UE UE TV

cause. Et jà-soit ce que ses jugemens soyent aux humains merveilleux, néantmoins sontils justiffiés en eulx-mesmes ainsiqu'illes faict et y contredire est murmure et blasphème. »

€« — Vosraisons sont très-bonnes, mon nep- » veu, dist la dame de la Trimoille en plorant, » mais Dieu pouvoyt faire vivre mon fils autant »

VU vw v

et plus que son père, et en augmenter et accroistre ses vertus, force, prudence et har- » diesse. Oh ! combien est la mort aveugle et dé- » raisonnable, qui les viels laisse et prend les jeunes ! Dix ans y a que par maladie menassa » meslongsans,etelle a jeunesse de mon fils dé-

* » robée. Mieulx eust observé les lois de nature,

» gardant les trente-deux ans de mon fils, que » pardonner aux cinquante de la vieille mère.

» Si mon fils eust scullemert vescu soixante » ans et continué le commancement de sa » louable vie, jeextime, mon nepveu, qu'ileust » faict des choses inouyes. Il eust surmonté » l'honneur de ses ancestres et les renommées » escriptes aux maisons dont il est descendu. » Il eust accompaisné le reste de ma vie de joye, » et eust régénéré mes longs ans par l'odeur de » son bruyt et fame. Mais j'ay perdu tout cest » espoyr, et suis asseurée, mon nepveu, que » le vivre me sera doloreux et que mon deuil » mettra bientost fin à ma désolée vie. »

Ils eurent plusieurs aultres parolles trop longues à réciter. Suffise aux lecteurs que la bonne dame consomma ce luctueux et lamentable jour et plusieurs aultres subséquens en l’oppéracion de ses angoisses, amertumes et pleurs. Elle ne voulut lire la lectre que luy avoit son espoux escripte de la mort de leur fils, en présence du dict évesque son nepveu, mais se relira en son cabinet, où après avoir longuement ploré, en fist la lecture, et estoit telle :

L'ttre du seigneur de La Trimoille à madame son espouse, de la mort de leur fils.

« Si la mort de nostre très cher fils Charles eust peu par la myenne estre vaincue, ne fussions, ma toute amée dame, en peine de regreter, plorer et lamenter la perte de tant noble fruict de notre mariage, l’espoyr de nostre maison et l’appuy de nostre vieillesse. Et, si ceste mort m’est angoisseuse, autant m'est la désolacion qu’en aurez pesante.” Toutes fois, vostre prudence considérée, je extime que

l’usaige des choses mortelles vous donnera quelque consolacion. Nous ne sommes les premiers de telle infortune assaillis; souvent advient que, par le désordre de nature, le décès du fils précède celluy du père. Peu avons de gens anciens congneus qui n'ayent à leur grant regret et dommaige perdu de leurs enfans. La pascience en est trop plus à louer que le trop grant desconfort, parce que le supporter sans murmure et en doulceur est ung sacrifice à Dieu, qui fait tout pour le mieulx, et le déraisonnable desconfort luy desplait. La personne doit estre dicte sage qui se conforme à la divine volunté, et qui ne prend conseil de trop grant douleur en ses adverses visitacions, qui sont la vraye garde de l'esprit. Troys choses*® nous donnent moyen de confort : l’une que nostre fils est mort en acte de vertu pour le bien public et en juste querelle, et nous a laissé ung fils bien disposé pour vivre ; l’autre combien qu’il ait eu soixante-deux plaies, dont en y avoit quatre ou cinq mortelles, et néantmoins, par la grâce de Dieu, a vescu trentesix heures après, et les sacrements de la saincte Église par luy receus, a tousjours eu congnoissance de Dieu et bonne parolle jusques au départ de l’âme du corps; et l’autre, qu'il est hors des mondaines misères, et que son âme est, comme je pense, en éternel repos. Je vous envoye le corps, vous priant, madame, que par impacience ou trop excessive douleur je ne perde la mère avec le fils, et que en perdant les deux je ne me perde. Ce que Dieu ne veuille, mais vous donner à vous et moy le nécessaire pour nostre salut.

» Escript au camp de Saincte-Brigide, le 18 septembre. »

Ceste lectre estoitescripte dudict seigneur de La Trimoille, et non par son secrétaire ; laquelle ne fut leue sans variacion de propos et sans gecter de grans soupirs et larmes par ladicte dame, qui après avoir son dolent cueur des immundicités de angoisse, par piteuses larmes, lavé, prinst sa plume, et voulant aussi de sa part, en célant ses angoisses, son cher espoux reconforter, luy escripvit ceste lectre.

Response de Jadicte dame audict scigneur de La Trimoille.

«€ Si la” trangression de la justice originelle qui fut à nos premiers parens donnée n’eust

LE PANEGYRIC DE LOYS DE LA TRIMOILLE