LIVRE SECOND

nelles moult gentement ; et sur icelle estoyent des clairons de mondict seigneur le bastard à grandes bannières de ses armes, et vestus de sa livrée (qui fut pour celuy jour robes rouges, à petits arbres d’or mis sur la manche, en signe du pas); et sur les deux tours de ladicte porte avoit deux bannières blanches à deux arbres d'or. À l’opposite des dames, du coslè des grandes halles , fut l'arbre d’or planté , qui fut un moult beau pin tout doré d’or, cxceptées les fueilles; et d’emprès iceluy pin avoit un perron à trois pilliers moult gentement faict, où se tenoit le nain, le géant, et Arbre-d’or le poursuyvant, par qui se conduisoit le pas et le mistère de la jouste; et à l’encontre dudict pillier avoit escript quatre lignes, qui disoyent ainsi : |

De ce perron nul ne prenne merveille;

C’est une emprise qui nobles cueurs réveille,

Au service de la tant honnorée Dame d'honneur, et de l’Isle-Célée.

» Au plus près dudict perron avoit un hourd tapicé, où estoyent les juges commis de par Monsieur pour garder ledict pas en justice et en raison ; et furent ordonnés premièrement Thomas de Loreille, seigneur d’Escoville, ambassadeur et serviteur de monsieur le duc de Normandie; messire Philippe Pot, seigneur de la Roche ; messire Claude de Toulongeon, seigneur de Miraumont, lieutenant de monsieur le mareschal de Bourgongne : et avec iceux estoit le roy-d’armes de la Jartière , le roy-d’armes de la Toison d’or, Bretaigne le héraut, Constantin le héraut, Bourgongne le béraut, et plusieurs autres; et en un autre hourd tenant à cestuy là estoyent tous les roys d'armes et héraux (tant estrangers comme privés) qui esfoyent à ceste assemblée. Devant le hourd des juges se ferroyent et mesuroyerÿ toutes les lances ; ne de tout le pas ne fut lance tenue pour rompue, qu'elle ne fust mesurée à la mesure par lesdicts juges ordonnés, ne lance courue sans mesure. Mais fut le droit de chacun moult bien et loyalement gardé; et je respons que j’acompaignay lesdicts juges tout au long de la peine.

« Les maisons, les tours , et tout à l’entour desdictes lices, tant loing comme près, tout estoit si plein de gens que c’esloit belle chose à voir. Mais puisque j’ay devisé de la manière

de la place, il est temps que je vienne à descrire l’entrée de monsieur de Ravestain , et celle de monsieur le bastard, chevalier gardant l’Arbre-d'or, qui pour ce jour coururent, et non plus ; et, à la vérité, l’on doit légèrement entendre qu’il fut tard; car la venue de l’espouse fut longue et le disner long, et pouvoit estre six heures avant. Comme dessus est dict, monsieur de Ravestain, environ six heures, arriva à la porte de l’Arbre-d’or (laquelle il trouva close), et son poursuyvant, nommé Ravestain, la cotte-d’armes vestue (qui portoit le blason de ses armes), heurta trois fois d’un marteau doré à ladicte porte ; et tantost luy fut la porte ouverte; et vint Arbre-d’or le poursuyvant, ayant une colte-d’armes blanche, à grans arbres d’or; et estoit acompaigné du capitaine des arches de monsieur le bastard, et de six de ses archers, qui deffendoyent l’entrée. Ledict Arbre-d’or dit au poursuyvant : « Noble officier-d’armes, que + demandez-vous? » Et le poursuyvant luy respondit « A ceste porte est arrivé haut et puis- » sant seigneur monsieur Adolf de Clèves, sei- » gneur de Ravestain, lequel est ici venu pour » acomplir l’aventure de l’Arbre-d’or. Si vous » présente le blason de ses armes, et vous » prie qu’ouverture luy soit faicte, et qu’il soit » receu. » Ledict Arbre-d'or prit unes tables, où ilescrivit le nom du chevalier venant au pas ; et puis prit en ses mains, en grande révérence et à genoux, le blason de monsieur de Ravestain, et l’emporta solennellement

jusques à l’Arbe-d’or,; et en passant par devant |

les juges, leur monstra ledict blason, et leur dit l’aventure qu’il avoit trouvée à la porte. Si fut ledict blason mis el attaché à l’Arbred’or, comme il esloil ordonné, et futfa ict sçavoir au chevalier qui gardoit le pas le nom de celuy qui estoit arrivé, pour son emprise fournir.

» À celle heure partirent du perron pour veair à la porte, Arbre-d’or (qui aloit devant), et après luy le nain qui menoit le géant enchaisné ; et le nain estoit vestu d’une longue robe, la moitié de drap de damas blanc, et l'autre moitié de satin figuré cramoisy, el avoit une barrette en sa teste; et le géant esloit vestu d’une longue robe d’un drap d’or d'estrange

façon, et n’avoit rien en sa {este qu'un pelit |

MÉMOIRES D'OLIVIER DE LA MARCHE

[1474 chapeau de Provence. Ledict géant estoitcaice parmy le faux du corps, d’une chatne. Cerre chaîne esloit longue, et trainant; et par 1e bout qui trainoit le tenoit ledict nain, et le menoit après soy; et ainsi arrivérent à la porte.

» Sur ce poinct fut la porte ouverte ; et entrèrent premièrement les clairons de monsieur de Ravestain; et après lesdicts clairons venoyent les tabourins, et après les tabourins les officiers-d’armes, et après iceux officiersd'armes venoit un chevalier, à manière d’un homme-de-conseil. Ledict chevalier estoit monté sur une petite mulle enharnachée de velours bleu; et ledict chevalier vestu d’une longue robe de velours bleu. Suyvant ledict chevalier venoit la personne de monsieur de Ravestain, en une litière richement couverte de drap d’or cramoisy. Les pommeaux de ladicte litière estoyent d'argent, aux armes de mondict seigneur de Ravestain, et tout le bois richement peinct, aux devises de mondict seigneur. Ladicte littière estoit portée par deux chevaux noirs moult beaux et moult fiers ; lesquels chevaux estoyent enharnachés de velours bleu, à gros cloux d'argent , richement ; et sur iceux chevaux avoit deux pages vestus de robes de velours bleu, chargés d’orfévrerie, ayans barrettes de mesmes; et estoyent housès de petits brodequins jaunes, et sans esperons ; et avoyent chacun un fouet en la main. Dedans ladite litière estoit le chevalier, à demy assis sur grans coussins de riche velours cramoisy ; et le fond de sadicte liltière esioit d’un tapis de Turquie. Le chevalier estoit vvslu d’une longue robe de velours tanné, fourrée d’ermines, à un grand colet rer.versé, et la robe fendue de costé, et les manches fendues par telle façon, que quand il se drêcea en sa littière l’on voyoit partie de son harncis. Il avoit une barrelte de velours noir en sa teste, et tenoit toute manière de chevalier anciea, foulé et débilité des armes porter. Ladicte litière esloil adextrée de quatre chevaliers qui marchovent à pié, grans et beaux hommes, qui furent habillés de paletots de velours bleu, et avoyent chacun un gros batton en la main.

Après ladicte littière venoit un varlet de pié veslu de la livrée de monsieur de Ravestaiu, qui menoit en sa main un destrier en sedey

couverte d'un riche drap d'or bleu chargé de grosses campanes d'argent, et bordé de grandes lettres d’or, de brodure à la devise du chevalier; et après icelluy destrier venoit un sommier portant deux grans paniers, où pouvoit estre le surplus de son harnois. Les deux paniers furent couverts d’une couverte de velours noir, chargé de grosses campanes d'argent, à batons et à letres de mesmes ; el entre les deux paniers avoit assis un petit sot vestu de velours bleu, à la devise dudict seigneur de Ravestain.

» En celle ordonnance marcha ledict seigneur jusques devent les dames ; et luy là arrivé, fut sa litlière ouverte par les quatre chevaliers ; ct là se mit le chevalier à genoux, et osla sa barrette ; et le chevalier, monté sur la petite mulle, fit pour luy la présentation aux dames, dont les parolles ou semblables s’ensuyvent : « Très-haute et très-puissante princesse, ma » {rès - redoulée et souveraine dame, et » vous autres nobles princesses , dames et » damoiselles , voyez cy un ancien chevya- »lier qui dès long temps a fréquenté et * exercé les armes ; lequel vous fait très-hum- » ble révérence. Si est ainsi que par longue » vie il est venu à ses anciens jours, ès quels » il se trouve fort débilité de sa personne ; » tellement qu'il ne peut plus, ne ne pourroit » les arines suivre ne porter; el à ceste cause » a desjà longuement délaissé le mestier, et » n'est pas délhibcré de plus porter armes.

» Mais toutesvoyes, pour ce qu'il a sceu ceste » grande et solennelle feste du noble pas et » emprise du chevalier à l’Arbre-d’or, et la » très-belle et noble assemblée de dames d’i- » celle noble compaignie, il ne s’est peu te- »+ nir, pour sa dernière main, de venir faire » son devoir Si se présente très-humblement » par devant vous, très-haulc el très-puissante » princesse, et vous autres nobles princesses, » dames et damoiselles, et vous requiert en » toule humilité que le veuillez avoir pour re- » commandé, et avoir son bon vouloir pour » agréable, et d’ores-en-avant Ile tenir pour » excusé, à cause de son antiquité et débili- » tation ; et ceste emprise achevée, il entend » de soy rendre el renoncer aux armes, en » demourant tousjours vostre très-humble ser- » viteur, et de toutes dames. »

on