Blaru (Seinc-et-Oise

çoit à lui, prist un petit coustel qui estoit sur la table, et donna du plat au dit Riquedent, sanzlui faire sanc. Et lors ledit Riquedent s'esmeut, en disant audit Robin plusieurs injures et villenies. Adonc ledit Robin, esmeu de tout ce, et qui avoit bien beu, prist un billart qu'il avoit porté avec lui oudit hostel et de quoy il avoit joué ledit jour aux billes1, et en frappa ledit Riquedent sur la teste, tant qu'il se laissa cheoir ou feu. Et ce fait, ledit Robin s'en issi hors dudit hostel. Et ledit Riquedent ferma son huis. Et s'en ala ledit Robin où bon lui sembla. Et le lendemain, ledit Riquedent ala de vie à trespassement. Pour lequel cas, etc. . . .

(Rémission adressée au bailli de Gisors. — Deux mois de prison fermée, dommages à la partie civile.)

Donné à Saint-Germain en Laye, ou mois de janvier, l'an de grâce mil ccciiii" et dix neuf, et de nostre règne le vintiesme.

Par le Roy, le sire d'Ivry et autres présens.

(Arch. de l'Emp. Très, des Ch. Reg. JJ. 155, pièce 314.)

GXXIX

Femme entraînée dans une*, maison de tolérance à Châlons-sur-Marne.

Paris, janvier 1399.

Charles, etc. Savoir faisons à tous présens et avenir. Nous avoir reçeu l'umble supplicacion de Ferry du Tertre, povre jeune homme, contenant :