CHAPITRE XI
De ce qui fut parlementé, sur la querelle de Luxembourg, entre le duc de Bourgongne et les Sassons.
Pendant ce temps une journée fut prise et tenue, au lieu de Florehenges, entre le duc et le comte de Click, lieutenant-général pour le duc de Sasses en la duché de Luxembourg;
et à celle journée furent envoyés deux chevaliers alemans tenans le parti des ducs de Sasses, et dont je n’ay mémoire des noms. À celle journée fut la duchesse de Luxembourg présente , et toute la noblesse et chevalerie tenant le parti du duc et de la duchesse, et mesmes plusieurs estrangers et voisins qui estoyent
venus veoir l’estat de l’armée du duc, les uns-
pour le visiter, les autres pour lui présenter service, el autres pour demourer par moyen neutre en celle guerre, et sans tenir parti : dont , entre autres, y estoit un notable chevalier nommé Guillaume, seigneur de Fenestranges, natif de la duché de Lorraine, el pour lors mareschal dudict païs de Lorraine ; et pour ce qu’iceluy mareschal parloit les deux langages, il eut charge, de-par le duc de Bourgongne et de la part des Sassons, de porter le langage d’une part et d’autre : maintenant à l’alemant raportant du françois ce qui estoit dict de la part du duc; et outre raportoit en françois ce que lesdicts Sassons et Alemans avoyent dict et mis ayant en leur langage. Ce qu’il sceut bien et notablement faire; car il fut un très-sage et nolable chevalier de son temps, et fit depuis des services à la maison de Bourgongne ès guerres du Liège, qui ne sont pas à oublier, et dont cy-après sera parlé. :
Le duc fut en celle journée assis sus un banc paré de tapis, de carreaux et de palles; et fut environné de sa noblesse , et acompaigné et adextré de son conseil, qui estoyent derrière la perche du banc, tous en pié , et presls pour conseiller le duc si besoing en avoit, et dont les plus prochains de sa personne furent le chancelier et le premier chambellan : et ceux là esloyent au plus près du prince , l’un à dextre , et l’autre à senestre.
Le chancelier proposa pour le duc de Bourgongne , et parla longuement ; et me souvient qu’il remonstra en substance tant pour le droit de la duchesse que pour celuy du duc. Et après que ledict chancelier eut pris ses conclusions et débatu sa matière moult notablement, il dit : « Quant au faict de la bataille, mon très-re- » douté seigneur en respondra; » et plus n’en dit. Le mareschal de Lorraine (qui tousjours portoit la parolle d’un costé et d’autre) déclaira en alemand, aux ambassadeurs, le pro-
MÉMOIRES D'OLIVIER DE LA MARCHE
posé dudict chancelier. Et après son propos fini, le bon duc Philippe reprit le langage, en ensuyvant la conclusion de son chancelier, et dit: « J’ai bien entendu ce que de la part des » ducs de Sasses a esté dict et proposé, tant » du droit qu’ils peuvent avoir en ceste duché » comme autrement, et ce que ces deux che- » yaliers, ambassadeurs envoyés par le comte * de Click, ont proposé. Et ay bien voulu que mon chancelier remonstrast et déclairast les » tiltres, les droits et les gaigères, tant de ma » belle tante comme de moy; afin qu'eux et » un chacun peust mieux et plus clairement » Sçavoir et congnoistre que sans grande et » évidente cause je n’ay point empris ceste » querelle et conqueste ; et n’ay pas intention » de l'abandonner, Dieu et mon bon droit en » aide. Et quant au point qu’ils ont offert, si » je vouloye abandonner ce que j’ay conquis » en cette duché, et le mettre en main neutre » (soit empereur ou autre prince), et que je » voulsisse prendre et élire jour pour me trou- » ver au païs des ducs de Sasses et Sassonne, » tellement acompaigné de gens-d’armes qu’il » me plairoit, que pour cette querelle les ducs » de Sasses me livreroyent la bataille, et fust » la duché de Luxembourg à qui Dieu donne- » roit ceste victoire, certes la bataille est ce » que je désire ; et ne suis pas venu pardeçà » personnellement en autre intention que de » rencontrer mes ennemis, afin que celuy à » qui Dieu aidera en son droit demoure au » païs. Mais d’aler livrer la bataille au païs de » Sassonne (où il peut avoir trois cens lieues » d’Atemaigne de chemin, et auquel païs je » n’ay quelque droit ou querelle), 1l me sem- » ble que l’offre n’est pas raisonnable, et que » par raison jo n’ay cause de l’accepter. Mais » pour ce que la question seule de nostre » guerre meut pour ladicte duché de Luxem- » bourg, je seray content, Dieu en aïde, bailler » toutes les viles, les chasteaux et les forts » que je lien en ma main, tant de la duché de » Luxembourg comme de la comté de Cheny, » ès mains de l’empereur ; et que pareillement » les ducs de Sasses ou leur lieutenant mettent » ès mains de l’empereur ce qu'ils tiennent et » possessent esdictes duché et comté; et qu’à » tel jour qui sera pris par les ducs de Sasses, » nous nous trouvions en telle place qu'ils
» choisiront audict païs; et que lors par l’es- » pée ou par la bataille, avecques la permis- » sion de Dieu, soit congnu le droit d’un chav cun, et que le victorieux demoure posses- » seur : et si j’ay parens ou aliés en leurs che- » mins pour venir jusques icy, je feray bailler » leurs séelés, pour laisser passer amiable- » ment lesdicts ducs de Sasses et leur armée.
» Et pour ce qu’en Sassonne a si belle che- » valerie et si grande noblesse , et de si long- » temps prisée et renommée en armes ; et que » de ma part et en mes païs a pareillement » grande et belle noblesse, et tant de gens de » bien que grand dommage seroit si tant de » gens d’un parti et d'autre, à l’occasion de » nos querelles particulières, mouroyent, et » se meltoyent en danger de leurs estals et de » leurs vies, il me semble que ce seroit le » meilleur, pour les dangers de tant de gens » échever, que nous prissions jour, le duc de » Sasses, querelleur de ceste duché, et moy, » pour comparoir devant la personne de l’em- » pereur, chacun de nous personnellement ; » et que sous son impériale puissance, devant » sa royale magesté, et en la submission de » son jugement, nous combatissions corps à » corps, jusques à ce que l’on eust veu, et par » l’effect de nostre bataille congnu, à qui la » Lerre de droit doit appartenir, et au viclo- » rieux demourast la scigneurie. Sans res- » pandre tant de sang humain d’un costé ne » d’autre , et de ceux qui n’ont part à la que- » relle, fors que pour l’amour et pour le de- » voir que chacun doit à son seigneur et amy » rendre et porter. Et, de ma part, j’offre de » bailler mon neveu de Clèves, el autres de » mon Sang, ès mains de l’empereur, pour » comparoir personnellement devant l’empe- »* reur au jour et lieu qui me sera par luy or- » donné , pour faire, fournir et acomplir, de » ma personne, les choses dessus-dictes, par » les conditions devant proposées. »
Ces paroles, en substance, proposa le bon duc Philippe; et bien le sceut faire; car en matère qui touchoit son honneur, nul homme ne. fut plus aigre, plus prompt, ne mieux éloquent de luy ; et fut homme du plus grand effet de sa personne et de sa chevalerie qu’il n’estoit de paroles; et en pareil cas paravyant il se mit en son devoir pour combatre de sa
personne le duc de Clocestre, un prince d’Angleterre, pour la querélle de la guerre de Hainaut,; et ne tint pas luy que la bataille ne se fist d’eux eux. Les paroles raportées en alemand par le seigneur de Fencstranges aux ambassadeurs, ils dirent que le duc parloit bien notablement, et en prince de vertu; mais quant à la bataille, et combatre de corps, leur seigneur n’estoit point encore en âge de ce faire; et quand le duc le sceut, il parla publiquement depuis, et dit qu’il n’estoit pas informé que le duc de Sasses, quereleur en cesle partie, ne fust en âge suffisant ; et qu'aux enfans ne demandoit-il rien, et que de soyil avoit passé l’âge d'enfance; mais il sçavoit que l’on le disoit homme d’age convenable, et qu’ainsi qu’il avoit dit de l’un, il disoit d’autre. Et à celle journée n’eut autre conclusion, n’autre effet; et se gardoyent les Alemans en leurs forts sagement, sans trop s’aventurer; et faisoit on petile exécution de guerre d’un costé et d'autre.
Durant iceluy temps le siége se tenoit devant Villy, estant dedans Jaquemin de Beaumont, par la manière dessus-escrite; et tenoyent ceux de dehors les assiégés si apressés et si court, et avoyent fait leurs approches et leurs bateries si près et par sibon moyen, qu'ils ne sçayoyent comme eux garantir; et d’autre part le damoiïiseau de Commercy, qui se tenoit à Chavancy, et sentoit la puissance du duc ayecquesluy, à l’autre bout de la duché de Luxembourg et du costé de Metz, fit son appareil, et assembla sa puissance ; et par un jeudy matin, cinquiesme jour d'octobre, avant que le jour éclaircist, vint à la couverte des bois (qui sont grans en cestuy quartier), et envoya ses chevaucheurs, gens de guerre, et bien instruicts, qui portoyentla croix de Sainct- Andrieu, et faindoyent estre Bourgongnons; et par ce moyen entrèrent en la tente de Philebert de Vaudrey, maistre de l'artillerie , jusques au nombre de quinze ou de vingt; et prirent prisonniers et bagues avant que l'on s’apperceust d'eux. Ledict Philebert estoit par les logis; car il estoit homme de grande diligence en armes; ct si-tost qu’il ouït l’effray, il assembla le guet, où furent environ cent archers; et tirérent le pennon du seigneur de Miramont ayant, et là commença
l’écarmouche; et tantost vint le seigneur de Saveuses, le seigneur de Neufville, et les autres chefs et cappitaines d’iceluy siége, qui pressèrent et assaillirent leurs ennemys, criant Bourgongne ! et ceux de Commercy crioyent Dauplun! Les archers Picards estoyent à pié, et tiroyent lesdicts archers largement traict, et parmy les chevaux de leurs ennemys (dont en y eut peu qui fussent descendus à pié), et en peu d’heure perdirent le seigneur de Commercy et ses gens place; et les enseignes marchoyent sur eux, crians Bourgongne et Saveuses! Et le seigneur de Saveuses (qui estoit jà viel) marchoit hardiment, récriant ses gens; et à la vérité il fut tenu l’un des vaillans de son temps, et le seigneur de Neufville et le seigneur de Miramont s’y gouvernérent vaillamimnent, et ayancèrent leurs pennons et leurs enseignes tellement que ledict de Commercy se mit en fuite avec ses gens; et furent iceux poursuyvis de pié et de cheval tellement que plusieurs y furent morts, pris . et blecés; et se retraïrent les gens-d’armes à leur siège, et chacun en sa garde et ordonnance : et disoit on que le damoiseau de Commercy avoit bien amené douze cens chevaux ; et les tenans le siége pouvoyent estre cinq cens combatans.
Mais, ainçois que je parte hors de ce propos, je reviendray à Jaquemin de Beaumont, et comment cauteleusement il se conduisit durant l’écarmouche. Ledict Jaquemin, voyant l’écarmouche drécée du costé de la porte, et que tous gens-d’'armes du siège estoyent tirés à leurs enseignes, el ensongnés pour la bataille, mena et conduisit tous ses gens de guerre au long de la muraille d’iceluy costé, et leur ordonna leurs places et leurs gardes, et tandis un sien privé serviteur luy apresta une corde; et si tost qu’il revinst, il se dévala par la fenestre, el prist un chemin privé qu’ils sçavoit : et tant fist qu’il arriva devers le damoiseau de Commercy, son maislre : et ainsi s’échapa ledict Jaquemin de Beaumont du chasteau de Villy. Et n'est pas à oublier que le damoiseau de Commercy ne sceut faire son assemblée si secrétement que le duc de Bourgongne n’en fust averti : et se doutoit on bien que celle assemblée se faisoit pour cuider lever le siège de Villy : et par licence du duc, Jaques de
MEMOIRES D'OLIVIER DE LA MARCHE
Lalain ( qui estoit jeune escuyer et de grand vouloir, et désiroit de soy trouver en lieu pour faire congnoistre son cueur et son noble désir) se partit de la court, et éleva environ vingt hommes-d’armes, pour cuider venir à l’aide du seigneur de Saveuses, et de ceux qui le siège tenoyent, comme dict est. Mais quelque diligence qu'ils fissent) ils vindrent tard, et estoit l’'écarmouche passée et faicte : dont ledict Jaques et ses compaignons furent moult déplaisans, et se tirèrent à Yvis, où ils furent sept ou huit jours, et tous les aucuns visitoyent le siège ; et advint que cinq ou six jours après l'échapement de Jaquemin de Beaumont, le dessusdict s’acompaigna de dix hommes-d'armes, et vint en un bosquet près d’un ruisseau d'eaue qui-abrève la prée, et y mit son embusche ie plus secrétement qu’il le peut faire : et ce partirent deux escuyers de la vile d’Yvis, et de ceux qui estoyent venus avec ledict Jaques de Lalain, et se nommoyent l’un Jehan de Rochebaron, et l’autre Estor Du Soret : et tiroyent devers ceux du siége, comme journellement faisoyent, et alloyent les uns devers les autres. Les deux escuyers avoyent chacun un page après eux ( qui portoyent leurs lances), et estoyent bien armés et montés : et quand ils furent outre l’embusche, lors se découvrit ledit Jaquemin en son embusche , et encloïrent les deux escuyers, qui prestement prirent leurs lances, et promirent de demourer l’un avec l’autre. Les deux escuyers férirent au milieu, comme gens de bien qu'ils estoyent, et empleyèrent leurs lances : el passa Jehan de Rochebaron tout outre, et se fust bien sauvé s’il eust voulu : mais il se tourna, et vit son compaignon qui avoit l’espée au poing, et se deffendoit au milieu de ses ennemys. Si retourna ledict de Rochebaron : et se deffendirent tellement que ledict Estor Du Soret fust desenvelopé de la presse, et s’en pouvoit aller (car les autres estoyent sur son compaignon). Mais onques n’abandonnérent l’un l'autre , ains navrèrent et blessèrent plusieurs de leurs ennemys : et finalement furent pris, et menés à Chavancy, où ils furent puis longuement prisonniers. Et me semble que ce compte ne faisoit à oublier, pour monstrer la vaillance des deux escuyers, et la loyauté qu'ils se portèrent l’un à l’autre.
Si emmena Jaquemin de Beaumont sa proye:
et ne demoura guère après que ceux qui tenoyent la place de Villy se rendirent à la vou- Jonté du duc ; et fust la place destruitte et rasée : et pardonna le duc aux compaignons de guerre, et depuis se servit d’eux le duc, et principalement de Guillaume d’Auron, qui demoura soudoyer à Luxembourg, sous Cornille , bastard de Bourgongne, qui depuis demoura gouverneur du païs , comme l’on (rouvera Cy-après.
Ces choses faictes et advenues, le duc se partit de Florchenges , et se retira à Yvis pour veoir la duchesse sa femme, qui estoit revenue des marches de Brabant et de Flandres : et la saison tiroit fort à l’yver, comme à my-octobre. Et fist le duc retirer son armée (que conduisoit le comte d'Estampes et le bastard de Bourgongne), et se logèrent en la vile d’Ais (qui est à quatre lieues de’Luxembourg) : auquel lieu certes ils furent froidement, et mal logés (car c’est une petile vile destruile, et au pire païs de la duché); el guerroyoient et queroyent leurs avantures chacun d’un costé el d'autre. Pendant ce temps fut envoyé Quesnoy, héraut et officier d'armes, devers le comte de Click, lui offrir que s’il vouloit combatre pour le droit de la querelle, Jchan, monsieur de Bourgongne, comte d'Estampes, de sa personne le combatroit : ou, s’il vouloit choisir Cornille, bastard de Bourgongne, Jaques de Lalain, Guillaume de Vaudrey, ou Hervé de Meriadel , chacun d’eux luy fourniroit la bataille : et si ledict comte de Click aimoit micux à prendre aulant de nobles hommes avecques luy que ceux qu'il luy offroit là, iceux présens seigneurs et nobles hommes dessusdicls les fourniroyent et accompliroyent, fust à pié, fust à cheval, et par tous les honnorables moyens que le comte de Click et les siens les voudroyent demander. Honnorablemeut receut le comte de Click le héraut dessusdict; et luy fist très honnorable response, sans accepter la balaille, sinon en délay de respondre : et certes le comte de Click estoit un gentil chevalier, et ne fist chose qui vint à la congnoissance de nostre parti, qui ne fust honnorable. Et ainsi se passoit la saison et la guerre, sans grand exploit.
h01 CHAPITRE XII. |
Comment les Bourgongnons surprirent la ville de Luxembourg par eschelles ; et comment le duc de Bourgongne fut maistre de lout le reste.
Comme dict est dessus, au lieu d’Ais se Lenoyent le comte d’Estampes et le bastard de Bourgongne grandement acompaignés , et singulièrement de bons chefs, qui est le premier et le principal pilier de la guerre. Si soubtillèrent les aucuns secréternent d’envoyer escheleurs compaignons à leur aventure, pour laster et essayer s’ils pourroyent rien exécuter, fust sur la vile de Luxembourg ou sur la vile de Tionville : et furent deux eschelleurs, dont l’un estoit au scigneur de Crouy, et se nommoit Robert de Persat, et l’autre, et le principal, se nommoit Johannes, et estoit au seigneur de Montagu, frère du mareschal de Bourgongne : et fust un compaignon alemand qui parloit les deux langages; et de leurs em-
| prises et exéculions se conseilloyent , et re-
tournoyent à Guillaume de Crevant et à Jacob de Venières, deux escuyers bourgongnons de la compaignie du bastard de Bourgongne, qui furent deux notables gens, sages, vaillans ct bien renommés. El se conduisoit ceste emprise secrélement, comme il le convenoit. Et ay bien sceu que premier ils pourgettèrent sur Tionville : mais ils n’y profilèrent rien, et retournérent leur emprise sur Luxembourg. Et tant soubtivèrent qu’ils trouvèrentmoyen de congnoistre leur guct, et d’entrer en la vile de Luxembourg par leurs eschelemens. Et avoyent robes d’Alemans; et ledict Johannes sçavyoit parler (qui moult profita); et leur sembla que le plus convenable lieu pour leur emprise seroit auprès d’une tour sous laquelle avoit ure poterne, qui sailloit sur costière, entre le chemin d’Arlon et celuy de Tionvile; et congnurent que la muraille estoit sans galerie el sans aléce, et n’y pouvoit arrester le guet de la vile, et que l’arche-guet passé, légèrement l’on pourroit entrer en nombre suflisant pour rompre celle poterne.
Les choses ainsi pourgeltées, et le raport faict aux deux escuyers, l’on découvrit ceste opinion au comte d’Estampes et au bastlard de Bourgongne ; et fut advisé que l’on feroit une course à puissance devant Luxembourg , et que le seigneur de Saveuses, Robert de Mira-
Te
mont, Guillaume de Crevant, Jacob de Venières et autres, sous ombre de l’escarmouche, yroyent visiter et voir (au moins en ce que possible seroil) si l'emprise de Johannes estoit vray-semblable ne possible; ce qui fut faict. Et scmbla la chose conduisable; et ne . faisoit on pas tant de doute à escheller le mur comme l’on faisoit de monter le fossé, qu’il convenoit pareïllement escheller contre la muraille.
Le comte d’Estampes revenu au logis, et le bastard de Bourgongne, se rassemblèrent ceux qui de ce sçavoyent à parler (lesquels n’estoyent pas grand nombre); et le rapport ouy, fut avisé d’envoyer devers le duc pour l’aviser de ceste emprise, et sçavoir si c’esloit son bon plaisir qu’elle s’exécutast. Le duc fut très-content de celle emprise, et commanda la chose tenir secrète, et que l’on courust peu près de la vile, afin qu'ils ne fissent plus grande provision en leur guet. Et se tiroit au lieu d’Arlon; et tenoit on journées par manière de parlement avecques aucuns Alemans députés de par le comte de Click ; et vint le temps que l’emprise fut preste d'exécuter; et fut espiée la plus noire nuict de l’année; et furent ordonnés environ trois cens combatans pour acompaigner les eschellcurs.
Avecqueslesdicts estoyent en chef lescigneur de Sayeuse, Guillaume de Crevant, Robert de Miramont, Jacob de Venières el autres, et firent leurs approches par quarante à chacune fois, et eschèlèérent le fossé d’eschelles de bois, qui demeurèrent atachées, et puis feirent leur eschellement. Le premier qui monta fut Jobannes l’eschelleur, puis Robert de Persat, et le tiers, Jacob de Venières, et ainsi par ordre jusques à dix, comme il estoit ordonné; et estoit au pié de l’eschelle le seigneur de Saveuses, qui les conduisoit et mettoit en ordre. Là monta Robert de Miramont, Guillaume de Crevant, messire Gauvin Quieret, et plusieurs autres Bourgongnons et Picards, et cinq ou six des archers du duc, lesquels avoient en garde une grosse lenaille (que l’on nomme un groin de chien) pour rompre les gons, les verroux et serrures de toutes portes. Et si tost que les premiers furent descendus de la muraille, ils occirent le guet, avant qu'il eust loisir de cricr ne de faire effray; et pris prestement les ar-
MEMOIRES D'OLIVIER DE LA MARCHE
chers coururent à la poterne, et du groin de chien, par aspreté et par puissance, rompirent les gons et les verroux de la poterne ; et tantost entra le seigneur de Saveuses et les autres, avec cent ou six vingls archers de Picardie, et cinquante lances de Bourgongne, de la compaignie du bastard. Et à la file venoyent les compaignies, el le cry commença par les eschelleurs, qui crioyent : « Nostre Dame, vile gaignée! Bourgongne, Bourgongne: » chacun qui mieux ; et les Luxembourgeois, surpris et espouventés, s’enfuirent nus et deschaux, hommes et femmes, contre le marché en la basse vile, à l’opposilte dont venoit l’effray ; et le comte de Click et ses Alemans, Sassons, se retraïrent au chastel (qui est une moult belle, moult bonne et forte place); ét les Bourgongnons (qui tousjours renforçoyent) marchoyent, criant en faisant grand cry et grand hu. Et marchoyent les archers de Picardie, l’arc au poing et la flèche presle, tèlement que nul ne les osoit atendre. Et quand vint à l'entrée du marché, à une vicille lour qui fait porte, ils trouvèrent un peu de résistance de pierres et de cailloux. Mais inconlinent marchèrent les Bourgongnons au marché. Et advint que le prévost de la vile, et l’un des pires contre la duchesse douagère, quand il ouyt l’effray saillil en son pourpoint, un espieu en sa main, et vint baudement rencontrer un chevalier de Picardie nommé messire Gauvin Quieret, seigneur de Drueul, moult vaillant chevalier, et qui estoit des premiers sur le marché. Lo Luxembourgeois enferra ledict messire Gauvin au bras sencestre, et luy percea le bras, et le tint longuement eaferré contre une muraille; mais 1] fut secouru, el l’homme tué; et demoura mort ledict prevost sur le marché, et entraisné par une truye, qui le dévora. Et ne vey homme mort que luy. Et disoit on que c’estoit celluy qui plus estoil cause de la rébellion faicte contre ladicte duchesse, et tenoit on sa mort pour punition divine.
Le comte d'Estampes, le bastard de Bourgongne, messire Robert de Saveuses, Charles de Rochefort, messire Tibaut, bastard de Neufchastel, Guillaume de Sainct-Saigne, et tous les autres capilaines, vindrent, aux grandes enseignes dépleyés, faisant grand cry et grande noyse ; et les varlets el les pages, qui ame-
noyent les chevaux des eschelleurs el des gensd'armes à pié, crioyent et huyoyent, qui sembloit que tout le monde fust arrivé pour confondre et destruire icelle vile. Ces choses espouventoyent les Luxembourgeois, el s’enfuyoyent qui mieux, par la portede la vile d’embas, qui tire à Tionvile. Et ainsi s’enfuyoyent hommes, femmes et enfans ; et les capitaines et enseignes entroyent à cheval par les portes, qui furent rompues et ouvertes de toutes pars. Et le comte de Click et ses Alemans s’estoyent retraicts au chastel, comme dict est ; el après eux boutèrent le feu ès prochaines maisons, devant leur porte, et ce feu brusla toute la rue, jusques à une église de Nostre-Dame qui est sur le marché; et bruslèrent mesmes leurs chevaux et leurs biens, et se préparèrent de deffendre. Et mesmes derrière le chastel boutèrent le feu en une abaïe de moines noirs, et en bruslèrent une grande partie, afin de non estre aprochés ; et faisoyent comme gens-deguerre devoyent faire.
Prestement que les eschelleurs furent entrés, on enyoya messages au duc de Bourgongne (qui estoit en la ville d’Arlon, à cinq lieues loing de Luxembourg) ; et depuis qu'ils se trouvèrent en la vile, autre message. Et ainsi, par message surautre, sceut le duc que Luxembourg estoit gaigné pour luy, et fut environ deux heures avant le jour. Si fut sonné pour mettre selles, et s’arma et prépara chacun ; et le duc s’arma de toutes pièces, et vint à la messe, -et ouyt ses messes, et dit ses heures et son ordinaire aussi froidement qu’il avoit acoustumé; et depuis, tout ouy et lout achevé, dit certaines grâces en son oratoire, qui durèrent assez longuement. Et me souvient que nous, ses pages, eslions à cheval, et ouyons les gens-d’armes, qui disoyent et murmuroyent que longuement faisoit le duc, ct qu’une autre fois il pouvoit bien recouvrer à dire patenostres; et tellement que Jehan de Chaumergy (qui estoit premier escuyer d’escuirie) le dit au duc, qui luy respondit : « Si Dieu m'a » donné victoire, il la me gardera ; et peut au- » tant faire à ma requeste (s’il luy plaist de » m'estre miséricors) qu'il fera à l’aide de + toute ma chevalerie. En la compaignie des » conquéreurs sont mes neveux et mon bas-
» tard, et si bon nombre de mes sugets et ser- |
» vileurs , qu’à l’aide de Dieu ils soutiendront » bien jusques à ma venue. » Ainsi parla le bon duc, et paracheva ses oraisons. Et, à la vérité, ce fut un prince constant, et qui ne se mouvyoit de chose qui luy advint ; et fut haut jour quand il monta à cheval; et prestement se
mil sa compaignie aux champs, et tout homme :
en point. Et chevaucha ces quatre ou cinq lieues en moins d’une heure et demie, et n’encontra nuls messages ; par quoy il cuida que les entrepreneurs eussent seulement gaigné aucun tort ou aucun quartier de la vile. Et si Lost que l'on perceut la vile et les clochers, le seigneur de Ternant assembla les jeunes gens qui voyent voulonté d'eux monstrer, dont estoit Jaques de Lalain (qui brusloit au feu de chaleureux désir), Philippot Copin, Mériadec, le bastard de Dampierre, et moult d'autres, lesquels coupèrent leurs pointes, ostèrent leurs espcrons, el vouloyent descendre à pié, et mesmes le duc. Et se tenoyent près de sa personne le seigneur de Crouy, son premier chambellan, et monsieur le bastard de Sainct-Pol, seigneur de Haubourdin, un moult vaillant chevalier, et de grande conduite; et tous vouloyent descendre à pié, quand messire Robert de Saveuses (qui estoit sur le portail) escria au duc, et luy dit: « Monseigneur, entrez en vostre » yile, car tout est vostre et en vostre com- » mandement. » Aussi ne trouvèrent en la vile nulle résistance.
Si sonnèrent les trompettes, et entra le duc en Luxembourg, sans autre destourbier; et vint au marché, où il faisoit dangereux, pour les coulevrines que tiroyent les Alemans du chastel. Et trouva le duc le comte d’Estampes, le bastard de Bourgonsne et leurs enseignes en moult belle ordonnance sur ledict marché ; et à celle heure n’avoit on encores ricn pillé en ladicte vile, mais ayoyent gens-d’armes, archers et valels tenu ordre, tellement que chacun gardoit son enseigne. Le duc descendit devant l’église de Nostre Dame, et feil ses oraisons, et se logea en une maison au plus près; et prestement courut chacun au pillage. Et furent trouvées les maisons pleines de biens et de richesses; et les églises furent pleines de femmes et d’enfans, et de biens ; mais onques n’y fut touché par homme, ne mal faict. |
Tantost fut advisé que le bastard de Bour-
gongne, le comte d’Estampes, et la meilleure partie de leurs gens, s’en yrovent loger en l’abaye de Sainct-Estienne derrière le chastel, pour rompre la saillie du comte de Click el des siens. El pour rompre la visée du traict à poudre et des cranequins (qui tiroyent sur le marché, et blessoyent beaucoup de nos gens), l’on cit un haut taudis de tonneaux plains de terre et de pierres, et de hauts ais, qui traversoyent tout ledict marché. Et quant au faict du butin, il fut crié que chacun (de quelque estat qu'il fust) se tirast devers le seigneur de Ternant et le seigneur de Humières (qui furent ordonnés butiniers, et avecques eux Guillaume de Crevant, el autres); et que tous fissent serment de raporter, ès mains d’iceux, tout le butin, fust or, argent, cuyvre, draps, pellelerie, et loute autre chose qui peut tourner à profit. Guillaume de Crevant fut butineur public ; et vendoit le butin sur un estal; et crioit : « Une fois! trois fois! » qui moult bien luy stoit. Si fut tellement celluy bulin conduit et gouverné, que les compaignons en eurent le moins. Et disoit on que les butiniers y feirent largement leur profit; car, tout compté et rebatu, ledict bu- Un fut délivré à sept florins et demy, pour paye; et tel porta aux butiniers la valeur de cinq cens florins, qui n’en eut que trois florins et demy, ou un quart. Sur ledict butin furent pris quinze cens florins pour la rançon de Jehan de Rochebaron et d’Ector Du Soret, pris par Jaquemin de Beaumont entre Yvis et Villy. -
Les ordonnances furent faictes des portes et des guets; et fut l’une des portes baillée à garder à Guillaume d'Aurou, et aux compaignons qui avoyent tenu le chastel dudict Villy, pour ce qu'honorablement et bien s'y gouvernèrent. Or advint, après que le siège eut duré environ trois semaines, que le comte de Click (qui ne voyoit à son faict nul expédient ou remède) par une noire nuict feit livrer une escarmouche sur le costé de l’abaïe où estoit le comte d'Estampes, et firent les Alemans une saillie assez baudement. Si fut la saillie bien soustenue par ceux qui faisovent le guet ; et à l’effray vint le seigneur de Saveuses tout désarmé, ainsi qu'il se trouva ; et esloit assez sa coustume d’ainsi faire (car il cstoit chevalier asseuré et hardy). Et advint qu’un cranequinier luy donna d’un
MEMOIRES D'OLIVIER DE LA MARCHE
vireton parmy l'estomac, mais de lant luy fut Dieu en aide, que ledict seigneur de Saveuses avoit une grosse chaisne d'or massive à son col, sur laquelle le vireton assena, au redouble de deux chaisnons, et trouva si grande résistance que le coup perdit sa force ; mais toutesfois entra le vireton plus de deux doigts au corps dudit seigneur de Saveuses ; et si n’eust été ladicte chaisne, il eusl esté mort et occis de celuy coup, qui eust esté dommage, car depuis il a bien servi, comme l'on trouvera cy-après,
Durant ceste escarmouche, le comte de Click (qui s’estoit pourveu, ainsi qu’il avoit delibéré) par cordes et par aide, se dévala du chastel el de la montaigne opposite du chemin de Tionvile, et passa la riviëre, ainsi que Dieu lus fut en aide, et toute la nuict chemina par bois el par chemins, tèlement qu'il vint audicl Tionvile, où ses gens et les habitans le receurent à grande joye. Le seigneur de Saveuses fut secouru, et sa playe mise à poinct : et cessa l’escarmouche quand ils sentirent que le comte esloit dévalé; et tiroit à la garde Dicu, car ils espéroyent de luy avoir secours ou conseil, et se lenoyent et gouvernoyent en gens-de-suerre, sans parlementer, ou monstrer cause d’ébahissement.
Un jour monsieur le bastard de Dampierre, un beau, sachant et plaisant chevalier, venoit de l’abaïe sur sa mule (comme celuy à qui ne souvenoit de fortune, s'elle veilloit ou s’elle dormoit), et s’en retournoit dedans la vile pardessous le chastel, où se sauva ledict comte : el ainsi avint que les Alemans avoyent afusté une coulevrine à chevalet celle part, droit à un petit pont près du moulin; et, au passer ce pont, le coup de la pierre férit le chevalier en la teste; et cheut tout mort devant les piës de ladicte mule: et fut très-grand dommage de luy. Le corps fut emporté, et enterré ès Cordeliers moult honnorablement; et l’enterrèrent et l’acompaignérent tous les princes et toute la noblesse de la cour; et fit le duc faire son enterrement moult honnorablement.
Assez lost après que le comte de Click fut arrivé à Tionville, 1l assembla es Alemans et les habitans d'’icelle vile, et demanda qu'il pourroil faire sçavoir à ceux qu'il avoit laissés au chastel du Luxembourg ; car il sçavoit qu'ils estoyent petitement pourveus de vivres, el ne
voyoit secours de nulle part. Si avisèrent ensemble que, par signe ou autrement, üls les avertiroyent d'eux rendre au moins mal el au meilleur marché qu'ils pouirovent. Ce qui fut fait. Et parla pour ceux du chastel un juif qui demouroit dedans la vile, et s'estoit rendu ayecques eux, lequel estoil homme prudent et sage en sa loy. Et feirent appointement, avecques le duc de Bourgongne ou ses commis, que les Alemans, Béhaignons el Sassons s'en yroyent, un batton en leur main, et que les Luxembourgeois demoureroyent à la voulonté du duc. Et ainsi se rendit le chastel de Luxembourg, environ trois semaines après la prise de la vile : et descendirent les Alemans en labaïe, où les atendoyent le comte d'Eslamp+s et le bastard de Bourgongne , fort acompaignés ; el furent mis en l’église ; et après leur avoir donné à boire et à manger, leur fut baillé conduitlte de gens-de-bien pour les conduire seurement jusques à Tionville, comme on leur avoit promis. Et tantost qu'ils furent issu< du chastel, Jéhan de Chaumergy, premier escuyer d’escurie du duc, porta les bannières du duc de Bourgongne sur les tours et sur le portail, et fit sonner les tromprtles. Et le suyvions, nous autres pages du duc, comme après celuy qui estoit nostre maistre, et qui avoit charge de nous. Et pour nostre butin gaignasmes plusieurs chiens, bien maigres et bien affamés. Et à la vérité ils n'avoyent léans, pour toute provision, que deux tonneaux de pain moisi el gasté , et un petit saloir de chair salée, et de vin cinq ou six tonneaux. Plusieurs chevaux avoyent, qui n'avoyent nulles provisions; et vous asseure qu’ils avoyent mangé leurs raleliers et leurs mangeoires, de force de faim. Et là je vev une provision pour chevaux bien estrange , et non à croire qui ne l'auroit veue : car je vey un gros monceau de rabotures , tirées au rabot, d’ais de sapin ou d’autre bois, dont on donuoit à manger auxdicts chevaux, et ne vivoyent d'autre chose; dont les plusieurs moururent , et peu en échapèrent. Et à la vérité lesdicts Alemans se tindrent honnorablement en celle guerre, et ne firent rien contre leur honneur.
Ainsi fut toute la duché de Luxembourg conquise en moins de quatre moys, réservée la vile de Tionville, qui se renforçoit, à cause
de l'hyver qui aprochoïit, pour ce que ladicte vile est assise en marès el en marescages.
Ainsi demoura le duc en sa vile de Luxembourg, el fit apprester le chasteau (qui est une moull belle et scixneurieuse place); et là vint la duchesse de Bourgongne et la duchesse douagtre de Luxembourg; et là furent renouvelés les traittés faicts entre le duc et ladicte duchesse de Luxembourg, sa belle-tante. Et se nommoil le duc de Bourgongne maimbour ct gouverneur de Luxembourg; et devers eux venoyent Alemans de tous costés, et ammbas-
sades de Metz, de Toul, de Verdun et de tou-
les les viles et citès ; et mesmes l’archevesque de ‘Frèves, éliscur de l'empereur, y vint, à qui le duc fit moult grand honneur. Et recueilloit Alemans ct autres nations si doucement et si humainement, que tous se parloyent contens de luy. Et fit que tout homme et toute femme qui voudroyent revenir en leurs mai- Sons y seroyent seurs de leurs personnes, réservés ceux qui avoyent conspiré le reboutement de leur duchesse douagère , sa tante.
Si revindrent en pelit temps moult de gens en ladicte vile. Et fit deffendre, sur peine de la harl, que nul ne fist aucun déplaisir ou dommage aux Alemans : dont il advint que l'un des archers du duc, nommé le petit Escoçois, homme vaillant, bien renommé et fort agreable, et aimé du duc, par une mal-aventure se trouva en un grenier d'avoine apartenant à messire Bernard, seigneur de Bourset, un chevalier notable du païs de Luxembourg, qui, avec le damoiseau de Souleuvre, avoit esté le premier et le principal de ceux qui avoyent tenu le parti du duc et de leur dame, et qui l’avoyent bouté au païs. Ledict archer, plein de vin, se bouta audict grenier, et voulut avoir de l’avoine, cuidant que ce fust pillage et butin, comme les autres. Le chevalier en fut adverti, et vint en son grenier, dépourveu de gens; et ne se sceurent entendre de language ; et croy que l'archer ne le congnut point ; et, pour abréger, lui donna d’une hache par la teste si grand coup, que l’on cuidoit qu'il fust mort. Le duc en estant adverti fut
fort mal-content, et fit prendre l’archer ; et
pour requeste de nul homme, ne mesmes de
deux chevaliers, fils dudict seigneur de Bour-
set (qui de par leur père requéroyent le par-
don dudict archer), onques ne se voulut contenter qu’il ne fust pendu et estranglé par main de bourreau devant tout le monde. Et la renommée croissoit du bon duc parmy les Alemans. Et faisoit grand’chère ; et tint le duc, à Luxembourg, la toussaincis, noël et les roys. Et pendant ce temps il meit ordre au païs, et ordonna gouverneur de la duché de Luxembourg Cornille, son fils bastard ; et demoura son gouverneur avecques luy, un nommé Guillaume de Sainct-Saigne, un moult notable escuyer; et aussi Phillebert de Vaudrey, Guillaume de Crevant, et grande foison de Bourgongnons. Et si demoura avecquesluy un cscuyer françois, nommé Anthoine de Sainct-Simon , moult beau fils et honneste ; et depuis se rendit cordelier, comme l’on trouverà cy-après.
