Sergy ou Cergy, village du Vexin {Seine-et-Oise

GXIV

Femme arrachée violemment d'une église.

Paris, août 1390.

Charles, etc. Savoir faisons à tous présens et avenir. Nous avoir receue Tumble supplicacion des amis charnelz de Perrin Lempe'rière, demourant à Caune*, prisonnier en rioz prisons à Aucerre, contenant:

Que le jour de la feste Saint Jehan Baptiste, derrenièrement passée, environ myernuit, il estant aus veilles qui se faisoient audit lieu, feussent venuz audit Perrin , le varlet d'un appelé Quinaust , le varlet au meunier * d'Arigneaul et le bastart Gynart, estans vestuz de robes de femmes, et lui disent que ilz vouloient aler prendre ou moustier de ladicte ville une ribaude appelée Jehanne la Poullalière. Si lui requirent qu'il la voulsist mener oudit moustier, jouant de la fleuste. Laquelle chose ledit Perrin fist, tempté de l'ennemy, et saichant aussi que ladicte Jehanne estoit tenue pour tèle, comme ilz disoient, de tous ceulx qui la congnoissoient. Et eulx estans oudit moustier, les dessusdiz variez , de fait prindrent ladicte femme et remmenèrent ou portèrent hors dudit moustier , elle criant à la mort ! Et ledit Perrin demoura oudit moustier, et plus avant ne les acompaigna, ne voult acompaigner, quant il \il la résistance que ladicte femme faisoit. Et depuis, pour ce que icelle Jehanne s'est plainte à justice que par aucuns des diz variez, à