CHAPITRE XVII
Comment messire Jaques de Lalain fit armes en Escoce; et de plusieurs autres particularilés en la inaison de Bourgongne.
Quand messire Jaques veit qu'il ne trouveroit plus à besongner par-delà, il s’en revint, el trouva le bon duc de Bourgongne en sa vile de l'Isle , qui le receut moult liement, et de grand cueur. Mais il ne tarda guères qu’il prit congé du duc, et par mer se tira au royaume d’Escoce. Et l’accompagna messire Simon de Lalain, son oncle, et Hervé de Mériadec, et plusieurs autres gens-de-bien. Et, à ce que j’entendy, messire Jaques Douglas, frère du comte Douglas, et ledict messire Jaques de Lalain, avoyent anciènement assenti du vouloir l’un de l’autre , et se quéroyent et requéroyent l’un l’autre pour s’entre-rencontrer : et tant fit ledict messire Jaques Douglas que la bataille fut accordée par le roy entre luy et messire Jaques de Lalain. Mais la matière creut et multiplia tellement, qu’une bataille à outrance fut conclue, de trois nobles hommes escocois à l’encontre de messire Simon de Lalain, de messire Jaques de Lalain, et de Hervé de Mériadec : et se devoyent faire icelles armes à une fois devant le roy d'Escoce. Et quand vint le jour de la bataille, le roy les receut en lices closes moult honnorablement : et combien que je ne veisse point icelles armes, si m’est-il force de ramentevoir aucunes cérémonies qui là advindrent, pour exemple au temps avenir.
Car il y eut trois choses mémorables sans la bataille, qui fut moult fièrement combatue d’un costé et d'autre. La première fut que quand les trois de l’hostel du duc deBourgongnefurent
MEMOIRES D'OLIVIER DE LA MARCHE
tous armés, chacun sa cotte-d’armes en sen dos, et prests pour parlir, et pour entrer en la bataille, messire Jaques de Lalain parla à messire Simon de Lalain son oncle, et à Mériadec, et leur dit : Messieurs et mes frères, en ceste » belle journée vous sçavez que c’est à mon » emprise que sommes venus en ce royaume, » et que de pieça a esté la bataille accordée à » messire Jaques Douglas : et combien que » chacun de nous peut aider à son compaignon, » je vous prie et requier que, pour chose qui » aujourd’hui m'avienne, nul de vous ne s’en- » tremette de me secourir : car il sembleroit » qu’eussiez passé la mer, et que fussiez entrés » en ceste bataille seulement pour moy aider, » et que vous ne me teinssiez ou congnussiez » pas homme pour soutenir l’assaut et la ba- » taille d’un seul chevalier : et en tiendroit cha- » cun moins compte de moy et de ma cheva- » lerie. » Sur celle requeste saïllirent de leurs pavillons les champions, armés et embattonnés de haches, de lances, d’espées et de dagues: et pouvoyent des lances getter ou pousser, chascun à son choix.
Les deux messires Jaques Douglas et de Lalain estoyent au milicu pour eux entre-rencontrer. Ce qu'ils feirent : et à la main dextre estoit messire Simon de Lalain, qui devoit rencontrer à l’encontre d’un escuyer escocois, et Mériadec à l’encontre d’un chevalier moult puissant homme el renommé ; mais ils se {rouvérent au rebours, tellement que le chevalier estoit à l'endroit de messire Simon : et alors Mériadec (qui désiroit d'aborder à celuy à qui il estoit sorti, sans avoir regard à la force n’à la renommée d’iceluy) traversa pour s0y venir mettre devant ledict messire Simon, à l’encontre de son homme. Mais le bon chevalier froidement et asseurément se retourna devers Mériadec, et lui dit: « Frère, chacun se tienne » à ce qu'il rencontre, et je feray bien, si Dieu » plaist. » Et se remit ledict Mériadec devant son homme : et est la seconde chose que je désiroye à ramentevyoir. Les champions se prirent à marcher les uns contre les autres : et pour ce que les trois du parti de Bourgongne doutèrent que la place ne fust fort empeschée de tant de lances, tous trois à une fois gettèrent leurs lances derrière eux (qui est la troisième cause de mon récit), et prirent les haches, et
coururent sus aux Escoçois, qui venoyent de poux de lance; mais rien n’y profitèrent : et combien que tous combatissent à une fois, si se puis je parier des aventures que de l'un près l'autre.
Les deux messires Jacques Douglas et de Lalain abordèrent l'un à l'autre : et tellement s’aprochèrent et se pressèrent de si près, que de tous leurs battons n’en demoura nuls, n'à l'un n’à l'autre, fors une dague que tenoit l'Escoçois : et ledict messire Jaques le tenoit par le bras, près de la main dont 1l lenoit ladicte dague, de si court que l’Escoçois ne se pouvoit aider de sa dague, et le tenoit de l’autre main par dessous les aisselles : tellement qu'ils se tournoyoient l’un l’autre parmi la lice à force de bras : et dura longuement. Messire Simon de Lalain et le chevalier escoçois furent deux puissans chevaliers, et n'esloyent tous deux guères duits de soubtiveté de jeu de hache : et, comme deux chevaliers vaillans et hardis , se quéro\ent l'un l'autre , et se trouvoyent si souvent qu’en peu d'heure ils empirèrent les visières de leurs bacinets, et leurs battons et leurs harnois, des coups qu'ils avoyent donnés et receus : et perdoyent peu de terre l’un sus l’autre.
De l’autre part aborda Hervé de Mériadec, et vint l'Escoçois pour atteindre ledict de Mériadec de poux de lance; mais Mériadec détourna le coup, de la queue de sa hache : tellement que la lance cheut à l’Escoçois hors de ses mains, et le poursuyvit Mériadec si asprement , qu'avant que l’Escoçois eust détroussé sa hache , il entra dedans luy , et d’une attrappe le porta par terre : et démarcha ledict de Mériadec pour laisser relever l'Escoçois, qui fut viste , léger, et de grand courage , et se leva vislement, et couru sus audict de Mériadec pour la seconde fois; et Mériadec (qui fut homme , et l’un des à redouter escuyers de son temps, de force et de légèreté, froid , et adextre en armeset en luitte) receut l’Escoçois froidement et de grand aguet, et tost après fit une entrée sur l’Escoçois : et de celle entrée luy donna si grand coup qu'il le porta par terre de coup de hache, et prestement se cuida l’Escoçois relever. Mais Mériadec luy donna de la palme et du genouil contre le derrière , et derechef le fit choir à bouchon contre le sablon :
et nonobstant la requeste que luy eust faicte messire Jaques de Lalain, ledict Mériadec, vovant la luitte des deux chevaliers, marcha pour aider ledict messire Jaques : mais le roy d'Escoce getta son batton , et furent départis ledict Mériadec franc en sa bataille, pour secourir Ses Compaignons à son plaisir. Or combien que ce soit contre mon ordre commencé ; et que j'escri ceste bataille sans l'avoir personnellement veue, je l'escri, néantmoins, à la vérité par le rapport d'Escoçois , et de ceux de nostre parti ; et si le puis rementevoir sans méprendre, car je vei charger audict messire Jaques l'emprise dont celle belle aventure et autres sont advenues.
Messire Jaques de Lalain et ses compaignons retournèrent par Angleterre : et 1à porta ledict messire Jaques son emprise à la court, devant la personne du roy Henry et parmy le royaume : et dont le conseil ne se contenta poinct, disant que ce n'estoit pas la coustume du royaume que nul estranger ou privé portast ou levast enseigne, ou emprise d'armes, sans premier obtenir congé et licence du roy, ou de son connestable. Ce fut dict et remonstré audict messire Jaques par moyens. Sur quoy il respondit qu'il estoit aucunement contrainct à ce faire, pour raison de ce que par veu et par commandement il avoit empris de porter icelle emprise par la pluspart des royaumes chresliens : et s’ainsi avenoit qu’en demandant congé à chacun roy et à chacun royaume, ayant porter ladicte emprise, on le luy refusast, en ce cas, il ne pourrait son emprise ne ce qui luy est commandé, fournir et achever : et pourroit, par le refus, désobéir à telle personne, qu'il aimeroit mieux mettre tout le demourant du monde en murmure contre luy.
Ceste response contenta fort les gens-de-bien, et plusicurs non.
Finalement partirent les trois compaignons de la court du roy, sans ce qu’audict messire Jaques fust offert aucun allègement en son emprise : et s’en revindrent à Sandwic pour rentrer en mer, et revenir ès païs du duc de Bourgongne. Mais un escuyer anglois nommé Thomas Qué (qui venoit de Galles, et n’estoit pas à court, du temps qui fut messire Jaques), sachant qu'il avoit porté emprise au royaume d’Angleterre, sans estre levéc ne touchée (fust
par congé du roy ou autrement), de grand et de noble vouloir, à toute diligence, vint après ledict messire Jaques, et le trouva desjà en son navire prest pour faire voile:et vint, en un petit bot, aborder au navire, et fit dire audict messire Jaques que jà à Dieu ne pleust qu’un si noble et tant renommé chevalier comme luy se partist du royaume d'Angleterre sans avoir alégrance de son désir, et qu’il venoit là pour toucher à son emprise, et le prioit qu’on luy laissast ses chapitres : et il luy promettoit que, dedans six semaines après, il passeroit la mer, et, en la présence et sous le jugement du duc de Bourgongne, il acompliroit audict messire Jaques, à l’aide de Dieu, le contenu de ses chapitres. Finalement, ledict Thomas toucha l'emprise , et luy furent les chapitres baïllés : dont il s’aquita honnorablement , comme l’on verra cy-après; et ledict messire Jaques fit tirer les ancres, et faire voile : et vindrent descendre à l’Escluse, et trouvèrent le duc à Bruges, qui les receut en bonne chère.
En ce temps, ou à peu près, mourut à Brucelles madame Katherine de France, comtesse de Charolois : et fut enterrée à Saincte- Goulle honnorablement, comme il appartenoit à fille du roy de France; et furent faictes de grandes dévoltions pour elle et pour son trépas: et s’acquitérent le duc et la duchesse merveilleusement vers elle en sa maladie : car le duc eut tousjours en sa maison deux des meilleurs médecins du roy Charles de France, pour penser et avoir regard au faict de madicte dame en sa maladie; et emporta à sa mort grandes plainctes et grands regrets : car elle estoit vertueuse princesse. Dieu en veuille avoir l’âme ! … En cedict temps, ou bien tost après , le duc maria sa fille naturelle, madame Marie de Bourgongne, au seigneur de Charny, son second chambellan; et furent les plus belles noces, pour un jour, que je vey onques : car à la
MEMOIRES D'OLIVIER DÉ LA MARCHE
ES
nant requit à monsieur de Bourgongne que je m'en allasse avecques luy, et me tira hors de page, et fu mis escuyer-pannetier du duc : et ainsi je ren compte comme je suis venu en ceste maison temps pour temps.
En ce mesme temps l’archevesque de Coulongne meut une guerre à l'encontre du duc de Clèves pour la vile et seigneurie de Zoust (laquelle il disoit à luy appartenir), et amena grosse armée contre le duc de Clèves, comme Behaignons, Hongrois, et gens de toute salion. Mais Jehan, monsieur de Clèves, se bouta audict Zoust, et assembla grande noblesse de soudoyers : et si bien deffendit et luy et sa vile, qu’il en partit à son honneur : el soustint grand assaut, et s’y porta cheyaleureusement : et le duc de Bourgogne sachant son neveu de Clèves en tel danger, et que le père (qui vivoit) n’estoit pas homme pour donner à son fils grand confort , feit une armée conduite par monsieur Louis de Saincl-Pol et monsieur le bastard de Bourgongne ,en intention deleverlesiége. Mais le vie] duc de Clèves fit rompre les ponts et les passages par son païs, afin que ladicte armée n’y entrast ; et néantmoins si bien prit, que le jeune duc de Clèves soustint celle guerre si chevaleureusement, que l’archevesque de Coulongne en ramena ses gens , et abandonna son siège : et ainsi fut celle guerre achevée.
En celuy mesme temps monsieur Charles de Valois, duc d'Orléans, se tira en Bourgongne, et fit une armée pour envoyer à haste en Piémont. Par le consentement du duc de Bourgongne, Jehan de Chalon, seigneur d’Arguel (qui avoit espousé la nièce dudict duc d'Orléans), leva aucuns Bourgongnons, et fut son lieutenant Philebert de Vaudray, moult vaillant et diligent escuyer bourgongnon, et dont dessus est faicte mention en la guerre de Luxembourg ; et feit venir le duc d'Orléans la duchesse sa femme en Bourgongne, laquelle
‘jouste (où joustèrent les plus grands) chacun "porta son escu armoyé de ses armes et son
estoit sœur du duc de Clèves et nièce du duc de Bourgongre, et fille de sa sœur, comme dessus
timbre; et devez croire que les houssures es- Joyent riches : et mesmes les princes et les seigneurs qui ne joustoyent point s’estoyent acompaignés et assortis, à leurs dépends, des plus gens-de-bien de la maison : et fut une feste de grand coust et de grande mission : et, deux ou trois jours après, le seigneur de Ter-
est dict ; et luy donna le païs six mille francs pour une fois, et fil au païs moult grande chère : et de ce tempsje fey un tour en Bourgongne, de la grâce du duc d'Orléans, qui me fitet monstra moult grande privauté ; et ce, à cause qu'il estoit moult bon réthoricien, et se délectoit tant en ses faicts comme en faicts
d’autruy ; et certes en celuy temps ct en mon jeune avenir c’estoit mon principal passetemps, et y persistoye de jeunesse par oysiveté et loisir, et par la bien-heurée paix qui estoit universelle ès païs du duc, mon souverain seigneur et maistre. Quand l’armée du duc d’Orléans (que leva et conduisit le seigneur d’Arguel) fut aprestée, ils tirèrent en la comté d’Ast, et depuis entrérent plus avant en païs, et coururent la rivière de Gennes par terre et par eaue, en faisant guerre aux Milannois et à leurs alliés, et ce par la mort du duc Philippe- Maria, jadis duc de Milan, lequel estoit nouvellement trépassé, et se disoit et dit encores le duc d'Orléans duc de Milan, pour ce qu’il disoit qu’il estoit fils d’une fille du duc de Milan, et en prit le tiltre et les armes ; et, d’autre costé, le duc Louis de Savoye (comme cy-dessus est déclairé au chapitre de pape Félix) se disoit duc de Milan, par certain traité faict par le duc Philippe-Maria quand il prit et espousa la sœur du duc Louis de Savoye; et ay bien sceu que si le duc eust esté bien actif ou bien servi, il eust eu grande part à ladicte duché, car les Milannois l’avoyent en grande amour et crainte, et furent les armes du duc de Savoye par les Milannois mises aux portes de Milan plus de douze jours ; mais le duc Louis fut homme de petit effect en armes, parquoy il perdit celle bonne adventure.
D'autre part, le comte Francisque fut vaillant, subtil, sage, large et abandonné. Si se mit sus, et si longuement guerroya les Milannois l’une fois par traité, el l’autre par guerre, que finalement il fut duc de Milan, et après luy l’est son fils; et, au regard de l’armée de Bourgongne (que mena monsieur d’Arguel pour le duc d'Orléans), ils s’en revindrent par défaute de payement, à grande perte et sans nul profit ; et ledict seigneur d’Arguel se gouverna vaillamment de sa personne, mais il vendit plusieurs des belles seigneuries à luy appartenans, dont le prince d'Orange son père fut mal content, et tout racheta au profit de deux fils qu’il avoit de la sœur du comte d’Ar- Mmignac, qu’il avoit espousée ; dont grand dommage et grande question avint puis à la maison de Chalon, comme l’on pourra cy-après veoir.
En ce temps maria le duc Philippe mademoiselle Marie de Gueldres, fille de sa nièce la
duchesse de Gueldres, au roy d’Escoce, un moult beau chevalier, jeune et vertueux roy, et fut celuy qui avoit la moitié du visage rouge. Si envoya le duc la dame en Escoce, par mer, moult richement et noblement acompaignée de chevaliers, de dames et de nobles hommes. En ce temps le bon duc et la duchesse, de leur grâce, me mirent et ordonnèrent en estat d’escuyer-tranchant, avecques monsieur le comte de Charolois, leur seul fils, et à présent mon souverain seigneur et maistre.
