EXTRAITS DE PLUT ARQUE

L'éloquence chez l'homme d'Etat. -

Le gouvernement de Pericles qui de nom et d'apparence estoit populaire, à la vérité et en effet estoit principauté régie par un seul homme premier de sa ville, par le moyen et la force de son éloquence : car au mesme temps Cimon estoit bien homme de bien, si estoit Ephialtes, et Thucydides ! aussi, qui estant un jour enquis par le roy de Lacedaemone Archidamus, lequel estoit le plus adroit à la luicte de luy ou de Pericles : « Cela, respondit il, seroit bien mal aisé à dire : car quand je l'ay porté par terre en luictant, luy en disant persuade aux assistans qui l'ont veu, qu'il n'est pas tombé, et le gaigne : » ce qui n'apportoit pas seulement gloire et honneur à luy, mais aussi salut à toute sa ville, laquelle se laissant persuader à luy 9 , mainteint et garda très-bien la richesse et restât qu'elle avoit, et s'absteint de vouloir conquérir

1 Non l'historien, mais an des chefs du parti opposé à Périclès. * Lex. Gr. § 36.

l'autruy : là où le pauvre Nicias qui avoit bien la mesme intention, et non pas la mesme grâce de persuader avec sa parole, qui estoit comme un mords trop doulx, tascha bien de refréner et arrester la cupidité du peuple, mais il n'en peut venir là bout, ains fut emporté malgré luy, et entrainné à col torts par la violence du peuple, jusques en la Sicile.

On dit communément par un ancien proverbe, « Qu'il ne fault pas tenir le loup par les aureilles : » mais c'est un peuple et toute une cité qu'il fault principalement prendre par les aureilles, dod pas aller chercher d'autres prises lourdes et grossières, pour attirer et gaigner une commune, ainsi que font ceulx qui ne sont pas suffisamment exercitez en cest art d'éloquence, les uns tirans le populaire par la panse, et en luy faisant des bancquets, les autres par la bourse, en luy donnant de l'argent, ou luy faisant veoir des jeux, des danses ou des combats d'escrimeurs à outrance, qui n'est pas tant mener que trainer par flatterie un peuple : car le mener proprement est le persuader par force d'éloquence, là où ces autres allechemens de populace ressemblent proprement aux appasts que Ion fait pour prendre les bestes brutes.

Puis qu'il est donc ainsi, que le principal instrument d'un sage gouverneur est la parole, il fault tout premièrement qu'elle ne soit point afîettée, ny pompeuse et fardée, comme seroit celle d'un jeune charlatan et triacleur, qui voudroit monstrer son éloquence en pleine assemblée de foire, composant son oraison des plus beaux, plus doulx et plus elegans termes qu'il pourroit choisir; ny aussi tant elabourée et travaillée, comme disoit Pytheas, qu ? estoit celle de Demosthenes, luy reprochant qu'elle sentoit l'huile de la lampe : ny pleine de trop de curiosité sophistique, de raisons trop aiguës et subtiles, ou de clauses exactement mesurées à la règle et au compas, ne plus ne moins que les musiciens veulent qu'au touchement des cordes il se sente une affection doulce, non pas un rude battement : aussi au langage du sage gouverneur, soit qu'il conseille, ou qu'il ordonne quelque chose qu'il apparaisse non une ruze, ny un artifice d'orateur, non une affectation de louange d'avoir parlé doctement, subtilement, et ingénieusement, mais soit vraye magnanimité, d'une franchise de remonstrance paternelle, qu'il sente son père du public, plein de bon sens, de prévoyance soigneuse, ayant la grâce attrayante conjoincte avec

Phoneste dignité, en termes graves, raisons pertinentes et vraysemblables.

L'homme de gouvernement troussera bien aucunefois quelque mot de rencontre, et quelque traict de risée, mesmement si c'est pour chastier et provoquer quelqu'un modestement, et avec utilité, non pas le taxer ne picquer outrageusement en son honneur avec gaudisserie : mais cela est principalement trouvé bon et loué, quand il se fait en répliquant et rendant le change à quelqu'un, car de commencer et le faire de propos délibéré et prémédité, c'est à faire à un plaisant, qui cherche à faire rire la compagnie, outre ce que l'on en encourt opinion de malignité, comme il y en avoit es brocards de Ciceron et de Caton le vieil, et d'un Euxitheus qui esloit familier d'Aristote, car ceulx là ordinairement commancent les premiers à se mocquer : mais quand on ne fait que répliquer, la soudaineté de l'occasion donne à celuy qui fait la rencontre, pardon et bonne grâce, tout ensemble, comme feit Demosthenes à un qui estoit souspeçonné d'estre larron, qui se mocquoit de ce que Demosthenes veilloit toute la nuict pour estudier et escrire : • Je sçay bien, dit-il, que je te fasche fort de ce que je tiens la lampe allumée toute la nuict. » Aussi n'eust pas mauvaise grâce ce que respondit Xenaetus à ses citoyens qui se mocquoient de luy, de ce qu'estant leur capitaine il s'en estoit enfuy : « Avec vous, mes beaux amis, * respondit-il.

On a aussi en admiration la brefveté du langage de Phocion : tellement que Polyeuctus faisant jugement de luy, disoit, « que Demosthenes estoit bien un très grand orateur, mais que Phocion sçavoit mieulx dire, pource que son langage en peu de paroles contenoit beaucoup de substances : » et Demosthenes qui ne faisoit compte de tous les autres orateurs de son temps, quand Phocion se levoit pour parler après luy : « Voilà, disoit-il, le coupperet de mes paroles qui se levé. »

Mets donc peine le plus qu'il te sera possible, quand tu auras à parler devant le peuple de bien propenser ce que tu auras à dire, pendant que tu le pourras faire seurement, et non pas user de paroles vaines et vuides de sens, sçachant que fcericles mesme, ce grand gouverneur prioit aux dieux avant que de monter en chaire, qu'il ne luy eschappast de la bouche aucune parole, qui ne servist à la matière dont il devoit traitter : toutefois encore se

faull il exerciter à sçavoir respondre et répliquer promptement : car les occasions passent en un moment, et apportent beaucoup de cas soudains en matière de gouvernement : au moyen de quoy Demosthenes, pour ny estre pas bien fait, estoit réputé inférieur à plusieurs autres de son temps, pour ce que quand l'occasion se presentoit, bien souvent il se tiroit en arrière et se cachoit s'il n'avoit bien prémédité ce qu'il avoit à dire. Et Theophrastus escript qu'Alcibiades voulant non seulement dire ce qu'il falloit, mais aussi ainsi qu'il le falloit restivoit bien souvent en parlant, et quelquefois demouroit tout court, pendant qu'il cherchoit en luy mesme, et composoit les termes propres es quels il devoit dire : mais celuy qui prent occasion de se lever pour parler des occurences mesmes, et des temps qui se présentent soudainement, il estonne merveilleusement et mené comme il veult une commune : comme Léon Byzantin vint un jour à Athènes, envoyé par ceulx de Constantinople pour faire des remonstrances de pacification aux Athéniens, lesquels estoient tombez en grandes dissentions les uns contre les autres: or estoit il fort petit, de manière que quand le peuple le veit sur la chaire aux harengues, chascun s'en prit à rire, de quoy luy s'appercevant, « Et que feriez-vous doncques, dit-il, si vous voyiez ma femme, qui à peine me vient jusques au genouil ? » Alors la risée fut encore bien plus grande de toute l'assemblée : « Et neantmoins tous petits que nous sommes, dit-il, quand nous entrons en querelle l'un contre Fautre, la ville de Byzance n'est pas assez grande pour nous contenir tous deux, » Et Pytheas Forateur, lorsqu'il contredisoit aux honneurs que Fon decernoit à Alexandre, comme quelqu'un luy dist, « Comment, ozes tu bien parler de si grandes choses, toy qui es si jeune? Et quoy, dit-il, Alexandre que vous faites un dieu par voz décrets, est encore plus jeune que moi. »

Repas des Lacédémoniem.

Lycurgus voulant persécuter la superfluité et les délices, afin d'exterminer de tout poinct la convoitise d'avoir et de s'enrichir,

il feit une ordonnance nouvelle, très belle, qui fut celle des convives, par laquelle il voulut et ordonna, qu'ilz mangeassent ensemble de mesmes viandes, et de celles qui estoient notamment spécifiées par son ordonnance, par laquelle il leur esloit expressément défendu de manger à part en privé dessus riches tables et licts somptueux, en abusant du labeur des excellents ouvriers, et des frians cuisiniers, pour s'engresser en secret et en ténèbres^ comme Ion engresse les bestes gourmandes : ce qui gaste et corrompt non seulement les conditions de l'ame, mais aussi les cornplexions du corps, quand on luy lasche ainsi en abandon la bride à toute sensualité, et à toute gloutonnerie : dont il advient qu'il a besoing puis après de beaucoup dormir, pour cuire et digérer ce qu'il a trop pris de viande, et veult estre aidé de baings chaulds, de long repos, et du traittement ordinaire qu'il fault à un malade. Ce fut doncques chose grande à luy que d'avoir peu faire cela, mais encore plus d'avoir rendu la richesse non subjette à estre desrobée, et moins encores à estre convoitée, comme dit Theophraste, ce qu'il feit par le moyen de ce statut, de les faire manger ensemble avec si grande sobriété en leur vivre ordinaire. Car il n'y avoit plus moyen d'user ny de jouir, non pas de monstrer seulement sa richesse à qui en eust eu, veu que le pauvre et le riche estoient contraincts de se trouver en mesme lieu, pour y manger de mesmes viandes : tellement que ce que l'on dit communément, que Pluto, c'est à dire, le dieu des richesses > est aveugle estoit vray en la seule ville de Sparte entre toutes celles qui furent onques au monde : car il y estoit gisant par terre comme une peinture sans ame qui n'a aucun mouvement : attendu qu'il n'estoit pas loisible de manger devant que de venir es sales publiques à part en sa maison, et puis s'en venir par contenance tout saoul au lieu du convive : car chascun avoit l'œil à regarder expressément ceulx qui ne beuvoient et nemangeoient pas de bon appétit en la compagnie, et les en blasmoit et reprenoit ou comme gourmands, ou comme desdaignans par délicatesse de manger en commun avec les autres : de sorte que ce fut, à ce que l'on dit, l'ordonnance qui plus f fascha les riches, entre toutes celles que lors establit Lycurgus, et pour laquelle ilz crièrent et se courroucèrent plus 1 contre luy, jusques à ce que voyant qu'ilz

* Gr. § 12.

se ruoient tous ensemble contre luy, il fut contrainct de s'en fouyr de la place. Si gaigna le devant et se jetta en franchise dedans une église, avant que les autres le peussent atteindre, excepté un jeune homme nommé Alcander, lequel n'estoit point au de mourant de mauvaise nature, sinon qu'il estoit un peu prompt à la main, et cholere : et poursuivant Lycurgus de plus près que les autres, ainsi comme il se cuida retourner devers luy, il luy donna un coup de baston sur le visage, dont il luy creva un œil. Mais pour cela Lycurgus ne fleschit point, ains se présenta la teste levée à ceux qui le poursui voient, leur monstrant son visage tout ensanglanté, et son œil crevé : dont ilz eurent tous si grande honte, qu'il n'y eut celuy l d'eulx qui ozast ouvrir la bouche pour parler contre luy : ains au contraire, luy livrèrent entre ses mains Alcander, qui l'avoit frappé, pour en faire puhition telle que bon luy sembleroit, et le convoyèrent tous jusques en sa maison, monstrant qu'ilz estoientbien marris de son inconvénient. Lycurgus en les remerciant les renvoya, et feit entrer Alcander en sa maison avec lui, là où il ne mesfeit ne mesdit jamais d'une parole, ains luy commanda seulement qu'il le servist, faisant retirer ses domestiques qui avoient accoustumé de le servir ordinairement. Le jeune homme qui n'estoit point lourdaut de luy mesme, le feit vouluntiers, sans rien répliquer au contraire*: et quand il eut demouré quelque temps auprès de luy, estant toujours à Pentour de sa personne, il commencea à congnoistre et gouster la bonté de son naturel, et l'affection et intention qui le mouvoit à faire ce qu'il faisoit, l'austérité de sa vie ordinaire et sa constance à supporter tous travaux, sans jamais se lasser : dont il se prit à x Faimer et honorer fort affectueusement, et depuis alla preschant à ses parents et amis, que Lycurgus n'estoit pas ainsi rude ne rebours comme il sembloit de prime face, ains estoit le plus doulx et le plus aimable envers les autres qu'il estoit possible. Voilà comment Alcander fut chastié par Lycurgus, et la punition qu'il en receut : c'est, que de mal conditionné jouvenceau, oultrageux et téméraire qu'il estoit au paravant, il devint homme très sage et très modéré. Les enfans mesmes alloient à ces convives ne plus ire moins qu'à des escholes d'honneur et de tempérance, là où ilz enten-

» Gr. § 59.

* Lex.

doient de bons et graves devis touchant le gouvernement de la chose publique, soubs maistres qui n'estoient point mercenaires, et y apprenoient à se jouer de paroles les uns avec les autres, et à s'entre moquer plaisammant, sans toutefois piquer aigrement ny gaudir deshonnestement, et à ne se courroucer point pour estre semblablement moquez : car c'est une qualité, entre autres, fort propre aux Lacedaemoniens que d'endurer patiemment un traict de moquerie : toutefois s'il y avoit aucun qui n'y prist point de plaisir, il falloit seulement qu'il priast l'autre de s'en abstenir et incontinent il cessoit. Mais c'estoit une chose ordinaire qu'à tous ceulx qui entroient dedans la sale du convive, le plus vieil de la compagnie leur disoit, en leur monstrant la porte, « Il ne sort pas une parole hors de ceste porte ...»

La plus exquise viande que Ion servist en ces convives là, estoit celle qu'ilz appelloient le brouet noir, tellement que quand il y en avoit, les vieillards ne mangeoient point de chair, ains la laissoient toute aux jeunes hommes, et eulx à part mangeoient le brouet. Il y eut jadis, un roy de Pont, qui pour gouster de ce brouet noir, achepta expressément un cuisinier Lacedaemonien : mais quand il en eut une fois tasté, il s'en fascha * incontinent : et le cuisinier lui dit : « Sire, pour trouver ce brouet bon, il se faudroit premièrement estre baigné dedans la rivière d'Eurotas. » — Après qu'ilz avoient sobrement beu et mangé ensemble, ils s'en retournoient sans lumière chascun en sa maison : car il ne leur estoit pas loisible d'aller ny là ny ailleurs avec de la chandelle, afin qu'ils s'accoustumassent à marcher hardiment la nuict et en ténèbres par tout. Tel estoit l'ordre et la manière de leurs convives.

Laconisme.

Il m'est bien advis que les Laconiens, en leur manière de parler, n'usent pas de beaucoup de langage, mais qu'ilz touchenttrès bien au poinct, et qu'ils se font très bien entendre aux escoutans :

* Lex.

et si me semble que Lycurgus lu; mesme estoit ainsi court et agu en son parler, à ce que Ton peult conjecturer par quelques sienes responses que Ion treuve par escript, comme fut celle qu'il feit à un, qui luy suadoit d'establir en Lacedaemone un gouvernement populaire, là où le petit eust autant d'authorité que le grand : c Commence, luy dit il, à le faire toy mesme en ta maison. »

Semblablement aussi ce qu'il respondit à un filtre, qui luy demandent pourquoy il avoit ordonné que Ion offrist aux dieux choses si petites et de si peu de valeur : « Afin dit il, que nous ne cessions jamais de les honorer. » Et ce qu'il dit une autre fois touchant les combats, qu'il n'en defendoit à ses citoyens si non ceulx, es quelz on tend la main, c'est à dire, où l'on se rend.

On treuve aussi aucunes telles responses, en quelques lettres missives qu'il escrivoit à ses citoyens, comme quand ilz luy demandèrent : t Comment nous pourrons nous défendre contre noz ennemis? » Il leur respondit, « Si vous demourez pauvres, et que l'un ne convoite point avoir davantage que l'autre. » Et en une autre missive, où il discourt, s'il estoit expédient de fermer la ville de murailles : c Comment, dit-il, pourroit on dire que celle ville soit sans muraille, qui est ceinte et environnée d'hommes tout à Pentour, et non pas de brique. »> Toutefois quant à ces lettres là, et autres semblables que Ion monstre de luy, il est mal aise de résoudre, si Ion doibt croire ou decroire qu'elles soient de luy.

Mais quant à ce, que le beaucoup parler f fust repris et blasmé des Lacedaemoniens, on le peult évidemment monstrer par les mots aguz que quelques uns d'entre eulx ont autrefois respondu". Le roi Leonidasditun jour à quelcun qui devisoit, et alleguoit beaucoup de bonnes choses, mais hors de temps et de saison : « Amy, tu tiens sans propos beaucoup de bons propos. » Et Charilaiis, le nepveu de Lycurgus, interrogué pourquoy son oncle avoit fait si peu de loix : « Pource, dit-il, qu'il ne fault pas beaucoup de loix à ceulx qui ne parlent pas beaucoup. » Et Archidamidas dit à quelques uns, qui reprenoient l'orateur Hecataeus de ce, qu'ayant esté convié à soupper en un de leurs convives, il n'y parla point tout le long du soupper : « Celuy, dit il, qui sçait bien parler, sçait aussi quand il fault parler. » Et quant à ce que j'ay dit ail-

» Gr. § 87.

* Gr. § 96.

leurs cy devant, qu'en leurs responses aguës et subtiles, il y avoit ordinairement quelque peu de poincte meslé avec grâce, on le peult veoir et cognoistre par ces autres mots icy : Demaratus respondit à un fascheux, qui luy rompoit la teste de questions impertinentes et importunes, en luy demandant souvent, Qui estoit le plus homme de bien de Lacedaemone : « Celuy, dit-il, qui te ressemble le moins. » Et Agis dit à quelques uns qui hault louoient les Eliens de ce qu'ilz jugeoient selon droict et justice es jeux Olympiques : « Quelle grande merveille est ce, dit il, si en l'espace de cinq ans les Eliens font un seul jour bonne justice? » EtTheopompus à un estranger, lequel voulant monstrer l'affection qu'il portoit à ceulx de Lacedaemone, disoil : « En noslre ville tout le monde m'appelle Philolacon, » c'est à dire amateur des Lacedaemoniens : « Il te seroit plus honneste, respondit il, d'estre surnommé Philopolites, » c'est à dire, aimant ses citoyens. Et Plistonax filz de Pausanias, comme un orateur Athénien appelasses Lacedaemoniens grossiers et ignorans : t Tu dis vray, luy respondit il, car nous sommes seuls entre les Grecs, qui n'avons apprins rien de mal de vous. » Et Archidamidas à un qui luy demandoit, combien ilzestoient de Spartiates: « Assez, luy respondit il pour chasser les meschans. »