CHAPITRE IV
Comment la guerre continua entre les François et Anglois; et corament l'auteur de ces présens Mémoires fut mis page en la maison du bon duc Philippe de Bourgongne.
Or est besoing que je tienne le droit chemin de mon usage, et que plus ayant je discerne . et devise du temps et des aventures, en pour- Suyvant ma matière : et me faut encores retourner et rechercher aucuns cas avenus en traitant la paix dessus-dicte : et fut vérité qu'il ful traité, pour le bien de paix universelle, que la duché de Guienne et celle de Normandie demoureroyent aux Anglois, el ils quitteroyent le résidu de leur querelle ; mais lesdicts Anglois disoyent que c’estoit partage dont ils estoyent desjà possesseurs, el qu’en cecy n'avoyent point de creüe ne de profit. Parquoy ils ne voudrent tenir l’apointement dessus-dict;, et demourèrent, par ce bout, en gucrre, comme devant, à l'encontre des Fran- Çois.
D'autre part, messire Jehan de Luxembourg, comte de Ligni, suget et parent du duc de Bourgongne , ne voult point estre compris au traité de la paix. n’abandonner les Anglois
MÉMOIRES D'OLIVIER DE LA MARCHE
ne son premier serment. Ledict comte de Ligni estoit un grand homme de guerre, puissant d'avoir et d'amis, vaillant et entrepreneur, et l’un des plus renommés chevaliers de sou temps. Il tenoit beaucoup et largemer.t de viles et de chasteaux en frontière de Hainaut, de Champaigne et de Barrois; et avoit gens et soudo\ers duits à la guerre, et nourris de butin; et peut on légèrement croire qu'ils vivoyent avec leurs voisins, et qu'ils monstroyent de toutes pars que la paix estoit pour eux, à trailer, consentir, et à faire. Et estoit ledict comte de Ligni porté des Anglois, et aimé du duc de Bourgongne ; et conduisit si hautement ses affaires, qu’il vescut et finit en grand bruit, et sans foule.
Pareillemnent sur Ja marche de Bourgongne se tenoyent messire Tibaut, bastard de Neuf- Chastel, le bastard de Vergi, et autres Bourgongnons, qui s’estoyent enforcés et garuis ès places de Dernay, de Montesclaire, et autres places prises sus le duc de Bar : et lesquels, sur la fin de la guerre, recueillirent ce qu'ils peurent prendre et ayoir pour leur dernière main.
En Champaigne, et sur les marches de la duché de Luxembourg (qui pour lors estoit un pais plain de haussaires et de coureurs), se tenoil le seigneur de Commersy, riche seigneur et puissant; et tenoit places et soudoyers assez, et plusieurs; el faisoit guerre au premier rencontré ; et prenoit et ravissoit, de toutes pars, prisonniers et butin : dont il éleya un merveilleux avoir.
Sur les marches de Mets, de Luxembourg, de Bar et de Lorraine, se tenoit Henry de La Tour, au licu de Pierrefort ; et tenoit les cités de Tou et de Verdun en rente d’apatis, et tous ses voisins en sugeltion.
Tout le tournoyement du royaume de France estoit plein de places et de forteresses, dont les gardes vivoyent de rapine et de proye : et par le milieu du royaume et des païs voisins s’assemblèrent toutes manières de gens de compagnies ‘que l’on nommoit escorcheurs), el chevauchoyent et aloyent de païs en pals, et de marche en marche, quérans victuailles el aventures pour vivre et pour gaigner, sans regarder n’épargner les pais du roy de France, : du duc de Bourgongne. ne d’autres princes
du royaume. Mais leur estoit la proye et le butin tout un, et tout d’une querelle ; et furent les cappitaines principaux, le bastard de Bourlon, Brussac, Geofroy de Sain-Belin, Lestrac, le bastard d’Armignac, Rodrigues de \illandras, Pierre Regnaut, Regnaut Guillaume, et Anthoine de Chabannes, comte de Dammartin : et combien que Poton de Saintrailles et La Hire fussent deux des principaux el des plus renommés cappitaines du parti des François, toutesfois ils furent de ce pillage et de celle escorcherie : mais ils combatoyent les ennemis du royaume, el tenoyent les frontières aux Anglois, à l'honneur et recommandation d’eux et de leurs renommées ; et à la vérité lesdicts escorcheurs firent moult de maux et griefs au pauvre peuple de France et aux marchans, et pareillement en Bourgongne el à l'environ,; car à ceste occasion falut que les Bourgongnons se missent sus, qui tenoient les champs en grand nombre, et vivoyent sur le pauvre peuple en telle dérision et outrage, que le premier mal ne faisoit qu'empirer par la médecine ; et les nommoit on les retondeurs: car ils retondoyent et recoyroyent tout ce que les premiers ayoyent failli de haper et de prendre: et qui me demanderoit comment ce pourroit ‘ estre qu’ainsi, après la paix faicte à Arras, jurée et promise par le roy de France si solennellement qu’il est cy-dessus escrit et louché, ses cappilaines, serviteurs et gens-d'arines pilloyent et couroyent les païs de Bourgongne, et leur portoyent beaucoup plus de dommages qu'ils ne firent du temps de la plus forte guerre qui onques fut entre eux. À ce je respon, et vray est, que le roy et le royaume de France furent en iceluy temps fort chargés de grand nombre de gens-d’armes de divers païs el contrées qui avoyent bien servi; et leur faloit, pour le devoir, faire entretenue, payement ou récompense. À quoy le roy ne pouvoit fournir, pour les affaires passés, portés et souslenus.
Toutesfois jamais ne les porta ou soustint en ceste querelle , mais les abandonna et désa- Youa, ar cris publiqs et universels: et ay bonne mémoire que le comte de Fribourg, pour lors gouverneur de Bourgongne, se tira à Chalon sur la Sosne, et y assembla tous les seigneurs et cappitaines du païs, qui firent plu-
steurs courses et emprises sur les escorcheurs dessus-dicts , et desquels (s’aucun on en prenoit) on en faisoit justice publique, et de main de bourreau, comme de larrons, pillars, et gens abandonnés : et certifie que la rivière de Sosne et le Doux estoyent si pleins de corps et de charongnes d’iceux escorcheurs, que maintefois les pescheurs les tiroyent , en lieu de poisson, deux à deux, trois à trois corps, hés et accouplés de cordes ensemble : et en avint plusieurs tels piteux cas et semblables , et dura pour celle fois ceste pestilence depuis l'an 35 jusques à l’an 38.
Celuy an 1438, se partit de ses païs de Flandres le duc Philippe, pour venir en son païs de Bourgongne (où il n’avoit esté depuis les sièges d'Avalon, de Grancy, et de Picrre- Pertuis : lesquelles places reconquit à force d'armes sur les François), et laissa , au licu de Brucelles , le comte de Charolois son fils : et ordonna gouverneur pour luy, en Picardie, le comte d’Estampes, icquel, accompaigné de mille ou douze cens archers de Picardie, conduisit et mena ledict duc jusques près de Barsur-Aube : auquel lieu les Bourgongnans s’estoient mis sus pour le recueillir ; et si tost qu'il fut à Digeon, l’armée se rompit , et tint le duc la feste de Noel en sadicte vile de Digeon, en grande feste et grande solennité :
qui réjouissoit moult fort Bourgongne, et principalement la noblesse et la seigneurie du païs, qui longuement avoyent esté sans leur seigneur veoir. Et environ les roys se tira le duc au lieu de Nevers fort et noblement , acompaigné des nobles de son païs de Bourgongne : et là se trouvèrent la plus-part des princes du sang de France, nommément Charles de Valois , duc d'Orléans , que le duc Philippe de Bourgongne , par son pourchas et par sa mise, avoit retiré et rachapté de la prison des Anglois, et luy avoit donné en mariage madame Jehanne de Clèves, sa nièce : et se traitèrentet firent moult grandes amitiés et aliances entre ces deux nobles princes. Ce qui fut bien et deüement entretenu par toutes les parties. Là esloit le comte d’'Angoulesme, frère du duc d'Orléans dessus-dict ; le duc Charles de Bourbon et d'Auvergne, le comte de Vendosine, le comte de Dunois, bastard d'Orléans , et moult d’autres grans et nebles personnages. Là es-
toit ladicte duchesse d'Orléans, moult belle dame; madame Anne de Bourgongne, duchesse de Bourbon, et sœur du dessus-dict duc Philippe; et moult belle compaignie de dames et damoiselles : et y fit on moult grande feste , joustes, banquets et divers festimens$ , les uns avec les autres : et entre les princes fut pourparlé et traité de moult grandes choses tendans à l'utilité et profit du roy, des princes et du royaume de France : et singulièrement fat advisée et mise avant la seurté, le moyen et la façon comment le duc de Bourgongne se peust trouver devers le roy pour faire son devoir, et demourer ayecques luy en telle privauté et fiance, comme l'amour et le cueur y estoit : et, à la vérité, et l’un et l’autre le queroyent et désiroyent , et furent lors les choses fort aprochées : mais toujours l’infernal (qui ne dort), sous couverture de défidence, malicieusement renouvelée par les malheurtés avenues et passées, rompit et élongna ceste bienheurée et salutaire œuvre: et se parbouta ès corps maudits d’:ucuns raporteurs déloyaux et mauvais, qui d’un costé et d’autre rompirent ladicte emprise : et se départirent iceux princes de la cité de Nevers en grand’amour et union , et se retira chacun en sa seigneurie : et s’en revint le duc Philippe en son païs de Bourgongne, au lieu de Digeon: et, la karesme après, se tira en sa cité de Chalon sur Sosne, auquel lieu il demoura jusquesenviron la Pentecoste. Et audict lieu de Chalon, et à celle fois, messire Guillaume de Lurieu, seigneur de La Queuille, m’amena à la court : lequel seigneur de La Queuille, et dame Anne de La Chambre, sa femme , me nourrirent en leur hostel, depuis l’an 37 que mon père mourut, jusques à l’an 39 que lors messire Anthoine , seigneur de Crouy , premier chamke- Jam de mondict seigneur le duc requit à mondict seigneur le duc qu'il luy pleust de sa grâce, en faveur des services faits par mes prédécesseurs, me retenir de son hostel. Ce que le bon duc de sa grâce acorda, et pouvoit avoir trèze ans d'age; et ordonna mondict seigneur que je fusse son page, avec plusieurs autres nobles jeunes homines de divers païs : et fus mis ès mains et sous le gouvernement de Guillaume de Sercy, premier escuyer d’escuyrie,
MEMOIRES D'OLIVIER DE LA MARCHE
Or soit pris en gré ce que j’ay sceu ramentevoir et escrire des choses advenues tant devant mes yeux qu’en maintes autres apparences, lesquelles, encores que jeune d'age,sans grand sens et expériment, ay toutesfois récicitées et escriptes à la vérité et sans fable ; et d’ores-en-avant rendray compte (si Dieu me donne temps, loisir et vie) de ce que Dieu m'a donné grâce de veoir et incorporer , moy estant à court, et en lieu pour veoir et congnoistre beaucoup de grans biens, si je les ay sceus retenir et apprendre.
