CHAPITRE XVI
Comment messire Jaques de Lalain et messire Jehan de Bonniface firent armes à pié et à cheval devant le duc de Bour-
gongne.
Après le faict de la noble feste de la Toison passé, les armes emprises par messire Jehan
de Bonniface , et touchées et acordées par Jeques de Lalain, furent mises au samedy suvvant. Et furent les lices préparces sur le marché de la Vièserie, en la vile de Gand: et fut la maison du juge devant les maisons où se vendent les viels habits, ainsi qu'au milieu dudict marché; et celuy jour, ainsi qu'à une heure après midy, vindrent les ducs d'Orléans et de Bourzonsue, le comte de Charolois, et toute la seigneurie , en la maison, qui pour le juge fut noblement parée ; et prit le duc de Bourgongne le blanc batton , comme juge ; et tantost veindrent les huict hommes-d’armes qui furent ordonnés pour estre gardes ; et ne demoura guères que ledict messire Jehan de Bouniface eutra par le costé de son pavillon (qui fut du costé tirant à la rivière de l'Escaud) ; et estoit le chevalier en une courte robe noire, et sur unes chausses d’escarlate portoit son emprise à sa jambe senestre; el, après sa présentation faicte, se retraït en son pavillon pour soy armer; et fut ledict pavillon de soye blanche et verde ; et par-dessus avoit un blason des armes du chevalier, timbrè d’une dame tenant un dard en sa main ; et par-dessus ayoit en escript : « Qui a belle dame, garde la bien. »
De l’autre part, du costé tirant à la porte de Sainct-Bavon, entra Jaques de Lalain, armé de toutes armes, le bacinet en teste, la visière levée ; el estoit paré de sa cotte-d’armes (qui furent les pleines armes de Lalain), et portoit les lambeaux, comme fils aisné de la maison.
Il fut noblement acompaigné : et sur tous le tenoyent de près messire Symon de Lalain son oncle, et Hervé de Mériadec, un escuÿer bretou, moult bon corps, sage et adextré en armes. Ledict Jaques séoit sur un cheval couvert de ses armes, et descendit à pié, et marcha jusques devant le duc, se signant de sa bannerolle. Il estoit grand et droit, et avoit le visage beau, frais et bien couloré, et pouvoit avoir d'âge vingt-quatre ans. Il avoit espée ceincte, et marchoiït par moult bonne façon. Et, après sa présentation faicte, ledict Jaques se mit à genoux, et requit au duc son souverain scigneur et maistre, au nom de Dieu et de saincl George , chevalerie. Le duc descendit de son hourd en la lice, el Jaques tira son espée, baisa la poignée, ct la bailla au duc qui le feit
chevalier; et férit si grand coup le duc, en baillant l’accolée, que le coup fut ouy de tous ceux qui furent présens, ou de la pluspart, et puis remonta en sa place; et le nouveau chevalier se retraïl en son pavillon, et furent faicts les cris acoustumés. Et se retraït chacun de la lice, si-non ceux qui demourer y devoyent. El ne demoura guères que messire Jehan de Bonniface saillit hors de son pavillon, sa cotte-d’armes au dos, bacinet en la teste, et sa visière close. 11 portoit à son senestre costé une dague :.ssez longue, et tenoit en sa main senestre une hache très bonne, à daguc dessus et dessous, et avec ce un targon d'acier; et en sa main dextre tenoit un long dard, léger à la mode d’Espaigne.
D'autre partsaillit hors de son pavillon messire Jaques de Lalain , le nouveau chevalier; lequel d’ores-en-ayant je nommeray du nom de chevalier, comme ilappartient. Ledict messire Jaques avoit fait déclouer et oster la visière de son bacinet, et avoit à manière d’une bavière trouée, qui lui couvroit le visage jusques au nez. Il avoit l’espée conte, dont il fut chevalier ; ct me semble qu'il ne portoit point de dague. Il avoit en sa main senestre une targe d’acier, et une longue hache, fort pointue dessous et dessus : et en sa main dextre portoit une grosse espée pésante (que l’on nomme un estoc), et la poincte haut, à contrepoix, pour en faire gect. Et ainsi marchérent les chevaliers l’un contre l’autre; et getta ledict messire Jehan de Bonniface le premier, et férit de plain gect dedans la targe de son compaignon. Mais rien ne l’empira; et messire Jaques getta son espée, et passa assez près de la teste de son compaignon: et, le gect passé , les chevaliers s’approchèrent l’un de l’autre , et se gettèrent les targes d'acier au-devant de leurs marches, pour cuider chacun empescher et nuire à son compaignon, el puis se coururent sus aux haches moult asprement.
Messire Jehan de Bonniface féroit de la teste de sa hache, el féroit haut après le visage dont il voyoit le plus nud et découvert; et messire Jaques (qui fut beaucoup plus haut) rabatoit froidement, de la queue de sa hache, les coups de son compaignon : et, en rabatant, par deux fois luy fit perdre sa hache de la main dextre, et messire Jaques getta le bout d'embas de son batton, par deux ou trois fois, après la visière
MEMOIRES D'OLIVIER DE LA MARCHE
du bacinet de son adversaire, et si souvent le continua qu'il l’enferra en la visière ; et ne tint pas la prise si peu non, car la dague rompit : parquoy ne vint autre détourbier.
Quant Bonniface congnut la froideur de son compaignon, il aventura vigoureusement le surplus ; et en marchant près il abandonna sa hache, et prit la hache de messire Jaques par le bout d'embas, de sa main senestre ; et de la dextre main il tira sa dague, et haussa la main dextre comme s’il contendist après le visage de messire Jaques. Messire Jaques se couvrit presltement d’un grand démarche, et tira sa hache hors de la main du chevalier ; et sur ce point le juge getta son batton, et se mirent les gardes entre deux; et furent les chevaliers amenés devant le duc, offrant chacun de parachever, si faute y avoit. Le duc fut content d'eux; mais il ne les fit point toucher ensemble, pour ce que les armes de cheval n’estoyent point achevées. Si parlirent tous deux à une fois hors de la lice, chacun à son bout, et tira chacun à son plaisir; et quand à messire Jaques, il se Lira tout armé à la prochaine église de son iogis; et là moult dévotement rendit grâces à Dieu, et se monsira devant, lors et depuis moult bon et dévot catholique; et les deux ducs se retraïrent chacun en son hostel.
Le samedy suyvant (qui fut le dix-huictième jour d’iceluy mois), les deux ducs revindrent en ja lice pour voir les armes de chevai des deux chevaliers : et prirent la maison du juge; et au milicu de la lice avoit une toille pour conduire les chevaux, pour les courses de lances qu’ils devoyent acomplir ; et se présenta le premier messire Jehan Bonniface, armé et monté comme il appartenoit. Son cheval estoit couvert d’un drap de damas blanc et verd en escartelure ; et sur son armet avoit le bras d’une dame tenant un gand volet. El séo't moult bien à cheval; et fil aporter après luy deux lances ferrées, qu'il présenta au juge ; dont l’une fut ferrée d’un fer bel et bon, et commun pour la guerre , et celuy luy fut acordé,; et l’autre fut un fer à quatre pointes fort closes, et celuy luy fut deffendu ; et luy fut dict qu'il n’estoit pas commun à faire armes, ne passable devant juge n’en champ clos.
Ne demoura guères que messire Jaques de Lalain se présenta armé de toutes armes, fors
que de la tête, sur laquelle il portoit un chaperon de bourrelet d’escarlate moult bien découpé, et qui bien luy séoit, selon l'habillement de lors. Son cheval estoit couvert de drap de damas gris, brodè de gros eslocs jettans flamme de feu, et de sa lettre, qui fut un K: qui est une lettre hors du nombre des autres.
Apres luy venoyent quatre chevaux couverts de velours noir chargé d'’orfévrerie dorée et blanche, moult richement ; et avoyent lesdicts chevaux chanfrains d'argent, dont issoit une longue corne tenant au front, à manière delicorne; et furent icelles tortivécesd'’or et d'argent; et les pages qui séoyent dessus furent vestus de drap de damas gris, brodé des devises et lettres semblables de la housseure dont estoit couvert le cheval dudict messire Jaques: cl avoyent petits chaperons, à bourrelets d’escarlatte, lesdicts pages sur leurs testes.
Ledict messire Jaques entra en la lice, soy signant ct recommandant de sa bannerole moull catholiquement ; et estoit fort acompaigné de princes et de plusieurs grans seigneurs de son lignage ; et si fit sa présentation, et furent ses lances présentées et baillées au mareschal, et d’autre part celles du chevalier espaignol, pour les mettre à une mesure. Les cris et ordonnances furent faictes. Les chevaliers s’armèrent et préparèrent, et leur furent les lances baillées ; et pour abréger mon escrit de ce qui advint des trois ou des quatre premières courses, messire Jaques de Lalain estoit armé de plusieurs rondelles, l’une sur la main, l’autre sur le coude du bras de la bride, et l’autre tenant au grand gardebras, à manière d’escu ; et ledict de Bonniface estoit un bon coureur de lance, el seur : et ne failloit point de trouver l’une d’icelles rondelles, et gaignoit bien trois doigts de longucur de lance, en faisant icelles atteintes ; parquoy messire Jaques ne pouvoit atteindre. Si fut conseillé de faire oster icelles rondelles , et puis recommencèrent leurs armes , et du premier coup rompirent les deux chevaliers leurs lances (qui fut la cinquième), et à la sixième ils croisèrent trop. À la septième, ledict de Bonniface agrava le fer de sa lance. A la huictième, feirent tous deux très dure atteinte l’un sur l’autre. A la peufième, Bonniface rompit sa lance. A la dixième, messire Jaques rompit sa lance. À l’on-
zième et à la aouzeme , ne feirent point d’atteinte. À la treizième, Bonniface feit une dure atteinte, et à la quatorzième aussi: et désarma messire Jaques du grand gardebras. Si fut réarmé, et tandis ledict Bonniface faisoit regarder son cheval; et avoyent ceux qui le servoyent une coustume qu'à chascune course, ou bien souvent , l’on nettoyoit du curetel les quatre piés de son cheval. Si commencèrent pour la quinzième fois, et rompit messire Jaques sa lance : et Bonniface agreva la pointe du fer de la sienne. A la seizième, Bonniface fit atteinte. A Ja dix-septième, atteindirent tous deux : et fauça de ce coup messire Jaques de Lalain le bord du gardebras de son compaignon. À la dix-huictième, Bonniface rompit sa lance par la poignée. A la dix-neufième, feirent tous deux atteinte en croisée. A la vinglième, ne feirent point d’alteinte. À la vingt-unième, rompirent leurs lances : et de ce coup fut Bonniface désarmé du petit gardebras de la lance. Tost fut réarmé, et de la vingt-deuxième course, Bonuiface fit atteinte. De la vingt-troisième, Bonniface rompit sa lance. De la vingt-quatrième, Bonniface feit une très dure atteinte ; et messire Jaques agreva Le fer de sa lance plus d’un doigt. A la vingtcinquième, messire Jaques rompit sa lance, et Bonniface feit une très dure atteinte près de la lumière du heaume. A la vingt-sixième , faillirent tous deux; et à la vingt-septième, se rencontrèrent tous les deux chevaliers si durement, que tous deux agravèrent et rompirent les fers de leurs lances. Ainsi advint qu’à celle course le duc les fit prendre et amener devant luy, et leur dit que le jour leur failloit de lumière (et à la vérité il estoit très tard); et que jà soit que les lances n’estayent rompues, ordonnées à rompre par les chapitres, ne les armes acomplies, toutesfois tous deux avoyent si bien et si chevaleureusement besongné, qu’il tenoit les armes pour acomplies , et qu'il leur prioit qu'ils fussent contens. Sur quoy trèshumblement mercièrent le duc, et par commandement touchérent ensemble, et se partirent de la lice comme frères ; et ainsi furent icelles armes achevées, au grand honneur de toutes les deux parties ; car ledict messire Ja
ques fit un bel et honnorable commencement de chevalerie, et persévera si largement en
acroissement de los et de bruit, que de son temps il n’a point esté plus grand exercice de chevalier, de luy, en toutes vertueuses œuvres: et quant audict de Bonniface, il se monsira l’un des bons coureurs de lance qui ait esté de nostre temps; et fut le troisième de la maison du duc de Milan à qui j’ay veu faire armes ; et disoit on que le duc de Milan avoit tousjours cent lances espéciales, dont des trois que je vey le premier fut Jaques de Visque, comte de Sainct-Martin ; le second fut Galiot de Baltasin ; et le tiers fut messire Jehan de Bonniface, dessusdict : lequel, à la vérité, pouvoit bien estre tenu et réputé pour une bonne lance.
