DES FINANCES

Le duc a en son hostel la chambre des finances, en laquelle se rapportent tous les deniers de ses pays ordinaires et extraordinaires. La viennent tous les deniers et les receptes, et de là sont distribués les appointemens aux officiers, selon ce qu'ils ont de charge. Là sont ordonnés deux protonotaires d'Eglise grands seigneurs, et deux notables chevaliers ; et à ce bureau séyent iccux quatre, en chef le maistre de la chambre aux deniers ; et celuy reçoit les appointt mens pour la despence ordinaire, tant de bouche comme de gages, qui montent bien par an à plus de quatre cens mille livres. Là sied le trésorier des guerres, qui reçoit en sa main tous les appointemens de tous les gens-d'armes de pied et de rheval, ordinaires el extraordinaires; et monte par an l'ordinaire de huict cens mille livres, et extraordinaires coinmunément à buict vingts mille livres, el départ

iceux deniers aux clercs et commis dessoubs luy, pouc en faire sa distribution. La sied l'argentier, auquol sont baillés les appointemens pour payer les dons des ambassades el voyages, le faict des habiliemens et garderobbe, el autres choses extraordinaires, et n’est pas chose que l'en puist mectre en reigle eten nombre; mais je suis acertené que le duc Charles a despendu pour celuy estat seulement, chascun ao, l'un portant l'autre, plus de deux cens mille livres. Là sied le receveur général, qui rend compte de toutes les receptes , et qui toutes viennent en sa main, et à qui les receples particulières, toutes en général, viennent en compte. Là est l'audiencier qui signe toutes matières des finances, ct non autres; et ne séyent à iceluy bureau sinon les dessus. nommés. Là vient le duc bien souvent, et ne se cloent nuls comptes sans luy ou sans son sceu. Il signe de sa main tous appointemens de lous dons; il signe tous comptes el tous rolles; il sçait bien ce qu'il a \aillant et ce qu'il despend; tout chet en sa main, et tout en vu\de, et luy-mesme sied au bout du bureau, jecte et calcule comme les aatres ; et n’y a différence en eux en iceluy exercice, sinon que le duc jecte en jects d'or, et les autres de jects d'argent. En icelle chambre ya une petite Lable à part, où sicd le greffier et les clercs; el est fermée de portiers el autres officiers, comme il appartient.