CES
Mais, pour revenir aux faicts de ce noble duc, tantost après son retour de la prison du Turc dessusdict, il prit la querèle du frère de sa femme (qui fut de Bavière), livra la bataille à l'encontre des Liégeois (qui se trouvèrent en nombre infini, avec leur éleu de Peruez), les déconfit, et en occit pour un jour plus de quinze mille, et mit le païs en totale sugeltion. l'iercement , il s’accompaigna d’environ six mille chevaux, vint à J’Arbre-Sec devant Paris, entra en la cité, et prit le gouvernement du roy et du royaume, qui que le voulsist ou non. Quartement (ce que j'appelle plus grande chose que grand bien), il fit tuer le duc Louis d'Orléans, frère du roy, en la maistresse cité du royaume (c’est Paris), l’advoua en plain conseil (comme est dict dessus), et se partit de Paris sans autre détourbier. Il soustint le siège d'Arras, où fut le roy de France en personne contre luy. Il assiégea le roy de France en la cité de Bourges en Berry : et pour le dernier de ses faicts, cuidant faire le profit, le bien et l'utilité du royaume de France, bien adverty des haines et rancunes que luy portoit monsieur le dauphin et ceux qui le gouvernoyent, en intention qu’il n’eust la note et le reproche qu'à luy eust tenu le rapaisement du royaume, il osa venir à sa mort; et mourut Ja dague au poing, et l’un des hardis chevahiers qui onques issit du sang ne la lignée de France. Si prie à Nostre Sauveur Jésus-Christ qu'il en veuille avoir l’âme.
De ceste mort fut le deuil, le pleur et le cry si grand et si uni, par Bourgongne , Flandres et Artois, que c'estoil pitié ct douleur de l’ouir et sçavoir : et principalement en voyant madame Marguerite de Bavière, duchesse de Bourgongne, sa femme, et monsicur le duc Philippe, son seul fils et hérilier, qui pouvoit avoir environ vingt-deux ons d'age. Et pour lors sentit ces dures nouvelles si asprement, et par telle empreinte au cueur et aux entrailles, qu’il en cuida soudainement mourir. Et toutesfois il prit cueur de prince chevaleureux, et exercice de chevalier de vertu. Et incontinent manda les estats de ses païs, qui tous avecques luy queroyent et demandoyent vengence de cesle offense ct outrage désordonnée. Si trouva en conseil de prendre alliances et aunués de toutes pars, et quérir l’aide ct
assistance de lous voisins, et où il en pouvoil finer. Ce qui fut faict : et en trouva assez et largement : et peut-on légèrement croire que les Anglois, anciens ennemis du royaume de France, ne furent pas déplaisans de l’inconvénient ayenu: ains tantost et diligemment curent moyens sur les chemins pour avoir l’aliance du nouvel duc Philippe de Bourgogne offensé , à l'intention de partir à la despouille du noble royaume de France : et, d'autre part, furent les moyens trouvés que le roy Charles sixième, père du dessusnommé dauphin, fut mis ès mains dudict duc de Bourgogne, et teint parti et opinion contraire de son fils, et le fils contre le père : et par ces aliances fut faict le mariage du roy Henry le Quint, roy d’Angleterre, el de madame Katerine de France, fille du roy dessusdict, et sœur dudict dauphin.
Et fit le roy de France grans traités et déshéritemens au profit de sa fille la royne d'Angleterre, et des hoirs issans du roy anglois et d’elle : et, de l'autre part , le dauphin s’alia aux Espaignols et aux Escots; et commença la gucrre de toutes pars, où tous les maux que guerre sceut ou peut permettre ne trouver se sont faicis, exécutés et accomplis. Moult de batailles, de rencontres, d’assaux, de sièges, de viles et de chasteaux , moult de belles et chevaleureuses exécutions etemprises, et maintes apertises d'armes, furent faictes d’une part el d'autre : dont je me tay, Lant pour le lusser racompter et escrire aux plus sazes, comme aussi pour revenir à ma matière, laquelle je quicr continuer par sa première forme. Mais force m'estoit de déclairer le motif de la guerre, pour monstrer comment et par quelle manière se trouva paix et apointement en malière si diverse el ague.
