CHAPITRE V

Comment les ducs de Bourgougne ct de Bourbon s'assemblérent à Chalon sur Sosne pour appaiser une querelle entre messire Jaques de C'abannes et messire Jehan de Grantson; et comment le duc Louys de Savoye et sa femme visilèrent le duc de Bourgongne.

En celle mesme quaresme, le duc de Bourbon dessusdict vint à Chalon voir et visiter le duc de Bourgongne (à qui il estoit beaufrère, pour avoir espousé sa sœur); et vint avec luy un chevalier de très grand'façun, son suget : et se nommoit messire Jaques de Chabannes, lequel de Chabannes estoit en débat à l'encontre de messire de Grantson, seigneur de Pesmes, lequel estoit parent des plus grands seigneurs de Bourgongne, et de ces subgets du duc, à qui il escrivoit cousin. Vaillant chevalier estoit, et bien renommé, et aymé entre les gens-d’armes de Bourgongne, ct fit en son temps de grands services au duc et à ses païs. Maïs, pour revenir à la question et au débat des deux chevaliers dessus-dicts, la cause fut pour ce que ledict seigneur de Pesmes avoit pris d’eschelle une des maisons dudict de Chabannes, l’avoit pillée, et pris son fils aisné prisonnier , sous umbre et couleur d’aucunes querelles que ledict de Pesmes disoit avoir sur ledict de Chabannes : et de ceste matière fust une journée publiquement tenue en la sale du palais de l’évesque, et furent assis les deux ducs de Bourgongne et de Bourbon, comme frères et bons amis, sur un banc, et l’un emprès l’autre : et certes, combien que lc duc de Bourgongne fust le premier per de France, et si puissant qu'il est assez sceu et notoire, toulcsfois il fit en son hostel et en ses païs, au duc de Bourbon son beau-frère , au-

tant et plus d'honneur qu’il n’en voult prendre ne recevoir : et, à la vérité, le duc Charles de Bourbon fust de son temps l’un des meilleurs corps (fust à pié ou à cheval), et l’un des plaisans et des mondains, non pas seulement de princes , mais des chevaliers du royaume de France : et sçavoit des honneurs et gracieusetés du duc son frère prendre ce qui en estoit en sou appartenir.

À celle journée fut le seigneur de Pesmes grandement accompaignée des seigneurs de Bourgongne ses parens (comme de ceux de Chalon, de ceux de Vienne, de ceux de Neuf- Chastel et de Vergy); et portoit la parole, pour le seigneur de Pesmes, messire l'ibaut, bastard de Neuf-Chastel. un moult sage chevalier dont est desjà cy-dessus faicte mention, et tendoit plus ceste question à gage de bataille qu’à forme d’autre plaid ou procès.

Or avint que ledict de Chabannes {quand on luy demanda, au commencement du procès, s’il vouloit tenir les deux ducs dessus-nommés pour ses juges en ceste partie) respondit qu’il avoit choisi pour son juge le duc de Bourbon son seigneur, et non autre; et prestement que le duc de Bourgongne entendit qu'il ne devoit pas estre juge en ceste matière, se leva, et dit au duc de Bourbon : « Mon frère, puisque je » ne SUIS pas accepté pour juge par messire » Jaques de Chabannes, je ne me puis excuser » d’estre partie avecques le seigneur de Pes- » mes; car ilest mon parent, et m'ont luy el » ses prédécesseurs si bien servi, et la maison » de Bourgongne, que je luy doy et luy veuil » faire honneur, et porte à son besoing. » Et prestement se tira le bon duc devers le seigneur de Pesmes, et se joindit avec luy comme parent, et non pas comme seigneur, prince ou souverain qu'il estoit, et devez sçavoir que ledict seigneur de Pesmes, et les seigneurs qui l’accompaignoyent, le receurent humblement et de grand courage, comme ceux qui bien le devoyent faire; et quand partie adverse vit le duc, qui s’estoit adjoint ayecques son contraire, il dit tout haut, par très-bonne facon : « À ceste fois ay je partie trop forte et trop » pesante. »

Et ceste chose j’ay voulontiers ramenteue et mise en escrit, pour commencer, temps après autre, selon les lieux, les raisons et les causes,

à dire et deviser les biens, les vertus, les bontés et les courtoisies de cestuy noble prince le bon duc Pluilippe de Bourgongne, cinquième de ce nom; auquel, en la première semaine que je l’eusse jamais veu, je vei faire et monstrer publiquement tel honneur et tel port, que de soy monstrer et déclaircr parent de son suget, Secondenrent, j’ay déclairé ceste cause advenuc par une manière de doctrine et de regard que chacun, en te: cas, del bien peser et avoir bon avis de refuser ou regcter le jugement d’un prince (car mieux vaut au moins puissant faire de son plus grand son juge, que son ennemy); el liercement, pour ramentevoir el remémorer à tous nobles hommes l’honneur et la chertèé qu'ils doivent garder ct porter, d’estre yssus par consanguinité des grandes et des nobles maisons, car chacun endroyt soy en sent et gouste, une fois en sa vie, ou peu ou beaucoup, ou tellement qu’ilen vaut mieux d’avoir, ou de recommandation.

Pour retourner à ma matière commencée, messire Jaques faisoit plainte du seigneur de Pesmes, et disoit qu'après le traité de la paix de France, faicte entre le roy et le duc en la manière cy-dessus escrile, le seigneur de Pesmes avoit pris cet dérobé d’eschelle et par nuict, sans titre, querèle ou défiance, une des maisons dudict de Chabannes nommée Montagu-le-Blanc, située au païs de Bourbonnois, ct avoit pillé et pris les biens meubles dudict Chabannes, ct emmené son fils aisné prisonnier (qui n’avoit pas dix ans d'age), et plusicurs autres jeunes nobles hommes qui acompaignoient sondict fils; et demandoit sur ce réparation d'honneur, de sa maison, de son fils et de son avoir. Et de la part du seigneur de Pesmes fut respondu, par la bouche de messire Tibaut, bastard de Neuf-Chastel, que voirement avoit pris le seigneur de Pesmes le chastean de Montagu-le-Blanc par aide el soublivelé de guerre, et pris les biens et le fils dudict Chabannes; et ce à la querèle et contreyange de plusieurs griefz, pilleries ct prises faictes sur ledict seigneur de Pesmes et sur ses amis, parens et aliés, par Anthoine de Chabannes, comte de Dammartin, frère dudict messire Jaques ; et dont les prises avoicnt esté mamées el retraites, tant en icelle place de Montagu, comme autres places et maisons ap-

partenans et estans sous le pouvoir dudict messire Jaques, et que telles choses et telles œuyres de faict se doyvent et peuvent rendre par tous droits de guerre, par le semblable; et concluoit, sur grandes réparations, que demandoit ledict de Pesmes d’estre chargé de son honneur sans desserte, par ledict de Chabannes, en la présence tant de son prince et du duc de Bourbon, que de telle noblesse qui là estoit présente, en faisant offre de son corps pour son honneur deffendre, si ledict de Chabannes le voulait charger d’avoir fait en ce aucune faule digne de repréhension. Plusieurs responses et répliques furent faictes de chacune partie; mais pour ce qu'il estoit tard, la journée fut remise à une autre fois; et asseztost après mondict seigneur de Bourbon se partit de monseigneur de Bourgongne, et s'en retourna avecques luy ledict de Chabannes, et depuis madame Ysabeau de Portugal, duchesse de Bourgongne, vint au païs, qui appaisa iceluy débat, et rendit le fils dudict de Chabannes à son père, et ensemble les autres enfans et nobles hommes qui furent pris avecques luy,

Assez tost après le département du duc de Bourbon, vint au lieu de Chalon sur Sosne le duc Louis de Savoye, et madame Jehanne de Lusignan, fille du roy de Cypre, sa femme, et vindrent voir le duc Philippe en son païs, moult grandement acompaigné de seigneurs et nobles, et la duchesse de dames et de damoiselles, et luy fut au- devant, bien une lieue, le duc de Bourgangne, acompaigné de Jehan Monsieur, héritier de la duché de Clèves, du comte de Nevers, du seigneur de Beaujeu, d’Adolf monsieur de Clèves, de Cornille, bastard de Bourgongne, et de moult belle compaignie de noblesse, et se conjouirent et bienviengnérent les deux ducs moult honnorablement, et par moult grande cordialité ; et bien le devoyent faire ; car:ils estoyent cousins germains, et enfans de frère et de sœur, car le duc Louis de Sayoye fut fils de madame Marguerite de Bourgongne, sœur du duc Jehan, père dudict duc Philippe.

Au regard de l’honneur que fit ledict duc Philippe à la duchesse de Savoye, il ne fait pas à demander, car le bon duc fut si gracieux, tant courtois et honnorable à toutes dames,

que nul plus courtois prince ne chevalier ne fut jamais trouvé; et certes la duchesse valoit bien que l'on fist d'elle grande extime, car elle estoit fille de roy, une très-grande et puissante duchesse, et avecques ce l’une des plus belles dames de tout le monde. Pareillement là fut la duchesse de Bourgongne, qui grandement estoit accompaignée de moult de dames et de belles filles, et eurent plusieurs gracieuses et aimables conversations ensemble; dont, pour la venue des deux prinees, furent faictes et tenues plusieurs assemblées et congrégations du conseil de chacune partie assemblé ensemble, et maintesfois s’y trouvoient les deux ducs, et la cause singulière de la venue du duc et de la duchesse de Savoye en Bourgongne fut en intention de gaigner de leur part le duc de Bourgongne, pour lenir le parti du pape Félix à l'encontre du pape Eugène ; et ce à l’occasion de la division qui pour lors estoit en l'Eglise. Parquoy me sera force de laisser un peu le droit chemin de ma matière, et d'entrer en incidence pour déclairer comment il advint que deux papes, en un temps et à une fois, régnèrent en l'Eglise. Ce qui advint, comme vous pourrez entendre et ouyr.