PARIS OUVRE SES PORTES A CHARLES VU ET CHASSE LES ANGLOIS
En celliiy Vendredy d'après Pasques vinrent devant Paris les seigneurs de la Bande devant ditte; c'est assavoir le Comte de Richemont qui estoit Connestable de par le Roy Charles, le bastard d'Orléans, le Seigneur de l'Isle Adam^ et plusieurs autres seigneurs droit à la Porte S. Jaques, et parlèrent aux Portiers, disant, laissez nous entrer dedens Paris paisiblement, ou vous serez tous mors, par famine, par cher temps ou autrement; les gardes de la Porte regardèrent par dessus les murs, et virent tant de peuple armé, qu'ils ne cuidoient mie que toutte la puissance du Roy Charles pust finer^ de la moitié d'autant de gens d'armes, comme ils povaient veoir, si orent paour, et doubterent^ moult la fureur, si se consentirent à les bouter dedens la Ville, et entra le premier le Seigneur de l'Isle-Adam par une grant eschelle qu'on luy avalla,^ et mit la Bannière de France dessus îa Porte criant Ville gaignée. Le peuple en sceut parmy Haris la nouvelle , si prindrent tantost la Croix blanche droite , ou la Croix S. Andry (X). L'Evesque de Teroiianne quand il vit la besongne ainsi tournée, si mandat le Prévost et le Seigneur Huillebit, et tous les Angloys,^ et furent tous armez au mieulx qu'ils porent, d'aultre part ceulx de Paris prindrent cueur par nng bon Bourgeois nommé Michel de Lalier, et autres plusieurs qui estoient cause de ladite entrée, si firent armer le peuple, et allèrent droit à la Porte Saint Denis, et furent tantost^ trois à quatre mille hommes que'' de Paris, que'' des Villaiges qui tant avoient grant hayne aux Angloys et aux Gouverneurs, qui^ autre chose ne desiroient que les destruire ; comme ils estoient à garder ladite Porte, et les gouverneurs devant diz orent assemblez leurs Angloys, si firent trois batailles, en l'une le sire de Huillebit, en l'autre le Chancelier et le Prévost, et en l'autre Jehan l'Archer, ung des plus crueux^ chrestien du monde, et estoit Lieutenant du Prévost un gros villain comme un cagouXjio et pour ce qu'ils craignoient moult le quartier des Halles y fut envoyé le Prévost a^^ toutte son armée, et en allant trouva nng sien Compère, ung tres-bon Marchand nommé le Vavasseur, qui lui dit. Monsieur mon Compère, ayez pitié de vous; car je vous promets qu'il convient à ceste foys faire la paix, ou nous sommes tous destruits. Comment, dit-il, Traistre es-tu tourné, et sans plus rien dire le fiert^^ de son espée par le travers du visaige dont il cheut, et après le fit tuer
' Ile -Adam, petite ville dans le département de Seine et Oise. — Le seigneur de l'Isle Adam avait nom Vilîiers^ et occupait alors la haute position de Maréchal de France; c'était un des partisans du duc de Bourgogne, mais après l'assassinat de ce prince, n'ayant pu s'accorder avec Henri V, roi d'Angleterre, il fut mis à la Bastille. Il n'en sortit qu'à la mort de ce monarque. Il fut tué à Bruges, dans une émeute, en 1437.
^ Venir à bout. ^ Redoutèrent.
4 Avaler, le sens propre de ce mot est faire descendre.
5 Les Anglais, comme on sait, étaient maîtres de Paris. 6 Bientôt. "* Tant de . . . que. ® Qui pour gue. ^ Crueux pour cruels.
10 Cagou, cagoi. — Ainsi furent nommés les Sarrazins qui restèrent en Gasoogne du temps de Charles Martel. Méprisés, haïs, malfamés, leur nom devint un terme d'injure. n A = avec. 12 Frappe.
