CHAPITRE XVII

Du pas de la Pélerine, tenu par le seigneur de Haubourdin: et des armes faictes entre le seigneur de Lalain et un Anglois, devant le duc de Bourgongne.

Au temps dessus-dict, messire Jehan, baslard de Sainct-Pol, seigneur de Haubourdin (qui fut de son temps un moult chevaleureux chevalier), tint un pas pour faire armes près de Sainct-Omer, le terme de six semaines, luy sixième de compaignons (qui se nommoyeni pélerins); et se fonda son pas et emprise sur la belle Pélerine : lequel pas :1 fit signifier par tous les royaumes et païs voisins, et s’atendoit d’avoir beaucoup de gens de bien, et principalement du royaume de France. Mais ainsi advint que l’on commença dès lors à murmurer, tant de la paix comme des trèves, et par François et par Anglois, tellement que chacun se disposa pour la guerre, et vindrent à celuy pas” peu de gens. Toutesfois, pour souvenance d’icelle noble emprise, pour patron et doctrine aux entrepreneurs à venir, et pour recommendation du noble chevalier et de ceux qui l’acompaignèrent et qui emprirent avecques luy, ensemble des nobles hommes qui à celuy pas vindrent à la noble épreuve, j’ay cy-après enregistré l’ordre et les armes dudict pas ainsi qu'il s’ensuyt.

Au perron de la Pélerine arriva un grand chevalier alemand du païs de Souabe, qui pouvoit avoir cinquante ans d’âge. Le chevalier fit toucher l’escu de Lancelot du Lac, et luy fut jour baillé pour combattre, selon’ le contenu des chapitres ; et vint le duc de Bourgongne, et monsieur le comte de Charolois son fils, au lieu de Sainct-Omer, ensemble la seigneurie ; et furent les lices drécées, et le perron élevé

de pierre, moult solennellement ; et là furent atachés.les deux escus, l’un de Lancelot du Lac, l’autre de Tristan de Léonnois, et furent icelles lices drécées emmy les champs, dessus le grand chemin tirant à Calais. Le lieu fut noblement préparé pour le duc, comme seigneur et juge ; et, environ neuf heures, le chevalier alemand, armé de toutes armes, la cotte d’armes en son dos, le bacinet en la teste, et monté sur un cheval couvert de ses armes, se présenta moult asseurément, et puis entra dedans son pavillon, et ne demoura guères qu’entra en la lice le seigneur de Haubourdin. Il avoit devant luy six escuyers vestus de blancs manteaux, portans le bourdon en brodure devant et derrière, et servoit à deux fins, l’une pour mistère de la Pélerine, et se nommoyent pélerins, et communément tous pélerins chargent le bourdon. Secondement, c’estoit la devise de tous temps dudict seigneur de Haubourdin. Ces six escuyers esloyent délibérés de faire armes, et de soustenir et deffendre iceluy pas si besoing faisoit, et se nommoyent Jehan Du Bois, Anthoine de Hérin, Anthoine de Lornan, etc. Après iceux venoit le seigneur de Haubourdin, qui se faisoit nommer le chevalier de la Pélerine. Il estoit armé de toutes armes, le bacinet en teste, et la visière close, pour non estre veu ou congnu. Il porloit sa . cotte d’armes, des armes de Lancelot du Lac, à la bande de Benouhic, et, au demourant, fut grandement acompaigné, et son cheval de mesmes pareures, et les escus et blasons qui furent à l’entour de son pavillon semblables, et devant la personne du duc, à sa présenta- tion, se fit nommer le chevalier à la Pélerine, et non autrement.

Le duc le receut, et bienviengna ; et le seigneur de Haubourdin se tira en son pavillon, et tantost vindrent les gardes, et furent les cris et cérémonies acoustumées, et appartenans en tel cas, faictes et acomplies. Deux haches furent présentées au chevalier alemand, qui choisit, et l’autre fut baillée à l'entrepreneur. Si saillirent les chevaliers hors de leurs pavillons, et tous deux visières baissées. Les deux chevaliers s’assemblérent au milieu de la lice, ets’entre-rencontrèrent moull fièrement ; et au regard de la personne du chevalier alemand, il estoit grand et bel homme-d’armes, et com-

MÉMOIRES D'OLIVIER DE LA MARCHE

L1446] bien qu’il fust viel, si se monstroit il prompt et de noble courage, et quéroit fièrement son compaignon, sans toutesfois estre guères duit n’apris du jeu dela hache ; et l'entrepreneur soustenoit et rabatoit moult froidement et asseurément, comme celuy qui autresfois avoit esté en celuy estroit passage de combatre en champ clos, et sous jugement, car il avoit combatu, en la vile de Sainct-Omer, un chevyalier d'Espaigne nommé messire Goutière, l'un des plus redoutés chevaliers de toutes les Espaignes. Finalement, tant chevaleureusement se requirent les deux chevaliers, qu’en peu d'heure furent leurs armes acomplies, et getta le duc le batton, comme juge. Et à celuy pas ne vint autre noble homme faire armes (dont l'entrepreneur fut moult déplaisant, et ses compaignons), combien que plusieurs eussent promis de venir.

Toutesfois messire Bernard de Béarne, un moult beau chevalier, bastard de Foix, se mit en chemin pour venir au pas dessus-dict ; mais une maladie de fièvre le prit, parquoy il ne peut venir au temps que le pas estoit limité; maisle seigneur de Haubourdin, entrepreneur, luy fit sçavoir que quand il pourroit venir, il le recevroit comme s’il fust venu au pas. Ce qu’il fit depuis, comme l’on verra cy-après.

En ce temps, l’escuyer anglois nommé Thomas passa la mer, et vint à Bruges pour combatre messire Jaques de Lalain, comme il luy avoit promis au lieu de Sandwic, ainsi qu’il est cy-dessus escrit et déclairé. Ledict messire Jaques fut moult joyeux de sa venue, et furent les lices préparées sur le viel marché de Bruges : et au jour qui fut baillé par le duc de Bourgongne, juge en ceste partie, le duc et sa seigneurie vindrent sur la lice, qui moult noblement estoit parée; et n’est pas à oublier que, sur le pavillon qui fut tendu pour ledict messire Jaques de Lalain, avoit un cerf couché de brodure. Celuy cerf portoit seize cors, el à chacun cor avoit une banniére dont estoit issu ledict Lalain, et dont les deux premières furent du père (qui estoit chef et seigneur de Lalain), et l’autre de Créqui, du costé de la mère. Ainsi monstra ledict messire Jaques trente deux bannières, dont il estoit issu di1rectement du père et de la mère, sans entremesler entre les deux mariages aucune aliance

d’autre nature ou conäition, fors tousjours de bannière en bannière, comme dict est. A la requeste de l’escuyer angluis, la comtesse d’Estampes et toutes les dames de la court furent présentes à voir icelles armes; mais la duchesse n’y voulut point estre, n’aussi je ne l’avoye jamais veu avenir, et mesmement à faire armes de pié. Toutesfois les dames y furent à celle fois.

L’Anglois estoit acompaigné de tous les chevaliers et escuyers de l’hostel de la duchesse , et se présenta tout désarmé, et puis tira en son pavillon. D'autre part vint messire Jaques de Lalain, acompaigné du baron de Beaujeu , neveu du duc, et d'autre moult grande seigneurie, ses parens et amis : et me souvient que, pour faire honneur au noble chevalier, ledict seigneur de Beaujeu, le seigneur de Ravastin, le bastard de Bourgongne , et moult d’autres seigneurs et nobles hommes, s’estoyent parés de robes de satin gris, et pourpoints de cramoisy : et venoyent deux à deux devant le chevalier, qui estoit adextré des deux princes dessusdicts , cousins germains. Il estoit vestu d’une longue robe de celle pareure , et estoit armé de son harnois de jambe seulement : et à l’entrée de la lice se signa à pié, et en tel’ordonnance marcha jusques devant le duc son souverain seigneur et juge, qui le receut , et s’en retourna en son pavillon. Devoirs , cris et cérémonies furent faictes, et tandis chacun champion envoya présenter son batton au juge : car chacun pouyoit porter lelle hache, et de telle façon que bon luy semblait ; mais le bon duc avoit acoustumé luy-mesme de visiter les battons dont l’on devoit devant luy combatre ou faire armes, pour ce que pourrien n’eust voulu souffrir que sous son jugement nulle chose mal-enseigneuse , ou de fraude , eust été faicte. Messire Jaques fit présenter une longue hache à poincte dessus, et d’un costé un bec qu’on dit de faucon; et de l’autre un mail rond, à trois pointes de diamant , et au dessous de la hache une bonne forte dague. Et La hache de l’Anglois fut une forte hache pointue dessous, et un grand taillant d’un costé , et de l’autre un long mail : et plus bas avoit rondelle pour la garde de la main , et dessous fut pointue d’une courte dague. Les battons furent raportés, et les gardes ordonnés.

L’Anglois saillit hors de son pavillon , armé de toules armes , sa cotte-d’armes vestue , le bacinet en la teste , la visière bien closeet fermée : et portoit sa hache, sa main dextre armée, couverte de la rondelle de la hache : et pouvoit on légèrement juger qu'il estoit délibéré de faire sa bataille de la teste de la hache. D'autre part saillit messire Jaques de Lalain armé, sa cotte-d’armes vestue : et en sa leste avoit une petite salade de guerre toute ronde, et avoit le visage et le col tout découvert : et portoit sa hache près de luy, et à contre poix, pour assaillir et pour deffendre duquel des deux bouts dont il verroit son avantage : et, en marchant froidement, s’agenouilla devant le duc : et l’Anglois marchoit fiérement et de grand courage : et, à l'aborder, messire Jaques luy getta un estoc à la visière, de la queue de sa hache ; mais il ne l’enferra point ; et l’Anglois féroit de toute sa force après ledict messire Jaques : et féroit de mail, d’estoc et de taille, aprèsle visage, qu’il voyoit nu et découvert. Mais le chevalier sçavoit marcher et démarcher : et estoit si adroit et si chaleureux, que l’Anglois ne profitoit rien en son assaut ; et quand il voyoit son avantage, il donnoit à tour de bras, de la teste de la hache, sur le bacinet de l’Anglois : et par plusieurs fois l’atteindit de coups si poisans , qu’un moins puissant l’eust à grand méchefsoustenu sans cheoir à terre. Mais l’Anglois avoit assez puissance , et beaucoup hardement et courage : et quand il veit que le chevalier l’assailloit si fièrement, il amodera sa bataille , ei se gardoit et contregardoit froidement, plus qu’il n’avoit commencé ; et messire Jaques poursuivoit moult fiérement : et avint que ledict messire Jaques getta , du bout d’embas de sa hache, pour cuider enferrer l’Anglois en la visière; et l’Anglois getta l’estoc de la teste de sa hache audevant du coup, et trouva par méchef le gantelet dudict messire Jaques ouvert: et la dague, tranchante et aguë , luy percea le bras senestre rez à rez de la main , tout outre. Messire Jaques retira son bras ( qui saignoit à moult grand randon , et cuida rempoigner sa hache d’une grande démarche ; mais il ne se peut de la main aider : car il avoit les nerfs coupés ou grevés.

Quand le bon chevalier se veit en tel parti,

il mit sahache sous son bras senestre, la queue devant, à la manière qu’une femme tient le batton de quoy elle file ; et de la main dextre, à l’aide de la hache , rabatoit tous les coups que l’Anglois gettoit sur luy, fors d’estoc et de mail. Lequel Anglois avoit recommencé son assault moult fier et moull aspre : et le chevalier levoit à la fois le bras blécé, et secouoit le gantelet : et sembloil à d’aucuns qu’il le faisoit pour remettre son sang au corps , dont il perdoit largement : et sembloit à d’autres qu'il vouloit monstrer au duc, son seigneur et juge, qu'il ne luy aloit que bien, et qu’il leur laissast achever. Et est bien besoing que je touche de la constance du bon juge le noble duc dessusdict : car il ne faut pas ignorer qu’il n’aimast cordialement ledict messire Jaques, son suget et son servileur, et telle apparence de chevalier, de beauté et d’épreuve , que l’on ne nommera nulle part de meilleur chevalier de luy ; etille voyait en tel danger ou pareil, que le duc n’eust incontinent rompu la bataille; mais il ne vouloit pas estre noté , en son jugement, d’avoir départi les champions à l’avantage de l’estranger, et en contregardant son serviteur. Si remit le tout en la fiance qu’il avoit en Dieu, et en la chevalerie de son che- Yalier : et laissa les armes parachever selon le contenu des chapitres , et de l’emprise acordée et conclue par les parties : dont il avint que messire Jaques de Lalain ( qui froidement et par grande assurance soustint l’assaut de l’Anglois ( getta la queue de sa hache entre la hache et le corps de son compaignon , et entra près de luy : et,.de l'entrée, il rua le bras navré au col de son homme, et de la main dextre le prit par le gros du bacinet. L’Anglois cstoit pesantement armé , et messire Jaques légèrement : et ainsi tira son compaignon de toute sa force , et d’une grande démarche : et de ce coup rua l’Anglois, la visière dedans le sablon , et tout plat estendu : et prestement, sa hache au poing, se tira devant le juge. L’Anglois fut relevé par les gardes , et fut amené devant le duc:et disoit qu’il n’avoit pas esté abbatu de toul le corps à terre , et qu'il n’estoit cheu qu’à genoux et à coudes. Si fut devant le mareschal la matière mise en preuve, et fut prouvé par nobles hommes qu’il estoit cheu de tout le corps à terre ,

MEMOIRES D'OLIVIER DE LA MARCHE

GR ——__—— ——————————"———————————m PP PP

et que les armes , par celle cheute , estoyent ducment acomplies. Si touchèrent ensemble :

et avant que l’on partist de la lice, en la présence du duc, des dames et des seigneurs, fut crié un noble pas d'armes dont ledict messire Jaques estoit l'entrepreneur , et lequel pas fut depuis gardé et soustenu par ledict messire Jaques, au lieu de Chalon sur la Sosne, un an entier.