Jean, duc de Berri, mourut le 13 juin

le xxxviii6. Soubz nostre séel ordonné en l'absence

du grant,

Par le Roy,

Pelletier.

En note : Maistre Jaques Petit l'a faicte, et a dit que monseigneur le Chancellier ne l'avoit point refusée. Ledit maistre Jaques est procureur en Chaslellet.

(Arcli. de l'Emp. Très, des Cli. Reg. JJ. 170, pièce 106.)

XGV

Rémission pour la femme d'un charpentier de la Rochelle, qui avait tenté d 'empoisonner son mari. — Envoûtement .

Paris, avril 1382.

Charles, etc. Savoir faisons à touz présens et avenir. A. nous avoir esté exposé de la partie des parens et amiz charnelz de Jehanette Gaigne, jeune femme, de Paage de xvm ans ou environ, fille de feu Symon Gaigne, et femme par mariage de Guillaume Cusse, dit Capitaine, charpentier de tonneaux et bourgeois de nostre ville de La Rochelle :

Que comme Jehanne, dicte Sauverelle, ait esté bien m quars d'an ou environ, prise par nostre prévost de La Rochelle, pour ce que l'en disoit ley (elle) user de sourceries. Et pour lequel fait elle a esté arse et exécutée. Et laquelle Jehanne Sauverelle en sa confession charga ladicte Jehanne Gaigne, en disant que en caresme derrenièrement passé ot un an, une autre femme, appellée Arzene, demourant dans ladicte ville, estoit venue pardevers icelle Sauverelle et lui avoit dit que

ladicte Jehannette, femme dudit Capitaine, s'estoit plainte à ley (à elle) de ce que ledit Capitaine, son mary , lui donnoit si mal temps qu'elle ne povoit durer avec lui, et qu'elle voulsist avoir donné et donnast volontiers grossement de son argent à aucun qui peust tant faire qu'il mourust. Et ladicte Sauverelle avoir respondu, qu'elle y mettroit bien remède qui lavouldroit bien paier. Et ladicte Arzene lui avoit dit et promis queellela feroit bien paier. Et aprèsce, avoitfait acheter, ladicte Sauverelle, par ladicte, un quarteron de cire, duquel elles furent un veu 1 à la fourme d'un homme. Lequel veu, ladicte Arzene, par le conseil de ladicte Sauverelle, avoit porté à l'ostel dudit Capitaine. Et fu miz soubz son lit, où il demeura l'espace de vu ou xv jours. Et après ce s'en estoit venue, ladicte Jebannette, femme dudit Capitaine, à ladicte Arzene, en la présence de ladicte Jehanne Sauverelle, et lui avoit dit qu'elle avoit perdu son argent, et qu'elles lui dévoient faire mourir ledit capitaine son mary, et il estoit en meilleur point que par avant. Et avoit dit à ladicte Arzene qu'elle lui avoit donné n francs et un annel d'or pour cette cause. Et après ce, avoit dit, ladicte Jehanne Sauverelle à ladicte Arzene, que elle lui feist avoir la chemise de ladicte Jebannette, femme dudit Capitaine. Laquele elle porta en son bostel, et ylec la firent boulir moult longuement en yaue, et de l'yaue où ladicte chemise bouly, firent boire audit Capitaine. Et d'ilec, peu après, ladicte Jehannelte, femme dudit- Capitaine, s'estoit plainte de rechief à ladicte Arzene, et lui avoit dit que sondit mary l'amoit plus qu'il ne