CHAPITRE IL

Briève narration de la mort du duc Jehan de Bourgongne; et des guerres continuées à cette occasion jusques à la paix d'Arras, faicte entre le roy Charles septiesme et le bon duc Philippe de Bourgongne.

En celle mesme saison et année, j’ay souvenance que je vey venir audict lieu de Pontarlié un héraut à qui l’on fit moult grande feste et moult grande chère; car 1l avoit aporté cause de joye, de repos et de soulas. Celuy héraut se nommoit Franche-Comté, et aporta les nouvelles de la paix faicte à Arras en Artois entre le roy Charles, le septiesme de ce nom, roy de France, et le bon duc Philippe de Bourgongne , dessusdict. Pour celle paix et pour celle joye se feirent les feux, les danses, les caroles parmy la vile ; et par les églises l’on chantoit Te Deumn laudamus, et rendoit-on grâces à Dicu de telle bonne œuvre. Et me sera force de mettre par esvript aucune chose hors de ce que je vey, et de deviser d’où ne par quelle raison meut la guerre dont fut faicte la paix pour quoy je vey lesdicts feux, et dont j'escry présentement.

Si ce ne fust pour aquiter el parfaire ce que j'ay mis ayant au prologue de ces Mémoires, il ne fust ja besoing de travailler ma personne, ne de tanner ou ennuyer tant des lisans comme des escoutans en ceste matière; car je sçay bien que toutes les escriptures sont pleines et remplies, et les royaumes loinglains et voisins tous apris et acertenés, de ce que de présent me faut escrire et mettre avant, et dont je me passeray le plus brief qu’il me sera possible; c'est de la mort du très-preux, hardi et vaillant prince le duc Jean de Bourgongne, occis et meurdry, par ennemis réconciliés, au lieu de Montereau, en la présence et sous le pouvoir de monsieur Charles de France, dauphin de Viennois, et dont tant de maux, tant de misères, de pauvyretés, de meurdres, d’efforcemens, d’extorsions et de griefs sont advenus au royaume de France , qu’un million d’hommes en sont morts , deux millions de mesnages perdus , et tant de terres demourées sans fruit et sans labeur, qu'elles, assemblées, suffiroyent pour faire un bon royaume de grand et ferbl revenu : et (qui pisest ) celle doulente et douloureuse playÿe ne se peut cu ne se sçait guérir, qu’elle ne soit, d’an à autre et de saison

en Saison , renouvelée et mise à sang frais par les courages d’un chacun part, enflés, dépilès et non saoulés de vengeance el d’estrif : où je ne voy nyne congnoy aucun remède , apaisement ne guérison aucune, fors de supplier le pardonneur de nos mesfails qu'il veuille, par sa bénigne grâce et espéciale miséricorde, mettre par divine inspiration, de chacune part, en oubliance et en nonchaloir l’œuvre commie par violente et cruelle main, et au contemps d'honneur et de justice.

Puis-que vérité me contraint doncques, en mon acquit , de déclairer le procédement de ceste guerre, je m'en acquitteray au moins malet le plus brief que je le pourray mettre. Et fut vray que, l’an 1419, fut une journée prise, sous ombre de rapaissement des princes et du royaume de France, au lieu de Montereau ; et se devoit icelle journée tenir devant la personne de monsieur Charles de France , dauphin de Viennois( lequel pouvoit avoir quatorze ans d’age). Et à celle journée viut le duc Jehan de Bourgongne dessusdict , zrandement accompaigné : et l’avoit à conduire de ses païs messire Tanneguy Du Chastel, uu moult renommé chevalier nalif de Brelaigue-Bretonnant, lequel avoit grande autorié devers ie dauphin : et acertenoit ledict Tanneguy grandement le duc Jehan de grand recueil et de grand amour trouver envers ledict dauphin ; et luy fil le duc Jehan de grans dons et de grans biens. Et, la jour de l’assemblée, le duc Jehan passa le pont de Montereau à peu de ses serviteurs , et laissa hors de la vile toute sa compaignie, mit pié à terre, et trouva le dauphin à la porte du chastel, accompaigné dudict Tanneguy , de messire Guillaume Batailler, et autres ennemis dudict duc, à l’occasion de la mort du duc d'Orléans, à qui ils furent serviteurs , et la mort duquel ledict duc Jehan avoua à Paris. devant les plus prochains de son lignage. |

Or advint (fust par machinalion, délibération, ou autrement) qu’en la présence dudict dauphin, luy estant à genoux devant l'héritier de France, en faisant son devoir, les dessus dicts le meurdrirent de haches et d’espées, dont grand'charge d’honneur demoura audict

| Tanneguy toule sa vie, combien que, par plu- ‘ sieurs fois et par plusieurs moyens, se voulust

So Le

excuser. Là fut la pitié et la perte grande, et le désarroy merveilleux ; et sur le corps dudict duc de Bourgongne fut occis un chevalier de son hostel, gascon, frère germain du comte de Foix, nommé le seigneur de Noveilles ; et pris le seigneur de Sainct-Georges le Sage, dessus-nominé, et autres notables gens, bien désolés et déconfortés.

Toute son armée se dérommpitels’égara, chacun lirant et alant, sans ordre ne mesure, là où Dieu le conseilla. Et de celle mort l'on parle encores diversement, touchant le consentement du dauphin dessusdict; car aucuns disent qu’il avoit consenti et sceu la conspiration du meurdre, et autres disent qu’à l'occasion du raport que l’on luy avoit faict de certaines aliances que l'on disoit avoir esté faites entre ledict duc et les Anglois, ledict dauphin avoit consenti que ledict duc Jehan fust pris, et constitué prisonnier; et qu’à l’occasion de sa jeunesse il ne peut estre maistre de ceux qui avoyent gouvernement à l'entour de luy ; parquoy l’homicide fut faict en sa présence, sous la couleur de ladicte prise.

Or est bien besoing que je recorde, en brief, les grands faicts que madame Fortune souffrit retourner de sa roue, par la mort accidentale de cestuy noble prince. Ce fut cesluy qui en ses jeunes jours osa personnellement emprendre et faire le voyage, pour la querele de la foy chrestienne, à l'encontre du très-puissant et redouté Turc nommé l’Amoratbay, qui par sa

force el prouesse marchoit au royaume de.

Hongrie. Et combien que la fortune tournast contre luy, ce ne fut par faute d’'emprendre ne de faire. Et osa accomplir en sa personne ce que tant de princes abayent el menacent, ct dont les uns demourent en négligence de la foy, pour lèurs aises et délices mondains, et autres pour leurs aguets diaboliques, quérans les pertuis et les voyes pour surprendre leurs voisins à la démarche, pour les destruire et gréver souvent de leurs vindicalions, en oubhiant Dicu et son sainct service; et autres (si je l'asoye dire) valent mieux, et sont plus idoines à menacer les ennemys sous la chaude cheminée, et en leurs chambres et sales dorées et peintes d'oysivelés, qu’ils ue sont bons, diguss n’idoines pour augmenter la foy, croistre leurs noms, ne sauver leurs âmes.

MÉMOIRES D'OLIVIER DE LA MARCHE