La Bassée (Nord

2. Coultre, sorte de sacristain, qui avait les fonctions de sonner les cloches et de garder les clés de Féglise.

les autres dessus nommés, dist à ceux qui parloient audit suppliant, qu'il y mectroit Jehan Denisart, qui là estoit présent, et qu'il sonneroit les cloches, ouverroit et clorroil les huis du moustier, et feroit toutes autres choses qui à ofFice de coultre appartiennent. Dequoy ledit suppliant, qui savoitbien lire,escrire et chanter, et estre bien habile à ladicte coultrerie exercer, et ledit Denisart ne savoit lire, escrire ne chanter, fut moult couroucié , et pour ce , par chaleur et après boire, dist, en soy démoquant, audit Escobarie, que l'esglise seroit bien parée et aornée et aussi seroient les seigneurs d'icelle, dudit Denisart; parce qu'il estoit escommeniez pour cause d'une femme mariée qu'il, qui estoit aussi marié à une femme, maintenoit; qui e^t et estoit chose notoire et manifeste, comme chascun sçet. A quoy ledit Denisart, moult esmeu et couroucié de ce que ledit suppliant l'avoit ainsi injurié, comme il luisembloit, respondi et dist à icellui suppliant telles parolles ou semblables en effect : «Tu mens chevestres, parmi tes dens. Je suis aussi bon en tous end rois que tu ez. )) Et lors se leva ledit suppliant, moult escbauffé de ce, tenant un coustel à la façon de Toulouse en sa main. Mais un appelle Garsel, qui là estoit, fist rasseoir ledit suppliant. Lequel incontinant, à la requeste dudit Garsel, se tint coy et s'apaisa du tout pour l'eure, et se print à chanter et à esbastre avecques les autres. Mais ce non obstant, ledit Denisart, qui estoit moult frié et esmeu de ce que dit est, non contens de ce et quérant sa mâle meschance*, assez tost après, en réveillant le chat qui dormoit, (jue ledit suppliant estoit

t . Cherchant son malheur.

iO REGINE DE CHARLES VI.

appaisié et ne lui disoit plus rien, comme dit est, lui dist qu'il n'avoit mais si bel régner qu'il avoit eu ou temps passé, et que ses posteaulx, c'est à dire les meilleurs de ses amis, estoient mors. Lequel suppliant, \éant que ledit Denisart lui reproclioit ainsi ses amis, qui estoient trespasse/, fut encores plus couroucié et esmeuz que devant, et se leva, disant assez eschauftement audit Denisart, que encore ce non obstant porroit il bien contre lui. Et ledit Denisart lui redist plusieurs parolles mal gracieuses, injurieuses et deslionnestes. Et en ce conflit bouta la table sur et contre ledit suppliant, qui se cuidoit rasseoir, si fort et si rudement qu'il le fil acculer en arrière et a peines qu'il ne cbeust à terre, s'il ne se feust bien tenus. Et lors ledit suppliant, lui véant ainsi injurié et viUenc et ladicte table boutée sur lui, comme dit est, par ledit Denisart, moult escbauffé et de cbaut sanc et comme tout troublé, se releva pour cuidier férir ledit Denisart, se n'eust esté ledit Garsel, dessus exprimé, qui se mist entre eulx deulx pour oster le débat d'entre eulx. Mais toutes voies et ce non obstant, tout esmeu, ainsi que dit est, de cbaleur et de couroux, sans aguet appensé, après plusieurs autres parolles dictes par lui et ledit Denisart , desquelles il n'a pas de présent mémoire, se approcha dudit Denisart et le férit de son dit coustel un seul coup, ou col ou environ, dont mort incontinent s'en ensuy en la personne dudit Denisart. Pour occasion duquel fait ledit suppliant, doubtant rigueur de justice, s'est absentez du pais. . . .

(Rémission adressée au bailli d'Amiens. — Amende arbitraire et un mois de prison.)

CLERGÉ. il

Donné à Paris ou mois d'octobre, l'an de grâce mil cccc et de nostre règne le xxf .

J. DE Crespy.

(Arch. de TEmp. Très, des Cfi. Reg. coté JJ. 155, pièce 273.)

Privilège de Clergie. — Exécution capitale. Paris, octobre 1400.

Charles, etc., savoir faisons à tous présens et avenir. A nous avoir esté exposé delà partie de .lehan de Noroys, clerc, povre homme, chargié de femme et de deux enfans, et nagaires appariteur de la court espérituelle de nostre amé et féal conseiller, l'évesque d'Amiens :

Que comme le vendredi xiii® jour de may derrenièrement passé, ouquel jour nostre prévost de Foilloy*, et aucuns de noz sergens ou bailliage d'Amiens, faisoient mener à la justice que nous avons au dehors d'Amiens, un nommé Jehan de Hangart, qui par nostre bailli d'Amiens avoit esté condempné à estre exécutez à ladicte justice pour aucuns crimes et délits que il avoit commis et perpétrez, ledit exposant eust esté resquis de aler requerre ledit de Hangart, comme clerc que il se faisoit et disoit estre ; en faisant apparoir au dit suppliant de une lettre de couronne ou tonsure donnée dudit évesque ou aucun son pré-