CHAPITRE XVI
Des surnoms attribués à l’empereur Maximnilian d’Austriche et à l'archeduc Philippe, comte de Flandres, son fils. Or pour cette fois je dissimuleray un peude
parler de ce noble roy des Rommains, de ses
grands faicts et de ses vaillances, où j’ay espoir de venir tout à temps ; et est besoing que j'escrive et metle par escript le sens et la bonne conduite de monsieur Philippe d’Austriche, son fils. Mais, premièrement, comme les autres ducs de Bourgongne ont eu nom et tiltres qui leur ont csté donnés à leur honneur, je suis délibéré en cet endroit de bailler tiltre acquis à ce noble roy Maximilian d’Austriche, et suis en pensée de le nommer Maximilian Cueur-d’or ou d’argent ; mais je netrouve point
que ce nom luy soit suffisant , quant à la hau-
teur de son courage : car l'or, l’argent et le plomb sont métaux qui, par fondre et souvent manier, s’amoindrissent et affoiblissent ; et je ne trouvay oncques que , pour quelque fortune avenue à ce noble roy, il ayt esté pleyé n’amoindry en courage n’en haute emprise. Le
nommerons-nous Maximilian Cueur-de-fer ?
Je dys que non : car trop petit est le nom, selon ses grands mérites. Le fer est d’une nature que la goutte de la pluye , venant du ciel, cave le fer : el par une goutte d’eaue venant du ciel souvent tombée sur le fer et en une place, celle goutte concave le fer, et le perce en telle manière que la goutte d’eaue se monstre plus forte que le fer qui la reçoit. Par quoy je veuil dire que le nom n’est pas suffisant àsi haute personne, mais me conclus que je le nommeray Maximilian Cueur-d’acier, ettrouve que l'acier est plus noble chose que l'or, l’argent, le plomb ne le fer, pour ce que de lacier, comme du plus noble métail, l’on fait les armeures et les harnois, dont les plus grans du monde se parent, et asseurent leurs corps contre la guerre et autrement ;et de l’acier se font les espées , les dagues et autres glaives, dont les vaillances se font d’ennemis sur ennemis. Puis que doncques je trouve cet acier plus noble qu'autre matière dont on puisse forger ne mettre en œuvre , je demoure qu'il aura nom Maximilian Cueur-d’acier. Quantes paroles semées haineusement contre luy, par ce noble roy endurées et ouïes ! ce que courageusement et de grande vertu il a porté et soustenu , sans se démettre, pleyer n’amoindrir , non plus que l'acier dont je fays comparaison. Quants heurts de guerre! quantes rencontres et batailles il a soustenus et portés en sa personne, et mesmement venant de ses sugets! jusques à estre prisonnier, et détenu en prison fermée par ceux de Bruges, et en sa présence meurdrir, gehainer et décapiter ses loyaux officiers et autres , et les plus grans de sa maison livrés ès mains de ses ennemys : et n’oyoit autres nouvelles , fors qu’ils seroyent décapités , et nommément messire Jehan Karondelet , son chancelier ; l’abbé de Sainct-Bertin, chancelier de son ordre, noble homme, et de ceux de Launoy,messire Martinde Polhem et messire Wolfart de Polhem, Philippe, comte de Nassau, et messire Jaspart May, alemans , et du privé conseil de cestuy noble roy; et le seigneur de Mingonal, son grand-maistre d’hostel ; messire Jehan de Jaucourt , seigneur de Villarnou; et messire Philippe Loete , seigneur d’Aresches, tous chambellans et maistres-d'hostel du roy. Et pouvez entendre et croire que toutes et
598 MEMOIRES D'OLIVIER DE LA MARCHE
quantes fois qu’il souvenoit à ce bon roy de la souffrette et danger d’iceux serviteurs, 1l avoit le cueur bien pressé et bien déplaisant : mais toutesfois ce Cueur-d’acier demoura toujours en la bonne espérance et fiance de Dieu : ct tant endura et attendit sa meilleure fortune, qu’il échapa de ce danger, et luyÿ el ses serviteurs dessusdicts. Ces choses considérées, je demoure en ceste opinion qu'il a le cueuraussi fort et aussi ferme que d'acier; et je l’ay épreuvé par expériment.
Or est besoing que je revienne à parler et à escrire du faict de monsieur l’archeduc Philippe son fils: et commenceray par luy donner surnom acquis jusques à présent. Le duc Philippe , fils du roy de France, fut notre premier duc depuis le temps que le roy Philippe de Valois succéda à ladicte duché, par estre issu d’une fille de Bourgongne : et luy vint la succession par femme, comme il est assez notoire, et publié par tout le monde. Ce duc Philippe fut surnommé Philippe-le-Hardy, pour les raisons que j’ay mises ailleurs : et de luy vint le duc Jehan, qui fut surnommé Jehan sans Peur. Du duc Jehan vint le bon duc Philippe, qui fut surnommé Philippe l’Asseuré.
Du duc Philippe vint le duc Charles, qui fut surnomme Chärles le Travyaillant, Du duc Charles vint madame Marie, qui espousa ce noble prince Maximilian, archeduc d’Austriche , lequel noble duc nous appelons Maximilian Cueur-d’acier. De l’archeduc Maximilian vient l’archeduc Philippe, que nous appelons Philippe Croit-conseil. Et ainsi j’ay rendu compte de tous les ducs de Bourgongne venus à ma congnoissance. Et pour éclaircir ce que j'ay surnommé l’archeduc Philippe, Philippe- Croit-conseil, il est bien raison que je déclaire les causes pourquoy ce nom luy est attribué : et trouverez vray que luy estant en la suggettion de ceux de Gand, il estoit en l’âge de trois ou quatre ans : et lors mourut et trépassa de ce siècle feue de noble mémoire madame Marie de Bourgongne, sa mère : et par celle mort fut successeur ce jeune archeduc de toutes les seigneuries appartenantes à la maison de Bourgongne, où il avoit cinq duchés et dix- sept comtés, toutes terres grandes et seigneurieuses , comme la duché de Bourgongne, la duché de Lotrich , la duché de Lembourg , la
duché de Brabant , la duché de Luxembourg, et la duché de Gueldres; les comtés de Flandres, d’Artois et de Bourgongne, les comtés de Mascon el d’Auxerrois,la vicomié d’Auxon-
ne, la comté de Charolois, les seigneuries de
Salins, de Malines et de Noyers; la seigneurie de Chasteau-Chinon , et moult d’autres belles parties. Et combien que le roy de France, par puissance et par hauteur, ait pris et misen sa main plusieurs d’icelles scigneuries. toutesfois c'est à tort et sans cause : et Dieu, qui l'a permis , quand il luy plaira il les rendra à ccluy qui y a le droit. Et (comme j’ay dit dessus) à l'heure que vindrent lesdictes successions à monsieur l’archeduc Philippe et en son jeune âge , il esloitencores en la main des Gandois, el avoit bien besoing d’estre bien conseillé : mais son noble père le roy des Rommains le tira hors d'’icelle chetivoison, et le ramena en ses pays et en son franc arbitre : et, pour la principale seureté de ce noble enfant, il fut mené en sa vile de Malines, où il fut gardé et soustlenu comme les bons sugets doyvenl faire deleur prince, ainsi qu'ilestescripl cy-dessus.
En ce temps madame Marguerite d’Austri-
che, sœur de mondict seigneur l’archeduce Philippe , par la puissance des peuples et des viles, et en espérance d'avoir paix, fut mariée à Charles, fils du roy Louys de France, dauphin de Viennois. Mais le mariage ne sortit point d’effect, pour ce que le ray Louys mourut : el le roy Charles son fils appela et eut désir d’avoir la duché de Bretaigne, et fit grandes guerres et grans effors : et, en conclusion, parle moyen d’aucuns, et principalement parle prince d’Orange , le mariage fut faict du roy Charles et de l’héritière de Bretaigne : et si avoit ladite héritière espousé solennellement, et par procureur fondé, messire Wolfar de Polem, pour et au nom du roy des Rommains : et par co moyen madame Marguerite (qui avait esté tenue neuf ans pour royne de France) fut ramenée pardecà, et depuis elle espousa le prince de Castille; mais la fortune fut telle qu'il ne yesquit guères : dont ce fut pitié et dommage, car il estoit apparent d’estre un noble prince. Si laissa madame la princesse enceinte , et eut un fils : mais ilne vesquit pas longuement, et demoura madame la princesse jeune vefve : et depuis revint pardeçà , moult bien étofée de
mm
bagues et de joyaux, et fut bien traittée en Espaigne , et l’allèrent quérir messire Philippe de Crouy, seigneur de Sainct-Py, et La Mouche , seigneur de Vère qui la ramenèrent hon- . norablement pardeçà ; et luy fut envoyée au-
devant, jusques à Bordeaux, madame de Halevin et plusieurs belles damoiselles , et le seigneur de Fiennes, et plu-ieurs nobles hommes, qui ramenèrent madicte dame Marguerite , et traversèrent grande partie du royaume de France, où il leur fut faict honneur et bonne chère.
Or nous tairons à-présent de la venue de madame la princesse de Castille : et de son retour : et parlerons du faict de monsieur l’archeduc nostre prince, et des grans affaires où il se trouva ; et comment par croire conseil il se ressourdit, et porta le temps sagement, comme nous dirons cy-après. Et peut-on entendre et sçavoir que ce jeune prince se trouva en de grans affaires : car le roy des Rommains, son père , avoit la guerre au roy de France,
