LIVRE SECOND

chefmonsieur lebastard, et l’acompaignoitmonsieur de La Roche. Les autres estoyent monsieur Jaques de Sainct-Pol, messieurs d’Arcy, de Créquy, de la Gruthuse et de Bergues, et plusieurs autres qui les acompaignoyent ; eten chacune chambre y avoit maistre-d’hostel, et gens ordonnés pour y servir ; et, pour tenir le grand estat, fut faicte une salle en une grande place que l’on dit le jeu de paume de la court.

» Celle salle fut faicte hastivement de charpenterie, moult-grande, moult-haute , moultspacieuse. Elle estoit enluminée de verrières si bien et si à poinct , que tous disoyent que c’estoit une desbellessalles qu'ilseussent veues. Ladicte salle estoit tendue par haut de drap de laine lleue et blanche, et par les costés tapicée et tendue d’une riche tapicerie faicte de l’histoire de Jason , où estoit compris l’avéne= ment du mistère de la Toison d’or. Celle tapicerie estoit toute d’or, d’argent et de soye , el ne croys pas que l’on ait veu si grande et si riche tapicerie ensemble. Ladicte salle fut aidée de candelabres de bois peints de blanc et de bleu , et ès deux bouts de ladicte salle pendo’:ent deux chandeliers moult soubtivement faicts : car dedans l’artifice de chacun pouvoit estre un homme non veu. Les dessusdicts chaudeliers estoÿent en manière de chasteaux, el les piés desdicts chasteaux estoyent hautes roches et montaignes moult soublivement faictes ; et par les chemins, qui tournoyoyent au tour desdictes roches, voyoit on divers personnages à pié et à cheval, hommes, femmes, et diverses bestes ( et qui furent moult bien faicts, et soubtivement ) ; et Le dessous desdicts chandeliers furent: chacun de sept pièces de miroir moult grandes, et si bien composées que l'on voyoit dedans chacune pièce tout ce quise faisoit dedans ladicte salle. Lesdictes montaignes estoyent pleines d’arbres , d'herbes , de feuilles et de fleurs ; et certainement ils furenl fort prisés et regardés d’un chacun, et fureni faicts de la main d’un moult subtil homme, nommé maistre Jehan Stalkin, chanoine de Sainct-Pierre de l'Isle ; et par aucuns jours ledict Stalkin fit personnes mettre dedans lesdicis chandeliers, qui faisoyent virer la moitié desdicts chandeliers aussi dru qu’un moulin à vent; et saillirent, hors des roches , dragons getlans feu et flamme moult estrangement ; et ne yÿu=

yoiton point comment la soubtivetè se conduisoit. Au bout de ladicte salle, devant la grand’porte, furent faicts deux grans hourds l’un sur l’autre, moult gentement tapicés , pour mettre et loger les dames et les damoiselles qui estoyent venues pour voir la feste, et se tenoyent comme non congnues,

» En celle salle avoit trois tables drécées, dont l’une fut au bout de dessus, traversant à potence , et estoit la table pour l'honneur. Celle table estoit plus haute que les autres, et y montoit on à marches de degrés; et tout du long d’icelle table avoit un riche ciel, et dossier si grand qu'il faisoit tapis au banc, tout de très riche drap d’or. Aux deux costés de ladicte salle , tirant du long, furent les autres deux tables drécées, moult belles et moult longues ; et au milieu de ladicte salle avoit un haut et riche buffet, faict à manière d’une losange. Le dessous dudict buffet estoit clos à manière d’une lice, et tout tapicé el tendu des armes de monsieur le duc; et de là en avant commençoyent marches et degrés chargés de vaisselle, dont par les plus bas estoit la plus grosse, et par le plus haut estoit la plus riche et la plus mignote; c’est-à-sçavoir par le bas la grosse vaisselle d’argent dorée, et par l’amont estoit la vaisselle d'or, garnie de pierrerie; dont il y avoit à très grand nombre. Au-dessus dudict buffet avoit une riche couppe garnie de pierrerie, et par les quarrés dudict buffet avoit grandes cornes de licorne toules entières, moult grandes et moult belles; et de toute la vaisselle de la pareure dudict buffet ne fut servi pour ce jour, mais avoyent autre vaisselle d'argent, de pots et de tasses, dont la salle et les chambres furent servies ce jour ; et à la vérité monsieur de Bourgongne pouvoit bien servir sa feste largement en vaisselle d'argent ; car le duc Philippe(dont Dieu ait l’ame) luy en laissa pour provision plus de soixante mille marcs, ouvrés et prests pour servir.

» Les tables furent noblement couvertes et aprestées pour disner ; et tantost madame de Bourgongne la mère amena la noble espouse sa belle-fille , et fut l’eaue cornée et l'assiette faicte , telle que cy-après ensuit. L’espouse fut assise au milieu de la table; et auprès d'elle, à la main dextre, estoit madicte dame; et au bout de la table, d’iceluy costé, estoit mada-

MÉMOIRES D'OLIVIER DE LA MARCHE

moiselle de Bourgongne ; et du costé senestre fut ordonnée la place de madame la duchesse de Norfolch et de madamoiselle d’Arguel; mais ce que ladicte duchesse estoit travaillée, elle disna ce jour en sa chambre; et n'y eut d’iceluy costé que madamoiselle d’Arguel. Derrière l'espousée furent ordonnées madame la comtesse d'Escalles et madame Ja comtesse de Charny, pour aider à supporter l’espousée, comme il est de coustume de faire en tel cas: les autres tables furent pleines de dames et damoiselles moult richement parées et vestues.

» Au regard du service, madame la nouvelle duchesse fut servie d’eschançon et d’escuyertranchant, et de pannelier , tous Anglois, tous chevaliers, et gens de grand’maison ; et l’huissier de salle cria : « Chevaliers, à la viande! » Et ainsi ala-on au buffet la viande quérir; et autour du buffet marchoyent tous les parens de monsieur, et tous les chevaliers tant de l'ordre que de grand’maison, tous deux à deux, après les trompeltes, devant la viande ; puis grand nombre d'officiers-d’armes, leurs cottes-d’armes vestues ; et puis venoyent tous les maistres-d’hostel, tant de monsieur que de madame; dont le dernier estoit messire Guillaume Bisse, premier maistre d’hostel , lequel avoit levé la viande au buffet ; et après venoit le pannetier, et le suyvoyent dix ou douze chevaliers et gens de grand’maison , qui portoyent la viande. Et ne voulul point madame la duchesse la mère, pour celuy jour, estre servie à couvert; mais laissa J’honneur 4 sa belle-fille, comme estoit raison. Or, pour abréger l’ordonnance de la salle, on avoit ordonné quatre gentils-hommes, et après chacun dix gentils-hommes nommés, lesquels quaraniequatre servirent la salle de viande , qui sembla très diligemment servie ; et fut le disner servi à trois fois; et n’est pas à oublier que toutes les salles, toutes les chambres, et la grande : salle dont je parle, furent tous servis en vaisselle d’argent.

» Les seigneurs commis emmenérent les seigneurs, chevaliers et gentils-hommes anglois par les chambres : et en un lieu que l'on dit la gallerie disna le légat, accompaigné des ambassadeurs des roys et des princes qui là estoyent, ensemble de tous les évesques de celle maison, et disna Monsieur en la salle pour luy

ordonnée, et tous ses chambellans en leur reigle. Qui estoit moult belle chose à voir, pour ce que tous estoyent veslus pareil de la livrée de Monsieur, et tous les serviteurs de mesme, à leur degré; et ne voyoit on homme, parmy léans, que vestu de velours, et grosses chaisnes d’or , à moull grand nombre; et atant se laist mon escriture du disner, pour revenir à la jouste et au pas de l’Arbre-d’or qui commença celuy jour, comme cy-après orrez.

» Le disner fut faict, et se retraïrent les dames pour eux aiser en leur chambres un petit, et devez savoir qu'il y eut plusieurs habillemens changés et renouvellés ; et puis montèrent en leurs chariots et sur leurs haquenées, et en moult grand’pompe et triomphe vindrent sur les rangs ; et tantost après vint monsieur de Bourgongne, son cheval harnaché de grosses sonnettes d’or, et luy vestu d’une longue robe d’orfévrerie, à grandes manches ouvertes. Ladicte robe estoit fourrée de moult bonnes martres ; et à la vérité ce me sembla habillement moult principal et riche. Ses chevaliers et gentils-hommes l’accompaignoyent à moult grand nombre, et ses archers et ses pages l’adextroyent à pié ; et ainsi vint descendre devant l’hostel qui pour luy estoit préparé.

» La placo de la jouste fut drécée sur le marché de Bruges ; et fut toute close, qu'il n’y avoit que deux entrées; sinon pour celuy jour seulement, que monsieur Adolf de Clèves (qui devoit ouvrir et commencer le pas) avoit fait faire une entrée au droit de là où il se devoit armer ; et pour estre mieux averti de la cause de ceste emprise, monsieur le bastard de Bourgongne fonda son pas sur un géant qu'un nain conduisoit prisonnier, enchaisné, dent la cause de sa prison est déclairée en une lettre, laquelle lettre un poursuyvant nommé Arbred’or (qui se disoit serviteur de la dame de l'Isle celée) avoit aportée à monsieur le duc; et aussi par un chapitre baïllé à mondict seigneur.

» Âu regard de la place ordonnée pour la jouste, à l'entrée, devers la chapelle Sainct- Christofle, estoit une grande porte peinte à un arbre d’or, et y pendoit un marteau doré, et à l’antre bout à l’opposite, contre l’hostel de vile, avoit une grande porte, pareillement à

’Abre - d'or; et ceste porte estoit faicte à tour-