II. — OR DIENT ET CONTENT ET FABLOIENT

« Hé ! )) fait Nicolete, (( l'ame de ton pere et de ta mere soit en beneoit repos, quant si bêlement et si cortoisement le m'as ore dit! Se Dieu plaist, je m'en garderai bien, et Dieus m'en gart! »

Ele s'estreint en son mantel en l'ombre del piler, tant que cil furent passé outre, et ele prent congié a Aucassin, si s'en va tant qu'ele vint al mur del chastel^. Li murs fu dépeciez, s'estoit rehordez, et ele monta dessoure, si list tant qu'ele fu entre le mur et le fossé, et ele garda contreval, si vit le fossé mout parfont et mont roiste, s'ot mont grant peor. « Hé ! Dieus ! )) fait ele, « douce créature! Se je me lais cheoir, je briserai le col, et se je remaing ci, on me prendra demain, si m'ardra on en un