LXX1I
Rémission pour un laboureur, qui à la suite d'une querelle de ménage avait battu sa femme, et lui avait porté à la gorge un coup de fourche de fer, qui avait causé sa mort.
Creil, mars 1417.
Charles, par la grâce de Dieu Roy de France. Savoir faisons à tous présens et avenir. Nous avoir reçeu l'umble supplicacion des parens et amis cliarnelz de Jehan Petit Pas, laboureur, nagaires demourant à Jaux1, chargié de trois petiz enfans, contenant :
Que comme le lundi, xxie jour du mois de février derrenièrement passé, un peu devant le point du jour, ledit Petit Pas et Ysabel, lors sa femme, se feussent levez et venuz ou foyer de leur hostel, et illec estans, ledit Jehan demanda à sadicte femme se il estoit point ajourné. Laquelle lui respondit par manière de despit telles paroles en substance : « Me te avoit on mie dit que tu l'estoies à demain ? » De laquelle responce il fut moult courroucié et print son soûler et lui gecta à la teste. Laquelle moult despiteusement eust dit de rechief à sondit mary : « Se tu le me gectes meshuy, je
\ . Jaux [Oise).
gecteray l'autre ou feu. » Dont il fut secondement courroucié, et pour ce print l'autre soûler et gecta à la teste de sadicte femme. Laquelle, de félon courage, print l'un desdiz soulers de son mary et le gecta au feu. Et ce fait s'en fouy et entra en sa chambre. Et ledit Jehan ala après, qui la baty d'une quenoulle, et en icelle bâtant fu rompue. Et après separty d'icelle chambre. Après lequel ladicte femme ferma l'uis, et demouraen icelle. Et incontinent retourna ledit Jehan à l'uis de ladicte chambre, cuidant entrer en icelle, tenant en sa main une fourchefière, en laquelle n'avoit que un fourclieron, car l'autre estoit rompu. De laquelle ledit Jehan, afin de entrer en la chambre, frappa d'icelle fourchefière un seul coup contre la paroy, qui estoit de terre, duquel coup il fist un trou, à l'endroit duquel estoit ladicte femme, laquelle, par cas de fortune, d'icelle fourchefière, en frappant ledit coup par ledit trou, fut actainte parmy la gorge. Duquel coup, par faulte d'appareil, de petit gouvernement, ou autrement, incontinent ou assez tost après elle ala de vie à trépas. Pour occasion duquel cas ledit Jehan, doubtant rigueur de justice, s'est absenté du pays ; délessié ses trois petis enffans qui n'ont de quoy vivre parce que tous les héritages et biens meubles dudit Jehan leur père ont esté et sont mis en nostre main, etc.
(Suit le rémission adressée au bailli de Senlis et au prévôt de Compiègne, avec cette clause : « Parmy ce qu'il tendra prison fermée par l'espace d'un mois, et après ce fera un pellerinage à Nostre-Dame-du- Puy en Auvergne et en rapportera certificacion dedens trois mois après ensuivans. »)
Creil, mars 1417.
(Arch. de l'Emp. Très, des Ch. Reg. JJ. 170, pièce 122.)
