JEAN GERSON

Chancelier de l’Université de Paris et chanoine de Nostre Dame, Gerson avait adopté pour maxime: « Faites pénitence et croyez à l'Evangile. » Courageux, incorruptible, plein de savoir et de piété, il se montra également habile dans la conduite des affaires de l'Eglise et de l'Etat. Son intégrité et sa fermeté le firent respecter au Concile de Pise. À celui de Constance, représentant de Charles VI, de l'Eglise de France et de l’Université, il dirigea toutes les délibérations t.

Harangue au roi Charles VI.

« Vivat rex, vivat rex, vivat rex. » Vive le roy, vive le roy, vive le roy. Cy offre et propose ceste belle salutation, la fille du roy, la mere des estudes, cler soleil de France, voir de toute chrestienté l’Université de Paris, de par laquelle nous sommes icy envoyez, en la presence tres honorable de vous tres nobles excellens roy, princes, et vous tous messeigneurs du hault et tres sage conseil, où est representee la dignité, magnificence et majesté royale; sommes envoyez, dis je, pour parler de la vie du roy, de son bien et de tout son royaume. Non point par auctorité, maistrise ou presumption (soit hors telle oultrecuidance), mais par toute humilité et devote exhortation, comme fille tres-obeissante au pere et du pere : et comme subjecte loyale de son souverain et droicturier seigneur.

1 Nous empruntons aux Leçons et Modèles de M. Tissot les deux morceaux suivants et la notice qui précède le second.

Pour oster toute occasion en estat de chevalerie, de se livrer à mauvaises actions, gens d’armes et souldoiers doivent bien estre payez, pour bien payer ce qu’ils prennent. C’est le commandement de sainct Jan-Baptiste : Contenti estote stipendits, et neminem concusserilis, si payement faut aux gens d’armes ; ils s’excuseront de payer, se ils ne payent, ils pilleront et roberont sur les pauvres gens tres-outrageusement, d’aultruy cuir‘ large courroye. Après que s’ensuit-il au pauvre peuple? Il s’en convient fuir * devant eux, comme brebis font devant les loups : et ne vauldroit-il pas donc mieux au pauvre peuple estre sans deffence, que tels protecteurs, ou tels pillars avoir? Vrayement il n’est langue qui suffit* à descrire la tres-miserable indignité de ceste besongne. Je vous supply que vostre tres-noble, tres-piteux et tres-bening courage parface en misericorde et compassion, ce que je ne pourroye jamais exposer par quelque parolle ou lamentation. Las! un povre homme aurail payé son imposition, sa taille, sa gabelle, son fouage. son quatriesme, les esprons du roy, la saincture de la royne, les truages, les chaucées, les passages : peu luy demeure : puis viendra encores une taille qui sera creee, et sergens de venir et de engager pots et poilles. Le povre homme n'aura pain à manger, sinon par adventure aucun peu de seigle ou d’orge, sa pauvre femme gerra*, et auront quatre ou six petits enfants au fouyer, ou au four, qui par advanture sera chauld, demanderont du pain, crieront à la rage de faim. La pauvre mere si n’aura que bouter es dents que un peu de pain où il y ait du sel. Or devroit bien suffire cette misere : viendront ces paillars qui chergeront tout : ils trouveront par adventure une poule avec quatre poussins, que la pauvre femme nourrissoit pour vendre et payer le demeurant de sa taille, ou une de nouvel creee, tout sera prins et happé, et querez qui paye. Et se l’homme ou la femme en parlent, ils seront vilennez, rançonnez et'garçonnez, se ils veulent poursuivre le payement, ils perdront leurs journees, ils despendront au double et finablement n’en auront rien: fors par adventure une cedule chantant que on doibt à tel tant; voire, dit l’autre, et devra. Que vous

1 Gr. ( 19.

3% Il convient (Lex.) s'enfuir.

4 De gesir. Gr. ( 29.

semble-il que peult avoir pis le pauvre bon homme? peult avoir pis. Certes encore est le plus grief, s’entre battront gens d’armes, qui ne sont point contens de rien prendre où rien n’a, mais mepassent de paroles, et battront de faict l’homme ou la femme : ou bouteront le feu en l’hostel s’ils ne rançonnent, et font finances à tort et à travers, d’argent, ou de vins et vivres: je me tais des efforcemens des femmes vefves et autres. Ce par adventure semble petite chose, pour ce que je ne parle que d’un homme. Croyez, messeigneurs, tout de certain, comme la mort, que il y en a mil et mil, et plus de dix mil par le royaume pis demenez que je n’ay dit. Tres haults et tres excellens seigneurs, à ces paroles vostre cueur tant bening se tourne à compassion, je n’en doute point, et à bon droict. Hé, Dieu, et que seroit-ce si vous voyez ces horribles et tres-cruels faicts ainsi faire à l’œil comme ils se font ? N'est point à croire que vous ne pourveussiez tres hativement de remede avant que vous dormissiez de ferme somme en lict. Vos nobles personnes ne font pas, ou commandent telz outraiges, on le sait bien : mais il ne suffist pas, n’estes excusez envers Dieu et raison : pardonnez- moy si je parle franchement. Il ne suffist pas, dis-je, si vous ne les empeschez realement, et de faict. Aucuns dient bien à leurs varlets, quand on se plaint d’eux : « N’emportez rien : » mais en bas, ou à part, ou en autre langage, dient : « Point, point, allez prenez tousjours. » Las! quelle chose est servitude es subjects quelconques, se c’est ici franchise ! ou est ce beau tiltre de roy, Francorum rex? Le roy des François. Trop est perdu, ce me semble, en plusieurs du royaume. On parle d’aucuns païs gouvernez par tyrans, qui travaillent en plumant leurs subjects : mais le demeurant est seur et bien gardé, tellement qu’il n'est homme qui osast ravir un seul poussin, ou geline, sur la hàrt. Et n'est-ce pas chose intolerable aux subjects que quand rien n’est seur ne en cors, ne en meubles, ne en conscience : car le paoureux soucy, l’angoisseuse doubte continuelle d’estre pillez par prince, ou par gens d'armes, leur fait tres griefs, tres impatiens et douloureux tourmens : tant que de nostre temps plusieurs sont cheux en desespoir, et se sont occis, Dieu quelle horreur ! ils se sont occis l'un par pendre, l’autre par noyer, l’autre par ferir d’un cousteau au cueur. Las! que pourront respondre au destroit du jugement de Dieu, ceux qui ont donné cause de telle perdition de chrestiens

en corps, et que pis vault, en ame : si Dieu ne les a prins à mercy, si Dieu ne fera point de misericorde à ceux qui ne l’ont point faicte : quele rigueur monstrera-il à ceux qui auront cette cruauté procuree ? Toy, prince, tu ne faicts pas telz maux, il est vray, mais tu les souffres ; advise si Dieu jugera justement contre toy en disant: « Je ne te punis pas; mais si les diables d’enfer te tourmentent, je ne les empescheray point: c’estoit mal pour toy. » Et n'est-ce pas merveilles comme gens qui n’ont rien de foy, de loy et de conscience ne pensent quelle absolution pourront recevoir, ou quelle satisfaction faire es cas dessus dicts. N’est si sage confesseur qui souvent y sache trouver tour ou issue, Dieu y pourvoye, Non dimillitur peccatum, nisi restitualur ablatum. Il convient de rendre ou pendre.

Quant mesnages se sont partis du royaume par tels outrages : quantes mortalilez en sont venues sur enfans, hommes et bestes par defaulte de nourriture, ou par malle nourriture; les Jabourages se laissent à faire, c’est pitié de le savoir : car ils n’ont de quoy semer, ou ne osent tenir chevaux ne bœufs pour doubte ‘des princes, ou gens d’armés, ou n’ont courage de labourer, pour. ce que rien ne leur demeure. Et leurs enfans par lesquels les anciens peres devroient estre aidez, incontinent s’en partent : « Nous aymons mieux, dient-ils, faire le gallin gallant, que labourer sans rien avoir. » Ainsi fault aucune fois que les bonnes gens froissez de vieillesse, tirent à la charrue quand ils deussent avoir repos. Et quoy oultre les vaillans nobles bien rentez, ne peuvent estre payez de leurs hommes et rentiers; où rien n’a, le roy perd son droict : ceux de l’eglise le sentent toutefois tres-bien. Les pauvres mendians crient à la rage de faim: pour ce que rien on ne leur donne. On voit cecy à l’œil en quelque estat que ce soit, par telles choses les edifices royaux, et de la chose publique, chasteaux, ponts, chaussees, moulins du tout se perdent. Et quant au faict de la guerre, jugez par ce qui est dict, comme les loyaux subjects sont plus grevez par gens d’armes, que par les ennemis du royaume: Dieu par sa grace y veuille mettre remede brevement, par le moyen de vous tres nobles et excellens seigneurs : afin que le roy vive de vie civile et politique : Vivat rex. .

LE LIVRE DU TRÈS-CHEVALEREUX CONTE D'ARTOIS ET DE SA FEMME FILLE AU COMTE DE BOULOGNE.

Ce petit roman de chevalerie, peu étendu, s’est conservé dans deux manuscrits du XV° siècle. Le langage se rapproche plus du XIVe que des historiens du XVe, dont nous transcrirons bientôt des fragments.

Comment le conte* d'Artois ala devant Guernade* où 1l vainquist les Sarasins et fist fuyr par sa prouesse.

Quant les crestiens se furent mis aux champs, et le roy de Castille apres, ilz furent extimez à vingt-cinq mille et non plus, et exploicterent leur voyage tans qu’ilz entrerent au pays de Guernade, et illec commencerent à faire tous explois de guerre, que long seroit mectre par escript. Si loua et conseilla le conte d’Artois de faire une course devant Guernade, ainsois que plus fussent fortiffiez ceulx de la ville, disans que se du commencement ilz leur pouvoient faire domaige que trop mieulx s’en porteroit leur besoingne, et plus en seroient effraez leurs ennemis. Le conseil sembla bon, si en fut la charge donnée au conte d’Artois, qui en fist requeste ; et luy fut baillié dix mille hommes® avec le,conte de Castres et celluy de Bonnevent, qui moult desiroient veoir sa chevalerie. Et pour abregier, le conte d’Artois, garny de bonnes guides * et chevaulcheurs, tira pays avec ceulx de sa compaignie par si grant dilligence, que sans effroy faire il se vint embuscher au plus pres de Guernade, en lieu si propre que plainemant porroit veoir toute la conduite de ses ennemis ; et adonc il ordonna lung de ses chevaliers ou moult se fioit, pour faire une aultre embusche plus pres de la ville, à tout mille combatans, desquelz il envoyeroit deux cens pour eslever le bestial et commancier l’es-

Lex.

Grenade.

Gr. ( 68.

Gr. À 7.

Gr. ( 18.

A à tt 1 »

carmuche, comme plus saigement' le pourroient faire ; tandis que ceulx de leans feroient leur yssue, et ainsois que trop grant besoing les surprenist, ils se mectroient par-devers les aultres huit cens, qui les recueilleroient et entretiendroient pour une espace, tant que la force et puissance des payens seroit aux champs. Alors commanda le conte qu'ilz faindissent estre esgarés et tellement effraiez, que sans deffence nulle ils tournassent le dos pour prendre la fuite, affin que quant les Sarasins, desroiés par ceste chasse, se mectroient à la course apres eulx, et qu'ilz auroient passé toutes les embusches, le conte avec les siens, tous à une fois, se mesleroient parmy eulx; si disoit en conclusion que par . cest moyen ilz leur pourteroient tel domaige qu’il en seroit parlez en honneur jusques en l’ost du roy de Castille.

Le chevalier, prest de faire plaisir au noble conte d'Artois, dist que par ceste maniere en fera-il ; si se partit et fist son approuche tant bien, c’oncques payen ne s’en donna garde ; et de fait envoya ses coureux à cuillir la proie, comme il est cy-dessus devisé ; pourquoy le cry et le huy fut lievé en la ville, si grant que le Roy en sceut les nouvelles en Guernade, que jamais n’eust pensé que les crestiens heussent fait sur luy si grande entreprinse et si haulte, actendu que du tout les avoit comme tous esbahis ; et toutes voies estoit-il adverty de l’armée que le roy de Castille mectoit sus, mais de sa soubdainneté ne se donnoit-il garde. Au fort, il fist armer ses hommes hastivement, et les fist conduire par son admiral de Guernade, lequel se mist aux champs à tout ce qu’il peult avoir de gens prest pour cuidier le bestail recovrer, lequel luy fut deffendu à l’espée moult vaillenment, et de fait emmené saulvement malgré les Sarrasins, dont gaires l’admiral ne fut joyeulx, et par especial pour ce que si petit nombre de gens luy eschappoient, et avoient ceste besoingne aschevée. Nonobstant, il se mist avec ses hommes assievir ? les coreux crestiens, qui comme gens bien apriz et conduis se tirerent en leur premiere embusche, et là furent fais de moult biaulx faiz d’armes c’on ne pourroit bonnement amentevoir. Si s’entrelindrent les crestiens si serrés et en telle ordonnance que par leur force ils reculerent les payens, et assés tost en eussent delivré la place, quant plus de xxx mille yssirent hors de

2 Au lieu de à sievir. Lex.

Guernade, faisans trompectes et clairons sonner au plus hault, et se vindrent joindre avec leur admiral, qui tressuoit de honte et de dueil ; et illec rassembla en ung mont ses hommes, jurant ses quatre Dieux‘ qu’il seroit vengiez des Castillains, et les deust* poursuir jusques en Castille. Mais en tant qu'il ralioit et prioit ses gens du bien faire, vous devez croire que le bestial se esloignoit d’eulx, et la premiere embusche commença, au commandement de leur capitaine, à prendre la fuite pour mieulx decepvoir les payens, lesquielz ne cuidoient jamais venir assés à temps pour les destranchier et mectre à mort; ainsois leur meneur l’admiral de Guernade, desirant de vengier sa perde, tout le premier s’esmut, et en courant de plains eslais disoit: Apres ces chetifz crestiens, biaulx seigneurs! fait il; apres! apres! car ils ne nous osent actendre, et si ne nous pevent eschapper se lascheté ne nous tient. À ces mots poindirent payens apres leur cappitainne de si grant roideur, que ce sembloit tempeste qui corist sur la terre, et noz gens devant, qui bien savoient faire du desconfist; si fut la cause principale dont les payens furent deceuz, qui tant les sievyrent qu’ilz passerent l’embusche du conte d’Artois, qui leur affaire avoit bien regardez du commancement jusques en fin. Si ne fit plus long sejour, car tant advisé de son fait estoit, et tant avoit amonnesté et prié par belles paroles ceulx de sa compaignie, que mieulx eussent voulu morir en la place que de monstrer cohardise et paour. Si desrouterent ensemble et se ferirent en leurs ennemis de telle voulenté que chacun de prime venue pourta le sien par terre. |

Saincte Vierge dame! que payens furent esbahis quant si subtilement se trouverent environnez et encloz de crestiens. Les plus hardis et diligens à la poursuicte eussent bien volu estre hors de cestuy dangier. Mais comme l’en dit de coustume, il convient de tel boys comme l'on a, faire le feu. Là se mist à deffense qui ne voulut morir ou vivre honteusement, car à peine eussent les Sarrasins sceu fuir pour lors; pour ce se tindrent fors l’estour, qui trop leur fut soudain et domaigable, et ne savoient mectre

1 Nos ancêtres prêtaient quatre dieux aux Sarrasins: Mahon, Tervagant, Apolin et Jupin.

2 Düt-il.

3 Gr. 4, 80.

conseil en leur ordonnance, tant les hasta de pres le noble conte d'Artois, lequel, au cours de sa lance, les tresperçoit et reversoit en ung mont. Il crioit Castille! Castille ! à grant alaine pour ses gens esjoyr. Et quant il tint l’espée au poing, Dieu scet comment il la faisoit sentir amerement à ses ennemis! lesquelz le fuyoient comme la mort, et disoient par les merveilleux fais d’armes qu’il luy veoyent achever: Fuyons! fuyons! car veez là le Dieu des crestiens qui se combat pour ceulx de sa loy. Le criz fut en sa. venue si enforcié, que bien l’entendirent ceulx de la premiere embusche, qui à cop retournerent sur leurs ennemis, et si vigorieusement les assaillirent que tout trembloit devant eulx. Et ceulx qui nagaires les chassoient, furent deschaciez d’eux honteusement. L’admiral de Guernade, voyans Sarasins fremir et esbahir, les en resprist durement en disant : Mal vous y pourtez, biaulx seigneurs, quant pour ung petit monceau de gens vous voy ainsi desbaretez ; et mal monstrez que soyés amis du Roy, quant son honneur laissiés ainsi admendrir par ceulx qui vers vous n’auroient durée, se vostre devoir vouliés faire. Mal vous souvient des belles victoires, des grandes richesses et des grandes batailles qu’en sa compaignie avés tant de fois gaignies. Mais par la foy que je doy à mon dieu Mahon, se les faulx crestiens nous eschappent par vostre coulpe, la perte en tournera sur voust Et tant leur dist cestuy admiral, qu’ilz se rassemblerent et prindrent cuer plus fier que devant, et à son exemple corirent sus aux cresliens, qui ne les doubterent se petit non. Là furent faictes plusieurs appertises d’armes, tant de l’une des parts comme de l’autre, de quoy le raconter seroit chose trop longue; et aussi, à faire comparaison, r’estoit-ce riens vers les fais du tres eureulx conte d’Artois, qui de plus en plus faisoit haultes merveilles, tant d’occire hommes et chevaulx, comme de sescours à tous besoings ceulx de sa partie; qui gaires n’eussent duré sans son aide et victorieulx secours. Car jassoit ce que payens fussent de couraige tres aspres et hardis, sans monstrer qu’ilz eussent volenté de fuyr, mais engrans de combatre plus que devant, comme ceulx qui estoient tous raliés soubs la grande banniere de Guernade, toutesvoies le grant conte se bouta avec les siens ou milieu d’eux, par telle façon que chascuin cop qu’il ruoit, la mort d’ung homme y estoit, pourveu qu’il l’assenast au plain. Et à vous dire, son corps y fut tant re-

doubtez que les plus fors et mieulx armés fuyoient son encontre et le disoient estre faé ou homme immortel, car jamais n’avoient veu le pareil ne faire à chevalier, tant feust de prouesse paré, le disme de ce qu’il faisoit.

A l’eure que la bataille fut en son feu, et que le conte d’Artois se maintenoit ainsi comme vous o0ez, estoient les deux contes de Castres et de Bonnevent, auprez l’ung de l’autre, regardans par grant admiration le conte d’Artois courre et racourre de bastaille en estour sans cesser abatre chevaliers, fendre heaulmes, percier escus, et finablement tout destruire devant Iuy, dont ilz loerent Dieu de bon cuer, en disant que son corps soufisoit assés pour mectre fin à la doloreuse guerre qui tant longuement avoit le bon peuple crestien tenu en subjection. Si s’esvertuerent, et avecques leurs gens, qui tous estoient garnis de hardiesse, mirent tout pour le tout, c’est-à-dire se habandonnerent pour morir ou estre victorieux, de telle heure que par une puissance ilz se vindrent arrester au lieu où le conte faisoit morir payens par monceaux. Si lu y fist leur venue grant joye, et à pou de paroles, avecques eulx il fendit le rens, abattit leur estendart, et au poursuire encontra devant luy l’admiral de Guernade, si luy donna tel cop au plus hault de son heaulme, que tout estonné le pourla ou milieu des siens, et ne savoit s’il estoit jour ou nuyt, tant fut adolé et mal atourné, dont payens furent comme espardus, et le cuiderent mort, ce que non; mais jamais du champ ne se fust relevé se n’eust esté par l’aide des aulcuns ses meilleurs amys, lesquieuls le remirent à cheval, et pour abregier, avec luy se mirent par destrois et bocaiges à saulveté. Si n’y eult adonc plus nulz conroy tenu ne quelque deffense es payens, car les plus asseurés prindrent la course, et bien eureulx se tint celluy qui en eust loisir; pour quoy vous devez entendre que l’occision y fut grande et terrible, car de xL mille qu’ilz estoient du commencement, il n’en eschappa mie plus de mille, et pour ce qu’ils furent sievys jusques aux barrieres de leurs portes, du conte d’Artois. Toutes voies se saulva 1ÿ‘ admiral avec ceulx qui le releverent et saulverent, Et quant vint à la cognoissance du roy de Guernade, il en fut tant merveilleusement corociez qu’il sembloit qu’il deust son sens perdre.

t Ly, seul exemple de l’ancien article dans cet ouvrage. Suivant la règle du XIllne siècle, il aurait fallu /$ admiraus.

Ainsi qu’en ceste douleur il se pourmainnoit, vint en sale l’admiral non mye si joyeux d’assés comme il s’en partit, mais si matz et recrans qu’il ne se povoit soustenir, dequoy le Roy s’apperceut bien par ramponne :

Vous y avez estez, admiral, fait-il ; mais de chose que vous y ayés faicte, profité ne conquis ne me saroye donner joye, non feroit mon peuple que je vous chargay' de garder, car riens n’y a dont il se doye loer, et pas ne le vous baillay pour faire ainsi morir et destruire par une si petite compaignie de gens, et pour ce que je ne scay entendre comment telle chose puist estre advenue sans vostre coulpe, convient-il que cy m’en dyés la manière. De vos hommes suis-je plus dolant, sire, fait-il: or en demandés la verité qui* qu’il vous plaist; mais quant voulés savoir par qui ceste desconfiture a esté, je vous respond que ce a esté par je ne scay quel dyable, ou le Dieu des crestiens, qui tout jour * ne cessa d’occire gens et faire les plus grandes appertises de quoy on sauroit en histoire parler. Et tant vous dis que pour quelque peine qu’il ait heu, il n’en perdit oncques tant fust peu de vertu ; ainsois, de tant est venu plus advant, de tant estoit-il plus frez et nouveaux. Et se de la force vous ose dire, il n’ataint homme en plain cop qui jamais après ait besoing de mire. Je l’ay rencontré neantmoings sur le rens, car en passant il me donna telle descharge sur mon haulme que tomber me convint * par terre si rudement que je n’en vouldroye encoire autant avoir et actendre pour tout le monde, sy loue les haulx dieux quant de luy suis si bien eschapez; et, à tout conclure, il suffirait assés $ de luy pour destruire tout ung royaulme. Quant le roy payen oy ce, il fut bien esbahis, et fut content de son admiral atant, sans luy dire plus laide parole ; et bien cognoissoit sa bonne vaillance et loyaulté. Si jura, quant il eust une espace * pensé, qu’il assemblera telle puissance que bien s’en vengera. Et dès lors, tout chauldement, il envoya en pluseurs

4 Lex.

# Encore.

6 Lex.

1 Lex.

royaulmes et nacions certains et seurs messagiers pour avoir secours, lesquielx y vindrent,.

Départ du conte d'Artois de la court de Castille et son retour en sa ville d’Arras.

Après les adieux de bon cuer dits, se partit le conte, à qui tardoit d’estre hors du palaix pour le dueil qui s’i faisoit à cause de son partement ; et vint en son logis, où chevaulx sommiers estoient tous pretz, et les pluseurs montés qui l’actendoient. Si ne seult * si tost estre arrivé que jà le Roy n’eusi envoyé de biaulx dons au conte, comme joyaulx, draps de soye, vaisselle, or et argent à grant planté, dont il fut très content, et moult l’en remercia; si ne fut pour ce chiche tenu ne avaricieulx de ceulx qui ce luy presenterent, car tant leur en donna que à merveille fut louée sa largesse. Que feroit on long procès ? Il monta à cheval, et se mist aux champs à si grant regret de tous ceulx de Baldolif*, qu’ilz ne se pouvoient saouller dele convoyer en regretz et bonnes prieres. Auffort 5, il print le chemin que la contesse estoit venue, et chevaulcha tant par ses journées avec l’ambaxade et ses hommes, qu’il entra dedans Paris, où les princes et barons le recuillierent haultement et luy vindrent faire les bienvignans aussitost qu’ilz sceurent sa venue ; et de fait, le menerent devers le Roy, qui grant honneur luy fist pour sa haulte loyaulté et belle renommée, car à la verité ses fais estotent en France aussi communs à toutes gens, qu’ilz eussent estés mesmes en Castille, et où il les avoit victorieusement achievez. Pour le festoyer, le Roy le retinct cincq jours, pendant lesquieulx on fist à la contesse d’Artois scavoir sa venue, et fut incontinant manifesté aval le pays, dont la joye se renforça et deschassa merencolie des cuers où long-temps elle avoit jà ha-

{ Aïnsi s'écrit la troisième personne singulière du présent de l'indicatif de seuldre, soloir, souloir, avoir coutume. Mais ici le sens exige qu'on voie dans seult une forme variée de seut, sut, du verbe saveir, savoir.

£ Valladolid.

# Pour au fort ou fort, au demeurant.

bité. La noble contesse, tant parfaictement joyeuse que plus ne pouvoit estre femme du monde, le manda au conte de Bouloingue son pere et à sa mere, lesquieulx vindrent à Arras; si fut tout apresté diligemment pour recepvoir le conte, qui apres le congié prins au roy de France et tous les princes de sa court, partit de Paris et chevaulcha jusques bien pres de sa ville, où l’en scavoit sa venue; pour quoy le conte de Bouloingne, sa chevalerie et ceulx d'Artois, avecques la clergie revestuz ‘ des vestemens ecclesiastiques, et le commun, allerent au-devant de luy. Si fut la joye grande quant ce vint au recontrer; et somme toute, un milion de bons jours et doulx bienvignans. Ils entrerent ensemble en la ville, où clouches bacteloient joyeusement ; toutes les rues furent pourtendues richement et parées; en pluseurs lieux l’en y monstroit par personnaiges de haulx et biaulx misteres. Les aucuns joyoient jeux joyeulx et plaisans, et les aultres disoient de biaulx dis et balades, selon la faculté louable de rethorique ; et moult se delicta le conte d’Artois au regarder et escouter, pour ce que bien veoit que bonne amour faisoit à son peuple ceste joye faire; et ainsi fut-il amenez en son hostel, que l’en dit la court le Conte, et la vindrent à sa descente la mere et la fille, qui le receurent ensi parfecte liesse, qu’il n’est cuer d'homme qui la moittié non la disme en sceust croire ne en ung jour penser.

Dieux! comme fust la contesse esjoye de veoir son tres-amé Seigneur revenu ; baisiers n’y furent pas en chierté, mais en si grant habandon que l’eaue en la fontaine. Le cuer de la noble dame fut lors par esjoys et si assouvi qu’il ne luy souvenoit de meschiefz qui de son vivant lui fussent advenuz; ains sembloit estre en ung petit paradis en corps et en ame ravie. Des devises joyeuses, des bienvignans et amoureux embrassements n’est ja besoing de faire longue recitacion, car plus en vouldroit l’on parler, plus y trouveroit-on à dire; si nous en souffice à tant, et disons que apres toutes les joyes mises en somme qui cuer humain peuent resjoyr, le conte d’Artois monta en sale, la contesse sa femme conduisant par la main, à destre du conte de Bouloingne et de sa femme avec toute la noblesse, et se seirent à table, où le disner fut plus riche que je ne sauroye dire; lequel finit, tournois

4 Gr. $ 52.

et joustes commancerent jusques à la nuyt, que les devises revindrent. Et ainsi passerent temps les ungs et les autres en la ville d'Arras, en festes et joyeulx esbatements l'espace de huit jours, que on n’y fist aultre chose, et n’estoit neant plus de memoire d’ouvrer que le jour de Pasques. Si devés scavoir qu’il y eult de gracieuses devises entre la contesse d’Artois et son tres desiré mary, qui comme il la veist enceinte fut joyeulx oultre mesure, et d’aultre costé se devisa à son pere, le conte de Bouloingne, et dist de ses adventures au long, comme il est à croire.

Apres ces huit jours doncques, s’en alla chascuin en son lieu, car feste et ung mesme temps ne puet mie tousjours durer ; ainsois convient que toutes choses par nature preignent fin.

CHRISTINE DE PIZAN.

Fille de l’astrologue de Charles V, venue de Pise, instruite par son père dans les sciences et la littérature, Christine de Pizan devint, près de la cour, femme de lettres par goût et par nécessité. Elle composa des ouvrages en vers. Sa prose est meilleure. Connaissant quelques auteurs anciens, elle chercha dans leur imitation l'élégance et la dignité du style, et, même dans ses écrits historiques, l'ampleur et la gravité oratoires. La lenteur de ses périodes eût impatienté la vivacité d’esprit du dix-huitième siècle, mais dans le sien c'était une étude, une préparation à l’éloquence. Le plus important de ses ouvrages est Le livre des fais et bonnes meurs du sage roy Charles V. Instructif par les renseignements, il est à nos yeux particulièrement intéressant pour la connaissance de la langue du XIVe siècle que nous y trouvons dans son intégrité.

Ci dit la phisonomie et corpulance du roy Charles.

Or; me plaist deviser, et raison m’y instruit, la phinozomie ? et personne du susdit noble sage prince.

De corsage * estoit hault et bien formé, droit et lé par les espaules, et haingre par les flans, gros braz et beauls membres avoit

‘ Deux manières d'écrire le même mot à deux lignes d'intervalle. 2 Ce mot ne se dit plus que des femmes.

si correspondens au corps qu’il convenoit, le visage de beau tour un peu longuet, grant front et large ; avoit sourcilz en archiez, les yeuls de belle forme, bien assis, chasteins en couleur, et arrestez en regart; hault nez assez, et bouche non trop petite, et tenues levres ; assez barbu estoit, et ot un peu les os des joes hauls, le poil ne blont ne noir, la charneure clere brune ; mais la chiere ot assez pale, et croy que ce ‘. et ce qu’il estoit moult maigre luy estoit venu par accident de maladie * et non de condicion propre. La phinozomie et façon estoit sage, attrempée et rassise, à toute heure, en tous estas et en tous mouvemens ; chault, furieus en nul cas n’estoit trouvé, ains agmoderé en tous ses fais, contenances et maintiens, tout telz qu’appertiennent à remply de sagece, hault prince. Ot belle aleure, voix d’omme de beau ton, et avec tout ce, certes, à sa belle parleure tant ordenée et par si belle, arrengé sanz aucune superfluité de parolle, ne croy que rethoricien quelconques en lengue françoise ne sceust riens amender.

Cy dit, comment le roy Charles se contenoit en ses chasteaulx, el l’ordre de son chevauchier.

Aulcunes foiz avenoit, et assez souvent ou temps d’esté, que le Roy aloit esbatre* en ses villes et chasteaulx hors de Paris, lesquelz moult richement avoit fait refaire et reparer de solemnelz edifices, si comme à Meleun, à Montargis, à Creel, a Saint-Germain en Laye, au bois de Vincenes, à Beauté, et mains autres lieux ; là, chaçoit aucunes foiz et s’esbatoit pour la santé de son corps, desireus d’avoir doulz et attrempé; mais en toutes ses alées, venues et demeures estoit tout ordre et mesure gardée ; car, ja ne laissast ses cotidiennes besongnes à expedier ainssi comme à Paris.

1 Gr. S 14.

? Froissart dit, vol. 11, chap. 26, qu'il avait été empoisonné daus sa jeunesse, par Charles le Mauvais, roi de Navarre, et qu'il fut sauvé par un médecin alle-

mand que l’empereur Charles IV, sou oncle, lui envoya. 3 Gr. S 66.

L’acoustumée maniere de chevauchier estoit de notable ordre : à tres grant compaignie de barons et princes et gentilz hommes bien montez et en riches abis, luy assis sus palefroy de grant eslitte, tout temps vestu en abit royal. chevauchant entre ses gens, si loing de luy, par telle et si honorable ordonnance, que, par l’aorné maintien de son bel ordre, bien peust scavoir et cognoistre tout homme, estrangier ou autre, lequel de tous estoit le Roy; ses gentilzhommes devant luy ordenez, et gens d'armes, tous estoffez, comme pour combatre, en nombre et quantité de plusieurs lances, lesquelz estoyent soubz capitaines, chevaliers notables, et tous recepvoyent beauls gages pour la desserte de cel office; les fleurs de lis en escharpe portez devant luy, et par l’escuyer d’escuierie le mantel d’ermines, l’espée et le chapel royal, selons les nobles anciennes coustumes ro yales.

Devant et après, les plus prochains du Roy chevauchoyent, les princes et barons de son sang, ses freres ou autres ; mais, nul ja ne l’approchast, se il ne l’appellast' : apres luy, plusieurs groz destriers, moult beauls en destre estoyent menez, aornez de moult riche harnois de parement; et quant il entroit en bonnes villes, où à grant joye du peuple estoit receus, ou chevauchoit parmi Paris, où toute ordonnance estoit gardée, bien sembloit estat de tres hault magnific, tres poissant et tres ordené prince.

Et ainsy ce tres sage Roy avoit chiere en tous ses faiz la noble vertu d'ordre et convenable mesure. Lesquelles serimonies royales n’accomplissoit mie tant au goust de sa plaisance, comme pour garder, maintenir et donner exemple à ses successeurs à venir, que, par solennel ordre, se doit tenir et mener le tres digne degré de la haulte couronne de France, à laquelle toute magnificence souveraine est deue et pertinent. |

{ Gr. ( 79.

C1 dit de la jeunece du roy Charles, et comment c’est grant peril quand administration de bonne doctrine n’est donnée aux enfens des princes.

N'est à mon propoz et ne quier‘ faire grant* narracion sur les fais de l’adolescence du dit Roy; et pour touchier la verité, j'entens que jeunece, par propre voulenté menée, plus perverse que à tel prince n’appartient, dominoit en luy en celluy temps, mais je suppose que ce pot estre par maulvaiz aministrateurs, Car, comme jeunece soit de soy encline à mains mouvemens hors ordre de raison, encore quant elle est conduite et exortée par maulvaiz et sans conscience anminciateurs * plus tendens à l’adulacion du jeune courage du prince, pour son gré acquerre ’, que pour le conduire par pure et deue voye, c’est un grant meschief et peril en tout grant seigneur ; car orgueil qui leur ramentoit leur haulle puissance, et jeunece qui les instruit à leur singulier plaisir en tous delis, leur ostent la crainte et regart de toute discipline, et par oultre cuidance peuent estre couduis à telle ignorance que ilz presument à eulx estre licite faire follies et choses hors ordre de bonnes meurs ; ce qui seroit lait et malhonneste à simples et povres hommes, laquelle chose est tout le contraire ; car tout ainssy que seigneurie humaine est rigle des autrès estas, est raison qu’elle soit regulée et reamplye de precieux jovaulx de vertus et de l’entendement; et, pour ce, les parens, obvians à telz inconveniens, doivent plus singulierement procurer à leur enfens bonne compaignie sage et honeste, et prendre garde à la discipline des meurs, que à leur bailler estat quelconques ne autre nourriture deliée, et pour ce, à ce propoz, treuve-l’en, en maintes escriptures, que anciennement aux enfens des roys et princes, comme autrefois ay parlé sur ceste matière estoyent quis 5

1 Gr. ( 33.

2 Gr. Ç 11.

3°Gr. 17.

4 Faute de copiste pour amenisteurs, administrateurs. 5 Lex.

6 Gr. & 33.

sages maistres philozophes, lesquelz en avoyent l’aministracion et gouvernement jusques à ce que ilz feussent parcreus et enforciz, si que Uz fussent ydoines à soustenir le fais des armes, et adont estoyent livrez à la chevalerie es mains des sages chevaliers expers en telle discipline ; car n’est mie doubte, comme il est dit par maint aucteur, tout ainssy comme la cire est apte et preste à tonte emprainte recepvoir, est l’engin de l’enfent disposé à recepvoir telle discipline comme on luy veult bailler et aprendre ; et à ce propos n’est mie sans grant peril donner auctorité de seigneurie à enfent sanz frain de sages amenistrateurs.

Et, par exemple, l’avons ou! livre des Roys, ou temps Roboam, filz Salomon *, pour ce qu'il n’avoit pas respondu sagement au peuple, ainssi comme les preudes hommes luy avoyent conseillé, mais orgueilleusement et fierement, par le conseil des jeunes avecques luy nourris en enfence, le royaume fu divisé en deux royaumes : de douze lignées, Roboam, n’en ot * que les deux, et Jeroboam, qui ot esté sergent Salomon, en ot dix.

Des enfens des chevaliers, qui est à entendre des nobles victorieux aussi, est escript que anciennement en enfence les tenoyent soubz grant crenseur : de ce est escript es histoires des Grieux * jadis triumphans, que Ligurgus, roy de Lacedemone, entre les belles loys que il estably, ordonna que les jouvenceaulx n’eussent en l’an fors une robe; fem, que les jeunes enfens, yssus hors de la primiere nourriture, fussent tirez des mignotises maternelles ; et comme oisiveté et delices soyent * à eulx comme venin destruiseur de meurs, ordonna ycelluy que separez fussent des delices des bonnes villes et nourris sus les champs en exercitacion d’aucun labeur selon leur faculté et aage. tem, que honneur aucun ne fust donné à home, fors selon les merites de ses vertus, et non parfaict honneur actribué à aulcun jusques à tant que continuée vertu l’eust parmené en l’aage de viellece et d’impotence : laquelle loy, pour l’augmentacion de vertu, pleust à Dieu que courust en noz aages, et en perpetuel temps.

Gr. ( 9.

Gr. ( 48.

Gr. ( 24.

Grecs.

Gr, À 77,

Eut cours, eut force.

D ON dd Et 10 —

Du Guesclin ‘.

Fu fait messire Bertram de Clequin, à la tres grant exaltation et exaussement du royaume, connestable de France ; et vrayment se peut de luy dire ce que dit le proverbe commun: « A tel maïistre, tel varlet ou serviteur; » car, selon la digneté du sage maistre, c’est assavoir le roy Charles, estoit aduisant* si chevalereux et vertueux lieutenant et serviteur : laquelle chose croy, qu’en leur tems, furent deux des plus solempnelz hommes, chascun en sa faculté, qui fussent ou monde, dont fois * mencion.

A propos d’icelluy Bertram, Aristote dit, en le huilieme d’Ethiques, que « de quatorze ans en avant, doit commencier le gentilhomme petit à petit, à soy exerciter es travaulx qui à armes appartiennent, pour cause, que la chose apprise et duite en jeunece est communement retenue et voulentiers continuée : et est chose perilleuse et desseant estre non appris ou mestier d’armes, quant on entre en bataille, en laquelle convient exposer son corps à mort, ains qu’on ait l'experience ; » et, comme dit celluy mesmes Aristote : « L’experience rent l’homme maistre. »

Et que exercitacion d'armes soit necessaire aux valereux chevaliers, est escript es fais des Rommains : que quant ceulx de Romme orent * deliberé que Cartage seroit destruite du tout, pour ce que trop estoit la condicion des Cartagiens rebellative, Scipio Basiqua ‘, qui lors estoit consul, contresta tant qu’il pot $ qu’elle

1 Bertrand du Guesclin, Breton, 1320-1380. D'une éducation si négligée qu'il ue sut ni lire ni écrire, mais courageux et belliqueux dès l'enfance, il s'immortalisa par son héroïsme patriotique. Il servit son pays contre le roi de Navarre et dans les longues guerres entre la France et les Anglais. Sa valeur, couronnée par la victoire, lui valut la dignité de connétable de France.

3 M. Petitot, dans sa Collection des Mémoires, 1re série, t. V, p. 388, explique advisant par assorti. On ne sait sur quoi cette interprétation se fonde. Adviser signifie entre autres donner des avis, ce qui fournit un sens hien d'accord avec l'ensemble de la pensée.

5 Je fais.

4 Gr. ( 24.

5 Nasica.

6 Gr. ( 27.

ne fust destruite, mais qu’on la laissast pour l’exercitement des Romains, affin que, par aise ou par paresse, ilz ne perdissent leur force et abilité, quant ne trouveroyent à qui combatre.

Celluy Bertram de Clequin, tres en l’aage de quinze ans, si comme il est recité de luy, se prist, par droicte nature, maulgré ses parens, à l’exercite des armes, et tousjours puis si les continua, que, sanz faille, il en estoit tres souverain maistre, si comme il paru à l'effet de ses œuvres et emprises, comme cy-apres assez en brief sera desclarié.

Cominent messire Bertram ala apres les Anglois qu’il desconfit.

Tost apres que Bertram de Clequin, comme dit est, fu fait connestable de France, gaires ne sejourna; ains, à belle compaignie de gens d’armes, se parti de Paris, et ala apres Robert Canole et Thomas de Grançon et sa compaignie, tant que il attaigni une route d’Anglois de la compaignie d’icellui Robert Canole, d’environ huit cens lances : à celle assembla le connestable, et tant fist, luy et sa gent, qu’en la fin furent Anglois desconfiz, lesquels estoyent gens d’eslicte et moult vaillamment se deffendirent, si fu pris Thomas de Grançon et jusques à quatre vingts autres groz prisonniers, et le surplus mors ‘ et fuités. Celle gracieuse victoire ot messire Bertram en primiere estraine de sa connestablie, à layde de son chevalereux sens et des bonnes gens de sa compaignie à qui souvent disoit, tout ainssi qu’il est escript que enseignoit le sage Chaton * ses chevaliers, dont, entre les autres beaulz notables, leur dist un moult beau mot, celluy Chaton : « Se, par vostre valeur vous faictes aucune bonne œuvre. le labeur passe et le benefice vous demeure tant comme vous vivrés; et se, par maulvaise voulenté, vous faictes aulcun delit, le delit passe, et l’iniquité demeure. » Ainssi, par le bon enortement de leur vail-

A 1 Lex.

2 Caton.

lant conduiseur Bertram, estoyent maistres esprouvez de tout ce qu’il convient au mestier d’armes.

Ainssi que le recite le dit livre, où il est escript, que aux bons batailleurs sont necessaires huit condicions : la primiere, qu’ilz soyent adurcis à souffrir le fais des armes. La seconde, que ilz hayent * les bras mouvables et abilles pour ferir à destre et à senestre. La tierce, que pou doivent tenir conte de leur mengiers, et non trop euls chargier de viande et de vin. La quarte, que de souefz lis ne leur doit chaloir. La quinte, que point ne doivent redoubter la mort, pour la deffence de leur prince, le bien du pays et deffense de la loy. La sixieme, qu’ilz ne doivent doubter effusion de sang. La septieme, plus neccessaire, que ilz doivent estre sages et cautilleux ou mestier des armes. La huitieme, que tant doivent desirer pris d’armes, et eschever honte, que, pour nulle chose, fuir ne doivent ; ains estre fermes et arrestez. De tout ce estoit sage maistre, qui bon disciples avoit, le preux Bertram et sa compaignie.

Ci dit d’aucunes fortreces que messire Bertram assigia et prist.

Apres que le connestable Bertram ot desconfit les dessusdis Anglois, assigia la fortresse du Bas, et par assault, à l’ayde de ses bonnes gens, la prist et y ot, que * mors, que * pris, environ quatre cens hommes Anglois, adont, pour paour du dit connestable, ceuls qui estoyent au Chastel de Ruilly s’enfuirent, mais petit y gaignerent, car il les suivi jusques à Bersieres, laquelle il prist par force; les Anglois, qui fuis s’en estoyent, se combatirent ® à luy et furent desconfis, mors et pris, et ainssi pareillement plusieurs autres fortresses. Mais à quoy feroye plus long conte qui ne seroit au propoz de ma matiere, et fors prolixité dire lesquelz

1 Gr. 24.

3 Gr. ( 46.

3 Gr. $ 67.

ile P. 4

chasteaulx, comment et quelz besongnes ot celle année aux ‘ Anglois le dit connestable? Lesquelles choses sont coustumes et maniere de polir gestes et romans, qui n’est selon l’ordre de mon entente, qui singulierement est, loer ce que fait à loer, en prouvant la verité par les fais particuliers touchier en brief, revenant au propoz de mon object; et qui plus vouldra, trouvera l’estendue sur ceste matiere, le livre des Fais messire Bertram, l’en fera sage ?.

Celle dite année, ot plusieurs batailles aux Anglois qu’il desconfit tant, qu’à l’ayde de Dieu, bonne diligence et force de luy et de sa route, furent aucques tous mors et pris par pluseurs lieux du royaume de France, comme en Guienne, ou pays d'Anjou, de Normandie et de Bretaigne, ceuls qui avoyent esté devant Paris avec Robert Canolle, l’esté devant.

Et aussi, en pluseurs autres parties du royaume, esploitierent bien et vaillamment contre Anglois, celle année, pluseurs autres chevetains du royaume de France, les freres du roy Charles, comme dit est, le bel et bon chevalier, vaillant et sage, messire Jehan de Vienne, admiral de France, aussi le chevalereux messire Loys de Sancerre, lors mareschal, et aussi le mareschal de Blainville et pluseurs autres.

Si y ot, par ces dicts vaillans chevaliers et leur gens, pluseurs besongnes entre Françoiz et Angloiz, où il ot pertes et gaignes, souventefoiz d’ambe les deux parties ; mais, par volenté de Dieu, communement, en conclusion, aux Françoiz demouroit la victoire.

Mesmes, en Limosin, y ot mains fais, tant que la ville de Limoges, par le dit frere du Roy, fu prise, et aux dictes besoingnes traire à fin moult aydierent, avec les gentilzhommes, les communes du pays, lesquelles, comme dit Vegece, en son livre de chevalerie *, souvent sont prouffitables en bataille, quant ycelle gent de commune est conduite et gouvernée soubz ordre de bons chevetains.

1 Avec les.

3 L’en instruira.

3 Flavius Vegetius Renatus, écrivain latin de la seconde moitié du quatrième siècle, a composé et dédié à l’empereur Valentinien IL Epitome inslitutionum rei militaris. C’est le « livre de chevalerie » dont parle Christine de Pizan.

Et mesmement, sont aucuns auteurs qui dire veulent, que les populaires soyent plus convenables es fais d’armes et batailles que les gentilzhommes, et mesmement ceuls de vilages; leur raison est, pour ce que mieuls ont accoustumé travaulx à porter peine, et vivre rudement et grossement que les nobles ; si, ne leur est si dur le travail des armes; mais meilleur raison y a qui ceste destruit, c’est que sens et avis, noblece de corage, desir d’onneur, et paour du contraire fait plus en fait d’armes que peine et travail de corps : lesquelles condicions plus sont communement es nobles que es populaires.

Bien est voir, que, comme dit le prealegué livre, que, pour ce que ceuls du peuple sont duis desdictes peines, prouffitables sont es batailles à pié ; et, pour ce, en telz fais, les sages ordonneurs des batailles les mectent devant et les primiers à l’assemblée.

Encore ensuivant recite le dit livre, que avec le bon sens qu'il‘ convient à gouverner chevalerie, c’est assavoir fais d'armes, est necessaire l’exercite par longue main; êt qu’il soit voir, le tesmoigne l’experience de ce que souventefoiz on voit à petit de gens expers desconfire grant route de gent, non, ou pou experte ; et, pour ce, est dit, es fais du preus Julius-Cesar, que petite porcion de ses chevaliers souffisoyent à conquerir grant pays.

Dit oultre le dit livre, que le duc ou chevetaine de l’ost doit ordonner ses batailles, selon l’avantage de la place, et le champ où la bataille doit estre, et ordonner que ses gens voisent* serrez et sanz desrouter; et s’aucun y a qui communement soit cousiumier de desrouter, soit bouté hors, car il pourroit nuire aux autres. Deux grans maulx, ce dit, peut ensuivre * de bataille desroutée : l’un est, que les ennemis y peuent entrer plous legierement ; l’autre est, que les batailles sont si empressées *, que ilz ne peuent combatre : pour ce, est neccessaire tenir ordre arrengié et comme un mur serré et joint ensemble.

4 Gr. $ 61.

2 Gr. $ 25.

3 {Il) peut ensuivre deux grands maux.

4 Chacun se hâtaut de son côté d'en venir aux mains.