CHAPITRE VIII
De quelques festes et ébatemens en la maison du bon duc Philippe de Bourgongne ; comment l'empereur de Conslantinople luy envoya demander secours contre les Turcs; et comment la duchesse de Luxembourg veint vers iceluy duc de Bourgongne, pour avoir aide contre la rébellion de ses subjets.
Ainsi se partit le roy des Romains de Besancon, et le duc de Bourgongne retourna, pour celle nuict, en la cité : et l’endemain se partirent le duc et la duchesse pour aller en une des places du prince d'Orange, pour parfaire et accomplir le mariage de Jean de Chalon, seigneur d’Arguel, pour lors seul fils dudict prince, avec mademoiselle Katherine de Brelaigne , fille du comte d’Estampes, et de la sœur du duc d'Orléans dessus-nommé. Celle damoiselle Katherine estoit jeune, belle, et de grand lieu venue, et fut depuis dame fort renommée : et à celle feste furent le duc et la duchesse, ensemble toute la seigneurie, grandement festeyés : et de là se retirèrent faire leur pélerinage à Sainct-Houan, où le corps du glorieux confesseur monsieur sainct Claude gist et repose. Puis retournèrent à Digeon, où ils parfirent le surplus de l’yver de la quaresme, et du temps, en vyoleries, chaces, danses et festiemens, selon les saisons et le temps: et n’estoit lors aucune nouvelle de guerre, ou question, qui touchast ou apartinst au duc, ou à ses aliés.
A l’occasion du temps oiseux, le seigneur de Charny dessusdict s’acompaigna de douze chevaliers et escuyers, tous du duché ou comté de Bourgongne, féaux ou subjets: et fit publier un an devant, par tous les royaumes chrestliens, une emprise d’armes : et y envoya roys-d’armes, héraux et poursuivans à ses despens, en intention que luy, trèzième de nobles hommes, garderoyent un pas, le temps et lerme de six
MEMOIRES D'OLIVIER DE LA MARCHE
semaines, pour combatre et faire armes, fust à pié, fust à cheval, à tous nobles hommes venans à iceluy pas. Et me souvient que premièrement furent icelles armes publiées pour estre faictes à la chaussée d’Auxonne : et depuis fut le pas remis et exécuté à l'arbre Charlemaigne qui sied à la charme de Marsenay, près de Digeon : et se devoyent icelles armes faire en la présence et sous le jugement du duc de Bourgongne ou de son commis. Par l’exécution du pas on entendra les chapitres, desquels, pour ce qu’ils sont mal-aisés à recouvrer, et que l’escripture en est longue, je m'en passeray, et deviseray de l’exécution de ce noble pas par où tout se pourra entendre et congnoistre : et commenceray ainsi qu’il s'ensuit.
Pierre de Bauffremont, chevalier, seigneur de Charny, de Molinot et de Monfort, luy trézième de chevaliers et escuyers, natifs et subjets de la duché et comté de Bourgongne , nobles hommes de quatre lignées, et sans vilain reproche, font asçavoir à tous nobles hommes (exceptés ceux du royaume de France, et des païs et subjets du duc de Bourgongne) qu'ils tiendront un pas six semaines durant, l’an 443, en la charme de Marsenay près de Digeon, pour faire armes à tous nobles hommes des conditions dessusdictes, sous le jugement du duc de Bourgongne : et commencera iceluy pas et armes le premier jour de juillet l’an dessusdict, et finira les six semaines acomplies ; et par chacun jour sera trouvé pendant à l'arbre Charlemaigne (qui est en ladicte charme) deux escus, l’un noir, semés de larmes d’or ; et l’autre violet, semé de larmes noires : dont celuy qui touchera ou fera toucher à l’escu violet, semé de larmes noires, sera tenu de combatre à pië, à l'encontre de l’un de ceux qui garderont le pas, quinze coups de hache, ou de poussés d’espée : dont le gardant le pas lvyrera les battons, et le venant de dehors aura le chois : et est à entendre que si le venant de dehors choisit la hache, ils combattront tous deux de la hache, et pareillement de l’espée. Item , le noble homme qui touchera à l'escu noir semé de larmes d’or sera tenu de courre onze courses de lance à fers émoulus, à cheval, en selle et harnois de guerre, à-l’encontre pareillement de l’un de ceux qui garderont le pas: et si aucun noble homme touche les deux es-
cus, il sera tenu de faire armes en toutes les deux façons. Si furent iceux chapitres moult bien faicts et articulés de plusieurs poincts, contenans et éclaircissans les périls et les amandes qui devoyent estre par ceux qui en faisant lesdictes armes seroyent portés par terre (fust à pié, fust à cheval) ou désembattonnés : dont de plusieurs choses ne me souvient. Mesmement fut ésdicts chapitres expressément déclairé que nuls nobles hommes, de la condition dessusdicte, ne se pourroyent trouver devant les escus sans y laisser gage d’espée ou d’esperon , ou faire armes, selon le contenu d’iceux chapitres. Mais j'ay seulement mis par escript l'effect de l'emprise dudict seigneur de Charny et de ses compaignons, qui fut envoyée et publiée par les royaumes chrestiens (comme dictest),et exécutée comme vousorrez cy-après.
Pendant le temps que le pas se préparoit en son exécution (comme dict est), le duc et la duchesse firent de grandes chères en leur vile de Digeon, et là furent faictes unes joustes à selles plattes, et en harnois de jouste, de jeunes gens; et de nouveaux jousteurs, pour aprendre le mestier : et furent ceux de dedans, Adolf, monsieur de Clèves, Cornille, bastard de Bourgongne, Jaques de Villiers, et Philippot Copin. Iceluy Philippot fut un escuyer moult gentil compaignon, et l’un des meilleurs jousteurs de son temps : et à celle cause fut ordonné avec ces deux jeunes seigneurs pour soutenir le faix, si besoing faisoit. Là joustèrent Philippe Pot, Antoine Rollin, Jehan Du Bos, Le Moyne de Neufvile, Antoine de Herin, Cornille de La Barre, Jehan Couraut, et plusieurs autres jeunes gens, ct nouveaux jousteurs. La jouste fust bien joustée et vivement : et maints furent portés hors de leurs selles : et gaigna le prix de dedans le bastard de Bourgongne , et de dehors un escuyer alemand, de l'hostel du prince d'Orange, vommé Rombot : et la cause principale pourquoy j'ai escrit ceste simple jouste a esté pour dire vérité de deux nobles personnages : c’est d’Adolf, mansieur de Cléves et de Cornille, bastard de Bourgongne : lequel Adolf prit tel commencement à la jouste celle fois, que depuis il a esté tenu l’un des gentils coureurs de lance, et un des bons jousteurs, et qui plus souvent à jousté et gaigné pris que l’on ait
sceu de son temps : et au regard de Cornille, bastard de Bourgongne, ce fust depuis l’un des plus gentils hommes-d’armes, et un vaillant, sage et véritable capitaine : et si Dieu l’eust souffert vivre longuement, il avait apparence de faire de grands services à la maison de Bourgongne. Mais il mourut jeune chevalier, en la guerre que firent les Gandois : comme cy-après le pourrez veoir, à la poursuite des Mémoires présents.
En telle plaisance s’exécutoit le temps et la saison, et venoyent au duc ambassades de toutes pars : et lors arriva devers luy un chcvalier greq, de la court de Constantinople :
et aporta leltres et ambassades, de par l’empereur dessusdict, au duc de Bourgongne, l’adverlissant de ses nouvelles, et le requérant de secours et d’aide : et quant à ses nouvelles, il estoit adyerty que le Grand-Turq faisoit une grande et très puissante armée en intention de passer en Grèce, et de venir devant sa cité de Constantinople : et trouvoit l’empereur peu ou nuls princes disposés à son secours. Parquoy luy, congnoissant le duc estre bon amy et vray catholique, mettoit sa flance el son confort, après Dieu, en luy seulement : car lant avoit desjà approuvé et sceu de son noble vouloir et de son pouvoir, que ses naves el ses navires, à grands fraiz et à grande puissance, ayoyent vaucré la mer de Levant, et fait grand secours à la chreslienté : et pour ce envoyoit devers luy, en espérance de secours et d’aide; et certes le chevalier ambassadeur esloit tenu l’un des aäroits archiers, à leur manière, qui fust en toute Grèce : et, pour appreuve, je le vei courir à cheval, et en courant bander son arcet mettre sa barbe en sa bouche, pour doute de la corde, et tirer derrière luy plusieurs flèches qui estoit chose moult nouvelle, à la façon de pardeçà. En ce temps , madame Jehanne de Gueurik, duchesse héritière de la duché et païs de Luxembourg, et comté de Cheny, vint au lieu de Digeon, à secours et à remède, devers le duc de Bourgongne son parent, luy remonstrant comme les Luxembourgeois l’avoyent déchacée de son héritage et de sa duché de Luxembourg, et avaient mandé le duc de Sasses , et pris et receu ses commis et ses gens-d’armes, en la faveur tant dudict duc comme du roy Lancelot de Hongrie, son ne-
veu : et recongnurent iceux àäseigneurs, leur firent serment et déchacèrentleur noble héritière souveraine dame dessusdicte. Et pour icelle cause ladicte duchesse fut deversl’empereur son neveu, ct devers tous les princes de l'empire (qui tous luy estoyent prochains de lignage); mais onques n’y trouva confort, port, faveur ou aide, pour ce qu’iceux ducs de Sasses sont grans, nobles et puissans en Hongrie, Behaigne et Germanie. Et fut contrainte icelle dame de venir à refuge et à confort devers iceluy duc de Bourgongne, son neveu et prochain parent du costé de Behaigne et de Bavière. Si fut à :celle dame faict grand honneur et recueilole.
