CHAPITRE VI

De la sause qui meut le duc de Savoye à visiter le duc de Bourgongne ; el de quelques autres petites particularités.

Vérité fut que l’an 1431, par le moyen d’aucuns cardinaux, et principalement du cardinal d’Arle (qui se surnommoit d’Arban, et esloit noble homme, et du païs de Savoye), un concile fut mis sus en la cité de Basle en Alemaïgne; et singulièrement fut créé iceluy concile à l'encontre et à la réformation de pape Eugène; et publiquement luy mirent avant, à l'encontre de sa vie et de sa personne, plusieurs cas tels et de tels gestes, que je n’en veux escrire ne ramentevoir, mais le laisse réciler et escrire à ceux qui plus sagement sçavent coucher et mettre en souvenir eu ramentevance chose de tel poix et de telle efficace ; car à toucher à la fame et au renom de si saincte et haute personre en chrestienté, comme nostre sainct-père le pape, l’entendement se doit arrester de frayeur, la langue doit barbusse: de crainte, l'encre seicher, le

papier fendre, et la plume plerer, par doule dangereux et plein de péril d'encourir ou d'enchoir, au danger d’inobédience et de faute, à l'encontre des commandemens et ordonnances de notre saincle et salutaire mère el ressource, l'Eglise triomphante; et supplie à celuy qui est garde de lous bons et catholiques courages, qu'il me deffende et garde en ceste partie de toucher ou mettre chose qui soit contre l’estat et ma conscience.

Or, toutesfois fut ceste malière tant continuée, et vint le concile à ce poinct, que par effect, et par sentence prononcée sous ombre de certains adjournemens faicts à la personne du pape Eugène, par faute de comparoir aux journées à luy baillées, et pour autres raisons dictes et déclairées au dictum de ceste sentence, et où je ne veuil atoucher ne venir, fut le Sainct-Père dessusdict privé du sainct eslat de la papalité, et injurieusement et par grande dérision déclairé inhabile de tenir et exercer l'estat dessusdict, et, pour pourveoir au faict de l'Eglise, prestement et à celle heure éleurent et créèrent à pape, et souverain pasteur de l'Eglise, monsieur Amé, duc de Savoye, père du duc Louis dessus-nommé ; lequel duc Amé avoit paravant renoncé à sa seigneurie, et icelle mise ès mains de soa fils, et s’estoit rendu, au lieu de Ripaille lez Tonon, en une confrairie et ordre de chevaliers qu'il avoit fondée, luy trèzièmne, de chevaliers moult honnorables, et de grande recommandation. Et là fut envoyé querre par le sainct concile, fut créé, sacré et élevé pour pape, et nommé pape Félix; et le plus tost qu’il peut se Lira à Basle, à grand triomphe et grande compaiguie de prélats et de seigneurs, et arriva à Basle en telle cérémonie que l’on peut et doit faire à l'entrée et joyeuse advenue du pape, licutenant souverain de Dicu en terre.

En grand erreur, grand murmure el grande désolation fut l’estat de l'Eglise et de toute la chreslienté, car chacun d’eux faisoit les saints exercices aussi bien l’un comme l’autre, Eugène comme Félix, et Félix comme Eugène.

Ils prononçoicnt les sainctes parolles sacramentales; 1ls faisoyent et consacroyent le sainct chresme dont l'on baptisoit les enfans nouveau nés; ils sacroyent prestres et diacres, donnoyent absolutions, indulgences, bénéfices

et bulles, et estoyent, l’un porié et obéf d’aucuns princes et d'aucunes scigneuries et pro vinces, ct l’autre d’autres, et tenoit un chacun parti et parlial à bon, sainct et valable, ce que son pape faisoit, ordonnoit, lioit ou délioit ; el je mesme vey et m’en souvient que ceux de Bourgongne (qui tenoyent la première élection et le parti du pape Eugène) faisoient conscience d’ouyr messe, ou d'eux confesser au païs de Savoye, et en l'obtyssance du pape Félix : et certes cestu’ Félix eut moult grand’faveur, et moult grand port de plusieurs princes, et tèlement qu'il gaigna de son costé Italie, Alemaigne et Espaigne. Mais le roy de l'rance ne le duc de Bourgongne ne voulurent jamais laisser n’abandonner le premier sainct et canonique pape Eugène, dessusdict : et si le duc de Bourgongne se fust condescendu au duc de Sayoye son cousin, touchant ceste matière, pape Félix eust esté obéy aussi par toute France, par toute Angleterre, et jusques en Norvège. Mais pour amour, pour sang ou pour aflinité, le bon duc ne se vouit pleyer ou condescendre de faire ou consentir rien, où nulle chose, au préjudice du pape Eugène.

Cinq ans dura, ou environ, ce scisme et ceste douleur en l'Eglise et par la chrestienté, et jusques à cestuy Félix congneut bien qu’il n'auroit port n’obédiencedu roy de France ne duc de Bourgongne , et qu’il demourroit frustré, et en abus de son intention. Si s’apensa de sauver son cas et son emprise par autre voye : el, à la vérité, ce fut un des plus sages et des plusentreprenans princes que l’on sceut : car, luy estant comle de Savoye, se feil duc, et fut le premier duc de Savoye. Il conquit la principauté de Piémont à force d'armes :

el télerment travailla Philippe Maria, duc de Milan, de guerre et par force d’armes, qu'i luy donna la comté de Verscil et la vile de Cyvaux set prit le due de Milan sa fille à femme , et recongneut avoir receu pour son mariage {rois cens mille ducats : et pour icelle somme donna au dessusdict duc de Savoye el à ses successeurs, uu cas qu'il mourust sans hoirs légitimes de son corps, la duché de Mi-

Jan : ct est la querèle qu’encores ont les duc”

de Savoye sur la duché de Milan.

Cestuy Félix vescut avecques François c:

Bourgongnons, et si sagement se gouverz,

au temps des divisions de France, que son païs de Savoye estoit le plus riche, le plus seur el le plus plantureux de tous ses voisins. Trois filles de roy furent pour un jour séans à sa table : dont il avoit alié ses enfans par mariage. Luy vefve, prit l’estat de religion, et fut appelé, invoqué et elcu pour la plus digne, plus grande et première personne de chrestienté :

dont ( comme dict est) luy congnoissant son emprise ne venir à effect, trouva moyen que la plus-part des princes chrestiens se meslèrent de l’apointement des deux nommés papes et du concile : et fut conclu , accepté et tenu que pape Eugène demoureroit en sa dignité juste et canonique , et que Félix demoureroit légat en toule puissance papale, en toute la duché de Savoye et la principauté de Piémont : et conferma pape Eugène toutes les choses faictes par ledict Félix du temps devant. Et ainsi fut paix el union en saincte Eglise : et depuis vescut le légat de Savoye environ dix ou douze ans, et trépassa à Ripaille l’an 1452.

sur ceste matière ne firent les deux ducs sucune conclusion : mais en aliance d'amour et de paix se partirent, comme bons parens devoyent faire : et avoit le duc de Savose avecques luy un sien frère de l’age de dixhuit ans , qui estoit comte de Genève , et se nommoit Amé. Cestuy comte de Genève désira d’estre de l’hostel du duc de Bourgongne. Ce qui luy fut libéralement accordé : car il estoit de très belle apparence de prince, et moult bien conditionné : mais ne demoura guèrcs après qu'il mourut : dont ce fut grand dommage pour la maison de Savoye.

Ainsi se partit le duc de Savoye et la duchesse , et se retirèrent en leur païs : et le duc de Bourgongne se retira en sa vile de Discon, auquel lieu il passa le plus beau de l’esté en grandes chères , festimens , banquets, chaces et voleries , et en plusieurs et divers déduits ; et revint le duc de Bourbon et la duchesse de Bourbon, sœur du duc , et Jehan de Bourbon, comte de Clermont, leur aisné fils, devers ledict duc de Bourgongne , où ils furent bien festeyes et bien recueillis.

En celuy temps se maria un escuyer de Bourgongne , nommé Jehan de Salins, à la bastarde du duc de Bavière , une très belle damoiselle de l’hostel de la duchesse de Bour-

MEMOIRES D'OLIVIER DE LA MARCHE

gongne : et là furent faictes les premières joustes que je vey onques : et furent les joustes en harnois de joustes, en selle de guerre, et à la foule, sans toille. Là jousta monsieur Jehan, héritier de Clèves ; le comte Louis de Nevers, le nouveau marié , le seigneur Waurin, Guillaume Rollin, Anthoine de Sainct-Simon, et plusieurs autres ; et fut la jouste bien jouslée : el certes les pompes et pareures de lors n'estoyent pas telles que celles de présent : car les princes jousloyent en pareures de drap de laine, de bougran et de toille, garnis et ajolivés d’or cliquant , ou de peinture seulement: et si n’en laissoyent point à rompre grosses lances, et d’endurer la rudesse de’la jouste et des armes, comme fent aujourd’huy les plus jolis : et fut donné le bruit et le prix de la feste, tant dedans comme dehors, au seigneur de Waurin, et à un jeune escuyer du païs de Hainaut , de l’hostel du duc de Bourgongne, mignon dudicl héritier de Clèves, nommé Jaquet de Lalain : lequel a depuis tant cuerly et monstré de vertus, d'honneur et de vaillance , que cy-après j’auray assez affaire et à besongner pour déclairer et pour descrire l'exercice chevaleureux de sa vie.

En celle saison le comte de Fribourg, pour lors gouverneur ct mareschal de Bourgongne, pour ce qu'il esloit desja viel et travaillé de gouttes, se tira à Discon devers le duc, et remonstra son impotence, et qu'il ne pouvoit porter le faix et le travail de la guerre, suppliant que l’on vousist déporter et décharger de son office, et y pourveoir d'homme pour exercer la peine et le labeur pour lutilité du païs : et fut mis en conseil, que pour ce que le duc ne devoit guères demourer en la contrée , il estoit expédient voirement de pourveoir ës choses dessusdictes. Si fut avisé que Tibaul de Neuf-Chastel, escuyer; seigneur de Blamont , fils aisné du seigneur de Neuf- Chastel, agé de vingt-six ans, estoit homime de faict, de sens , et d'exécution et d’emprise, et de soy des plus grands et des plus puissants du pays de Bourgongne et de grande maison :

et combien que de sa personne il n’estoit d’apparence ou de force corporelle que peu de chose, toutesfoisil s’estoit montré homme magnanime, hardi et entrepreneur, eldesjà avoit pris

et gaigné Chasteau-Vilain sur les François ,et

s’estoit monstré celuy des seigneurs de Bourgongongne qui plus grande résistance feit à-l’encon tre des escorcheurs : et feit et exécuta sur eux maintesbellesemprises, leur feictet porta moult de dommage en ce temps et depuis, comme vous orrez ci-après. Ainsi fui faict le seigneur de Blamont mareschal de Bourgongne , l’an 1440.