LIVRE SECOND

aux Gandois , et à messire Philippe de Clèves, porté ct soustenu du roy de France. La guerre fut longue, et par ce moyen fut à l’arrière de deniers , et en grand somme; et mesmement messire Frédérik, duc de Sasse, qui bien le serviten son adversité, demandoit quatre cens mille escus, qui est une grande parlie. Il servoit bien, mais il vouloit estre bien payé. Et fut trouvé un moyen, que l’on bailleroit audict duc de Sasse le droit que Monsieur avoit et pouvyoit avoir en la haute Frize (que l’on dit l’un des dix-sept royaumes chrestiens); et le duc de Sasse conquit le païs à force d’armes, à l’aide d’un sien fils nommé Henry, qui moult bien se porta en icelle guerre. Et ainsi fut monsieur l'archeduc bien conseillé, et creut conseil : car par ce moyen il fut quitte d’un grand debte, et demourèrent amis le duc de Sasse et luy. Mais le duc de Sasse ne vesquit guères depuis, ains mourut de maladie : dont ce fut grand dommage, car c’estoitun vertueux prince.