XXX II

Rémission pour an écuyer du bailliage de Vermandois, qui avait apposé des gens pour faire battre une maîtresse de

son père.

Paris, mars 1387.

Charles, etc. Savoir faisons à touz présens et avenir. Nous avoir reçeu l'umble supplicacion de Jehan de Balay, escuier, contenant.

i. 5/c, mais il faut lire couvertement .

Que comme ou mois de novembre derrenièreine nt passé, il feust alez en la montaigne de Reins, et là trouva un appelé Jaquinot en la ville appelée Coulommes*, auquel Jaquinot ledit suppliant dist : « Je suy trop courrouciez et aussi est ma femme, de ce que nous povons durer à Henry mon père, pour une garse appellée Jehannette, la plus diffamée et la plus mauvaise ribaude que Ten sache. Car elle est toute commune, et avant que je feusse marié je eu sa compaignie par plusieurs foiz et par long temps, et pour ce que j'en estoie blasmez de mes amis, et qu'elle estoit malade d'orrible maladie et chéant de hault mal, si comme l'en disoit, je la laissay. Et depuis, la mauvaise garse s'est abendonné à mon père, lequel la maintient tout publiquement et en est tout assoté, et tant qu'il en a despendu et gasté excessivement du sien. Et pour ce que moy et ma femme nous lui en avons parlé plusieurs foiz, en cuidant le retraire de péchié , de dommage et de villenie, il nous en a sçeu très mauvais gré, et nous het tant, que tout le dommage et la villenie qu'il puet, il nous pourchace. Et entre les autres choses a fait un transport de la somme de mille francs à Gilet de Merencourt, escuier, lequel a espousé ma suer, et je suis certain que tout le mal que mondit père nous fait, c'est à l'instigacion et pourchas de ceste mauvaise garse, et par Dieu! je vouldroye bien que vous peussiez venir au pais, à tout deux ou trois compaignons avec vous, et que vous venissiez à Balay', où demeure ladicte Je-