CHAPITRE IX
{rmment trèze gentilshommes de la maison du duc de Bourgongne teindrent le pas d'armes à tous venans, près Digeon, en une place nommée l’Arbre Charlemaigne.
Or est bien temps que je me boute au temps oiseux et plein de plaisantes et d’honnestes passetemps, et que je récite l'exécution de cestuy noble pas crié et publié par tous les royaumes et seigneuries des chrestiens, afin de ramentevoir la chevalerie monstrée de tous les partis, et aussi par manière d’escole et de doctrine, aux nobles hommes qui viendront cy-après, qui (peut estre) désireront d’eux monstrer et faire congnoistre en leur avenir comme leurs devanciers, et de monstrer et faire reblandir leurs blasons en leur cotte d'armes estendue et couchée sur leurs corps, pretset appareillés d’endurer fortune telle qu'elle, à la chace et poursuitte de noblesse et de renommée, a accoustumé de se donner.
Mais il est besoing, avant que j’entre à l’acomplissement des armes, que je devise de lestat des pompes et préparations que feit le seigneur de Charny, chef et fournisseur de la despense du pas, et comment fust ceste solenoité hautement et par grans fraiz menée et conduite : dont à mon raport je demande en tesmoignage tous les escrits et registres faicts par les roys-d'armes ethéraux présens à ceste chose.
Premièrement, le seigneur de Charny fut, près du temps et espace d’un an, accompaigné des seigneurs et nobles hommes escritset nommés cy-après : et, en fournissant leurs armes,
MÉMOIRES D'OLIVIER DE LA MARCHE
portoyent tous pour emprise chacun une garde d’argent, à la manière de la garde d’un harnois de jambe : et la portoyent au genoil senestre les chevaliers , estant icelle dorée, et semée de larmes d’argent : et les escuyers la portoyent d'argent, semée de larmes dorées; et devez sçavoir que c’estoit belle chose de rencontrer tels trèze personnages ensemble, et d’une pareure : et firent leurs essais et préparatoires en l’abaïe de Sainct-Benigne de Digeon : et, en suyvant leurs chapitres, le seigneur de Charny fit clorre, à manière d’un bas palis, l'arbre Charlemaigne, qui sied à une lieue de Digeon, Uirant à Nuis, en une place appelée la Charme de Marsenay : et contre ledict arbre avoit un drap de haute lice, des plaines armes dudict seigneur (qui sont escartelées de Bauffremont et de Vergy), et au milieu un petit escusson de Charny ; et à l’entour dudict tapis furent attachés les deux escus, scmés de larmes : c’est-à-sçavoir au dextre coslé l’escu violet, semé de larmes noires, pour les armes à pié ; et au senestre l’escu noir, semé de larmes d’or, pour les armes de cheval : et, pour garder iceux, estoyent roys-d’armes et héraux vestus et parés des cottes d’armes dudict seigneur, tenant à l’arbre Charlemaigne, ainsi qu’au pié, à une fontaine, grande et belle : laquelle ledict de Charny fit réédifier de pierre de taille, et d’un hault capital de pierre : au dessus duquel avoit images de Dicu, de Nostre Dame, et de madame saincte Anne; et du long dudict capital furent élevés en pierre les trèze blasons des armes dudict seigneur de Charny et de ses compaignons, gardans et tenans le pas d’icelle emprise. Un peu plus avant sur le grand chemin, et d’iceluy costé retournant devers la vile de Digeon, fust faicte une haute croix de pierre, où fust l’image du crucifix : et devant l’image, ainsi qu’à ses piés, estoit à genoux et élevée la présentation dudict seigneur, la cotte d’armes au dos, le bacinet en la teste, et armé comme pour combatre en lices. Plus avant furent les lices drécées pour faire les armes, et au milieu des deux lices avoit une haute maison de bois, forte, charpentée et couverte : et regardoit icelle maison sur chacune des deux lices, dont du costé du grand chemin fust la lice pour combatre à pié, grande et spacieuse : et
de l’autre part fust celle qui estoit pour faire les armes à cheval, plus grande beaucoup, comme il appartenoiïl : et au milicu d'icelle Jice fust la toille mise pour la conduitte des chevaux, et pour servir à la course des hommes-d’armes, comme ilest de coustume en tel cas. Celle lice fust de bonne hauteur et grandeur : et aux deux bouts de ladicte lice furent faictes deux marches qui se monloyent à degrés, faits de si bonne grandeur que l'on pouvoit aider à l'homme-d’armes tout à cheval pour l’armer, aiser ou désarmer , selon le cas : et hors de ladicte lice, du costé de Digeon, aux jours qu'il besoing faisoit, avoit une grande tente haute et spacieuse tendue, pour aider et soulager le venant de dehors, si mestier en avoit.
Ledict de Charny feit son appareil pour lenir l’estat et l'assemblée de ceux qui avecques luy devoyent garder le pas dessusdict , et prépara son estat en trois chasteaux séans près d'iceluy lieu: dont celuy duquel luy et ses compagnons issoyent, armés et préparés pour faire armes ou pour combatre , fut une moult gente place mieux édifiée que forte , qui se nomme Parigny, et sied à un petit trait d’arc de l'arbre Charlemaigne, de l'autre part du grand chemin tirant contre Rouvre ; l’autre fut un chastel appartenant à l’abaïe de Sainct- Benigne de Digeon, nommé Marsenay : et sied du costé dudict arbre , tirant à la montaigne, environ trois traits d’arcs ; et ce lieu fut ordonné pour festeyer toutes gens, à toutes heures, et sans détourber ou empescher les affaires, CONSaux , essais ou pourveances des gardans le pas. Le troisième chastel fut une place nommée Couchy, appartenante audict seigneur de Charny, laquelle sied au pié de la montaigne tirant à Genry en Digeonnois , et y peut avoir une licue dudict arbre : et celle place servit à festeyer ceux qui avoyent faict armes audict pas, après chacune fois qu'ils a voient leurs armes achevées. Ces trois places sont à une lJicue l’une de l’autre, qui estoit moult bien séant au mistère : et certifie que, tout le pas durant, chacune des trois places fut tapissée et garnie de meubles et de vaisselle , tant de buffet comme de cuisine : et à chacune avoit maistres-d’hostels , serviteurs, et pourveances de vivres et vins, et manière
de faire si honnorable, que toutes gens de bien : y estoyent recueillis , et servis si grandement que mieux on ne le sçavoit faire. Et tint le seigneur de Charny bien deux mois entiers cour ouverte, en toutes les places dessus-dictes, à si grande et planteureuse despense, que de mon temps, pour si grand terme, sans maison de prince, je n’ay point veu le pareil.
Or est bien temps que je me passe des pré:
paratoires et mistères de cestuy haut et noble pas ,et que je vienne à l’exécution et effect de la matière commencée. Mais ainçois me faut un petit toucher, et ramentevoircomment en iceluy temps se rassemblèrent au lieu de Chalon sur la Sosne , le duc de Bourgongne, le duc de Sayoye et le comte de Genève : et après plusieurs festiemens et grandes chères, le temps approcha que le pas dessusdict se devoit exécuter : et fut rapporté audict lieu de Chalon qu’un chevalier du royaume de Castil-
le, nommé messire Pietre-Vasque de Saavedre
avoit fait toucher les deux escus qui pendoyent à l’arbre de Charlemaigne , pour faire armes à pié et à cheval, selon le contenu des chapitres : et que les nobles hommes gardans ledic: pas avoyent délibéré que le seigneur de Charny, leur chef en ceste partie, auroit la première bataille , et fourniroit ledict premier chevalier: car telle fut tenue la coustume entre eux, que quand aucun faisoit toucher aux escus , les gardans le pas délibéroyent entre eux, et par conseil, lequel des trèze fourniroit pour celle fois : et conclurent pareillement que si emprise ou requeste d'estrangers se levoit en l’hostel du duc en celuy temps par acord du prince, iceux gardans le pas en devoyent avoir la congnoissance avan’ tous autres. Et furent ces choses faictes | gardées et exécutées comme vous orrez cy-après : el peut on légèrement croire que chacun désiroit beaucoup de veoir les armes des deux chevaliers : car ledict messire Pietre estoil assez congnu en l’hostel du duc pour homme renommé : et avoit fait armes à Coulongne ( où plusieurs de l’hostel du duc avoyent esté ) , et novellement venoit d'Angleterre : et de tout estoit issu et sailli à son grand honneur.
Ces choses, ayecques plusieurs autres, faisoyent chacun désirer de veoir les armes et la bataille des deux chevaliers, comme dict est ;
et se partirent les deux ducs de Bourgongne et de Savoye, ensemble toute la seigneurie de Chalon sur la Sosne, et allérent coucher à Nuis : et lendemain vindrent, au souleil levant, à l'arbre Charlemaigne , pour veoir les armes de pié, qui furent mises à celuy jour:
et fut par un jeudy onzième de juillet 1443.
Les princes venus, ils montérent en la maison pour ce ordonnée ( qui fut parée et tapissée moult honnorablement ) ; et tenoit le duc de Bourgongne un petit blanc batton en sa main, pour getter et faire séparer les champions , leurs armes achevées, comme il est de coustume en tel cas. Au regard de la lice, c’estoit chose moult triomphale à veoir : car elle estoit parée de deux pavillons pour les chevaliers, armoyésde leursarmes et devises en blasons, bannières et autrement : et fut le costé du seigneur de Charny garni et paré de quatre bannières de ses armes. L'entrée de l’assaillant en la lice estoit du costé de Digeon : et celle du deffendeur , et garde du pas, estoit costé de Nuis.
Environ huict heures du matin se présenta devant le duc de Bourgongne, juge en ceste partie, messire Pietre-Vasque de Saavedra :
et estoit vestu de robe courte de drap noir, et porloit un chaperon de drap noir, et tout noir son habillement. Il avoit devant lui un officier d’armes du roy-d’armes du roy de Castille, vestu de sa cotte d’armes : et se présenta moult humblement, et par bonne façon , devant le duc : et fit dire par l'officier d'armes ces paroles ou les semblables : « Trés haut et » très puissant prince , icy est messire Pietre- » Vasque de Saavedra, qui se présente par- » devant vous comme son juge en ceste partie, * pour faire et acomplir les armes à pié selon » le contenu des chapitres , et les devises or- » données pour l’escu violet, à l'encontre du » noble chevalier le seigneur de Charny, chef » et garde de cestuy noble: vous suppliant que » luy et moi veuillez avdir pour recomman- » dès. » Sur quoy le duc le receut, et bienviengna moult humainement : et se retraït le dessusdict en son pavillon pour soy armer :et pouvoit avoir lechevalier trente-deux ans d'âge.
Tantost après se partitle seigneur de Charnÿ , garde , chef et deffendeur de cestuy noble pas. Il estoit armé, comme 4 faire armes en
MEMOIRES D'OLIVIER DE LA MARCHE
tel cas appartient, la cotte d’armes vestue, et le bacinet en la teste : et avoit levé sa visiére le plus avant qu'il le peut faire, et estoit celle visière couverte d’un volet bien bélié, dont de ce fut parlé diversement. Les uns disoyent qu'il le faisoit afin que l’on ne veist comment ne de quelle façon estoit sa visière trouée, el les autres disoyent qu'il le faisoit pour monstrer la couleur plus vive : car de sa nature il avoit la face fort blanche et palle. 1} estoit monté sur un cheval couvert de ses armes, et estoit suivy de six coursiers harnachés de satin de cramoisy, couverts d'orfévrerie d’or moult richement ; et furent les pages vestus des couleurs de luy, noir et violet:et devant luy estoyent à cheval ses douze compaignons, la garde au genoil, et richement vestus et en point. Monsieur Louis de Bourgongne , comte de Nevers, l’acompaignoit, et les chevaliers, ses frères, de la Toison d’or, et tant de no-
bles hommes , que longue chose serait de le
racompler. Îl avoit une bannerole, en sa main dextre, pleine d'images et de dévotions, et dont il signoit moult souvent , el en tel estat entra en la lice ; puis mit pié 4 terre et s’adressa devant le duc de Bourgongne, son prince et son juge, après avoir fait la révérence moult doucement , dit ces paroles ou semblables : « Mon très redouté et souverain seigneur , je » me présente par-deyant vous comme mon » seigneur et mon juge, pour, à l’aide de » Dicu , faire , fournir et accomplir mes ar- » mes à l’encontre du chevalier, selon le con- » tenu de mes chapitres , et selon les condi- » tions de l’escu violet touché par ledict che- » valier : vous suppliant, en toute humilité. » que luy et moy veuillez avoir pour recom- » mandés. » Le duc le recueillit moult doucement , et s’en alla ledict de Charny en son pavillon.
Ne demoura guères après que le seigneur de Blamont, pour lors mareschal de Bourgongne (qui conduisoit l’ordonnance de la lice, car c’estoit le droit et le mestier de mareschal), se tira devers le seigneur de Charny, garde du pas, et luy demanda les battons pour combatre les armes ; car, selon le contenu des chapitres, ainsi que nous avons dit, il et ses compagnons devoyent livrer les battons de chacune balaille. Si furent incontinent livrés, et mis ès
mains de deux roys-d'armes , c’est à sçavoir deux haches semblables, et deux estocs (que l’on nomme espées d'armes aussi) semblables et pareilles, et furent iceux baltons portés et présentés au juge, et puis présentés au chevalier venant de dehors, pour choisir desquels des deux manières de battons il vouloit ses armes acomplir, car en luy en estoit le choix, sclon le contenu des chapitres. Le chevalier choisit la hache, et prit l’une des deux ; el furent les espées reportées, et l’autre hache délivrée à ceux qui servoyent l’entrepreneur.
Pendant ce temps se faisoyent les cris, par les roys-d’armes et héraux, aux quatre coings de la lice, et commandoyent, de de-par le duc de Bourgongne, que nul ne demourast en la lice close, s’il n’estoit commis du duc ou de son mareschal, ou s’il n’avoit de sa personne combatu en lices ou camp clos; et deffendoyent, sur peine d’estre corporèlement puni à la volonté du prince, que nul, de quelque estat qu'il fust, ne parlast, loussist ou fist signe pour avantager ou avancer nul des champions, en faisant et fournissant la bataille de leurs armes. Toutes les cérémonies et appareils appartenans à tel cas furent faits : lesquelles j’ai voulu bien au long escrire, tant pour ce que ce furent les premières armes que je vey onques, comme aussi pour avertir et apprendre les lisans (si besoing en ont) des nobles cérémonies appartenans aux nobles et recommendés mestiers d'armes.
Environ neuf heures du matin, les deux chevaliers furent prests, conseillés et délibérés, et se retraït chacun de la lice, excepté huict hommes-d’armes armés de toutes pièces, ayans chacun un long batton blanc en la main, sans autre glaive, et furent rangés par la lice en bon ordonnance, pour séparer les champions quand besoing seroit; et ne demoura guères que messire Pietre-Vasque de Saavedra saillit hors de son pavillon, la cotte d'armes au dos et le bacinet en la teste; et avoit ledict messire Pietre fait déclouer et oster la visière de son bacinet, télement qu’il avoit lout le visage découvert, et metoit sa tesle hors de son bacinet comme une fenestre. D'autre part saillit le seigneur de Charny, vestu de sa cotte d'armes, le bacinet en teste, la visière close ; mais incontinent qu'il apper-
ceut sa partie sans visière, tout froidement il leva la sienne, et la recula tout derrière son bacinet, tellement qu’il avoit le visage tout découvert. Les deux chevaliers se signèrent de leurs banneroles, et puis prirent les haches, et marchèrent l’un contre l’autre moult vigoureusement. L’Espaignol estoit moyen homme, de forte et grosse taille, et tenoit sa hache le maillet devant son visage, un grand tour loing de la main, par manière de garde ; et le seigneur de Charn' estoit grand et puissant chevalier, et l’un des renommés de son temps, et tenoit sa hache près de luy, le bout d’embas haussé el amesuré pour deffendre et pour assaillir ; et à l'aborder, l’Espaignol férit le seigneur de Charny sur la main dextre, tendant à luy faire perdre la hache, mais non fit, car ledict de Charny rabatit de la queue, et d’une marche rua le bout dessous, après le pié de son compaignon. Le chevalier démarcha moult asseurément, car par deux fois entresuyvans le quit le seigneur de Charny au pié. Fièrement se requirent les chevaliers, et soustenoyent et l’un et l’autre de grans coups sur leurs haches; et fut aleint le seigneur de Charny sur le grand gardebras senestre, et ledict seigneur de Charny donna un coup, de la dague d’embas de sa hache, rez à rez du bord et du visage dudict messire Pietre; et ainsi se quéroyent les deux chevaliers chevaleureusement, et tant chaudièrent leur bataille que les quinze coups contenus par les chapitres furent acomplis, et getta le duc le batton, et furent les champions pris par les hommes-d’armes et escoutes à ce ordonnés: et revindrent devant le duc, chacun soy offrant de parachever son emprise, si faute y avoit. Mais le duc dit qu’ils en avoyent fait assez; et ainsi s’en retourna chacun enson costé, la hache au poing, regardant l’un l’autre, pour ce que nul ne vouloit partir de la lice le premier. Mais il fut dict que ledict messire Pietre seroit le premier yssant, pour ce que le seigneur de Charny gardoit le pas, et se retirèrent les chevaliers au grand honneur de toutes les parties ; etles ducs de Bourgongne et de Savoye tirèrent à Digeon, où ils furent grandement festeyés et conjouis. Et furent icelles armes faicles et acomplies par un jeudy onzième jour de juillet 1443, comme dessus est dict.
Le lendemain se partirent les deux ducs, et allèrent ensemble jusques à Sainct-Claude, où le duc de Savoye se départit pour tirer en son païs ; et pendant ce temps se firent les armes de cheval au lieu ordonné, entre le seigneur de Charny et messire Pietre-Vasque dessusdict ; et, selon mon souvenir, le trèzième jour du mois dessusdict se présentèrent les deux chevaliers pardevant Louis Monsieur, comte de Nevers, commis par monsieur de Bourgongne, son lieutenant, juge en ceste partie, environ huict heures du matin.
Le chevalier espaignol entra le premier, monté et armé de toutes armes, sa bannerole de sa dévotion en sa main, faisant le signe de la croix. Son cheval estoit couvert d’un drap de soye, myparti de bleu et de blanc, et sembloit bien chevalier asseuré, acoustumé et apris du mestier d'armes; et sc présenta devant le juge, qui le reccut très-agréablement. Ne demoura guères que se présenta le seigneur de Charny, entrepreneur et garde du pas. Le costé de sa- part de la lice estoit paré des bannières de ses cottes, et entra dedans la lice noblement acompaigné. Il estoit monté el armé comme en tel cas il appartient, faisant de sa bannerole signe de catholique chevalier. Son cheval estoit couvert d’un drap d’or blanc, et après luy avoit cinq pages à cheval, vestus de satin noir et violet, et les chevaux estoient parés par la manière qui s’ensuyt : le premier estoit couvert de drap d’or bleu; le second de velours, sur velours violet; le tiers de satin figuré, noir, à une grande croix de Sainct- Andneu, de drap de damas blanc ; le quatrième de satin noir, bordé d’orfèvrerie, à la devise dudict scigneur de Charny, et le cinquième de drap d'or cramoisy. Pompeux et homme de haute affaire sembla le chevalier, et se présenta devant le juge; et puis furent les lances apportées, férées et mesurées par les commis, et furent les lances baillées aux chevaliers, après les cris et solennités faictes, pour faire et acomplir les armes de cheval, selon l’ordonnance du pas et le contenu des chapitres. |
Les chevaliers laissèrent courre l’un contre l'autre, et de la première course ils rompirent tous deux leurs lances de pleine atteinte. De la seconde course ateindirent tous deux en
MÉMOIRES D'OLIVIER DE LA MARCHE
glissant, et de la tierce tous deux agravèrent les fers de plaine ateinte. A la quatrième course ils faillirent tous deux. A la cinquième, le seigneur de Charny fit une rude ateinte sur le grand gardebras du chevalier, et le chevalier de cette course rompit sa lance sur la rondelle du seigneur de Charny. A la sixième course,
le seigneur de Charny fit une forte ateinte entre les quatre points sur le chevalier, mais ledict chevalier ateignit sur la visiérede l’armet du seigneur de Charny, et rompit la pointe de sa lance. À la septième course, ils faillirent tous deux. A la huictième course, ateindirent
tous deux, mais l’ateinte fut plus durement
donnée par le seigneur de Charny. A la neufième course, le seigneur de Charny feit ateinte, et le chevalier faillit. A la dixième,
tous deux consuyvirent l’un l’autre très-durement, et rompit le chevalier sa lance. A l’onzième et dernière course, faillirent tous deux d’ateinte, et furent les deux chevaliers menés devant le juge; et fut dict par le seigneur de Charny, et fait dire par ledict messire Pietre, qu'ils se présentoyent devant le juge pour achever et fournir leurs armes, chacun à l’encontre de son compaignon, selon la condition de l’escu noir semé des larmes d’or, et le contenu des chapitres. Sur quoy leur respondit monsieur le comte de Nevers, juge commis en ceste partie, que bien et chevaleureusement avoyent leurs armes acomplies, et qu'ils avoyent assez fail ; et leur commanda, de par monsieur le duc de Bourgongne, de toucher l'un à l’autre, Si s’embracèrent et touchèrent les deux chevaliers, et depuis demourèrent frères et bons amis; et, par le pourchas du seigneur de Charny, fut depuis ledict messire Pietre retenu chambellan de l'hostel du duc de Bourgongne, et fut fort aimé et prisé en la maison pour ses vertus, et fit de grands services au prince sur les Infidelles, en grandes ambassades et en guerre, par mer et par terre.
Et à tant pour ceste fois me tay dudict messire Pietre, pour revenir à parachever le récit de l'exécution de cestuy noble pas. Pendant le temps de l'exécution des armes faictes entre le seigneur de Charny et ledict messire Pietre- Vasque de Saayedra, arriva à l’arbre Charlemaigne un chevalier du royausme de Castille,
nommé messire Diago de Valière. Cesluy chevalier se partit d'Espaigne pour venir au pas dessusdict. Le chevalier fut de petite et moyenne taille, mais de grand et noble vouloir, gracieux et courlois, et fort agréable à chacun. Il arriva audict arbre , armé de toutes armes, fors que de la teste ; et estoit couché sur son chariot , et faisoit mener son destrier en main, et devant luy avoit un héraut portant sa colle d'armes, par lequel il fit toucher l’escu noir, semé de larmes d’or, et cuidoit que prestement il deust estre délivré ayant qu'entrer en la vile ; mais les héraux gardans les escus luy dirent qu'il lirast en la ville et prist logis, et que le seigneur de Charny et ses compaignons, gardes du pas, luy manderoien! le jour auquel il devrait ses armes fournir. Ce qui fut faict.
Le lundi, quatorziesme de juillet suivant, se présenta devant le comte de Nevers, jugecommis en ceste partie, un escuyer nommé Tibaut , seigneur de Rougemont , lequel fut ordonné, par les gardans le pas, pour fournir à l’emprise dudict messire Diago de Valiere.
Celuy escuyer fut de noble maison, et homme bien renommé de vaillance , et de sa personne le plus grand et le plus haut de stature, noble homme qui pour lors fust en toute Bourgongne, et monté et armé comme en tel cas appartient. Son cheval estoit couvert d’un satin cramoisy fort vermeil : et fut accompagné de ses compagnons gardes du pas, et de plusicurs autres ; et d’autre part se présenta ledict messire Diago de Valiere, monté et armé comme il appartient. Son cheval estoit couvert d’un cendal vermeil, à une grande croix blanche floretée, el sur chacun bout une coquille d’or.
Après les présentations, cris et cérémonies appartenans, faictes et passées, chacun prit son bout , et commencèrent à fournir leurs armes par la manière qui s'ensuit. Pour abrèger, ils coururent les cinq premières courses sans faire atteinte l’un sur l’autre. A la sixième course, le chevalier espagnol rompit, et agreva le fer de sa lance sur le gardebras de son compagnon. À la septiesme , ledict Espagnol rompit sa lance de pleine atteinte, et fut rompue par Parrest. À la huictiesme course, firent tous deux atteintes l’un sur l’autre en glissant; ct pareillement à la neuviesme ct dixiesme course; et à la onziesme et dernière course, ils con-
suivirent l’un sur l’autre très-durement , et rompit le chevalier espagnol sa lance. Et ainsi furent icelles armes achevées ; el après la présentation faicte devant le juge, et qu'ils eurent touché l’un à l’autre , ils se départirent, et Ura chacun à son bon plaisir.
Le mercredy suivant , se présenta devant le juge un escuyer gascon, nommé Bernard de Vostin, lequel Bernard avoit fait toucher pour faire armes à cheval. Il estoit monté et armé comme il appartenoit; et d'autre part se présenta Guillaume de Vaudrey, seigneur de Courléon , lequel fut ordonné par ses compagnons pour fournir iccluy Gascon; et fut iceluy Guillaume un moult vaillant escuyer , el depuis chevalier très-renommé , et de sens et de conduite. Son cheval esloit couvert de satin cramoisy, à grandes lettres de broderie en bordure , et par-dessus la couverte avoit semé plusieurs grosses campanes d'argent, à manière de poires; et, après présentalions et cérémonies, chacun prit son bout , et fournirent leurs armes à la manière qui s'ensuit. Des trois premières courses ne firent point d’atteinte. A la quatriesme course ils trouvèrent tous deux l’un l’autre par les armets, et de telle atteinte que tous deux rompirent leurs lances. De la cinquiesme el sixiesme, tous deux ne se trouvèrent point. À la sepliesme se rencontrèrent si durement sur les grans gardebras, que le fer dudict de Vaudrey fut agrevé et rompu, et le Gascon rompit sa lance; et depuis de la huictiesme , neuviesme, dixiesme el onziesme course, ne feirent point d'atteinte ; et furent icelles armes achevées par la manière dessusdicte.
Ainsi se fournissoit iceluy noble pas, et venoient nobles hommes de tous coslés et de divers païs, pour eux éprouver à celle haute et chevaleureuse épreuve ; et d’aucuns , non-disposés à ce, laissèrent à l'arbre, ès-mains des héraux , gage d’espée ou d’esperons , selon le contenu des chapitres cy-dessus déclairés.
Et pendant ce temps retourna le duc de Bourgongne de son voyage à Sainct-Claude, et revindrent avec luy plusieurs nobles hommes savoyens, pour veoir les armes du pas, et principalement pour vcoir faire un chevalier savoyen, nommé messire Jehan de Compaïs, seigneur de Torain , lequel fit toucher les deux escus , pour faire armes de sa personne à pié
et à cheval, et avoit en sa compagnie six. nobles hommes portans ses robes de livrée, qui tous six firent armes à cheval audict pas. Pareillement trouva le duc en son chemin ur escuyer, serviteur du duc de Milan Philippe, qui se nommait Jaque de Visque, comte de Sainct-Martin, lequel comte estoit moult bien accompaigné à la façon de Lombardie, et se monstroit très-homme-de-bien, et venoit pour faire armes audict pas , et ne fut pas le duc très-voulontiers veu et bien recueilly ; el nese firent nulles armes jusques au lundy suivant, comme vous orrez.
Le lundy suivant, vingt-neuviesme jour de juillet, vint le duc et la seigneurie tenir son lieu de juge audict pas, el ce jour-là fut faict armes à cheval devant luy par trois fois, dont le premier qui se présenta devant le juge fut ledict Jehan de Compays, seigneur de Torain, lequel se parlit de la ville de Digeon ayant ses chevaux couverts et ses pareures , armé, heaumé et paré de grans plumars très-honnestement. Il estoit, de sa personne, monté sur un destrier couvert de cendal blanc, semé de ses lettres, qui furent d’or, et me semblérent de poincture, et furent trois lettres, qui firenten mot A v Fr. Ilestoit vestu d’une longue robe d’orfévrerie; eteu monstrant l'ouvrage par manière défigurée , ladicte robe esloit brodée de perles, à très grande largesse. Il avoit après luy quatre chevaux, dont le premnier estoit couvert de satin vert brodé à coliers de mastins; le second de drap d'argent, parti de rouge et de bleu ; letiers d’un satin figure bleu , argenté selon les figures; et le quart estoit couvert de satin cramoisy, tout plein de ses lettres en brodure ; et ses pages vestus de sa devise (qui estoient robes rouges à une manche bleue); et pareillement estoient vestus les six nobles hommes qui, dessous luy, avoient fait tou- Cher, par Savoye le héraut , pour faire armes à cestuy noble pas; et alloient par ordre devant ledict de Compays, et plusieurs nobles hommes de Savoye qui l’accompaignoient ; et en tel estat vint en la tente ordonnée pour soy armer.
Tantost apres entra dedans la lice un escuyÿer garde du pas, nommé Antoine de Vaudrey , seigneur de l’Aigle. Iceluy escuyer fut homme de bonne taille, vaillant et puissant,
MEMOIRES D'OLIVIER DE LA MARCHE
et très-bien renommé ; frère germain de Guillaume de Vaudrey, dont cy-dessus est faicte mention : et depuis fut chevalier de trèsbonne recommandation. Il estoit armé de toutes armes, el sur un destrier couvert de satin cramoisy , brodé , en bordure , de grandes lettres noires : et du costé de son entrée estoit La lice parée de bannières et de pennons de ses armes : et Lantost entra ledict de Compays armé et prest : et firent leurs présentations , et prit chacun son bout , et leur furent leurs lances baillées : et ainsi firent leurs armes, comme vous orrez.
Aux deux premières courses ils faïllirent + mais à la tierce ils firent ateinte l’un sur l’autre, en la bannière dessus les armets : et rompit ledict de Compays sa lance. A la quatrième, ledict de Vaudrey feit ateinte sur son compaignon en la teste. A la cinq et sixième course faillirent tous deux. À la septième se trouvèrent tous deux si rudement qu'ils rompirent kurs lances : ei fut ateint ledict de Compays sur le grand gardebras , et ledict de Vaudrey rez à rez de la lumière de l’armet. À la huictième , neufième et dixième, ne firent point d’ateinte : mais à l’onzièéme et dernière ledict de Vaudrey rompit sa lance sur la rondelle dudict de Compays : et ainsi furent leurs armes accomplies, et revindrent devant le duc.
Mais 1l ne fut point ordonné qu'ils touchassent ensemble , pour ce qu’ils avoyent encores à faire les armes à pié selon la condition de l’escu violet, se mé de larmes noires, touché à la requeste dudict de Compays par Savoye le héraut.
Assez tost après que ledict de Compays fut désarmé , il mena en la lice et conduisit l’un des six escuyers de sa compaignie qui avoit fait toucher l’escu noir, semé de larmes d'or, pour faire armes à cheval : et se nommoit Conrart de Belle-Val, et estoit un Alemand nourri en l’hostel dudict de Compays. Ledict Conrart estoit monté et armé comme il appartenoit. Son destrier estoit couvert de cendal blanc, au mot etlettre d’or dudict de Compays, et telle ou semblable que celle en quoy il avoit couru : et pareillement tous les six que présenta ledict de Compays firent armes en semblables houssures : et, comme garde et deffendeur du pas, se vrésenta de l’autre part un es-
cuyer grand seigneur , et de noble maison, nommé Guillaume de Vienne, seigneur de Mombis. Son costé de la lice estoit paré des bannières de ses nobles armes de Vienne, dont il estoit de nom et d’armes, et en grand partage de seigneuries : et à ceste cause fut débatu, par une question qui sourdit entre les seigneurs de Bourgongne , ses parens, à celle mesme heure sur les rangs, à-Sçavoirsi ledict Conrart estoit gentil-homme de quatre lignes: et prouva ledict Conrart sur les rangs, par le comte de Fribourg et autres comtes d’Alemaigne (à qui il esloit voisin), qu’il estoit gentil- +omme de quatre lignes. Ledict seigneur de Mombis estoit montéet armé ; son destrier estoit couvert d’un satin vermeil, brodé de fleurs d’orfévrerie blanche : et après luy avoit deux chevaux couvers, l’un de satin gris, et l’autre de drap de damas de celle couleur : et chacun de ses pages vestu de mesme la couverte.
Les présentations et cérémonies faictes, on leur bailla les lances: et coururent les quatre premières courses sans ateindre l’un l’autre. À la cinquième course ledict de Vienne consuivit ledict Conrart entre les quatre points, et rompit sa lance par la poignée. À la sixième course , ledict Conrart consuivit ledict de Vienne sur costère , et fit très-bonne ateinte : et ledict de Vienne fit ateinte en glissant , et déferra sa lance. A la septième consuivit ledict de Vienne son compaignon au dessous du grand garde-bras. À la huictième, neufième et dixième course, faillirent tous deux : et à l’onzième et dernière course, ledict Conrart fit ateinte en glissant au dessous du garde-bras dudict de Vienne : et ainsi furent icelles armes acomplies.
Les tierces armes qui se firent celuy jour furent d’un escuyer nommé Bartholomy de Thymis, seigneur de la Bigarne : et le présenta ledict de Compays, monté, armé et paré comme il est dict dessus de soncompaignon : et d’autre part se présenta un moult-vaillant escuyer et honneste , garde du pas, nommé Jehan, seigneur de Ru. Ledict de Ru fut monté et prest pour ses armes fournir, et estoit son destrier couvert et paré d’un drap de damas blanc.
Après les devoirs acomplis, leur furent les lances baillées : et fut telle leur fortune, qu’ils
coururent neuf courses, sans ateindre ou trouver l’un l’autre. A la dixième course , ledict Bartholomy fit ateinle sur son compaignon au garde-bras : et à l'onzième et dernière course, iceluy Bartholomy fit ateinte sur le seigneur de Ru & l’armet. N'onques ledict de Ru ne peut faire ateinte: dont il estoit moult déplaisant, et requit par plusieurs fois de pouvoir encores courre ; et pareillement faisoit son compai gnon. Mais pour ce qu’on ne sçavoit quel nombre de gens pourroyent venir au pas, et les aventures considérées qui journèlement en tel cas adviennent , le prince ne voulut pas que l’on excédast le nombre des courses, veu le contenu des chapitres: et se départirent ainsi icelles armes; et qui bien eust congnu ledict seigneur de Ru, il l’eust excusé par la fortune : car il fut de son temps tenu pour homme de bien, vaillant , et adroit de sa personne.
Le mardi suivant, trentième jour d’iceluy mois, se présentérent à une fois trois escuyers de la compaignie dudict seigneur de Compays, armés et montés , et leurs chevaux couverts à la pareure dessus-escrite : et d’autre part se présentérent trois des gardes du pas à une fois : elaprès les présentations faictes et les manières en tel cas acoustumées, tous se retirèrent d’un costé et d'autre hors de la lice, excepté un escuyer nommé Josse de Sainct-Jore, conduit par ledict de Compays : lequel escuyer estoit ordonné à faire ses premières armes. Et des gardes du pas demoura un escuyer nommé Guillaume , seigneur de Chaudiners. Son cheval estoit paré d’un drap de damas blanc, à grans ouvrages. Les lances leur furent baillées : et de la première course ledict de Chaudiners fit unc grande et forte ateinte sur son compaignon.
A la seconde, ledict de Chaudiners fit encores ateinte sur le garde-bras. A la troisième, quatrième, cinquième , sixième , septième , huictième et neufième course, faillirent tous deux. À la dixième course, ledict de Chaudiners désarma ledict de Sainct-Jore de son grand gardebras, de plaine ateinte : et à l’onzième et dernière course ne se trouvèrent point, et furent leurs armes achevées.
Ne demoura guères que ledict de Compays, pour le cinquième de ses gens, et celuy qui pour ce jour devoit faire les secondes armes, pré-
es
senta un escuyer nommé Jaquemart Brunier, et d’autre part se présenta un escuyer nommé Jehan de Sicon, garde du pas. Il estoit prest, monté et armé sur un destrier couvert de damas bleu : et fut homme de bon lieu, et bien renommé. Pour abréger, les escuyers prirent leurs lances, et coururent trois courses sans ateindre. À la quatrième , Jaquemart ateindit Sicon au naut de la pièce. À la cinquième, sixième , septième, huictième, neufième et dixième, faillirent tous deux : et à l’onzième et dernière course, firent très-dure ateinte l’un sur l’autre, et rompit ledict Jaquemart sa lance : et par telle manière furent icelles armes achevées.
Celles armes achevées , ledict de Compays présentalesixièmede sesgens: etfutun escuyer, nommé Nycotde Villette. Il estoit prest, monté et armé comme dessus. D'autre part se présenta le tiers garde du pas pour celuy jour : et fut un chevalier moult honnorable, vaillant et renommé, nommé messire Amé Rabuslin, seigneur d’Espiry : duquel chevalier sera cyaprès escrit par honnorable recommandation, à l’entresuitte de mes Mémoires. Le chevalier estoit monté et armé comme il appartenoil :
et son destrier paré et couvert d’un drap de damas bleu, à la pareure de son compaignon, qui devant lui avoit fait armes. Toutes choses faictes en devoir, les lances leur furent baillées : et ainsi que les armes sont journales, et les bonnes aventures à la disposition de fortune, ils coururent et achevèrent leurs armes, et les onze courses limitées , sans faire ateinte l’un sur l’autre. Moult déplaisans furent l’un et l’autre, et requirent tous deux au duc leur juge, moult-humblement, de pouvoir courre plus longuement. Mais le duc, pour les causes dessus-dictes, ne le voulut souffrir : et ainsise départirent. Ainsi fut l'emprise dudict Jehan de Compays, seigneur de Torain, tant de luy que de ceux qu’il avoit amenés, touchant les armes à cheval, faicle et achevée : et ne restoit plus de son emprise que la fourniture des armes à pié, que de sa personne il avoit emprises , selon les conditions de l’escu violet.
Si se prépara de son costé pour icelles fournir, au temps et au jour qui luy fut assigné et baillé : et de l’autre costé se prépara Anthoine de Vaudrey, seigneur de L’Aigle, qui estoit or-
MÉMOIRES D'OLIVIER DE LA MARCHE
Compays : et pendant ce temps se fournissoyent les armes des autres nobles hommes venus au pas dessusdict : et se présenta Jaques de Visque, comte de Saint-Martin, par un mercredi, dernier jour d’iceluy mois. Iceluy comte de Sainct - Martin fut natif de Piémont, et serviteur du duc de Milan, comme dessus est dict : et avoit fait toucher, par Palatin le héraut, l’escu noir, semé de larmes d'or. Ledict comte estoit monté et armé comme en tel cas il appartient : et estoit son destrier couvert d’un demy satin verd, selon mon souvenir : et sçay bien que par-dessus la couverte avoit cinq licornes richement brodées. Il avoit suitte de trois chevaux parés el couverts. La première couverte fut de satin noir, brodée et orfèvrerisée trèsrichement, à manière de monstres de mer : et estoit la figure d’une femme, depuis le nombril en amont, tenant manière de tirer flèches d’un arc turquois : et le demourant d’icelle femme estoit la queue d’un serpent vétortivée, qui s’estendoit à la pareure et au remplissement de ladicte couverte : et de telles figures fut semée en plusieurs lieux. Le tiers cheval futcouvert de satin cramoisy. Ses pages estoyent veslus de satin verd, à l'italienne mode, et portoyent armets ethaumes à grands plumets très-honnestement.
D'autre part se présenta le deffendeur du pas, qui fut un chevalier frère du seigueur de Charny, chef des gardes du pas dessus-dict. Cestuy chevalier se nommoit messire Guillaume de Beauffremont , seigneur de Sey et de Sombernom, homme chevyaleureux de sa personne, ct fort renommé. Le chevalier se présenta prest pour ses armes fournir. Sondestrier estoil couvert d’un velours sur velours violet, et après luy avoit trois chevaux de pareure : dont le premier estoit couvert de ses armes, le second de drap d’or gris, et le tiers de velours cramoisy. Présentations faictes, chacun pritson bout et leur furent les lances baillées. De la première course ils faillirent tous deux d’ateindre. À la seconde, le comte de Sainct-Martin fit ateinte sur le grand garde-bras de son compaignon. À la tierce, le seigneur de Sey fit ateinte, sur le bord de la bavière du comte. A la quarte, le comte fil ateinte, en glissant, sur le heaumet du seigneur de Sey, et l’en désarma : et le seineur de Sey consuivit le comte au bord de la
donné pour faire icelles armes contre ledict de | bavière de l’armet. et rompit sa lance et son
arrest : dont ledict comte pleya très fort. Presternent fut le seigneur de Sey réarmé de son garde-bras. À la huictiesme ‘course, le comte fit atteinte sur costière en glissant, et à la neufième se trouvèrent l’un l’autre très durement: et rompit le comte sa lance, et le seigneur de Sey agreva le fer de la sienne plus d’un doigt: et des autres deux courses, dix et onze, ne firent point d’ateinte : et ainsi furent icelles armes acomplies.
Ce mesme jour, et assez sur le tard, se présenta un escuyer du Dauphiné, nommé Henry de Gouyignon, monté et armé pour faire armes à cheval; et me semble que son cheval estoit couvert d’un sandal rouge, sans autre devise : et d’autre part se présenta un escuyer nommé Jehan de Chaumergis, garde du pas. Iceluy Chaumergis fut un grand et puissant hommed’armes, moult renommé de vaillance, et fut l’un des premiers escuyers d’escuyerie du duc de Bourgongne: et se présenta prest et armé pour deffendre le pas en son endroit. Son cheval estoit couvert d’un drap de damas violet. Cérémonies faites et acomplies, les escuyers furent saisis de leurs lances, et chacun à son bout : et laissèrent courir l’un sur l’autre, et coururent la première et deuxième course sans ateinte faire. À la tierce, Chaumergis prit ledict Gouviguon sur costière, et luy donna une très bonne ateinle. A la quatrième, ledict de Gouvyignon trouva ledict de Chaumergis sur lk grand garde-bras, et agrava sa lance. A la cinquième, se trouvèrent l’un l’autre très durement, et rompit Chaumergis sa lance. À la sixième, consuivirent l’un l’autre en glissant. A la septième, ledict de Gouvignon fit une ateinte sur costière, et rompit sa lance. À la huictième, trouvèrent l’un l’autre tous deux à l'entour des armets, et rompirent leurs lances en plusieurs pièces. A la neufième, se trouvèrent tous deux au bord de la veue, et du coup agravérent les fers de leurs lances, et partit le feu des armeures d’un chacun. À la dixième, firent tous deux ateinte : dont le feu saillit. A l'onzième et dernière course, Chaumergis fit ateinte sur son compaignon : dont le feu sail-
Dauphiné , et compaignon de Henry de Gou- Yignon dessus-nommé : et se nommoit Louisde La Basine, seigneur de Bermette. Ilestoit monté et armé sur un destrier couvert de satin, miparti de bleu et violet : et tantost après se présenta le comte d’Arbert, seigneur de Valengin, prest, monté et armé pour sa part du noble pas deffendre. Son cheval esloit couvert d’un drap de soye verde, semé de brodure, et d’orfèvrerie de soleils d’or élevés: et par dessus chacun soleil, comme au milieu, avoit boutons de roses élevés, apparens de leurs feuilles et fleurs. Il estoit suivy de six chevaux de pareure : et sur chacun cheval un petit page vestu richement, de telle couleur et de telle sorte que la boussure et pareure du cheval que chacun chevauchoit : et d’abondant avoyent iceux pages cheveux crespés, à la façon d’Alemaigne : et croy qu'ils furent artificiels, et non pas les leurs propres. Le premier cheval estoit couvert d'unes bardes d'acier : et le page de dessus estoit armé d'un harnoiïs blanc de Milan. Le second fut couvert d'oréfvrerie sur bleu, et toujours le page de mesme ; le tiers, d'orfévrerie sur rouge ; le quart, d’orfévrerie sur le verd; le cinquième, de drap d’or noir; et le sixième, bardé d’acier. Les devoirs faicts, chacun fut saisi de sa lance, et coururent les quatre premières cuurses sans faire ateinte.A la cinquième, le comte ateindit, en glissant, son compaignon. De la sixième ne se trouvèrent point. À la septième, ils s’ateindirent tous deux: et rompit ledict de Bermette le fer de sa lance. A la huictième, neufième et dixième course, faillirent tous deux. À l’onzième et dernière course, Ledict de Bermette fit une ateinte à la visière de l’Armet du comte : et ainsi furent icelles armes faictes et acomplies.
Ce mesme jour, et assez tost après celle heure, se présenta, pour faire armes , un escuyer nommé Jaques de Montagu : et croy qu’il estoit du Dauphiné, mais ne suis pas bien mémoratif s’il estoit du Dauphiné ou de Sa- | voye. Celuy escuyer se présenta, monté et ar-
mé sur un destrier couvert de satin vermeil : et
2 —— 2 om
. d’autrepart se présenta le garde du pas, qui fust
lit, et son compaignon faillit d’ateinte. Si fu- | un escuyer natif de Savoye : mais il estoit te-
rent les armes acomplies.
nant en la comté de Bourgongne, et se nom-
Le sixième jour du mois d’aoust (qui fut par | moit Jaques de Challant, seigneur de Manille.
un mardi), se présenta un escuyer du païis du
Icestuy de Challant fust un homme valeureux
