CHAPITRE XIX
Comment ie seigneur de Haubourdin, continuant son emprise du pas de la Pélerine, fit armes contre le bastard de Béarne.
En celuy temps, et assez tost après, et avant que l’on ostast les lices préparées pour les armes dessus-dictes, messire Bernard de Béarne , bastard de Foix, arriva à Bruges; et fut baillé jour à luy et au seigneur de Haubourdin, qui se nommoit en ceste partie encore le chevalier de la Belle Pélerine, en continuant l'emprise de son pas, tenu emprès Sainct- Omer, comme il est cy-dessus escrit. Et combien que ledict seigneur de Haubourdin se nommoit comme entrepreneur, toutesfois, pour ce que ledict messire Bernard vint hors du temps que le pas estoit limité, les deux chevaliers d’un commun acord muërent la forme des chapitres en autres armes, et pouyoyent chacun apporter telle hache qu'il luy plairoit, ct devoyent getter un gect de lance, et combatre desdictes haches jusques à batton perdu, ou cstre porté l’un par terre.
Au jour ordonné, messire Bernard entra en la lice armé de toutes armes, la cotte-d’armes de Foix vestue , à la barre traversant , comme il appartenoit à bastard de celle maison : et ainsi se présenta, et puis ala en son pavillon. Tost après entra le seigneur de Haubourdin, la cotte-d’armes de Lancelot du Lac au dos, le bacinet en la teste, la visière close , et devant luy les six escuyers qui en habit de pélerins l’'avoyent acompaigné au pas de la Pélerine ; et se présenta devant le duc, et le menoit le seigneur de Ternant, qui le présenta comme chevalier de la Pélerine : et puis se retraït iceluy chevalier en son pavillon , qui fut armoyé des armes de Lancelot, à la bande de Benouhic. Tantost après, chacun des deux champions
envoyèrent présenter les battons dont ils de- ! targons au-devant des jambes, pour chacun
voyent combatre. Et fut la hache du chevalier à la Pélerine, un bec-de-faucon commun, à bonne et poisante dague dessus et dessous. Et celle que fit présenter messire Bernard fut une hache à bec-de-faucon commun; mais la dague de dessous fut longue et déliée, et de façon telle qu’elle pouvoit légèrement entrer ès trous de la visière d’un bacinet, et de sa longueur pouvoit porter grand dommage au visage de son compaignon. Le seigneur de Haubourdin fut averti de la subtilité de ladicle hache. Si dit qu’il ne donneroil pas à son compaignon tant de peine que de perser la visière de son bacinet; et prestement le fit décloer et oster de tout poinct , si que le visage luy demoura tout découvert; et fit oster les blasons qui estoyent sur son payillon (qui furent de Benouhic), et y demourèrent autres blasons des armes de Luxembourg, à la bande traversant de Lusignan.
Quand les gardes furent venus, et cris ct cérémonies faictes et acomplies, le bastard de Béarne saillit de son pavillon, la visière close, la lance au poing dextre , et la hache et le targon d’acier à la senestre : et estoit grand chevalier et puissant. D'autre part saillit le bas-
tard de Sainct-Pol, armé de loutes armes, la |
cotte-d’armes, des armes de Luxembourg, au dos, bacinet en teste, sans visière, n’autre couverture ou aide au visage ; et esloit embattonné de lance et de hache, et aidé d’un targon d’acier. Fièrement marchèrent les deux chevaliers l’un sur l’autre, et getla le seigneur de Haubourdin sa lance le premier. Et ledict messire Bernard démarcha en costière, si qu'il ne fust assené ; et de celle démarche brandit sa lance, et getla sur son compaignon (qui moult vistement poursuivoit son get, le targon devant luy, par couverture). Et avint de celuy get que le srigneur de IHaubourdin fut atteint sur le bord, en dehors, de sa targe ; et glissa le coup, et vint alteindre sur le costé senestre, un peu au dessus du faux du corps, et perça le harnais, et entra le fer très-profond en la chair dudict seigneur de MHaubourdin; et lors du bras senestre, tost et asseurément, il escouit la lance jus, qui tenoit assez fort dedans le harnois.
Le get passé, Jos chevaliers se gettèrent les
cuider empescher ou nuire son compaignon, et puis se coururent sus aux haches moult asprement. Et contendoit fort messire Bernard après le visage, qu’il voyoit nud el découvert ; et y rua plusieurs fois et plusieurs coups. Mais le seigneur de Haubourdin rabatoit froidement les coups dudict messire Bernard , et ne demoura guères que ledict seigneur de Haubourdin entra sur messire Bernard, et de sa main senestre prit Ja hache de son compaignon, et messire Bernard cuida prendre celle du seigneur de Haubourdin, mais il n’y peut avenir. Si prit de la main dextre le seigneur de Haubourdin par le bacinet, en faute de la visière ; et ledict Haubourdin quéroit après le pié du bout de sa hache, qu’il tenoit d’une main; mais rien ne l’empira. Et en cet estat furent les deux chevaliers assez longuement, taslant et essayant en leur puissance d’avoir aucun avantage chacun sur son compaignon. Et le duc, voyant les deux chevaliers entiers l’un envers l’autre, getta le batton et les fit déparür. Et partirent de la lice tous deux à une fois, et chacun par son bout. Et ainsi furent icelles armes à pié achevées , et celles de cheval mises au lundi prochain.
Celuy jour, comparurent les deux chevaliers devant le duc, leur juge en celle partie. Et au regard du bastard de Béarne, il avoit quatre chevaux couverts très-honnestement et richement. Et le bastard de Sainct-Pol avoit, pour l’acompaigner, le seigneur de Ravastain, le seigneur de Créqui et le seigneur de Ternant, tous trois chevaliers et frères de l’ordre de la Toison. Et furent leurs chevaux couverts de trois couvertes de soye et de brodure telles qu’il avoit préparées pour courre à son pas, selon que l’on toucheroit les escus; et fut le cheval du seigneur de Ravastain couvert d’une couverte faicte de bourdons et de coquilles, qui fut l’ancienne devise du seigneur de Haubourdin , en signifiant qu’il estoit serviteur de la Pélerine. Le cheval du seigneur de Créqui estoit couvert des armes de Lancelot du Lac, à la bande de Benouhic ; et celuy du seigneur de Ternant, des armes de Palamèdes. Et, au regard du seigneur de Haubourdin , son cheval estoit couvert d’orfèvrerie très-richement ; et d’abondant , en lieu de la resne du cheval, y
avoit une grosse chaine d'or que l’on estimoit peser plus de mille escus.
Présentations faictes, et cris et cérémonies
acomplies, les chevaliers furent armés , et lances leur furent baillées. Et d'icelle première
course avint que messire Bernard de Béarne
assit sur le grand garde-bras, en glissant; et
le seigneur de Haubourdin (qui prit sa course au coing de la lice, et vint aborder à la toile, ainsi qu’en croisée) assit sur le bord du clou qui tient la visière de l’armet. Et l'armet (qui n’estoit pas ataché , mais l’avoit ledict messire Bernard seulement mis en sa este, ainsi que communément l’on court ès Espaignes) se haussa d’iceluy coup, qui fut durement aleint , et tellement que ledict messire Bernard fut froissé , et blécé en trois lieux au visage, dont le plus fort et le plus grief estoit au menton, et de ce saignoit très-fort. Toutesfois le chevalier reprit le bout de la toile, et vouloit ses armes fournir, comme chevalier de grand et noble courage qu'il estoit. Mais Bertrandon, premier escuyer-tranchant du duc (lequel le duc avoit baillé audict messire Bernard pour
le servir el conseiller, pour ce qu'il estoit na-
tif Gascon , sage et expert en armes), ne luy voulut souffrir en plus faire, mais l’'emmena devant le duc. Et le duc, voyant son cas, cl qu'il n’estoit pas pourveu d’armet ou heaumet suffisant pour sa seureté, luy pria moult doucement qu’il se voulsist à tant contenter d'icelles armes. Et le chevalier larmoyoit de déplaisir et de honte, et remonstroit qu'il estoit venu de loing pour acquerre honneur, et qu’il se trouvoit en honte et en foulle; et le bon duc luy dit que, sauve sa grâce, il estoit chevalier si renommé, et mesmes il avoit tant
veu et congnu de sa chevalerie à pié et à che-
val, que l’on congnoissoit bien l’honneur et la vertu de sa noble personne, et que ce coup n’estoit qu'un coup avenu d'aventure; et luy pria de rechef qu’il se voulsit contenter. Ce que fit le chevalier; et touchèrent ensemble lesdicts chevaliers, et ainsi furent icelles armes acomplies.
