CHAPITRE VIL

Comment Fédéric, roy des Rommains, et le bon duc Philippe de Bourgongne, se veirent et festeyèrent en la ville de Besançon.

En celle mesme année monscigneur Fédéric, archeduc d’Austriche, fut faict roy des Rommains; et depuis estant venu à Aix la Chapelle, et traversant partie de l'empire pour s’en retourner en ses païs d'Auslriche et ailleurs, par moyens trouvés d’un costé et d'autre, passa et vint en la cité de Besançon, au comlé de Bourgongne, laquelle est cité et siége d'empereur ; et pour ce que c’estoit au païs et en la seigneurie du duc, comme comte de Bourgongne, il se retira audit lieu de Besançon environ huict jours avant que le roy des Roimnmains y arrivast; et se logea le duc ès Cordehers, et fit préparer pour le roy au palais de l’archevesque, moult honnorablement, de riches chambres de soye, de brodure et de tapisserie, et manda le duc les seigneurs du païs, lesquels y vindrent pour accompaigner leur prince; et disoit on par extine que le duc de Bourgongne fut accompaisné, à celle fois, de mille nobles hommes ses subjets; et quand vint le jour que le roy des Rommains devoit arriver (qui fut par un jeudi), le duc de Bourgongne se Lira aux champs, accompaigné de ceux de son sang et de sa noblesse. Et me souvient que le seigneur de Ternant conduisit ce jour les archers du corps du duc; et portoit le patelot d’orfaverie, qui moult bien luy scott; car ledict de Ternant estoit lors en fleur d'âge, beau chevalier, de bonne grandeur, brun de visage, et de moult belle taille, et du demourant l’un des acomplis chevaliers de son temps. Et moult bien luy séoit la conduite des archers ; et le mieux en point de celuy jour fut un chevalier de Picardie, nommé messire Jean, seigneur de Créqui, chevalier de la Toison ; et fut iceluy seigneur de Créqui un très-honnorable chevalier, vaillant en armes,

et grand voyageur; et afin que rien n'oublie, environ quinze jours paravant le duc de Bronswic, un moult bel prince d’Alemaigne, revenant de Sainct-Jaques, vint visiter le duc en sa ville de Digeon ; et l’amena ledict duc avec luy, pour l’acompaigner à celle assemblée ; et en fut honnorablement acompaigné le duc de Bourgongne (car il parloit la langue d’Alemaigne, et sçavoit et congnoissoit comme l’on se. devoit conduire avec Les seigneurs de l’empire; car chacune nation a sa manière de faire); et depuis le duc de Bronswic eut en mariage la fille du duc de Clèves, nièce du duc de Bourgongne dessusdict.

Là estoil messire Louis de Chalon, prince d'Orange, un moult sage chevalier, et homme de grand faict; le seigneur d’Arguel, son fils (qui acompaignoyent le duc leur souverain seigneur, à moult grande compaignie); Jean de Vienne, seigneur de Bussv, fils du seigneur de Sainct-George ; le seigneur de Neuf-Chastel, acompaigné de ses deux fils; le seigneur de Blamont, mareschal de Bourgongne, et le seigneur de Montagu, son frère. Là estoyent le comte de Fribourg et le marquis de Rotelin; et furent ceux qui conduisirent la veue du roy et du duc. Là estoyent les seigneurs de Conches, de Vergy, de Charny, de Monby, de Pesmes, de La Queuille et de Ray, et brief toute la noblesse du duché et comté de Bourgongne ; et par un mardi se tira le duc aux champs, à moull grand nombre de chevaux, et cheyaucha bien demie lieue avant qu’il encontrast le roy des Rominains qui venoit, grandement accompaigné des seigneurs et de la noblesse d’Alemaigne, et chevauchoit en grand ordre avec sa noblesse et toutes ses gens, qui portoyent lances, targes, cranequins ou armeures, dont il avoit grand rombre; et chevauchoyent loing de luy, en la conduite d’un grand estendard armoyé d'un grand aigle au milieu, ettenoyent moult bel ordre ; et faisoit moult bel estrange veoir ce grand nombre de targes de diverses peintures, et ces blonds cheveux de ces Behaïignons et Alemans qui reluysoyent contre le souleil, et sonnovent les clairons du roy à l’aborder. Mais les trompettes du duc de Bourgongne ne sonnèrent, depuis qu'il veit les enseignes du roy des Rommains.

Le jour fut assez bel : et à l’aprocher eul

grand’ presse de chevaux d’un costé et d'autre, et s’arresta le roy des Rommains en une plaine : et si tost que le duc de Bourgongne peut avoir veue du roy, ensemble les princes et les gens de sa compaignic, tous se defulèrent du chef en grande révérence : et pareillement feit le roy et ceux de sa compaignie, qui furent grand nombre de ducs, de comtes el de chevaliers, et beaucoup habilles à la pareure, et comme le roy; et quand vint à l'aprocher, le duc de Bourgongne s’enclina sur l’arçon de sa selle si bas et si révéremment, comme il le peut faire ; et le roy le receut très humainement, lui rendant grand honneur de sa part. Là se fcirent les honneurs et les recucillotes d’un costé et d'autre, entre les princes, les seigneurs et les nobles hommes : et puis prirent le chemin contre la cité.

Le roy des Rommains estoit habillé d’un pourpoint à gros cul, à la guise de Behaigne, et d'une robe de drap bleu brun: et avoit un Chaperon par gorge, dont la palte venoit jusques à la selle, et estoit découpé à grans lambeaux ; et portoit en son chef un petit chapel gris, à court poil; et sur son chapel avoit une petite et estruilte couronne d’or, et estoit sa première couronne dont il avoit esté couronné à Ais en Alemaigne. Il fut homme de bonne taille, et beau seigneur, et pouvoit avoir vingt six ans d'age. Un chevalier portoit toujours une espée devant luy. Ses sergens à masse, ses huissiers d'armes, roys-d’armes et héraux, chacun se mit en son devoir. Les clairons du roy sonnèrent l'entrée, et non autres : et toujours tiroit le roy le duc de Bourgongne, au plus près de luy qu’il pouvoit, en lui faisant grand honneur et grande chère. Quant à la personne du ducdessusdict, ilestoit vestu d’une robe noire, et portoit le collier deson ordre à son col: et certainement il sembloit aussi bien prince et grand maistre que nul que je veisse depuis. Il estoit monté sur un roussin bay, et recevoil les honneurs que luy présenloit le roy si doucement et tant honnestement que la façon et la mode estoit à tous plaisante et agréable: car de plus courtois prince ne micux sachant ce qu'il devoit faire en tel cas n’a pas régné de son temps: et toutcsfois, servant à mon propos, pour ce qu’à l’heure j’estoye page du duc, et ne pouvoye lors sçavoir pourquoy n’a

| MÉMOIRES D'OLIVIER DE LA MARCHE

quelle raison se faisoyent les mystères ne les honneurs, je fay une question par manière d'incidence.

Ce duc de Bourgongne (qui tant sçait d’honneurs et de biens) va au-devant de la seconde personne de la chreslienté en éleclion. Pourquoy c’est il fait que luy (qui est de nativité maternelle, et en sugeltion de plusieurs seigneuriesà luy appartenans, subjet del’Empire), n’est descendu sus de son cheval, comme les autres princes de l’Empire font journellement devant leur empereur ou devant le roy des Rommains, ayant possession par élection, et d’abondant desjà une couronne prise à Ais? Certes ce n’a pas esté du temps que j’ay esté page, n’escuyer, ne jeune homme que j'ay ceste questior. demandée ne sceue.

À ce je respons deux poinctsou deux raisons qui ne sont pas à out.lier ou à non ramentevoir, pour appaiser les demandeurs. La première si est que le duc Philippe de Bourgongne estoit fils, en tiers, du roy Jehan de France, et issu paternellement du noble lict, du sang et de la maison royale de France : ce que le duc vouloit bien monstrer aux Alemans. La seconde fut qu'iceluy monsieur Fédéric d’Austriche n’estoit encores que roy des Rommains, et non-pas empereur receu, mais eleu : et les seigneuries qu'il tenoit en l'Empire, en tant qu'elles pouvoyent estre subjettes ou tenues, c’estoit comme de l'Empereur, et non-pas comme du roy des Rommains : et toutesfois je croy la première raison plus vraye.

Tant chemina celle noble compagnie, qu’ils arrivèrent à l'entrée de la cité : et là les citoyens apportèrent un palle de drap d’or, porté par les plus notables bourgeois d'icelle cité, sous lequel palle entra le roy des Rommains ; et à la vérité il travailla beaucoup, et mit grand’peine de faire que le duc de Bourgongne entrast avecques luy sous ledict palle. Mais le duc ne le voulut point faire : ains chevauchoit en costé senestre du roy, la teste de son cheval aussi avant que la cuisse du roy. Toute la noblesse, tant de l'empire comme de Bourgongne, chevauchoit en belle ordonnance. Là estoit le digne archevesque de Besançon à pié, et en procession ; et tous les prélats, et les gens-d'Eglise de la cité, portans reliques et choses dévotes, au-devant du roy: et tant cheminèrent qu'ils

arrivèrent au palais, où le roy descendit, ct le duc avec luy : lequel convoya le roy en l’église et en sa chambre, et puis prit congé, et s’en revint en son hostel. Etn’est à oublier que Simon Doursan, un gentilhomme de la comté, comme mareschal héritier de l’empereur à Besançon, eut le cheval du roy, de son droit.

Chacun jour visitoit le duc de Bourgongnele roy: et le dimenche suyvant, feit le duc un grandet riche disner où le roy et les seigneurs de la compagnie disnérent,elay bien souvenance queleducporta celuyjour une écharped’orgarniede balais et de perles, que l’on estimoit valoir plus de cent mille escus. A la table du roy ne disna que le duc son hoste, qui moult courtoisement et de grand cueur le receut, et festeya en son logis : et moult souvent tranchoit le duc la viande, et la présentoit au roy, et le servoit à celuy disner, comme celuy qui bien le sçavoit faire. Aprés disner se retira le roy, et les principaux de son hostel, en une chambrè : et là vint le duc, son chancelier, et autres de son conseil: et là fut commencé à ouvrir les matières de leurs affaires : dont (à ce que j’entendy et sçeu depuis, et grand temps après) le plus grand’ affaire qui fut entre eux estoit pour les comtés de Hainaut, de Holande et de Zélande, pour ce qu'elles estoyent venues par succession de madame Jaquede Hainaut : et disoit on que celles seigneuries, venans à sa fille, devoyent revenir à la seigneurie de l’Empire. Et pareillement aucunes questions pour la duché de Brabant, que l’on disoit non estre relevée par le duc de Bourgongne suffisamment, et dont autrefois avoit esté question entre l’empereur Sigismond et le duc dessusdict, pour cette matière : et aussi fut question de madame Margucrite de Bourgongne, mariée au duc Lupus d’Austriche : et demandoit monseigneur de Bourgongue de grands arrérages deus en ceste parie sur les biens dudict Lupus. De toutes ces choses furent plusieurs grandes et notables raisons aléguées par le conseil d’un costé et d’atatre: et furent plusieurs journées et assemblées tenues en l’hostel du roy, en la chambre de son conseil.

Environ six jours après vint au lieu de Besançon madame Ysabel de Portugal, duchesse Bourgongne, accompaignée de la comtesse l'Estampes, et de vlusieurs autres dames et

damoiselles : et se partirent tous les princes et seigneurs de la maison du duc pour aller audevant d’elle: et mesme le roy des Rommains accompaigné de sa chevalerie, alla au-devant de ladicte duchesse bien un quart de lieue hors la vile. La duchesse entra en une litière couverte de drap d’or cramoisy, et après elle deux haquenées blanches, couverte de mesme la litière ; et les menoyent deux varlets à pié. Après venoyent douze dames et damoiselles à haquenées harnachées de drap d’or : et après quatre chariots pleins de dames : el certes en celle compagnie avoit de belles filles, dont sur toutes avoit le bruit, pour la beauté, Blanche de Sainct-Simon, qui depuis fut dame de Bergues en Brabant. Ainsi entra la duchesse, et tousjours l’accompaigna le roy des Rommains, adextra la littière (comme s’il ne fust qu’un simple comte) l’emmena en son logis, descendit à pié avecques elle, la conduisit en sa chambre: et feit tant d'honneur celle fois et tousjours à la duchesse, aux dames et damoiselles de sa compaignie, que grande louenge luy en fut donnée de chacun.

Puiss’enretournaleroy:etle duc de Bourgongne le convoya, et toute la seigneurie. Plusieurs assemblées, festois, banquets, danses, mommeries et ébattemens furent faicts pour festeyer le roy des Romains : et me souvient que souvent dansoit le roy avec la duchesse, et le duc de Bourgongne avecques la comtesse d’Estampes : et quand le roy dansoit, tousjours deux chevaliers, à tout chacun une torche, dansoyent devant luy, eux tenans par les mains; et ceux que j’y vey le plus souvent danser et aller , ce furent le duc de Bronswic, et Jean, monsieur de Clèves, et souvent le seigneur de Charny, qui pour lors estoit un moult bel chevalier, et chevaleureux de sa personne, et dont et de ses faicts je deviseray de brief en la poursuitte de mes Mémoires. Dix jours ou environ demoura le roy des Rommains à Besançon : et, sur les matières débatues par le conseil d’un chacun costé, furent tant baillées de responses, et si notablement les causes remonstrées, qu'ils se partirent en bon accord. Ne de la part du duc ne furent faictes aucunes reprises que j’aye sceu : et donna le duc de grans dons au roy en tapiceries de haute lice, en chambres de brodures, et en chevaux, cou

verts ot bardés moult honnorablement : et le roy donna des gratuités d’Alemaigne au duc, comme haubergeons et cranequins faicts en Nuremberg, moult beaux et moult bien farcts.

Le roy vint prendre congé de la duchesse et des dames : et le convoya le duc plus d'une lieue ; et ainsi se partit le roy des Rommains de Besançon , par un mardy, dixième jour de noyembre 1442.