CHAPITRE XX

Comment dom Jaques de Portugal, neveu de la duchesse és Bourgogne, veint à refuge vers le bon duc Philippe.

Celle saison, arriva au port de L’Ecluse l’enfant dom Jaques de Portugal, fils du duc de Coimbres, neveu de la duchesse de Bourgongne, et fils de son frère : et arriva grandement acompaigné de chevaliers, de nobles hommes, el autres, qui tous estoyent fugitifs avecques luy du royaume de Portugal. Et vint l'enfant dom Jaques devers le duc à Bruges, et le receut le duc moult honnorablement, et luy bailla estat et pension pour luy et pour tous ses gens: et peut on croire que la bonne duchesse sa tante le receut, ensemble les Portugalois, moult cordialement, leur fit de grans biens, et y mit largement du sien : et pareillement le bienviengna moult voulontiers le comte de Charolois, à qui il fut cousin germain : et en celle chose me sera force d’escrire et déclairer quelques aventures et cas ayenus au royaume de Portugal (que toutesfois je n’ay pas veus ), pour donner à entendre pourquoy et à quelle cause furent iceux Portugalois, avec les enfans du duc de Coimbres , après sa mort déchacès et fugitifs du royaume de Portugal, et privés de leurs seigneuries et biens : lesquelles enfans furent deux nobles princes, fils du duc de Coim-

bres, et une noble dame sage et vertueuse, qui depuis fut mariée à Adolf, monsieur de

Clèves, frère du duc Jehan de Clèves, comme cy-après sera devisé et escrit.

Vérité fut que le bon roy Jean de Portugal, père de la duchesse Ysabel de Bourgongne, laissa plusieurs enfans légitimes, dont l’aisné, nommé Edouard. fut roy de Portugal après luy ; le second fut duc de Coimbres ; le tiers fut comte de C:ple, et la fille duchesse de Bourgongne. Le roy Jehan mort, le roy de Portugal son fils se maria à Léonor, fille du roy Fernand d’Arragon, et d’icelle eut l’infant dom Alfonse, à présent roy de Portugal : et advint que celuy roy de Portugal, fils du roy Jehan, mourut, et laissa son fils, à présent roy de Portugal, qui n’avoit que dix ans d'age : et fut régent et gouverneur de tout le royaume le duc de Coimbres, oncle du jeune roy. Celuy duc fut moult sage prince, et gouverna le royaume de Portugal moult notablement : et

sous sa main avança, en honneurs et richesses, plusieurs hommes nobles, en les préférant avant autres, qui toutesfois n’en furent pas bien contens : et leur sembloit qu’ils valoyent bien, de sens et de lignage, les autres qui sous la man du régent avoyent autorité et avancement au royaume : et de ce se conspira et engendra une très-grande haine couverte à-l’encontre du duc : et le duc se faysoit grand et riche, et maria sa fille aisnée au roy : dont les malveuillans commencèrent à murmurer, et disoyent que le duc de Coimbres s’enrichissoit des biens du roy et du royaume, et qu’ilestoit mieux seigneur que le roy, et que nul n’avoit avancement ou office s’il n’estoit à luy; et d'autre part qu’il avoit marié sa fille au roy pour soy fortifier, en affoiblissant le roy et le royaume : car si le roy se fust marié à la fille d'un roy ou d’un prince voisin, c’estoit moyen d’enforcement d’avoir et d’aliance pour le roy et pour le royaume; et qu'il estoit assez alié au roy d’estre son oncle, et assez obligé pour servir le royaume, d’avoir sa duché et ses seigneuries dedans le royaume, et tenues du roy; et le roy (qui croissoit en sens et en jours) enlendoit ces choses, et adhéroit aucunement à telles parolles, pour ce qu’il désiroit d’estre obét, ethors de sugettion : et toutesfois il se taisa, en

attendant qu’il fust homme pour estre roy et

régent, sans compaignon ou maistre. Et advyint qu'en celuy temps le roy manda le duc de Coimbres à venir devers luy, pour ce qu'il s’estoit un peu de temps retiré en sa duché, estant averti que ses ennemis machinoyent contre luy, et que le roy y livroit escout :

et mesmement avoit on fait une conspiration secrète contre le duc, sur le faict du royaume.

Si se douta le duc, et manda ses subjets, serviteurs et amis, pour aller au mandement du roy, fort acompaigné : et est à sçavoir que cette assemblée ne se faisoit point contre le roy, mais contre les malveuillans du duc qui entroyent en gouvernement et authorité : et quand le roy fut averti de l’assemblée que faisoitleducson oncle, il prit la chose contreluy estre faicte, et de sa part assembla grans gens : et chevaucha le roy à grosse armée contre son oncle : et le duc, quand il sentit venir le roy, se cloït, et fit un camp clos de fossés et d’ar-

tillerie, et mit ses gens en bonne ordonnance: et, à ce que m'ont plusieurs nobles hommes Portugalois ( qui furent présens) certifié, le duc ne le faisoit en autre intention. sinon cuidant faire partir de son camp aucuns des plus notables, pour aller au roy en grande humilité pour soy recommander en sa bonne grâce, et sçavoir les causes pourquoy il estoit meslé avecques sa royale mageslé, soy excuser par humbles voyes, et luy ramentevoir les services qu’il entendoit avoir faicts au roy en ses jeunes jours et à l'utilité du royaume, en concluant qu'il luy offroit son service.

Mais il advint que les arbalestriers du roy de Portugal aprochèrent du camp en grand nombre : el se commença une écarmouche par méchans gens d’un costé et d’autre, tellement que d’un traict d’arbalesle le duc de Coimbres, au milieu de ses gens , fut atteint en la poictrine, dont il mourut en celle mesme heure :

et n’ay point sceu qu'un seul homme de nom fust blécé ou atteint de celle écarmouche, fors le duc seulement. |

O princes hauts et nobles personnages, mirez vous au cas du sage duc de Coimbres, fils, frère et oncle de roy! Ne tentez Dieu, ne son exécuteresse fortune; ne vous fiez en force de chevyalerie, de peuple ne d’armeures , quand celle fortune a montré la puissance de sa permission, pour avoir conduit l’impétuosité d’une sagette si juste et si alignée , que d’avoir accidentalement occis un si noble prince au milieu de sa chevalerie, et sur luy seul, entre telle compaignie, monstré sa fureur et sa cruelle vengeance.

Ainsi fut le duc de Coimbres occis ; et plusieurs se rendirent à la merci du roy, etautres furent par force pris, et autres s’enfuirent; et mit le roy la duché de Coimbres en sa main, ensemble tous les biens du duc trépassé. IN exila tous les enfans du duc, fils et filles, hors du royaume, excepté la seule fille dont le mariage estoit faict de luy; et l’espousa le roy, et fust une moult belle, sage et vertueuse royne; et s’elle eust vescu, il estoit léger à juger, par la congnoissance de ses vertus, qu’elle eust restoré la maison de Coimbres, et faict rapeler à grand honneur, en Portugal , et frères et sœurs, et les seigneurs et nobles hommes exilés à ceste cause. Mais elle mourut sous

trente ans, et tous ses frères et sœurs en jeune âge; dont ce fut dommage, car c’estoit un noble sang, et une génération bien adrécée en vertu et en chevalerie.

Or ay je devisé de la mort du duc de Coimbres et de son cas, par moy toutesfois non veu. Mais à ceste cause j’ay veu venir en la maison de Bourgongne deux fils et une fille, exilés et déchacés du royaume de Portugal, dont le premier qui arriva fut l’imfant dom Jaques (dont dessus est faicte mention), moult sage seigneur et dévot ; et par le pourchas de la duchesse de Bourgongne, sa tante , fut envoyé à Romme , et fut homme-d’Eglise ; et par le consentement du roy de Portugal fut archevesque de Lisbonne (qui est le plus grand bénéfice du royaume), et fut faict cardinal, et moult élevé, tant par sa noble naissance comme pour ses vertus. Mais il mourut au lieu de Romme assez tost après, et en ses jeunes jours, comme il est dict dessus ; etcy-en-après je deviseray des deux autres, temps après autre, selon qu'il appartiendra.