CHAPITRE XIII
Comment le duc de Bourgongne se relira en ses païs de Brabant et de Flandres; ct comment la duchesse de Bourgongue alla visiter la royne de France.
Après toutes ses ordonnances faictes, le duc se partit de Luxembourg tantost après les Roys,et se tira contre son païs de Brabant, par Arlon, Bastongne , Marche en Samine , et à Namur. Et là luy vint au-devant l’évesque du Liége (qui se nommoit de Huisebergue), et firent moult grande chère ensemble. De là vint le duc gésir à Geneppe, et le lendemain se tira à Brucelles. Etluy vint au-devant monsieur Charles de Bourgongne, son fils, comte de Charolois, honnorablement scompaigné, et principalement de jeunes enfans de grande maison, de son age, ou moindre; et pouvoit avoir onze ou douze ans d’age. Et estoient avecques luy Jehan de La Trimoille, Philippe de Crouy, Guyot de Brimeu, Charles de Ternant, Philippe de Crèvecueur, Philippe de Waurin, et moult d’autres; et estoyent montés sur pelits chevaux, harnachés comme celuy de leur maistre, Et certes c’estoit une noble assemblée d’enfans, et de noble sang, et dont les plusieurs ont esté depuis notables chevaliers, sages et vaillans, comme cy-après pourrez ouyr. Et conduisoit ledict comte de Charolois un moult honneste et sage chevalier nommé messire Jehan, seigneur de Berdauxy.
Cestuy chevalier estoit bel homme, bien re-
MEMOIRES D'OLIVIER DE LA MARCHE
nommé, de bou age, beau parleur: et voulontiers récitoit choses et matières d’honneur et de haut affaire. Il estoit chaceur et voleur, duict à tous exercices et à tous jeux ; et n’ay pas congnu un chevalier plus idoine pour avoir le gouvernement d’un jeune prince, que luy; et moult bien luy séoit la conduitte de son maistre.
En ceste compaignie estoit Anthoine , bastard de Bourgongne , fils bastard du duc , et le marquis Hugues de Rotelin. Mais ils estoyent desjà plus grans que ceux dont j’ay parlé ; et peut on légèrement entendre que le bon duc vit voulontiers celle compaignie : et ainsi entra en sa vile de Brucelles, bien-veigné de l’Aman et de La Loy : et à grandes processions entra en sa vile; et vint en sa maison, où il trouva la duchesse son espouse, qui amenoit en sa main, au-devant du duc, madame Katerine de France, fille du roy Charles, comtesse de Charolois, qui pouvoit avoir douze ans d'age, et esloit une notable personne, et apparente d’estre dame de grand los : car elle estoit bonne et sage , et moult bien conditionnée , de son age ; mais elle mourut assez Lost après ( dont ce fut grand dommage ), et de sa mort sera devisé cy-après. À vecques la duchesse vint la fille du duc de Gueldres, nièce du duc de Bourgongne, et de Jehan, monsieur, hérilier de Clèves, moult belle et gente, et pouvoit avoir quinze ou seize ans ; et depuis la maria le bon duc à ses despens au roy d’Escoce , celuy qui avoit le visage my-parti de rouge et de blanc , et dont d’elle est issu le roy d’Escoce présent.
Ainsi retourna le duc en ses païs : et le venoyent les seigneurs visiter, et les viles y envoyoyent leurs députés ; et n’estoit nouvelles que de danger , de mommer , de jouster et de faire grande chère. Et tint le duc ses quaresmeaux en sa vile de Brucelles, où joustes furent faictes et criées par Jehan, monsieur, de Clèves , Jaques de Lalain , et moult d’autres : et furent joustées sans toille , sans fiens ou sablon, en un lieu devant l’hostel du prince, que l’on appelle les Baiiles. En ce temps vint Jehan, comte de Virtemberg, voir le duc, pour reprendre de luy la comté de Monthbéliart, dont il estoit son homme et son vassal, à cause de sa comté de Bourgongne. Et le re-
ceut le duc audict lieu de Brucelles , et luy fit grand honneur en grande chère : et certes ledict comte de Virtemberg le valoit bien, car c’estoit un gentil personnage ; el pour cent ou six vingts chevaux qu’il avoit en sa compaignie , ils estoyent aussi honnestes et aussi en point que j'en vey onques nuls venir d’Alemaigne : et fut fort prisé son estat , sa personne, et sa manière de faire. Et se partit du duc pour s’en retourner en ses païs , en grand amour et recommandation : et de là le duc se tira en Flandres pour visiter ses viles et ses païs (qui moult désiroyent à le voyr)}),et tint le sainct jour de Pasques en sa vile de Bruges.
En celle saison ( qui fut l’an 1444), la duchesse de Bourgongne , moult-grandement ac-
compaignée, et principalement des deux neveux du duc, le baron de Beaujeu, fils du duc de Bourbon, et Adolf, monsieur de Clèves (lesquels commençoyent desjà à prendre cueur, et estoyent bien duits et bien-adrecés), se lira à Chalon en Champaigne, devers le roy de France, qui recuecillit ladicte duchesse moult honnorablement. Et luy fit la royne moult-grand honneur et privauté : car toules deux estoyent desjà princesses âgées , et hors de bruit. Et croy bien qu'elles avoyent une mesme douleur et maladic qu’on appelle jalousie, etque maintesfois elles se devisoyent de leurs passions secrétement , qui esloit cause de leurs privautés. Et à la vérité, apparence de raison avoit en leurs soupçons : car le roy ayoit nouvellement élevé une pauvre damoiselle, genti-femme , nommée Agnès Du Sorel, et mis en tel triomphe et tel pouvoir , que son estat estoit à comparer aux grandes princesses du royaume. Et certes c’esloit une des plus belles femmes que je vey onques; et fit, en sa qualité, beaucoup de bien au royaume de France. Elle avançoit, devers le roy, jeunes gensd’armes et gentils compaignons , et dont le roy fut depuis bien servi.
D'autre part, le duc de Bourgongne fut de son temps un prince le plus dameret et le plus envoiseux que l'on sceut : et avoit de bastards et de bastardes une moult belle compaignic.
Ainsi la royne et la duchesse se rassembloyent souventesfois , pour eux douloir et complaindre l’une à l’autre de leur crève-cueur.
En celle sssemblée estoit monsieur Louis
de France , dauphin de Viennois, héritier apparent de la haute et très chrestienne couron-’ ne el maison de France ; le roy Regnier de Cecile , le comte du Maine , son frère ; le duc Jehan de Bourbon, le comte de Foix, le comte de Sainct-Pol , et moult d’autres : et sur tous les seigneurs de France avoit le bruit messire Jehan de Brezé, seigneur de La Varenne, séneschal de Normandie, pour estre gentil chevalier, honnorable, et le plus plaisant et gracieux parleur que l’on sceust nulle part , sage et grand entrepreneur : et gouvernoit du royaume el des princes de France la plus grande partie.
Là se firent joustes et grans festimens : et assez paravant fut faict le mariage du duc Jehan de Calabre et de damoiscile Marie da Bourbon : et pour ce qu’elle estoit nièce du duc de Bourgongne , le duc quitta , en les donnant à sa nièce, bien deux cens mille francs en quoy le roy de Cecile estoit obligé à luy, à cause de sa rançon et de l’acquit do sa prison: ct luy fit rendre le duc, par messire Tibaut, bastard de Neufchâtel , et par le bastard de Vergy, les places de Darnay et de Monteclère ( qui encores estoyent en leurs mains, depuis la guerre qui fut entre luy et le duc de Bourgongne) ; et demoura la scigneurie de Cassel et de la Motie-au-Bois qui sied en la comté de Flandres) en héritage perpétuel des ducs de Bourgongne, comtes de Flandres. Et fut l’un des poincts parquoy la duchesse alla devers le roy : et l’autre poinct, et le principal, fut en espérance de icprendre autre journée ayecques les Anglois, pour cuider faire quelque bien entre les deux royaumes de France et d'Angleterre. Mais en ce elle profita petitement : car desjà se faisoit el pratiquoit l'alliance du roy Henry d’Angleterre et de madame Margucrite d’Anjou , fille du roy de Cecile : et par ce moyen fut rompu le mariage d’elle et du comte Louis de Nevers: et ainsi se partit du roy la duchesse de Bourgongne , sans autre chose exploiter : et se continua la feste et la jouste à Chalon, et de là se tira le roy françois à Nancy en Lorraine. Et de plus en plus croissoit la feste, la jouste et la pompe. Et fut en ce temps que chevaux de parage se vendirent si cher en France ; et ne parloit on de vendre us. cheval de nom que de cinq cens , de mille ou douze cens réaux : et
la cause de celle cherté fut que l'on parloit de ” faire ordonnancesur les gens-d’armes de France, et de les départir sous chefs et par compaignies, et de les choisir et élire par nom el surnom. Et sembloit bien à chacun gentilhomme que s’il se monstroit sur un bon cheval, il en seroit mieux congnu, queru et recueilly :
et d’autre part, dames avoyent bruit en France et loy d’elles monstrer : et cuidoit chacun gaigner bonne aventure , ou par l'un des bouts, ou par l’autre.
Les plus renommés jousteurs furent le comte Louis de Sainct-Pol, jeune seigneur, moult sage, et bien adrécé, bon corps et droit, et nourri en la maison de Bourgongne ; et Jaques de Lalain, lequel se tira en la court du roy pour voir, et pour soy monstrer ; et se gouverna si hautement en tous estats, qu’il emporta sa part du bon bruit de celle assemblée ; et monstra, par effect, qu'il avoit esté nourri et éleyé en maison duicle et acoustumée de tous honnorables exercices; et que de soy il estoit homme d’esloffe et de lieu, pour suyvir et pour faire ce dont les bons vivent tousjours: c’est vertu qui florit en renommée. Le seigneur de Charny s’y monstra bonnorablement. Et, au regard de la seigneurie et noblesse de France, c’esloit chose noble à les voir. Et là se fit le mariage du roy Henry d'Angleterre et de la fille du roy de Cecile, dont dessus est faicte mention.
En ce temps le roy Charles assembla son conseil pour regarder ct avoir avis sur les gensd'armes (qui destruisoyent son royaume de toutes parts), et pour mettre lesdicts gensd'armes en reigle et en ordre, et les entretenir sans les perdre, et élongner de luy (qui doutoit moult). Et fut avisé qu'il mettroit sus quinze cens lances choisis et éleus , et les diviseroit à cerlains capitaines pour les conduire et gouverner, et que chacune lance auroit deux archers et un coustiller armé, et qu’une taille se léveroit au royaume de France, parquoy celle compaignie seroit payée; et seroit vray-semblable que le peuple aymeroit mieux payer icelle taille par an (qui toutesfois estoit grande, et de pesant faix et charge) que ce qu'ils fussent journellement mangés et pillèës, comme ils esloyent; et eust esté celle ordonnance mise sus à celle fois, si n’eust esté le dauphin, fils
EE
MEMOIRES D'OLIVIER DE LA MARCHE
du roy, qui éleva une grosse compaignie des plus-gens-de-bien et des meilleurs gens-d’armes , et les mena contre Basle et les Alemaignes; et passèrent partie de Bourgongne , faisant moult de maux. Mais le seigneur de Blammont, mareschal de Bourgongne , mit sus les Bourgongnons , et leur fit tant d’emprises et tant d’envahies, et par tant de fois, que le dauphin y perdit beaucoup de ses gens, dont ilestoit moult mal-content; et sur son chemin prit Montbéliart, et y fit moult de maux; et de là tira devant Basle en Alemaigne, et là déconfit ceux de Basle, et une grosse compaignie d'Alemans. Mais il ne prit pas la cité, car elle estoit trop bien gardée et deffendue.
Si peut on légèrement croire que les François firent moult de maux par les Alemaignes; et finalement se mirent toutes les communes sus, armés et désarmés; et par les passages et destroits lesdicts Alemans portèrent et firent tant de maux et de dommage aux gens du dauphin, par surprises et par compaignies , que force leur fut de revemir. Et s’en revint ledict dauphin assez confusément de son emprise, et r’entra par la Lorraine, et ne revint pas par Bourgongne ; et luy revenu, l'ordonnance commencée par le roy Charles son père fut mise sus, et moult bien ordonnée ; et disoit on que messire Jehan de Brezé, seigneur de La Varenne , avoit esté cause de ladicte ordonnance, qui fut moult belle et proffilable chose pour le royaume ; et par ce moyen cessèrent les escorcheurs, et les gens de compaignies, leurs courses et leurs pilleries; et faisoit on de grandes chères et festes de toutes pars. Et sur cette saincte et bien heurée saison de paix et d'union je feray fin à celle partie de mon premier livre , laquelle partie contient dix ans, commençant l'an 35, et finissant l’an 45.
