BLAISE DE MONTLUC

Blaise de Montluc, d’une famille gasconne illustre, mais pauvre, chercha fortune dans la carrière des armes, et monta par tous les degrés jusqu’au plus haut, celui de maréchal de France; il fut aussi décoré du cordon de St-Michel. Formé sous les ordres de Bayard, il s’attacha ensuite au maréchal de Lautrec, et servit sous tous les rois de la maison de Valois-Angoulême, depuis François Jer jusqu'à Henri III. Il combattit longtemps en Italie, se signala au combat de la Bicoque, fut fait prisonnier à Pavie, suivit Lautrec dans l'expédition de Naples, se couvrit de gloire à la défense de Marseille assiégée par Charles-Quint, rendit d'éminents services à la France dans le Piémont et contribua beaucoup à la victoire de Cérisoles. Des guerres étrangères Montluc passa aux guerres intérieures de la France. Nommé en 1564 lieutenant-général au gouvernement de Guienne, il déshonora son courage par sa cruauté, usant de son autorité pour se livrer avec fureur aux actes les plus sanguinaires. Il mettait sa religion et sa conscience à immoler au catholicisme des victimes sans nombre. La pitié n’a pas de place dans les actions de sa vie; dans les récits qu'il en fait, son âme n’est pas effieurée du moindre remords, pas même d’un regret. On verra néanmoins tout à l’heure qu’il avait dela piété à sa façon. Elle ne l'empècha pas de mériter le surnom de Boucher royaliste. Vieux et retiré des combats, il écrivit ses Mémoires, qu’à l'exemple de César il intitula ses Commentaires. Ses idées et son style sont à l'unisson de sa vie. Il raconte ses exploits avec impétuosité. La verve

gasconne de son langage respire encore l’esprit guerrier qui a dirigé 88 conduite. Plein de jactance, il ne chercha pourtant pas à en imposer ; il tire gloire de ses faits, mais il les raconte avec candeur. Sa vanité est l'héroïne de cette épopée, mais sa vivacité ne permet pas de supposer un calcul dans l'agencement de la narration. L'homme va se faire connaître plus complétement par ses propres récits, par l'énergie quelquefois féroce de sa parole et par la naïveté de la barbarie: l'entrainement de l'écrivain entraine le lecteur. Henri 1V faisait grand cas des couseils militaires et des braves exhortations que renferme le livre de Montluc, aussi l’appelait-il le bréviaire des soldats.

Carrière de Montluc. Sa hardiesse et sa vertu.

M'estant retiré chez moy, en l’aage de soixante et quinze ans, pour trouuer quelque repos, apres tant et tant de peine par moy souffertes pendant le temps de cinquante-cinq ans, que j’ay porté les armes pour le seruice des Rois mes maistres, ayant passé par degrez, et par tous les ordres du soldat, Enseigne, Lieutenant, Capitaine en chef, Maistre de Camp, Gouuerneur des Places, Lieutenant de Roy és Prouinces de Toscane et de la Guyenne, et Mareschal de France: me voyant stropiat presque de tous mes membres, d'arquebuzades, coups de pique et d’espée, et à demi inutile, sans force et sans esperance de recouurer guerison de cette grande arquebuzade que jay au visage : apres auoir remis la charge du Gouvernement de Guyenne entre les mains de Sa Maiesté, l’ay voulu employer le temps qui me reste, à descrire les combats ausquels ie me suis trouué pendant cinquante et deux ans que l’ay commandé: m’asseurant que les Capitaines qui liront ma vie, y verront des choses desquelles ils se pourront aider se trouuans en semblables occasions et desquelles ils pourront aussi faire profit, et acquerir honneur et reputation. Et encore que j’aye eu beaucoup d’heur, et de bonne fortune aux combats que ray entreprins, quelquefois (comme il sembloit) sans grande raison, si ne veux-je pas que l’on pense, que j’en attribuë la bonne issuë, et que j’en donne la louange à autre qu’à Dieu. Car quand on verra les combats où ie me suis trouué, on iugera que c’est de ses oeuures. Aussi l’ay-ie tousiours inuoqué en toutes mes actions auec grande confiance de sa grace. En quoy il m’a tellement assisté que ie n’ay iamais esté deffait, ny surpris en quelque fait de guerre où j’aye commandé : ains tousiours rapporté victoire et

honneur. Il faut que nous tous, qui portons les armes, ayons deuant les yeux, que ce n’est rien de nous sans la bonté diuine, laquelle nous donne le coeur et le courage pour entreprendre et executer les grandes et hazardeuses entreprises qui se presentent à nous. |

Et pource que ceux qui liront ces Commentaires, lesquels deplairont aux uns et seront agreables aux autres, trouueront peutestre estrange, et diront que c’est mal fait à moy d’escrire mes faits, et que ie deuois laisser prendre cette charge à vn autre, ie leur diray pour toute reponse, qu’en escriuant la verité et en rendant l’honneur à Dieu, ce n’est pas mal fait. Le temoignage de plusieurs qui sont encore en vie, fera foy de ce que ï’ay escrit. Nul aussi ne pouuoit mieux representer les desseins, entreprises et executions, ou les faits suruenus en icelles, que moy-mesme, qui ne derobe rien de l'honneur d’autruy. Le plus grand capitaine qui ait iamais esté, est Cesar, qui m’en a monstré le chemin, ayant luy-mesme escrit ses commentaires, escriuant la nuict ce qu’il executoit le iour. J'ay donc voulu dresser les miens mal polis, comme sortans de la main d’vn Soldat, et encore d’vn Gascon qui s’est tousiours plus soucié de bien faire que de bien dire : lesquels contiennent tous les faits de guerre ausquels ie me suis trouué, ou qui se sont executez à mon occasion, commençant dés mes premiers ans, que ie sortis de page, pour monsirer à ceux que ie laisse apres moi, qui suis aujourd’huy le plus vieux Capitaine de France, que ie n’ay iamais eu repos, pour acquerir de l’honneur en faisant seruice aux Roys mes maistres, qui estoit mon seul but, fuyant tous les plaisirs et voluptez qui destournent de la vertu et grandeur, les ieunes hommes que Dieu a doùüez de quelques parties recommandables, et qui sont sur le poinct de leur auancement. Ce n’est pas vn liure pour les gens de sçauoir, ils ont assez d’Historiens, mais bien pour vn Soldat, Capitaine, et peut-estre qu’vn Lieutenant de Roy y pourra trouuer de quoy apprendre. Pour le moins puis-je dire que jay escrit la verité, ayant aussi bonne memoire à present que i’eus iamais, me resouuenant et des lieux, et des noms, combien que ie n’eusse iamais rien escrit. Je ne pensois pas en cet aage me mesler d’un tel mestier : si c’est bien ou mal, ie m'en remets à ceux qui me feront cet honneur de lire ce liure, qui est proprement le discours de ma vie.

C’est à vous, Capitaines mes compagnons, à qui principalement il s’adresse : vous en pourrez peut-estre tirer du profit. Vous deuez estre certains, que puisqu'il y a si long-temps que ie suis esté en votre degré, et ay si longuement exercé la charge de Capitaine de gens de pied, de Maistre de Camp par trois fois, et de Colonel, il faut que vous croyez, que j’ay retenu quelque chose de cet estatlà, et que par longue experience ay veu aduenir aux Capitaines beaucoup de bien, et à d’autres beaucoup de mal. De mon temps, il en a esté degradé des armes et de Noblesse, d’autres ont perdu la vie sur vn échaffaut, d’autres deshonnorez et retirez en leurs maisons, sans que jamais les Roys ny autres en ayent voulu faire plus compte. Et au contraire i’en ay veu d’autres paruenir, qui ont porté la picque à six francs de paye, faire des actes si belliqueux, et se sont trouuez si capables, qu’il y en a eu prou, qui estoient filz de pauurès laboureurs, qui se sont auancez plus auant que beaucoup de Nobles, pour leur hardiesse et vertu. Et pource que toutes ces choses sont passées pardeuant moy, j'en puis parler sans mentir.

Sa piété.

Seigneurs et capitaines, qui me ferez cet honneur de lire ma vie, n’y apportez nul mal-talent. Croyez que j’ay dit le vray, sans desrober l'honneur d’autruy; et sçay bien qu’il y en aura, qui mettront en dispute mon escrit, pour voir si l’auray touché quelque mensonge, pource qu’ils trouueront que iamais Dieu n’a accompagné plus la fortune d’un homme, pour les charges qu’il a euës, que la mienne. Si les asseureray-ie, que j’ay laissé infinies particularitez à escrire : car ie n’auois iamais rien escrit ni pensé à faire des liures. J’estois incapable de cela, mais pendant ma derniere blesseure, et mes maladies, j’ay dicté ce que ie vous en laisse : afin que mon nom ne se perde, ni de tant de vaillans hommes, que j’ay veu bien faire: car les historiens n’escriuent qu’à l'honneur des Roys et des Princes. Combien de braues soldats et gentilshommes ay-ie nommé icy dedans, desquels ces gens ne par-

lent du tout, non plus que s’ils n’eussent iamais esté ? Celui qui a escrit la bataille de Cerizolles, encore qu’il me nomme, en parle toutesfois en passant. Si me puis-je vanter que i’eus bonne part en la victoire, aussi bien qu’à Bologne et Thionuille : et ces escriptures n’en disent rien, non plus que de la valeur d’un grand nombre de vos peres et parens que vous trouuerez icy. Or ne trouuez pas estrange, si l’ay esté si heureux, comme j’ay escrit, car ie ne me suis jamais proposé que ma charge, et ay reconnu que tout venoit de Dieu, auquel ie remettois tout, quoique les Huguenots m’ayent estimé un Atheiste. Ils sont mes ennemis, et ne les faut pas croire. Encores que j’aye eu des imperfections et des vices, et pe sois pas saint, non plus que les autres: (ils en ont leur part, quoy qu’ils fassent les mortifiez) si est-ce que j’ay tousiours mis mon esperance en Dieu, reconnaissant qu’il falloit que de luy vint mon beur ou mon malheur, luy attribuant toutes les bonnes fortunes qu’il me donnoit à la guerre. Je ne me suis iamais trouué en faction quelconque, que ie ne Faye appellé à mon aide, et n’ay passé iour de ma vie, sans l’auoir prié et demandé pardon. Et, plusieurs foys ie puis dire auec verité, que ie me suis trouué voyant les ennemis, en telle peur que ie sentois le coeur et les membres s’affoiblir et trembler (ne faisons pas des braves, l’apprehension de la mort vient deuant les yeux) mais comme j’auois fait mon oraison à Dieu, ie sentois mes forces reuenir. Elle estoit ainsi l’ayant dès mon entrée aux armes, apprise en ces mots, Mon Dieu qui m'a créé, ie te supplie garde moy l’entendement : afin qu'auiourd’huy 1e ne le perde : car tu me l’as donné et ne le tiens que de toy. Que si tuas auiourd'huy determiné ma mort fais que ie meure en repulaltion d’on homme de bien, laquelle ie recherche auec tant de perils. Je ne te demande point la vie: car ie veux tout ce qu'il te plait. Ta volonté soit faite. Je remets le tout à ta diuine bonté. Puis ayant dict mes petites prieres latines, ie promets et atteste deuant Dieu et les hommes, que ie sentois tout à coup venir une chaleur au coeur et aux membres : de sorte que ie ne l’auois pas acheué que ie ne me sentisse tout autre que quand ie l’auois commencé. Je ne sentois plus de peur: de façon que l’entendement me reuenoit ; et avec vne promptitude et iugement, ie connoissois tout ce qu’il me falloit faire sans l’auoir iamais perdu en combat que ie me suis trouué.

Instruction pour les Gouverneurs des places.

Gouuerneurs et capitaines, vous deuez prendre quelque exemple icy, pour ce qu’il y en a, qui disent quand ils ont rendu ve place que les soldats n’ont point voulu combattre, outre que les gens de la ville les vouloient trahir, et les ont forcez d’entrer en capitulation et composition. Ce ne sont qu'excuses, croyez-moy. Ce qui vous force c’est vostre peu d'experience, Messieurs mes compagnons, quand vous vous trouuerez en telles nopces prenez vos beaux accoustrements, parez-vous : lauez vous la face de vin Grec: et la faites deuenir rouge: et marchez ainsi brauement parmy la ville et parmy les soldats, la care leuée, ne tenant jamais autre propos, sinon que bien tost auec l’ayde de Dieu et la force de vos bras et de vos armes, vous aurez en despit d’eux la vie de vos ennemis, et non eux la vostre : qu’ils ne sont pour vous venir attaquer dans vostre fort: que c’est ce que vous desirez le plus : car de là depend leur ruyne et vostre deliurance. Et de ceste sorte iusques aux femmes prendront courage, et les soldats pareillement: mais si vous allez auec vn visage pasle ne parlant à personne, triste, melancolique et pensif, quand toute la ville et tous les soldats auroient coeur de lyons, vous leur ferez venir de moutons. Parlez souuent auec ceux de la ville en quatre ou cinq parolles, et pareïillement aux soldats, leur disant, Et bien mes amis, n’auez vous pas courage? Je tiens la victoire nostre, et a mort de nos ennemis desia pour asseurée : car l'ay ie ne sçay quel presage en moy, que quand il me vient, ie suis tout asseuré de vaincre, lequel ie tiens de Dieu et non des hommes. Parquoy reposez vous sur moy, et resoluez vous tous de combattre et sortir d’icy auec honneur et reputation. Vous ne pouuez mourir qu’vne fois : c’est chose qui est destinee. Si Dieu l’a ordonné, vous auez beau fuir. Mourons donc auec honneur : mais il n’y a nulle apparence de danger, ains plutost pour nos ennemis, sur lesquels nous auons tout auantage. Et qui voulez vous, Gouuerneurs et Capitaines, qu’ose dire, qu’il a peur, vous voyans resolus en ceste sorte : ie vous dis, que quand ils en trembleroient, ils la perdroient : et deuiendra le plus poureux aussi

bardy, que le plus courageux de la trouppe. Jamais les soldats ne s’estonneront tant qu’ils verront la hardiesse de leur chef durer. Et tout ainsi que le chef remporte la louange, et que le reste n’a rien, sinon celle que leur chef leur donne, deuant le Prince: ainsi doit le chef se resoudre de ne monstrer iamais auoir peur. Car en faisant cela les soldats mesmes en porteront bon tesmoignage : et ainsi la reputation qu’il aura acquise, luy demeurera, sans que iamais aucun y contredise. Je ne vous conseille donc rien, que ie ne l’aye esprouué moy-mesme, non seulement là, mais en plusieurs endroits, comme vous trouuerez dans ce Liure, si vous auez la patience de le lire. Or voicy l’ordre que ie fis pour le combat et pour toute la ville. Je vous represente toutes ces particulafitez, sans me contenter de dire que Sienne fust assiegee, où ie soustins le siege neuf ou dix mois : et puis ie capitulé forcé de famine : Car de là le Capitaine, le Lieutenant de Roy, le soldat n’en peust pas faire profit. C’est l’Historien. De ces gens il n’en y

, à que trop. Je m'’escris à moy mesme: et veux instruire ceux qui viendront apres moy. Car n’estre né que pour soy: c’est à dire en bon François, estre né vne beste. :

Montluc à Sienne ! (1555).

Il arriua va gentil-homme de la chambre de l'Empereur, portant lettres au Duc de Florence et au Marquis, par lesquelles leur mandoit qu’il trouuoit fort estrange, qu’on fit tant durer ceste

t Le roi de France Henri II et l'empereur Charles-Quint, peu avant son abdication, se faisaient la guerre en Italie. Par des intrigues le roi fit révolter les habitants de Sienne. Ils chassèrent de leur ville la garnison espagnole, mais leur citadelle était ruinée. De Strossi, gouverneur de la place, fut appelé au commandement des troupes qui tenaient la campagne. Montluc, nommé par le roi, le remplaça. Il défendit la ville pendant un long siége avec le courage le plus héroïque contre les Impériaux que commandaient le duc de Florence et le marquis de Marignan. Dans la place se trouvaient sous ses ordres Cornélio, chef d’un corps d’Italiens, et Rincroc à la tête des Allemands engagés au service du roi. Charles-Quint s impatientait de la longueur du siége. On était au mois de janvier : Charles-Quint abdiqua vers la fin d'octobre.

guerre, et qu’il sçauoit bien que Sienne n’estoit pas pour resister contre l’artillerie, mais que c’estoit la coustume du Marquis de faire durer la guerre. Le Marquis remonstroit, qu’il auoit fait tout ce qui estoit possible en luy : et qu’il cognoissoit bien, qu’auec l’artillerie on ne la prendroit pas, car j’auois de vaillans hommes là dedans, et la ville resoluë de combattre auec moy: me rendant plus d'honneur, que ie ne meritois, me loüant de grande vigilance, et de pouruoyance, de sorte qu’il cognoissoit bien, à l’ordre que ie tenois dans la ville, qu'il perdroit le temps de faire batterie. Toutesfois estant venu ce dit gentil-homme pour cest effect, de la part de l'Empereur, et ayant desia parlé au Duc de Florence Come de Medicis, ils firent resoudre le Marquis à faire batterie Il n’auoit rien obmis de ce qu’vn homme de guerre deuoit, nous tenant bridez sans esperance de secours : et toutesfois on l’acusoit de vouloir faire durer la guerre. C’est l'ordinaire, lorsque les choses ne sont pas conduites à l’appelit de ceux qui en parlent à leur aise. Le desir de ceux, que nous seruons, va plus viste, que nous ne pouuons.

Vers le vingtiesme de Januier nous fusmes aduertis, que l’artillerie partoit de Florence en nombre de vingt-six ou vingt-huict canons, ou grandes couleurines. Les Siennois furent curieux d’enuoyer espier, pour en sçauoir la verité : trouuerent qu'elle arriuoit à Lusignano, qui mit la cité vn peu en trouble : et à la fin le lendemain de l’aduertissement ils resolurent d’assembler toute la Noblesse et Citoyens au Palais, pour resoudre entr’eux s’ils deuoient endurer l’assaut, ou composer auec le Marquis, Or là il ne me falloit pas faire le mauuais : car ils estoient plus forts que moy : falloit tousiours gagner ces gens là auec remonstrances et persuasions douces et honnestes, sans parler de se courroucer. Croyez que ie forçay bien mon naturel, contre l’aduis de monsieur le (onnestable, qui m’auoit representé et depeint au Roy comme il m’auoit veu en mon aage boüillant. Il faut qu’vn capitaine et Gouuerneur sage, et aduisé, quand il est parmy les nations estrangeres tasche tant qu’il peut, se conformer à leur humeur. Parmy les Allemans et Suisses il faut faire carroux : auec les Espagnols tenir leur morgue superbe, et faire plus le Religieux et deuotieux qu’on n’est : parmy l'Italien, estre discret et sage, ne l’offencer, ny caresser leurs femmes. Quant au François il est à

tout faire : tant y a que Dieu me fit la grace, qui suis Gascon, prompt, colere, fascheux, et mauuais patient, de me comportersi bien parmy cette nation soupçonneuse et deffiante qu’il n’y eust citadin, qui se peust plaindre de moy. Or comme toute la noblesse et Seigneurie de la ville alloit au Palais, Misser Hieronyme Espano, qui esloit gentil-homme Siennois, et des plus grands de la ville, et des huict de la guerre, auant qu’aller au Palais, vint hastiuement parler auec le Sieur Cornelio, et luy dit comme tous les Seigneurs qui estoient de la cité, estoient appellez à se rendre au Palais incontinent, et que c’estoit pour resoudre s’ils deuoient attendre la batterie, ou entrer en composition auec le Duc de Florence et le Marquis de Marignan, et qu’il auoit desia entendu que la pluspart balotteroient qu’on deuoit entrer en composition, et non endurer la batterie et l’assaut, pour la crainte qu’ils auoient d’auoir pis, et qu’il s’y en alloit, et le pria de m’aduertir. Tout incontinent le Sieur Cornelio vint à moy, et me trouua que ie voulois monter à cheual, pour aller voir les gardes : et comme il m'’eust dit cela, montasmes tous deux à ma chambre, et discourusmes longuement quels moyens il y auroit de rompre ce coup. Et en mesme instant arriua le Seigneur Bertholomé Caualcan, qui m'en dit autant, et qu’il pensoit bien que desia la resolution estoit prinse par toute la ville, et qu’ils n’alloient au Palais, sinon pour balotter. Et que s’ils l’auoient vne fois balotté, il n’en falloit plus parler.

Or tous trois estions bien empeschez, eux de me donner conseil, et moy de ne le sçauoir prendre. A la fin ie m’aduisay d’aller au Palais, et emmener avec moy le Rincroc et ses capitaines, le Seigneur Cornelio auec les siens Italiens, et Combas auec les Capitaines François. Nos Allemans commencoient fort à pastir de vin, et le pain bien petit, car de chair il ne s’en parloit plus, sinon de quelque cheual, ou quelque asne, qu’on mettoit en vente à la boucherie, et d'argent il ne s’en parloit plus du tout : car monsieur de Strossi n’auoit nul moyen d’en y faire entrer : qui nous mettoit en crainte, que les Allemans se ioindroient auec la ville, pour entrer en composition. Qui fut cause, que ie priay le sieur Cornelio d’aller parler auec le Rincroc, et le priay de me faire compagnie au Palais, et amener ses Capitaines auec luy, et qu’il laissast les Lieutenans et Enseignes en leur quartier chascun :

afin qu’estant au Palais il n’aduint quelque surprinse autour des murailles, et luy qu’il en fit de mesmes : et manday au Capitaine Combas que pareillement il vint: et enuoya le sieur Bartholomé diligemment au Palais, pour regarder s’il pourroit gaigner quelqu’vn secrettement, pour ayder à rompre ceste boutée. Car il me sembloit bien aduis, que si ie pouuois rompre ce coup, ie praticquerois tant de gens, que la balote blanche seroit la plus forte : et ainsi s’en allerent tous hors de ma chambre, et ne leur dis rien de ce que ie voulois faire.

Or j’estois encore si tres-extenué de ma maladie, et le froid estant grand et aspre, l’estois contrainct d’aller si enueloppé le corps et la teste de foureures, que quand l’on me voyoit aller par la ville, nul ne pouuoit auoir esperance de ma santé, ayant opinion que l’estois gasté dans le corps, et que ie me mourois à veuë d’œil. Que ferons nous, disoient les Dames et les poureux, (car en vne ville il y en a d’vnset d’autres) que ferons nous si nostre Gouuerneur meurt ? Nous sommes perdus : toute nostre fiance apres Dieu est en luy. Il n’est possible qu’il en eschappe. Je croy fermement que les bonnes pricres de ces honnestes femmes me tirerent de Pextremilé et langueur où l’estois, i’entends du corps: car quant à l’esprit et entendement ie ne le sentis iamais affoiblir. Ayant donc accoustumé auparauant d’estre ainsi embeguiné, et voyant le regret que le peuple auoit de me voir ainsi malade, ie me fis bailler des chausses de veloux cramoisi, que i’auois apportées d’Albe, couuertes de passement d’or, et fort decoupées et bien faites : car au temps que ie les auois faites faire, i’estois amoureux. Nous estions lors‘de loisir en nostre garnison, et n’ayant rien à faire il le faut donner aux Dames. Je prins le pourpoint tout de mesme, vne chemise ouurée de soye cramoisie et de filet d’or, bien riche, (en ce temps là on portoit les collets des chemises vn peu auallez) puis prins va collet de bufle, et me fis mettre le haussecol de mes armes, qui estoient bien dorées. En ce tems là ie portois gris et blanc, pour l’amour d’vne Dame, de qui i'estois seruiteur, lorsque lauois le loisir : et auois encore vn chappeau de soye grise, fait à Allemande, avec vn grand cordon d’argent, et des plumes d’aigrette, bien argentées. Les chappeaux en ce temps là ne couuroient pas grands comme font à ceste heure : puis me vestis vn casaquin de veloux gris garny de petites tresses d’argent à deux

petits doigts l’vn de l’autre, et doublé de toille d’argent, tout decoupé entre les tresses, lequel ie portois en Piedmont sur les armes. Or auois-je encore deux petits flascons de vin grec de ceux que monsieur le Cardinal Darmagnac m'’auoit enuoyez. Je m'en frottay vn peu les mains, puis m’en lauay fort le visage, iusques à ce qu’il eust prins un peu de couleur rouge, et en beus, prenant va petit morceau de pain, trois doits, puis me regarday au mi- - roir. Je vous iure, que ie ne me cognoissois pas moy mesme, et me sembloit que j’estois encore en Piedmont amoureux, comme ie l’auois esté. Je ne me peus contenir de rire, me semblant, que tout à coup Dieu m’auoit donné tout vn autre visage.

Le premier qui arriua à moy avec ses capitaines fut le Sieur Cornelio, et le comte de Gayas, monsieur de Bassompierre Commissaire, et le Comte de Bisque, que i’auois enuoyé querir. Et comme ils me trouuerent de ceste sorte, se prindrent tous à rire. Je brauois par la salle, plus que quatorze : et n’eusse pas eu la puissance de tuer vn poullet : car j'’estois si foible que rien plus. Combas et les Capitaines François arriuerent aussi. Toute ceste farce ne tendoit qu’à faire rire les vns et les autres : et le dernier ce fut le Colonnel Rincroc et ses Capitaines, qui comme il me vist de ceste sorte, il se mit à sanglotter de force de rire : etie le prins par les bras et luy dis, Et quoy Seigneur Colonnel, pensez vous, que ie sois ce Montluc, qui va tous les iours mourant par les ruës ? Nany, nany: car celuy-là est mort: et ie suis vn autre Montluc. Son truchement le luy dit, qui le faisoit encores plus rire, et desia le Sieur Cornelio luy auoit dit la resolution, pourquoy ie l’enuoyois querir, et qu'il falloit, que nous ostissions par une sorte ou par autre ce doute, qui estoit parmy les Siennois. Et ainsi nous allasmes tous à cheual au Palais, et comme nous eusmes monté le degré, nous trouuasmes la grande salle toute pleine de Noblesse et de Bourgeois de la ville, qui estoient du conseil. Or à main gauche il y a vne petite salle, en laquelle n’entre' que les Capitaines du peuple, les douze Conseillers, et les huict de la guerre : tout cela se nomme le Magistrat. J’entray ainsi en la grand” salle, et leur ostay mon chappeau. Je ne fus cogneu de personne de prime abordée, ains penserent tous que ie fusse

1 N'entre pour sl n'entre.

quelque gentil-homme, que monsieur de Strossi eust enuoyé dans la ville pour commander l'assaut, à cause de ma foiblesse. J’entray dans la petite salle, et tous les Capitaines et Colonnels apres moy, lesquels demeurerent debout aupres de la porte : etie m'allay asseoir aupres du Capitaine du peuple, où ceux qui tenoient le lieu du Roy auoient accoustumé de seoir, comme j’auois fait souuent. Et en entrant mon chappeau à la main, ie me sousriois vers l’vn et vers l’autre : tous s’esmerueilloient de me voir.