LL
lie en grand regret el à peu de plaisance, toutesfois menant moult belle et honneste vie de sa personne : et, en lieu des pompes et grandes chères passées, il prit le ply et la dévotion de mener vie contemplative et très dévole. En celuy temps régnoit une moult saincte et dévote femme , religieuse de saincle Claire, au païs de Bourgongne, nommée sœur Colelte. Celle femme alloit par toute la chrétienté, menant moult saincte vie, et édifiant maisons et églises de la religion sainct François et de saincte Claire : et ay esté acertené que par son pourchas et par sa peine elle avoit édifié de son temps trois cens quatre-vingt églises de femmes, encloses et enfermées : dont il advint que celle sœur Colette fut advertie du cas du roy Jaques, ou par la voulonté de Dieu, ou par raport, ou autrement : et pourtant se trouva devers luy, et tant luy monstra des variances du monde, et des tours el retours de fortune, ensemble de la brièveté de ceste mortelle vie, qu'il prit confort en son adversité, advis sur les dangers à venir, et résolution d'attendre la mort asseurée, au chemin et en la voye de religicuse pénitence : et se délibéra de prendre l'habit de sainct François, et de se reñdre en l’observance en la tierce ordre (car encores vivoit la royne sa femme). Et choisit le licu de sa demoure à Besançon, en la comté de Bourgongne,; ce qu'il fit et exécuta : et de présent je me tay de parler et d’escrire de tels commencemens par moyens non veus, pour deviser ce j'ay veu de ceste matière, et comment ne par quelle manière il entra au licu de Ponlarlié, où je fu présent.
Comme dessus est dit, le roy Jaques de Naples se tira des Italies au païs de Bourgongne, au lieu de Besançon : il me sovient que les gens-d’Eglise de la ville de Pontarlié, ensemble les nobles, les bourgeois et marchans, firent une congrégation et une assemblée par pro cession, pour aller au-devant du roy Jaques qui venoit en ladicte ville. Et y mena le maistre de l’escole ses escoliers, duquel nombre j'estoye. Et ay bien mémoire que le roy se faisoit porter, par hommes, en une civière telle, sans autre différent, que les civières en quoy l'on porte les fiens et les ordures communément : et estoit le roy demycouché, deipx-levé, et appuyé à l'encontre
MÉMOIRES D'OLIVIER DE LA MARCHE
d'un pauvre méchant dérompu oreiller de plume. flavoit vestu, pour toute parure, une longue robe d’un gris de très-petit pris, et estoit ceint d'une corde nouée, à façon de cordelier : et en son chef avoit un gros blanc bonnet (que l’on appelle une cale) noué par-dessous le menton ; et de sa personne il estoit grand chevalier, moult beau, et moult bien formé de tous membres. Il avoit le visage blond et agréable, et portoil une chère joyeuse en sa recuecillette vers chacun; et pouvoit avoir environ quarante ans d'age. Et après luy venoyent quatre cordeliers de l'observance, que l’on disait moult grans clercs et de saincte vie; et après iceux, un peu sur le loing, venoil son estat, où il pouvoit avoir deux cens chevaux : dont il y avoit lilière, chariot couvert, haquenées, mules et mulets, dorés et enharnachés honnorablement.
Il avoit sommicrs couverts de ses armes, et nobles hommes et serviteurs très-bien vestus et en bon poinct; et en celle pompe humble, et dévote ordonnance, entra le roy Jaques en la vile de Pontarlié, Et ouy raconster et dire qu'en toutes viles où 1l venoit il faisoit sem- Elables entrées par humilité. Et en cest estat fut conduit en son logis, et de là tira à Besançon, où je le veis depuis cordelier rendu, et voué en la religion (car sa femme estoit trépassée). Et fut la venue du roy Jaques en Bourgongne, environ la Magdaleine 1435. Et combien qu’en ce jeune age où j'esloye je feisse de ceste chose plus tost une grande merveille qu'une grande estime, certes depuis, en croissement de jours et d'age, à remémorer ceste matiére, j'en fay et exlime et merveille, Quant à la merveille, ne fait-il p2s à émervuiller de veoir un roy, né et yssu de royal sang, fugitif de son royaume, ct 1ssant freschement de la prison de sa femme, et de la servitude celle qui, par raison du sermont de mariage, luy devoit estre subjelte ?
Teuchant l'estime, quand depuis j’ay pensé et mis devant mes yeux l'autorité royale, les pompes seigneurieuses, les délices et aises corporèles et mondaines, lesquelles en st peu de temps furent par cestuy roy mises en oubli et nonchaloir, certes, selon mon petit sens, . j'en fay une estime pleine de merveille. Et à (ant me tay, et fay fin à ma première avenlure.
