CHAPITRE X

Comment le bon duc Philippe de Bourgongne gaïgna plusieurs | places en la duché de Luxembourg.

Ainsi ce noble pas fut achevé et soutenu, par le seigneur de Charny et par ses compaignons, en chevaleureuse exécution d’armes, ea grandes pompes d’habits et d’acompaignemens, et à grande, large et abandonnée despense de mengers et de festimens ; et pendant ce temps que le bon duc prenoit ses plaisirs el ses honnestes passetemps, messire Nicolas Raoulin, son chancelier, messire Anthoine de Crouy, son premier chambellan, ne ceux de son conseil, n’estoyent pas oiseux ; mais pratiquoyent, par conseil et par grand advis, les expéditions des affaires du duc, et principalement des deux matières dont dessus est faicte mention : c’est-à-sçayoir la response de l’ambassadeur de l’empereur de Constantinoble {qui estoit venu pour si haute matière que pour le confort et secours de la foy et de l’estat d’un empereur si noble et si antiqne en sa génération que celuy de Constantinoble), et ce que l’on pourroit faire avecques la duchesse de Luxembourg, afin que le duc la peust secourir et aider en son désir, par juste tiltre et querelle de raison; et, outre ces choses, se pratiquoit l'allée et le partement du duc de son païs de Bourgongne, pour se retirer en Flandres, Picardie et Brabant, et en ses autres

païs (pour ce qu’il avoit desjà esté près de dix.

huict mois sans les visiter et veoir); et desjà estoit mandé le comte d’Estampes, gouverneur de Picardie, avec bien deux mille combatans, pour venir au-devant du duc.

D'autre part, en Bourgongne se présenta Cornille, bastard de Bourgongne, pour sa première armée, et assembla cent hommes-d’armes, emplumachés et habillés en pareure semblable, et n’atendoit on que la fin du pas pour partir et se meltre en chemin; et ainsi le pas et le temps des six semaines expiré, toutes préparations furent faictes ; et, tout conclu et délibéré, jour fut pris, pour le partement du duc, au vingtunième jour de septembre, et me souvient qu’iceluy jour disna le duc en l’hostel d’un nommé Jehan de Visan; et là, au partir de disner,. le duc expédia l’ambassadeur de l'empereur de Constantinoble, et luy fit de grands dons; et fut l’effect de son expédition

tel, que le duc faisoit sçavoir à l’empereur qu’il se tiroit en ses païs marins, et que, luy arrivé par-delà, il mettroit gens et nayires sus, pour l’aide et confort de la chrestienté et de l’estat de l’empereur ; et de ce feroit telle di- Hgence, que l’empereur auroit cause de soy contenter.

Après l’expédition de l’empereur, fut expédiée la duchesse de Luxembourg, dontle traité et l’apointement estoyent desjà faicts et conclus par le duc et par la duchesse; et ne restoit qu’à lire et voyr ce que de ce estoit délibéré et cscript; et fut en effect tel l’apointement faict entre le duc et la duchesse sa tante, que le bon duc entreprendroit la conqueste de la duché de Luxembourg sous tiltre et querelle d'elle, et se diroit mambour et gouverneur de ladicte duché, et ordonna et assigna, pour ladicte duchesse et pour son estat, dix mille livres par an, à prendre et lever sur les meilleurs et plus clers deniers de ses païs ; et de celle heure manda par ses lettres à messire Symon de Lalain, à messire Sausse son frère, et autres ses capitaines, qu’ils entrassent audict païs de Luxembourg à main armée et forte, et commençasssent la guerre au nom de la duchesse et de luy ; et à toute diligence fut envoyée la défiance à un chevalier sassois (qui fut envoyé de la part du duc de Sasse au lieu de Luxembourg, et se nommoit le comte de Click), etaux Luxembourgeois semblablement, et à tous autres qui voudroyent contester au droit de la duchesse; et en celle défiance furent nommés tous les parens et aliés du duc de Bourgongne, et mesmes les barons et capitaines de sa guerre; car telle est la coustume et la guise des Alemaignes, qui veut par honneur guerroyer.

La duchesse despeschée, le duc fit venir devant luy le comte de Sainct-Martin et messire Diago de Valière, ensemble Guillaume de Vaudrey et Jaques de Challant, auxquels restoit encores l’achèvement de leurs armes, commencées les uns contre les autres, comme il est assez cy-dessus escript et déclairé. Si leur remonstra le ducses grans affaires, et comment nouvellement il entroit en guerre et en conqueste pour la querelle de sa belle tante ; parquoy il ne pouvoit plus arester n’atarger au païs, et que desjà estoit son armée de Picardie

aux champs, à grans fraiz et à grande foulle, et leur prioit en effect qu’en faveur de luy, et comme leur juge en ceste partie, par leur mesme choix et élection, qu’ils se voulsissent tenir contens d’icelles armes commencées, et qu’ils s’y estoyent de chacun costé si honnorablement portés et mintenus, qu'ils avoyent honveur assez en ceste cause. Surquoy tous quatre se mirent à genoux, et se contentèrent

du plaisir du duc, et en sa présence touchèrent

ensemble; et leur fit le duc de grands dons, et à tous ceux qui firent armes au pas dessusdict, et retint le duc le comte Sainct-Martin de sa maison, lequel y fut toujours depuis, et s’y conduisit et gouverna honnorablement et bien.

Ces choses faictes, le duc se retira en son hostel pour s0y armer et mettre en point, et tandis chacun montoit à cheval à qui mieux mieux ; el, ce jour, Cornille, bastard de Bourgongne dessusdict, tira son premier estendard aux champs, ct fit l'assemblée des cent lances” qu’il avoit de charge en la place qui est devant la chapelle de la Toison d'Or, et bailla son estendard à porter, et en garde, à un escuyer de la comté de Bourgongne, nommé Jehan de Monfort, beau gentilhomme, et bien renommé.

Le duc monta à cheval environ quatre heures après midy, et pluvoit merveilleusement, dont ce fut dommage que le jour ne fut bel et clair, car les pompes furent grandes, et la seigneurie richement en point, et principalement le duc, qui de son temps fut un prince honnesle et joly, et curieux d'habits et de pareures, et dont le porter et la manière luy séoit si bien et tant agréablement, que nul plus de luy ne fut trouvé nulle part. Il avoit dix huict chevaux d’une pareure, harnachés de velours noir, tissus et ouvrés à sa devise (qui furent fusils garnis de leurs pierres, rendans feu); et, par-dessus le velours, gros cloux d’or élevés et émaillés de fusils, et faicts à moult grans cousts. Ses pages estoyent richement en point, et portoyent divers harnois de teste garnis et ajolivés de perles, de diamans et de balais, à merveilles richement, dont une salade seule estoit estimée valoir cent mille escus d’or. Le duc de sa personne estoit armé gentement de son corps, et richement, ès gardes, tant de ses bras, comme de son harnois de jambes, dont icelles gardes

MEMOIRES D'OLIVIER DE LA MARCHE

et le chanfrain de son cheval estoyent tous pleins et enrichis de grosses pierreries qui valoyent un merveilleux avoir; et de ce je parle comme celuy qui estoye lors page du duc, et de celle pareure.

Jehan, monsieur de Clèves, et son mignon Jaques de Lalain, furent fort en poinct d’escuyers, de chevaux, de pages, d'orfèvrerie, et de campanes. Aussi furent le seigneur de Beaujeu, fils du duc de Bourbon (qui lors estoit bien jeune), monsieur Adolf de Clèves (qui commençoit à soy façonner, el à prendre cueur), le comte de Nevers, et mesmement ledict bastard de Bourgongne, qui avoit attiré à soy plusieurs jeunes gens de l’hostel du duc, pour luy tenir compaignie en sa première armée : comme Jehan Du Bois, un moult bel escuyer de Picardie; Anthoine de Sainct-Symon, moult honneste personnage, et qui depuis laissa le monde, comme cy-après sera déclairé. Bref, le partement de Digeon fut pompeux à merveilles, et la journée laide et pleine de pluye, et furent toutes ces belles pareures moull empirées ; et se tira le duc en sa vile de Sainct- Songne pour celle nuict, et fut son partement par un jeudy, le neufième jour de septembre 1443. Ce mesme jour se partit la duchesse pour suivre le duc, et demourèrent le lendemain tout le jour au lieu de Sainct-Songne, et furent logés en l’abaïe, et là attendirent que chacun se rassemblast; car à la vérité plusieurs gens s’égarèrent et perdirent celle nuit, qui ne sceurent venir au Jogis ; car le duc estoit parti tard, et fut assez sa coustume de partir tard et d'arriver de nuict; et le troisième jour se partit le duc et la duchesse, et prit le chemin de Bar sur Aube, et de là à Briane le Comte (qui estoit entrée de Champaigne); et passa, par Saincte- Menehoult, le travers de la basse Champaigne : et sur ce chemin trouva le comte d’'Estampes, et plusieurs seigneurs de Picardie, et pouvoyent estre cinq cens lances, et dix huict cens archers. En cette compaignie furent les seigneurs de Saveuses, le seigneur de Neufvile, le seigneur de Miramont, le seigneur d’Aplaincourt, et plusieurs autre$ chefs. D’autre part esloyent desjà entrés au païs de Luxembourg messires Symon de Lalain, messire Sausse son frère, Henry de La Tour, Philippot de Savigny, et autres, par l'ordonnance

et commandement du duc ; et prestement saisirent Yvis, Mommedi, Lambu, et autres places, qui firent à la vérité obéissance au duc, au nom de leur dame et princesse ; ensemble . plusieurs nobles hommes du païs, et nommément le seigneur de Bourset et ses enfans, et le seigneur de Souleuvre et autres.

Le duc traversa la basse Champaigne jusques à Maisières sur Meuse, et là séjourna par aucuns jours , prit ses conclusions, et fit ses ordonnances. Et de là se partit la duchesse de Bourgongne , et se mit par batleaux , et vint, par la rivière de Meuse, arriver à Namur : et de là se tira à Brucelles, où elle trouva son fils monsieur Charles de Bourgongne , comte de Charolois, et madame Jehanne de France, laquelle madame Jehanne fui fille du roy Charles : et avoit esté faict le mariage du comte de Charolois et de ladicte dame pour l’entretènement de la paix et de l’union du royaume de France. Lesquels nobles enfans le receurent à grande joye et à grande liesse : et pour le présent nous lairrons à parler de la duchesse et de sa compaignie , et relournerons au duc et à son armée, pour deviser comment ne par quelle manière il exploita sa guerre , et comment en peu de temps il conquesta toute la duché de Luxembourg, et la mit en son obéissance.

Comme dessus est dict , le duc séjourna au lieu de Maisières sur Meuse cinq ou six jours : et préparason emprise pour entrer en conqueste, et se partit dudict Maisières, par ainsi que sur le my-juing : et tira à Yvis, en la duché de Luxembourg , en l’une des viles de sa comté de Cheny : et sur le chemin luy vindrent au-devant plusieurs chevaliers et escuyers de ladicte duché, et les plus grans, qui tous luy firent obéissance en armes, et prests de servir le duc en sa conquesle : et là vint le comte Jehan de Vernambourg, qui avoit plus de soixante ans d’age : mais beau chevalier, sage, et représentant se monstroit. Il estoit fort accompaigué d’Alemans , et servit bien le duc à icelle conqueste. Et fut vray qu’à une petite lieue d’Yvis, du long de la rivière, tirant À Merville, avoit une place nommée Villy, fortifée d’une grosse tour , et prise d’embléc par un des soudoyers du damoiscau de Commercy, nommé Jaquemin de Beaumont, homme

sublil et avantageux en guerre , et tel qu'il le faloit audict damoiseau son maistre. Cestuy Jaquemin couroit tout le paÿïs, et faisoit moult de maux.

Si furent envoyés, deux jonrs ayant le parlement du duc , du lieu de Maisières, les seigneurs de Saveuses , de Neufville et de Miramont , avec bien cinq ou six cens archers de Picardie, pour essayer de prendre ladicte place ,et principalement ledict Jaquemin , s'il estoit possible : et firent si bonne diligence les capitaines dessus-nommés, qu’à un bien matin ils mirent leur embusche, et envoyèrent leurs coureurs pour cuider entrer en la place , à la porte ouvrir. Mais le guet et la garde furent grans : et quand il veirent que par ce bout ils ne pouvoyent rien exécuter , ils veindrent devant la place, et l’assiégèrent , et se logèrent jusques dedans la basse-court, et prirent el gardérent toutes les saillies du chasteau : et bien le peurent faire ( car ils estoient assez de chefs et de gens duits et apris de la guerre, et de ce mestier ); et tantost après arriva à leur aide Philebert de Vaudrey, maistre de l’artillerie du duc; un moult vaillant escuyer bourgongnon , hastif et diligent en armes : et amena bombardes et serpentines , el ce qui faisoit mestier pour batre place. Ainsi fut assiégé le chasteau de Viily et Jaquemin Beaumont, dedans ensemble plusieurs compaignons de guerre : et dont entre les autres y avoit un gentilhomme de Picardie, nommé Guillaume d’Auroul , qui pour aucun débat s’esloit parti de son païs : et passa Île temps à son aventure, et se conduisit iceluy Guillaume très loyaument avecques ledict Jaquemin, dont il ne fut que mieux prisé , puisque sa fortune estoit telle. Et se conduisoyent ledict Jaquemin et ceux de la place forte en gens de guerre , et dura le siége longuement : et maintesfois nous autres, pages du duc , alasmes voir le siége et la manière de faire, ainsi que jeunes gens vont pour apprendre , et pour voir nouvelletés.

Durant le temps de celuy siège , le duc tira avant en païs, et prit son chemin par Marnille et par Vierton, et de là en une vile désemparée que l’on nomme Aïs , et passa par Harlon : et par tous ces lieux ne trouva résistance que petite , ou nulle : et les principaux

lieux du païs qui faisoyent la guerre, et où estoit le fort des gens-d’armes , ennemis du duc, c'estoit la vile de Luxembourg et celle de Tionville , qui sont deux bonnes viles et puissantes : et estoyent garnies de soudoyers de guerre , Behaignons et Sassons, et avantureux , sans les communes des viles , qui sont tous gens armés , el nourris à leur aventure, et au mestier de la guerre : et estoit chef de ceste compaignie : et lieutenant pour les ducs de Sasses, au païs de Luxembourg et comté de Cheny, le comte de Click : et à la vérité lesdicts Sassons se conduisoyent en leurs courses très sagement, et s’avanturoyent pour gaigner par bonne façon , voire jusques à gaigner et à emmener de nos gens, pris et créancés jusques au portes d’Arlon , où estoit le duc en personne.

Hardiment s’ayenturoyent les Sassons à dix ou à douze chevaux ensemble , et non pas en compaignie , pour faire rencontre digne de mémoire : et bien le pouvoyent faire : car en nostre compaignie estoyent plusieurs Alemans, auxquels les Bourgongnons, Picards, Hannuyers et Namuroisn’avoyent nulle communication de language, pour la différence des langues : parquoy lesdicts Sassons, comme Alemans, pouvoyent fort aprocher nos gens, et les prendre d’aguet , pourtant que l’on ne sçavoit s'ils estoyent amis ou ennemis, jusques à ce qu'ils monstroyent par effect : et portoyent leurs crannequins bandés, et le traict dessus : et enclooyent un homme ou deux s'ils les trouvoyent à part; et premier que remède y fust mit, il luy faisoyent dire le mot ; comme ils firent au Martre, un archer du chancelier de Bourgongne, bel homme , vaillant et renommé , et depuis fut archer du corps du duc : lequel Martre, pour ce que l’abrevoir estoït hors la vile d’Arlon , et doutoit de perdre son cheval, luy mesme l’alla abrever : et trouva en l’abrevoir deux cranequiniers , qui desjà tenoyent manière d’abrever.

Si cuida ledict archer que ce fussent de nos Alemans, et les cranequiniers luy firent courtoisement place êntre eux deux : et tantost en revint deux autres à la queue , et tous quatre monstrèrent le vireton surla corde, à l’archer: lequel se trouva dépourveu : et le créancèrent et l’'emmenèrent à Luxembourg : et de là en-

MEMOIRES D'OLIVIER DE LA MARCHE

ayant fut ordonné que gens-d’armes garderoyent l’abrevoir à l'heure d’abrever les chevaux : et say bien que quand nous autres pages, alions à l’eau avec les chevaux du duc, dix ou douzes lances estoyent ordonnées pour nous convoyer. De telles petites prises etaprises firent les Sassons sur nostre compaignie, et peu ou rien de grandes, ny de chose qui à ramentevoir face.

Si marcha le duc plus avant en pals: et toujours luy venoyent et croissoyent gens de toutes parts, et venoyent à luy tous les seigneurs et nobles hommes de ladicte duché, qui tenoyent places et seigneuries en hommage de ladicte duché : comme le Sangler d’Ardenne , nommé le Damoiseau ; Jehan de La Marche, et autre granus personnages : et le plus de résistance que trouva le duc au païs, avec les deux viles dessus-dictes , fut le damoiseau de Rodemac, qui est un grand seigneur en icelle marche. Celuy tenoit fort bon pour les Sassons, et estoit mauvais Bourgongnon en courage ; mais il garda sa maison, et fit petite guerre : car il escoutoit qui en auroit du meilleur. |

Pareillement le damoiseau de Commercy avoit au païs aucunes places prises par ses adhérans , comme Jaquemin de Beaumont et autres : et avoit ledict Jaquemin, à l’aveu dudict damoiseau, pris et pillé la vile de Mommedy, qui luy fut, par le prévost de Merville et autres Luxembourgeois, recousse et la vile et la proye. Mais toutesfois tenoit encores ledict damoiseau la place de Chavancy, et en son

nom ledict Beaumont tenoit Villy, qui futas

siégée à l’entrée du duc au païs, comme dict est : et avoit ledict de Commercy grosse garnison en ladicte place de Chavancy secrètement, attendant son heure : tant qu’à l’aide d’autres et d’iceux, s’il voyoit son avantage, cuidoit lever le siège, ou faire son profit à-l'encontre des Bourgongnons ses ennemis, comme vous orrez cy-après.

Ainsi chevaucha le duc et son armée par le païs et duché de Luxembourg, toujours gaignant places et fortresses, qui se rendoyent et faisoyent obéissance au duc , au nom de leur duchesse : et venoyent Les nobles hommes voisins, de toutes pars, eux présenter au service du duc : et mesmement ceux de Metz offroyent

leurs soudoyers semblablement au duc; et à tous et à chacun faisoit le duc si bon visage et agréable recueil, que chacun se contentoit de sa bonne grâce avoir et desservir : et n'arresta guères à icelle fois le duc en la vile d’Arlon, qu’il se tira par le bas païs, laissant Luxembourg à la main senestre : et se tira en une petite vileque l’on nomme Florehenges ,appartenant lors à Henry de La Tour , à cause de sa femme ; et là se logea le duc, et mena avec Iuy la duchesse de Luxembourg, sa tante, qui desjà esto si gouteuse qu'il la falloit porter de maison en maison, et de lieu en autre, en une selle.

Si se logea le duc au chastel : et le comte d’'Estampes , et le bastard de Bourgongne et son armée se logèrent à une bonne lieue de là sur coslière , en un lieu nommé Catenant, et autres villages prochain:; car ils n'estoyent qu’à une petite lieue de Tionville , une trèsbonne vile de guerre pleine de gens-d’armes, et la plus obstinée contre le duc qui fust en tout le païs. Et pareillement estoit loyé le duc aussi près , ou plus : et voyoit on de Tionville clèrement à Florehenges, ct tant que le duc fit en ce voisinage moult de courses devant icelle vile ; l’une fois par le comte d’Estampes, l’autre par le bastard de Bourgongne, et l’autre par ceux de la court, et qui estoyent avecques le duc: comme le comte de Nevers qui aucunefois y faisoit son tour , et autresfois Jehan, monsieur de Clèves ; et le plus souvent couroyent les gens-d’armes , compaignons de la court, sous moindre chef : dont le bastard de * Sainct-Pol , seigneur de Halbourdin , avoit le plus souvent la conduite et la charge : lequel fut de son temps moult beau chevalier , sage, vaillant et redouté en armes, homme de conduite, et qui beaucoup avoit veu de la guerre, homme expérimenté de François et d’Anglois, chevalier de l’ordre de la Toison d’or, et l’un des renommés de son temps.

Toutes icelles courses portèrent pelit fruit, et feirent petit exploict. Car les Alemans et Sassons de la garnison se gardoyent sagement, et ne sailloyent que par les marests (qui sont longs et profons , en la pluspart du circuit de ladicte ville), et venoyent aux barrières , et à l'entrée de leurs forts : et ne pouvoyent gensde-cheval les aprocher sans grande perte, pour

leurs cranequins , arbalestes, et autre traict : dont ils estoyent très-bien garnis , et dont ils firent des dommages assez à nos gens ; et prirent et découpèrent un homme-d’armes , alemand, de la compagnie de Jehan, monsieur de Clèves , nommé Rosequin, par soy trop avenlurer (car il estoit homme très-vaillant de son corps), et plusieurs chevaux et gens navrèrent et blessèrent par telles emprises : et furent longuement sans ce qu'ils fissent , de leur costé, saillie ou emprise sur ceux de nostre parti : et furent à la longue avertis qu’un homme-d’armes bourgongnon, nommé Jehan de La Plume, acompaigné d’environ trente combatans, s’estoit bouté en une petite place nommée La Grange , à une demie lieue dudict Tionville.

Celuy Jehan de La Plume fut un compaignon de la comté de Bourgongne , qui servoit de soudoyer en la cité de Metz, et se maria à une ancienne riche femme : et se partit de Metz pour servir son souverain seigneur de nativité, bien en point et bien accompaigné selon son cas : et fut logé (comme dict est) en la place appelée La Grange. Si firent les Sassons leur emprise secrètement, et par une noire nuict se partirent trois cens homms à pié ou à cheval: et moitié d'assaut, moitié d'emblée, gaignèrent le chastel de La Grange ; et se retraïrent à grand danger ledict de La Plume et ses compaignons en une tour, et là se deffendirent moult-vaillamment , el plusieurs blessèrent de leurs ennemis : et furent de leur part presque tous blessés ct nayrés. Finalement, les Sassons (qui veirent qu’ils ne pouvoyent les hommes avoir) doutèrent le jour adjourner et le sccours venir : et pourtant prirent tous leurs chevaux et leurs habillemens, et ce qu’ils peurent trouver de bagues et de gens, et s’en retournèrent en leur vile : et fut le plus grand cxploict dont j'ay souvenance, qui fust faict en toute celte guerre à l'encontre du duc no son parti.