LIVRE II, CUAP. XII
omnium quibus torquetur vita ; — supra omnia quœ contingunt acciduntque eminens, imperlurbatus, intrepidus l . Et ainsi se tenir ferme à soy, s'accorder bien avec soy, vivre à l'ayse sans aucune peine ny dispute au dedans, plein de joye, de paix, d'allégresse et gratification envers soy-mesme : Sapiens plenus gaudio, hilaris,placiduscum rfws, ex pari vivit. — Sapientiœ effectus gaudii œqualitas, solus sapiens gaudet 2 : s'entretenir et demeurer content de soy, qui est le fruict et le propre effet de la sagesse : Nisi sapienti sua non placent; omnis stullitia laborat fastidio suî ;
!Son est beatus, esse se qui non putat 5.
Bref, à ceste tranquillité d'esprit, il faut deux choses, l'innocence et bonne conscience ; c'est la première et principale partie qui arme et munit merveilleusement d'asseurance ; mais elle ne pourroit pas suffire tousjours au fort de la tempeste, comme il se void souvent de plusieurs qui se troublent et se perdent : Erit tanta tribulatio ut seducanlur justi i ; pourquoy il faut encores l'autre, qui est la force et la fermeté de courage, comme aussi cestuy seul ne seroit assez : car l'effort de la conscience est merveil-
leux ; elle nous faict trahir, accuser et combattre nous-mesmes ; et à faute de tesmoin estranger, elle nous produit contre nous,
Occullurn quatiente anlmo tor'.on flà{jeîlitm *.
Elle nous faict nostre procès, nous condamne, nous exécute et bourrelle. Aucune cachette ne sert aux meschans, disoit Epicurus, parce qu'ils ne se peuvent asseurer d'estre cachés, la conscience les descouvrant à eux niesmes.
... Prima eu hœc uliio, qaod se Judice nerno nocens absolvitur*.
Ainsi l'ame foible et poureuse, toute saincte qu'elle soit, ny la forte et courageuse, si elle n'est saine et nette, ne jouyra point de ceste tant riche et heureuse tranquillité: qui a le tout faict merveille, comme Socrates, Epaminondas, Caton, Scipion , duquel il y a trois exploicts admirables en ce subject. Ces deux Romains accusés en public ont faict rougir leurs accusateurs, entrainé les juges, et toute l'assemblée béante à leur admiration et suitte : il avoit le cueur trop gros de nature, dict Tite Live 5 de Scipion, pour sçavoir estre criminel et sedemettre à la bassesse de défendre son innocence.
