COMINES

Comment le Roy Louis XI voulut induire l’empereur Federic II à se saisir des terres que le duc de Bourgogne tenoit de l’Empire.

La peau de l'ours.

L’an 1475 avoit envoyé le Roy, devers l'Empereur, Jehan Tiercelin Seigneur de la Brosse, pour travailler qu’il ne s’appointast avec le Duc de Bourgongne, et pour faire excuse de ce qu’il n’avoit envoyé ses Gens d’armes, comme il avoit promis, asseurant tousiours le faire, et de continuer les exploits et dommages qu’il faisoit audit Duc, bien grands, tant au pays et marches de Bourgongne, que de Picardie. Et outre luy ouvrir un party nouveau qui esloit qu’ils asseurassent bien l’un l’autre de ne faire paix ni treves l’un sans l’autre : et que l'Empereur prit toutes les Seigneuries que le dit Duc tenoit de l’Empire et qui par raison en devoient estre tenuës, et qu’il les fist declarer confisquées à luy : et que le Roy prendroit celles qui estoient tenuës de la couronne de France : comme Flandres, Artois, Bourgongne, et plusieurs autres. Combien que cet Empereur eust esté toute sa vie homme de tres-peu de vertu, si estoit-il bien entendu et pour le long-temps qu’il avoit vescu, il avoit beaucoup d'experience et puis ces partis d’entre nous et luy avoient beaucoup duré: parquoy estoit las de la guerre, combien qu’elle ne luy coustast rien: car tous ces Seigneurs d’Alemagne y estoient à leurs despens, comme il est de coustume quand il touche le faict de l’Empire. Ledit Empereur respondit aux Ambassadeurs du Roy, qu’auprés d’une ville d’Alemagne, y

avoit un grand ours, qui faisoit beaucoup de mal : Trois compaignons de ladicte ville qui hantoient les tavernes, vindrent à un tavernier, à qui ils devoient, prier qu’il leur accreust encor un escot, et qu'avant deux jours le payeroient du tout: car ils prendroient cest ours, qui faisoit tant de mal, et dont la peau valoit beaucoup d'argent, sans les presens qui leur seroient faicts des bonnes gens. Ledict hoste accomplit leur demande : et quand ils eurent disné, ils allerent au lieu où hantoit cest ours ; et comme ils approcherent de la caverne, ils le trouverent plus pres d’eux qu’ils ne le pensoient. Ils eurent peur : sise mirent en fuite. L’un gaigna un arbre : l’autre fuit vers la ville : le tiers l’ours le print et le foula fort soubs luy, en fuy approchant le museau fort pres de l'oreille. Le pauvre homme estoit couché tout plat contre terre, et faisoit le mort. Or ceste beste est de telle nature que ce qu’elle tient, soit homme ou beste, quand elle le voit qu’il ne se remuë plus, elle le laisse là, cuidant qu’il soit mort: Et ainsi ledict ours laissa ce pauvre homme sans luy avoir fait gueres de mal : et se retira en sa caverne : quand le pauvre homme se veit delivré, il se leva, tirant vers la ville: Son compaignon qui estoit sur l’arbre, ayant veu ce mystere, descend, court et cria apres l’autre, qui estoit devant, qu’il attendist : lequel se retouraa, et l’attendit : Quand ils fureut ioincts celuy qui avoit esté dessus l’arbre, demanda à son compaignon, par serment, ce que l’ours luy avoit dit en conseil, qui si longtemps luy avoit tenu le museau contre l'oreille. À quoy son compaignon luy respondit : il me disoit que jamais ie ne marchandasse de la peau de l’ours, iusques à ce que la beste fust morte. Et avec cette fable paya l'Empereur nostre Roy, sans faire autre responce à son homme.

Comment le duc de Bourgogne, faisant la guerre aux Suisses, fut chassé par eux à l’entrée des montagnes près Granson (1476).

Le Duc de Bourgongne ayant conquis toute la Duché de Lorraine et receu du Roy Sainct-Quentin, Han, et Bohain, et le meuble du Connestable, estoit en parolles avec le Roy de s’apoin-

ter : et le Roy et luy se devoient entre-veoir, sur une riviere et sem- 11e P. 6

blable pont que celuy qui fut faict.à Picquiny, à la veuë du Roy, et du Roy Edoüard d'Angleterre: et sur cette matiere * allojent et venoient gens. Et vouloit ledict Duc laisser reposer son armée : qui estoit fort deffaicte, tant à cause de Nuz * que par ce peu de guerre de Lorraine : et le demeurant vouloit-il envoyer en garnison en aucunes places du comté de Romont, comme aupres des villes de Berne et Fribourg ausquelles il vouloit faire la guerre, tant pource qu'ils la luy avoient faicte estant devant Nuz, qu’aussi pour avoir aidé à luy oster la comté de Ferrete, et pource qu’ils avoient osté audit Comte de Romont partie de sa terre. Le Roy le solicitoit fort de ceste veüe, et qu’il laissast en paix ces pauvres gens de Suisse, et qu’il reposast son armée : Lesdicts Suisses, le sentans si pres d’eux, luy envoyerent leur Ambassade : et offroient rendre ce qu’ils avoient prins dudict Seigneur de Romont : Ledict Comte de Romont, le solicitoit d’autre costé de le venir secourir en personne : Ledict Duc laissa le sage conseil, et celuy qui pouvoit estre le meilleur (comme il semble à toute sorte de gens) veu la saison et l’estat en quoy estoit son armée : et delibera d’aller contre eux. Entre le Roy et luy fut appointement de baiïller lettre, que pour le faict de Lorraine ils n’entreroient point en debat.

Le Duc partit de Lorraine avec ceste armée fort deffaicte et lassée, et entra en Bourgongne; où lesdicts Ambassadeurs de ces vieilles ligues d’Alemaigne, qu’on appelle Suisses, revindrent devers luy, faisans plus grandes offres que devant : et outre la restitution, luy offroient laisser toutes les alliances, qui seroient contre son vouloir (et par especial celle du Roy) et devenir ses alliez, et le servir de six mille hommes armez, avec assez petit payement, contre le Roy, toutes les fois qu’il les en requereroit : A rien ne voulut

t À ce sujet.

2 L’évêché de Cologne vint à vaquer en 1476. Deux prétendants se présentèrent, l’un était frère du landgrave de Hesse et l’autre parent du comte Palatin du Rhin. Le duc de Bourgogne prit parti pour le second. Il mit le siége devant Neuss, ici appelé Nuz, sur la rive gauche du Rhin, vis-à-vis de Dusseldorf: cette place forte était occupée par le landgrave de Hesse, Louis XI suscita des ennemis au duc, entre autres les Suisses. Après plusieurs échecs Charles le Téméraire se vit obligé d'abandonner un siége où ses troupes épuisaient inutilement leurs forces.

& Contre René IJ, duc de Lorraine, qui avait envoyé défier le duc de Bourgogne devant Neuss.

ledict Duc entendre : et ia le conduisoit son mal-heur. Ceux qu’on appele:en ce quartier là les Nouvelles alliances, ce sont les villes de Basle, et de Strasbourg et autres villes Imperiales, qui sont soubs le bout de cette riviere du Rhin: lesquelles d'ancienneté avoient esté ennemies desdicts Suisses, en faveur du Duc Sigismond d’Austriche, duquel ils estoient alliez, par le temps qu’il avoit eu guerre avec lesdicts Suisses. Toutes ces villes s’allierent ensemble avec iceux Suisses, et fut faite alliance pour dix ans, et paix aussi avec le Duc Sigismond. Et se feit ladicte alliance par la conduite du Roy, et à son pourchas, et à ses depens, comme avez veu ailleurs, à l'heure que la comté de Ferrete fut ostée des mains du Duc de Bourgongne, et qu’à Basle firent mourir messire Pierre d’Archambault Gouverneur dudict pays pour ledict Duc : lequel Archambault fut bien cause de cest inconvenient, qui fut bien grand pour ledict Duc: car tous ses autres maux en vindrent. Un Prince doit bien avoir l’œil sur les Gouverseurs qu’il met en un païs nouvellement ioinct à sa Seigneurie : car en lieu de traiter les subiects en grande douceur et en bonne iustice, et faire mieux qu’on ne leur avoit faict le temps passé, cestui-cy feit tout le contraire : car il les traicta en grande violence, et en grande rapine : et mal luy en print, et a son maistre, et a maint homme de bien. Ceste alliance que le Roy conduisit, dont j’ay parlé, tourna depuis à grand profit au Roy, et plus que la pluspart des gens n’entendent : et crois que ce fut une des plus sages choses qu’il feist onques en son temps, et plus au dommage de tous ses ennemis : car le Duc de Bourgongne deffaict, onques puis ne trouva le Roy de France homme qui osast lever la teste contre luy, ne contredire à son vouloir : J’enten de ceux qui estoient ses subiects et en son Royaume : car tous les autres ne nageoient que soubs le vent de cestuy-là : Voylà pourquoy fut grande œuvre d’allier le Duc Sigismond d’Austriche, et ceste Nouvelle alliance avec les Suisses, dont si long temps avoient esté ennemis ne se fit point sans dépense, et sans faire maint voyage. Apres que le Duc de Bourgongne eut rompu aux Suisses l’esperance de pouvoir trouver appoinctement avec luy, ils retournerent advertir leurs gens, et s’apprester pour se deffendre : et luy approcha son armee du pays de Vaux en Savoye, que lesdicts Suisses avoient prins sur monseigneur de Romont, comme dict est: et print trois ou quatre places qui estoient à monseigneur de Chasteau-

guion, que lesdicts Suisses tenoient et les deffendirent mal : et de là alla mettre le siege devant une place, appellée Granson : laquelle estoit aussi audict seigneur Chasteau-guion, et y avoit pour lesdicts Suisses, sept ou huict cens hommes bien choisis, pource que c’estoit auprès d’eux : et la vouloient bien deffendre. Ledict Duc avoit assez grande armée : car de Lombardie luy venoient à toute heure gens, et des subiects de ceste maison de Savoye :et il aimovt mieux les estrangers que ses subiects, dont il pouvoit finer assez et de bons; mais la mort du Connestable luy aidoit bien à avoir deffiance d’eux, avec d’autres imaginations : Son artillerie estoit tres-grande et bonne : et estoit en grande pompe en cest ost, pour se monstrer à ces Ambassadeurs, qui venoient d'Italie et d’Alemaigne : et avoit toutes ses meilleures bagues et vaisselles, et largement autres paremens, et avoit de grandes fantasies en sa teste, sur le faict de ceste Duché de Milan, où il s’attendoit d’avoir des intelligences. Quand le Duc eut assiegé, ladicte place de Granson et tiré par' aucuns iours, se rendirent à luy ceux de dedans à sa volonté : lesquels il feit tous mourir : Les Suisses s’estoient assemblez, non point en grand nombre, comme l’ay ouy parler à plusieurs d’entr’eux (car de leurs terres ne se tirent point les gens qu’on cuide et encores moins lors, que maintenant : car depuis ce temps-là, la pluspart ont laissé le labeur pour se faire gens de guerre) et de leurs alliez, en avoient peu avec eux : Car ils estoient contraincts se haster pour secourir la place : et comme ils furent aux champs, ils sceurent la mort de leurs gens.

Le Duc de Bourgongne, contre l'opinion de ceux à qui il en*° demandoit, delibera d’aller au devant d’eux, à l'entrée des montaignes où ils estoient encores, qui estoit bien son desavantage : car il estoit bien en lieu advantageux pour les attendre, et clos de son artillerie, et partie d’un lac : et n°y avait nulle apparence qu’ils luy eussent sceu porter dommage : Il avoit envoyé cent archers garder certain pas à l'encontre de ceste montagne : et luy se mit en chemin: et rencontrerent ces Suisses la pluspart deson armée, estant encore en la plaine : Les premiers rangs de ses gens cuidoient retourner pour se reioindre avec les autres : mais les me-

à Lex.

? En se rapporte à opinion.

nuës gens qui estoient derriere, cuidans que ceux là fuissent *, se mirent à la fuite : et peu à peu se commenca à retirer cette armée vers le camp, faisans aucuns tresbien leur devoir. Fin de compte, quand ils vindrent iusques à leur ost, ils ne s’oserent deffendre : et tout se mit à la fuite : et gagnerent les Alemans son camp et son artillerie, et toutes les tentes et pavillons de luy et de ses gens (dont il y avoit grand nombre) et d’autres biens infinis : car rien ne se sauva que les personnes : et furent perdües toutes les grandes bagues dudict Duc : mais de gens, pour cette fois, ne perdit que sept hommes d’armes. Tout le demeurant fuit, et luy aussi. Il se devoit mieux dire de luy, qu'il perdit honneur et chevance ce jour, que l’on ne fit du Roy Jehan de France qui vaillamment fut pris à la bataille de Poictiers.

Voicy la premiere male fortune, que ce Duc eut jamais eu en toute sa vie : De toutes ses autres entreprises il en avait eu l’honneur ou le profit. Quel dommage luy advint ce jour, pour user de sa teste, et mespriser conseil ? Quel dommage en receut sa maison, et en quel estat en est-elle encores, et en adventure d’estre d’icy à long-temps? Quantes sortes de gens luy en devindrent ennemis, et se declarerent, qui le jour de devant temporisoient avec luy, et se feignoient amis ? Et pour quelle querelle commenca cette guerre ? ce fut pour un chariot de peaulx de mouton, que monseigneur de Romont print à un Suisse, en passant par sa terre : Si Dieu n’eust delaissé ledict Duc, il n’est pas apparent qu’il se fust mis en peril, pour si peu de chose veu les offres qui luy avoient esté faictes, et contre quelles gens il avoit à faire, où il n’y pouvoit avoir nul acquest, ne nulle gloire : Car pour lors les Suisses n’estoient point estimez comme ils sont pour ceste heure : et n’estoit rien plus pauvres :etay ouy dire à un chevalier des leurs qui avoit esté des premiers Ambassadeurs, qu’ils avoient envoyez devers ledict Duc, qu’il luy avoit dit en faisant leurs remonstrances, pour le desmouvoir de cette guerre que contre eux ne pouvoit rien gaigner : car leur pays estoit très-sterile et pauvre : et qu’ils n’avoient nuls bons prisonniers? : et qu’il ne croyoit pas que les esperons et mords des chevaux de son ost, ne vaulsissent plus d’argent que tous ceux de leurs territoires ne sçauroient payer de finances, s’ils estoient prins.

t Gr. 78.

# Point de gens qui, devenant prisonniers, pussent payer une bonne rançon.

Retournant à la bataille, le Roy fut bien tost adverty de ce qui estoit advenu : car il avoit maintes espies et messagers par païs, la pluspart depeschez par ma main : et en eut tres-grande ioye, et ne luy desplaisoit que du petit nombre de gens qui avoient esté perdus : et se tenoit ledict Seigneur, pour ces matieres icy à Lyon, pour pouvoir plus souvent estre adverty, et pour donner remede aux choses que cest homme embrassoit : car le Roy qui estoit sage, craignoit que par force ne ioignist ces Suisses à luy : De la maison de Savoye, ledict Duc en 'disposoit comme sien. Le Duc de Milan estoit son allié. Le Roy René de Cecile ‘ luy vouloit mettre son païs de Provence entre les mains : et si les choses fussent advenües, il tenoit de païs depuis la mer de Ponant jusqu’à celle de Levant en son obeissauce : et n’eussent ceux de nostre Royaume eu saillie sinon par mer, si ledict Duc n’eust voulu, tenant Savoye, Provence, et Lorraine : Vers chascun d’eux le Roy envoyoit : L’une estoit sa sœur, madame de Savoye, extreme pour ledict Duc : L’autre estoit son oncle, le Roy René de Cecile : qui a grande peine escoutoit ses messagers, mais envoyoit tout au Duc de Bourgongne. Le Roy envoyoit aussi vers ces ligues d’Alemaigne : Mais c’estoit à grande difficulté, pour les chemins, et y falloit envoyer mendiens, pelerins et semblables gens. Lesdites villes respondirent orgueilleusement, disans, Dictes au Roy que s’il ne se declare, nous nous appointerons, et nous declarerons contre luy. Il craignoit qu’ainsi ne le feissent. De se declarer contre ledit Duc n’avoit nul vouloir : mais craignoit bien encores qu'il ne fust nouvelle® de ses messagers qu’il envoyoit par païs.

Comment les Suisses deffirent en bataille le Duc de Bourgongne pres la ville de Morat.

Pour revenir au Duc de Bourgongne, il ramassoit gens de tous costez : et en trois semaines s’en trouva sus grand nombre, qui le iour de la bataille s’estoient escartez Il seiourna à Losane en Savoye : où vous, Monseigneur de Vienne, le servistes de bon con-

1 Sicile.

2 Lex.

seil, en une grande maladie qu’il eut de douleur et de tristesse, de cette honte qu’il avoit receüe. Et à bien dire la verité, ie croy que iamais depuis il n’eut l’entendement si bon qu’il avoit eu auparavant ceste bataille. De ceste grande assemblée et nouvelle armée, qu’il avoit faicte, l’en parle par le rapport de monseigneur le Prince de Tarente ‘ qui le compta au Roy en ma presence. Ledict Prince, environ un an avant, estoit venu vers ledict Duc, tresbien accompaigné, esperant d’avoir sa fille et seule heritiere : et sembloit bien fils de Roy, tant de sa personne que de son accoustrement et de sa compagnie : et le Roy de Naples, son pere, monstroit bien n’y avoir rien espargné: Toutesfois ledict Duc avoit dissimulé ceste matiere et entretenoit pour lors Madame de Savoye, pour son filz, et autres : parquoy ledict prince de Tarente, appellé Dom Federic d’Arragon, et aussi ceux de son-conseil, mal contens des delays envoyerent devers le Roy un officier d'armes bien entendu: lequel vint supplier au Roy donner sauf-conduit audict Prince, pour passer par le Royaume et retourner vers le Roy son pere, lequel l’avoit mandé : Le Roy l’octroya tres-volontiers ; et luy sembloit bien que c’estoit à la diminution du credit et renommée dudict Duc de Bourgongne. Toutesfois avant que le messager fust de retour, estoient ia assemblées plusieurs des Ligues d’Alemaigne, etlogées auprès dudict Duc de Bourgongne. Ledict Prince print congé dudict Duc, le soir de devant la bataille, en obeissant au mandement du Roy son pere : car à la premiere bataille s’estoit trouvé comme homme de bien. Aussi disent aucuns qu’il usa de vostre conseil, Monseigneur de Vienne, car ie luy ay ouy dire et tesmoigner, quand il fut devers le Roy arrivé, et au Duc d’Ascoly, appellé le Comte Julio et à plusieurs autres : et que de la premiere et seconde bataille avez escrit en Italie, et dict ce qui en advint plusieurs jours avant qu’elles fussent faictes.

Comme j’ay dit au partement dudict Prince, estoient logées plusieurs de ces Alliances assez pres dudict Duc : et venoient pour le combatre, allans lever le siege qu’il avoit devant Morat, petite ville pres de Berne, qui appartenoit à monseigneur de Romont. Lesdicts alliez, comme il me fut dict par ceux qui y estoient, pouvoient bien estre trente et un mille hommes de pied, bien choi-

1 Frédéric, fils de Ferrand, depuis roi de Naples.

sis et bien armez : c’est à sçavoir onze mille Piques, dix mille Hallebardes, dix mille Couleurines ‘, et quatre mille Hommes-àcheval. Lesdictes Alliances n’estoient point encores toutes assemblées': et ne se trouva à la bataille que ceux dont j’ay parlé, el suffisoit bien. Monseigneur de Lorraine y arriva à peu de gens, dont fort bien luy en print depuis : car ledict Duc de Bourgongne tenoit lors toute sa terre. Audit Duc de Lorraine print bien de ce qu’on s’ennuyoit de luy en nostre court : et croy bien qu’il ne sceut iamais la verité : mais quand un grand homme a tout perdu le sien, il ennuye le plus souvent à ceux qui le soustiennent. Le Roy luy avoit donné un petit d’argent, et le feit conduire avec bon nombre de Gens d'armes au travers du païs de Lorraine : lesquels le mirent en Alemaigne et puis retournerent. Ledict Seigneur de Lorraine n’avoit pas seulement perdu son païs de Lorraine, la Comté de Vaudemont, et la pluspart de Barrois : car le demeurant le Roy le tenoit : ainsi ne luy estoit rien demouré : Et qui pis estoit, tous ses subiects avoient fait serment audict Duc de Bourgongne, el sans contrainte : et jusques aux serviteurs de sa maison : parquoy sembloit qu’il y eut peu d'espérance à son faict : toutesfois Dieu demeura tousiours le juge pour determiner de telles causes, quand il luy plaist.

Apres que le Duc de Lorraine fut passé, comme j’ay dit, et quand il eut chevauché aucuns iours, il arriva vers lesdictes Alliances, peu d’heures avant la bataille, et avec peu de gens : et luy porla ce voyage grand honneur, et grand profit: car si autrement en fust allé, il eust trouvé peu de recueil : Sur l’heure qu’il fut arrivé, marchoient les batailles d’un costé et d’autre : car lesdictes Alliances avoient ia esté logées, trois iours ou plus, aupres du Duc de Bourgongne en lieu fort. A peu de deffence fut desconfit ledict Duc, et mis en fuite : et ne luy print point comme de la bataille precedente, où il n’avoit perdu que sept Hommes-d’armes. Et cela advint pour ce que lesdicts Suisses n’avoient point de Gens-de-cheval : Mais à ceste heure cy, dont ie parle, qui fut pres Morat, y avoit de la part desdites Alliances quatre mille Hommes-de-gheval bien montez, qui chasserent tresloing les gens dudict Duc de Bourgongne : et si ioignirent leur Bataille-à-pied avec les Gens-de-

{ Lex.

pied dudict Duc, qui en avoit largement : car sans ses subiects et aucuns Anglois qu’il avoit en grand nombre, il luy estoit venu de nouveau beaucoup de gens du païs de Piedmont et autres des subiects du Duc de Milan, comme j’ay dit : et me dist ledict Prince de Tarente, quand ilfut arrivé devers le Roy, que iamais n’avoit veu une si belle armée: et qu’il avoit compté et fait compter l’armée en passant sur un pont : et y avoit bien trouvé vingt et trois mille hommes de soulde, sans le reste qui suyvoit l’armée, et qui estoit pour le faict de l'artillerie. À moy me semble ce nombre tres-grand, combien que beaucoup de gens parlent de milliers, et font les armées plus grosses qu’elles ne sont et en parlent legerement. Le seigneur de Contay, qui arriva vers le Roy, tost apres la bataille, confessa au Roy, moy present, qu’en ladicte bataille estoient morts huit mille hommes, du party du Duc, prenans gages de luy, et d’autres menües gens assez. Et crois à ce que i’en ay peu entendre, qu’il y avoit bien dix huit mille personnes en tout : et estoit aisé à croire, tant pour le grand nombre de Gens-de-cheval, qu'il y avoit, qu’avoient plusieurs seigneurs d’Alemaigne, qu’aussi pour ceux qui estoient encores au siege devant ledict Morat. Le Duc fuit iusques en Bourgongne, bien desolé comme raison esloit : el se tint en un lieu appellé la Riviere, où il rassembloit des gens tant le qu’il pouvoit. Les Allemans ne chasserent que ce soir, et puis se retirerent sans marcher apres luy.

Digression sur quelques bonnes mœurs du Duc de Bourgongne, et sur le temps que sa maison dura en prosperité.

J’ay depuis veu un signet à Milan, que maintefois avoye veu - pendu à son pourpoint : qui estoit un anneau, et y avoit un fuzil entaillé en un Camayeu, où estoient ses armes : lequel fut vendu pour deux ducats au lieu de Milan. Celuy qui luy osta, luy fut mauvais varlet de chambre : Je l’ay veu maintesfois habiller et deshabiller, en grande reverence, et par grans personnages : el à ceste derniere heure luy estoient passez ses honneurs. Dieu luy veuille pardonner ses pechez : Je l’ay veu grand et honorable

Prince, et autant estimé et requis de ses voisins, un temps a esté", que nul Prince qui fust en Chrestienté, ou paraventure plus. Je n’ay veu nulle occasion pourquoy plus tost il deust avoir encouru lire de Dieu, que de ce que toutes les graces et honneurs, qu’il avoit receus en ce monde, il les estimoit tous estre procedez de son sens et de sa vertu, sans les attribuer à Dieu, comme il devoit. Et à la verité, il avoit de bonnes et vertueuses parties en luy. Nul Prince ne le passa iamais de desirer nourrir grans gens, et les tenir bien riglez. Ses bien-faicts n’estoient point fort grans, pour ce qu’il vouloit que chascun s’en sentist. Jamais nul plus liberalement ne donna audience à ses serviteurs et subiects. Pour le temps que ie l’ai congnu il n’estoit point cruel : mais le devint peu avant sa mort (qui estoit mauvais signe de longue durée) * et estoit fort pompeux en habillemens, et en toutes autres choses, et un peu trop. Il portoit fort grand honneur aux Ambassadeurs, et gens estranges. Ils estoient fort bien festoyez, et recueillis chez luy : Il desiroit grand gloire, qui estoit ce qui plus le mettoit en ses guerres que nulle autre chose : et eust bien voulu ressembler à ces anciens Princes, dont il a esté tant parlé, apres leur mort: el estoit autant hardy comme homme qui ait regné de son temps.

Or sont finies toutes ces pensées : et le tout tourné à son preiudice et honte: car ceux qui gaignent, ont tousiours l’honneur. Je ne scauroye dire vers qui nostre Seigneur s’est monstré plus courroucé, ou vers luy, qui mourut soudainement, et en ce champ sans gueres Janguir, ou vers ses subiects, qui oncques puis n’eurent bien ne repos, mais continuellement guerre: contre laquelle ils n’estoient suffisans de resister aux troubles qu’ils avoient les uns contre les autres, et en guerre cruelle et mortelle, Et ce qui leur a esté plus fort à porter, a esté que ceux quiles deffendoient, estoient gens estrangers, qui nagueres avoient esté leurs ennemis : C’estoient les Alemans. Et en effect, depuis ladicte mort n’eurent iamais homme qui bien leur voulsist, de quelques gens qu’ils se soient aidez.

Et a semblé à voirleurs œuvres, qu’ils eussent les sens aussi troublez, comme leur Prince un peu avant sa mort: car tout bon conseil

1 C'est-à-dire: Il y a eu un temps, autrefois. 2 Signe qu'il ne durerait pas longtemps.

5 Gr. ( 60.

ils ont deietté, et cherché toutes voyes qui leur estoient nuysibles, et sont en chemin que ce trou ne leur fauldra de grande piece, ou au moins la crainte d’y recheoir.

Je seroye assez de l'opinion de quelque autre que j’ay veu, c’est que Dieu donne le Prin ce, selon qu’il veult punir ou chastier les subjects : et au Prince les subiects, ou leurs courages ‘ disposer envers luy, selon qu’il veult elever ou abaisser : et ainsi fut ceste maison de Bourgongne à fait tout egal : car apres leur longue felicité et grandes richesses, et trois grands Princes bons et sages, precedens cestuy-cy, qui avoient duré six vingts ans ou plus, en bon sens et vertu , il leur donna ce Duc Charles, qui continuellement les tint en grande guerre, travail et despense, et presque autant aux iours d’hyver qu’en ceux d’esté, tant que beaucoup de gens richeset aisez, furent morts et destruicts par prison en ces guerres. Les grandes pertes commencerent devant Nuz, qui continuerent par trois ou quatre batailles, jusques à l’heure de sa mort : et tellement qu’à ceste derniere bataille estoit consommée toute la force de son païs, et morts ou destruicts ou pris toutes ses gens, qui eussent sceu ou voulü deffendre l’estat et l'honneur de sa maison. Et ainsi comme j’ay dit, semble que ceste perte ait esté egale au temps qu'ils ont esté en felicité : car comme ie dy, l’avoir veu grand, riche et honoré, encores puis-ie dire avoir veu tout cela en ses subiects : car je cuide avoir veu et connu la meilleure part d'Europe : toutesfois ie n’ay connu nulle Seigneurie ne païs, tant pour tant, ny de beaucoup plus grande estendue encores, qui fust tant abondant en richesses, en meubles, et en edifices, et aussi en toutes prodigalitez, despences, festoyemens et cheres, comme ie les ay veus, pour le temps que ie n’y estoye. Et s’il semble à quelcun, qui n’y ai point esté pour le temps que ie dy, que i’en die trop, d’autres qui y estoient comme moy paraventure diront que j’en dy peu. Or a nostre Seigneur tout à un coup fait choir si grand et sumptueux edifice, cette puissante maison, qui a tant soustenu de gens de bien et nourry, et tant esté honorée et pres et loin, et par tant de victoires et de gloires, que nul autre à l’environ n’en receut autant en son temps.

£ Lex.