bons sans ressourse ne les mauvais sans punilion, en ce monde ou en l'autre. Il advint qu'aucuns Flamans, de la compaignie du scigneur de Rachenghyen, vindrent courre devant Audenarde , cuidans estre soutenus par les François qu esloyent en leur compaignie , au fort que tenoit le comte de Rommont en la voye de Hainaut. Les gens de vostre père saillirent d’Audenarde sur iceux Flamans, et en luèrent et en prirent assez largement. Et pour ce que lesdicts François les secoururent trop tard, le murmure se leva par le peuple de Flamans : et disoyent que les François les trahissoyent ; et falut les François partir de la compaignie des Flamans, et les Flamans se reürèrent par-devers Gand. Etquand le seigneur des Cordes ( qui avoit la grosse bande des François) seut ct entendit que les Flamans prenoyent débat aux François, il ne s’osa plus fier au peuple de Gand n’au païs : et s’en retourna , par le Tournaisis, au païs d'Artois, sans autre exploit faire. Et pareillement Île roy vostre père r'envoya grande partie de ses gens-d'armes aux frontières nécessaires : et se parlit avec un nombre de gens-depié, Alemans et autres, ettraversa entre Gand, Bruges et L’Escluse, et pilla tout le païs de Vauz et des Quatre-Mestiers : et fit emmener vaches, chevaux et bagues, en grand nombre, en la ville d'Anvers, où il départit le butin, et delà tiracn Hollande et Zelande : et en sa personne se mit en mer à plusicurs gens-d'armes; et ne laissa, pour le rude temps de lamer, ne pour doute de la fortune, qu'il ne visitast
INTRODUCTION
ses ennemys, et fit descente sur eux en plusieurs lieux, l’une fois du costé d'Ostende, ’autre devant Brevilliet, et en plusieurs autres lieux : qui moult travailla et ébahit les rebelles, et ses ennemys. Et advint qu’er ce temps fut prise la ville de Grammont, où fut faicte bonne exécution de François ct de Flamans : et telles pertes sus perles reçues par Flamans rebelles, changèrent beaucoup de courages , les uns, et le plus, par crainte, et les autres, par ce qu'ils estoyent bons et par craincle, vivoyent avecques les mauvais.
Si commencèrent à murmurer à Bruges et à Gand; et disoyent , par plusieurs opinions, et principalement 4 Gand : que les François n’estoyent paint venus pour faire la gucrre pour eux. Et bien y paroissoit: car ils s’en esloyent retournés sans faire nul exploit, mais estoyent venus sculement pour cuider avoir etemmener leur jeune prince, s'ils eussent peu : et en demandoyent au seigneur de Racenghyen, à Guillaume Rin, à Coppenole, et à quelques autres, qui les avoyent fait venir de France. Et de ce murmure s’élevèrent contre les gouverneurs :
et fut pris le seigneur de Racenghyen par les uns, et mis hors de prison par les autres.
Guillaume Rin et Daniel Outredem, premier eschevin, furent décapitès : et Coppenole et autres s’enfuirent, les uns à Tournay, les autres en France, où ils furent recueillis. Pareillement les notables de Bruges mirent le comte de Nassau et le seigneur de Bevres à Bruges : et fut le seigneur de La Gruthuse pris, du consentement de ceux de Bruges. Et fut la loy renouyelee à Gand et à Bruges, de par le roy vostre père : et furent, en toutes les deux villes, les bons maistres; et s’y faisoyent tous exploits de justice de par vostre père et de par vous. Et se tira le roy vostre père en sa ville de Bruges, aussi paisiblement qu’il y avoit jamais esté : et fit faire justice, et décapiter plusieurs rebelles. et mit officiers nouveaux à son vouloir. Et fut pratiqué légèrement que le roy vostre père, nostre sire , entreroit en sa ville de Gand fort et foible, et que là vous luy seriez remis en ses mains par monsieur Adolf de Clèves, seigneur de Ravastain, qui lors vous avoit en gouvernement. Ce qui fut faict et exécuté à la grand'joye de vos loyaux sugets, et au grand déplaisir de vos ennemys et re-
belles : et en mon second volume je déclareray le jour et la manière de l'entrée (qui fut 4 l'honneur de vostre bon père et de ceste maison grandement), et déclaireray comment et par qui ces choses ont esté faictes et executées, et ceste guerre, pour ceste fois, menée à fin : car en ceste partie je ne veuil parler n’escrire, si non en brief, des grandes choses advenues à cestuy noble prince vostre père, comme j’ay dit et parlé par abrégé de vos autres nobles ancesseurs, selon que dessus peut cstre dict et escript.
Ainsi donques, cesluy vostre noble père entra en sa ville de Gand, à telle puissance qu'il luy pleut d'y mener : et audevant de luy, une grande licue,luy fustes amené à cheval par le scigneur de Ravyastain, et autre grand nombre de gens; qui fut une joye si piteuse, que chacun pleuroit, de la licsse qu'ils avoyent de vous veoir en la puissance de vostre père, et à son commandement; et que Dieu permit à la raison que de vous deux (qui n’est qu'une chair et un sang) fust et demourast un pouvoir, luy comme père, et en vous comme fils, et venu de luy et de son essence. Si fustes ct estiez séparés, par rebelles sugets, d’unie puissance : et, contre vostre voulonté, fustes tenu séparé de vostre père, el hors, par puissance violente, de la mainbournie et tutèle que père doit avoir de son enfant, par tout droit et bonne coustume. Laquelle chose fut remise en son droit : et fustes remis ès mains de vostre bon père, et en son aulorité, pouvoir et obévssance. Et puis la bienvenue de vous deux faicte, marcha vostre noble père, et vous à son senestre costé , en la ville de Gand: et cntrèrent premiers à piè , la pique sur le col, monsieur de Gucldres, monsieur Philippe de Clèves, messire Inglebert, comte de Nassau, et plusieurs autres, comtes, barons, chevaliers et escuycrs, que je nommeray plus amplement ailleurs, avec grande foison d’Allemans et autres, pour accompaigner le roy vostre noble
: pére et vous, comme je diray ailleurs, quand
temps et lieu sera. Et après iceux gens-de-pié marcha le roy vostre père, et vous auprès de luy, et toute la seigneurie, et les gens-d'armes à cheval : et fut vostre père maistre et scigncur de la ville de Gand à celle fois, pour en faire à son bon plaisir et vouloir; et alla loger en son
hostel à Gand, ct vous avec luy : et furent les gens-d’armes, tant de pié que de cheval}, logés par la vile, en plusieursrues et maisons : et fut celle journée toute paisible, sans nulle apparence de nulle mutation
Mais quand vint sur le soir, et que ceux de Gand se virent logés avec gens estranges en leurs maisons, contre leur gré ils coururent au marché , et s’assemblérent le plus qu'ils peurent : et le roy vostre père fit mettre gensd'armes au-devant d'eux, pour sçavoir qu'ils vouloyent faire : et furent toute la nuict sus bout, et ceux de Gand, el ceux de nostre parti, combien que les Gandois estoyent merveilleusement effrayés, et ne sçavoient où bien estre, et vouloyent aucuns des seigneurs ct des capitaines que sur le poinct du jour l’on leur courust sus, et que jamais à plus juste tiltre n’à plus grande puissance ne pourroit Gand estre subjuguëe. Mais autres des seigneurs et des capitaines estoyent pour ceux de Gand:
et mesmement vostre noble père avoit ce regard, qu’il estoit entré par amitié en la vile, et que, pour la folie d’aucuns mauvais garsons, si puissante vile fust destruite. Et toulesfois marcha le duc sur le marché au Poisson, et jusques au devant de l’hostel de la vile : car les scigneurs de la vile estoyent bons pour luy; et n’est point à douter que ce populaire, malconduit, sans sens et raison, esloit défaict et tout mort, si ce bon prince vostre père leur eust couru sus : car il estoit fort accompaigné d'Alemans et de Wallons, nobles et autres, tous en bonne voulonté de faire telle exécution. Mais le roy vostre père leur manda que, s'ils se vouloyent retirer en leurs maisons, il feisit retirer ses gens-d’armes , sans leur porter autre dommage. Ce peuple promit d’ainsi le faire, mais is n’en firent rien. Et dura tout le jour et toute la nuict, que furent sur bout et en armes; et le comte de Nassau, et autres nobles hommes en sa compaignie, soustindrent toute la nuict toute la puissance d’iceux Gandois, afin qu'ils ne venissent surprendre la compaignie de Monseigneur.
Mais iceux Gandois estoyent si-effrayés, qu'ils abandonnèrent le grand marché ; et se boutèrent au petit marché ( qui est entre le chasteau et Saincte-Verle ); et sur le jour fust pratiqué que le roy vostre noble père les lai-
roit retourner paisiblement en leurs maisons, Ce qui fust faict : et ce mesme jour le roy, acompaigné de ses gens, vous emmeéna hors de la vile de Gand : et là vous pristes congé de luy, et en la conduite de monsieur de Ravaistain fustes menë à Tenremonde, où vous demourastes certains jours. Et le roy retourna à Gand, où il fust paisiblement receu, et y fit faire justice de ceux qui avoyent emeu ceste assemblée , et mis en danger la puissante vile de Gand d'’estre destruile ; et mesmement leur cassa et rompit plusieurs privilèges; et luy pria le peuple mercy : et mit en police et enloy, en paix et union, la vile de Gand, et puis s’en revint à Brucelles, là où il avoit ordonné de vous mener. Et à tant je fay fin et conclusion de la manière comme vous fustes tiré hors de la main des Gandois par vostre noble pére.
Ces choses ainsi advenues, les Liégeois 86 mirent contre leur évesque : et avoient à capitaine, sous messire Robert de la Marche, un nommé Guy de Camp, et un autre nommé Rocca. Ces deux avoyent si grande puissance en la cité du Liége, qu'ils voulurent entreprendre de livrer la cité ès mains de vostre noble père, par condition qu'ils s’en feroyent maistres ct seigneurs, en déboutant leur évesque du Liége. Mais ce noble archeduc vostre père ( qui encores n’estoit pas roy des Rommains) se monstra si bon et si loyal à l’évesque du Liége, que jamais il ne le voulut souffrir n’entreprendre, mais le refusa plainement,
Et en ce temps les électeurs et princes d’Ale-
maigne mandèrent ce noble archeduc vostre père : el, deuement informés des nobles meurs, vertus et vaillances de sa noble personne, en la présence et du consentement de l'empereur Frédéric, son pèreet vostre grand-père, il fust esleu roy des Rommains, par la clémence de Dieu. Et n’est pas venu à ceste dignité par estre tiran, par force ne violence, mais par vraye eslection, digne, saincte et canonique, et par raport, de vive voix, des grandes vertus qui sont en sa noble personne.
Mon souverain seigneur, ce vous est miroir et exemple de bien vivre, de bien régner, et d’estre royal en vos faicts : car Dieu, le pardessus de toutes choses, guerdonne les bons, et leur rend le mérite de leurs bonnes œuvres,
INTRODUCTION
Et ainsi, monscigneur, je vous ay monstré, selon que je l'ay peu comprendre, comme les princes qui ont régné en cesle maison, vos ancesseurs, et dont vous estes issu, se sont conduits etgouvernés, lesnoms et les causes qui leur ont esté donnés : et me tairay, en ce présent escript du surplus des hauts-faicts du roy des Rommains, vostre noble père : et metray ces faicls par escript, plus au long, en mon second volume : et le nommeray d’ores-en-ayant roy, et, à nom donné, Maximilian Cueur-d’Acier. Etme suffit, par ce présent escript, que je l’aye mené jusques à estre roy des Rommains, et par la clémence de Dieu, héritier de l'Empire, sans contredire. Et porta le roy des Rommains comme roy, l'aigle de sable à une teste; et, comme empereur, l’aigle impérial à deux testes : et madame vostre mère, sa compaigne, porta les armes de Bourgongne comme héritière, et comme faisoit le duc Charles son père.
Or, monseigneur, mon prince et mon maistre, pour meltre conclusion à cest escript précédant mes Mémoires, je vous en fay humble présent : mais il est besoing, en ceste conclusion, que je tienne l’ancienne règle et coustume qu'ont tenu les saincts docteurs en leurs espitres : comme sainct Augustin, sainct Hiérosme , sainct Pol, sainct Tomas d’Aquin, Bonaventure, et plusieurs autres notables docteurs qui tousjours ont fini et conclu leurs livres el épistres en doctrines et vrais exemples, pour tenir leurs disciples, et ceux à qui ils ont adrecé leurs escritures, en la crainte de Dieu singulièrement : car crainte et amour ne sont pas loin de la condition l’un de l’autre. Pour ce doncques que je désire que ces deux poincts, d'amour et de crainte de Dieu, vous demourent en l'entendement et en ferme propos, je vous donneray aucuns exemples de princes plus grands de vous, pareils de vous, et moindres de vous, à qui la fortune n’a pas laissé, pour noblesse de sang, pour grandeur de lignage, ne pour puissance terrienne, que, sous la permission divine, ils n’ayent esté flagelés et batus de diverses maladies, et bien souvent plus grandes, plus horribles et plus abhominables que n’ont les laboureurs et pauvres gens champestres, qui vivent misérablement, au contraire de vous messieurs les princes, qui vivez délicieusement. Et ne vous
peut l’on assouvir de bons vins et délicieuses viandes; et dont bien souvent il advient que les corps, par trop de réplétion, tombent en inconvénient, ou de langueur, ou d'abrègement de vie Et commencerons nos exemples el remonstrances, et entrerons au faict de la bible, et dirons de Saül, premier roy d'Israël, lequel fut en ses plus beaux jours, et jusques à sa mort, travaillé et passionné du mal caduc; Hercules le Grand fut paretllement passionné dudict mal caduc, comme l'aprouve Aristote en ses problèmes; Philote, grand prince et page dudict Hercules, en maniant une des fléches de son maistre (laquelle estoit envenimée du venin d'un serpent merveilleux que ledict Hercules avoit tué, et laquelle flèche tomba sur le pié dudict Philote), en demoura boiteux et affolé, sans trouver guarison : et combien qu’il fust prince valcureux et de grand courage, il vescut le demourant de ses jours en douleur intolérable. Sertorius, le grand capitaine des Espaignes ( qui longuement mena la guerre contre Pompée le Grand), Philippe de Macédoine, père du grand Alexandre, Annibal de Cartage , prince si renommé : ces trois capitaines, les plus grands dont il soit mémoire, ont tous trois perdu chacun un œil.
de blesseure ou autrement. Anthiochus roy de Sirie, puissant, courageux et renommé, fut mangé de vers en sa pleine vie, sans que médecins n’art de médecine y peussent jamais remédier, pour trésor ne avoir. Lucrus Sylla un grand dictateur entre les Rommains, fust mangé do poux, à grand honte et détresse, et sans ce que sens d'homme y peust jamais pourvoir, comme tesmoigne Pline. Julius César, si renominé, fust travaillé du mal caduc, comme tesmoignent plusieurs anciens médecins.
Octavien Auguste, à quiDieu donna si grande prospérité que la monarchie du monde fust toulc en paix et sans guerre de son temps, et sous son règne d'empereur nasquit Nostre Seigneur Jésus-Christ, fust travaillé de gravelle, el d’autres dangereuses maladies, toute sa vie. L’empcreur Caligula, moult renommé prince, fust tourmenté par poison que sa femme luy donna, cuidant estre de luy mieux aimée :
dont il mourust forsené, et hors du sens. Constantin , fils de saincte Helaine, empereur, et si dévot qu'il n’est pas trouvé que jamais hom-
me fist tant de bien à l'Eglise comme il fit, fust lépreux jusques à sa mort : et en celle piteuse maladie le garda et nourrit la bonne dame sa mère, tant qu’elle vescut. Sigismond, duc d’Austriche, mourut paralitique. Le duc Louis de Bourbon fut impotent de goutes.
Charles, roy de France, sixième de ce nom, fust furieux et forsené. Le roy Louis, fils de son fils, si sage et si sublif, et tant puissant, et qui achetoit la grâce de Dieu et de la vierge Marie à plus grands deniers qu’oncques ne fit roy, fut tourmenté, jusques à sa mort, de plusieurs diverses et piteuses maladies.
Edouard, prince de Galles, mourut idropique ; Henry Derby, roy d'Angleterre, ladre, de terrible et infecte ladrerie. Henry le Quint, fust malade d’alopisie, qui est ladrerie au cueur et à la teste. Quant à Frédéric, ce noble empereur vosire grand-père (qui fust si grand qu'il régna toute sa vie sans estre décliné de son impériale puissance), par un feu qui luy prit en la jambe, il luy convint la jambe couper : dont 1] mourut en la fin de l'an. Le roy Char-
les, huictième de ce nom , en ses plus beaux |
MEMOIRES D'OLIVIER DE LA MARCHE
jours, ayant fait grandes conquestes : et en brief terme, mourut soudainement et, en peu d'heures, comme eust fait le moindre berger ou porcher de son royaume. Mon souverain seigneur, VOUS voyez par exemples vrais, vieux et nouveaux, tant de plus grands de vous que de moyens et de semblables, que pour leur noble sang, lignage et pouvoir, Dieu n’a fait compte de dissimuler avecques eux, comme il ne fera avecques vous. Porquoy ii est nécessilé, pour eschever tels inconvéniens , de recourir à sa bonne grâce, par le mérile de Jésus-Christ son fils, auquel je prie et réquier dévotement qu’il vous préserve de tous inconvéniens, et vous doint grâce de vivre et de prospérer en ce monde, à la louange de Dieu, au salut de vostre ame, et à la prospérité de vos païs et seigncuries. Et ainsi finist Le présent escript, pour Introduction de la lecture des Mémoires de La Marche, dont il vous faict humble présent, se recommandant à vostre noble grâce.
